இரட்சிப்பு

 ஆதவன் 🖋️ 658 ⛪ நவம்பர் 16,  2022 புதன்கிழமை

"நானே அறிவித்து, இரட்சித்து, விளங்கப்பண்ணினேன்; உங்களில் இப்படிச் செய்யத்தக்க அந்நிய தேவன் இல்லை; நானே தேவன் என்பதற்கு நீங்கள் எனக்குச் சாட்சிகள் என்று கர்த்தர் சொல்லுகிறார்." ( ஏசாயா 43 : 12 )

இன்று உலகத்தில் பல்வேறு மதங்கள் இருந்தாலும் முழு நிச்சயமாக நம்மை கிறிஸ்துவிமேல் நம்பிக்கைகொள்ள வைப்பது கிறிஸ்துவின் இரட்சிப்பு அனுபவமே. உலகிலுள்ள மக்கள் அனைவரும் தங்கள் உலகத் தேவைகளையே கடவுளிடம் வேண்டுகின்றனர். ஆனால் கிறிஸ்தவம் அப்படிச் சொல்லவில்லை. "நான் பரிசுத்தர்; நீங்களும் பரிசுத்தராயிருங்கள்" என்பதே கர்த்தரது மேலான வார்த்தை.  மறுமை வாழ்வுக்கு நேராக மனிதன் பாவ பழுதற்று இருந்தால் மட்டுமே செல்ல முடியும்.  அதற்கு வழிகாட்டவும் அதற்கான பாதையினை ஏற்படுத்தவும் கிறிஸ்து உலகத்தில் வந்தார். இதுவே கிறிஸ்தவத்தின் அடிப்படை.

ஆனால், இன்றைய மூன்றாம்தர பண ஆசை ஊழியர்களால் கிறிஸ்தவ சத்தியம் மறைக்கப்பட்டு மற்றவர்களால் கிறிஸ்தவத்தின் மேன்மையினை அறிய முடியாத ஒரு நிலை ஏற்பட்டுள்ளது.  இந்த அவல நிலைமைக்கு இன்றுள்ள பிரபல ஊழியர்களே 100% காரணம். தேவனுக்கு அவர்கள் கணக்கு ஒப்புவிப்பார்கள்.

"நானே அறிவித்து, இரட்சித்து, விளங்கப்பண்ணினேன்; உங்களில் இப்படிச் செய்யத்தக்க அந்நிய தேவன் இல்லை" என்று இன்றைய வசனம் திட்டமும் தெளிவுமாகக் கூறுகின்றது. உலகத்தில் பாவத்தை மன்னிக்க எந்த அந்நிய தெய்வங்களுக்கும் அதிகாரமில்லை. அந்த அதிகாரம் கர்த்தராகிய இயேசு கிறிஸ்து ஒருவருக்கே உண்டு. எனவேதான்  இன்றைய வசனம், "இப்படிச் செய்யத்தக்க  அந்நிய தேவன் இல்லை" என்று கூறுகின்றது. 

இன்று பிற தேவர்களிடம் ஜெபித்து பிற மதத்தினர் தாங்கள் பல ஆசீர்வாதங்களைப் பெற்றுள்ளதாகக் கூறுகின்றனர். அவை உண்மையாக இருக்கலாம். உலக ஆசீர்வாதங்களை அவர்கள் பெற்றிருக்கலாம். ஆனால், இரட்சிப்பு அனுபவம் பெற்று பாவ விடுதலையை நான் வணங்கும் தெய்வம் எனக்குக் கொடுத்தது என்று எவராலும் துணிந்து கூற முடியாது. அது கர்த்தராகிய இயேசு கிறிஸ்துவினால் மட்டுமே முடியும்.  

"நானே தேவன் என்பதற்கு நீங்கள் எனக்குச் சாட்சிகள் என்று கர்த்தர் சொல்லுகிறார்." என்று இன்றைய வசனம் கூறுகின்றது. ஆம், நாம் ஒரு சாட்சி வாழ்க்கை வாழவே அழைக்கப்பட்டுள்ளோம். அப்படி ஒரு வாழ்க்கை வாழ உதவுவதுதான் இரட்சிப்பு அனுபவம். அந்த அனுபவத்தைப் பெறும்போது மட்டுமே நாம் கிறிஸ்துவுக்கு ஏற்புடைய வாழ்க்கை வாழ முடியும். 

உலக ஆசை, செழிப்பு உபதேசம் செய்யும் ஊழியர்களை நம்பிக் கொண்டிருந்தோமானால் கிறிஸ்தவம்  கூறும் மேலான அனுபவத்திற்குள் வர முடியாது. சராசரி உலக மதங்களைப்போல கடவுளை ஆராதித்து, உலக ஆசீர்வாதங்களைப் பெற்றதையே சாட்சியாகக்கூறி  கிறிஸ்து இல்லாத கிறிஸ்தவர்களாக வாழ்வோம்; பரிதபிக்கத்தக்கவர்கள் ஆவோம்.

எனவேதான் எபிரெய நிருப ஆசிரியர் கூறுகின்றார், "முதலாவது கர்த்தர் மூலமாய் அறிவிக்கப்பட்டு, பின்பு அவரிடத்தில் கேட்டவர்களாலே நமக்கு உறுதியாக்கப்பட்டதும், அடையாளங்களினாலும் அற்புதங்களினாலும் பலவிதமான பலத்த செய்கைகளினாலும், தம்முடைய சித்தத்தின்படி பகிர்ந்துகொடுத்த பரிசுத்த ஆவியின் வரங்களினாலும், தேவன் தாமே சாட்சி கொடுத்ததுமாயிருக்கிற இவ்வளவு பெரிதான இரட்சிப்பைக்குறித்து நாம் கவலையற்றிருப்போமானால் தண்டனைக்கு எப்படித் தப்பித்துக்கொள்ளுவோம்." ( எபிரெயர் 2 : 3, 4 )

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Salvation

 AATHAVAN 🖋️ 658 ⛪ Wednesday, November 16, 2022

"I have declared, and have saved, and I have shewed, when there was no strange god among you: therefore ye are my witnesses, saith the LORD, that I am God." ( Isaiah 43 : 12 )

Although there are many religions in the world today, it is the salvation experience of Christ that makes us have faith in Christ. All the people of the world ask God for their worldly needs. But Christianity does not say like that. "I am holy; be ye holy" is the supreme word of the Lord. Man can attain eternal life only if we are  free from sin. Christ came into the world to guide us and pave the way for it. This is the basis of Christianity.

But today's third-class money-loving Christian preachers have hidden the truth of Christianity so that others cannot recognize the superiority of Christianity. Today's celebrity evangelists are 100% responsible for this dire situation. They will give an account for this to God.

Today's verse clearly states that "I have declared, and have saved, and I have shewed, when there was no strange god among you" No other gods have power to forgive sin in the world. Only the Lord Jesus Christ has that authority. That is why today's verse says, "There is no god who can do this."

Today, people of other religions claim and proclaim witnesses to have received many blessings by praying to their gods. They may be true. They may have received worldly blessings. But no one can dare to say that, "the God whom I worship gave me the experience of salvation and freedom from sin". It can only be done by the Lord Jesus Christ.

"Ye are my witnesses, saith the LORD, that I am God" today's verse says. Yes, we are called to live a life of witness. Helping to live such a life is only possible with salvation experience. Only when we have that experience can we live a Christ-like life.

If we are relying on Christian ministers who preach worldly desire and prosperity, we will not be able to enter into the higher experience that Christianity offers. If we follow them, we will  live a life  as Christless Christians, worshiping God like the average worldly religions and testifying that we have received worldly blessings; We would be pathetic.

That's why the author of the book of Hebrews says, "How shall we escape, if we neglect so great salvation; which at the first began to be spoken by the Lord, and was confirmed unto us by them that heard him; God also bearing them witness, both with signs and wonders, and with divers miracles, and gifts of the Holy Ghost, according to his own will? ( Hebrews 2 : 3, 4 )

Message :- Bro. M. Geo Prakash Contact- 96889 33712

பொறாமை அதம்பண்ணும்

 ஆதவன் 🖋️ 657 ⛪ நவம்பர் 15,  2022 செவ்வாய்க்கிழமை

"கோபம் நிர்மூடனைக் கொல்லும்; பொறாமை புத்தியில்லாதவனை அதம்பண்ணும்." ( யோபு 5 : 2 )

கோபம்,  பொறாமை எனும் இரண்டு குணங்களைப்பற்றி இன்றைய வசனம் கூறுகின்றது. கோபம் வருவதற்கு முக்கிய காரணம் பொறாமைதான். நம்மைவிட மற்றவர்கள் நன்றாக இருப்பது பலருக்குப் பிடிக்காது. இதுவே பொறாமைக்குணம். இப்படிபட்டப் பொறாமை கொள்பவன் தனது பொறாமையை கோபத்தில் வெளிப்படுத்துவான்.

இன்றைய தினசரி பத்திரிகைகளில் வரும் பெரும்பாலான பாவக் காரியங்களுக்குப்பின்னால் பொறாமையும் கோபமும் அடங்கியிருப்பதைக் காணலாம். 

தான் காதலிக்கும் பெண் மற்ற ஒருவனுக்குக் கிடைக்கக்கூடாது,  தன்னைவிட மற்றவர்கள் செல்வம் சேர்த்துவிடக்கூடாது, நல்ல ஆடையோ நகைகளையோ அணியக்கூடாது, எந்த இடத்திலும் நானே முன்னால் நிற்கவேண்டும், அடுத்தவர்கள் பதவி பெற்றுவிட்டால் அந்த இடத்தில நாம் இருக்கக்கூடாது, இவைபோன்றவையே பொறாமைக்குணம் கொண்டவர்களது எண்ணங்கள். இப்படிப் பொறாமை கொண்டவர்கள் கோபம் அதிகரிக்கும்போது  துணிந்து எந்தச் செயலையும் செய்வார்கள். 

கொலைகள்,  களவு, அடுத்தவர் சொத்தினை அபகரித்தல், கற்பழிப்பு, ஒருவரைக்குறித்து மேலதிகாரிகளுக்கு மொட்டைக்கடிதம் அனுப்புவது,  இவை எல்லாமே பெரும்பாலும் பொறாமையினால் ஏற்படும் கோபத்தின் விளைவுகளே இந்தக் . "கோபம் நிர்மூடனைக் கொல்லும்; பொறாமை புத்தியில்லாதவனை அதம்பண்ணும்."

காயின் தனது சகோதரன் ஆபேலைப் கொலைசெய்யக் காரணம் பொறாமையே. இதனை அப்போஸ்தலரான யோவான், "பொல்லாங்கனால் உண்டாயிருந்து தன் சகோதரனைக் கொலைசெய்த காயீனைப் போலிருக்கவேண்டாம்; அவன் எதினிமித்தம் அவனைக் கொலைசெய்தான்? தன் கிரியைகள் பொல்லாதவைகளும், தன் சகோதரனுடைய கிரியைகள் நீதியுள்ளவைகளுமாயிருந்ததினிமித்தந்தானே." ( 1 யோவான்  3 : 12 ) என்று கூறுகின்றார். புத்தியில்லாத அவனது செயல்   கர்த்தரது சாபத்துக்கு ஆளாக்கியது. "உலகத்தில் நிலையற்று அலைந்து திரிகிறவனாயிருப்பாய்" என்று சபித்தார் கர்த்தர்.   

மேலும், பொறாமை, கோபம் போன்ற குணங்கள் மனிதனை உடலளவில்  பாதிக்கும் என்று விஞ்ஞானமும் கூறுகின்றது. இரத்தக்கொதிப்பு,  இருதய நோய்கள், வயிறு சம்பந்தமான சில நோய்கள் ஏற்பட கோபமும் பொறாமையும் காரணமாயிருக்கின்றன. 

"பொறாமை புத்தியில்லாதவனை அதம்பண்ணும்" என்று இன்றைய வசனம் கூறுகின்றது. அதன் பண்ணும் என்பதற்கு  வதைக்கும் என்று பொருள். இதனை நாம் For wrath killeth the foolish man, and envy slayeth the silly one என்று ஆங்கில மொழிபெயர்ப்பில் வாசிக்கின்றோம்.  

பொறாமை பிசாசின் குணம். ஆதியில் தேவனோடு இருந்த லூசிபர் பெருமை, பொறாமை எனும் பாவத்தால்தான் நரகத்தில் தள்ளப்பட்டான். தேவனுக்குக் கிடைக்கும் ஆராதனையைக் கண்டு பொறாமைகொண்டான். அதுபோல  தனக்கும் ஆராதனை கிடைக்கவேண்டுமென்று எதிர்பார்த்தான். பொறாமையால் அழிந்தான்.  

அன்பானவர்களே, பொறாமை, கோபம் போன்ற குணங்கள் நம்மிடம் இருப்பதை உள்ளத்தின் உணர்ந்தால் தேவனிடம் மன்னிப்பு வேண்டுவோம். இத்தகைய குணங்களை இருதயத்தில் வைத்துக்கொண்டு நாம் செய்யும் ஆராதனைகளும், கொடுக்கும் காணிக்கைகளும் கர்த்தருக்கு ஏற்புடையவை அல்ல.  

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Envy slayeth

 AATHAVAN 🖋️ 657 ⛪ November 15, 2022 Tuesday

"For wrath killeth the foolish man, and envy slayeth the silly one." ( Job 5 : 2 )

Today's verse talks about the two unwanted qualities of men, anger and jealousy. Jealousy is the main cause of anger. Many people don't like when others are better than them in worldly affairs. This is jealousy. Such a jealous person expresses his jealousy in anger.

Jealousy and anger can be seen behind most of the sinful things that appear in today's daily papers.

Jealousy occurs when the pretty woman one loves is given to someone else, when others add wealth, seeing others wearing nice clothes or jewelry, expecting honour and importance in all places and cannot bear if others get such position or honour,  these are the thoughts and acts of jealous people. Such jealous people will dare to do anything when their anger increases.

Murders, thefts, usurping other people's property, rape, sending complaint letters about someone in certain position to superiors, all these are mostly the result of anger caused by jealousy. But Bible says, "wrath killeth the foolish man, and envy slayeth the silly one." 

Cain killed his brother Abel out of jealousy. The apostle John writes, "Not as Cain, who was of that wicked one, and slew his brother. And wherefore slew he him? Because his own works were evil, and his brother's righteous." ( 1 John  3 : 12 ) His unwise action made him cursed by God. "You shall be a restless wanderer in the world," cursed the Lord.

Science also says that qualities like jealousy and anger affect a person physically. Anger and jealousy are the causes of blood clotting, heart diseases and some diseases related to stomach.

Today's verse says, "envy slayeth the silly one." Its means, envy will destroy a man bit by bit until completely destroying him. 

Jealousy is the devil's character. Lucifer, who was with God in the beginning, was cast into hell because of the sin of pride and envy. He was jealous of the worship that God was getting. He also expected to receive worship in the same way. He was destroyed by jealousy.

Beloved, if we feel in our heart that we have qualities like jealousy and anger, let us ask God for forgiveness. The prayers and offerings we make with such qualities in our hearts are not acceptable to the Lord.

Message :- Bro. M. Geo Prakash Contact- 96889 33712

கர்த்தருக்குப் பயப்படுகிற பயம்

 ஆதவன் 🖋️ 656 ⛪ நவம்பர் 14,  2022 திங்கள்கிழமை

"கர்த்தருக்குப் பயப்படுகிற மனுஷன் எவனோ அவனுக்குத் தாம் தெரிந்துகொள்ளும் வழியைப் போதிப்பார். அவன் ஆத்துமா நன்மையில் தங்கும்; அவன் சந்ததி பூமியைச் சுதந்தரித்துக்கொள்ளும்." ( சங்கீதம் 25 : 13 )

எதிர்காலத்தில் தங்களுக்கு நடக்க இருப்பதை அறிந்துகொள்வதில் எல்லோருக்குமே ஆசை உண்டு. ஆனால் தேவன் மனிதர்களது எதிர்காலத்தை மறைவாகவே வைத்துள்ளார். ஆனால் அதனை அறிந்துகொள்ளும் ஆர்வத்தில் பலரும் பல விதங்களில் முயல்கின்றனர். மரித்த ஆவிகளிடம் குறி கேட்கின்றனர், குறிசொல்பவர்களையும், ஜோசியர்களையும் நாடி ஓடுகின்றனர். 

ஜோசியர்கள் கூறும் காரியங்கள் சில வேளைகளில் உண்மைபோலத் தோன்றும். காரணம் அவர்களில் பலர் நமது கடந்த காலத்தைக்குறித்துச் சரியாகச் சொல்வதுண்டு. அசுத்த ஆவிகளின் வல்லமைகளால் இது சாத்தியமாகின்றது. ஆனால், நமது எதிர்காலம் குறித்து நம்மை உருவாக்கிய கர்த்தர் மட்டுமே அறிவார். 

இன்றைய வசனத்தில் சங்கீத ஆசிரியர், "கர்த்தருக்குப் பயப்படுகிற மனுஷன் எவனோ அவனுக்குத் தாம் தெரிந்துகொள்ளும் வழியைப் போதிப்பார்" என்று கூறுகின்றார். அதாவது, நாம் கர்த்தருக்குப் பயப்படும் ஒரு நீதியுள்ள வாழ்க்கை வாழ்வோமானால் அவர் நமக்கு நாம் தெரிந்து நடக்கவேண்டிய வழியைக் காட்டுவார். நமக்கு வாழ்க்கையில் அவர் வைத்துள்ள சித்தத்தை வெளிப்படுத்துவார். 

ஜோசியக்காரர்கள் கூறுவதுபோல தேவன் கூறுவதில்லை. மாறாக, நம்மைக்குறித்த அவனது சித்தத்தை மட்டும் வெளிப்படுத்துவார். ஆபிரகாமிடம் இப்படித்தான் கூறினார். "உன் சந்ததியைக் கடற்கரை மணலைப்போலவும் வானத்து விண்மீன்களைப்போலவும் பெருகச் செய்வேன் என்று கூறினார். அதனை விசுவாசித்து ஆபிரகாம் தனது வாழ்க்கையை எதிர்கொண்டார். அதனையே இன்றைய வசனம், "கர்த்தருக்குப் பயப்படுகிற மனுஷன் எவனோ அவனுக்குத் தாம் தெரிந்துகொள்ளும் வழியைப் போதிப்பார்" என்று கூறுகின்றது.

அதுமட்டுமல்ல, "அவன் ஆத்துமா நன்மையில் தங்கும்; அவன் சந்ததி பூமியைச் சுதந்தரித்துக்கொள்ளும்." என்று இந்த வசனம் கூறுகின்றது. கர்த்தருக்குப் பயந்த ஒரு வாழ்க்கை வாழும்போது நமது ஆத்துமா நன்மைகளைக் காணும். மட்டுமல்ல, நமது குழந்தைகளும் பேரக்குழந்தைகளும்கூட நல்லதொரு வாழ்க்கை வாழும். அதனையே "அவன் சந்ததி" என்று இன்றைய வசனத்தில்  கூறப்பட்டுள்ளது.   

அன்பானவர்களே, நாம் கர்த்தருக்கு ஏற்ற ஒரு வாழ்க்கை வாழும்போது மிகப்பெரிய ஆசீர்வாதம் உண்டு. விசுவாசத்தோடு கர்த்தரது  வார்த்தைக்குக் கீழ்ப்படிந்து நடந்த ஆபிரகாமை நினைத்துக்கொள்வோம். ஒரு தனி மனிதனாக இருந்த அவனை தேவன் ஒரு மிகப்பெரிய வலுவான தேசமாகவே மாற்றினார். இன்றைய வசனம் கூறுவதுபோல அவனது சந்ததி ஆசீர்வாதமான சந்ததியாக விளங்குகின்றது. 

கர்த்தருக்குப் பயப்படுத்தல் என்பது ஒருகாவல்துறை அதிகாரியைப்பார்த்தோ அல்லது ஒரு மாணவன் ஆசிரியரைப் பார்த்தோ பயப்படுவதுபோன்ற பயமல்ல. மாறாக, தீமைக்கு விலகி வாழ்வதே கர்த்தருக்குப் பயப்படுதல். 

அப்படி நாம் வாழும்போது இன்றைய வசனம் கூறுவதுபோல  தேவன் நமக்காக ஏற்பாடு செய்துள்ள வழியை அதாவது எதிர்காலத் திட்டத்தை வெளிப்படுத்துவார். நமது சந்ததியும் இந்த உலகத்தில் ஒரு ஆசீர்வாதமான வாழ்க்கை வாழும். இதனைத் தவிர்த்து அநியாய வாழ்க்கை வாழ்ந்து அதிக பொருள் சேர்த்து வைப்பதால் நமது சந்ததி வாழாது. கர்த்தருக்குப் பயப்படும் வாழ்க்கை வாழ்வோம். மெய்யான  ஆசீர்வாதத்தைச் சுதந்தரித்துக்கொள்வோம். 

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Fear of the Lord

 AATHAVAN 🖋️ 656 ⛪ November 14, 2022 Monday

"What man is he that feareth the LORD? him shall he teach in the way that he shall choose. His soul shall dwell at ease; and his seed shall inherit the earth. ( Psalms 25 : 12,13 )

Everyone has a desire to know what will happen to them in the future. But God has kept the future of mankind hidden. But in the interest of knowing it, many people try in many ways. They ask for signs from the spirits of the dead, seek fortune-tellers and soothsayers.

The things that astrologers say sometimes seem true. Because many of them are right about our past. This is made possible by the powers of unclean spirits. But only the Lord who created us knows about our future.

In today's verse, the psalmist says, "he that feareth the LORD? him shall he teach in the way that he shall choose." That is, if we live a righteous life fearing the Lord, He will show us the way we should know and walk. He will reveal His will for our lives.

God does not say as soothsayers say. Rather, He will only reveal His will for us. This is what he told Abraham. He said, "I will multiply your descendants like the sand of the seashore and like the stars of the sky." Abraham faced his life believing that. Today's verse says the same, "he that feareth the LORD? him shall he teach in the way that he shall choose."

Moreover, this verse says "His soul shall dwell at ease; and his seed shall inherit the earth." Our soul will see benefits when we live a life fearing the Lord. Not only that, our children and grandchildren will also live a better life. That is what is said in today's verse as "His seed".

Beloved, there is a great blessing when we live a life worthy of the Lord. Let us think of Abraham who obeyed God's word with faith. God turned him from a single man into a mighty nation. As today's verse says, his offspring are a blessed offspring.

Fear of the Lord does not mean a man's fear of a police officer or a student's fear of a teacher. Rather, fearing the Lord is living away from evil.

When we live like that, as today's verse says, God will reveal the way He has arranged for us, that is, the plan for the future. Our descendants will live a blessed life in this world. Apart from this, our progeny will not live because we live an unjust life and accumulate more material. Let's live a God-fearing life. Let us inherit true blessings.

Message :- Bro. M. Geo Prakash Contact- 96889 33712

நித்திய விவாகம்

 ஆதவன் 🖋️ 655 ⛪ நவம்பர் 13,  2022 ஞாயிற்றுக்கிழமை

"நித்திய விவாகத்துக்கென்று உன்னை எனக்கு நியமித்துக்கொள்ளுவேன்; நீதியும் நியாயமும் கிருபையும் உருக்க இரக்கமுமாய் உன்னை எனக்கு நியமித்துக்கொள்ளுவேன்." ( ஓசியா 2 : 19 )

தேவனுக்கும் மனிதனுக்குமான உறவு காதலன் காதலி உறவுபோலவும், கணவன் மனைவி உறவுபோலவும் உள்ளது. வேதாகமத்தில் பல வசனங்களை நாம் இதற்கு உதாரணம் கூறலாம். உன்னதப்பாட்டுப் புத்தகம் முழுவதும் இப்படியே எழுதப்பட்டுள்ளது.  

வெளிப்படுத்தின விசேஷத்தில் மணவாளன் மணவாட்டி என்று கூறப்பட்டுள்ளது. கிறிஸ்துவின் சபையும் விசுவாசிகளுமே மணவாட்டிகள். கிறிஸ்துவே மணவாளன். 

இன்று கர்த்தர் நமக்கு ஒரு வாக்குறுதி தருகின்றார். என்னோடு "நித்திய விவாகத்துக்கென்று உன்னை எனக்கு நியமித்துக்கொள்ளுவேன்" என்கின்றார். நான் உன்னை எனது வாழ்க்கைத் துணையாக ஏற்றுகொள்ளத் தயாராக இருக்கிறேன் என்று ஒருவர் மற்றவரிடம் கூறுவதுபோல உள்ளது இது. அதாவது நம்மை அவருக்கு உரியவர்களாக மாற்றுவேன் என்கின்றார். மீட்பு அனுபவம் ஒருவர் பெறுகிறார் என்றால், அவரை தேவன் தனது மணவாட்டியாகத் தெரிந்துள்ளார் என்று பொருள்.

கிறிஸ்து ஒருவரைத் தெரிந்துகொள்வது அவரது கிருபையினால்தான். இதனையே இன்றைய வசனத்தில், "நீதியும் நியாயமும் கிருபையும் உருக்க இரக்கமுமாய் உன்னை எனக்கு நியமித்துக்கொள்ளுவேன்." என்று கூறப்பட்டுள்ளது. இதனையே அப்போஸ்தலரான பவுல் அடிகளும் கூறியுள்ளார். "கிருபையினாலே விசுவாசத்தைக் கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு." ( எபேசியர் 2 : 8 ) ஆம், கிறிஸ்து நம்மைத் தெரிந்துகொண்டு அவரை நமக்கு வெளிப்படுத்துவது அவரது கிருபையினால்தான். 

இன்றைய வசனத்தில் நம்மை அவருக்கு மணவாட்டியாக அவர் தெரிந்துகொள்வேன் என்று கூறுகின்றார்.  "உண்மையாய் உன்னை எனக்கு நியமித்துக் கொள்ளுவேன்; நீ கர்த்தரை அறிந்துகொள்ளுவாய்." ( ஓசியா 2 : 20 )

அன்பானவர்களே, இந்த உலகத்திலுள்ள எல்லா ஆசீர்வாதங்களிலும் மிகப் பெரிய ஆசீர்வாதம் கிறிஸ்துவை அறிந்துகொள்வதுதான். நாம் ஒவ்வொருவரையுமே தனக்கு ஏற்புடையவர்களாக தெரிந்துகொள்ள கிறிஸ்து விரும்புகின்றார். ஆனால் அதற்கு நமது பாவங்கள் மன்னிக்கப்படவேண்டியது அவசியம். நாம் நமது உள்ளத்தினை எந்த ஒளிவுமறைவுமின்றி அவரிடம் திறந்து காட்டவேண்டியது அவசியமாய் இருக்கின்றது.  நமது உள்ளக்  கதவினை அவர் தட்டிக்கொண்டே இருக்கின்றார். நமது உள்ளமாகிய கதவினைத் திறக்கவேண்டியதே நாம் செய்யவேண்டியது. 

"இதோ, வாசற்படியிலே நின்று தட்டுகிறேன்; ஒருவன் என் சத்தத்தைக்கேட்டு, கதவைத் திறந்தால், அவனிடத்தில் நான் பிரவேசித்து, அவனோடே போஜனம்பண்ணுவேன், அவனும் என்னோடே போஜனம்பண்ணுவான்." ( வெளிப்படுத்தின விசேஷம் 3 : 20 )

இயேசு நமது இதயக் கதவை எப்படித் தட்டுவார் என்று நீங்கள் எண்ணலாம்.  இரட்சிப்புக்கேற்ற பிரசங்கங்கள், கட்டுரைகள் இவற்றை நாம் கேட்கும்போது, வாசிக்கும்போது அவர் நமது இருதயத்தைத் தட்டுகின்றார். அவற்றுக்குச் செவிகொடுக்கும்போது அவர் நம்மிடம் வருகின்றார். 

அன்பானவர்களே, "நித்திய விவாகத்துக்கென்று உன்னை எனக்கு நியமித்துக்கொள்ளுவேன்; நீதியும் நியாயமும் கிருபையும் உருக்க இரக்கமுமாய் உன்னை எனக்கு நியமித்துக்கொள்ளுவேன்." என்கின்றார் கர்த்தராகிய இயேசு கிறிஸ்து. 

நம்மை ஏற்றுக்கொள்ள அவர் தயார்; அவரை ஏற்றுக்கொள்ள நாம் தயாரா? 

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Betroth for ever

 AATHAVAN 🖋️ 655 ⛪ November 13, 2022 Sunday

"And I will betroth thee unto me for ever; yea, I will betroth thee unto me in righteousness, and in judgment, and in lovingkindness, and in mercies." ( Hosea 2 : 19 )

The relationship between God and man is like that of lovers and that of a husband and wife. We can cite many verses in the Bible as examples of this. This is how the whole book of Song of Songs is written.

It is said in the Book of Revelation, Bridegroom and Bride. Christ's church and believers are the Bride. Christ is the Bridegroom.

Today the Lord gives us a promise. He says to us, "I will betroth thee unto me for ever." It is like one saying to another that I am ready to accept you as my life partner. That is, He says that He will make us His own. If one experiences redemption, it means that God knows him / her as His bride.

We can know Christ by His grace only. This is what is said in today's verse, "I will betroth thee unto me in righteousness, and in judgment, and in lovingkindness, and in mercies." This is what the Apostle Paul also said. "For by grace are ye saved through faith; and that not of yourselves: it is the gift of God" ( Ephesians 2 : 8 ) Yes, it is by His grace that Christ knows us and reveals Himself to us.

In today's verse he says that he will know us as his bride. "I will even betroth thee unto me in faithfulness: and thou shalt know the LORD.( Hosea 2 : 20 )

Beloved, the greatest of all blessings in this world is to know Christ. Christ wants to know each of us as acceptable to Him. But that requires our sins to be forgiven. It is necessary that we open our hearts to him without any hesitation. He keeps knocking on our inner door. All we have to do is to open the door for him to enter in. 

"Behold, I stand at the door, and knock: if any man hear my voice, and open the door, I will come in to him, and will sup with him, and he with me." ( Revelation 3 : 20 )

You may think how Jesus knocks on the door of our hearts? How can we know this? Dears, He touches our heart when we hear and read salvation sermons and articles. He comes to us when we listen to them and obey.

Beloved, "I will betroth thee unto me for ever; yea, I will betroth thee unto me in righteousness, and in judgment, and in lovingkindness, and in mercies." Says the Lord Jesus Christ.

He is ready to accept us; Are we ready to receive Him?

Message :- Bro. M. Geo Prakash Contact- 96889 33712

கர்த்தரது வார்த்தை

 ஆதவன் 🖋️ 654 ⛪ நவம்பர் 12,  2022 சனிக்கிழமை

"கர்த்தருடைய சொற்கள் மண் உலையில் ஏழுதரம் உருக்கி, புடமிடப்பட்ட வெள்ளிக்கொப்பான சுத்த சொற்களாயிருக்கின்றன." ( சங்கீதம் 12 : 6 )

கர்த்தருடைய வார்த்தையின் வல்லமைக்குக் காரணம் என்ன என்பதை இன்றைய வசனம் விளக்குகின்றது.  அதாவது, மனிதர்களது வாயிலிருந்த்து வருவனபோன்ற வார்த்தைகளல்ல கர்த்தரிடம் வருவது. அவை  சுத்தமான வார்த்தைகள். ஏழுமுறை உலையிலிட்டு உருக்கிய வெள்ளியைப்போன்றவை அவை. அதாவது, கர்த்தரது  வார்த்தையில் என்தப்பழுதும் இருபத்தில்லை. கவர்ச்சியோ ஏமாற்றோ இருப்பதில்லை. 

மனிதர்கள் நாம் பல்வேறு வார்த்தைகளைப் பேசுகின்றோம். ஆனால் நமது இதயத்து எண்ணங்களைப் பிரதிபலிக்கும் வார்த்தைகளைப் பலவேளைகளில் வெளியில் பேச முடிவதில்லை. ஆனால் கர்த்தரது  வார்த்தைகள் ஆம் என்றும், ஆமென் என்றும் இருக்கின்றன.  

மட்டுமல்ல, அவர் என்ன பேசுகின்றாரோ அல்லது நினைக்கின்றாரோ அது அப்படியே எந்த மறைவுமின்றி வெளிவரும். காரணம் அவர் யாருக்கும் எதற்கும் பயப்படத் தேவையில்லை. ஆம், எனவே, "கர்த்தருடைய வார்த்தை உத்தமமும், அவருடைய செய்கையெல்லாம் சத்தியமுமாயிருக்கிறது." ( சங்கீதம் 33 : 4 )

கர்த்தரது வார்த்தைகள் இப்படி உண்மையும் உத்தமுமானவையாக இருப்பதால் அந்த வார்த்தைகள் அவர் வாயிலிருந்து வெளிவரும்போது அவர் என்ன நினைத்துச் சொல்கின்றாரோ அதுவாகவே வெளிவருகின்றது. உதாரணமாக நாம் கல்லைப் பார்த்துக் கல்  என்று சொல்கின்றோம். ஆனால் அவர் கல் என்று சொன்னால், அது கல்லாகவே வெளிவருகின்றது. இப்படித்தான் அவர் உலகினைப் படைத்தார். அவர் தனது வார்த்தையால் உலகினைப் படைத்தார் என்று வாசிக்கின்றோம். அவர் "உண்டாகட்டும்" என்று சொல்ல அனைத்தும் உண்டாயின.

"கர்த்தருடைய வார்த்தையினால் வானங்களும், அவருடைய வாயின் சுவாசத்தினால் அவைகளின் சர்வசேனையும் உண்டாக்கப்பட்டது." ( சங்கீதம் 33 : 6 )

அந்த தேவனுடைய வார்த்தைதான் கர்த்தராகிய இயேசு கிறிஸ்து என்று வேதம் கூறுகின்றது. "ஆதியிலே வார்த்தை இருந்தது, அந்த வார்த்தை தேவனிடத்திலிருந்தது, அந்த வார்த்தை தேவனாயிருந்தது." ( யோவான் 1 : 1 ) என்று வாசிக்கின்றோம். எனவேதான் இயேசு கிறிஸ்துவின் வார்த்தையில் வல்லமை இருந்தது. அவர் சொல்ல அனைத்தும் நடந்தன. அவர் பிதாவாகிய தேவனுக்கு ஒப்பானவராகவே இருந்தார். 

"அந்த வார்த்தை மாம்சமாகி, கிருபையினாலும் சத்தியத்தினாலும் நிறைந்தவராய், நமக்குள்ளே வாசம் பண்ணினார்; அவருடைய மகிமையைக் கண்டோம்; அது பிதாவுக்கு ஒரேபேறானவருடைய மகிமைக்கு ஏற்ற மகிமையாகவே இருந்தது." ( யோவான் 1 : 14 )

அன்பானவர்களே, நாம் அவரைப்போல நூறு சதவிகிதம் சுத்தச்  சொற்களை பேசாவிட்டாலும் அப்படிப் பேச நாம் முயன்றால் நமக்கு அவர் உதவுவார். சுத்தமான சொற்களைப் பேசும்போதுதான் நமது வார்த்தையில் வல்லமை வெளிப்படும்.

ஆண்டவரே வல்லமை தாரும் என்று ஜெபிக்கும் பலரும் இதனை எண்ணுவதில்லை. ஜெபித்துவிட்டு நமது வார்த்தையில் எந்த மாற்றமுமின்றி வாழ்வோமானால் நமது வார்த்தைகள் வெற்று வார்தைகளாகத்தான் இருக்கும். நமது வார்த்தையில் வல்லமை இருந்தால்தான் மற்றவர்களுக்கு நாம் சுவிசேஷத்தை அறிவிக்கும்போது அது அவர்களது இருதயத்தில் மாற்றத்தை உண்டாக்கும். 

நமது நாவினை கர்த்தருக்கு ஒப்புக்கொடுப்போம். ஆண்டவரே, உம்மைப் போல சுத்த வார்த்தைகளைப் பேசுவதற்கு கிருபையினைத்தாரும் என்று வேண்டுவோம்.  அப்போது நமது வார்த்தைகளைத்  தேவன் கனம்பண்ணுவார்.  

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Word of God Psalms 12 : 6

AATHAVAN 🖋️ 654 ⛪ November 12, 2022 Saturday

"The words of the LORD are pure words: as silver tried in a furnace of earth, purified seven times." ( Psalms 12 : 6 )

Today's verse explains the reason for the power of God's word. That is, it is not as the words that come from the mouth of men that come to God. They are pure words. They are like silver that has been refined seven times. That is, there is no error in God's word. There is no glamor or deception.

We humans speak different types of words. Sometimes we cannot speak the words that reflect our heart's thoughts. But the Lord's words are yes and amen.

Moreover, whatever he says or thinks comes out without any concealment. Because he doesn't need to fear anyone or anything. Yea, therefore, "For the word of the LORD is right; and all his works are done in truth." ( Psalms 33 : 4 )

Because God's words are so true and honest, when those words come out of his mouth, what he thinks comes out. For example, we look at a stone and say it is a stone. But if he says stone, it comes out as stone. This is how he created the world. We read that He created the world by his word. All things came into being as He said, "Let there be."

"By the word of the LORD were the heavens made; and all the host of them by the breath of his mouth." ( Psalms 33 : 6 )

The Bible says that the Word of God is the Lord Jesus Christ. "In the beginning was the Word, and the Word was with God, and the Word was God." ( John 1 : 1 ) we read. That is why the word of Jesus Christ had power. Everything he said happened. He was identical with God the Father.

"And the Word was made flesh, and dwelt among us, (and we beheld his glory, the glory as of the only begotten of the Father,) full of grace and truth." ( John 1 : 14 )

Beloved, even if we don't speak 100 percent pure words like Him, He will help us if we try to speak like that. Only when we speak pure words will power be revealed in our words.

Many people who pray to God to give them strength do not consider this. If we pray and live without any change in our words, our words will be empty words. Only if our word has power will it change the hearts of others when we evangelize them.

Let us submit our tongue to the Lord. Lord, we pray for the grace to speak pure words like you. Then God will honor our words.

Message :- Bro. M. Geo Prakash Contact- 96889 33712

பெரிய பர்வதமே, நீ சமபூமியாவாய்

 ஆதவன் 🖋️ 653 ⛪ நவம்பர் 11,  2022 வெள்ளிக்கிழமை

"பெரிய பர்வதமே, நீ எம்மாத்திரம்? செருபாபேலுக்கு முன்பாக நீ சமபூமியாவாய்; தலைக்கல்லை அவன் கொண்டுவருவான்; அதற்குக் கிருபையுண்டாவதாக, கிருபையுண்டாவதாக என்று ஆர்ப்பரிப்பார்கள்" ( சகரியா 4 : 7 )

பாபிலோனில் அடிமைகளாய் இருந்த இஸ்ரவேலரை கோரேஸ் ராஜா விடுவித்து, நேபுகாத்நேச்சார் தகர்த்துப்போட்ட எருசலேம் ஆலயத்தைக் கட்டுவதற்கு அனுமதியளித்து அனுப்பினான்.  அதற்கு இணங்க இஸ்ரவேல் மக்கள் எருசலேமுக்குத் திரும்பிவந்து ஆலயத்தைக் கட்டத்துவங்கினர். ஆனால், யூதர்களின் எதிரிகள் அதற்குத் தடைசெய்தனர். கோரஸ் ராஜாவுக்குப்பின்பு வந்த அர்தசஷ்டா ராஜாவுக்கு பொய் புகார்களை அனுப்பி ஆலயக் கட்டுமானத்தைத் தடைசெய்தனர். 

செருபாபேல் தலைமையில் ஆலயக் கட்டுமானத்தில் ஈடுபட்டிருந்த இஸ்ரவேலருக்கு இது மிகப்பெரிய தடையாக இருந்தது. அவர்கள் பரலோகத்தின் தேவனை நோக்கி  முறையிட்டு அழுது ஜெபித்தனர். அவர்களைத் திடப்படுத்த கர்த்தரது வார்த்தைகள் சகரியா தீர்க்கதரிசி மூலம் வந்தது. இன்றைய தியான வசனத்துக்கு முந்தின வசனம் சொல்கின்றது, "செருபாபேலுக்குச் சொல்லப்படுகிற கர்த்தருடைய வார்த்தை என்னவென்றால், பலத்தினாலும் அல்ல, பராக்கிரமத்தினாலும் அல்ல, என்னுடைய ஆவியினாலேயே ஆகும் என்று சேனைகளின் கர்த்தர் சொல்லுகிறார்." ( சகரியா 4 : 6 ). செருபாபேலே பயப்படாதே, எனது ஆவியினால் நான் இதனைச் செய்து முடிப்பேன் என்பதே கர்த்தர் கூறுவதன் பொருள்.  

அன்பானவர்களே, இன்று நமது ஆவிக்குரிய வாழ்க்கையிலும் உலக வாழ்க்கையிலும் நமக்குப் பல்வேறு தடைகள் ஏற்படலாம். தோல்விகள் நிகழலாம். ஆனால் நாம் செருபாபேலைபோல கர்த்தருக்கு ஏற்புடையவர்களாக வாழ்ந்து, ஏற்புடைய செயல்களைச் செய்வோமானால்  செருபாபேலுக்குச் சொல்லியபடி பெரிய பர்வதமும் நமக்குமுன் சமபூமி ஆகிடும். 

செருபாபேல் எனும் பெயருக்குப்பதிலாக உங்கள் பெயரை அந்த இடத்தில சேர்த்து உச்சரித்து விசுவாசம்கொள்ளுங்கள். உதாரணமாக, நான் இதனை, "பெரிய பர்வதமே நீ எம்மாத்திரம்? ஜியோ பிரகாஷ் முன்பு நீ சமபூமியாவாய்" என்று கூறிக்கொள்வேன். அன்பானவர்களே, இப்படிச் சொல்லும்போது நமக்குள் விசுவாசம் ஏற்படும்.

தரியு எனும் ராஜா பாபிலோனில் ஆட்சிப்பொறுப்பை ஏற்றபோது செருபாபேலுக்குக் கூறப்பட்ட கர்த்தரது வார்த்தை நிறைவேறியது. மலை போன்ற தடைநீங்கி  சமபூமியாக மாறியது. எந்தத் தடையும் இல்லாமல் எருசலேம் ஆலயப் பணிகள் தொடர்ந்தன. 

இதற்கு முக்கிய காரணம், செருபாபேல் தனது சுய பலத்தை நம்பவில்லை. "பலத்தினாலும் அல்ல, பராக்கிரமத்தினாலும் அல்ல, என்னுடைய ஆவியினாலேயே ஆகும் என்று சேனைகளின் கர்த்தர் சொல்லுகிறார்." என்ற வார்த்தைகளின்படி கர்த்தரது ஆவி செயல்பட அவர் பொறுமையோடு காத்திருந்தார். 

நாமும் இதுபோலச்  செயல்படுவோம். பிரச்சனைகள் ஏற்படும்போது நமது சுய பலத்தை நம்பிச் செயல்படாமல் கர்த்தரது பலத்தை நம்பி செயல்படுவோம். அப்படி நாம் செயல்படும்போது ஆரம்பம்முதல் கர்த்தரது கிருபையின் கரம் நம்மோடு இருக்கும்; தடையில்லாத வெற்றி நமக்கு உண்டாகும். இதனையே, "தலைக்கல்லை அவன் கொண்டுவருவான்; அதற்குக் கிருபையுண்டாவதாக, கிருபையுண்டாவதாக என்று ஆர்ப்பரிப்பார்கள்"  என்று கூறப்பட்டுள்ளது. ஆம், கர்த்தரை முன்னிலைப்படுத்திச் செய்யப்படும் நமது அனைத்து காரியங்களிலும் அவரது கிருபையின் கரம் இருக்கும்; நமக்கு வெற்றி கிடைக்கும். 

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

Mountain shall become plain

 AATHAVAN 🖋️ 653 ⛪ November 11, 2022 Friday

"Who art thou, O great mountain? before Zerubbabel thou shalt become a plain: and he shall bring forth the headstone thereof with shoutings, crying, Grace, grace unto it." ( Zechariah 4 : 7 )

King Cyrus freed the Israelites who were slaves in Babylon and gave them permission to build the temple in Jerusalem that Nebuchadnezzar had destroyed. Accordingly the people of Israel returned to Jerusalem and built the temple. But the enemies of the Jews forbade it. They sent false complaints to King Artaxerxes who succeeded King Korus and banned the construction of the temple.

This was a great obstacle for the Israelites who were engaged in the construction of the Temple under the leadership of Zerubbabel. They cried and prayed to the God of heaven. The Lord's words came through the prophet Zechariah to strengthen them. The verse before today's meditation says, "This is the word of the LORD unto Zerubbabel, saying, Not by might, nor by power, but by my spirit, saith the LORD of hosts. ( Zechariah 4 : 6 ) Fear not Zerubbabel, I will accomplish this by my Spirit, says the Lord.

Beloved, today we may encounter various obstacles in our spiritual life and worldly life. Failures may occur. But like Zerubbabel, if we live as acceptable to the Lord and do acceptable deeds, the great mountain will become plain before us, as said to Zerubbabel.

Replace your name to that place instead of the name Zerubbabel and believe. For example, I would say, "O great mountain? before Geo Prakash thou shalt become a plain" Beloved, faith will arise in us when we say like this.

The Lord's word to Zerubbabel was fulfilled when King Darius took over Babylon. The mountain-like barrier disappeared and became a plain. Work on the Temple in Jerusalem continued without any interruption.

The main reason for this is that Zerubbabel did not believe in his own strength. As told by the Lord, "Not by might, nor by power, but by my spirit, saith the LORD of hosts" Zerubbabel waited patiently for the Spirit of the Lord to work according to the words.

We should do the same. When problems arise, let's not rely on our own strength, but rely on God's strength. When we do so, the hand of God's grace will be with us from the beginning; We will have unhindered success. This is what is said, "he shall bring forth the headstone thereof with shoutings, crying, Grace, grace unto it." Yea, the hand of his grace shall be in all our works which are done before the Lord; We will win.

Message :- Bro. M. Geo Prakash Contact- 96889 33712

Godly Sorrow

 AATHAVAN🖋️ 652 ⛪ November 10, 2022 Thursday 

"Now I rejoice, not that ye were made sorry, but that ye sorrowed to repentance: for ye were made sorry after a godly manner, that ye might receive damage by us in nothing." ( 2 Corinthians 7 : 9 )

Today's Christian blessing ministers are uttering false prophetic promises and blessings so that people will always be in illusory happiness. But the apostle Paul was not like that. He did not hesitate to tell the people what God was revealing to him and the need for people to repent. It was a sad thing for many.

Generally people do not like others to point out their escapades and sins. Many people always want others to praise them. Even though they know the mistakes and sins of the believers who come to them, many Christian pastors do not take them to them and try to correct their mistakes. Because if they do, they will stop coming to their church. So the offerings they receive will also decrease. But Paul did not desire any other gain, because he had a true love for the souls of the people, he rebuked them and made them realize their faults and sins.

Many who were grieved by Paul's rebuke and exalted them later repented. This gave Paul great joy. That's why he says, "I rejoice, not that ye were made sorry, but that ye sorrowed to repentance."

Yes, ""For godly sorrow worketh repentance to salvation not to be repented of: but the sorrow of the world worketh death." ( 2 Corinthians 7 : 10 )

That is, if we grieve for our sins and transgressions, repentance will occur. Always worrying about worldly things will lead to death.

What Jesus Christ said in his Sermon on the Mount was about spiritual grief. "Blessed are they that mourn: for they shall be comforted." ( Matthew 5 : 4 ) said Jesus Christ. This will be a surprise to many. How can the afflicted be blessed?. This is the spiritual sorrow that the apostle Paul speaks of. As Paul says it produces repentance. Men who are going straight to hell will escape it because of this spiritual sorrow. That is why Jesus Christ said blessed are those who mourn.

Let us grieve over our sins and transgressions. Let's ask God for forgiveness. Then our sorrow will turn into joy. Yes, then we will be glad that we mourned for repentance.

Message:- Bro. M. Geo Prakash, Contact:- 96889 33712

தேவனுக்கேற்ற துக்கம்

 ஆதவன் 🖋️ 652 ⛪ நவம்பர் 10,  2022 வியாழக்கிழமை

"இப்பொழுது சந்தோஷப்படுகிறேன்; நீங்கள் துக்கப்பட்டதற்காக அல்ல, மனந்திரும்புகிறதற்கேதுவாகத் துக்கப்பட்டதற்காகவே சந்தோஷப்படுகிறேன்; நீங்கள் ஒன்றிலும் எங்களால் நஷ்டப்படாதபடிக்கு, தேவனுக்கேற்ற துக்கம் அடைந்தீர்களே." ( 2 கொரிந்தியர் 7 : 9 )

இன்றைய ஆசீர்வாத ஊழியர்கள் மக்கள்  எப்போதும் மாயையான மகிழ்ச்சியில் இருக்கவேண்டும் என்பதற்காக பொய்யான தீர்க்கத்தரிசன வாக்குறுதிகளையும், ஆசீர்வாதங்களையும் கூறிக்கொண்டிருப்பார்கள். ஆனால் அப்போஸ்தலரான பவுல் அப்படிப்பட்டவரல்ல. தேவன் தனக்கு வெளிப்படுத்துவதையும், மக்கள் மனம் திருப்ப வேண்டியதன்  அவசியத்தையும் தயக்கமின்றி மக்களுக்கு எடுத்துரைத்து வந்தார். இது பலருக்கு துக்கமான காரியமாக இருந்தது. 

பொதுவாகவே மக்களுக்குத் தங்கள் தப்பிதங்களையும் பாவங்களையும் பிறர் எடுத்துக் கூறுவது பிடிக்காது. எப்போதும் மற்றவர்கள் தங்களை புகழவேண்டும் என்றே பலரும் விரும்புவார்கள்.  தங்களிடம் வரும் விசுவாசிகளது தவறுகளும் பாவங்களும் தெரிந்தாலும், பல போதகர்கள் அவர்களிடம் அவற்றை எடுத்துச் சொல்லி அவர்களது தவறைத் திருத்த முயல்வதில்லை. காரணம் அப்படிச் செய்தால் தங்களது சபைக்கு வருவதை அவர்கள் நிறுத்திவிடுவார்கள். அதனால் தங்களுக்கு வரும் காணிக்கைகளும் குறைந்துவிடும். ஆனால் பவுல் அடிகள் வேறு எந்த ஆதாயத்தையும் விரும்பாமல் மக்களது ஆத்துமாக்களின்மேல்  மெய்யான அன்பு கொண்டிருந்ததால் அவர்களைக் கண்டித்து தவறுகளையும் பாவங்களையும் உணர்த்தினார். 

இப்படி பவுல் கண்டித்து உயர்த்தியதால் துக்கமடைந்த பலர் பின்னர் மனம் திரும்பினார்கள். இது பவுலுக்கு மன மகிழ்சியைக் கொடுத்தது. எனவேதான், "இப்பொழுது சந்தோஷப்படுகிறேன்; நீங்கள் துக்கப்பட்டதற்காக அல்ல, மனந்திரும்புகிறதற்கேதுவாகத் துக்கப்பட்டதற்காகவே சந்தோஷப்படுகிறேன்" என்று கூறுகின்றார். 

ஆம், "தேவனுக்கேற்ற துக்கம் பின்பு மனஸ்தாபப்படுகிறதற்கு இடமில்லாமல் இரட்சிப்புக்கேதுவான மனந்திரும்புதலை உண்டாக்குகிறது; லெளகிக துக்கமோ மரணத்தை உண்டாக்குகிறது." ( 2 கொரிந்தியர் 7 : 10 )

அதாவது நமது பாவம், மீறுதல்கள் இவைகளைக் குறித்து தேவனுக்கேற்ற துக்கம் கொண்டோமானால் மனம் திரும்புதல் ஏற்படும். எப்போதும் உலக காரியங்களைக் குறித்துத் துக்கப்பட்டுக் கொண்டிருந்தால் அது மரணத்தையே உண்டாக்கும். 

இயேசு கிறிஸ்து தனது மலைப் பிரசங்கத்தில் கூறியது ஆவிக்குரிய துக்கதைக்குறித்துதான். "துயரப்படுகிறவர்கள் பாக்கியவான்கள்; அவர்கள் ஆறுதலடைவார்கள்." ( மத்தேயு 5 : 4 ) என்றார் இயேசு கிறிஸ்து. பலருக்கு இது ஆச்சரியமாக இருக்கும். அது எப்படி துயரப்படுபவர்கள் பாக்கியவான்களாய் இருக்க முடியும்? என்று எண்ணுவார்கள். அது அப்போஸ்தலரான பவுல் கூறும் ஆவிக்குரிய துக்கம் தான். பவுல் கூறுவதுபோல அது இரட்சிப்புக்கேதுவான மனந்திரும்புதலை உண்டாக்குகிறது. நரகத்துக்கு நேராகச் செல்லும் மனிதர்கள் இந்த ஆவிக்குரிய துக்கம் அடைவதால் நரகத்துக்குத் தப்புவார்கள். எனவேதான் இயேசு கிறிஸ்து துயரப்படுகிறவர்கள் பாக்கியவான்கள் என்றுகூறினார். 

நமது பாவங்கள் மீறுதல்கள் இவைகளைக்குறித்து துக்கப்படுவோம். தேவனிடம் மன்னிப்பு வேண்டுவோம். அப்போது நமது துக்கம் சந்தோஷமாக மாறும். ஆம், மனந்திரும்புகிறதற்கேதுவாகத் துக்கப்பட்டதற்காக அப்போது சந்தோஷப்படுவோம். 

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712

தேவனின் மன்னிப்பு

 ஆதவன் 🖋️ 651 ⛪ நவம்பர் 09,  2022 புதன்கிழமை

"இஸ்ரவேல் வம்சத்தாரே, உங்கள் பொல்லாத வழிகளுக்குத்தக்கதாகவும், உங்கள் கெட்ட கிரியைகளுக்குத்தக்கதாகவும் நான் உங்களுக்குச் செய்யாமல், என் நாமத்தினிமித்தம் உங்களுக்குக் கிருபைசெய்யும்போது, நான் கர்த்தர் என்று அறிந்துகொள்வீர்கள் என்கிறதைக் கர்த்தராகிய ஆண்டவர் உரைக்கிறார்." ( எசேக்கியேல் 20 : 44 )

மனிதர்களது பாவங்களுக்கு பல்வேறு தண்டனைகள் மோசேயின் நியாயப்பிரமாணத்தில் குறிப்பிடப்பட்டுள்ளன. மிக இரக்கமற்ற தண்டனைகள் குறிப்பிடப்பட்டுள்ளன. சுருக்கமாகச் சொல்வதானால், கண்ணுக்குக் கண் பல்லுக்குப் பல் என பழிவாங்கப்படவேண்டும். இதனை நாம் லேவியராகமத்தில், "நொறுக்குதலுக்கு நொறுக்குதல், கண்ணுக்குக் கண், பல்லுக்குப் பல்; அவன் ஒரு மனிதனை ஊனப்படுத்தினது போல அவனும் ஊனப்படுத்தப்படவேண்டும்." ( லேவியராகமம் 24 : 20 ) என வாசிக்கின்றோம்.  அங்கு பாவங்களுக்குத் தண்டனைதான் குறிப்பிடப்பட்டுள்ளதே தவிர மன்னிப்பு பற்றி கூறப்படவில்லை. 

ஆனால், பழைய ஏற்பாட்டின் காலத்திலும்கூட மன்னிப்பு இருந்தது. தேவனை அக்காலத்து மக்கள் நெருங்கிடத் தயங்கினர்; பயப்பட்டனர். ஆனாலும் தாவீது, மற்றும் தீர்க்கதரிசிகள்,  உண்மையான பக்தர்கள் தேவனது மன்னிக்கும் குணத்தையும் இரக்கத்தையும்  அறிந்திருந்தனர். தேவனின் மன்னிக்கும் குணத்தை அறிந்திருந்த தாவீது, "ஆண்டவரே, நீர் நல்லவரும், மன்னிக்கிறவரும், உம்மை நோக்கிக் கூப்பிடுகிற யாவர்மேலும் கிருபை மிகுந்தவருமாயிருக்கிறீர்." ( சங்கீதம் 86 : 5 ) என்று கூறுகின்றார்.  ஆனால் பழைய ஏற்பாட்டு பாவ மன்னிப்பு முறைமை என்பது ஆடு அல்லது காளைகளை பலியிட்டு இரத்த நிவாரணம் மூலமே கிடைத்தது. 

இன்றைய வசனத்தில் எசேக்கியேல் மூலம் தேவன் கூறுகின்றார், "உங்கள் கெட்ட கிரியைகளுக்குத்தக்கதாகவும் நான் உங்களுக்குச் செய்யாமல், என் நாமத்தினிமித்தம் உங்களுக்குக் கிருபைசெய்யும்போது, நான் கர்த்தர் என்று அறிந்துகொள்வீர்கள்". என்கின்றார். ஆம், இயேசு கிறிஸ்துவின் கிருபையின் பிரமாணத்துக்கு இணையான வசனம் இது.  அதாவது நமது பாவங்களுக்குத் தக்கபடி தண்டனை கொடாமல் கிருபையால் அவற்றை மன்னித்து இரங்கும்போது நான் கர்த்தர் என்று அறிந்துகொள்வீர்கள்  என்கின்றது இந்த வசனம். 

நமது கர்த்தராகிய இயேசு கிறிஸ்து இந்த பூமியில் வந்து பாடுபட்டு இரத்தம்சிந்தி மரித்து உயிர்த்து நமக்கு பாவ மன்னிப்பை எளிதாக்கினார். அவர் பூமியில் இருக்கும்போதே சொன்னார்,  "பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டென்பதை நீங்கள் அறியவேண்டும்."( லுூக்கா 5 : 24 )

நாம் அனைவருமே பாவிகள்தான். நமது பாவங்களை அவர் எண்ணுவாரென்றால் அவர்முன் யாரும் நிற்க முடியாது. எனவேதான் இன்றைய வசனம் கூறுகின்றது, "உங்கள் கெட்ட கிரியைகளுக்குத்தக்கதாகவும் நான் உங்களுக்குச் செய்யாமல், என் நாமத்தினிமித்தம் உங்களுக்குக் கிருபைசெய்யும்போது, நான் கர்த்தர் என்று அறிந்துகொள்வீர்கள் என்கிறதைக் கர்த்தராகிய ஆண்டவர் உரைக்கிறார்." என்று. 

ஆம், கிறிஸ்துவே ஆண்டவரும் மேசியாவுமாயிருக்கிறார் என்பதற்கு இன்றைய  வசனம் மேலும் ஓர் சான்றாக இருக்கின்றது. கிறிஸ்துவினால் பாவங்கள் மன்னிக்கப்பட்டு  மீட்பு அனுபவம் பெறும்போது இந்த சத்தியம் நமக்குத் தெளிவாக விளங்கும். நமது பாவங்களை அவர் கிருபையாய் மன்னித்து மறுபடி பிறந்த அனுபவத்தை நமக்குத் தரும்போது, இயேசுவே கர்த்தர் என்று நாம் அறிந்து கொள்ள முடியும். 

அன்பானவர்களே, எந்த பாவங்கள் நம்மிடம் இருந்தாலும் அவரிடம் அறிக்கையிடுவோம். அவரிடம் நாம் மறைப்பதற்கு ஒன்றுமே இல்லை. நமது மீறுதல்களை அவர் அறிந்திருக்கின்றார். உண்மையான மனதுடன் நாம் அதனை ஏற்றுக்கொள்கின்றோமா என்பதையே அவர் எதிர்பார்க்கின்றார்.  ஆதாமைப் போல  நமது மீறுதல்களுக்கு மற்றவர்களையும் சூழ்நிலைகளையும் பழி சொல்லாமல் அவரிடம் மன்னிப்பு வேண்டுவோம்.   கர்த்தராகிய இயேசு கிறிஸ்து கிருபையாய் அவற்றை மன்னித்து தானே கர்த்தர் என்பதை நமக்கு உறுதிப்படுத்துவார். 

தேவ செய்தி :- சகோ. எம் . ஜியோ பிரகாஷ்                                                          தொடர்புக்கு- 96889 33712