பழைய ஏற்பாட்டில் கிறிஸ்து / CHRIST IN OLD TESTAMENT

ஆதவன் 🔥 906🌻 ஜூலை 22, 2023 சனிக்கிழமை

"வேதவாக்கியங்களை ஆராய்ந்து பாருங்கள்; அவைகளால் உங்களுக்கு நித்தியஜீவன் உண்டென்று எண்ணுகிறீர்களே, என்னைக்குறித்துச் சாட்சிகொடுக்கிறவைகளும் அவைகளே." ( யோவான் 5 : 39 )

இன்று புதிய உபதேசமாக பலர் கூறுவது,  நமக்கு பழைய ஏற்பாடு முக்கியமல்ல; நாம் கிருபையின் காலத்தில் இருக்கின்றோம், எனவே கிறிஸ்துவின் கிருபையின் உபதேசங்களே போதும் என்கின்றனர். இத்தகைய போதகர்கள் கிறிஸ்துவைச்  சரியாக அறியாதவர்களும் கிறிஸ்துவின் சுவிசேஷத்துக்கு எதிரிகளும் என்றே கூறவேண்டும். "இயேசு மாத்திரம்" என்று இவர்கள் முழங்குவார்கள். இது கேட்கச் சரிபோலத் தெரிந்தாலும் பின்னணியில் தாறுமாறான உபதேசங்களே அதிகம் இருக்கும். எனவே நாம் எச்சரிக்கையாக இருக்கவேண்டியது அவசியம். 

காரணம், பழைய ஏற்பாடு இல்லாமல் புதிய ஏற்பாடு இல்லை. பழைய ஏற்பாட்டின் நிறைவேறுதலே புதிய ஏற்பாடு. யூதர்கள் பழைய ஏற்பாட்டில் தேறியவர்கள். மேசியா எனும் உலக இரட்சகரைப்பற்றி பழைய ஏற்பாட்டு தீர்க்கதரிசிகள் கூறியவற்றை அவர்கள் விசுவாசித்தனர். எனவே மேசியாவை அவர்கள் எதிர்பார்த்திருந்தனர். ஆனால் அவர்களால் இயேசு கிறிஸ்துதான் பழைய ஏற்பாட்டு நூல்களில் கூறப்பட்ட மேசியா என்பதை மட்டும் நம்ப முடியவில்லை.  

ஏறக்குறைய அனைத்து பழைய ஏற்பாட்டு நூல்களிலும் கிறிஸ்துவைப்பற்றிய ஏதாவது ஒரு குறிப்பு உண்டு. மொத்தமாக பழைய ஏற்பாட்டில்  47 இடங்களில் கிறிஸ்துவாகிய மேசியாவைக்குறித்து குறிப்புகள் உள்ளன. ஆனால் யூதர்கள் இவற்றை இயேசு கிறிஸ்துவுக்கு கூறப்பட்ட தீர்க்கதரிசனங்களாக உணர்ந்துகொள்ளவில்லை. எனவேதான் இயேசு கிறிஸ்து யூதர்களைப்பார்த்து,  "வேதவாக்கியங்களை ஆராய்ந்து பாருங்கள்; அவைகளால் உங்களுக்கு நித்தியஜீவன் உண்டென்று எண்ணுகிறீர்களே, என்னைக்குறித்துச் சாட்சி கொடுக்கிறவைகளும்  அவைகளே." என்று கூறுகின்றார். 

இன்று நாம் பழைய ஏற்பாட்டு சரித்திரங்களையும் தீர்க்கதரிசனங்களையும் படித்து உணர்ந்தால் மட்டுமே கிறிஸ்துவைக்குறித்தும் நாம் தெளிவாக உணர முடியும். அவர்மேல் விசுவாசம் ஏற்படும்.  

இயேசு கிறிஸ்துவும் பல இடங்களில் பழைய ஏற்பாட்டு சம்பவங்களைக் கூறுவதை நாம் பார்க்கலாம். உதாரணமாக, மோசே, எலியா, யோனா, லோத்தின் மனைவி, சோதோம்,  கொமாரா, ஏசாயா இவர்களைப்பற்றி இயேசு கிறிஸ்து குறிப்பிடுகின்றார். புதிய ஏற்பாட்டினை மட்டும் நாம் வாசித்துக்கொண்டிருந்தால் கிறிஸ்து உதாரணம் கூறும் இவை எதுவுமே நமக்குப் புரியாது. 

பழைய ஏற்பாடு புதிய ஏற்பாட்டின் நிழலாட்டமே. எனவே நாம் அவற்றை கற்றறியவேண்டியது அவசியம். பழைய ஏற்பாட்டில் இஸ்ரவேல் மக்களோடு இருந்து வழிநடத்தியது கிறிஸ்துவே என அப்போஸ்தலராகிய பவுல் குறிப்பிடுகின்றார்.  "எல்லாரும் ஒரே ஞானபானத்தைக் குடித்தார்கள். எப்படியெனில், அவர்களோடேகூடச் சென்ற ஞானக்கன்மலையின் தண்ணீரைக் குடித்தார்கள்; அந்தக் கன்மலை கிறிஸ்துவே." ( 1 கொரிந்தியர் 10 : 4 )

ஆம் அன்பானவர்களே, கிறிஸ்து வெறும் 2000 ஆண்டுகளுக்குமுன் வந்தவரல்ல. அப்படி நாம் நம்பிக்கொண்டிருந்தோமானால் அவரை நாம் புத்தர், காந்தி, போன்ற மனிதர்களில் ஒருவராகக் கருதுகின்றோம் என்றுதான்  பொருள். 

பழைய ஏற்பாடு புதிய ஏற்பாடு எனப் பாகுபடுத்தாமல் வேதவாக்கியங்களை ஆராய்ந்து அறிவோம்.  அவைகளால் நமக்கு நித்தியஜீவன் உண்டு.  கவனமாய் ஆவிக்குரிய கண்களோடு வாசிக்கும்போது நாம் பழைய ஏற்பாட்டில் கிறிஸ்துவைக் காணலாம். கிறிஸ்துவைக்குறித்துச் சாட்சிகொடுக்கிறவைகளும் அவைகளே. 

தேவ செய்தி:- ✍️ சகோ. எம். ஜியோ பிரகாஷ்                                                  தொடர்புக்கு:- 9688933712                                                                                                

                    CHRIST IN OLD TESTAMENT 

AATHAVAN 🔥 906🌻 Saturday, July 22, 2023

" Search the scriptures; for in them ye think ye have eternal life: and they are they which testify of me.” ( John 5 : 39 )

Many people today say that the Old Testament is not important for us; We are in the age of grace, so the teachings of Christ's grace are enough. Such preachers are ignorant of Christ and enemies of the gospel of Christ. "Only Jesus," they chant. This may sound like a good thing, but there are many contradictory teachings in the background. So, we need to be cautious.

The reason is that there is no New Testament without the Old Testament. The New Testament is the fulfilment of the Old Testament. The Jews are the chosen people in the Old Testament. They believed what the Old Testament prophets had said about the Messiah, the Savior of the world. So, they expected the Messiah. But they simply could not believe that Jesus Christ was the Messiah spoken of in the Old Testament.

Almost throughout the Old Testament contains some reference to Christ. Altogether there are 47 references to Christ the Messiah in the Old Testament. But the Jews did not recognize these as prophecies addressed to Jesus Christ. That is why Jesus Christ looked at the Jews and said, " Search the scriptures; for in them ye think ye have eternal life: and they are they which testify of me.”

Only if we read and understand the Old Testament stories and prophecies today can we have a clear understanding of Christ and belief Him.

We can see Jesus Christ also tells the Old Testament events in many places. For example, Jesus Christ mentions Moses, Elijah, Jonah, Lot's wife, Sodom, Gomara, Isaiah etc. If we are only reading the New Testament, we will not understand any of these examples of Christ.

The Old Testament is a shadow of the New Testament. So, we need to learn them. The apostle Paul mentions that it was Christ who led the people of Israel in the Old Testament. "And did all drink the same spiritual drink: for they drank of that spiritual Rock that followed them: and that Rock was Christ.” ( 1 Corinthians 10 : 4 )

Yes dear ones, Christ did not come just 2000 years ago. If we believe like that, it means that we consider him as one of the people like Buddha, Gandhi, etc.

Let us examine the scriptures without distinguishing between the Old Testament and the New Testament. Through them we have eternal life. When we read carefully with spiritual eyes, we can see Christ in the Old Testament. They are the ones that testify about Christ.

God’s Message:- ✍️ Bro. M. Geo Prakash

பூரண வரங்கள் / PERFECT GIFTS

ஆதவன் 🔥 905🌻 ஜூலை 21, 2023 வெள்ளிக்கிழமை

"பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான்." ( யோவான் 3 : 27 )

இந்த உலக அரசாங்கத்திடமிருந்து ஏதாவது ஒன்றினை நாம் பெற்றுக்கொள்ளவேண்டுமானால் அதற்குச் சில நிபந்தனைகள் உண்டு. சில ஆதாரங்களை நாம் அரசாங்கத்துக்குச் சமர்ப்பிக்கவேண்டும்.  அவற்றின் அடிப்படையில் நமது விண்ணப்பத்தைச் சரிபார்த்து அரசாங்கம் நமக்கு உதவி செய்யும். 

ஆனால் நமது நாட்டில் இப்படி உதவி பெறுவது பலவேளைகளில் சிக்கலான ஒன்றாக இருக்கின்றது. அரசு அதிகாரிகள், அலுவலர்களுக்கு லஞ்சம் கொடுக்கவேண்டியிருக்கின்றது. இதனால் தகுதியுள்ளவர்கள் உதவி பெறாமலும் தகுதியற்றவர்கள் உதவிகளைப் பெற்று அனுபவிப்பதும் போன்ற செயல்கள் நடைபெறுகின்றன. 

ஆனால், பரலோக ராஜ்யத்தில் நமது நீதியுள்ள வாழ்க்கையின்படியும் தனது சித்தத்தின்படியும் தேவன் நமக்கு அனைத்தையும் அருளுகின்றார். "பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான்." ஆம், பூலோக அரசாங்கத்தைப்போல ஏமாற்றோ தவறுகளோ கைக்கூலிகளோ இல்லாததால் நீதியுள்ள ராஜ்யமாக இருக்கின்றது. நமது தேவைகள், விண்ணப்பங்கள் அனைத்தும் பரிசீலித்து முடிவெடுப்பது தேவனது கரத்திலேயே உள்ளது. 

இதனையே அப்போஸ்தலரான யாக்கோபு, "நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை." ( யாக்கோபு 1 : 17 ) என்று குறிப்பிடுகின்றார். வேற்றுமையின் நிழல் அங்கு கிடையாது. ஆள் பார்த்து உதவுபவரல்ல தேவன். 

அன்பானவர்களே, எனவேதான் நாம் தேவனுக்கேற்ற வாழ்க்கை வாழவேண்டியது அவசியமாயிருக்கிறது. பரலோக சித்தம் செய்யாமல், தாறுமாறான வாழ்க்கை வாழ்ந்துவிட்டு நாம் பரலோக ஆசீர்வாதங்களைப் பெறமுடியாது. உலகத்திலுள்ள துன்மார்க்கர்களது செழிப்பைப் பார்த்து நாம் தேவனை தவறாக எண்ணிவிடக்கூடாது. உலக ஆசீர்வாதம் வேறு; பரலோக ஆசீர்வாதம் என்பது வேறு. உலகத்துக்குரிய வாழ்க்கை வாழ்பவன் உலக ஆசீர்வாதங்களை மட்டுமே பெறுவான். 

"முதலாவது தேவனுடைய ராஜ்யத்தையும் அவருடைய நீதியையும் தேடுங்கள், அப்பொழுது இவைகளெல்லாம் உங்களுக்குக்கூடக் கொடுக்கப்படும்." ( மத்தேயு 6 : 33 ) என்றார் இயேசு கிறிஸ்து. ஆம், தேவனுடைய ராஜ்யத்துக்குரியவைகளை நாம் தேடும்போது இந்த உலகத்துக்குரிய ஆசீர்வாதங்களை தேவன் நமக்குத் தந்தருள்வார். ஆம் அன்பானவர்களே, பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான். எனவே நாம் நமது வாழ்க்கையில் பரலோக தேவனைத் திருப்திப்படுத்துவதையே நோக்கமாகக் கொண்டு வாழவேண்டும்.  அப்படி வாழும்போது நன்மையான  ஈவுகளும் பூரணமான வரங்களும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவரும்.

தேவ செய்தி:- ✍️ சகோ. எம். ஜியோ பிரகாஷ்          

                                     PERFECT GIFTS

AATHAVAN 🔥 905🌻 Friday, July 21, 2023

"A man can receive nothing, except it be given him from heaven." (John 3: 27)

If we are to receive anything from this worldly government, there are certain conditions. We have to submit - some evidence to the government. Based on them the government will help us by checking our application.

Getting such help from Government in our country is often difficult. Government officers and officials are corrupted and demand bribe. This results in deserving people not getting help and ineligible people getting the help.

But in the kingdom of heaven God bestows all things on us according to our righteous life and according to His will. "A man can receive nothing, except it be given him from heaven." Yes, it is a righteous kingdom because there is no deception, mistakes, or bribes like the earthly government. It is in God's hands to consider and decide all our needs and requests.

This is what the apostle James also said, "Every good gift and every perfect gift is from above, and cometh down from the Father of lights, with whom is no variableness, neither shadow of turning." (James 1: 17) Yes, there is no shadow of difference. God has no partiality among men.

Beloved, that is why it is necessary for us to live a godly life. Without doing the will of heaven, we cannot receive the blessings of heaven by living a perverse life. We must not misunderstand God by seeing the prosperity of the wicked in the world. Worldly blessings are different; Heavenly blessings are different. He who lives a worldly life gets only worldly blessings.

"But seek ye first the kingdom of God, and his righteousness; and all these things shall be added unto you." (Matthew 6 : 33 ) said Jesus Christ. Yes, God will give us the blessings of this world when we seek the things of God's kingdom. Yes, beloved, a man receives nothing unless it is given him from heaven. So, we should live with the aim of satisfying the heavenly God in our life. When you live like that, perfect gift from above, cometh down from the Father of lights, with whom is no variableness, neither shadow of turning.

God’s Message:- ✍️ Bro. M. Geo Prakash             

சிதறடிக்கிறவன் / SCATTERER

ஆதவன் 🔥 904🌻 ஜூலை 20, 2023 வியாழக்கிழமை

"என்னோடே இராதவன் எனக்கு விரோதியாயிருக்கிறான்; என்னோடே சேர்க்காதவன் சிதறடிக்கிறான்." ( மத்தேயு 12 : 30 )

தனக்கு யார் விரோதி என்பதனை கிறிஸ்து இயேசு இங்கு குறிப்பிடுகின்றார். பொதுவாக நாம் கிறிஸ்தவர்களுக்கு எதிராகச் செயல்படுபவர்களையே கிறிஸ்துவுக்கு விரோதி என்று கருத்திக்கொள்கின்றோம். எனவே ஆங்காங்கே கிறிஸ்தவர்களுக்கு எதிராக நடைபெறும் செயல்பாடுகளைக்கண்டு உள்ளம் கொதிக்கின்றோம். இது சாதாரண மத வெறியுடன்கூடிய உள்ளக்கொதிப்பு. 

ஆனால் தேவன் இத்தகைய எதிர்ச்செயல்களைவிட கிறிஸ்தவர்கள் என்று கூறிக்கொள்ளும் மக்கள் கிறிஸ்துவோடு  சேர்ந்து ஐக்கியமாயிருக்காமல் வாழ்வதனையே பெரிய கேடாகக் கருதுகின்றார். கிறிஸ்துவுக்கு எதிராகச் செயல்படுபவர்கள் ஒருவேளை பிற்பாடு மனம்திரும்பி கிறிஸ்துவை ஏற்றுக்கொள்ளலாம். ஆனால் கிறிஸ்தவர்கள் என்று கூறிக்கொண்டு கிறிஸ்து இல்லாமல் வாழ்பவர்கள் அவருக்கு விரோதிகள். அவர்கள் கிறிஸ்துவை வாழ்வில் அறிந்துகொள்வது கூடாத காரியம். 

மேலும், இன்றைய தியானத்துக்குரிய வசனத்தில், இப்படி கிறிஸ்துவோடு சேராதவன் சிதறடிக்கின்றான் என்கின்றார் கிறிஸ்து. 

நாம் கிறிஸ்து இல்லாமல் வாழும்போது மற்றவர்களை சேர்பதற்குப் பதில் சிதறடிக்கிறவர்களாக மாறிவிடுகின்றோம். காரணம், கிறிஸ்து இல்லாத வாழ்வில் சாத்தான் எளிதாக நுழைந்துவிடுகின்றான். ஒன்று சேர்கின்றவர் கிறிஸ்து என்றால் சிதறடிக்கிறவன் சாத்தான்தான். எனவேதான்,  "சிதறடிக்கிறவன் உன் முகத்துக்கு முன்பாக வருகிறான்; அரணைக் காத்துக்கொள், வழியைக் காவல் பண்ணு, அரையைக் கெட்டியாய்க் கட்டிக்கொள், உன் பெலனை மிகவும் ஸ்திரப்படுத்து." ( நாகூம் 2 : 1 ) என்கின்றார் நாகூம் தீர்க்கத்தரிசி.

அரண் என்பது வேலியைக் குறிக்கிறது. சிதறடிக்கிற சாத்தான் நம்முள் நுழைந்து நம்மையும்  அவனைப்போல சிதறடிக்கிற மக்களாக மாற்றாமலிருக்க நாம் நமது வேலியை காத்துக்கொள்ளவேண்டும். 

என்னோடே இராதவன் எனக்கு விரோதியாயிருக்கிறான்; என்னோடே சேர்க்காதவன் சிதறடிக்கிறான் என்று இயேசு கிறிஸ்து எச்சரித்தது நமது நினைவில் எப்போதும் இருக்கவேண்டும்.  இன்று கிறிஸ்துவோடு ஐக்கியமில்லாத சபைகளில் சிதறடித்தல் அதிகமாக உள்ளதை நாம் காண்கின்றோம். அரசியல் தேர்தலைவிட இந்தச் சபைகளில் தேர்தல் சந்தி சிரிக்கும் வகையில் இருக்கின்றது. காவல்நிலையம், நீதிமன்றம் என சபைத் தலைவர்கள் அலைந்துகொண்டிருக்கின்றார்கள். காரணம் சிதறடித்தல்.  

பிரதான மேய்ப்பனாகிய அவரே நமக்குள் நுழைய அனுமதித்திடவேண்டும். வாசல்வழியாய்ப் பிரவேசியாமல், வேறுவழியாய் ஏறுகிற கள்ளனுக்கும்  கொள்ளைக்காரனுக்கும் எச்சரிக்கையாய் இருப்போம்.  ஆம், கிறிஸ்துவோடு இணைந்திருக்கவில்லையானால் நாம் கிறிஸ்துவுக்கு விரோதிகளாகவும், ஒருமைப்பாட்டுடன் சேர்க்கிறவர்களாக இல்லாமல் சாத்தானின் குணத்துடன்  சிதறடிக்கிறவர்களாக மாறிவிடுவோம்.  

தேவ செய்தி:- ✍️ சகோ. எம். ஜியோ பிரகாஷ்                                                   

                             SCATTERER 

AATHAVAN 🔥 904🌻 Thursday, July 20, 2023

"He that is not with me is against me; and he that gathereth not with me scattereth abroad." ( Matthew 12 : 30 )

Christ Jesus is referring here to who is his enemy. Usually, we think of those who act against Christians as the enemies. So, we are heartbroken to see activities against Christians here and there. It is fervor with ordinary religious fanaticism.

But God considers the people who claim to be Christians who do not live in union with Christ to be a greater evil than people doing anti actions against Christians. Those who work against Christ may later repent and accept Christ. But those who claim to be Christians and live without Christ are his enemies and it is impossible for them to know Christ in life.

Also, in today's verse for meditation, Christ says that whoever does not join with Christ is scattered.

When we live without Christ, we become scatterers instead of gatherers. The reason is that Satan easily enters a life without Christ. Christ is the one who unites, Satan is the one who scatters. Hence, “He that dasheth in pieces is come up before thy face: keep the munition, watch the way, make thy loins strong, fortify thy power mightily.” (Nahum 2: 1) Nahum the prophet said.

Munition means the fence. We should keep our fence strong and safe so that Satan, the scatterer could not enter in us and spoil our life.

He that is not with me is against me; Jesus Christ's warning that he who does not gather with me scatters should always be in our memory. Today we see a lot of scattering in churches that are not in union with Christ. The council election in these churches is more laughable than a political election. Leaders of the council are wandering towards the police station and the court. Scattered mind is the reason.

We should allow He, the Chief Shepherd, to let in of us. Let us beware of the thief and the robber who does not enter through the door, but climbs in by another way. Yes, if we are not united with Christ, we will become anti-Christ and disintegrating with Satan's character instead of unity.

God’s Message:- ✍️ Bro. M. Geo Prakash 

                                                                                          

பூரண சமாதானம் / PERFECT PEACE

ஆதவன் 🔥 903🌻 ஜூலை 19, 2023 புதன்கிழமை

"உம்மை உறுதியாய்ப் பற்றிக்கொண்ட மனதையுடையவன் உம்மையே நம்பியிருக்கிறபடியால், நீர் அவனைப் பூரண சமாதானத்துடன் காத்துக்கொள்வீர்." ( ஏசாயா 26 : 3 )

இன்று பல மனிதர்களிடம் இல்லாத ஒன்று மன சமாதானம். பெரிய பதவிகளிலும் புகழின் உச்சத்திலும் இருக்கும் பலர் சமாதானமின்றி தற்கொலை செய்து மடிகின்றனர். இதனை நாம் பார்க்கும்போது மனசமாதானத்துக்கும் பதவி,  புகழ், செல்வம் இவற்றுக்கும் சம்பந்தமில்லை; இவை மனிதர்களுக்கு மன சமாதானத்தைக் கொடுப்பதில்லை என்பது தெளிவாகின்றது. 

நல்ல பதவியோ, செல்வமோ, புகழோ இல்லாத கோடிக்கணக்கான மனிதர்கள் உள்ளனர். எல்லோரும் தற்கொலை செய்வதில்லை. ஆனால் ஏதோ நம்பிக்கையில் வாழ்ந்துகொண்டிருக்கின்றனர். ஆனால் இவர்கள் எல்லோரும் பூரண சமாதானத்துடன் வாழ்கின்றார்கள் என்று கூறமுடியாது. தற்கொலை எனும் முடிவினை எடுக்காவிட்டாலும் பலரது வாழ்க்கை சமாதானமில்லாமலேயே  இருக்கின்றது.  

ஒரு மனிதனுக்குப்  பூரண சமாதானம் கார்த்தரைப் பற்றிக்கொள்வதாலேயே கிடைக்கின்றது. பூரண சமாதானம் என்பது உலகம் கொடுக்க இயலாத சமாதானம். இதனையே கர்த்தராகிய இயேசு கிறிஸ்துவும் பின்வருமாறு  வாக்களித்தார்:-  "சமாதானத்தை உங்களுக்கு வைத்துப் போகிறேன், என்னுடைய சமாதானத்தையே உங்களுக்குக் கொடுக்கிறேன்; உலகம் கொடுக்கிறபிரகாரம் நான் உங்களுக்குக் கொடுக்கிறதில்லை. உங்கள் இருதயம் கலங்காமலும் பயப்படாமலும் இருப்பதாக." (யோவான் 14:27)

இன்று பலரும் உலகம் கொடுக்கும் சமாதானத்தைத் தேடி மது, திரைப்படம், காளியாட்டுகளில் ஆர்வம்கொண்டு அலைந்து சமாதானம் பெற முயல்கின்றனர். இத்தகைய சிற்றின்ப காரியங்கள் முதலில் சமாதானம் தருவதுபோலத் தெரிந்தாலும் இறுதியில் பல்வேறு உடல் நோய்களையும் பிரச்சனைகளையுமே வாழ்வில் கொண்டுவந்து மேலும் அதிக சமாதானக் குறைவினை ஏற்படுத்தும்.

ஆனால் பூரண சமாதானம் கர்த்தரை உறுதியாகப் பற்றிக்கொள்ளும்போது நமக்குக் கிடைக்கிறது. இதனையே இன்றைய வசனத்தில் நாம்  "உம்மை உறுதியாய்ப் பற்றிக்கொண்ட மனதையுடையவன் உம்மையே நம்பியிருக்கிறபடியால், நீர் அவனைப் பூரண சமாதானத்துடன் காத்துக்கொள்வீர்" என வாசிக்கின்றோம். ஆம், நமது தேவன் நம்பிக்கைத் துரோகம் செய்பவரல்ல. நாம் அவரையே நம்பியிருக்கிறோம் என்பது அவருக்குத் தெரியுமாதலால் நம்மை அவர் கைவிடமாட்டார்; பூரண சமாதானத்துடன் காத்துக்கொள்வார்.

அன்பானவர்களே, சமாதானத்தின் ஊற்றாகிய கர்த்தரை விட்டு நாம் யாரைத்தேடி ஓடினாலும் நமக்குப் பூரண  சமாதானம் கிடைக்காது. இன்றைய வசனம் கூறுவதுபோல நாம் கர்த்தரை மட்டுமே  உறுதியாக நம்பியிருந்தால் பூரண சமாதானத்துடன் காத்துக்கொள்வார். எனவே, அவரையே பற்றிக்கொள்வோம்; உலகம் கொடுக்கமுடியாத சமாதானத்தைப் பெற்று மகிழ்வோம்.

தேவ செய்தி:- ✍️ சகோ. எம். ஜியோ பிரகாஷ்                                                  

                    PERFECT PEACE

AATHAVAN 🔥 903🌻 Wednesday, July 19, 2023

" Thou wilt keep him in perfect peace, whose mind is stayed on thee: because he trusteth in thee.” (Isaiah 26:3)

One thing many people lack today is peace of mind. Many who are in great positions and at the height of fame kill themselves by suicide. When we see this, peace of mind has nothing to do with position, fame, and wealth; These do not give people peace of mind.

There are millions of people in the world who have no good position, wealth, or fame. Not everyone commits suicide. But they are living with some hope. But it cannot be said that all of them are living in complete peace. Even if they do not take the decision to commit suicide, many people's lives are without peace.

A man attains complete peace only by attaching him with Jesus. Perfect peace is the peace that the world cannot give. This is what the Lord Jesus Christ also promised as follows: - " Peace I leave with you, my peace I give unto you: not as the world giveth, give I unto you. Let not your heart be troubled, neither let it be afraid.” ( John 14 : 27 )

Today many people are looking for the peace offered by the world in alcohol, movies and lustful things and try to find peace. Such sensual pursuits may seem peaceful at first but eventually bring various physical ailments and problems into the life and cause further loss of peace.

But perfect peace comes when we hold fast to the Lord. This is what we read in today's verse as "" Thou wilt keep him in perfect peace, whose mind is stayed on thee: because he trusteth in thee.” Yes, our God is not unfaithful. He will not forsake us because He knows that we trust in Him; He will guard with perfect peace.

Beloved, no matter who we run to, apart from the Lord, the source of peace, we will not find complete peace. As today's verse says, if we only firmly believe in the Lord, He will protect us with complete peace. Let us, therefore, cling to him; Let us enjoy the peace that the world cannot give.

God’s Message:- ✍️ Bro. M. Geo Prakash

தேவனின் ஆவி / SPIRIT OF GOD

ஆதவன் 🔥 902🌻 ஜூலை 18, 2023 செவ்வாய்க்கிழமை

"நாங்களோ உலகத்தின் ஆவியைப் பெறாமல், தேவனால் எங்களுக்கு அருளப்பட்டவைகளை அறியும்படிக்கு தேவனிலிருந்து புறப்படுகிற ஆவியையே பெற்றோம்." ( 1 கொரிந்தியர் 2 : 12 )

இன்றைய வசனத்தில் அப்போஸ்தலராகிய பவுல் அடிகள் இரண்டு ஆவிகளைக்குறித்துப் பேசுகின்றார்.  ஒன்று, உலக மனிதர்களிடமுள்ள ஆவி; இன்னொன்று தேவனிடமிருந்து புறப்பட்டு வருகின்ற ஆவி. இந்த உலகத்தில் அதன் செயல்பாடுகளை அறியவும் செயல்படவும் உலகத்தின் ஆவி போதும். ஆனால் தேவனிடமிருந்து வரும் ஆவியினைப் பெற்றால்தான் அவர் அருளும் ஈவுகளையும் அவரின் அன்பின் ஆழங்களையும் மேலான ஆவிக்குரிய சத்தியங்களையும்   நாம் அறிய முடியும். இதனையே, "தேவனால் எங்களுக்கு அருளப்பட்டவைகளை அறியும்படிக்கு தேவனிலிருந்து புறப்படுகிற ஆவியையே பெற்றோம்." என்கின்றார் பவுல் அடிகள். 

தொடர்ந்து வரும் வசனத்தில், "அவைகளை நாங்கள் மனுஷஞானம் போதிக்கிற வார்த்தைகளாலே பேசாமல், பரிசுத்த ஆவி போதிக்கிற வார்த்தைகளாலே பேசி, ஆவிக்குரியவைகளை ஆவிக்குரியவைகளோடே சம்பந்தப்படுத்திக்காண்பிக்கிறோம்." ( 1 கொரிந்தியர் 2 : 13 ) என்று கூறுகின்றார். அதாவது, மனிதர்கள், குறிப்பாகப் பேச்சாளர்கள், அரசியல்வாதிகள் பேசுவதுபோல நாங்கள் பேசாமல், பரிசுத்த ஆவி போதிக்கிற வார்த்தைகளாலே பேசுகின்றோம் என்கின்றார்; தேவனிடமிருந்து நாங்கள் பெற்றுக்கொண்ட அனுபவத்தில் பேசுகிறோம் என்று பொருள்.

அன்பானவர்களே, யார் வேண்டுமானாலும் கிறிஸ்துவின் செய்தியை அறிவிக்கலாம். ஆனால் அப்படி அறிவிக்க ஆவியானவரின் துணை வேண்டுமென்று இதனால் புரிகின்றது. இன்று பல போதகர்கள், குருக்களது பேச்சுக்கள் மனுஷஞானம் போதிக்கிற வார்த்தைகளாகவே இருக்கின்றன. ஆவிக்குரிய அனுபவமில்லாமல் கற்றறிந்த அறிவினைக்கொண்டு போதிப்பது மனித போதனையே. 

"சட்டியில் இருந்தால் அகப்பையியல் வரும்" என்று ஒரு தமிழ் பழமொழி உண்டு. அதாவது நம்மிடம் என்ன இருக்கின்றதோ அதைத்தான் நாம் மற்றவர்களுக்குக் கொடுக்கமுடியும். ஆனால், தேவன் நம்மில் செயல்படும்போது நமக்குத் தெரியாத சத்தியங்களையும், அதாவது நம்மிடம் இல்லாததையும்  நாம் ஆவியினால் அறிந்து போதிக்க முடியும். 

எனவே, நூறு சதவிகித உலக ஆசை செயல்பாடுகளை வாழ்வில் கைக்கொண்டு வாழும்  ஒருவர்  ஆலயத்தில் நின்று ஆவிக்குரிய செய்தியைக் கொடுக்கமுடியாது என்பது நிச்சயம்.  தேவனால் அருளப்பட்ட ஆவியினைப் பெற்று ஆவிக்குரிய வாழ்வு வாழ்வு ஒருவரே ஆவிக்குரிய செய்தியைக்கொடுத்து மற்றவர்களையும் ஆவிக்குரிய வழியில் நடத்த முடியும். நாம் நல்ல ஆவிக்குரிய போதகர்கள் நமக்குக் கிடைத்திட வேண்டுதல் செய்யவேண்டியது அவசியமாயிருக்கிறது. 

என்னை ஆவிக்குரிய வாழ்வில் ஆரம்ப நாட்களில் வழிநடத்திய காலம்சென்ற  பாஸ்டர் ஜான்சன் டேவிட் (ஐ.பி.சி சர்ச்) அதிகம் படிக்காதவர்தான்; இறையியல் கல்லூரியில் அவர் படித்ததில்லை. ஆனால் அவரைப்போன்ற போதகர்களை இத்தனை ஆண்டுகளிலும் நான் கண்டதில்லை. ஆலயத்தில் போதிக்க மட்டுமல்ல, அன்றாட வாழ்விலும் நாம் ஆவிக்குரிய வாழ்வு வாழ தேவனால்  அருளப்பட்டவைகளை அறியும்படி தேவனிலிருந்து புறப்படுகிற ஆவியைப் பெறவேண்டியது அவசியமாய் இருக்கிறது. ஆனால், ஆவிக்குரிய வழக்கை என்ன என்பதை அறியாத மனிதர்களுக்கு இவை புரியாது; பைத்தியக்கார உளறல் போலவே இருக்கும்.  

ஆம் "ஜென்மசுபாவமான மனுஷனோ தேவனுடைய ஆவிக்குரியவைகளை ஏற்றுக்கொள்ளான்; அவைகள் அவனுக்குப் பைத்தியமாகத் தோன்றும்; அவைகள் ஆவிக்கேற்றபிரகாரமாய் ஆராய்ந்து நிதானிக்கப்படுகிறவைகளானதால், அவைகளை அறியவுமாட்டான்." ( 1 கொரிந்தியர் 2 : 14 )

தேவ செய்தி:- ✍️ சகோ. எம். ஜியோ பிரகாஷ்                                                          

                   SPIRIT OF GOD

AATHAVAN 🔥 902🌻 Tuesday, July 18, 2023

"Now we have received, not the spirit of the world, but the spirit which is of God; that we might know the things that are freely given to us of God.” ( 1 Corinthians 2 : 12 )

In today's verse, the Apostle Paul speaks about two spirits. One, the spirit in worldly men; Another is the Spirit proceeding from God. The spirit of the world is sufficient to know and act upon its functions in this world. But it is only when we receive the Spirit from God that we can know the graces of God, the depths of His love, and the spiritual truths above. This is what Paul is saying, "we have received, not the spirit of the world, but the spirit which is of God; that we might know the things that are freely given to us of God.”

In the next verse he says, " Which things also we speak, not in the words which man's wisdom teacheth, but which the Holy Ghost teacheth; comparing spiritual things with spiritual”. ( 1 Corinthians 2 : 13 ) That is, he says that we do not speak like human beings, especially worldly speakers and politicians, but we speak with the words that the Holy Spirit teaches; It means that we are speaking from the experience we have received from God.

Beloved, anyone can preach the message of Christ. But this means that the help of the Spirit is needed to declare such. Today, the speeches of many Gospel preachers and Rev. fathers are the words of human wisdom. Teaching with learned knowledge without spiritual experience is human teaching.

There is a Tamil proverb that says, "what is in a vessel, it will come in the spoon" That means we can give to others what we have. But when God works in us, we can know and teach truths that we do not know, that is, that which we do not have, by the Spirit.

Therefore, it is certain that a person who lives his life with 100% worldly desire activities cannot stand in a temple and give a spiritual message. Only one who receives the spirit given by God and lives spiritually can give spiritual messages and guide others in a spiritual way. We need to pray for getting such good spiritual teachers.

The late Pastor Johnson David (IPC Church) who guided me in spiritual life during my early days was not very educated; He never attended theological college. But I have never seen a preacher like him in all these years. Dear brethren, not only to teach in the church, but also to live a spiritual life, it is necessary to receive the spirit that comes from God so that we can know what God has given us. But these things are not understood by men who do not know what the spiritual case is; It is like a crazy rant.

Yes, " But the natural man receiveth not the things of the Spirit of God: for they are foolishness unto him: neither can he know them, because they are spiritually discerned.” ( 1 Corinthians 2 : 14 )

God’s Message:- ✍️ Bro. M. Geo Prakash                                                   

விசுவாசத்தினால் வருகிற நீதி / Righteousness by faith

ஆதவன் 🔥 901🌻 ஜூலை 17, 2023 திங்கள்கிழமை

"அன்றியும், உலகத்தைச் சுதந்தரிப்பான் என்கிற வாக்குத்தத்தம் ஆபிரகாமுக்காவது அவன் சந்ததிக்காவது நியாயப்பிரமாணத்தினால் கிடையாமல் விசுவாசத்தினால் வருகிற நீதியினால் கிடைத்தது." ( ரோமர் 4 : 13 )

இன்றைய தியான வசனத்தில் "விசுவாசத்தினால் வருகிற நீதி" எனும் வார்த்தைகள் பயன்படுத்தப்பட்டுள்ளதைப் பார்க்கின்றோம். கட்டளைகளைக் கடைபிடிப்பதால் வரும் நீதியைவிட விசுவாசத்தினால் வருகின்ற நீதி மேலான நீதி. ஆம், தேவன்மேல் வைக்கும் விசுவாசத்தால்  மட்டுமே நாம் அத்தகைய நீதியுள்ள வாழ்க்கை வாழமுடியும். 

நியாயப்பிரமாண கட்டளைகளைக் கடைபிடிப்பதால் நாம் நீதிமானாக முடியாது. இயேசு கிறிஸ்து பரிசேயர்களையும் வேதபாரகர்களையும் பார்த்துக் கூறினார், "மாயக்காரராகிய வேதபாரகரே! பரிசேயரே! உங்களுக்கு ஐயோ, நீங்கள் ஒற்தலாமிலும் வெந்தயத்திலும் சீரகத்திலும் தசமபாகம் செலுத்தி, நியாயப்பிரமாணத்தில் கற்பித்திருக்கிற விசேஷித்தவைகளாகிய நீதியையும் இரக்கத்தையும் விசுவாசத்தையும் விட்டுவிட்டீர்கள்"( மத்தேயு 23 : 23 )

நியாயப்பிரமாணத்தில் கற்பித்திருக்கிற விசேஷித்தவைகளாகிய நீதியையும் இரக்கத்தையும் விசுவாசத்தையும் விட்டுவிடாமலிருக்க வேண்டுமானால் நாம் தேவன்மேல் விசுவாசம்கொண்டவர்களாக வாழவேண்டியது அவசியம். 

ஆபிரகாம் காலத்தில் நியாயப்பிராமணக்  கட்டளைகள் கொடுக்கப்படவில்லை.  அவரது காலத்துக்கு ஆயிரக்கணக்கான ஆண்டுகளுக்குப் பின்னரே மோசேமூலமே நியாயப் பிராமணக்  கட்டளைகள் கொடுக்கப்பட்டன. ஆனால் ஆபிரகாம் தனது விசுவாசத்தினால் தேவ நீதியை அதற்கு முன்னரே நிறைவேற்றினார். ஆனால் வேதம் கூறுகின்றது, மோசேமூலம் கொடுக்கப்பட்ட நியாயப்பிராமணக்  கட்டளைகள் தேவ நீதியுள்ள வாழ்க்கை வாழ உதவவில்லை. இதனையே அப்போஸ்தலராகிய பவுல் அடிகள், "நியாயப்பிரமாணத்தின் கிரியைகளினாலே எந்த மனுஷனும் நீதிமானாக்கப்படுவதில்லையே." ( கலாத்தியர் 2 : 16 ) என்றுகூறுகின்றார். 

அப்படி நியாயப்பிரமாணம் நம்மில் செய்யமுடியாத தேவ நீதியை  கிறிஸ்துவைப் பற்றும் விசுவாசத்தால் நாம்  செய்து முடிக்கவேண்டும் என்பதற்காகவே  கிறிஸ்து இயேசு உலகினில் வந்தார். இதனையே அப்போஸ்தலராகிய பவுல் அடிகள், "அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்." ( ரோமர் 8 : 3 ) என்று கூறுகின்றார். 

எனவே அன்பானவர்களே, வெறும் கட்டளைகளைக் கடைபிடித்து நாம் நம்மை நீதிமான் என்று எண்ணிக்கொண்டிருப்போமானால் நம்மையே நாம் ஏமாற்றிக்கொள்பவர்களாக இருப்போம்.  கிறிஸ்து இயேசுவின்மேல் உள்ள விசுவாசமே நம்மைப் பாவங்களை மேற்கொள்ளவும் நீதியுள்ள ஒரு வாழ்க்கை வாழவும் உதவிடும். எனவே கிறிஸ்துவின்மேலுள்ள நமது விசுவாசம் குறைந்திடாமல் விழிப்புடன் இருப்போம்.  

தேவ செய்தி:- ✍️ சகோ. எம். ஜியோ பிரகாஷ்       

              RIGHTEOUSNESS BY FAITH 

AATHAVAN 🔥 901🌻 July 17, 2023 Monday

"For the promise, that he should be the heir of the world, was not to Abraham, or to his seed, through the law, but through the righteousness of faith.” ( Romans 4 : 13 )

In today's meditation verse we see the words "righteousness by faith" are used. The righteousness that comes by faith is greater than the righteousness that comes from keeping the commandments. Yes, we can live a righteous life pleasing God only by having faith in Him.

Keeping the commandments of the law does not make us righteous. That is why Jesus Christ looked at the Pharisees and the scribes and said, "Woe unto you, scribes and Pharisees, hypocrites! for ye pay tithe of mint and anise and cumin, and have omitted the weightier matters of the law, judgment, mercy, and faith.” ( Matthew 23 : 23 )

It is necessary for us to live with faith in God without leaving justice, mercy, and faith, which are special things taught in the law. It is possible only by our faith on Jesus.

In Abrahamic times no Brahminical precepts were given. It was only thousands of years after his time that the Brahminical precepts were given by Moses. But Abraham fulfilled God's righteousness before that by his faith. But the righteous Brahmin commands given by Moses did not help to live a godly righteous life. This is what the Apostle Paul said, "Knowing that a man is not justified by the works of the law, but by the faith of Jesus Christ, even we have believed in Jesus Christ, that we might be justified by the faith of Christ, and not by the works of the law: for by the works of the law shall no flesh be justified.” ( Galatians 2 : 16 )

Christ Jesus came into the world so that we can do what the law cannot do in us through faith in Christ. This is what the apostle Paul says, "For what the law could not do, in that it was weak through the flesh, God sending his own Son in the likeness of sinful flesh, and for sin, condemned sin in the flesh” ( Romans 8 : 3 ).

Therefore, beloved, if we consider ourselves righteous by keeping mere commandments, we deceive ourselves. Faith in Christ Jesus will help us to overcome our sins and live a righteous life. So let us be vigilant that our faith in Christ does not wane.

God’s Message:- ✍️ Bro. M. Geo Prakash                                          

கிறிஸ்துவோடு ஐக்கியம்/ Union with Christ

ஆதவன் 🔥 900🌻 ஜூலை 16, 2023 ஞாயிற்றுக்கிழமை

"நாம் அவரோடே ஐக்கியப்பட்டவர்களென்று சொல்லியும், இருளிலே நடக்கிறவர்களாயிருந்தால், சத்தியத்தின்படி நடவாமல் பொய்சொல்லுகிறவர்களாயிருப்போம்." ( 1 யோவான்  1 : 6 )

அரசியல் கட்சிகள் தங்கள் கட்சிக்கு உறுப்பினர் சேர்க்கை முகாம்கள் நடத்துகின்றன. தேர்தல் நெருங்கும்போது அவர்களது இந்தச் செயல்பாடுகள் தீவிரமாக இருக்கும். இன்று தங்களைக்  கிறிஸ்தவர்கள் என்று கூறிக்கொள்பவர்களது நிலைமையும் இப்படி அரசியல் கட்சியில்  உறுப்பினர்களாக சேர்வதுபோல போல ஆகிவிட்டது பரிதாபகரமான நிஜம். 

கிறிஸ்தவ பெற்றோருக்குப் பிறந்துவிட்டதால் நாம் கிறிஸ்தவர்களல்ல; ஆலயங்களுக்குச் செல்வதாலும், தசமபாக காணிக்கைக் கொடுப்பதாலும், ஜெபக் கூட்டங்களில் கலந்துகொள்வதாலும் நாம் கிறிஸ்தவர்களல்ல.  ஆம் நாம் கிறிஸ்துவோடு ஐக்கியப்படாமல் இருந்துகொண்டும் இப்படிபட்டக் காரியங்களைச் செய்யமுடியும். 

கிறிஸ்துவோடு ஐக்கியம் என்பது அவரை நமது வாழ்வில் அனுபவிப்பது; அவரோடு நெருங்கிய உறவினை வளர்த்துக்கொண்டு வாழ்வது; அவரது பிரசன்னத்தை அன்றாடம் வாழ்வில் அனுபவிப்பது; அவரது கற்பனைகளின்படி வாழ்வது. இப்படி வாழும்போது நமது குணங்கள் மாறுதலடையும். நம்மிடம்  ஆவிக்குரிய கனிகள் இருக்கும். 

"ஆவியின் கனியோ, அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம்; இப்படிப்பட்டவைகளுக்கு விரோதமான பிரமாணம் ஒன்றுமில்லை." ( கலாத்தியர் 5 : 22, 23 ) இப்படி வாழும்போது நாம் சில தியாகங்கள் செய்யவேண்டியிருக்கும். நமது ஆசைகளை, தேவைகளை குறைக்கவேண்டியிருக்கும்.  இதனையே அப்போஸ்தலரான பவுல் அடிகள், "கிறிஸ்துவினுடையவர்கள் தங்கள் மாம்சத்தையும் அதின் ஆசை இச்சைகளையும் சிலுவையில் அறைந்திருக்கிறார்கள்." ( கலாத்தியர் 5 : 24 ) என்று கூறுகின்றார். 

இப்படி இல்லாமல் நாம் பெயரளவில் மட்டும் கிறிஸ்தவர்களாக இருப்போமானால் நாம் பொய்யர்கள். எனவேதான்  நாம் அவரோடே ஐக்கியப்பட்டவர்களென்று சொல்லியும், இருளிலே நடக்கிறவர்களாயிருந்தால், சத்தியத்தின்படி நடவாமல் பொய்சொல்லுகிறவர்களாயிருப்போம் என்று இன்றைய வசனம் கூறுகின்றது. 

நாமும் அவரது சீடர்களைப்போல கிறிஸ்துவோடு ஐக்கியமுள்ளவர்களாக வாழவேண்டும் என்பதற்காகவே அவரிடம் கண்டும் கேட்டும் இருப்பதை நமக்கு அறிவித்துள்ளதாகக் கூறுகின்றார் அப்போஸ்தலரான யோவான். "நீங்களும் எங்களோடே ஐக்கியமுள்ளவர்களாகும்படி, நாங்கள் கண்டும் கேட்டும் இருக்கிறதை உங்களுக்கும் அறிவிக்கிறோம்; எங்களுடைய ஐக்கியம் பிதாவோடும் அவருடைய குமாரனாகிய இயேசுகிறிஸ்துவோடும் இருக்கிறது." ( 1 யோவான்  1 : 3 ) 

பெயரளவு கிறிஸ்தவர்களாக அல்ல; கிறிஸ்துவோடு ஐக்கியத்தை வளர்த்துக்கொண்டவர்களாக வாழ்வோம். நம்முடைய ஐக்கியம் பிதாவோடும் அவருடைய குமாரனாகிய இயேசு கிறிஸ்துவோடும் இருக்கட்டும். அத்தகைய ஐக்கியத்துக்குத்  தடையாக உள்ள நமது பாவங்களை அவரிடம் அறிக்கையிட்டு மன்னிப்பு வேண்டுவோம். 

தேவ செய்தி:- ✍️ சகோ. எம். ஜியோ பிரகாஷ்                                                  தொடர்புக்கு:- 9688933712    

                                        Union with Christ  

AATHAVAN 🔥 900🌻 July 16, 2023 Sunday

"If we say that we have fellowship with him, and walk in darkness, we lie, and do not the truth” ( 1 John  1 : 6 )

Political parties conduct membership recruitment camps for their party. As the elections approach, their activities will intensify. Today, the situation of those who claim to be Christians has become like joining a political party, it is a sad reality.

We are not Christians because we are born of Christian parents; We are not Christians just because we go to church, pay tithes, and attend prayer meetings. Yes, we can do such things even if we are not united with Christ.

Union with Christ is experiencing Him in our lives; Living with him by developing a close relationship; Experiencing His presence in daily life; Living according to his imagination. When we live like this, our qualities change. We will have spiritual fruits.

"But the fruit of the Spirit is love, joy, peace, longsuffering, gentleness, goodness, faith, Meekness, temperance: against such there is no law.” (Galatians 5 : 22, 23 ) When we live like this, we have to make some sacrifices. We have to reduce our desires and needs. This is what the apostle Paul says, "And they that are Christ's have crucified the flesh with the affections and lusts. ( Galatians 5 : 24 )

If we are Christians in name only, we are liars. That is why today's verse says that if we claim to be united with Him and walk in darkness, we will not walk in truth and tell lies.

The apostle John says that he has announced to us what he sees and hears so that we too should live in union with Christ as his disciples. "That which we have seen and heard declare we unto you, that ye also may have fellowship with us: and truly our fellowship is with the Father, and with his Son Jesus Christ.” ( 1 John  1 : 3 )

Not as nominal Christians; Let us live in union with Christ. Let our union be with the Father and His Son Jesus Christ. Let us confess to Him our sins that hinder such union and seek His forgiveness.

God’s message:- ✍️ Bro. M. Geo Prakash

சாமுவேலும் கர்த்தரும் / Samuel and God

ஆதவன் 🔥 899🌻 ஜூலை 15, 2023 சனிக்கிழமை

"சாமுவேல் வளர்ந்தான்; கர்த்தர் அவனுடனேகூட இருந்தார்; அவர் தம்முடைய எல்லா வார்த்தைகளிலும் ஒன்றையாகிலும் தரையிலே விழுந்து போகவிடவில்லை." ( 1 சாமுவேல் 3 : 19 )

இன்றைய தியானத்துக்குரிய இந்த வசனம் என்னைச் சிந்திக்கவைத்தது. இந்த வசனத்தில், "சாமுவேல் வளர்ந்தான்; கர்த்தர் அவனோடுகூட இருந்தார்" என்று கூறப்பட்டுள்ளது. அன்பானவர்களே, பொதுவாக நமது வாழ்க்கையில் நாம் வளர வளரக் கர்த்தரைவிட்டு விலகிவிடுகின்றோம். காரணம் வளர வளர உலகக் கவர்ச்சி நம்மை இழுத்து நம்மைப் பாவத்துக்குநேராக இழுத்துச் சென்றுவிடுகின்றது. 

சாமுவேல் சிறுவனாக இருந்தபோதே தேவனது சத்தத்தைக் கேட்கும் அனுபவத்தைப் பெற்றிருந்தார். அதாவது தன்னிடம் கர்த்தர்தான் பேசுகிறார் என்பதைக்கூட அறியமுடியாத வயது அவருக்கு அப்போது. எனவே கர்த்தர், "சாமுவேலே" என்று அழைத்தபோது ஆசாரியானாகிய ஏலிதான்  தன்னை அழைப்பதாக எண்ணிக்கொண்டார். எனவே, சாமுவேலை  மூன்றுமுறை கர்த்தர் அழைத்தபோதும் ஏலியிடம் சென்று "இதோ இருக்கிறேன், என்னை அழைத்தீரே?" என்றார். 

கர்த்தர்தான் சாமுவேலை அழைக்கிறார் என்பதை ஏலி அறிந்துகொண்டார். எனவே மூன்றாவது முறை சாமுவேல்  தன்னிடம் வந்தபோது ஏலி, "சாமுவேலை நோக்கி: நீ போய்ப்படுத்துக்கொள்; உன்னைக் கூப்பிட்டால், அப்பொழுது நீ: கர்த்தாவே சொல்லும்; அடியேன் கேட்கிறேன் என்று சொல் என்றார்". ( 1 சாமுவேல் 3 : 9 )

ஆசாரியனாகிய ஏலியின் புதல்வர்களைப்போல அல்லாமல் சாமுவேல் உத்தமமாக நடந்துகொண்டதால் கர்த்தர் அவருடனேகூட இருந்தார். 

இன்று நமக்கு இது ஒரு படிப்பினையாக உள்ளது. ஊழியமானது பரம்பரைத் தொழிலல்ல. ஆசாரியாகிய ஏலிக்கு இரண்டு மகன்கள் இருந்தபோதும் அவர்களை புறக்கணித்த தேவன் சாமுவேலை தெரிந்துகொண்டார். அது ஏனென்றால் சாமுவேலின்  தூய்மையான வாழ்க்கைதான். ஆனால் இன்றைய நாட்களில் ஊழியம் பரம்பரைத் தொழிலாகிவிட்டது. காரணம், ஊழியத்தின்மூலம் சேர்க்கப்பட்டச் சொத்துக்கள் மற்றவர்களுக்குச் சென்றுவிடக்கூடாது என்பதற்காகத் தங்கள் வாரிசுகளை ஊழியர்கள் ஊழியத்தில் பழக்குகின்றனர். 

சாமுவேலை தேவன் தெரிந்துகொண்டதாலும், அந்தத் தெரிந்துகொள்ளுதலுக்கேற்ப சாமுவேல் நடந்துகொண்டதாலும் கர்த்தர் அவரோடே இருந்தார். அப்படி இருந்ததால், "அவர் தம்முடைய எல்லா வார்த்தைகளிலும் ஒன்றையாகிலும் தரையிலே விழுந்து போகவிடவில்லை. சாமுவேல் கர்த்தருடைய தீர்க்கதரிசிதான் என்று தாண்முதல் பெயெர்செபாமட்டுமுள்ள சகல இஸ்ரவேலருக்கும் விளங்கினது." ( 1 சாமுவேல் 3 : 19,20 )

நமது வாழ்கையினைச் சிந்தித்துப்பார்ப்போம். வளர வளர நாம் எப்படி இருக்கின்றோம்? நேற்றைவிட இன்று எப்படி இருக்கிறது நமது ஆவிக்குரிய வாழ்க்கை? எந்த நிலையிலும் கர்த்தர் நம்மைவிட்டு விலகிடாமல் நமது ஆவிக்குரிய வாழ்வைக் காத்துக்கொள்வது நமது கடமை. அப்படி வாழ்வோமானால் நம்மைக்குறித்த தனது சித்தத்தைத் தேவன் கண்டிப்பாக நிறைவேற்றுவார்.   

தேவ செய்தி:- ✍️ சகோ. எம். ஜியோ பிரகாஷ்                                                  

                       Samuel and God

AATHAVAN 🔥 899🌻 July 15, 2023 Saturday

"And Samuel grew, and the LORD was with him, and did let none of his words fall to the ground.”( 1 Samuel 3 : 19 )

This verse for today's meditation got me thinking. This verse says, "Samuel grew up; the Lord was with him." Beloved, generally in our life we move away from God as we grow up. Because, more and more the attraction of the world draws us and drags us towards sin.

Samuel had the experience of hearing the voice of God when he was still a boy. In other words, he was at that age when he could not even know that the Lord was speaking to him. So, when the Lord called, "Samuel," he thought, Eli the priest was calling him. So, when the Lord called him three times, he went to Eli and said, "Here I am, did you call me?".

The third time, Eli said to Samuel: "Go, lie down: and it shall be, if he calls thee, that thou shalt say, Speak, LORD; for thy servant heareth. So, Samuel went and lay down in his place”. ( 1 Samuel 3 : 9 )

Unlike the sons of Eli the priest, Samuel was righteous and the Lord was with him.

This is a lesson for us today. Ministry is not a hereditary profession. Eli, the priest, had two sons, but God chose Samuel to ignore them. It was because of Samuel's pure life. But nowadays ministry has become a hereditary profession. The reason is that Christian ministers accustom their heirs to service so that the wealth added by them does not pass to others.

Why did God choose Samuel who ignored the two sons of Eli the priest is because of his pure life. That is why the Lord was with Samuel even as he grew up. Because it was so, “The LORD was with him, and did let none of his words fall to the ground. And all Israel from Dan even to Beersheba knew that Samuel was established to be a prophet of the LORD.’ (1 Samuel 3: 19,20)

Let us think about our life. How are we growing up? How is our spiritual life today compared to yesterday? It is our duty to protect our spiritual life so that the Lord does not leave us at any stage. If we live like that, God will fulfill his will for us.

God’s message: - ✍️ Bro. M. Geo Prakash                                            

வாளினாலும் ஈட்டியினாலுமல்ல / NOT WITH SWORD AND SPEAR

ஆதவன் 🔥 898🌻 ஜூலை 14, 2023 வெள்ளிக்கிழமை

"கர்த்தர் பட்டயத்தினாலும் ஈட்டியினாலும் இரட்சிக்கிறவர் அல்ல என்று இந்த ஜனக்கூட்டமெல்லாம் அறிந்து கொள்ளும்". ( 1 சாமுவேல் 17 : 47 )

இந்த அண்டசராசரங்களை தனது வார்த்தையால் தேவன் உண்டாக்கினார். அவர் உண்டாகட்டும் என்று கூற அனைத்தும் உண்டாயின. அவருக்குத் தான் உண்டாக்கின மனிதனை இல்லாமலாக்குவது எவ்வளவு எளிதான காரியம்!! அவருக்கு எதிராக போராடுபவர்களை தேவன் நேசிக்கவே செய்கின்றார். அதனால்தான் கிறிஸ்துவுக்கு எதிராகச் செயல்பட்டவர்கள் பிற்பாடு மனம்திரும்பி அவருக்கு ஊழியக்காரராக மாறுகின்றனர். அப்போஸ்தலரான பவுல் அடிகளே இதற்கு முதல் உதாரணம். 

இன்றைய வசனம் தாவீது பெலிஸ்தியனாகிய கோலியாத்தைக் கொல்லும்முன் கூறிய வார்த்தைகள்.  பழைய ஏற்பாட்டில் கூறப்பட்டுள்ள இந்த வசனத்தை புதிய ஏற்பாட்டு அர்த்தத்தில் நாம் பார்த்தல் நல்லது. 

நமது கர்த்தராகிய இயேசு கிறிஸ்து பட்டயத்தினாலும் ஈட்டியினாலும் இரட்சிக்கிறவர் அல்ல. கெத்சமெனி தோட்டத்தில் அவரைப் பிடிக்க வந்தவர்களில் ஒருவனது காதினை  பேதுரு வாளினால் ட்டியபோது இயேசு கிறிஸ்து அவரிடம், "உன் பட்டயத்தைத் திரும்ப அதின் உறையிலே போடு; பட்டயத்தை எடுக்கிற யாவரும் பட்டயத்தால் மடிந்துபோவார்கள்." ( மத்தேயு 26 : 52 ) என்று கூறித் தடுத்தார். 

மட்டுமல்ல, "நான் இப்பொழுது என் பிதாவை வேண்டிக்கொண்டால், அவர் பன்னிரண்டு லேகியோனுக்கு அதிகமான தூதரை என்னிடத்தில் அனுப்பமாட்டாரென்று நினைக்கிறாயா?" ( மத்தேயு 26 : 53 ) என்று கேள்வி எழுப்பினார். ஆம், அவர் நினைத்தால் ஒரே நொடியில் எல்லாவற்றையும் செய்யமுடியும். 

ஆனால் தேவனது இரட்சிப்பின் திட்டம் வேறு. கிறிஸ்து இரத்தம் சிந்தியாகவேண்டும். அந்த இரத்தத்தால்தான் இரட்சிப்பு நடைபெறவேண்டும். எனவே, இன்றைய வசனம் புதிய ஏற்பாட்டு முறையில் கூறப்படவேண்டுமானால் "கர்த்தர் பட்டயத்தினாலும் ஈட்டியினாலும் இரட்சிக்கிறவர் அல்ல தனது சுய இரத்தத்தால் இரட்சிப்பவர்  என்று இந்த ஜனக்கூட்டமெல்லாம் அறிந்து கொள்ளும்" என்று இருக்கவேண்டியது அவசியம். 

இன்றைய வசனத்தைத் தொடர்ந்து வாசிக்கும்போது, "இவ்விதமாகத் தாவீது ஒரு கவணினாலும் ஒரு கல்லினாலும் பெலிஸ்தனை மேற்கொண்டு, அவனை மடங்கடித்து, அவனைக் கொன்று போட்டான். " ( 1 சாமுவேல் 17 : 50 ) என்று கூறப்பட்டுள்ளது. அன்பானவர்களே, இதனை நாம், "இவ்விதமாகக் கிறிஸ்து மூன்று ஆணிகளாலும் சிலுவையினாலும் பாவத்தை  மேற்கொண்டு, அதனை மடங்கடித்து, அதனை அழித்துப்போட்டார் " என்று கூறலாம்.  

இதனையே அப்போஸ்தலரான பவுல் அடிகள், "அதெப்படியெனில், மாம்சத்தினாலே பலவீனமாயிருந்த நியாயப்பிரமாணம் செய்யக்கூடாததை தேவனே செய்யும்படிக்கு, தம்முடைய குமாரனைப் பாவமாம்சத்தின் சாயலாகவும், பாவத்தைப் போக்கும் பலியாகவும் அனுப்பி, மாம்சத்திலே பாவத்தை ஆக்கினைக்குள்ளாகத் தீர்த்தார்." ( ரோமர் 8 : 3 ) என்று கூறுகின்றார். 

ஆம், நமது "கர்த்தர் பட்டயத்தினாலும் ஈட்டியினாலும் இரட்சிக்கிறவர் அல்ல என்று இந்த ஜனக்கூட்டமெல்லாம் அறிந்து கொள்ளும்". 

தேவ செய்தி:- ✍️ சகோ. எம். ஜியோ பிரகாஷ்                                                  

             NOT WITH SWORD AND SPEAR 

AATHAVAN 🔥 898🌻 Friday, July 14, 2023

“And all this assembly shall know that the LORD saveth not with sword and spear: for the battle is the LORD's, and he will give you into our hands.” ( 1 Samuel 17 : 47 )

God created these universes with his word. Everything came into being because he said let it be. How easy it is for him to destroy the man he made!! God loves those who fight against Him. That is why those who acted against Christ later repent and become His servants. The first example of this is the Apostle Paul.

Today's verse is David's words before killing the Philistine Goliath. It is better to look at this Old Testament verse in the New Testament sense.

Our Lord Jesus Christ does not save by sword and spear. When Peter struck the ear of one of those who came to arrest him in the Garden of Gethsemane with a sword, Jesus Christ said to him, "Put up again thy sword into his place: for all they that take the sword shall perish with the sword.”( Matthew 26 : 52 )

And not only, "Thinkest thou that I cannot now pray to my Father, and he shall presently give me more than twelve legions of angels?” ( Matthew 26 : 53 ) Yes, he can do everything in a single moment if he thinks.

But God's plan of salvation is different. Christ's blood must be shed. Salvation must take place by that blood. Therefore, if today's verse is to be said in the New Testament way it should be "And all this multitude shall know that the Lord saveth not by sword and spear, but by his own blood."

When we continue to read today's verse, it is said, "So David prevailed over the Philistine with a sling and with a stone, and smote the Philistine, and slew him” ( 1 Samuel 17 : 50 )  Beloved, we may say this also like, "Thus by three nails and a cross did Christ take away the sin, and humble it, and slewed it."

This is what the apostle Paul says, "For what the law could not do, in that it was weak through the flesh, God sending his own Son in the likeness of sinful flesh, and for sin, condemned sin in the flesh” (Romans 8 : 3 )

Yes, “all this assembly shall know that the LORD saveth not with sword and spear”

Message:- ✍️ Bro. M. Geo Prakash