'ஆதவன்' 📖✝ வேதாகமத் தியானம் - எண்:- 1,130 💚 மார்ச் 14, 2024 💚 வியாழக்கிழமை 💚
"அவர்கள் ஓரேபிலே ஒரு கன்றுக்குட்டியையுண்டாக்கி, வார்ப்பிக்கப்பட்ட விக்கிரகத்தை நமஸ்கரித்தார்கள். தங்கள் மகிமையைப் புல்லைத் தின்கிற மாட்டின் சாயலாக மாற்றினார்கள்." ( சங்கீதம் 106 : 19, 20 )
நாம் இன்று மனிதர்களாக அழகான உருவத்தில் இருப்பதற்குக் காரணம் தேவன் நம்மைத் தனதுச் சாயலாகப் படைத்ததனால்தான். நாம் காணும் இந்த மனித சாயல்தான் நம்மைப் படைத்த தேவனது சாயல். தேவன் ஒரு குரங்குபோலவோ யானையைப்போலவோ மாட்டைப்போலவோ இருந்திருப்பாரானால் நாமும் அப்படியே பிறந்திருப்போம்.
"தேவன் தம்முடைய சாயலாக மனுஷனைச் சிருஷ்டித்தார், அவனைத் தேவசாயலாகவே சிருஷ்டித்தார்; ஆணும் பெண்ணுமாக அவர்களைச் சிருஷ்டித்தார்." ( ஆதியாகமம் 1 : 27 ) என்று வாசிக்கின்றோம். எனவே இந்த உலகத்தில் வாழும் ஆணும் பெண்ணும் தேவனது சாயலைப் பெற்றுள்ளோம் என்பது உண்மை.
அன்று எகிப்திலிருந்து வெளிவந்து கானானை நோக்கி பயணம்செய்த இஸ்ரவேல் மக்கள் வழியில் கன்றுக்குட்டியின் உருவத்தைச் செய்து "எங்களை எகிப்திலிருந்து மீட்டுக் கொண்டுவந்த தேவன் நீர்தான்" என்று அதனை வழிபட்டார்கள். ஆரோன் அவர்களை அப்படி அழிவுக்கு நேராக நடத்தினான்.
இதனையே இன்றைய வசனம் கூறுகின்றது, "தங்கள் மகிமையைப் புல்லைத் தின்கிற மாட்டின் சாயலாக மாற்றினார்கள்." ( சங்கீதம் 106 : 20 ) அதாவது தேவன் தனது சாயலாக மனிதர்களைப் படைத்தார், அவர்களோ அந்த மகிமையான உருவத்தைக் கெடுத்து புல்லைத் தின்னும் மாட்டுக்கு ஒப்பாக மாற்றினார்கள். மாட்டின் குணமுள்ளவர்களாக மாறிப்போனார்கள்.
தேவன் அருவருக்கும் முக்கியமான இரு காரியங்கள் சிலை வழிபாடு மற்றும் விபச்சாரம். புதிய ஏற்பாட்டின்படி சிலை வழிபாடு என்பது சிலைகளைச் செய்து வணங்குவது மட்டுமல்ல மாறாக பொருளாசையும் சிலைவழிபாடுதான். "விபசாரக்காரனாவது, அசுத்தனாவது, விக்கிரகாராதனைக்காரனாகிய பொருளாசைக்காரனாவது தேவனுடைய ராஜ்யமாகிய கிறிஸ்துவின் ராஜ்யத்திலே சுதந்தரமடைவதில்லையென்று அறிந்திருக்கிறீர்களே." ( எபேசியர் 5 : 5 ) என்கின்றார் பவுல் அப்போஸ்தலர்.
இன்று நமது நாட்டில் பெரும்பாலான பாவச் செயல்களுக்குக் காரணம் சிலைவழிபாடு தான். "தங்கள் மகிமையைப் புல்லைத் தின்கிற மாட்டின் சாயலாக மாற்றினார்கள்" என்று கூறியுள்ளபடி மாட்டின் குணங்களுள்ள மனிதர்களாக மக்கள் மாறிப்போனார்கள். அன்பானவர்களே, வேத வசனங்கள் தேவ வார்த்தைகள். எனவே அவை ஒருபோதும் தவறுவதில்லை. மாட்டை ஆராதித்து வணங்கும் மனிதர்கள் தேவ குணத்தை அடைவார்கள் என்று நாம் எதிர்பார்க்கமுடியாது. ஆனால் அவர்கள் மாறவேண்டும் தேவ சாயலை அடையவேண்டும் என்பதே தேவ சித்தம்.
எனவேதான் நாட்டில் நடக்கும் அவலங்களைத் தேவன் பொறுமையாகப் பார்த்துக்கொண்டிருக்கின்றார். "தாமதிக்கிறார் என்று சிலர் எண்ணுகிறபடி, கர்த்தர் தமது வாக்குத்தத்தத்தைக்குறித்துத் தாமதமாயிராமல்; ஒருவரும் கெட்டுப்போகாமல் எல்லாரும் மனந்திரும்பவேண்டுமென்று விரும்பி, நம்மேல் நீடிய பொறுமையுள்ளவராயிருக்கிறார்." ( 2 பேதுரு 3 : 9 ) என்கின்றார் பேதுரு அப்போஸ்தலர்.
இன்றைய வசனத்தின்படி பண வெறியர்களாக நாம் வாழ்வோமானால் பணத்தை ஆராதித்து நமது மகிமையை வெற்றுத் தாள்போல மாற்றுகின்றோம் என்று பொருள். அல்லது தங்க நகைபோலவோ அடுக்குமாடி கட்டிடங்களாகவோ, வீட்டு மனைகளாகவோ நம்மை மாற்றுகின்றோம் என்று பொருள். அன்பானவர்களே, தேவன் நம்மைத் தனது சாயலாகவே இருக்கும்படி அழைகின்றார்.
புல்லைத் தின்கின்ற மாட்டின் சாயலாக தங்கள் மகிமையினை மாற்றிய இஸ்ரவேல் மக்களைத் தேவன் அழித்து ஒழித்தார். அவர்களால் பரம கானானுக்குள் நுழைய முடியவில்லை. எனவே, நமக்கு இது ஒரு எச்சரிப்பாகும். தேவனையே சார்ந்து அவரது சாயலை அடைந்திட முயலுவோம். ஆவியோடும் உண்மையோடும் அவரை ஆராதித்து மேலான ஆவிக்குரிய அனுபவங்களைப் பெறுவோம்.
தேவ செய்தி :- சகோ. எம். ஜியோ பிரகாஷ்
WE ARE CREATED IN GOD'S IMAGE
'AATHAVAN'
📖✝ BIBLE MEDITATION No:- 1,130 💚 March 14, 2024 💚 Thursday 💚
"They made a calf in Horeb and worshipped the molten
image. Thus, they changed their glory into the similitude of an ox that eats
grass." (Psalms 106:19, 20)
The
reason we are human beings and in the beautiful image we are today is because
God created us in His image. This human image that we see is the image of God,
who created us. If God had been like a monkey, an elephant, or a cow, we would
have been born like that.
"So
God created man in his own image; in the image of God created he him; male and
female created he them." (Genesis 1:27), we read. So, it is true that men
and women living in this world have received the image of God.
On
that day, the people of Israel who came out of Egypt and travelled to Canaan
made an image of a calf and worshipped it, saying, "You are the God who
brought us out of Egypt." Aaron led them to this destruction.
This
is what today's verse says: "They changed their glory into the similitude
of an ox that eats grass." That is, God created men in his own image, but
they corrupted that glorious image and changed it to a cow that eats grass.
They became like cattle.
Idolatry
and fornication are two things that are abominations to God. According to the
New Testament, idolatry is not just making and worshipping idols but also
materialistic desire. "For this ye know, that no whoremonger, nor unclean
person, nor covetous man, who is an idolater, hath any inheritance in the
kingdom of Christ and of God." (Ephesians 5:5), says the apostle Paul.
Idolatry
is the cause of most of the sins in our country today. The people became men
with the qualities of the cow, as it is said, "They changed their glory
into the likeness of a cow that eats grass." Beloved, God's words never
fail. We cannot expect that people who worship cows will attain the quality of
God. But it is God's will that they should change and attain God's likeness.
That
is why God is patiently watching the calamities happening in the country.
"The Lord is not slack concerning his promise, as some men count
slackness; but is longsuffering to us-ward, not willing that any should perish,
but that all should come to repentance." (2 Peter 3:9) says the apostle
Peter.
According
to today's verse, if we live as money fanatics, it means that we worship money
and turn our glory into a blank sheet of paper. Or it means we transform
ourselves into gold jewellery, apartment buildings, or houses. Beloved, God
calls us to conform to His image.
God
destroyed the people of Israel, who changed their glory to the likeness of a
cow that eats grass. So, they were not able to enter Canaan. So, this is a
warning for us. Let us depend on God and try to attain His image. Let us
worship Him in spirit and in truth and gain greater spiritual experiences.
God’s Message :- Bro. M. Geo Prakash
Comments