நீதிமான்களின் வழி / WAY OF THE RIGHTEOUS

 'ஆதவன்' 📖✝ வேதாகமத் தியானம் - எண்:- 1,129     💚 மார்ச் 13, 2024 💚 புதன் கிழமை 💚

"கர்த்தர் நீதிமான்களின் வழியை அறிந்திருக்கிறார்; துன்மார்க்கரின் வழியோ அழியும்." ( சங்கீதம் 1 : 6 )

நீதிமான்களின் வழி, துன்மார்க்கரின் வழி என்று இரு வழிகளைக்குறித்து இன்றைய வசனம் கூறுகின்றது. கர்த்தருக்கேற்ற நீதியுள்ள மனிதன் செல்லும் வழி கடினமான வழியாக இருந்தாலும் அவனுக்கு சமாதானமும் மகிழ்ச்சியும் கிடைக்கின்றது. ஆனால் இதற்கு மாறாக துன்மார்க்கர்கள் செல்லும் வழி செழிப்பு,  மகிழ்ச்சி போல ஆரம்பத்தில் தோன்றினாலும் இறுதியில் அழிவுக்குரிய வழியாக அமைந்துவிடுகின்றது.  

நாம் தேவ வழியில் நடக்கும்போதும் அவரையே நினைவில் கொண்டவர்களாக வாழவேண்டும். அவரது கற்பனைகளின்படி நம்மைக் காத்துக்கொள்ளவேண்டும். "உன் வழிகளிலெல்லாம் அவரை நினைத்துக்கொள்; அப்பொழுது அவர் உன் பாதைகளைச் செவ்வைப்படுத்துவார்." ( நீதிமொழிகள் 3 : 6 ) என்று வேதம் நமக்கு அறிவுறுத்துகின்றது. 

அன்பானவர்களே, சில வழிகள் தேவ வழிகளாக இருந்தாலும் தேவனது பாதுகாப்பு இருந்தால் மட்டுமே நாம் வெற்றிபெறமுடியும். காரணம், "உன் வழிகளிலெல்லாம் உன்னைக் காக்கும்படி, உனக்காகத் தம்முடைய தூதர்களுக்குக் கட்டளையிடுவார்." ( சங்கீதம் 91 : 11 ) என்று கூறப்பட்டுள்ளபடி  அவரது பாதுகாப்பு இல்லாவிட்டால் நாம் வெற்றிபெற முடியாது.

இஸ்ரவேலரை மோசே வழிநடத்தியபோது அற்புதமாக செங்கடலை பிளந்து வழி உண்டாக்கினார். இஸ்ரவேலர் கடல் நடுவே கால் நனையாமல் நடந்துசென்றபோது அவர்களுக்கு இருபுறமும் கடல்நீர் மதில்போல நின்றது. தேவன் கடல் நடுவே உண்டாக்கிய வழியானது தனது  மக்களுக்காக தேவன் உருவாக்கியது. அந்த வழியில் இஸ்ரவேல் மக்கள் நடந்தனர். ஆனால் அதே வழியில் அவர்களைப் பின்தொடர்ந்த பார்வோனின் படைவீரர்கள், குதிரைகள் அனைத்தும்  அழிந்து போயின. 

செங்கடல் நடுவே உருவான வழி தேவன் உருவாக்கிய வழிதான்; ஆனால் அது பார்வோனது படைகளுக்கானதல்ல, மாறாகத் தனது மக்களுக்காக அவர் உருவாக்கியது. இன்றும் இதுபோன்ற செயல்கள் நடைபெறுகின்றன. தேவ பிள்ளைகள் தேவனால் வழிநடத்தப்படுவதை உணராமல் அன்று பார்வோன் படைகள் செய்ததுபோல தேவனை அறியாத அல்லது தேவ சித்தப்படி வாழாமல் வாழும் சிலர் சில செயல்கள் செய்து சிக்கலில் மாட்டிக்கொள்கின்றனர். 

இன்று ஆவிக்குரிய மக்களாகிய நமக்கு கிறிஸ்துவே வழியாக இருக்கின்றார். "நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்." ( யோவான் 14 : 6 ) என்று அவர் கூறியபடி பிதாவாகிய தேவனை நாம் அடைந்திட அவரே வழியாக இருக்கின்றார். 

ஆனால் நீதியான வாழ்க்கை வாழ்பவர்களே அவர் நடத்தும்வழியில் நடக்க முடியும். இன்று பல கிறிஸ்தவர்கள் கிறிஸ்துவே வழி என்பதை அறிந்திருந்தாலும், அவரை ஆராதிக்கின்றோம் என்று கூறிக்கொண்டாலும் பலவேளைகளில் ஏற்ற ஆசீர்வாதங்களைப் பெற்றுக்கொள்வதில்லை. காரணம் அன்று பார்வோன் படைகள் இஸ்ரவேலர் சென்ற பாதையில் நடக்க முயன்றதுபோன்ற அவர்களது முயற்சி. பார்வோன் கொண்டிருந்தது போன்ற  கடின இருதயத்தையும், அவனது வஞ்சகமான குணம் போன்ற குணங்களையும் நாம் மாற்றாவிட்டால் வெற்றிபெற முடியாது. 

"கர்த்தர் நீதிமான்களின் வழியை அறிந்திருக்கிறார்; துன்மார்க்கரின் வழியோ அழியும்." என்று இன்றைய தியான வசனம் கூறுவதன்படி நாம் நீதியாக வாழ நம்மை ஒப்புக்கொடுக்கவேண்டும்; அந்த வழியில் நடக்க நம்மைத் தகுதிப்படுத்திக்கொள்ள முயலவேண்டும். அத்தகைய கர்த்தரது வழியில் ஆவியானவர் நம்மை  நடத்திட வேண்டுதல்செய்வோம். அப்போது நமது வழிகள் மேன்மையானதாக அமையும். 

தேவ செய்தி :- சகோ. எம். ஜியோ பிரகாஷ்                             

                WAY OF THE RIGHTEOUS

'AATHAVAN' 📖✝ BIBLE MEDITATION No: - 1,129  💚 March 13, 2024 💚 Wednesday 💚

"For the LORD knoweth the way of the righteous: but the way of the ungodly shall perish." (Psalms 1: 6)

Today's verse talks about two ways, the way of the righteous and the way of the wicked. Even though the righteous man's path to the Lord is a difficult path, he finds peace and joy. But on the contrary, the path of the wicked, which at first appears to be prosperity and happiness, turns out to be a path of destruction in the end.

Even when we walk in God's way, we should always remember Him in our life. We should protect ourselves according to His words. "In all thy ways acknowledge him, and he shall direct thy paths." (Proverbs 3: 6) the Bible instructs us.

Beloved, even if some ways are God's ways, we can only succeed if we have God's protection. The reason is, "For he shall give his angels charge over thee, to keep thee in all thy ways." (Psalms 91: 11) Without His protection we cannot succeed.

Moses miraculously parted the Red Sea when he led the Israelites. As the Israelites walked through the path in the sea without getting their feet wet, the sea stood on either side of them like a wall. The way God made in the middle of the sea was made by God for His people. In that way the people of Israel walked. But Pharaoh's soldiers and horses that followed them in the same way perished.

Yes, the way through the Red Sea is God's way; But it was not built for Pharaoh's armies, but for his people. Even today, similar activities take place. Some people who do not know God or do not live according to God's will do some things and get into trouble like the Pharaoh's army did that day without realizing that God's children are being guided by God.

Christ is the way for us, the spiritual people today. "I am the way, the truth, and the life: no man cometh unto the Father, but by me." (John 14: 6) He is the means through which we can reach God the Father.

But only those who live a righteous life can walk in His ways. Many Christians today know that Christ is the way, and even though they claim to worship Him, many times they do not receive the blessings they deserve. The reason is that, they try to walk as Pharaoh's forces did seeing the Israelites. If we did not change Pharaoh's hard heart and deceitful nature in us, we cannot succeed.

According to today’s meditation verse, "For the LORD knoweth the way of the righteous: but the way of the ungodly shall perish", we must commit ourselves to live righteously; We should try to qualify ourselves to walk that way. Let us pray for the Spirit to lead us in such a Godly way. Then our ways will be blessed.

God’s Message :- Bro. M. Geo Prakash