❤️Meditation verse - லுூக்கா 18: 7 / Luke 18:7

 வேதாகமத் தியானம் - எண்:- 1,487    

'ஆதவன்' 💚மார்ச் 04, 2025. 💚செவ்வாய்க்கிழமை  

"அந்தப்படியே தேவன் தம்மை நோக்கி இரவும் பகலும் கூப்பிடுகிறவர்களாகிய தம்மால் தெரிந்து கொள்ளப்பட்டவர்களின் விஷயத்தில் நீடிய பொறுமையுள்ளவராயிருந்து அவர்களுக்கு நியாயஞ்செய்யாமலிருப்பாரோ?" ( லுூக்கா 18: 7)

பலவேளைகளில் நாம் எவ்வளவுதான் ஜெபித்தாலும் நமது ஜெபங்களுக்குத் தேவனிடமிருந்து எந்தப் பதிலும் வராததுபோலத் தெரியும். பல நாட்களாக நாம் ஜெபித்தும் தேவன் அதனைக் கேட்காததுபோல நமக்குத் தெரியும். இதனால் பலர் சிலவேளைகளில் சோர்ந்துபோவதுண்டு. ஆனால் தேவன் நமது ஜெபங்களை மட்டுமல்ல, நமது பிரச்சனையின் ஆழத்தினை, நமது உள்ளக் குமுறல்களை  எல்லாம் நன்கு அறிவார். மட்டுமல்ல, அவர் நமது தகப்பனைப் போன்றவர். எனவே நிச்சயம் நமது ஜெபங்களுக்குப் பதில் தந்து நம்மை மகிழ்ச்சிப்படுத்துவார். 

இயேசு கிறிஸ்துவின் காலத்தில் இப்போது இருப்பதுபோன்ற நீதிமன்றங்கள் இருந்ததில்லை. மாறாக, அரசாங்கத்தால் நியமிக்கப்பட்ட நியாயாதிபதிகள் (Judges) நகரங்களில் நியமிக்கப்பட்டிருந்தனர். மக்கள் தங்கள் பிரச்சனைகளை அவர்களிடம் கொண்டுசென்றால் அவர்கள் அதனை விசாரித்துத் தீர்ப்புச் சொல்வார்கள். இயேசு இத்தகைய ஒரு நியாயாதிபதியைத் தேவனோடு ஒப்பிட்டு கூறிய உவமையில்  இன்றைய தியான வசனத்தைக் கூறுகின்றார்.   

அந்த நியாயாதிபதியைக்குறித்து அவர் கூறுகின்றார், "அவன் தேவனுக்குப் பயப்படாதவனும் மனுஷரை மதியாதவனுமாயிருந்தான்." ( லுூக்கா 18: 2) என்று. இத்தகைய நீதிபதிகள் அன்று மட்டுமல்ல, இன்றும் நமது நாட்டில் அதிகம்பேர் உண்டு.  இன்று பணத்துக்கும் பதவிக்கும் மதிப்பளித்து ஏழைகளுக்கு முறையான நீதிவழங்காமல் அவர்களை அவமதிக்கும் நீதிபதிகளை நாம் பார்க்கின்றோம். இயேசு கூறும் நீதிபதி அத்தகையவன்தான். 

இந்த நீதிபதியிடம் ஒரு விதவை ஒரு வழக்குக்காக தீர்ப்புவேண்டி வருகின்றாள். ஆனால் அவன் அவளது குரலை மதிக்கவில்லை. காரணம் விதவைதானே இவளிடம் நமக்குத் தரும்படி பணம் எதுவும் இருக்காது என்று கருதினான்.  எனவே அவளை அவன் புறக்கணித்தான். ஆனால் அவளோ விடாது அவனைத் தொந்தரவு செய்து தனக்கு நீதி வழங்கவேண்டி வற்புறுத்தினாள். இறுதியில் அவளது தொந்தரவு தாங்காமல் அவளது வழக்கை விசாரித்துத் தீர்ப்புச் சொல்கிறான்.  

இந்த நீதிபதியை இயேசு தேவனோடு ஒப்பிட்டுக் கூறுகின்றார், "அநீதியுள்ள இந்த துன்மார்க்க நீதிபதி தன்னை நோக்கிக் கூப்பிட்ட விதவையின்  உபத்திரவத்தைத்  தாங்கமுடியாமல் அவளுக்குத் தீர்ப்புச் செய்தானே, அப்படியானால் நீதியுள்ள தேவன் தன்னை நோக்கி இரவும் பகலும் கூப்பிடும் நமது ஜெபங்களுக்குப் பதில்தராமல் இருப்பாரா?" என்று கேட்கின்றார். 

நாம் தேவனுக்கேற்ற நீதியுள்ள வாழ்க்கை வாழ்ந்து வருவோமானால்  நமது ஜெபத்துக்கு தேவனது ஏற்ற பதிலைப் பெறுவோம்.  "நீங்கள் சொஸ்தமடையும்படிக்கு, உங்கள் குற்றங்களை ஒருவருக்கொருவர் அறிக்கையிட்டு, ஒருவருக்காக ஒருவர் ஜெபம்பண்ணுங்கள். நீதிமான் செய்யும் ஊக்கமான வேண்டுதல் மிகவும் பெலனுள்ளதாயிருக்கிறது." ( யாக்கோபு 5: 16) என்று கூறுகின்றது வேதாகமம்.

"எல்லாவற்றிற்கும் முடிவு சமீபமாயிற்று; ஆகையால் தெளிந்த புத்தியுள்ளவர்களாயிருந்து, ஜெபம்பண்ணுவதற்கு ஜாக்கிரதையுள்ளவர்களாயிருங்கள்." (1 பேதுரு 4: 7) என்று நமக்கு அறிவுறுத்துகின்றார் பேதுரு. ஆம் அன்பானவர்களே, நமது ஜெபவிண்ணப்பத்துக்கு முடிவு சமீபமாயிற்று. நமது தேவன் அநீதியுள்ளவரல்ல. அநீதியான நியாயாதிபதியே ஏழை விதவையின் தொடர்ந்த கூக்குரலுக்குச் செவிகொடுத்து ஏற்ற தீர்ப்புக் கூறினானென்றால் நீதியுள்ள நியாயாதிபதியான தேவன் நமது ஜெபத்துக்கு ஏற்ற பதில்தராமல் இருப்பாரா? உறுதியுடன் ஜெபத்தில் தரித்திருப்போம்.

தேவ செய்தி :- சகோ. எம். ஜியோ பிரகாஷ்                                                     

Scripture Meditation - No. 1,487
AATHAVAN 💚 March 04, 2025 💚 Tuesday

"And shall not God avenge his own elect, which cry day and night unto him, though he bear long with them?" (Luke 18:7, KJV)

Often, it may seem that no matter how much we pray, there is no response from God. It may appear as though God has not heard our prayers even after many days of pleading. This can lead many to feel discouraged at times. However, God not only hears our prayers but also understands the depth of our problems and the turmoil within our hearts. Moreover, He is like a Father to us. Therefore, He will surely answer our prayers and bring us joy.

During the time of Jesus Christ, there were no courts like we have today. Instead, government-appointed judges were stationed in cities. People would bring their cases to these judges, who would then investigate and deliver a verdict. In one of His parables, Jesus compares such a judge to God and shares today’s meditation verse.

About this judge, Jesus says, "There was in a city a judge, which feared not God, neither regarded man." (Luke 18:2, KJV). Such judges existed not only in those days but even today in our country. We see many judges who, swayed by money and power, deny justice to the poor and treat them with contempt. The judge Jesus speaks of was exactly like this.

A widow comes to this judge seeking justice for her case. However, he disregards her plea, thinking, "She is just a widow; there’s nothing she can offer me." So, he ignores her. But she persists, troubling him and demanding justice. Finally, unable to bear her persistence, he investigates her case and delivers a verdict.

Jesus compares this unjust judge to God and asks, "If this unrighteous judge, who neither feared God nor respected man, could grant justice to the widow because of her persistence, how much more will the righteous God answer the prayers of those who cry out to Him day and night?"

If we live a righteous life pleasing to God, we will receive His fitting response to our prayers. The Scripture says, "Confess your faults one to another, and pray one for another, that ye may be healed. The effectual fervent prayer of a righteous man availeth much." (James 5:16, KJV).

Peter advises us, "But the end of all things is at hand: be ye therefore sober, and watch unto prayer." (1 Peter 4:7, KJV). Yes, dear friends, the end of our prayer petitions is near. Our God is not unjust. If even an unrighteous judge could heed the persistent cries of a poor widow and grant her justice, how much more will the righteous Judge, God, answer our prayers? Let us remain steadfast in prayer.

Gospel Message: Bro. M. Geo Prakash