🦋 Meditation verse - ஏசாயா 26 : 13 / Isaiah 26:13

 "விதைகளின் உள்ளே" 🌳

  வேதாகமத் தியானம் எண் - 1580                                          ஆதவன்,  05.06.2025 - வியாழன் 

"எங்கள் தேவனாகிய கர்த்தாவே, உம்மையல்லாமல் வேறே ஆண்டவன்மார் எங்களை ஆண்டார்கள்; இனி உம்மை மாத்திரம் சார்ந்து உம்முடைய நாமத்தைப் பிரஸ்தாபப்படுத்துவோம்." ( ஏசாயா 26 : 13 )

இந்த உலகத்தில் மனிதர்களைப்  பல்வேறு காரியங்கள் அடிமைப்படுத்துவனவாக உள்ளன. முக்கியமாக, பல்வேறு பாவங்கள், பொருளாசை, புகழாசை, பதவியாசை மற்றும் பல்வேறு உலக ஆசைகள் மனிதர்களை அடிமைப்படுத்தியுள்ளன. எவையெல்லாம் இப்படி நம்மை அடிமைப்படுத்தியுள்ளனவோ, அவையெல்லாம் நம்மை ஆளுகின்றன என்று பொருள். 

நாம்  தேவனை மறந்து அவரைத் தேடாமல் வாழும்போது நம்மில் இவையே ஆட்சிசெய்கின்றன. இன்றைய தியான வசனத்தில் ஏசாயா கூறுகின்றார்,  "தேவனாகிய கர்த்தாவே, உம்மையல்லாமல் வேறே ஆண்டவன்மார் எங்களை ஆண்டார்கள்" என்று. அதாவது, இதுவரை உமக்கு விருப்பமில்லாத காரியங்களே எங்களை ஆட்சிபுரிந்து அடிமைப்படுத்தி வந்தன. இப்படி நாங்கள் அடிமைப்பட்டிருந்த காரியங்களுக்கு இனி அடிமைப்படமாட்டோம். காரணம் நாங்கள் இனி உம்மை மட்டுமே எங்களை ஆட்சிபுரிய அனுமதிப்போம்; உம்மை மாத்திரம் சார்ந்து உம்முடைய நாமத்தைப் பிரஸ்தாபப்படுத்துவோம் என்கின்றார்.

பெரும்பாலும் நாமெல்லோரும் பல்வேறு பாவங்களுக்கு அடிமைப்பட்டவர்களாக இருக்கின்றோம்.  ஆண்டவராகிய இயேசு கிறிஸ்து கூறினார், "பாவஞ்செய்கிறவன் எவனும் பாவத்துக்கு அடிமையாயிருக்கிறான் என்று மெய்யாகவே மெய்யாகவே உங்களுக்குச் சொல்லுகிறேன்." ( யோவான் 8 : 34 ) என்று. அப்படி நாம் பாவம் செய்துகொண்டிருப்போமானால் பாவம் நம்மை ஆளுகின்றது என்று பொருள். பாவம் ஆளும் இடத்தில் ஆண்டவராகிய இயேசு கிறிஸ்து ஆட்சிபுரிய நாம் இடம்தரவேண்டும். அப்படியானால் மட்டுமே நாம் இந்த அடிமைத்தனத்திலிருந்து விடுதலையடைய முடியும். 

ஆம் அன்பானவர்களே, நாம் மேலே பார்த்த காரியங்களான பொருளாசை, புகழாசை, பதவியாசை மற்றும் பல்வேறு உலக ஆசைகள் எல்லாமே பாவம்தான். தேவனை முன்னிலைப்படுத்தாமல் வேறு காரியங்களுக்கு முன்னிலை கொடுக்கும்போது அவை நம்மை ஆளுகின்றன என்று பொருள். 

அப்போஸ்தலரான பவுல் மனிதர்களை ஆளும்  பல்வேறு பாவங்களைப் பட்டியலிட்டுப் பின்வருமாறு கூறுகின்றார். "அநியாயக்காரர் தேவனுடைய ராஜ்யத்தைச் சுதந்தரிப்பதில்லையென்று அறியீர்களா? வஞ்சிக்கப்படாதிருங்கள்; வேசிமார்க்கத்தாரும், விக்கிரகாராதனைக்காரரும், விபசாரக்காரரும், சுயபுணர்ச்சிக்காரரும், ஆண்புணர்ச்சிக்காரரும், திருடனும், பொருளாசைக்காரரும், வெறியரும், உதாசினரும், கொள்ளைக்காரரும் தேவனுடைய ராஜ்யத்தைச் சுதந்தரிப்பதில்லை." ( 1 கொரிந்தியர் 6 : 9, 10 )

எனவே,  இத்தகைய பாவங்கள் நம்மை ஆளாமல் இவற்றிலிருந்து விடுதலையாகி தேவனுடைய ராஜ்யத்தைச் சுதந்தரிக்க வேண்டுமானால் நாம் ஆண்டவராகிய இயேசு கிறிஸ்து மட்டுமே நம்மை ஆளும்படி அவருக்கே  நம்மை ஒப்புக்கொடுக்கவேண்டியது அவசியமாய் இருக்கின்றது.  இயேசு கிறிஸ்து கூறினார், "ஆகையால் குமாரன் உங்களை விடுதலையாக்கினால் மெய்யாகவே விடுதலையாவீர்கள்." ( யோவான் 8 : 36 ) என்று.

எனவே, ஆண்டவராகிய இயேசு கிறிஸ்து நம்மை ஆளும்படி அவருக்கு நம்மை ஒப்புக்கொடுப்போம். "எங்கள் ஆண்டவராகிய இயேசுவே, இதுவரை உம்மையல்லாமல் வேறே ஆண்டவன்மார் எங்களை ஆண்டார்கள்; இனி நீர் மட்டுமே எங்களை ஆளவேண்டும்; இனி உம்மை மாத்திரம் சார்ந்து உம்முடைய நாமத்தை மட்டுமே  பிரஸ்தாபப்படுத்துவோம்" என்று அவருக்கு நம்மை ஒப்புக்கொடுத்து ஜெபிப்போம். நமது பாவங்களை அவரிடம் அறிக்கையிடுவோம். குமாரன் நம்மை  விடுதலையாக்கினால் மெய்யாகவே விடுதலையாவோம். 

தேவ செய்தி :- சகோ. எம். ஜியோ பிரகாஷ்                     

“Inside the Seeds” 🌳

Scripture Meditation No. 1580

AATHAVAN – Thursday, 05.06.2025

“O LORD our God, other lords beside thee have had dominion over us: but by thee only will we make mention of thy name.” — Isaiah 26:13

In this world, many things enslave humanity. Chief among them are various sins, greed, desire for fame, thirst for position, and many worldly lusts. All these dominate our lives when we allow them to. Anything that enslaves us in this manner ultimately rules over us.

When we forget God and live without seeking Him, these things take control and rule our lives. In today’s meditation verse, Isaiah says,

“O LORD our God, other lords beside thee have had dominion over us...”

That means, until now, things that were not pleasing to God ruled over us and enslaved us. But from this point forward, Isaiah affirms, we will no longer be enslaved by such things. Instead, we choose to submit only to God, cling to Him alone, and proclaim only His name.

Most of us are indeed slaves to various sins. The Lord Jesus Christ said, “Verily, verily, I say unto you, whosoever committeth sin is the servant of sin.” — John 8:34 (KJV)

If we continue in sin, then sin is what rules over us. Where sin reigns, there we must give place for the Lord Jesus Christ to rule instead. Only then can we be delivered from this bondage.

Dearly beloved, all the things we listed earlier—greed, fame-seeking, ambition, and worldly desires—are, in essence, sins. When we place them above God, they become our masters. When we do not prioritize God, we end up being ruled by something else.

The Apostle Paul lists many sins that dominate people’s lives and warns accordingly:

“Know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with mankind, Nor thieves, nor covetous, nor drunkards, nor revilers, nor extortioners, shall inherit the kingdom of God.” — 1 Corinthians 6:9–10 (KJV)

Therefore, if we desire to be free from such sins and inherit the kingdom of God, it is absolutely essential that we surrender ourselves entirely to the Lord Jesus Christ and let Him alone reign over us. Jesus said, “If the Son therefore shall make you free, ye shall be free indeed.” — John 8:36 (KJV)

Let us then submit ourselves to the Lord Jesus Christ and let Him rule over us. Let us pray, saying: “Our Lord Jesus, until now, other lords besides You have ruled over us. From now on, may You alone reign over us. We will cling only to You and proclaim only Your name.”

Let us confess our sins before Him. If the Son sets us free, we shall be truly free.

Gospel Message: Bro. M. Geo Prakash