🍒Meditation verse - அப்போஸ்தலருடைய நடபடிகள் 4: 33 / Acts 4:33

 வேதாகமத் தியானம் - எண்:- 1,540

'ஆதவன்' 💚ஏப்ரல் 25, 2025. 💚வெள்ளிக்கிழமை 

"கர்த்தராகிய இயேசுவின் உயிர்த்தெழுதலைக்குறித்து அப்போஸ்தலர்கள் மிகுந்த பலமாய்ச் சாட்சிகொடுத்தார்கள்; அவர்களெல்லார்மேலும் பூரணகிருபை உண்டாயிருந்தது." ( அப்போஸ்தலருடைய நடபடிகள் 4: 33)

இந்த உலகம் சாட்சிகளின் அடிப்படையிலேயே எதனையும் ஏற்றுக்கொள்கின்றது. நீதிமன்றங்களில்கூட சாட்சிகளின் அடிப்படையிலேயே தீர்ப்பிடப்படுகின்றது. கொலைக்குற்றம், களவு, கற்பழிப்பு என்று எதற்கும் நிரூபிக்கும் சாட்சி தேவையாக இருக்கின்றது. அதுபோலவே கிறிஸ்துவின் உயிர்தெழுதலுக்கும் சாட்சி தேவையாக இருக்கின்றது. ஏனெனில் கிறிஸ்து உயிர்தெழுந்தாலும் மரணத்துக்கு முன்பு எல்லோரும் அவரைக் காணும் விதமாக உலகினில் நடமாடியதுபோல அவர் நடமாடவில்லை. 

இதனால் அவரைக் கொலைசெய்த யூதர்கள் அவர் உயிர்தெழுந்ததை நம்பவில்லை. ஆனால் அப்போஸ்தலர்களால் நடைபெற்ற வல்ல செயல்களை அவர்களால் மறுக்கமுடியவில்லை. பேதுருவும் யோவானும் ஒரு முடவனைக் குணமாக்கியபோது யூதர்களால் அவர்களை எதிர்த்துப் பேச முடியவில்லை. காரணம் உயிருள்ள சாட்சியாக அந்த முடவன் அங்கே நின்றுகொண்டிருந்தான். "சொஸ்தமாக்கப்பட்ட மனுஷன் அவர்கள் அருகே நிற்கிறதைக் கண்டபடியால், எதிர்பேச அவர்களுக்கு இடமில்லாதிருந்தது."

( அப்போஸ்தலருடைய நடபடிகள் 4: 14) என்று வாசிக்கின்றோம். 

அப்போஸ்தலரான பேதுருவும் இதர சீடர்களும் இயேசு கிறிஸ்துவோடு மூன்றரை ஆண்டுகள் பயணித்திருக்கின்றனர். அவரது வல்லமையினைக் கண்களால் கண்டு அனுபவித்திருக்கின்றனர்.  இதனால்தான் அவர்,  "நாங்கள் தந்திரமான கட்டுக்கதைகளைப் பின்பற்றினவர்களாக அல்ல, அவருடைய மகத்துவத்தைக் கண்ணாரக் கண்டவர்களாகவே நம்முடைய கர்த்தராகிய இயேசுகிறிஸ்துவின் வல்லமையையும் வருகையையும் உங்களுக்கு அறிவித்தோம்." (2 பேதுரு 1: 16) என்று எழுதுகின்றார். ஆம் அன்பானவர்களே, இயேசு கிறிஸ்து உயிர்த்தது; இன்றும் ஜீவனுள்ளவராக நம்மோடு வாழ்வது, இவை கட்டுக்கதையல்ல. மாறாக நிஜமான அனுபவம். 

அவரது இரத்தத்தால் நமது பாவங்கள் மன்னிக்கப்படும் அனுபவம் நமக்கு இருக்குமானால் இது கட்டுக்கதையல்ல என 100% உறுதியுடன் நம்மாலும் கூறமுடியும். நம்மால் சீடர்கள் செய்ததுபோன்ற வல்ல செயல்களை செய்ய இயலாவிட்டாலும் சாட்சியுள்ள ஒரு வாழ்க்கை வாழ முடியும். ஆரம்பகால கிறிஸ்தவர்கள் மற்றவர்களிலிருந்து மாறுபட்ட ஒரு சாட்சியுள்ள வாழ்க்கை வாழ்ந்ததால் அவர்களை மற்றவர்கள்  கிறிஸ்தவர்கள் என்று அழைத்தனர். ஆம் அவர்களது வாழ்க்கை வித்தியாசமான வாழ்க்கையாக இருந்தது. எனவே, "முதல்முதல் அந்தியோகியாவிலே சீஷர்களுக்குக் கிறிஸ்தவர்கள் என்கிற பேர் வழங்கிற்று." ( அப்போஸ்தலருடைய நடபடிகள் 11: 26)

கர்த்தராகிய இயேசுவின் உயிர்த்தெழுதலைக்குறித்து அப்போஸ்தலர்கள் மிகுந்த பலமாய்ச் சாட்சிகொடுத்தார்கள்; நாமோ நமது சாட்சியுள்ள வாழ்க்கையால் பலத்த சாட்சிகளாய் வாழ அழைக்கப்பட்டுள்ளோம். இன்றைய காலகட்டத்தில் கிறிஸ்தவர்களுக்கு எதிரான அடக்குமுறைகள் அதிகரித்து வருகின்றன. சாதாரண உலக மக்களைப்போல நாம் அவர்களுக்கெதிராக போராடவேண்டிய அவசியமில்லை. கிறிஸ்துவோடு நாம் இணைந்திருக்கும் நமது வாழ்வே அவர்களுக்கு எதிரான போராட்டம்தான். அதுவே நமக்கு வெற்றியைத்தரும்.  

அன்று இஸ்ரவேல் மகளைப்பார்த்து மோசே கூறினார், "பயப்படாதிருங்கள்; நீங்கள் நின்றுகொண்டு இன்றைக்குக் கர்த்தர் உங்களுக்குச் செய்யும் இரட்சிப்பைப் பாருங்கள்; இன்றைக்கு நீங்கள் காண்கிற எகிப்தியரை இனி என்றைக்கும் காணமாட்டீர்கள். கர்த்தர் உங்களுக்காக யுத்தம்பண்ணுவார்; நீங்கள் சும்மாயிருப்பீர்கள்." ( யாத்திராகமம் 14: 13, 14) என்று.  மோசே கூறியதுபோன்ற செயலைச் செய்ய தேவன் இன்றும் வல்லவராகவே இருக்கின்றார்.

இன்றைய தியான வசனத்தில், "அவர்களெல்லார்மேலும் பூரணகிருபை உண்டாயிருந்தது." என்று கூறப்பட்டுள்ளது. நமது சுய பலமல்ல, மாறாகத் தேவ கிருபையே நம்மைச் சாட்சியுள்ள வாழ்க்கை வாழத்  துணைபுரியும், அந்தத் தேவ கிருபைக்காக மன்றாடுவோம். உயிர்த்தெழுந்த கிறிஸ்துவுக்குச் சாட்சிகளாக வாழ்வோம்; நமது வாழ்க்கையால் கிறிஸ்துவுக்குச் சான்று பகர்வோம். 

தேவ செய்தி :- சகோ. எம். ஜியோ பிரகாஷ்                                   

Scripture Meditation - No: 1,540
‘Aathavan’ 💚 April 25, 2025 💚 Friday

“And with great power gave the apostles witness of the resurrection of the Lord Jesus: and great grace was upon them all.” (Acts 4:33, KJV)

This world accepts anything based on evidence. Even in courts of law, judgments are passed based on witnesses. Whether it is murder, theft, or rape—evidence is essential for conviction. In the same way, the resurrection of Christ also requires testimony. For although Christ rose from the dead, He did not walk openly among people as He did before His death.

Because of this, the Jews who had crucified Him did not believe in His resurrection. Yet, they could not deny the mighty works done by the apostles. When Peter and John healed a lame man, the Jews could not argue against them, because the man who was healed was standing right beside them as a living testimony. As it is written:

“And beholding the man which was healed standing with them, they could say nothing against it.” (Acts 4:14, KJV)

The apostles—Peter and the other disciples—had journeyed with Jesus Christ for three and a half years. They had seen His power with their own eyes and experienced it firsthand. That’s why Peter wrote:

“For we have not followed cunningly devised fables, when we made known unto you the power and coming of our Lord Jesus Christ but were eyewitnesses of his majesty.” (2 Peter 1:16, KJV)

Yes, beloved, the resurrection of Jesus Christ and His living presence with us today are not mere myths or fables—they are true experiences.

If we have personally experienced the forgiveness of our sins through His blood, then we too can say with 100% certainty that this is no fable. Though we may not perform mighty miracles like the apostles, we can still live a life that testifies of Him.

The early Christians lived such a distinct and witnessing life that others called them “Christians.” Their lives were different from the rest. As it is written:

“And the disciples were called Christians first in Antioch.” (Acts 11:26, KJV)

The apostles gave powerful testimony of the resurrection of the Lord Jesus. We too are called to live as strong witnesses through our lives. In today’s world, persecution against Christians is increasing. But we are not called to fight back like the world. Our lives, when united with Christ, are themselves a battle against the forces of darkness—and that life itself is what brings us victory.

In the days of Moses, he said to the Israelites:

“Fear ye not, standstill, and see the salvation of the Lord, which he will shew to you today: for the Egyptians whom ye have seen today, ye shall see them again no more for ever. The Lord shall fight for you, and ye shall hold your peace.” (Exodus 14:13-14, KJV)

Even today, God is able to do what He did back then through Moses. In today's meditation verse, it is written: “...and great grace was upon them all.”

It is not our own strength, but the grace of God that helps us live a life of testimony. Let us pray for that divine grace. Let us live as witnesses to the risen Christ and testify of Him through our lives.

God’s Message by: Bro. M. Geo Prakash