Verse for Meditation - யோபு 2: 9 / Job 2:9

 வேதாகமத் தியானம் - எண்:- 1,421

'ஆதவன்' டிசம்பர் 29, 2024. 💚ஞாயிற்றுக்கிழமை

"அப்பொழுது அவன் மனைவி அவனைப் பார்த்து: நீர் இன்னும் உம்முடைய உத்தமத்தில் உறுதியாய் நிற்கிறீரோ? தேவனைத் தூஷித்து ஜீவனை விடும் என்றாள்." ( யோபு 2: 9)

ஒருவர் வசதியோடு, அதிகாரத்தோடு வாழும்போது அவருக்கு அனைவரும் மதிப்பளித்து அவரை உயர்வாக எண்ணுவார்கள். ஆனால் அதே நபர் வசதியையும் வாய்ப்புகளையும் இழந்துவிட்டார் என்றால் சொந்த மனைவி, பிள்ளைகள்கூட அவரை மதிக்கமாட்டார்கள். இந்த எதார்த்தத்தை இன்றைய தியான வசனம் நமக்கு எடுத்துக் கூறுகின்றது. 

"என் வீட்டு ஜனங்களும், என் வேலைக்காரிகளும், என்னை அந்நியனாக எண்ணுகிறார்கள்; அவர்கள் பார்வைக்கு நான் பரதேசியானேன். நான் என் வேலைக்காரனைக் கூப்பிடுகிறபோது அவன் எனக்கு உத்தரவு கொடான்; என் வாயினால் நான் அவனைக் கெஞ்சவேண்டியதாயிற்று. என் சுவாசம் என் மனைவிக்கு வேறுபட்டிருக்கிறது;" ( யோபு 19: 15 - 17) என அங்கலாய்க்கின்றார் யோபு. 

வேலைக்காரர்கள் அவரை மதிக்கவில்லை, செழிப்போடு வாழ்ந்தபோது அவரோடு அன்பாக வாழ்ந்த மனைவி, இப்போது அவர் அனைத்துச் செல்வங்களையும் உடல் நலத்தையும் இழந்துவிட்டபோது, "இன்னும் நீர் ஏன் உத்தமத்தோடு உண்மையோடு வாழவேண்டும்? செத்துத் தொலையும்" என்கிறாள். இதுபோலவே நமது வாழ்க்கையிலும் நிகழலாம். நம்மோடு இருந்தவர்கள், நாம் சம்பாதித்த சொத்து சுகங்களை அனுபவித்தவர்கள் இவற்றை நாம் இழக்கும்போது இப்படி நமக்கு எதிராகப் பேசலாம். 

பத்திரிகைகளில் நாம் இதைப்போன்ற செய்திகளை இன்று அதிகம் வாசிக்கின்றோம். தனது பிள்ளைகளை நம்பி அவர்கள்  பெயரில் சொத்துக்களை எழுதிக்கொடுத்துவிட்டு முதிர்வயதில் அந்தப் பிள்ளைகள் அவர்களை  வீட்டைவிட்டுத் துரத்தியதால் தான் முன்பு எழுதிக்கொடுத்த பத்திரம் செல்லாது என அறிவிக்கவேண்டும் என்று பதிவுத்துறை அலுவலகத்திலும் தாசில்தார் அலுவலகத்திலும் பலர் மனுகொடுத்து அலைந்து கொண்டிருப்பதைப்  பார்க்கின்றோம். 

ஆனால் யோபு அப்படியில்லாமல் தேவனையே சார்ந்துகொண்டார். "நீ பயித்தியக்காரி பேசுகிறதுபோலப் பேசுகிறாய்; தேவன் கையிலே நன்மையைப் பெற்ற நாம் தீமையையும் பெறவேண்டாமோ என்றான்; இவைகள் எல்லாவற்றிலும் யோபு தன் உதடுகளினால் பாவஞ்செய்யவில்லை." ( யோபு 2: 10) என்று கூறப்பட்டுள்ளது. 

யோபு, இவைகள் எல்லாவற்றிலும்  தன் உதடுகளினால் பாவஞ்செய்யவில்லை என்று கூறப்பட்டுள்ளது. அதாவது அவர் தனது இன்றைய நிலைக்காக தேவனைக் குற்றப்படுத்தவில்லை.  "நிர்வாணியாய் என் தாயின் கர்ப்பத்திலிருந்து வந்தேன்; நிர்வாணியாய் அவ்விடத்துக்குத் திரும்புவேன்; கர்த்தர் கொடுத்தார், கர்த்தர் எடுத்தார்; கர்த்தருடைய நாமத்துக்கு ஸ்தோத்திரம்."  ( யோபு 1 : 21 ) என்று அமைதியாக இருந்தார்.

இதனை வாசிக்கும் அன்பு சகோதரரே சகோதரிகளே, இதுபோன்ற நிலையில் ஒருவேளை நீங்கள் இருப்பீர்களென்றால் முறுமுறுக்காமல் அனைத்துக் காரியங்களையும் தேவ சமூகத்தில் ஒப்புக்கொடுத்து அமைதியாக இருங்கள். அமைதியாக தன்னை நம்பி வாழ்ந்த யோபுவைக் கைவிடாமல் இரண்டுமடங்காய் ஆசீர்வதித்த  தேவன் உங்களையும் ஆசீர்வதிப்பார்; நிலைமையை உங்களுக்குத் சாதகமாக மாற்றுவார். 

தேவ செய்தி :- சகோ. எம். ஜியோ பிரகாஷ்      

Scripture Meditation No: 1,421

AATHAVAN 💚 December 29, 2024 💚 Sunday

"Then said his wife unto him, Dost thou still retain thine integrity? Curse God, and die." (Job 2:9)

When a person lives with wealth and power, everyone respects and admires them. However, when that same individual loses their wealth and opportunities, even their own spouse and children may fail to honour them. Today's meditation verse highlights this reality.

Job lamented: "They that dwell in mine house, and my maids, count me for a stranger: I am an alien in their sight. I called my servant, and he gave me no answer; I entreated him with my mouth. My breath is strange to my wife..." (Job 19:15-17)

Job’s servants disrespected him, and the wife who once lovingly lived with him during times of prosperity now questioned his integrity and suggested he abandon his uprightness and perish. Similar situations may occur in our lives too. Those who once enjoyed our wealth and comforts might turn against us when we lose them.

We often read news about elderly parents who, after transferring property to their children, are abandoned by them. Such parents frequently petition authorities to nullify the earlier agreements due to neglect.

Yet, Job responded differently. He depended wholly on God and said: "Thou speakest as one of the foolish women speaketh. What? shall we receive good at the hand of God, and shall we not receive evil? In all this did not Job sin with his lips." (Job 2:10)

Job did not accuse God for his suffering. Instead, he calmly declared:

"Naked came I out of my mother's womb, and naked shall I return thither: the Lord gave, and the Lord hath taken away; blessed be the name of the Lord." (Job 1:21)

Dear brothers and sisters, if you find yourself in a similar situation, do not murmur or complain. Surrender everything to God in prayer and remain calm. Just as God did not abandon Job but blessed him with double the blessings, He will also bless you and turn your circumstances in your Favor.

Message by: Bro. M. Geo Prakash