Meditation verse - யோவான் 11: 37 / John 11:37

 வேதாகமத் தியானம் - எண்:- 1,465

'ஆதவன்' 💚பிப்ருவரி 10, 2025. 💚திங்கள்கிழமை

"அவர்களில் சிலர்: குருடனுடைய கண்களைத் திறந்த இவர். இவனைச் சாகாமலிருக்கப்பண்ணவும் கூடாதா என்றார்கள்." ( யோவான் 11: 37)

தேவனது மேலான நோக்கம் என்ன என்று அறியாமல் எதனையும் குறுகிய கண்ணோட்டத்தோடு  பார்க்கும் மனிதர்களின் மனநிலையினை இன்றைய தியான வசனம் நமக்கு எடுத்துக் கூறுகின்றது. ஆவிக்குரிய வாழ்வு வாழும்போது நம்மைக்குறித்தும் சிலர் இத்தகைய பேச்சுக்களை பேசலாம். "அப்படிச் செய்திருக்கக் கூடாதா? இப்படிச்செய்திருக்கக் கூடாதா?" என்று குறைகூறிக்கொண்டிருப்பார்கள்.

ஒரு சிறந்த ஓவியர்  தனது தூரிகையால் ஓவியம் வரைந்து கொண்டிருக்கும்போது முதலில் நாம் அவர் என்ன வரைகின்றார் என்பதனைக் கண்டு பிடிக்கமுடியாது. எந்த அழகும் அதில் இருக்காது. ஆனால் ஒரு சில நாட்கள் கழித்து அவர் அந்த ஓவியத்தை வரைந்து முடித்த பின்னர் அதன் அழகை நாம் கண்டுணரமுடியும். இதுபோலவே, சிலைவடிக்கும் சிற்பி கல்லை செதுக்கும்போது அவன் என்னசெய்ய முயலுகின்றான் என்பது நமக்குத் தெரியாது. முடிவில் அவனது செயலை நாம் பாராட்டுவோம்.

இதுபோலவே நமது வாழ்வில் நடக்கும் பல நிகழ்வுகளும் அமைகின்றன. நமது வாழ்வில் தேவன் கொண்டுள்ள திட்டம் நமக்குத் தெரியாததால் நாம் பலவேளைகளில் அவரைக் குறை சொல்லிக்கொண்டிருக்கின்றோம்.  ஆம் அன்பானவர்களே, ஆனால் எதற்கும் ஒரு தேவ நோக்கம் உண்டு. எனது வாழ்வில் நல்ல வேலை கிடைக்கவில்லை எனும் கவலை எனக்கு இருந்தது உண்மை. ஆனால் தேவன் என்னைக்குறித்து வேறு திட்டம் வைத்திருந்தார்.  உலக வேலை கிடைத்திருந்தால் ஒருவேளை அதிகம் பொருள் சம்பாதித்திருப்பேன். ஆனால் மெய்யான செல்வமான கிறிஸ்து இயேசுவை அறியாமல் போயிருப்பேன்.

லாசர் மரித்துப்போனபோது அங்கு கூடியிருந்த யூதர்கள் இயேசுவைகுறித்துக் கூறிய வார்த்தைகளே இன்றைய தியான வசனம். குருடனுடைய கண்களைத் திறந்த அவரால் லாசரைச் சாகாமலிருக்கச் செய்திருக்கவும் முடியும். ஆனால் தேவனது சித்தம் அதனைவிட மேலானது. லாசர் சாகவேண்டும்; அவனை நான்காம் நாளில் உயிரோடு எழுப்பவேண்டும், அதன்மூலம் கிறிஸ்து மகிமைப்படவேண்டும்.  அவன் சாகாமல் இருந்தால் இவை நடைபெற்றிருக்காது. 

இதுபோலவே கிறிஸ்து சிலுவையில் அறையப்பட்டபோதும் நடந்தது. "ஜனங்கள் நின்று பார்த்துக்கொண்டிருந்தார்கள். அவர்களுடனேகூட அதிகாரிகளும் அவரை இகழ்ந்து: இவன் மற்றவர்களை இரட்சித்தான், இவன் தேவனால் தெரிந்துகொள்ளப்பட்ட கிறிஸ்துவானால், தன்னைத்தானே இரட்சித்துக்கொள்ளட்டும் என்றார்கள்." ( லுூக்கா 23: 35)

ஆனால் கிறிஸ்து மரித்து கிறிஸ்து மகிமையடைய வேண்டுமென்பதே பிதாவின் சித்தம்.அதன்மூலமே அவர் இந்த மகிமையை அடைந்தார். இதனையே நாம், "என்றாலும், தேவனுடைய கிருபையினால் ஒவ்வொருவருக்காகவும், மரணத்தை ருசிபார்க்கும்படிக்கு தேவதூதரிலும் சற்றுச் சிறியவராக்கப்பட்டிருந்த இயேசு மரணத்தை உத்தரித்ததினிமித்தம் மகிமையினாலும் கனத்தினாலும் முடிசூட்டப்பட்டதைக் காண்கிறோம்." ( எபிரெயர் 2: 9) என்று வாசிக்கின்றோம். 

நமது வாழ்விலும் சிலவேளைகளில் நம்மைக் குறித்துச் சிலர் இதுபோல அற்பனான காரியங்களைப்  பேசலாம். ஆனால் தேவனோடு நாம் உறவில் வாழும்போது தேவன் தனது சித்தத்தை நமக்கு வெளிப்படுத்துவதால் நாம்  கவலைப்படாமல் இருக்க முடியும். சர்வ வல்லவரான தேவன் நம்மோடு இருந்து நமது முன்னிலைமையிலும் பின்னிலைமையை உயர்த்தும்போது கிறிஸ்துவின் மகிமை நம்மூலம் மற்றவர்களுக்கு வெளிப்படும். 

தேவ செய்தி :- சகோ. எம். ஜியோ பிரகாஷ்             

Bible Meditation - No: 1,465
AATHAVAN💚 February 10, 2025. 💚 Monday

"And some of them said, Could not this man, which opened the eyes of the blind, have caused that even this man should not have died?" (John 11:37)

Today's meditation verse highlights the mindset of people who, without understanding God's higher purpose, tend to look at things with a limited perspective. When we live a spiritual life, some may speak similarly about us: "Couldn't this have been done differently? Shouldn't it have happened another way?"

When a skilled artist paints a picture, at first, we may not understand what he is creating. There might not be any visible beauty. But after a few days, when the painting is complete, we will recognize its beauty. Similarly, when a sculptor chisels a stone, we may not initially perceive what he is shaping. But in the end, we will admire his work.

Likewise, many events in our lives unfold in a similar manner. Since we do not know God's plan for us, we often complain against Him. Yes, dear ones, but God has a divine purpose for everything. I once worried about not getting a good job. But God had a different plan for me. If I had secured a worldly job, I might have earned a lot of money, but I would have missed knowing the true riches—Christ Jesus.

When Lazarus died, the Jews who were present spoke these words about Jesus, as mentioned in today's meditation verse. The one who opened the eyes of the blind could have kept Lazarus from dying. But God's will was far greater than that. Lazarus had to die so that Jesus could raise him on the fourth day, and through this, Christ would be glorified. If Lazarus had not died, this miraculous event would not have taken place.

The same happened when Christ was crucified.

"And the people stood beholding. And the rulers also with them derided him, saying, He saved others; let him save himself, if he be Christ, the chosen of God." (Luke 23:35)

But the will of the Father was that Christ should die and be glorified. Through this, He attained that glory. As we read:

"But we see Jesus, who was made a little lower than the angels for the suffering of death, crowned with glory and honour; that he by the grace of God should taste death for every man." (Hebrews 2:9)

Likewise, at times, people may speak trivial words about us. But when we live in close fellowship with God, He will reveal His will to us, allowing us to remain unshaken. When the Almighty God is with us, He will elevate our present and future, and through us, the glory of Christ will be revealed to others.

Message of God: Bro. M. Geo Prakash