வேதாகமத் தியானம் - எண்:- 1,544
'ஆதவன்' 💚ஏப்ரல் 29, 2025. 💚செவ்வாய்க்கிழமை
"குமாரனைக் கண்டு, அவரிடத்தில் விசுவாசமாயிருக்கிறவன் எவனோ, அவன் நித்தியஜீவனை அடைவதும், நான் அவனைக் கடைசிநாளில் எழுப்புவதும், என்னை அனுப்பினவருடைய சித்தமாயிருக்கிறது." ( யோவான் 6: 40)
நித்திய ஜீவன் எனும் முடிவில்லா வாழ்வினை நாம் அடைந்திட ஒரேவழி தன்மேல் விசுவாசம்கொண்டு வாழ்வதுதான் என்று இன்றைய தியான வசனம் மூலம் இயேசு கிறிஸ்து நமக்கு அறிவுறுத்துகின்றார். மட்டுமல்ல, இப்படி அவர்மேல் நாம் விசுவாசம் கொண்டவர்களாக வாழவேண்டும் என்பதே பிதாவாகிய தேவனின் சித்தமாகவும் இருக்கின்றது என்கின்றார். இயேசு கிறிஸ்துவும் இந்த உலகத்தில் வாழ்ந்தபோது பிதாவின் சித்தம் செய்பவராகவே வாழ்ந்தார். தான் பிதாவிடமிருந்து இந்த உலகுக்கு வந்ததை அவர் வெளிப்படையாக அறிவித்தார். ஆனால் யூதர்கள் அவரை நம்பவில்லை.
மட்டுமல்ல, மனிதர்களது வாழ்வு இந்த உலக வாழ்க்கையுடன் முடிந்துபோகும் ஒன்றல்ல, மாறாக இந்த உலக வாழ்க்கையின் பின்னர் நமக்கு முடிவில்லா வாழ்வு ஒன்று உள்ளது. அதனை நாம் எப்படி அடைவது என்பதனையும் இயேசு கிறிஸ்து யூதர்களிடம் கூறினார். "ஒருவன் என் வார்த்தையைக் கைக்கொண்டால், அவன் என்றென்றைக்கும் மரணத்தைக் காண்பதில்லை என்று மெய்யாகவே மெய்யாகவே உங்களுக்குச் சொல்லுகிறேன்" ( யோவான் 8: 51) என்றார் அவர்.
அதாவது நித்திய வாழ்வை நாம் அடையவேண்டுமானால் முதலில் நாம் அவரை விசுவாசிக்கவேண்டும்; அவரது வார்த்தைகளைக் கைக்கொள்ளவேண்டும். அவரால் நாம் பரிசுத்தமாக்கப்பட வேண்டும். ஆம், "நீங்கள் பரிசுத்தமுள்ளவர்களாக வேண்டுமென்பதே தேவனுடைய சித்தமாயிருக்கிறது." (1 தெசலோனிக்கேயர் 4: 3)
நாம் பரிசுத்தமுள்ளவர்களாக வேண்டுமென்பது எப்படி தேவனுடைய சித்தமாயிருக்கிறதோ அதுபோல அவரிடத்தில் விசுவாசமாயிருக்கிறவன் எவனோ, அவன் நித்தியஜீவனை அடைவதும், அவனைக் கடைசிநாளில் அவர் எழுப்புவதும், கிறிஸ்துவை அனுப்பினவருடைய சித்தமாயிருக்கிறது. இதனால்தான் இயேசு கிறிஸ்து, "என்னிடத்தில் விசுவாசமாயிருக்கிறவனுக்கு நித்தியஜீவன் உண்டென்று மெய்யாகவே மெய்யாகவே உங்களுக்குச் சொல்லுகிறேன்." ( யோவான் 6: 47) என்றார்.
ஆம் அன்பானவர்களே, நாம் தேவனுக்கேற்ற பரிசுத்தமுள்ளவர்களாக மாறவேண்டும். அவர் அனுப்பிய இயேசு கிறிஸ்துவின்மேல் விசுவாசம் கொள்ளாமல் நாம் பரிசுத்தமாக முடியாது. எனவேதான் இயேசு கிறிஸ்து, "அவர் அனுப்பினவரை நீங்கள் விசுவாசிப்பதே தேவனுக்கேற்ற கிரியையாயிருக்கிறது என்றார்." ( யோவான் 6: 29)
இயேசு கிறிஸ்துவின்மேல் விசுவாசம் கொள்வது என்பது வெறுமனே அவரது வல்ல செயல்களை நம்புவதல்ல; மாறாக, அவரால் நம்மைத் தூய்மைப்படுத்த முடியும், பாவங்களிலிருந்து நமக்கு விடுதலை அளிக்க முடியும் என்று விசுவாசிப்பது. பாவம் செய்து பாவ வாழ்க்கை வாழும்போது நாம் பாவத்துக்கு அடிமையாக இருக்கின்றோம். இதனையே இயேசு கிறிஸ்து, "பாவஞ்செய்கிறவன் எவனும் பாவத்துக்கு அடிமையாயிருக்கிறான் என்று மெய்யாகவே மெய்யாகவே உங்களுக்குச் சொல்லுகிறேன்." ( யோவான் 8: 34) என்றார். இந்தப் பாவவாழ்க்கையிலிருந்து அவரால் நம்மை விடுவிக்கமுடியும் என விசுவாசிப்பதுதான் மேலான விசுவாசம்.
ஆம் அவரால்தான் நம்மை பாவத்திலிருந்து விடுவிக்க முடியும். "ஆகையால் குமாரன் உங்களை விடுதலையாக்கினால் மெய்யாகவே விடுதலையாவீர்கள்." ( யோவான் 8: 36) இப்படி நாம் குமாரனாகிய இயேசு கிறிஸ்துவைக் கண்டு, அவரிடத்தில் விசுவாசம்கொண்டு வாழ்வதும் அதனால் நித்தியஜீவனை நாம் அடைவதும், அவர்களை அவர் கடைசிநாளில் எழுப்புவதும், கிறிஸ்துவை அனுப்பிய பிதாவின் சித்தமாயிருக்கிறது என்று இன்றைய தியான வசனம் நமக்கு எடுத்துக் கூறுகின்றது.
எனவே கிறிஸ்துவை நாம் விசுவாசிப்பது உண்மையானால் நம்மை நமது பாவங்களிலிருந்து அவர் கழுவித் தூய்மையாக்க அவருக்கு நம்மை ஒப்புக்கொடுப்போம். அப்போது நாம் பாவங்களிலிருந்து விடுதலையாவது மட்டுமல்ல, பரிசுத்தமாகி நித்திய ஜீவனுக்கும் தகுதியுள்ளவர்களாவோம்.
தேவ செய்தி :- சகோ. எம். ஜியோ பிரகாஷ்
Scripture Meditation – No: 1,544
AATHAVAN 💚 April 29, 2025 💚
Tuesday
"And this is the will of
him that sent me, that everyone which seeth the Son, and believeth on him, may
have everlasting life: and I will raise him up at the last day." (John
6:40, KJV)
Through today’s meditation
verse, the Lord Jesus Christ teaches us that the only way to attain
everlasting life is by living with faith in Him. Not only that, He also
declares that it is the will of God the Father that we must live with such
faith in Him.
When Jesus Christ lived in this world, He lived fulfilling the will of the
Father. He openly proclaimed that He was sent into this world by the Father.
Yet, the Jews did not believe in Him.
Moreover, human life does not
end with this earthly life. Instead, after this worldly life, there is an eternal
life awaiting us. Jesus also explained to the Jews how one can attain it.
He said, "Verily, verily, I say unto you, if a man keep my saying, he
shall never see death." (John 8:51, KJV)
That is, in order to inherit
eternal life, we must first believe in Him and keep His words. We must be
sanctified through Him. Yes, "For this is the will of God, even your
sanctification," (1 Thessalonians 4:3, KJV)
Just as it is the will of God
that we must be sanctified, so it is also the will of God who sent Christ that everyone
who believes in Him should have everlasting life and be raised up at the last
day. Therefore, Jesus Christ said, "Verily, verily, I say unto you, He
that believeth on me hath everlasting life." (John 6:47, KJV)
Beloved, we must become
sanctified and pleasing unto God. Without believing in Jesus Christ, whom God
has sent, we cannot become holy. Thus Jesus said,
"This is the work of God, that ye believe on him whom he hath sent."(John 6:29, KJV)
Believing in Jesus Christ does
not merely mean believing in His mighty works, but truly believing that through
Him we can be cleansed, and that He can deliver us from our sins. When we
continue living in sin, we are enslaved to sin. Jesus said, "Verily, verily, I say unto you, whosoever committeth sin is
the servant of sin." (John 8:34, KJV)
Superior faith is to believe
that He can deliver us from this life of sin. Indeed, only He can set us free
from sin: "If the Son therefore shall make you free, ye shall be free
indeed." (John 8:36, KJV)
Thus, today's meditation verse
declares that seeing the Son, believing on Him, living by that faith, attaining
everlasting life, and being raised up at the last day are all the will of the
Father who sent Christ.
Therefore, if our faith in
Christ is genuine, let us surrender ourselves to Him so that He may cleanse us
from our sins. Then, not only will we be freed from our sins, but we will also
be sanctified and become worthy of eternal life.
Gospel Message by: Bro.
M. Geo Prakash
No comments:
Post a Comment