Verses for Meditation யோவான் 1: 11 / John 1:11

 வேதாகமத் தியானம் - எண்:- 1,417

'ஆதவன்' 💚டிசம்பர் 25, 2024. 💚புதன்கிழமை

"அவர் தமக்குச் சொந்தமானதிலே வந்தார், அவருக்குச் சொந்தமானவர்களோ அவரை ஏற்றுக்கொள்ளவில்லை." ( யோவான் 1: 11)

இந்த உலகத்தைப் படைத்து அதிலுள்ள உயிரினங்களையும்  படைத்து ஆளும் தேவாதி தேவன் மனிதனாக உலகத்தில் வந்தார். இந்த உலகமும் இதிலுள்ள மக்களும் அவருக்குச் சொந்தமானவர்கள்தான். ஆனால் அவர் உலகத்தில் வந்தபோது அவரை யாரும் ஏற்றுக்கொள்ளவில்லை. அவர் பிறப்பதற்கு சத்திரத்தில்கூட அவருக்கு இடமில்லை (லூக்கா 2:7);  வாழ்ந்தபோது தலை சாய்க்க இடமில்லை (மத்தேயு 8:20); அவர் மரித்தபோது அவரை அடக்கம்செய்ய சொந்த கல்லறையில்லை (மத்தேயு 27: 59, 60). 

அவர் யூதர்களுக்காக அன்று உலகத்தில் வந்திருந்தாலும் யூதர்கள் அனைவரும் அவரை ஏற்றுக்கொள்ளவில்லை. அவர்களே அவரைக் கொலையும் செய்தனர். அவரை ஏற்றுக்கொள்வது என்பது அவரது வார்த்தைகளை ஏற்றுக்கொள்வது. அதன்படி வாழ்வது. "என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்." ( யோவான் 12: 48) என்று அவர் கூறவில்லையா? எனவே அவரை ஏற்றுக்கொள்வது என்பது அவரது வார்த்தையை ஏற்றுக்கொள்வது; அதனை வாழ்வாக்குவது. 

அவர் பல்வேறு அதிசயங்களையும் அற்புதங்களையும் செய்திருந்தாலும் யூதர்களில் பலரும் அவரை ஏற்றுக்கொள்ளவில்லை.  "அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை. கர்த்தாவே, எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது என்று ஏசாயா தீர்க்கதரிசி சொன்ன வசனம் நிறைவேறும்படி இப்படி நடந்தது." ( யோவான் 12: 37, 38) என்று வாசிக்கின்றோம். 

இன்று நாமும்கூட கிறிஸ்துவால் பல்வேறு நலன்களை பெற்றிருக்கலாம். அவரால் பல்வேறு அற்புதங்களை அனுபவித்திருக்கலாம். ஆனால் அது மட்டும் போதாது. அவரை தனிப்பட்ட முறையில் தகப்பனாக அறியவேண்டியது அவசியம். கிறிஸ்தவர்கள் என்று நம்மை நாம் கூறிக்கொண்டாலும் அவரை அறிந்தால் மட்டுமே உண்மையான கிறிஸ்தவர்கள். "தேவனுடைய ஆவி உங்களில் வாசமாயிருந்தால், நீங்கள் மாம்சத்துக்குட்பட்டவர்களாயிராமல் ஆவிக்கு உட்பட்டவர்களாய் இருப்பீர்கள்.  கிறிஸ்துவின் ஆவியில்லாதவன் அவருடையவனல்ல." ( ரோமர் 8 : 9 )

ஆம் அன்பானவர்களே, இன்று நாம் அவரை உள்ளத்தில் ஏற்றுக்கொள்வோமானால் நாமே அவரால் தேர்ந்தெடுக்கப்பட்ட மக்களாக இருப்போம். அவரது பிள்ளைகளாக இருப்போம். "அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனை பேர்களோ, அத்தனை பேர்களும் தேவனுடைய பிள்ளைகளாகும்படி, அவர்களுக்கு அதிகாரங்கொடுத்தார்." ( யோவான் 1: 12) என்று கூறப்பட்டுள்ளது. நாம் பிள்ளைகளானால் அவரை ஏற்றுக்கொண்டுள்ளோம் என்று பொருள். அவரது பிள்ளைகளாகும் அனுபவமே மறுபடி பிறத்தல். 

இந்த ஆவிக்குரிய அனுபவம் பெற்று வாழும்போதுதான் நாம் அவரை ஏற்றுக்கொண்டுள்ளோம் என்பதனை உறுதியாகக் கூறமுடியும். இல்லையானால் வெறுமனே கிறிஸ்து பிறப்பை சாதாரண ஒரு மனிதனின் பிறப்பைப்போல கொண்டாடுகிறவர்களாகவே நாமும் இருப்போம். அவர் தமக்குச் சொந்தமான நம்மிடத்தில் வந்தார், அவருக்குச் சொந்தமான நாமோ அவரை ஏற்றுக்கொள்ளவில்லை என்றுதான் பொருள்.

தேவ செய்தி :- சகோ. எம். ஜியோ பிரகாஷ்            

Scripture Meditation – No: 1,417

AATHAVAN – December 25, 2024 | Wednesday

“He came unto his own, and his own received him not.” (John 1:11)

The Almighty God, who created this world and all living beings in it, came to the world as a man. This world and its people belong to Him, yet when He came into the world, no one received Him. There was no room for Him in the inn at His birth (Luke 2:7); no place to lay His head during His life (Matthew 8:20); and no personal tomb for His burial after His death (Matthew 27:59-60).

Though He came into the world primarily for the Jews, not all of them received Him. They even crucified Him. To receive Him means to accept His words and live by them. Did He not say, “He that rejecteth me, and receiveth not my words, hath one that judgeth him: the word that I have spoken, the same shall judge him in the last day” (John 12:48)? Therefore, accepting Him means accepting His Word and living it out.

Even though He performed many miracles and wonders, many Jews did not believe in Him. As it is written: “But though he had done so many miracles before them, yet they believed not on him: That the saying of Esaias the prophet might be fulfilled, which he spake, Lord, who hath believed our report? and to whom hath the arm of the Lord been revealed?” (John 12:37-38).

Today, we too may have received countless blessings through Christ and experienced His miracles, but that alone is not sufficient. We must know Him personally as our Father. Merely identifying ourselves as Christians does not make us true followers of Christ. True Christians are those who have the Spirit of Christ dwelling in them. “Now if any man have not the Spirit of Christ, he is none of his” (Romans 8:9).

Beloved, if we receive Him into our hearts today, we will become His chosen people, His children. “But as many as received him, to them gave he power to become the sons of God, even to them that believe on his name” (John 1:12). Being His child means we have accepted Him. This experience is the essence of being born again.

Only by living this spiritual experience can we confidently say we have received Him. Otherwise, we will merely celebrate Christ’s birth as the birth of an ordinary man. He came unto His own, but if we fail to receive Him, we remain among those who rejected Him.

Gospel Message by Brother M. Geo Prakash