🍒Meditation verse - அப்போஸ்தலருடைய நடபடிகள் 17: 24, 25 / Acts 17:24-25

 வேதாகமத் தியானம் - எண்:- 1,539

'ஆதவன்' 💚ஏப்ரல் 24, 2025. 💚வியாழக்கிழமை 

"உலகத்தையும் அதிலுள்ள யாவற்றையும் உண்டாக்கின தேவனானவர் வானத்திற்கும் பூமிக்கும் ஆண்டவராயிருக்கிறபடியால் கைகளினால் கட்டப்பட்ட கோவில்களில் அவர் வாசம்பண்ணுகிறதில்லை. எல்லாருக்கும் ஜீவனையும் சுவாசத்தையும் சகலத்தையும் கொடுக்கிற அவர், தமக்கு யாதொன்று தேவையானதுபோல, மனுஷர் கைகளால் பணிவிடைகொள்ளுகிறதுமில்லை." ( அப்போஸ்தலருடைய நடபடிகள் 17: 24, 25)

அத்தேனே நகரில் மார்ஸ் மேடையாருகில் நின்று அப்போஸ்தலரான பவுல் பிரசங்கம் செய்தபோது இன்றைய தியான வசனத்தைக் கூறுகின்றார். 

இன்று சிலர் பவுல் அப்போஸ்தலர் கூறிய இந்த வார்த்தைகளை எடுத்துக்கொண்டு நாம் தனியாக இருந்து தேவனை வழிபட்டால் போதும், ஆலயங்களுக்குச் செல்லத் தேவையில்லை என்று கூறிக்கொள்கின்றனர். ஒரு சகோதரரிடம் பேசிக்கொண்டிருந்தபோது இப்படி அவர் என்னிடம் கூறியதையும் கேட்டேன். ஆனால் இந்த வசனத்தில் அப்போஸ்தலரான பவுல் ஆலயங்களுக்குச் செல்லவேண்டாம் என்று கூறவில்லை. மாறாக, ஆலயங்களுக்குச் சென்று வழிபடுமுன் நம் உள்ளமாகிய ஆலயம் தூய்மையாக இருக்கவேண்டும் என்று வற்புறுத்துகின்றார்.

ஆலயங்களில் மட்டுமே தேவன் இருக்கிறார் என்று எண்ணிக்கொண்டு ஆலயங்களிலும் ஆலய வளாகங்களிலும் வரும்போது மட்டும்  பக்தியோடும் பணிவோடும் இருந்துகொண்டு வெளியே சென்றபின் தாறுமாறாக வாழ்வது தவறு என்கின்றார். இதனையே அவர், "தேவனானவர் வானத்திற்கும் பூமிக்கும் ஆண்டவராயிருக்கிறபடியால் கைகளினால் கட்டப்பட்ட கோவில்களில் அவர் வாசம்பண்ணுகிறதில்லை" என்கின்றார். ஆலய கட்டடத்துக்குள் அவர் இல்லை, மாறாக அவர் மனிதர்களுக்குள்தான் இருக்கின்றார். நம் உள்ளமே பரிசுத்த ஆவியானவரின் ஆலயமாய் இருக்கின்றது எனவே அதனை முதலில் பரிசுத்தமாக நாம் காக்கவேண்டும் என வலியுறுத்துகின்றார். 

இதனையே அவர், "நீங்கள் தேவனுடைய ஆலயமாயிருக்கிறீர்களென்றும், தேவனுடைய ஆவி உங்களில் வாசமாயிருக்கிறாரென்றும் அறியாதிருக்கிறீர்களா? ஒருவன் தேவனுடைய ஆலயத்தைக் கெடுத்தால், அவனைத் தேவன் கெடுப்பார்; தேவனுடைய ஆலயம் பரிசுத்தமாயிருக்கிறது; நீங்களே அந்த ஆலயம்." (1 கொரிந்தியர் 3: 16,17) என்று கூறுகின்றார். அதாவது, கைகளினால் கட்டப்பட்ட ஆலயங்களைவிட நமது உடலாகிய ஆலயத்தைப் பரிசுத்தமாக பாதுகாப்பது அவசியம். 

மேலும் இன்றைய தியான வசனத்தில் நாம், "எல்லாருக்கும் ஜீவனையும் சுவாசத்தையும் சகலத்தையும் கொடுக்கிற அவர், தமக்கு யாதொன்று தேவையானதுபோல, மனுஷர் கைகளால் பணிவிடைகொள்ளுகிறதுமில்லை." என்றும் வாசிக்கின்றோம். அதாவது வெறும் காணிக்கைகளைக் கொடுப்பதால் மட்டும் தேவன் நம்மேல் அன்புள்ளவராக இருக்கமாட்டார். ஏனெனில் அவரே அனைத்தையும் படைத்தவர். நாம் அவருக்குக் கொடுத்துதான் அவர் நிறைவடையவேண்டும் என்று அவசியமில்லை. 

நாம் அவருக்குக் காணிக்கையாகக் கொடுக்கவேண்டியது பாவமில்லாத பரிசுத்த சரீரத்தைத்தான். "நீங்கள் உங்கள் சரீரங்களைப் பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்கவேண்டுமென்று, தேவனுடைய இரக்கங்களை முன்னிட்டு உங்களை வேண்டிக்கொள்ளுகிறேன்" ( ரோமர் 12: 1) என்கின்றார் பவுல் அப்போஸ்தலர். 

ஆம் அன்பானவர்களே, ஆலயங்களுக்கு என ஓடி ஓடி உழைப்பதையல்ல, மாறாக நமது உடலாகிய ஆலயத்தை பரிசுத்தமான காப்பதையே தேவன் விரும்புகின்றார். அதுபோல பல ஆயிரங்களை காணிக்கையாகக் கொடுப்பதையல்ல, நமது உள்ளத்தையும் உடலையும் பரிசுத்தமாக அவருக்கு ஒப்புக்கொடுப்பதையே தேவன் பெரிதும் விரும்புகின்றார். 

மனிதர்களது மனம் அனைத்தையும் பணத்தின் அடிப்படையிலேயே கணிக்கிடும் குறுகிய மனம். ஆனால் தேவன் அப்படிப்பட்டவர் அல்ல எனும் உண்மை நமக்குப் புரியுமானால் மட்டுமே நாமல் இத்தகைய குறுகிய எண்ணங்களிலிருந்து விடுபட்டு தேவனுக்கேற்ற மேலான ஆவிக்குரிய காரியங்களில் கவனம் செலுத்த முடியும். நமது குறுகிய மனநிலை மாறி, தேவஞானத்தையும் புத்தியையும் தேவன் நமக்கு அருளும்படி மன்றாடுவோம். அப்போதுதான்  தேவன் மேலான வழிகளில்  நம்மை நடத்துவார். 

தேவ செய்தி :- சகோ. எம். ஜியோ பிரகாஷ்                        

Scripture Meditation - No: 1,539
AATHAVAN 💚 April 24, 2025 💚 Thursday

“God that made the world and all things therein, seeing that he is Lord of heaven and earth, dwelleth not in temples made with hands; neither is worshipped with men's hands, as though he needed anything, seeing he giveth to all life, and breath, and all things.” – Acts 17:24-25 (KJV)

When Apostle Paul preached near Mars’ Hill in the city of Athens, he spoke the above verses, which form today’s meditation.

Today, some take Paul’s words here to mean that it is enough to worship God privately, and that going to church is unnecessary. I even heard a brother say this in a conversation. However, in this verse, Apostle Paul is not saying we should avoid going to church. Rather, he emphasizes that before we go to the church to worship, our hearts—our inner temple—must be pure.

Paul is addressing those who think that God only dwells in church buildings and behave reverently only within church premises, but live carelessly outside. This is wrong, he says, and clarifies by stating, “God... dwelleth not in temples made with hands”. This does not mean He is absent from churches, but that His dwelling is in people, not buildings. Since our bodies are the temple of the Holy Ghost, we must keep them holy above all.

He reinforces this by saying, “Know ye not that ye are the temple of God, and that the Spirit of God dwelleth in you? If any man defile the temple of God, him shall God destroy; for the temple of God is holy, which temple ye are.” – 1 Corinthians 3:16-17 (KJV)

This means it is more important to keep our bodies—the true temple—holy, than to focus only on physical church structures.

Further, we read in today’s meditation verse: “He giveth to all life, and breath, and all things... as though he needed anything.” This tells us that giving offerings alone does not make God love us more. He is the Creator of all things; He lacks nothing. He doesn’t need our gifts to be complete.

What we are truly called to offer Him is a holy and sinless body. As Paul says,

“I beseech you therefore, brethren, by the mercies of God, that ye present your bodies a living sacrifice, holy, acceptable unto God, which is your reasonable service.”– Romans 12:1 (KJV)

Yes, beloved, God is not looking for people who run tirelessly to churches, but for those who keep their bodies—the temple—holy. Likewise, He is not seeking large financial offerings, but rather that we surrender our hearts and bodies in holiness to Him.

Human minds often value everything based on money. But God is not like that. Only when we truly understand this truth can we be freed from narrow thinking and focus on the spiritual things that are pleasing to God. Let us pray that our limited mindset may be transformed, and that God may grant us divine wisdom and understanding. Then He will surely lead us in higher ways.

God's Message by: Bro. M. Geo Prakash