பாவங்களை ஒத்துக்கொள்ளும்போது ...../ WHEN ACCEPTING OUR SINS

 'ஆதவன்' வேதாகமத் தியானம் - எண்:- 1,034,              நவம்பர் 27, 2023 திங்கள்கிழமை

"கர்த்தாவே, எங்கள் அக்கிரமங்கள் எங்களுக்கு விரோதமாய்ச் சாட்சியிட்டாலும், உம்முடைய நாமத்தினிமித்தம் கிருபைசெய்யும்; எங்கள் சீர்கேடுகள் மிகுதியாயிருக்கிறது; உமக்கு விரோதமாய்ப் பாவஞ்செய்தோம்." ( எரேமியா 14 : 7 )

பாவம் செய்யும்போது மன சமாதானம் கெடுகின்றது. இதனால் பாவம் செய்யும் பலரும் தங்கள் மனச்சாட்சியில் குத்தப்பட்டுப் பாவ மன்னிப்பைத்தேடி அலைகின்றனர். எல்லா மதங்களிலும் பாவத்திலிருந்து விடுதலைபெற பல்வேறு சடங்குகள், சம்ரதாயங்கள் கூறப்பட்டுள்ளன. 

ஆனால், நமது கர்த்தர் ஆதிகாலமுதல் தனது கிருபையினால்தான்  மனிதர்களது பாவங்கள் மன்னிக்கப்படும் என்பதனை மக்களுக்கு உணர்த்தியுள்ளார். சடங்குகள் அல்ல, மனதில் பாவ உணர்வடைதலே முக்கியம். இதனாலேயே எரேமியா இன்றைய வசனத்தில்,  "கர்த்தாவே, எங்கள் அக்கிரமங்கள் எங்களுக்கு விரோதமாய்ச் சாட்சியிட்டாலும், உம்முடைய நாமத்தினிமித்தம் கிருபைசெய்யும்" என்று கெஞ்சுகின்றார். 

பாவம் செய்தல் மனிதர்களது பிறவிக்குணம். இயற்கையிலேயே நம்முள் பாவம் உள்ளது. அது ஆதாம் ஏவாளால் வந்த வித்து. "இதோ, நான் துர்க்குணத்தில் உருவானேன்; என் தாய் என்னைப் பாவத்தில் கர்ப்பந்தரித்தாள்." ( சங்கீதம் 51 : 5 ) என்கின்றார் தாவீது. 

"அதெப்படியெனில், என்னிடத்தில், அதாவது, என் மாம்சத்தில், நன்மை வாசமாயிருக்கிறதில்லையென்று நான் அறிந்திருக்கிறேன்; நன்மை செய்யவேண்டுமென்கிற விருப்பம் என்னிடத்திலிருக்கிறது நன்மை செய்வதோ என்னிடத்திலில்லை. ஆதலால் நான் விரும்புகிற நன்மையைச் செய்யாமல், விரும்பாத தீமையையே செய்கிறேன்." ( ரோமர் 7 : 18, 19 ) என்கின்றார் பவுல் அப்போஸ்தலர்.

அன்பானவர்களே, இந்தப் பாவ வாழ்விலிருந்து விடுதலை அளிக்கவே கர்த்தராகிய இயேசு கிறிஸ்து உலகினில் வந்தார். பிதாவாகிய தேவன், "இஸ்ரவேலுக்கு மனந்திரும்புதலையும் பாவமன்னிப்பையும் அருளுகிறதற்காக, அவரை அதிபதியாகவும் இரட்சகராகவும் தமது வலதுகரத்தினாலே உயர்த்தினார்." ( அப்போஸ்தலருடைய நடபடிகள் 5 : 31 ) என்று வேதம் கூறுகின்றது. 

எனவே, "அவரை விசுவாசிக்கிறவன் எவனோ அவன் அவருடைய நாமத்தினாலே பாவமன்னிப்பைப் பெறுவானென்று தீர்க்கதரிசிகளெல்லாரும் அவரைக்குறித்தே சாட்சி கொடுக்கிறார்கள்." ( அப்போஸ்தலருடைய நடபடிகள் 10 : 43 )

நமது பலவீனங்கள் அவருக்குத் தெரியும். ஆனால் நாம் அவற்றை ஒத்துக்கொள்ளவேண்டும். எரேமியா கூறுவதுபோல, "எங்கள் அக்கிரமங்கள் எங்களுக்கு விரோதமாய்ச் சாட்சியிட்டாலும், உம்முடைய நாமத்தினிமித்தம் கிருபைசெய்யும்; எங்கள் சீர்கேடுகள் மிகுதியாயிருக்கிறது; உமக்கு விரோதமாய்ப் பாவஞ்செய்தோம்." என்று உள்ளத்தின் அடித்தளத்திலிருந்து நாம் கூற முடியுமானால் அவரது மீட்பு அனுபவத்தைப் பெறலாம். 

இன்று கிறிஸ்தவர்கள் பலரும் மீட்பு அனுபவம் பெறாமலிருக்கக்காரணம் பாவ உணர்வில்லாத அவர்களது இதயம்தான். கிறிஸ்தவ ஊழியர்களும் இதற்கு முக்கியத்துவம் கொடுக்காமல் உலக ஆசீர்வாதங்களுக்கே முக்கியத்துவம் கொடுத்து போதித்து மக்களை அறியாமைக்குள் வைத்துள்ளனர். 

எனவே பாவத்தைக்குறித்து நாம் பேசும்போது,   "நான் என்ன பெரிய பாவம் செய்துவிட்டேன்?" என்றும்  கேட்பது, அல்லது மற்றவர்களுடன் தங்களை ஒப்பிட்டு, "உலகத்துல ஒவ்வொருவனும் என்னென்னமோ பெரிய பாவம் செய்கிறான்...... அவனெல்லாம் நல்லாதானே இருக்கிறான்? நான் அப்படி என்ன பெரிய பாவம் செய்தேன்?" என்றும்  தங்களுக்குள் கூறிக்கொள்கின்றனர். அன்பானவர்களே, இத்தகைய குணங்கள் நம்மில் இருந்தால் அவற்றை விட்டு கர்த்தரிடம் திரும்புவோம்.   

"நமக்குப் பாவமில்லையென்போமானால், நம்மை நாமே வஞ்சிக்கிறவர்களாயிருப்போம், சத்தியம் நமக்குள் இராது. நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்." ( 1 யோவான்  1 : 9 )

"கர்த்தாவே, எங்கள் அக்கிரமங்கள் எங்களுக்கு விரோதமாய்ச் சாட்சியிட்டாலும், உம்முடைய நாமத்தினிமித்தம் கிருபைசெய்யும்"

தேவ செய்தி:- ✍️ சகோ. எம். ஜியோ பிரகாஷ்            

AATHAVAN' BIBLE MEDITATION No:1,034                                    Monday, November 27, 2023

"O LORD, though our iniquities testify against us, do thou it for thy name's sake: for our backslidings are many; we have sinned against thee." (Jeremiah 14: 7)

When you commit sin, peace of mind is disturbed. Due to this, many people who commit sins are pricked in their conscience and seek forgiveness. In all religions various rituals and formalities are mentioned to get rid of sin.

But our Lord from the beginning of time, has made people realize that it is only by His grace that the sins of men will be forgiven. It is not the rituals that matter, but the awareness of sin in the mind. This is why Jeremiah pleads in today's verse, “LORD, though our iniquities testify against us, do thou it for thy name's sake: for our backslidings are many; we have sinned against thee." 

Sin is human nature. We have sin by nature. It was the seed from Adam and Eve. "Behold, I was shapen in iniquity; and in sin did my mother conceive me." (Psalms 51: 5) says David.

"For I know that in me (that is, in my flesh,) dwelleth no good thing: for to will is present with me; but how to perform that which is good I find not. For the good that I would I do not: but the evil which I would not, that I do." (Romans 7: 18,19) Paul the apostle said.

Beloved, Lord Jesus Christ came into the world to deliver us from this sinful life. God, the Father, "hath exalted (Jesus) with his right hand to be a Prince and a Saviour, for to give repentance to Israel, and forgiveness of sins." (Acts 5: 31) says the scriptures.

Therefore, "To him give all the prophets witness, that through his name whosoever believeth in him shall receive remission of sins." (Acts 10: 43)

God knows our weaknesses. But we must accept them. As Jeremiah says, "Though our iniquities testify against us, be merciful to your name; our iniquities are great; we have sinned against you." If we can say that from the bottom of the soul, we can experience his redemption.

The reason many Christians today do not experience salvation is because of their unfeeling heart. Most of the Christian evangelists and preachers have also kept the people in ignorance by giving importance to the blessings of the world without giving importance to this.

So, when we talk about sin, they ask, "What great sin have I committed?" or comparing themselves to others, "Everybody in the world commits some major sin... Is everyone living a good life? What major sin did I commit?" They say to themselves. Beloved, if we have such qualities, let us leave them and return to God.

"If we say that we have no sin, we deceive ourselves, and the truth is not in us. If we confess our sins, he is faithful and just to forgive us our sins, and to cleanse us from all unrighteousness." (1 John 1: 8, 9)

"Lord, though our iniquities testify against us, be merciful for your name's sake"

God’s Message:- ✍️ Bro. M. Geo Prakash             

அரண் / FORTRESS

'ஆதவன்' வேதாகமத் தியானம் - எண்:- 1,033,              நவம்பர் 26, 2023 ஞாயிற்றுக்கிழமை

"கர்த்தரின் நாமம் பலத்த துருகம்; நீதிமான் அதற்குள் ஓடிச் சுகமாயிருப்பான். ஐசுவரியவானுடைய பொருள் அவனுக்கு அரணான பட்டணம்; அது அவன் எண்ணத்தில் உயர்ந்த மதில்போலிருக்கும்." ( நீதிமொழிகள் 18 : 10, 11 )

பழைய காலத்து மன்னர்களது அரண்மனைகளை நாம் பார்வையிடும்போது நம்மைக் கவருவது அவர்கள் தங்கள் அரண்மனையினைப் பாதுகாக்கச் செய்துள்ள மதில்சுவர்கள். அதனையே இன்றைய வசனம் துருக்கம் என்று கூறுகின்றது. தமிழ் அகராதியில் துருக்கம் எனும் சொல்லுக்கு செல்லுதற்கு அரிய இடம்,  ஒடுக்க வழி, மலையரண்,  மதில் என்று பல அர்த்தங்கள் கூறப்பட்டுள்ளன. அதாவது பாதுகாப்பான இடம் என்று சொல்லலாம்.  

நமது கர்த்தரின் பெயரானது பலத்த துருகம்; நீதிமான் அதற்குள் ஓடிச் சுகமாயிருப்பான் என்று கூறப்பட்டுள்ளது. "எல்லாத் துரைத்தனத்துக்கும், அதிகாரத்துக்கும், வல்லமைக்கும், கர்த்தத்துவத்துக்கும், இம்மையில் மாத்திரமல்ல மறுமையிலும் பேர்பெற்றிருக்கும் எல்லா நாமத்துக்கும் மேலாய் அவர் உயர்ந்திருக்கத்தக்கதாக," ( எபேசியர் 1 : 20 ) மேலான பெயரை பிதாவாகிய தேவன் அவருக்குக் கொடுத்துள்ளார். எனவே நீதியான வாழ்க்கை வாழ்ந்து அவரை அண்டிக்கொள்ளும்போது நமக்கு அவர் மேலான அரணாக இருந்து பாதுகாப்பார். 

இதனையே தாவீது, "கர்த்தர் என் கன்மலையும், என் கோட்டையும், என் இரட்சகரும், என் தேவனும், நான் அடைக்கலம் புகும் என் துருகமும், என் கேடகமும், என் இரட்சணியக் கொம்பும், என் உயர்ந்த அடைக்கலமுமாயிருக்கிறார்." ( சங்கீதம் 18 : 2 ) என்று கூறுகின்றார். 

ஆனால், இன்றைய வசனத்தில் தொடர்ந்து கூறப்பட்டுள்ளது, "ஐசுவரியவானுடைய பொருள் அவனுக்கு அரணான பட்டணம்; அது அவன் எண்ணத்தில் உயர்ந்த மதில்போலிருக்கும்." அதாவது, பொருள் செல்வத்தை மட்டுமே பெரிதாக எண்ணி அதனைச் சேகரிக்கும் செல்வந்தனுக்கு அவன் சேர்த்த பொருள் செல்வமே அவனுக்குப் பாதுகாப்பான நகரம் போலவும் உயர்ந்த மதில்போலவும்  இருக்கும் என்று கூறப்பட்டுள்ளது. அதாவது அவனது எண்ணத்தில்தான் அது உயர்ந்த பாதுகாப்பு  அரணான நகரம் போல இருக்கும்; உண்மையில் அப்படியல்ல. அவன் அப்படி எண்ணிக்கொள்கின்றான் அவ்வளவுதான்.

எனவேதான் இயேசு கிறிஸ்து கூறினார், "ஒருவனுக்கு எவ்வளவு திரளான ஆஸ்தி இருந்தாலும் அது அவனுக்கு ஜீவன் அல்ல " ( லுூக்கா 12 : 15 ) என்று. ஆம் அன்பானவர்களே, கோடிக்கணக்கான செல்வங்களைச்  சேர்த்துவைத்துக்கொண்டு கிறிஸ்து இல்லாத வாழ்க்கை வாழும்போது அது நமக்குப் பாதுகாப்பல்ல. அதிக செல்வம் அவன் எண்ணத்தில் உயர்ந்த மதில்போலிருக்கும். ஆனால் அந்த மதில் உண்மையில் எவ்வளவு வலிமையானது என்பது அவனுக்குத் தெரியாது. 

மண்சுவரால் கட்டப்பட்ட மதிலுக்கும் இரும்பு வெண்கலம் போன்ற உலோகங்களால் உறுதியாகக் கட்டப்பட்ட மதிலுக்கும் வித்தியாசம் உண்டல்லவா? கர்த்தரது பெயரால் கட்டப்படும் பாதுகாப்பு அரண்  இரும்பு வெண்கலம் போன்ற உலோகங்களால் உருவாக்கப்படுவது போன்றது. உலக செல்வங்களைப் பெருக்கி உருவாக்கிடும் பாதுகாப்பு வேலி மண்சுவர் போன்றது.  ஆம்,  "கர்த்தரின் நாமம் பலத்த துருகம்; நீதிமான் அதற்குள் ஓடிச் சுகமாயிருப்பான்" என்று கூறியுள்ளபடி அவரது நாமமான கோட்டைக்குள் தங்கி சுகமாய் வாழ முயலுவோம்.

தேவ செய்தி:- ✍️ சகோ. எம். ஜியோ பிரகாஷ்      

                    FORTRESS 

'AATHAVAN' BIBLE MEDITATION No:- 1,033,                                Sunday,  November 26, 2023

"The name of the LORD is a strong tower: the righteous runneth into it, and is safe. The rich man's wealth is his strong city, and as a high wall in his own conceit." (Proverbs 18: 10, 11)

What fascinates us when we visit the palaces of the old kings are the walls, they have built to protect their palaces. That is what today's verse says as a strong tower. In Tamil Language, the word “thurukam” is used for tower. We see many words to explain this word in Tamil dictionary such as, a rare place to go, a narrow path, a mountain, a wall. It also means a safe place.

The name of our Lord is strong; It is said that the righteous will run into it and be healed. God the Father has given him the name

"That he may be exalted above all authority, power, might, mastery, and every name that is known not only in this world but also in the world to come".  So, when we live a righteous life and cling to Him, He will protect us as a strong wall.

This is what David said, "The LORD is my rock, and my fortress, and my deliverer; my God, my strength, in whom I will trust; my buckler, and the horn of my salvation, and my high tower." (Psalms 18: 2)

But today's verse goes on to say, The rich man's wealth is his strong city, and as an high wall in his own conceit. That is, the rich man who thinks only material wealth and collects it will be like a safe city and a high wall for him. That is, in his mind it will be like a city with a high wall of defence; Not really. That's all he thinks.

That's why Jesus Christ said, "for a man's life consisteth not in the abundance of the things which he possesseth." (Luke 12: 15) Yes beloved, it is no security for us when we live a Christless life while hoarding millions of riches. Much wealth may be like a high wall in his mind. But he didn't know how strong that wall really was.

Isn't there a difference between a wall built of mud and a wall firmly built of metals like iron and bronze? A defense built in the name of the Lord is like a bulwark made of metals like iron and bronze. The protective fence that builds up the world's wealth is like a mud wall. Yes, as it is said, "The name of the Lord is a strong fortress; the righteous shall run into it and be safe."

God’s Message:- ✍️ Bro. M. Geo Prakash                    

என் கதவு நிலையருகே / POST OF MY GATE

 'ஆதவன்' வேதாகமத் தியானம் - எண்:- 1,032,              நவம்பர் 25, 2023 சனிக்கிழமை

"என் வாசற்படியில் நித்தம் விழித்திருந்து, என் கதவு நிலையருகே காத்திருந்து, எனக்குச் செவிகொடுக்கிற மனுஷன் பாக்கியவான்."( நீதிமொழிகள் 8 : 34 )

உணர்வில்லாதக்  காட்டுக் கழுதைகளைப்போல வாழாமல் உணர்வுள்ள இருதயத்தோடு நாம் வாழவேண்டும் என்பதனையே இன்றைய தியான வசனம் நமக்கு உணர்த்துகின்றது. 

இன்றைய தியான வசனம் நமக்குக் கூறுவது, நாம் தேவனது வார்த்தைகளைக் கேட்கவும், அதன்படி நடக்கவும் நம்மை ஒப்புவிக்கவேண்டும். அதாவது நாம் தினமும் தேவ சமூகத்தில்  காத்திருந்து ஜெபித்து நம்மைக்குறித்த தேவ சித்தத்தை அறிந்துகொள்ள ஆர்வமுள்ளவர்களாக இருக்கவேண்டும். இதனையே, "என் வாசற்படியில் நித்தம் விழித்திருந்து, என் கதவு நிலையருகே காத்திருந்து, எனக்குச் செவிகொடுக்கிற மனுஷன்" என்று கூறப்பட்டுள்ளது. 

ஒரு வீட்டின் வேலையாள் அந்த எஜமானின் விருப்பத்தை நிறைவேற்றுபவனாக இருப்பான். எனவே அவன் எப்போதும் எஜமானின் வாயிலிருந்து வரும் வார்த்தைகளைக் கேட்டு அவற்றுக்குக் கீழ்ப்படிய தயாராக இருப்பான். அத்தகைய ஊழியனை எஜமானன் பெருமையாகக்  கருதுவான். அதுபோல நாம் தேவனால் உண்டானவர்கள் என்பதை உணர்த்துக்கொண்டால் அவருக்குக் காத்திருந்து செவிகொடுப்போம். "தேவனால் உண்டானவன் தேவனுடைய வசனங்களுக்குச் செவிகொடுக்கிறான்" ( யோவான் 8 : 47 ) என்று இயேசு கிறிஸ்து கூறவில்லையா? 

ஆம் அன்பானவர்களே, அவரது வாசற்படியில் நித்தம் விழித்திருந்து, அவரது கதவுநிலையருகே காத்திருந்து, அவருக்குச் செவிகொடுக்கவேண்டும். "பேசுகிறவருக்கு நீங்கள் செவிகொடுக்கமாட்டோமென்று விலகாதபடி எச்சரிக்கையாயிருங்கள்; ஏனெனில், பூமியிலே பேசினவருக்குச் செவிகொடுக்கமாட்டோமென்று விலகினவர்கள் தப்பிப்போகாமலிருக்க, பரலோகத்திலிருந்து பேசுகிறவரை நாம் விட்டுவிலகினால் எப்படித் தப்பிப்போவோம்?" ( எபிரெயர் 12 : 25 ) என்று வேதம் எச்சரிக்கின்றது.

மட்டுமல்ல, இன்றைய  வசனம் கூறுவதன்படி அவரது கதவுநிலையருகே காத்திருந்து அவருக்குச் செவிகொடுக்கும்போதுதான் அவர் கதவைத் தட்டும் சத்தத்தை நாம் கேட்கமுடியும். அப்போதுதான் நாம் அவருக்கு நமது இருதயக் கதவைத் திறக்க முடியும்; அப்போதுதான் அவர் நம்முள் வந்து நம்மோடு உணவருந்துவார். நாமும் அவரோடு உணவருந்தும் மேலான அனுபவத்தைப் பெறமுடியும். 

"இதோ, வாசற்படியிலே நின்று தட்டுகிறேன்; ஒருவன் என் சத்தத்தைக்கேட்டு, கதவைத் திறந்தால், அவனிடத்தில் நான் பிரவேசித்து, அவனோடே போஜனம்பண்ணுவேன், அவனும் என்னோடே போஜனம்பண்ணுவான்.' ( வெளிப்படுத்தின விசேஷம் 3 : 20 ) என்கிறார் கர்த்தராகிய இயேசு கிறிஸ்து. 

இத்தகைய மனுஷன் பாக்கியவான் என்று இன்றைய வசனம் கூறுகின்றது. எனவே அன்பானவர்களே, ஆவிக்குரிய வாழ்வில் நாம் விழிப்புடன் இருப்போம். அவரது கதவு நிலையருகில் பொறுமையாக காத்திருப்போம்; அவரது குரலைக் கேட்டு அதற்குக்  கீழ்படிவோம். ஆண்டவரே, எனக்கு உணர்வுள்ள இருதயத்தைத் தாரும் என்று வேண்டுவோம். வெறும் உலகப் பொருளாசீர்வாதங்களுக்கல்ல, மேலான ஆவிக்குரிய ஆசீர்வாதங்களுக்காகக் காத்திருப்போம்.

தேவ செய்தி:- ✍️ சகோ. எம். ஜியோ பிரகாஷ்                          

               POST OF MY GATE 

'AATHAVAN' BIBLE MEDITATION No:- 1,032,                   Saturday, November 25, 2023

"Blessed is the man that heareth me, watching daily at my gates, waiting at the posts of my doors." (Proverbs 8: 34)

Today's meditation verse tells us that we should not live like insensible wild donkeys but live with a conscious heart.

Today's meditation verse tells us that we must commit ourselves to listen to God's words and act accordingly. That is, we should wait and pray daily in God's community and be eager to know God's will for us. This is what has been said, the man that heareth me, watching daily at my gates, waiting at the posts of my doors."

The servant of a house is the executor of the will of the master. So, he is always ready to hear and obey the words from the Master's mouth. Such a servant will be honored by the master. Similarly, if we realize that we are made by God, we will wait and listen to Him. Didn't Jesus Christ say, “He that is of God heareth God's words" (John 8: 47)

Yes, dear ones, ever watch at His threshold, wait at His doorpost, and listen to Him. "See that ye refuse not him that speaketh. For if they escaped not who refused him that spake on earth, much more shall not we escape, if we turn away from him that speaketh from heaven" (Hebrews 12: 25) the scripture warns.

Not only that, but as today's verse says, we can hear his knocking only when we wait at his doorpost and listen to him. Only then can we open the door of our hearts to Him; Only then will He come into us and dine with us. We can also have a better experience of dining with him.

"Behold, I stand at the door, and knock: if any man hear my voice, and open the door, I will come in to him, and will sup with him, and he with me." (Revelation 3: 20) says the Lord Jesus Christ.

Today's verse says that such a man is blessed. So beloved, let us be vigilant in the spiritual life. Let us wait patiently by his doorpost; Let us hear His voice and obey it. Lord, give me a heart of understanding. Let's not just wait for worldly material blessings but for higher spiritual blessings.

God’s Message: - ✍️ Bro. M. Geo Prakash

கிறிஸ்துவின் வாசனை / FRAGRANCE OF CHRIST

'ஆதவன்' வேதாகமத் தியானம் - எண்:- 1,031,              நவம்பர் 24, 2023 வெள்ளிக்கிழமை

"உமது பரிமளத்தைலங்கள் இன்பமான வாசனையுள்ளவைகள்; உமது நாமம் ஊற்றுண்ட பரிமளத்தைலமாயிருக்கிறது; ஆகையால் கன்னியர்கள் உம்மை நேசிக்கிறார்கள்." ( உன்னதப்பாட்டு 1 : 3 )

கிறிஸ்து இயேசுவை நமது வாழ்வில் நாம் பெறும்போது அவரது வாசனையினை உணரமுடியும்.  மட்டுமல்ல, அதனை மற்றவர்களுக்குக் கொடுக்கவும் முடியும். கிறிஸ்துவின் பெயர், அவர்மூலம் நாம் பெறும் வாழ்க்கை  அனுபவங்கள் இவற்றை வாசனைக்கு ஒப்பிட்டு இன்றைய வசனம், "உமது பரிமளத்தைலங்கள் இன்பமான வாசனையுள்ளவைகள்; உமது நாமம் ஊற்றுண்ட பரிமளத்தைலமாயிருக்கிறது" என்று கூறுகின்றது. 

இந்த வசனத்தில் கூறப்பட்டுள்ள, "ஆகையால் கன்னியர்கள் உம்மை நேசிக்கிறார்கள்." எனும் வார்த்தைகள் விசுவாசிகளைக் குறிக்கின்றது. ஆம், கன்னியர்களாகிய பழுதற்ற விசுவாசிகள் அவரை நேசிப்பார்கள். 

இந்த வாசனை எதுவரை நம்மிடம் வீசும் என்பதனையும் இன்றைய வசனத்தைத் தொடர்ந்து இந்த அதிகாரத்தை நாம் வாசித்தால் புரிந்துகொள்ளலாம். அங்குக் குறிப்பிடப்பட்டுள்ளது, "ராஜா தமது பந்தியிலிருக்குந்தனையும் என்னுடைய நளதைலம் தன் வாசனையை வீசும்." ( உன்னதப்பாட்டு 1 : 12 ) அதாவது கிறிஸ்து ராஜாவாக நமது இருதயத்தில் இருக்குமளவுக்கு இந்த வாசனை நம்மில் வீசும். 

இதனையே அப்போஸ்தலரான பவுல், "கிறிஸ்துவுக்குள் எப்பொழுதும் எங்களை வெற்றிசிறக்கப்பண்ணி, எல்லா இடங்களிலேயும் எங்களைக் கொண்டு அவரை அறிகிற அறிவின் வாசனையை வெளிப்படுத்துகிற தேவனுக்கு ஸ்தோத்திரம்." ( 2 கொரிந்தியர் 2 : 14 ) என்று குறிப்பிடுகின்றார். நம்மிடமிருக்கும் அவரை அறிகின்ற அறிவின் வாசனையினை அவர் எல்லா இடங்களிலும் நம்மூலம் வெளிப்படுத்துகின்றார். அவருக்கே ஸ்தோத்திரம்.

கிறிஸ்துவை அறிகின்ற இந்த அறிவாகிய வாசனை மீட்பு அனுபவத்திற்கு குறிக்கப்பட்டவர்களுக்கு மட்டும் நறுமணமாக இருக்கும். துணிந்து தங்கள் பாவங்களில் வாழ்ந்து கேலிபேசி துன்மார்க்கமாகத் திரிபவர்களுக்கு இந்த வாசனை தெரியாது அது அவர்களுக்கு மரண வாசனைபோலவேத் தெரியும். 

இதனையே அப்போஸ்தலரான பவுல், "இரட்சிக்கப்படுகிறவர்களுக்குள்ளேயும், கெட்டுப் போகிறவர்களுக்குள்ளேயும், நாங்கள் தேவனுக்குக் கிறிஸ்துவின் நற்கந்தமாயிருக்கிறோம். கெட்டுப்போகிறவர்களுக்குள்ளே மரணத்திற்கேதுவான மரணவாசனையாகவும், இரட்சிக்கப்படுகிறவர்களுக்குள்ளே  ஜீவனுக்கேதுவான ஜீவ வாசனையாகவும் இருக்கிறோம்." ( 2 கொரிந்தியர் 2 : 15,16 ) எனக் கூறுகின்றார். "கழுதைக்குத் தெரியுமா கற்பூர வாசனை?" என்று ஒரு பழமொழி உண்டு. அதுபோலத் தங்களைக் கழுதைகளாக ஆக்கிக்கொண்டவர்களுக்கு கிறிஸ்துவின் வாசனை புரியாது. 

பொது இடங்களுக்கு, திருமண வீடுகளுக்குச் செல்லும்போது பலர் நறுமண 'சென்ட்' பூசிக்கொண்டுச் செல்வார்கள். அது தங்களை சிறப்பித்துக்காட்டும், மட்டுமல்ல ஒரு புத்துணர்ச்சியினைக் கொடுக்கும்.  அதுபோல கர்த்தராகிய இயேசு கிறிஸ்துவின் நறுமணத்தை நாம் பூசிக்கொள்வோமானால் நம்மை மற்றவர்களிடமிருந்து வேறுபடுத்திக்காட்டும். நமது ஆவி புத்துணர்ச்சியுடன் உற்சாகமாக இருக்கும். 

"ஆகையால் கன்னியர்கள் உம்மை நேசிக்கிறார்கள்" என்று கூறியுள்ளபடி விசுவாசக் கன்னியர்களாகிய நாம் அனைவருமே அவரை நேசிப்போம். அவரது நறுமணம் நம்மீதும் நமது மூலம் நம்மைச் சுற்றியுள்ள அனைவர்மீதும் வீசச்செய்வோம். 

தேவ செய்தி:- ✍️ சகோ. எம். ஜியோ பிரகாஷ்                                 

           FRAGRANCE OF CHRIST 

'AATHAVAN' BIBLE MEDITATION - No:- 1,031,                        Friday, November 24, 2023

"Because of the savour of thy good ointments thy name is as ointment poured forth, therefore do the virgins love thee." (Song of Songs 1: 3)

When we receive Christ Jesus into our lives, we can smell His fragrance. Not only that, it can also be given to others. Today's verse compares the name of Christ and the life experiences we receive through Him to a fragrance, "Thy perfumes are a sweet fragrance; thy name is an ointment poured forth".

This verse says, "Therefore do the virgins love you." The word virgin here refer to believers. Yes, the virgin faithful will love him.

If we read the verses after today's verse, we can understand how long this fragrance will blow on us. It is mentioned there, "While the king sitteth at his table, my spikenard sendeth forth the smell thereof." (Song of Songs 1: 12) That is, as long as Christ is in our hearts as King, this fragrance will blow in us.

This is what the apostle Paul said, "Now thanks be unto God, which always causeth us to triumph in Christ, and maketh manifest the savour of his knowledge by us in every place." (2 Corinthians 2: 14) He spreads through us everywhere the fragrance of our knowledge of Him. Praise be to Him.

This knowledge of knowing Christ is fragrant only to those who are marked for the redemptive experience. Those who dare to live in their sins and mock and walk wickedly do not know this smell, it is like the smell of death to them.

This is what the apostle Paul said, “For we are unto God a sweet savour of Christ, in them that are saved, and in them that perish: To the one we are the savour of death unto death; and to the other the savour of life unto life." (2 Corinthians 2: 15,16) There is a saying that, “Does a donkey know the smell of camphor?” likewise, those who have made themselves donkeys do not smell Christ.

While going to public places and marriage houses, many people wear fragrant 'scent'. It will not only make them stand out, but also give them a refreshing look. Likewise, if we put on the fragrance of the Lord Jesus Christ, we will be distinguished from others. Our spirit will be refreshed and excited.

Let us all, virgins of faith, love him as it is said, "Wherefore virgins love thee." May His fragrance waft upon us and through us upon all around us.

God’s Message:- ✍️ Bro. M. Geo Prakash

தேவனை அறிதல் / KNOWING GOD

 'ஆதவன்' வேதாகமத் தியானம் - எண்:- 1,030,               நவம்பர் 23, 2023 வியாழக்கிழமை

"அவர்கள் தேவனை அறிந்திருக்கிறோமென்று அறிக்கைபண்ணுகிறார்கள், கிரியைகளினாலோ அவரை மறுதலிக்கிறார்கள்; அவர்கள் அருவருக்கப்படத்தக்கவர்களும், கீழ்ப்படியாதவர்களும், எந்த நற்கிரியையுஞ்செய்ய ஆகாதவர்களுமாயிருக்கிறார்கள்." ( தீத்து 1 : 16 )

கிரேத்து தீவைச்சார்ந்த மக்களைக்குறித்து கூறும்போது அப்போஸ்தலராகிய பவுல் இன்றைய வசனத்தைக் கூறுகின்றார். இந்த மக்கள் எப்படிப்பட்டவர்கள் என்றால், தேவனை நாங்கள் அறிந்திருக்கின்றோம் என்று கூறிக்கொள்கின்றார்கள். ஆனால் அவர்களது  செயல்பாடுகள் அதற்கு முரணாக இருக்கின்றன. அவர்கள் எப்போதும் பொய்யையே பேசுபவர்கள், துஷ்டர்கள், சாப்பாட்டுப் பிரியர்கள்,  சோம்பேறிகள். இதனையே பவுல் அப்போஸ்தலர், "கிரேத்தாதீவார் ஓயாப்பொய்யர், துஷ்டமிருகங்கள், பெருவயிற்றுச் சோம்பேறிகள் என்று அவர்களிலொருவனாகிய அவர்கள் தீர்க்கதரிசியானவனே சொல்லியிருக்கிறான்." ( தீத்து 1 : 12 ) என்று கூறுகின்றார். 

இந்த வசனங்களின்மூலம் நாம்   புரிந்துகொள்ளவேண்டியது என்னவென்றால், தேவனை அறிந்திருக்கின்றோம் என்று கூறும் அனைவரும் உண்மையில் தேவனை அறிந்தவர்கள் அல்ல. உண்மையில் அவர்கள் தேவனை அறிந்துள்ளார்களா என்பது அவர்களது செயல்பாடுகளால்தான் அறியமுடியும். அதாவது கனியுள்ள வாழ்க்கையே ஒருவர் தேவனை அறிந்திருக்கின்றாரா இல்லையா என்பதை உணரச்செய்யும். 

நமது வாழ்க்கையில் நாம் எப்படி இருக்கின்றோம்? தேவனை  நாம் அறிந்திருக்கின்றோமென்றால், நமது வாழ்க்கையில் அது வெளிப்படவேண்டும். 

நாம்  ஏற்கெனவே பல தியானங்களில் பார்த்ததுபோல, தேவனை அறிதல் என்பதும் தேவனைப்பற்றி அறிதல் என்பதும் வெவ்வேறானவை.  தேவனைப்பற்றி அறிந்தவர்கள் வெறுமனே அவரது குணங்களைப்பற்றி மட்டும் கற்று அறிந்தவர்கள். அவர்ளிடம் மேலான ஆவிக்குரிய பண்புகள் இருக்காது. பவுல் அப்போஸ்தலர் இன்றைய தியான வசனத்தில் குறிப்பிடும் கிரேத்துத்   தீவைச் சார்ந்தவர்கள் தேவனைப்பற்றி மட்டும் அறிந்தவர்கள். ஆனால் அவர்கள் தாங்கள் தேவனை அறிந்தவர்கள் என்று கூறிக்கொள்கின்றனர்.  

அன்பானவர்களே, நாம் நமது வாழ்க்கையில் மாற்றமில்லாமல் வாழ்ந்து ஒரு சில பக்திக்காரியங்களை மட்டும் கடைபிடித்துக் கொண்டு   தேவனை அறிந்தவர்கள் என்று கூறிக்கொள்வோமானால்  நாம் இந்த கிரேத்தாத் தீவு மக்களைப்போலவே இருப்போம். அவர்கள் எப்படிப்பட்டவர்கள் என்றால்,  "அருவருக்கப்படத் தக்கவர்களும், கீழ்ப்படியாதவர்களும், எந்த நற்கிரியையுஞ்செய்ய ஆகாதவர்களுமாயிருக்கிறார்கள்." என்று கூறப்பட்டுள்ளது. 

கிறிஸ்து நமக்குள் வரும்போது மட்டுமே நாம் நற்செயல்கள் செய்ய முடியும். அவரோடு இணைந்த வாழ்க்கை மட்டுமே நம்மை முற்றிலும் மாற்ற முடியும். "என்னில் நிலைத்திருங்கள், நானும் உங்களில் நிலைத்திருப்பேன்; கொடியானது திராட்சைச்செடியில் நிலைத்திராவிட்டால் அது தானாய்க் கனிகொடுக்கமாட்டாததுபோல, நீங்களும் என்னில் நிலைத்திராவிட்டால், கனிகொடுக்கமாட்டீர்கள்." ( யோவான் 15 : 4 ) என்று இயேசு கிறிஸ்து கூறவில்லையா?

கிரேத்தாத் தீவு மக்களைப்போல அல்லாமல் கிறிஸ்துவை வாழ்வில் அறிந்து வாழ்பவர்களாக நாம் இருக்கவேண்டியது அவசியம். நம்மை முற்றிலும் அவருக்கு ஒப்புக்கொடுத்து வாழ்வோம். அப்போது மட்டுமே நாம் நற்செயல்கள் செய்யத் தகுதியுள்ளவர்கள் ஆக முடியும். இல்லையானால், கிறிஸ்தவர்கள் என்று நாம் நம்மைக் கூறிக்கொண்டாலும் கிறிஸ்துவை அறியாதவர்களும், கிறிஸ்து இல்லாதவர்களாகவுமே நாம் இருப்போம்.

தேவ செய்தி:- ✍️ சகோ. எம். ஜியோ பிரகாஷ்         

                    KNOWING GOD              

'AATHAVAN' BIBLE MEDITATION No:- 1,030,                Thursday, November 23, 2023

"They profess that they know God; but in works they deny him, being abominable, and disobedient, and unto every good work reprobate." (Titus 1: 16)

Apostle Paul says today's verse when talking about the people of Crete. What kind of people are these people who claim that they know God? But their activities contradict it. They are always liars, evil beasts, slow bellies. This is what the Apostle Paul said, "One of themselves, even a prophet of their own, said, the Cretians are alway liars, evil beasts, slow bellies." (Titus 1: 12)

What we need to understand from these verses is that not everyone who claims to know God really knows God. Whether they really know God can only be known by their actions. Meaning, a fruitful life is what makes one realize whether one knows God or not.

How are we doing in our lives? If we know God, it should be manifested in our lives.

As we have already seen in many meditations, knowing God and knowing about God are different. Those who know about God are those who only learn about His attributes. They will have no higher spiritual qualities. The people of the island of Crete that Paul the Apostle mentions in today's meditation verse are those who only know about God. But they claim they know God.

Beloved, if we live without change in our lives and follow only a few pious practices and claim to know God, we will be like the people of this island of Crete. What kind of people they are? “They are abominable, and disobedient, and unto every good work reprobate” as it is said in today’s meditation verse.

We can do good works only when Christ comes into us. Only life in union with Him can transform us completely. "Abide in me, and I in you. As the branch cannot bear fruit of itself, except it abide in the vine; no more can ye, except ye abide in me.' ( John 15 : 4 ) Did not Jesus Christ say?

It is necessary for us to be people who know and live Christ in life, not like the people of Crete Island. Let us live by surrendering ourselves completely to Him. Only then can we become qualified to do good deeds. Otherwise, even if we call ourselves Christians, we will still be Christless.

God’s Message:- ✍️ Bro. M. Geo Prakash

வேதாகமத்தை நேசிப்போம்; வாசிப்போம் / LOVE AND READ THE SCRIPTURE

 'ஆதவன்' வேதாகமத் தியானம் - எண்:- 1,029,               நவம்பர் 22, 2023 புதன்கிழமை

வேதவாக்கியங்களெல்லாம் தேவ ஆவியினால் அருளப்பட்டிருக்கின்றன; தேவனுடைய மனுஷன் தேறினவனாகவும், எந்த நற்கிரியையும்  செய்யத் தகுதியுள்ளவனாகவும் இருக்கும்படியாக, அவைகள் உபதேசத்துக்கும், கடிந்துகொள்ளுதலுக்கும், சீர்திருத்தலுக்கும், நீதியைப் படிப்பிக்குதலுக்கும் பயனுள்ளவைகளாய் இருக்கின்றன. ( 2 தீமோத்தேயு 3 : 16, 17 )

வேதாகமத்தை நாம் ஏன் வாசித்து அறியவேண்டுமென்றால் அது முதலில் தேவனால் நமக்கு அளிக்கப்பட்டது. அதாவது அவை தேவனுடைய வார்த்தைகள். அவற்றைத் தேவன் தனது பரிசுத்த ஆவியினால் பரிசுத்த மனிதர்கள்மூலம் நமக்கு அளித்துள்ளார். நம்மைப் படைத்துக், காத்து வழிநடத்தும் தேவன் நமக்கு என்னச் சொல்ல விரும்புகின்றார் என்பதை நாம் அறிந்திருக்கவேண்டுமல்லவா? எனவே அவற்றை நாம் வாசித்து அறியவேண்டும்.  

இரண்டாவது நாம் கிறிஸ்து இயேசுவுக்குள் தேறினவர்களாக விளங்கவேண்டும். அதாவது நாம் அவரைப்போல பரிசுத்தமுள்ளவர்களாக மாறவேண்டும். அதற்கு, அவரது வார்த்தைகளை நாம் உட்கொள்ளவேண்டும். அவரது பெயரே பரிசுத்தர்தான். "நித்தியவாசியும் பரிசுத்தர் என்கிற நாமமுள்ளவருமாகிய மகத்துவமும் உன்னதமுமானவர் சொல்லுகிறார்" ( ஏசாயா 57 : 15 ) என்றுதான் ஏசாயா எழுதுகின்றார். எனவே அந்தப் பரிசுத்தரின்  வார்த்தைகளே நம்மையும் பரிசுத்தமாக்க முடியும். 

தேவனுடைய வார்த்தைகள் எப்படி நம்மைப் பரிசுத்தமாக்குகின்றன என்பதை இன்றைய வசனம் தெளிவாகக் கூறுகின்றது. அதாவது, நாம் "எந்த நற்கிரியையும்  செய்யத் தகுதியுள்ளவனாகவும் இருக்கும்படியாக, அவைகள் உபதேசத்துக்கும், கடிந்துகொள்ளுதலுக்கும், சீர்திருத்தலுக்கும், நீதியைப் படிப்பிக்குதலுக்கும் பயனுள்ளவைகளாய் இருக்கின்றன. " என்று கூறப்பட்டுள்ளது. 

தேவனுடைய வார்த்தைகள் நமக்கு நல்ல உபதேசத்தைத் தருகின்றன. நாம் தவறும்போது கடிந்து நம்மைத் நிறுத்துகின்றன, அதனால் நமது வாழ்க்கைச் சீர்படுத்தப்படுகின்றது.  மேலும் நாம் தேவனுக்கேற்ற நீதியுள்ளவர்களாக வாழ நமக்குக் கற்றுத்தருகின்றது. 

மேலும், இயேசு கிறிஸ்து இந்த வார்த்தைகள் எப்போதும் நமக்குள் இருக்கவேண்டுமென்றும் நம்மில் அவை செயல்புரியவேண்டுமென்றும் விரும்புகின்றார். அவரது வார்த்தைகளுக்கேற்ப நாம் வாழும்போதே அவர் நமது வேண்டுதல்களை நிறைவேற்றுவார். இதனாலேயே அவர், "நீங்கள் என்னிலும், என் வார்த்தைகள் உங்களிலும் நிலைத்திருந்தால், நீங்கள் கேட்டுக்கொள்ளுவதெதுவோ அது உங்களுக்குச் செய்யப்படும்." ( யோவான் 15 : 7 ) என்று கூறினார். எனவே நாம் அவரது வார்த்தைகளை அறிந்திருக்கவேண்டியது அவசியம். 

ஆம் அன்பானவர்களே, நாம் கிறிஸ்துவுக்குள்  தேறினவர்களாகவும் எந்த நற்செயல்கள் செய்யத் தகுதியுள்ளவனாகவும் இருக்கும்படியாக நம்மைக் கற்பித்து வழிநடத்தும் தேவ வார்த்தைகளை அறிந்தவர்களாகவும் அவற்றை வாழ்வாக்குபவர்களாகவும் வாழ வேண்டியது அவசியம்.  எனவே முதலில் நாம் அவரது வார்த்தைகளை அறிந்து அதில் தேறினவர்களாகவேண்டும். 

வேதாகமத்தை தேவனை அறியும் ஆவலில் வாசிக்கப் பழகவேண்டும். கடமைக்காக வாசிப்பது, அட்டவனைப் போட்டு இந்த நாளுக்கு இந்த வசனங்கள் என்று வாசிப்பது பலன் தராது. ஆர்வமும் நேரமும் இருந்தால் ஒரேநாளில்கூட ஒரு சில வேதாகம புத்தகங்களை நாம் வாசித்துவிடமுடியும். ஜெபத்துக்கும் வேத வாசிப்புக்கும் முன்னுரிமைகொடுக்கும்போது வேதத்தின் பல ரகசியங்களை நாம் அறிந்துகொள்ள முடியும். வேதாகமத்தை நேசிப்போம்; வாசிப்போம்; வாழ்க்கை மாற்றம் பெறுவோம்.

தேவ செய்தி:- ✍️ சகோ. எம். ஜியோ பிரகாஷ்                          

   LOVE AND READ THE SCRIPTURE 

'AATHAVAN' BIBLE MEDITATION No: - 1,029,                                                 Wednesday, November 22, 2023

"All scripture is given by inspiration of God, and is profitable for doctrine, for reproof, for correction, for instruction in righteousness: That the man of God may be perfect, thoroughly furnished unto all good works." (2 Timothy 3: 16,17)

Why should we read and understand the Bible? Because, it was first given to us by God. That is, they are the words of God. God has given them to us by His Holy Spirit through holy men. Shouldn't we know what the God who created us and guides us wants to tell us? So, we should read and know them.

Second, we must be chosen in Christ Jesus. That means we should become holy like him. For that, we have to take his words. His name is holy. "For thus saith the high and lofty One that inhabiteth eternity, whose name is Holy;" ( Isaiah 57 : 15 ) So the words of that Holy Lord can make us holy.

Today's verse clearly states how God's words make us holy. That is, it is said that they are profitable for teaching, for reproof, for correction, for teaching righteousness, so that we "may be worthy to do every good work."

God's words give us good instruction. Stops us when we do wrongs, so our lives are corrected. And it teaches us to live righteously according to God.

And Jesus Christ wants these words to be in us always and to work in us. He will grant our prayers as we live according to His words. This is why he said, "If ye abide in me, and my words abide in you, ye shall ask what ye will, and it shall be done unto you." (John 15: 7) So we need to know his words.

Yes, beloved, it is necessary to live knowing and living the words of God that teach and guide us so that we may be chosen in Christ and worthy to do any good works. So first we need to know his words and become proficient in them.

We should get used to reading the Bible with the desire to know God. Reciting as a duty, reading by putting schedule - these verses for this day - will not be effective. If we have interest and time, we can even read a few books of the Bible in one day. By prioritizing prayer and scripture reading we can learn many secrets of the scriptures. Let us love the Scriptures; Let's read; Let's get a life change.

God’s Message:- ✍️ Bro. M. Geo Prakash

யோபுவின் உறுதிப்பாடு / DETERMINATION OF JOB

 'ஆதவன்' வேதாகமத் தியானம் - எண்:- 1,028,             நவம்பர் 21, 2023 செவ்வாய்க்கிழமை

"என் சுவாசம் என்னிலும், தேவன் தந்த ஆவி என் நாசியிலும் இருக்குமட்டும், என் உதடுகள் தீமையைச் சொல்வதுமில்லை; என் நாக்கு கபடம் பேசுவதுமில்லையென்று, என் நியாயத்தைத் தள்ளிவிடுகிற தேவனும், என் ஆத்துமாவைக் கசப்பாக்குகிற சர்வவல்லவருமானவருடைய ஜீவனைக்கொண்டு சொல்லுகிறேன்." ( யோபு 27 : 2 - 4 )

இன்றைய தியான வசனத்தில் பக்தனாகிய யோபு தேவனுக்கு வித்தியாசமான பெயரைக் குறிப்பிடுகின்றார். தேவனை அவர், "என் நியாயத்தைத் தள்ளிவிடுகிற தேவனும், என் ஆத்துமாவைக் கசப்பாக்குகிற தேவனும்" என்று குறிப்பிடுகின்றார். 

தொடர்ந்த துன்பங்களால் மனம் சோர்ந்துபோன யோபுவைக்குறித்து வேதம், "உத்தமனும் சன்மார்க்கனும், தேவனுக்குப் பயந்து பொல்லாப்புக்கு விலகுகிறவனும்" ( யோபு 1 : 1 ) என்று கூறுகின்றது. யோபுவின் விசுவாசம் மிக உயர்ந்ததாக இருந்தது. எனவே அவர் வாழ்வில் ஏற்பட்ட மிகக் கடுமையான உபத்திரவத்திலும் தேவனைவிட்டு விலகவில்லை; அவரை முறுமுறுக்கவுமில்லை.  "அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்;" ( யோபு 13 : 15 ) என்று தனது நம்பிக்கையை வெளிப்படுத்தினார். 

தான் கூறியதற்கேற்ப தான் வாழ்வதை இன்றைய வசனத்தில் குறிப்பிடுகின்றார். தேவன் எனக்குச் செய்வதைப்  பார்த்தால் என் நியாயத்தைத் தள்ளிவிடுகிறதுபோல இருக்கின்றது. அவரது இந்தச் செயலால் என் ஆத்துமா கசப்பாகிறது என்று குறிப்பிடும் யோபு, ஆனாலும் "என் சுவாசம் என்னிலும், தேவன் தந்த ஆவி என் நாசியிலும் இருக்குமட்டும், என் உதடுகள் தீமையைச் சொல்வதுமில்லை; என் நாக்கு கபடம் பேசுவதுமில்லை' என்கின்றார். ஆம், எத்தனைத் துன்பம் வந்தாலும் நான் தேவனுக்கு விரோதமானச்  செயல்களைச்  செய்யமாட்டேன். குறிப்பாக எனது உதடுகளால் தீமை பேசுவதுமில்லை எனது நாக்கு கபடம் பேசுவதுமில்லை என்கின்றார். 

இத்தகைய இருதயம் இருந்ததால்தான் யோபு முதல் வசனத்தில் அவரைக்குறித்து "உத்தமனும் சன்மார்க்கனும், தேவனுக்குப் பயந்து பொல்லாப்புக்கு விலகுகிறவனும்"  என்று குறிப்பிடப்பட்டுள்ளது. 

இன்று நாம் உலகினில் பார்க்கும் பலர் தாங்கள் செய்யும் தவறுக்கு நியாயம் கற்பிப்பதை நாம் காணலாம். தங்கள் வாழ்வில் செய்யும் துன்மார்க்கச் செயல்களான லஞ்சம், கொலை, களவு, குடிவெறி, வேசித்தனம் இவை அனைத்தையுமே மனிதர்கள் நியாயப்படுத்துவார்கள்.   ஆனால் பக்தனான யோபு இதற்கு மாறாக, எது எப்படி நடந்தாலும் நான் தேவனுக்குமுன் எனது உத்தமத்தை விட்டு விலகமாட்டேன் என்கின்றார்.   

அவரது விசுவாசத்தைத் தேவன் கண்டுகொள்ளாமல் விட்டுவிடவில்லை. மாறாக, அவரை ஆசீர்வதித்தார். ஆனால் அந்த ஆசீர்வாதத்தை எதிர்பார்த்து யோபு உத்தமனாய் வாழ்வில்லை. மாறாக, தேவன் ஆசீர்வதிக்கின்றாரோ இல்லையோ, நான் உத்தமனாய் இருப்பேன் என்பதில் உறுதியாக இருந்தார். 

அன்பானவர்களே, யோபுவிடமிருந்து நாமும் இந்த நல்லச் செயலைக் கற்றுக்கொள்வோம். என் சுவாசம் என்னிலும், தேவன் தந்த ஆவி என் நாசியிலும் இருக்குமட்டும், என் உதடுகள் தீமையைச் சொல்வதுமில்லை; என் நாக்கு கபடம் பேசுவதுமில்லையென்று இன்றைய வசனத்தில் அவர் கூறுவதுபோல நாமும் உறுதியுடன் கூறுவோம். எந்தத் துன்பம் வந்தாலும் நாம் எடுத்த உறுதியைக் காத்துக்கொள்வோம். இந்த பலத்தைத் தேவன் நமக்குக் கொடுக்குமாறு வேண்டுவோம். 

தேவ செய்தி:- ✍️ சகோ. எம். ஜியோ பிரகாஷ்                          

                DETERMINATION OF JOB  

'AATHAVAN' BIBLE MEDITATION No:- 1,028,                   Tuesday, November 21, 2023

"As God liveth, who hath taken away my judgment; and the Almighty, who hath vexed my soul; All the while my breath is in me, and the spirit of God is in my nostrils; My lips shall not speak wickedness, nor my tongue utter deceit." ( Job 27 : 2 - 4 )

In today's meditation verse, the pious Job refers to God by a different name. He refers to God as "a God who taken away my judgment and Almighty, who has vexed my soul."

The Bible says about Job, whose mind was exhausted due to continuous sufferings, "He was perfect and upright, and one that feared God, and eschewed evil.” (Job 1: 1) Job's faith was supreme. So, he did not turn away from God even in the most severe tribulation in his life; Don't scold him. "Though he slay me, yet will I trust in him:" (Job 13: 15) thus he expressed his hope.

He mentions in today's verse that he lives according to what he said. Seeing what God is doing to me seems to push my logic aside. Job mentions that my soul is bitter because of this act of Him, yet he says, "As long as my breath is in me and the spirit of God is in my nostrils, my lips will not speak evil, my tongue will not speak deceit."

It is because of such a heart that Job speaks of him in the first verse as "honest and upright, one who fears God and turns away from evil."

We see many people in the world today justifying their wrongdoing. People will justify all the evil deeds they do in their lives like bribery, murder, theft, drunkenness and prostitution. But the pious Job, on the contrary, says that no matter what happens, I will not leave my integrity before God.

God did not overlook his faith. Instead, he blessed him. But Job did not live righteously expecting that blessing. On the contrary, whether God blesses or not, he was sure that I would be righteous.

Beloved, let us learn this good deed from Job. As long as my breath is in me, and the spirit of God in my nostrils, my lips will not speak evil; As he says in today's verse, we will say with determination that my tongue will not speak deceit. Let's keep our commitment no matter what comes our way. Let us ask God to give us this strength.

God’s Message:- ✍️ Bro. M. Geo Prakash

உங்கள் பொக்கிஷம் எங்கே? / WHERE IS YOUR TREASURE?

 'ஆதவன்' வேதாகமத் தியானம் - எண்:- 1,027,              நவம்பர் 20, 2023 திங்கள்கிழமை

"உங்கள் பொக்கிஷம் எங்கே இருக்கிறதோ அங்கே உங்கள் இருதயமும் இருக்கும்." ( லுூக்கா 12 : 34 )

இருதயத்தின் நிறைவினால் தான் மனிதன் நடத்தப்படுகின்றான். ஒரு மனிதனின் எண்ணங்களும் செயல்களும் அவனது இருதயத்தின் நிறைவைப்பொறுத்தே அமையும். இதனால்தான் இயேசு கிறிஸ்து கூறினார், "நல்ல மனுஷன் இருதயமாகிய நல்ல பொக்கிஷத்திலிருந்து நல்லவைகளை எடுத்துக்காட்டுகிறான், பொல்லாத மனுஷன் பொல்லாத பொக்கிஷத்திலிருந்து பொல்லாதவைகளை எடுத்துக்காட்டுகிறான்." ( மத்தேயு 12 : 35 ) என்று.

பண ஆசை நிறைந்தவர்களது இருதயம் பணத்தைப்பற்றியும் அதனை எப்படிப் பெருக்குவது என்றுமே எண்ணிகொண்டிருக்கும். பதவி ஆசை கொண்டவன் இருதயம் எப்படித் தான் அடைய விரும்பும்  அந்தப் பதவியைப் பெறுவது என்பதிலேயே குறியாய் இருக்கும். ஆம், எதனை ஒரு மனிதன் தனது செல்வம் என்று எண்ணுகின்றானோ அதனைச் சுற்றயே அவனது இருதய எண்ணமும் இருக்கும். அதனை அடைந்திட மனிதன் எதனையும் செய்வான். இதனையே இயேசு கிறிஸ்து இன்றைய தியான வசனத்தில்,  "உங்கள் பொக்கிஷம் எங்கே இருக்கிறதோ அங்கே உங்கள் இருதயமும் இருக்கும்." என்று கூறுகின்றார்.

இன்று போலீசாரிடம் மாட்டிக்கொள்ளும் பல கிரிமினல்கள், "எப்படியாவது பெரிய பணக்காரன் ஆகவேண்டும் என்று எண்ணியே இப்படிச் செய்தேன்" என வாக்குமூலம் அளிப்பதுண்டு.  கொலை, களவு இவற்றுக்குப் பெரும்பாலும் பண ஆசையே காரணமாய் இருக்கின்றது. 

இதுபோலவே, தேவனை அறியவேண்டும் எனும் ஆர்வமும், நித்தியஜீவன்மேல் நம்பிக்கையும் கொண்டவர்கள் இருதயம் அதற்கேற்ப செயல்படும். இயேசு கிறிஸ்து பரலோக ராஜ்யத்தைக்குறித்துப் பல உவமைகளைக் கூறினார். அதில் ஒன்று, "பரலோகராஜ்யம் நிலத்தில் புதைத்திருக்கிற பொக்கிஷத்துக்கு ஒப்பாயிருக்கிறது; அதை ஒரு மனுஷன் கண்டு, மறைத்து, அதைப்பற்றிய சந்தோஷத்தினாலே போய், தனக்கு உண்டான எல்லாவற்றையும் விற்று, அந்த நிலத்தைக்கொள்ளுகிறான்." ( மத்தேயு 13 : 44 ) என்பது. அதாவது, பரலோக ராஜ்யத்துக்குரியவைகளைத் தேடுபவனுக்கு மற்றவையெல்லாம் அற்பமாகவே தெரியும். எனவே அவற்றை இழந்து பரலோக ராஜ்யத்தைப் பெற முயலுவான் என்கின்றார் இயேசு. 

அப்போஸ்தலரான பவுலின் இருதயம் கர்த்தராகிய இயேசுவை அறியும் ஆர்வத்தில் நிறைந்திருந்தது. எனவே அவர் மற்ற எல்லாவற்றையும் அற்பமாகவும் குப்பையாக எண்ணினேன் என்று கூறுகின்றார்.  "என் கர்த்தராகிய கிறிஸ்து இயேசுவை அறிகிற அறிவின்மேன்மைக்காக எல்லாவற்றையும் நஷ்டமென்று எண்ணிக்கொண்டிருக்கிறேன்." ( பிலிப்பியர் 3 : 8 )

ஆம் அன்பானவர்களே, நாம் இந்த உலகத்தில் வாழ்வதற்குப் பணம் மிக முக்கியமான தேவைதான். ஆனால் நமது இருதயம் அதன்மேலேயே இருக்காமல் பார்த்துக்கொள்ளவேண்டும். "முதலாவது தேவனுடைய ராஜ்யத்தையும் அவருடைய நீதியையும் தேடுங்கள், அப்பொழுது இவைகளெல்லாம் உங்களுக்குக்கூடக் கொடுக்கப்படும்." ( மத்தேயு 6 : 33 ) என்று கூறிய இயேசு கிறிஸ்துவின் வார்த்தைகளை நாம் நம்பினால் நாம் உறுதியுடன், "அவர் எனக்குத் தேவையானவற்றைத் தருவார் எனும் நம்பிக்கையும் ஏற்படும். 

அப்போது நாம் ஆசீர்வாதங்களைத் தேடி ஓடாமல் ஆசீர்வாதங்களின் ஊற்றாகிய தேவனை நோக்கி நமது இருதயத்தைத் திருப்புகிறவர்களாக இருப்போம். "உங்கள் பொக்கிஷம் எங்கே இருக்கிறதோ அங்கே உங்கள் இருதயமும் இருக்கும்." என்ற வார்த்தையின்படி நமது பொக்கிஷமாக கர்த்தராகிய இயேசு கிறிஸ்துவையே கருதுவோம். அப்போது நமது உள்ளான மனநிலையில்  பெரிய மாற்றம் ஏற்படும்; தேவன் உலக ஆசீர்வாதங்களினாலும் நம்மை நிரப்புவார். 

தேவ செய்தி:- ✍️ சகோ. எம். ஜியோ பிரகாஷ்                          

       WHERE IS YOUR TREASURE?

'AATHAVAN' BIBLE MEDITATION - No:- 1,027,                       Monday, November 20, 2023

"For where your treasure is, there will your heart be also." (Luke 12: 34)

Man is driven by the desires of the heart. A man's thoughts and actions depend on the desires of his heart. This is why Jesus Christ said, "A good man out of the good treasure of the heart bringeth forth good things: and an evil man out of the evil treasure bringeth forth evil things." (Matthew 12: 35)

A greedy person's heart is all about money and how to increase it. An aspirant's heart is set on how to attain the position he desires. Yes, what a man considers to be his wealth, the thoughts of his heart revolve around that. Man will do anything to achieve it. This is what Jesus Christ said in today's meditation verse, "Where your treasure is, there your heart will be also."

Many criminals who get caught by the police today confess that "I did this because I wanted to get rich somehow". Most of the murders and thefts are motivated by the desire for money.

Similarly, those who have a desire to know God and have faith in eternal life, their hearts will act accordingly. Jesus Christ told many parables about the kingdom of heaven. One of them is, "Again, the kingdom of heaven is like unto treasure hid in a field; the which when a man hath found, he hideth, and for joy thereof goeth and selleth all that he hath, and buyeth that field." ( Matthew 13 : 44 )

That is, he who seeks the things of the kingdom of heaven will try to lose them and gain the kingdom of heaven.

Apostle Paul's heart was full of desire to know the Lord Jesus. So, he says that he considered everything else as loss and rubbish. "Yea doubtless, and I count all things but loss for the excellency of the knowledge of Christ Jesus my Lord: for whom I have suffered the loss of all things, and do count them but dung, that I may win Christ," (Philippians 3: 8)

Yes dears, money is the most important need for us to live in this world. But we must be careful not to set our heart on it. "But seek ye first the kingdom of God, and his righteousness; and all these things shall be added unto you." (Matthew 6: 33) If we believe in the words of Jesus Christ, we will have confidence that He will give us what we need.

Then we will turn our hearts towards God who is the source of blessings instead of running in search of blessings. "Where your treasure is, there your heart will be also." Let us consider the Lord Jesus Christ as our treasure according to the word. Then there will be a great change in our inner state; God will also fill us with worldly blessings.

God’s Message:- ✍️ Bro. M. Geo Prakash