🦋 Meditation verse - பிரசங்கி 8 : 12 / Ecclesiastes 8:12

 "விதைகளின் உள்ளே" 🌳

  வேதாகமத் தியானம் எண் - 1582                                          ஆதவன் 07.06.2025 சனி   

"பாவி நூறுதரம் பொல்லாப்பைச் செய்து நீடித்து வாழ்ந்தாலும் என்ன? தேவனுக்கு அஞ்சி, அவருக்கு முன்பாகப் பயந்திருப்பவர்களே நன்றாயிருப்பார்கள் என்று அறிந்திருக்கிறேன்." ( பிரசங்கி 8 : 12 )

இன்று சமூக வலைத்தளங்களை நாம் பார்ப்போமானால் அதிகமான பதிவுகள் உடல்நலம் குறித்தும் அதனை எப்படி மேம்படுத்தலாம், என்னென்ன உணவுகள் உடலுக்கு ஏற்றவை, எவைகளைத் தவிர்க்கவேண்டும் என்றும் அறிவுறுத்துவனவாக உள்ளன. இவைகளைப் பதிவிடுபவர்கள் இவைகளைக் கடைபிடிக்கின்றார்களா என்பது கேள்விக்குறிதான். ஆனால் எல்லோருக்கும் உடல்நலத்துடன் நீண்டநாள் வாழவேண்டுமெனும் ஆர்வம் இருக்கின்றது என்பது மட்டும் புலனாகின்றது. எனவே, எல்லோரும் மருத்துவர் ஆகிவிட்டனர்.

மக்கள் இந்த உலகத்தில் நீண்ட நாட்கள் உயிர்வாழ்பவர்களை பொதுவாக  ஆசீர்வதிக்கப்பட்டவர்கள் என்று எண்ணுவதுண்டு. ஆனால் மனிதர்கள் நீண்டநாள் உயிர்வாழ்வதால் அவர்கள் நல்லவர்கள் என்று பொருளல்ல. அனைத்து பாவச் செயல்களையும் செய்யும்  ஒருவர்  நூறாண்டுவரை வாழலாம், அதுபோல எந்த கெட்டப்பழக்கமும் இல்லாத ஒருவர் அற்ப வயதில் இறந்துபோகலாம். மனிதர்களது வாழ்நாளுக்கும் அவர்களது செயல்பாடுகளுக்கும் சம்பந்தமில்லை.

உடல்நலம் குறித்து வெளியாகும் பதிவுகளை எல்லோரும் ஆர்வத்துடன் படிக்கின்றனர். ஆனால், உடல்நலத்தைவிட மேலான ஆத்தும காரியங்களைக்குறித்த காரியங்களுக்குப் பலரும் முன்னுரிமை கொடுப்பதில்லை. இந்த உலகத்தில் பொல்லாப்பான காரியங்களில் ஈடுபட்டு ஒருவர் நூறு வயதுவரை வாழ்ந்தாலும் அவரைவிட தேவனுக்கு அஞ்சி வாழும் மக்கள் நன்றாக இருப்பார்கள் என்று இன்றைய தியானம் நமக்கு அறிவுறுத்துகின்றது. 

தேவனுக்கு அஞ்சி வாழ்வது என்பது பயந்து பயந்து வாழ்வதல்ல, மாறாக தீமையான காரியங்களில் ஈடுபடாமல் அவற்றுக்கு விலகி நீதியுள்ள வாழ்க்கை வாழ்வது.   "தீமையை வெறுப்பதே கர்த்தருக்குப் பயப்படும் பயம்; பெருமையையும், அகந்தையையும், தீய வழியையும், புரட்டுவாயையும் நான் வெறுக்கிறேன். (நீதிமொழிகள் 8:13) என்று கூறப்பட்டுள்ளது. 

இப்படி கர்த்தருக்குப் பயப்படும் பயத்தோடு வாழ்வது குறித்து மேலும் நாம் வேதத்தில்,  "கர்த்தருக்குப் பயப்படுதல் ஜீவனுக்கேதுவானது; அதை அடைந்தவன் திருப்தியடைந்து நிலைத்திருப்பான்; தீமை அவனை அணுகாது." (நீதிமொழிகள் 9:23) என்றும்  "கர்த்தருக்குப் பயப்படுதல் ஜீவஊற்று; அதினால் மரணக்கண்ணிகளுக்குத் தப்பலாம்". (நீதிமொழிகள் 14:27) என்றும் வாசிக்கின்றோம். 

ஆம் அன்பானவர்களே, உடல்நலத்துக்கு ஒரு சில உணவுகளைத் தவிர்த்து ஒருசில உணவுகளைச் சேர்த்துக்கொள்வதுபோல ஆத்தும நலத்துக்கு ஒரு சில காரியங்களைத் தவிர்த்து ஒருசில காரியங்களை வாழ்வில் கடைபிடிக்கவேண்டியது அவசியம்.  ஆனால் பெரும்பாலான மக்கள் உடல்நலம் குறித்தச் செய்திகளைக் கேட்டுக் கடைபிடிப்பதுபோல ஆவிக்குரிய செய்திகளைக்  கேட்பதிலும் வாசிப்பதிலும் காட்டும் ஆர்வத்தை அவற்றைக் கடைப்பிடிப்பதில் காண்பிப்பதில்லை. 

நீண்டநாள் வாழ்வதல்ல முக்கியம், மாறாக தேவனுக்கு அஞ்சி, அவருக்கு முன்பாகப் பயந்திருப்பவர்களே நன்றாயிருப்பார்கள் என்று இன்றைய தியான வசனம் கூறுகின்றது கவனிக்கத்தக்கது.  

"ஜீவனை விரும்பி, நல்ல நாட்களைக் காணவேண்டுமென்றிருக்கிறவன் பொல்லாப்புக்குத் தன் நாவையும், கபடத்துக்குத் தன் உதடுகளையும் விலக்கிக்காத்து, பொல்லாப்பைவிட்டு நீங்கி, நன்மை செய்து, சமாதானத்தைத் தேடி, அதைப்பின்தொடரக்கடவன்." ( 1 பேதுரு 3 : 10, 11 )

தேவ செய்தி :- சகோ. எம். ஜியோ பிரகாஷ்                      

"Inside the Seeds" 🌳

Scripture Meditation No. 1582

AATHAVAN | Saturday, 07.06.2025

“Though a sinner do evil an hundred times, and his days be prolonged, yet surely I know that it shall be well with them that fear God, which fear before him:” (Ecclesiastes 8:12)

When we browse social media today, we often see countless posts about physical health—how to improve it, what foods are beneficial for the body, and which ones to avoid. However, whether the ones posting such advice follow them personally is questionable. One thing is clear: everyone desires to live a long and healthy life. It seems as if everyone has become a doctor!

People generally consider those who live long lives in this world to be "blessed." But just because someone lives long does not mean they are righteous. A person may live for a hundred years while practicing all kinds of evil, and someone with no bad habits may die young. A person’s lifespan is not necessarily connected to the nature of their actions.

Everyone eagerly reads health-related content. But few prioritize the matters of the soul over physical health. Even if someone does evil and lives a hundred years, today’s meditation reminds us that it shall be well only with those who fear God and walk before Him.

To fear God is not to live in constant dread, but to live a righteous life, turning away from evil. As it is written:

“The fear of the Lord is to hate evil: pride, and arrogancy, and the evil way, and the froward mouth, do I hate.” (Proverbs 8:13 – KJV)

We also read in Scripture about the blessings of fearing God:

“The fear of the Lord tendeth to life: and he that hath it shall abide satisfied; he shall not be visited with evil.” (Proverbs 19:23 – KJV)

“The fear of the Lord is a fountain of life, to depart from the snares of death.” (Proverbs 14:27 – KJV)

Yes, beloved ones, just as we maintain physical health by avoiding certain foods and including others, it is essential for our spiritual well-being to avoid certain things and practice others in our lives. However, unlike the eagerness shown by most people in listening to and following advice related to physical health, the same level of interest is not shown in following the spiritual truths they hear or read.

What matters is not a long life, but a life lived in the fear of God. Today’s meditation verse clearly points this out: “It shall be well with them that fear God, which fear before him.”

As the Scripture says:

“For he that will love life, and see good days, let him refrain his tongue from evil, and his lips that they speak no guile:

Let him eschew evil, and do good; let him seek peace, and ensue it.” (1 Peter 3:10–11 – KJV)

God’s Message by: Bro. M. Geo Prakash