❤️Meditation verse - எபிரெயர் 4: 13 / Hebrews 4:13

 வேதாகமத் தியானம் - எண்:- 1,485    

'ஆதவன்' 💚மார்ச் 02, 2025. 💚ஞாயிற்றுகிழமை  

"அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய, கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்." ( எபிரெயர் 4: 13)

இந்த உலகத்தில் நாம் செய்யும் செயல்பாடுகள் அனைத்தையும் தேவன் அமைதியாகப்  பார்த்துக்கொண்டுதான் இருக்கின்றார். ஆனால் மனிதர்கள் நாம் இதனை உணர்வதில்லை. இன்று மனிதர்கள் தங்கள் மூளை அறிவால் CCTV கேமராக்களை உருவாகியுள்ளனர். இந்த கேமராக்கள் மூலம் பல்வேறு திருட்டுக்கள் தப்பிதங்கள் கண்டுபிடிக்கப்பட்டு குற்றவாளிகள் தண்டிக்கப்படுவதை நாம் அறிவோம். மனித அறிவே இத்தகைய கண்காணிப்புக் கருவியைக் கண்டுபிடிக்கமுடியுமானால் தேவனது அறிவு எத்தகைய வல்லமையுள்ளதாக இருக்குமென்று எண்ணிப்பாருங்கள்!

நாம் இருக்கும் இடத்தையும், நமது செயல்பாடுகளையும் கண்காணித்துக் கொண்டிருக்கிறார்கள் என்று அறியும்போது மனிதர்கள் பொதுவாக நல்லவர்களாக நடந்துகொள்கின்றனர். பல கடைகளிலும் பொது இடங்களிலும், "நீங்கள் CCTV கேமரா கண்காணிப்பில் இருக்கிறீர்கள்" என்று அறிவிப்புகள் எழுதப்பட்டிருக்கும்.  அங்கு பலரும் நல்லவர்களாக நடந்துகொள்கின்றனர். காரணம் தண்டிக்கப்பட்டுவிடுவோம் எனும் பயம். 

அன்பானவர்களே, இதுபோலவே தேவன் நம்மைக் கண்காணித்துக் கொண்டிருக்கிறார். இதனையே இன்றைய தியான வசனம், "அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய, கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்." என்று கூறி நம்மை எச்சரிக்கின்றது. 

தங்களது சொத்துக்களை விற்ற அனனியா, சப்பீராள் எனும் தம்பதியினர் விற்ற பணத்தில் சிறிதளவு பணத்தை தங்களுக்கென்று வைத்துக்கொண்டு மிச்ச பணத்தை பேதுருவிடம்   ஒப்படைத்தனர்.  அந்தப்பணம் அவர்களுக்கு உரிமைப்பட்டதுதான். ஆனால் தேவனுக்கென்று கொடுக்கத் தீர்மானித்தபின் அது தேவனுக்கு உரிமையுள்ளதாயிற்று. அந்தப்பணத்தில்தான் சிறிதளவு பணத்தை அவர்கள் தங்களுக்கென்று வைத்துக்கொண்டனர்.   

ஆனால் அவர்களது இந்தச் செயல் தேவனுக்கு மறைவானதாக இருக்கவில்லை. அவர் ஆவியானவர்மூலம் பேதுருவுக்கு இதனை வெளிப்படுத்திக்கொடுத்தார். எனவே, "பேதுரு அவனை நோக்கி: அனனியாவே, நிலத்தின் கிரயத்தில் ஒரு பங்கை வஞ்சித்துவைத்து, பரிசுத்த ஆவியினிடத்தில் பொய்சொல்லும்படி, சாத்தான் உன் இருதயத்தை நிரப்பினதென்ன?" ( அப்போஸ்தலருடைய நடபடிகள் 5: 3) என்று கேட்கின்றார். 

ஆம், தேவன் தனது வார்த்தையால் நம்மை நியாயம்தீர்க்கும்போது நாம் அவரை ஏமாற்ற முடியாது. "தேவனுடைய வார்த்தையானது ஜீவனும் வல்லமையும் உள்ளதாயும், இருபுறமும் கருக்குள்ள எந்தப் பட்டயத்திலும் கருக்கானதாயும், ஆத்துமாவையும், ஆவியையும், கணுக்களையும் ஊனையும் பிரிக்கத்தக்கதாக உருவக் குத்துகிறதாயும், இருதயத்தின் நினைவுகளையும் யோசனைகளையும் வகையறுக்கிறதாயும் இருக்கிறது." ( எபிரெயர் 4: 12)

எனவே நாம் கவனமுடன் நமது ஆவிக்குரிய வாழ்வைத் தொடர்வோம். நமது அனைத்துப் பேச்சுக்களையும் செயல்பாடுகளையும் CCTV கேமரா கண்காணிப்பதைவிட அதிக வல்லமையுடன் தேவன் பார்த்துக்கொண்டிருக்கிறார்.  அவர் தனது வார்த்தையால் நம்மை நியாயம் தீர்க்கும்போது நாம் அவரை ஏமாற்ற முடியாது. இந்த உணர்வோடு நாம் வாழ்வோமானால் நமது வாழ்க்கையும், பேச்சுக்களும் செயல்பாடுகளும் தேவனுக்கு ஏற்றவையாக, வித்தியாசமானவையாக இருக்கும். 

தேவ செய்தி :- சகோ. எம். ஜியோ பிரகாஷ்                

Scripture Meditation - No. 1,485

AATHAVAN💚 March 02, 2025 💚 Sunday 

"Neither is there any creature that is not manifest in His sight: but all things are naked and opened unto the eyes of Him with whom we have to do." (Hebrews 4:13, KJV)

In this world, God is silently observing all our actions. However, we often fail to realize this. Today, humans have used their intellectual abilities to create CCTV cameras. Through these cameras, various thefts and wrongdoings are detected, and the guilty are punished. If human intelligence can create such surveillance tools, imagine how much more powerful God's knowledge must be!

When people know they are being watched, they generally behave well. In many shops and public places, signs like "You are under CCTV surveillance" are displayed. In such places, people tend to act responsibly, fearing punishment if they misbehave.

Beloved, in the same way, God is watching over us. Today's meditation verse warns us: "Neither is there any creature that is not manifest in His sight: but all things are naked and opened unto the eyes of Him with whom we have to do." This reminds us that nothing is hidden from God, and we must give an account to Him.

Consider the story of Ananias and Sapphira, who sold their property and kept back part of the money for themselves while presenting the rest to Peter. The money was rightfully theirs, but once they decided to dedicate it to God, it belonged to Him. By withholding a portion, they deceived not man but God. Their action was not hidden from Him, and through the Holy Spirit, God revealed their deceit to Peter. Peter said to Ananias, "Ananias, why hath Satan filled thine heart to lie to the Holy Ghost, and to keep back part of the price of the land?" (Acts 5:3, KJV)

Yes, when God judges us by His Word, we cannot deceive Him. "For the word of God is quick, and powerful, and sharper than any two-edged sword, piercing even to the dividing asunder of soul and spirit, and of the joints and marrow, and is a discerner of the thoughts and intents of the heart." (Hebrews 4:12, KJV)

Therefore, let us live our spiritual lives with great care. God watches over us with far greater power than any CCTV camera. When He judges us by His Word, we cannot deceive Him. If we live with this awareness, our lives, words, and actions will be pleasing and distinct in His sight.

Gospel Message: Bro. M. Geo Prakash