Bible Verses - மத்தேயு 4: 9 / Matthew 4:9

 வேதாகமத் தியானம் - எண்:- 1,402                           'ஆதவன்' டிசம்பர் 10, 2024. 💚செவ்வாய்க்கிழமை

"நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று சொன்னான்" ( மத்தேயு 4: 9)

இந்த உலகம் தேவனால் படைக்கப்பட்டது என்றாலும் அது அலகை அல்லது சாத்தானின் கைவசமும் அதன் அதிகாரத்தின்கீழும் உள்ளது. வேதாகமத்தில் சாத்தானுக்கு  "பொல்லாங்கன்" (மத்தேயு 13:19, எபேசியர் 6:16 மற்றும் 1 யோவான் 5:18, 1 யோவான் 5:19) என்றும் "உலகத்தின் அதிபதி" என்றும் (யோவான் 12:31, யோவான் 14:30, யோவான் 16:11 மற்றும் ) பெயர்கள்  குறிப்பிடப்பட்டுள்ளது. 

உலகம் சாத்தானின் கையில் இருப்பதை, "நாம் தேவனால் உண்டாயிருக்கிறோமென்றும், உலகமுழுவதும் பொல்லாங்கனுக்குள் கிடக்கிறதென்றும் அறிந்திருக்கிறோம்." (1 யோவான்  5 : 19) என்றும் கூறப்பட்டுள்ளது. உலகம் அவனது கையில் இருப்பதால் அவன் இயேசு கிறிஸ்துவிடம் வந்து, "நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று சொன்னான்"

சாத்தான் இயேசு கிறிஸ்துவிடம் நேரடியாகக் கூறிய வார்த்தைகளை இன்றும் அவன் விசுவாசிகள் ஒவ்வொருவரிடமும் பலவழிகளில் கூறிக்கொண்டிருக்கின்றான்.   உனக்குப் பதவி வேண்டுமா? அரசியல் செல்வாக்கு வேண்டுமா?, அதிக அளவு பணமும் சொத்து சுகங்களும் வேண்டுமா? என்னைப் பணிந்துகொள் என்கின்றான்.  சாத்தானைப் பணிந்துகொள்வது என்பது சாத்தான் விரும்பும் தவறான வழிகளில் இவைகளை அடைய முயல்வதைக் குறிக்கின்றது. விசுவாசிகள் என்று கூறிக்கொள்ளும் பலரும் சாத்தானின் தந்திரத்துக்குப் பலியாகிக்கொண்டிருக்கின்றனர். 

பலரும் கிறிஸ்தவ ஆலய ஆராதனைகளில் பங்கெடுக்கின்றனர், ஜெபக் கூட்டங்களில் பங்கெடுத்து ஆலயங்களுக்கு அதிக பொருளுதவிகள் செய்கின்றனர். ஆனால் உலக வாழ்க்கையிலோ சாத்தானுக்கு ஊழியம் செய்துகொண்டிருக்கின்றனர். இப்படிக்  குறுக்கு வழிகளில் அதிகம் சம்பாதித்துவிட்டு "கர்த்தர் என்னை ஆசீர்வதித்துள்ளார்" என்கின்றனர். 

அன்பானவர்களே, கிறிஸ்து காட்டிய வழிகளைவிட்டு நாம் பணத்துக்காகவும், பதவிக்காகவும்,  புகழுக்காகவும், சொத்துசுகங்கள் சேர்ப்பதற்காகவும் தவறான காரியங்களில் ஈடுபடும்போது நாம் சாத்தானை வழிபடுகின்றவர்கள் ஆகின்றோம். இப்படிச் சாத்தானை வழிபடும்போது "என்னைப் பணிந்துகொண்டால், இவைகளையெல்லாம் உமக்குத் தருவேன்" என்று அவன் இயேசு கிறிஸ்துவிடம் கூறியதுபோல அவனை வழிபடும் அனைவருக்கும் கொடுக்கின்றான். 

குறுக்கு வழி, தவறான வழி என்று தெரியும்போது யார் நம்மைத் தூண்டினாலும் நாமும் இயேசு கிறிஸ்து கூறியதுபோல, "அப்பாலே போ சாத்தானே; உன் தேவனாகிய கர்த்தரைப் பணிந்துகொண்டு, அவர் ஒருவருக்கே ஆராதனை செய்வாயாக என்று எழுதியிருக்கிறதே." ( மத்தேயு 4: 10) என்று கூறிக்கொண்டு விலகிவிடுவோமானால் தேவன் நம்மை வேறு விதங்களில் ஆசீர்வதிப்பார். "கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார்." ( நீதிமொழிகள் 10 : 22 )

வேதனை இல்லாத ஆசீர்வாதம் பெற்று அனுபவிக்க கர்த்தரை மட்டுமே ஆராதிப்பவர்களாக வாழ்வோம். 

தேவ செய்தி :- சகோ. எம். ஜியோ பிரகாஷ்                      

Scripture Meditation - No: 1,402                                                                              AATHAVAN💚 December 10, 2024 💚 Tuesday

"All these things will I give thee, if thou wilt fall down and worship me." (Matthew 4:9)

Even though this world was created by God, it is currently under the sway of Satan, who is referred to in the Bible as "the wicked one" (Matthew 13:19; Ephesians 6:16; 1 John 5:18–19) and "the prince of this world" (John 12:31; John 14:30; John 16:11).

The world being under Satan's influence is further highlighted in the verse: "And we know that we are of God, and the whole world lieth in wickedness." (1 John 5:19)

Since the world is in his grasp, Satan approached Jesus Christ and said: "All these things will I give thee, if thou wilt fall down and worship me."

The same words Satan directly spoke to Jesus, he still whispers today in various ways to believers: "Do you want power? Political influence? Great wealth and material comforts? Worship me." Worshiping Satan means seeking these things through unrighteous ways that align with his desires. Sadly, many who claim to be believers fall prey to Satan's deception.

Many participate in church services, prayer meetings, and generously support church activities, yet in their worldly lives, they serve Satan. Some amass wealth through dishonest means and claim, "The Lord has blessed me."

Beloved, when we stray from the path shown by Christ and engage in sinful acts for the sake of money, power, fame, or material possessions, we are essentially worshiping Satan. Just as Satan promised Jesus, "All these things will I give thee," he offers similar rewards to those who worship him.

However, when we recognize a path as crooked or sinful, let us respond as Jesus did: "Get thee hence, Satan: for it is written, Thou shalt worship the Lord thy God, and him only shalt thou serve." (Matthew 4:10)

By rejecting Satan’s temptations, God will bless us in ways far beyond what we could achieve through unrighteous means. As the Bible reminds us: "The blessing of the LORD, it maketh rich, and he addeth no sorrow with it." (Proverbs 10:22)

Let us live as people who worship God alone, so that we may receive and enjoy His blessings without sorrow.

Devotional Message by: Bro. M. Geo Prakash

Bible Verses - எபேசியர் 4: 30 / Ephesians 4:30

 வேதாகமத் தியானம் - எண்:- 1,401

'ஆதவன்' 💚டிசம்பர் 09, 2024. 💚திங்கள்கிழமை

"அன்றியும், நீங்கள் மீட்கப்படும் நாளுக்கென்று முத்திரையாகப் பெற்ற தேவனுடைய பரிசுத்த ஆவியைத் துக்கப்படுத்தாதிருங்கள்." ( எபேசியர் 4: 30)

நாம் பாவத்திலிருந்து கிறிஸ்து இயேசுவின் இரத்தத்தால் கழுவி மீட்கப்படும்போது பரிசுத்த ஆவியானவர் நமக்குள் வருகின்றார். நாம் தேவனுக்குச் சொந்தமான மக்கள் எனும் முத்திரை நமக்குக் கிடைக்கின்றது. இந்த அனுபவத்தில் நாம் நாளும் வளரவேண்டியது அவசியம். ஆனால் இந்த ஆவியானவரின் முத்திரை நமது முதல் அடையாளம் மட்டுமே. ஆவிக்குரிய மேலான அபிஷேகமும் வரங்களும் உண்டு. அவைகளைப் பெறுவதில் நாம் ஆர்வமுள்ளவர்களாக இருக்கவேண்டியது அவசியம். 

இன்றைய தியான வசனம், இப்படி நாம் முத்திரையாகப் பெற்ற தேவனுடைய பரிசுத்த ஆவியானவரைத் துக்கப்படுத்தக்கூடாது என்று நமக்குக் கூறுகின்றது. மீட்பு அனுபவம் பெற்றபின்னரும் பழைய பாவத்தில் தொடர்ந்து வாழ்வது, தேவ ஐக்கியமில்லாமல் தான்தோன்றித்தனமாகச் செயல்படுவது, வாழ்க்கையில் சாட்சியற்று, நம்மால் தேவனது பெயர் அவதூறு அடையும்படியான செயல்களைச்  செய்வது போன்ற செயல்கள் பரிசுத்த ஆவியானவரைத் துக்கப்படுத்தும் செயல்பாடுகளே. 

மேலும், நாம் ஆவிக்குரிய வாழ்வில் நடக்கும்போது ஆவியானவர் நமக்குப்  பல வழிநடத்துதல்களைத் தருவார். உதாரணமாக, எதனைச் செய்யவேண்டும், ஒரு இடத்துக்குப் போகலாமா கூடாதா, ஒரு பொருளை வாங்கவேண்டுமா வேண்டாமா  போன்று நமக்குக் கூறுவார். இந்த வழி நடத்துதல் கனவுகள்மூலமோ, தரிசனங்கள் மூலமோ, வேதாகமத்தை வாசிக்கும்போதோ அல்லது மற்றவர்களது வாய்மொழியாகவோ இருக்கும். ஆனால் இது தேவனது வழிநடத்துதல்தான் என்று நமக்கு இருதயத்தில்  உணர்த்தப்படும். அப்போது நாம் அவற்றுக்குக் கீழ்படியாவிட்டால் ஆவியானவர் துக்கமடைவார். இப்படித் தொடர்ந்து அவரது குரலைப் புறக்கணிக்கும்போது இந்த அனுபவத்தை நாம் இழந்துவிடுவோம்.

ஆவியானவரைத் துக்கப்படுத்தும்படியான வாழ்க்கை வாழும்போது நாம் அவரை மறைமுகமாகத் தூஷிக்கின்றோம் என்று பொருள். இன்று ஆவிக்குரிய சபைகளில் மக்களுக்கிடையில் சில  காரியங்களில் கருத்து முரண்பாடுகள் ஏற்படும்போது மற்றவர்களை நோக்கி, "அவரிடம் இருப்பது பரிசுத்த ஆவியானவரல்ல; அசுத்தஆவி என்று சிலர் கூறுவதைப்  பலவேளைகளில் கேட்கமுடியும்.  

நமக்கு எதுவும் உணர்த்தப்படாத நிலையில் மற்றவர்களை நாம் இப்படிக் குறைகூறுவதும் ஆவியானவரைத் துக்கப்படுத்தும் செயல்தான். எனவே நாம் மீட்கப்பட்ட  நாளுக்கென்று முத்திரையாகப் பெற்ற தேவனுடைய பரிசுத்த ஆவியை நமது வாழ்வாலும் வார்த்தைகளாலும் துக்கப்படுத்தாதிருப்போம்.  "ஆதலால், நான் உங்களுக்குச் சொல்லுகிறேன்: எந்தப் பாவமும் எந்தத் தூஷணமும் மனுஷருக்கு மன்னிக்கப்படும்; ஆவியானவருக்கு விரோதமான தூஷணமோ மனுஷருக்கு மன்னிக்கப்படுவதில்லை." ( மத்தேயு 12: 31) என்கிறார் கர்த்தராகிய இயேசு கிறிஸ்து. 

தேவ செய்தி :- சகோ. எம். ஜியோ பிரகாஷ்         

Scripture Meditation – No. 1,401                                                                                  AATHAVAN – December 09, 2024, Monday

"And grieve not the holy Spirit of God, whereby ye are sealed unto the day of redemption." (Ephesians 4:30, KJV)

When we are redeemed from sin through the blood of Jesus Christ, the Holy Spirit comes to dwell within us. This marks us as God’s own people, signified by His seal. It is essential that we grow daily in this experience. However, this seal of the Holy Spirit is merely the beginning of our journey. There are greater spiritual anointings and gifts that we are called to seek and receive eagerly.

Today’s meditation reminds us not to grieve the Holy Spirit, who has been given to us as a seal for the day of redemption. Even after being redeemed, living in sin, acting without unity or humility, failing to bear witness in our lives, or bringing dishonour to God’s name through our actions can grieve the Holy Spirit.

As we walk in the Spirit, He will guide us in various aspects of our lives—whether it is about what we should do, where we should go, or even the decisions we make, such as purchasing something. This guidance might come through dreams, visions, scripture reading, or the counsel of others. However, it will always be confirmed in our hearts as God’s direction. When we fail to obey His voice, the Holy Spirit is grieved. Persistently ignoring His guidance can lead to losing the experience of His presence and direction in our lives.

Living in a manner that grieves the Holy Spirit is akin to rejecting or even blaspheming Him. Today, in some spiritual gatherings, differences of opinion arise, and it is common to hear people accuse others, saying, "What they have is not the Holy Spirit, but an unclean spirit."

Such accusations, especially when we lack discernment, also grieve the Holy Spirit. Therefore, let us be mindful not to grieve the Holy Spirit through our actions or words. As Jesus Christ Himself warns, "Wherefore I say unto you, All manner of sin and blasphemy shall be forgiven unto men: but the blasphemy against the Holy Ghost shall not be forgiven unto men." (Matthew 12:31, KJV)

God’s Message: Bro. M. Geo Prakash

Bible Verses - ஏசாயா 64: 6 / Isaiah 64:6

 வேதாகமத் தியானம் - எண்:- 1,400

'ஆதவன்' டிசம்பர் 08, 2024. 💚ஞாயிற்றுக்கிழமை

"நாங்கள் அனைவரும் தீட்டானவர்கள்போல இருக்கிறோம்; எங்களுடைய நீதிகளெல்லாம் அழுக்கான கந்தைபோல இருக்கிறது, நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது." ( ஏசாயா 64: 6)

எல்லா மதங்களும் நீதியுள்ள வாழ்க்கையைத்தான் போதிக்கின்றன. அதுபோல பல்வேறு அறிஞர்கள் நீதிகளை போதித்துள்ளார். தமிழில் மற்ற மொழிகளைவிட நீதிநூல்கள் அதிகம் உள்ளன. ஆனால் இவையெல்லாம் மனித நீதிகள் அல்லது மனிதர்கள் போதித்த நீதிகள். இவை சிறப்பானவைகளாக இருந்தாலும் தேவனது பார்வையில் இவை அழுக்கான கந்தையைப்போல இருக்கின்றது என்று இன்றைய தியான வசனம் கூறுகின்றது. 

மேலும், இந்த மனித நீதிகளைப் பின்பற்றி வாழ்வதால் நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது என்று இன்றைய தியான வசனம் கூறுகின்றது. அதாவது இந்த மனித நீதிகளால்  நம்மை அக்கிரமங்களுக்கு முற்றிலும் நீங்கலாக்க முடியவில்லை. இவை நியாயப்பிரமாண கட்டளைகளைப்போல இருக்கின்றன. 

ஆனால் வேதாகமம் நமக்கு கிறிஸ்து இயேசுவின்மேல் கொள்ளும் விசுவாசத்தையே மேலானதாகக் கூறுகின்றது. அப்படி அவர்மேல்கொள்ளும் விசுவாசம் அவரை விசுவாசிப்பவர்கள் அனைவர்மேலும் பலிக்கும். "அது இயேசுகிறிஸ்துவைப்பற்றும் விசுவாசத்தினாலே பலிக்கும் தேவநீதியே; விசுவாசிக்கிற எவர்களுக்குள்ளும் எவர்கள்மேலும் அது பலிக்கும், வித்தியாசமே இல்லை." ( ரோமர் 3: 22)

மனிதர்கள் தங்கள் மனதும் அறிஞர்களும் கூறியுள்ள நீதிகளை பற்றிக்கொண்டு தேவ நீதியை புறம்பே தள்ளிவிடுகின்றனர். எனவே அவர்கள் தேவ நீதிக்குக் கீழ்படியாமலிருக்கிறார்கள். "எப்படியென்றால், அவர்கள் தேவநீதியை அறியாமல், தங்கள் சுயநீதியை நிலைநிறுத்தத் தேடுகிறபடியால் தேவநீதிக்குக் கீழ்ப்படியாதிருக்கிறார்கள்." ( ரோமர் 10: 3) 

இன்று பெரும்பாலான நீதிமன்றங்கள் இத்தகைய சுய நீதியின் அடிப்படையிலேயே மக்களுக்குத் தீர்ப்பளிக்கின்றன. எனவேதான் ஒரு நீதிபதி கொடுக்கும் தண்டனையை மேல் நீதிமன்றத்தில் முறையிடும்போது அடுத்த நீதிபதி மாற்றி தீர்ப்பு எழுதுகின்றார்.  ஆம், மனித நீதி மனிதன், மற்றும் குற்றம் சாட்டப்பட்ட மனிதர்களது முகத்தையும் பணத்தையும் பார்த்து மாறுபடுகின்றது.  

இப்படி இருப்பதால், "நாங்கள் அனைவரும் தீட்டானவர்கள்போல இருக்கிறோம்; எங்களுடைய நீதிகளெல்லாம் அழுக்கான கந்தைபோல இருக்கிறது, நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது." ஆனால் தேவனது நீதி எதார்த்தமானது அவர் கண் கண்டபடியும் காது கேட்டபடியும் தீர்ப்பிடமாட்டார். 

".................அவர் தமது கண் கண்டபடி நியாயந்தீர்க்காமலும், தமது காது கேட்டபடி தீர்ப்புச்செய்யாமலும், நீதியின்படி ஏழைகளை நியாயம்விசாரித்து, யதார்த்தத்தின்படி பூமியிலுள்ள சிறுமையானவர்களுக்குத் தீர்ப்புச்செய்து, பூமியைத் தமது வாக்கின் கோலால் அடித்து, தமது வாயின் சுவாசத்தால் துன்மார்க்கரைச் சங்கரிப்பார்." ( ஏசாயா 11: 3, 4)

கந்தையான மனித நீதிகளைவிட்டு கிறிஸ்துவின் மேல் கொள்ளும் விசுவாசத்துடன் ஏற்படும் தேவ நீதிக்கு நேராக நாம் திரும்பவேண்டியது அவசியம். தேவ நீதி எதார்த்தமானது. தேவ நீதிக்கு நம்மை ஒப்புக்கொடுக்கும்போது நமது அக்கிரமங்கள் நம்மைக்  காற்றைப்போல் அடித்துக்கொண்டு போகாது.  

தேவ செய்தி :- சகோ. எம். ஜியோ பிரகாஷ்                

Scripture Meditation No. 1,400

AATHAVAN - December 8, 2024 (Sunday)

"But we are all as an unclean thing, and all our righteousnesses  are as filthy rags; and we all do fade as a leaf, and our iniquities, like the wind, have taken us away." (Isaiah 64:6, KJV)

All religions advocate for a righteous life, and many philosophers have taught principles of righteousness. Tamil literature, in particular, boasts an abundance of ethical writings compared to other languages. However, these are human righteousnesses - man-made principles. As valuable as they might seem, today's scripture reminds us that in God's sight, these are like filthy rags.

Furthermore, by following these human principles, "we all do fade as a leaf, and our iniquities, like the wind, have taken us away," as the verse declares. In other words, these human codes cannot fully free us from sin and iniquity. They are like the Law, which cannot lead to salvation.

The Bible, however, proclaims that faith in Christ Jesus is superior. Faith in Him applies to all who believe: "Even the righteousness of God which is by faith of Jesus Christ unto all and upon all them that believe: for there is no difference." (Romans 3:22, KJV)

Unfortunately, many reject God's righteousness, clinging instead to human teachings and philosophies. As the Bible says: "For they being ignorant of God's righteousness, and going about to establish their own righteousness, have not submitted themselves unto the righteousness of God." (Romans 10:3, KJV)

Today, even our judicial systems are often rooted in human righteousness. A judge's verdict can be overruled by another in a higher court, revealing the fallibility of human justice. It changes based on appearances, biases, or wealth.

Because of this, Isaiah's declaration rings true: "But we are all as an unclean thing, and all our righteousnesses are as filthy rags; and we all do fade as a leaf, and our iniquities, like the wind, have taken us away."

Unlike human righteousness, God's righteousness is impartial and perfect. God does not judge by appearances or hearsay: "And shall make him of quick understanding in the fear of the LORD: and he shall not judge after the sight of his eyes, neither reprove after the hearing of his ears: But with righteousness shall he judge the poor, and reprove with equity for the meek of the earth: and he shall smite the earth with the rod of his mouth, and with the breath of his lips shall he slay the wicked." (Isaiah 11:3-4, KJV)

We must turn away from the flawed and inconsistent righteousness of humans and embrace the righteousness of God through faith in Christ. Only then can we stand firm, unshaken by the winds of iniquity.

Gospel Message by - Brother M. Geo Prakash

அப். நடபடிகள் 3: 6 / Acts 3:6

 வேதாகமத் தியானம் - எண்:- 1,399

'ஆதவன்' 💚டிசம்பர் 07, 2024. 💚சனிக்கிழமை    

"வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன்." ( அப்போஸ்தலருடைய நடபடிகள் 3: 6)

இந்த உலகத்தில் பலர் ஏழைகளுக்கு அதிகம் பொருளுதவி செய்கின்றனர். ஆனால்  பலருக்கு அப்படி உதவிசெய்யவேண்டுமென்று ஆசை இருந்தாலும் உதவி செய்ய அவர்களது பொருளாதாரம் இடம்தருவதில்லை. அத்தகைய மக்களில் சிலர்  தாங்கள் மற்றவர்களைப்போல் அதிகம் கொடுக்காததால் தேவ ஆசீர்வாதத்தை இழந்து விடுவோம் என்று பயப்படுகின்றனர். ஆனால் தேவன் இப்படிக் கொடுப்பதைமட்டும் கணக்கில் கொள்வதில்லை. கொடுப்பவர்களது மனநிலைமையையும் அவர் பார்க்கின்றார். 

தேவன் இந்த உலகத்தில் ஒவ்வொருவருக்கும் தனிப்பட்ட ஏதாவது ஒரு திறமையையோ மற்றவர்களுக்கு இல்லாத தனித்துவதையோ கொடுத்திருப்பார்.  பணத்தை மட்டுமல்ல, நமக்கு இருக்கும் தனித்த திறமைகளை நாம் தேவனுக்கு ஏற்புடைய விதத்தில் பயன்படுத்துவதை தேவன் விரும்புகின்றார். அப்போஸ்தலரான பேதுருவும் யோவானும் ஆலயத்துக்குச் செல்லும்போது அந்த முடவன் அவர்களிடம் பிச்சைகேட்டான். ஆனால் பேதுருவிடம் பணம் இல்லை. ஆனால் கர்த்தராகிய இயேசு கிறிஸ்து அவருக்குள் இருந்தார். எனவே அவர், "வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன்." என்று கூறி தன்னிடமிருந்த இயேசு கிறிஸ்துவின்மூலம் அந்த முடவனைக் குணமாக்கினார். 

"ஒருவனுக்கு மனவிருப்பமிருந்தால், அவனுக்கு இல்லாததின்படியல்ல, அவனுக்கு உள்ளதின்படியே அங்கிகரிக்கப்படும்." (2 கொரிந்தியர் 8: 12) என அப்போஸ்தலரான பவுல் எழுதுகின்றார். ஆம் அன்பானவர்களே, மற்றவர்களுக்கு உதவி செய்திட நம்மிடம் பணமில்லாமல் இருந்தாலும் நம்மிடம் இருப்பதை பேதுரு கொடுத்ததுபோல நாம் கொடுக்கலாம். உதாரணமாக,  நம்மிடம் கணிதத்  திறமையோ ஆங்கிலப் புலமையோ இருக்குமானால் நாம் அதனை அருகிலிருக்கும் ஏழை மாணவர்களுக்குச் சொல்லிக்கொடுத்து உதவலாம்.  இதுபோன்ற செயல்களும் தேவனுக்கு ஏற்புடையவையே. 

இப்படிப்பட்ட நன்மைகள் செய்யவும் நமக்கு இருக்கும் அளவுக்குத்தக்கதாக தான தர்மம் செய்வதும் தேவனுக்கு ஏற்ற பலிகளாக இருக்கின்றன. "அன்றியும் நன்மைசெய்யவும், தானதர்மம் பண்ணவும் மறவாதிருங்கள்; இப்படிப்பட்ட பலிகளின்மேல் தேவன் பிரியமாயிருக்கிறார்." ( எபிரெயர் 13: 16)

வெள்ளியும் பொன்னும் என்னிடத்திலில்லை; என்னிடத்திலுள்ளதை உனக்குத் தருகிறேன் என்று பேதுரு கொடுத்ததுபோல நாமும் நம்மிடமுள்ளதை கொடுக்கப் பழகுவோம் "கொடுங்கள், அப்பொழுது உங்களுக்கும் கொடுக்கப்படும்; அமுக்கிக் குலுக்கிச் சரிந்து விழும்படி நன்றாய் அளந்து, உங்கள் மடியிலே போடுவார்கள்; நீங்கள் எந்த அளவினால் அளக்கிறீர்களோ அந்த அளவினால் உங்களுக்கும் அளக்கப்படும்." ( லுூக்கா 6: 38) என்றார் இயேசு கிறிஸ்து.  

தேவ செய்தி :- சகோ. எம். ஜியோ பிரகாஷ்                 

Scripture Meditation - No: 1,399

AATHAVAN💚December 07, 2024. 💚Saturday

"Silver and gold have I none; but such as I have give I thee." (Acts 3:6, KJV)

In this world, many people provide significant material support to the poor. However, there are those who, though eager to help, find themselves limited by their financial circumstances. Some of these individuals fear that, by not giving as much as others, they might miss out on God's blessings. But God doesn’t measure giving by quantity alone; He also values the giver’s heart and intentions.

God has blessed each individual with unique talents or qualities that set them apart. It’s not just money that God desires us to offer—He also wants us to use the talents and resources He has given us in ways that please Him.

When the apostles Peter and John were heading to the temple, a lame man asked them for alms. Peter didn’t have money, but he had the power of Jesus Christ within him. So, he said, "Silver and gold have I none; but such as I have give I thee." Through the name of Jesus Christ, Peter healed the lame man.

The Apostle Paul echoes this principle when he writes:
"For if there be first a willing mind, it is accepted according to that a man hath, and not according to that he hath not." (2 Corinthians 8:12, KJV)

Beloved, even if we lack money to help others, we can still share what we have, just as Peter did. For instance, if you have mathematical skills or fluency in English, you can teach these to underprivileged students nearby. Acts of kindness like these are equally pleasing to God.

Such deeds and offerings, when done according to our capacity, are considered as sacrifices acceptable to God. As the Bible says: "But to do good and to communicate forget not: for with such sacrifices God is well pleased."
(Hebrews 13:16, KJV)

Let us learn to share what we have, just as Peter gave what he had. Jesus Christ reminds us: "Give, and it shall be given unto you; good measure, pressed down, and shaken together, and running over, shall men give into your bosom. For with the same measure that ye mete withal it shall be measured to you again."
(Luke 6:38, KJV)

May we be inspired to give generously from what God has entrusted to us, reflecting His love in our actions.

Message by : Bro. M. Geo Prakash

Bible Verse - யோவான் 3: 27 / John 3:27

 வேதாகமத் தியானம் - எண்:- 1,398

'ஆதவன்' 💚டிசம்பர் 06, 2024. 💚வெள்ளிக்கிழமை   

"பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான்." ( யோவான் 3: 27)

இந்த உலக அரசாங்கங்கள் தங்களது நாட்டின் குடிமக்கள் குடியுரிமை, அரசாங்க உதவிகள், சலுகைகள், வேலைவாய்ப்புக்கள் இவைகளைப்பெற பல்வேறு நிபந்தனைகளை வைத்துள்ளன. மேலும் குறிப்பிட்ட நபர் தங்கள் நாட்டின் குடிமகன் / குடிமகள் தான் என்பதனை உறுதிப்படுத்தும் ஆவணங்களை  ஏற்பாடு செய்துள்ளன. நமது நாட்டில் முக்கியமாக ஆதார் அடையாள அட்டை இத்தகையதே. மேலும் சில அரசாங்க உதவிகளுக்கு வாக்காளர் அடையாள அட்டை, குடும்ப அட்டைகள் மேலும் பாஸ்போர்ட் இவை தேவையாக இருக்கின்றன. 

இதுபோலவே தேவனும் தனது பிள்ளைகளாக நம்மைக் கருதிடச் சில அடையாளங்களை எதிர்பார்க்கின்றார். அந்தத் தகுதி இருக்குமானால் நாம் அவரிடம் சிறப்பு கவனிப்பைப் பெறுவோம். உலக அரசாங்க அடையாள அட்டைகளைப்போல இந்த அடையாளங்கள் வெளியரங்கமாகத் தெரியாவிட்டாலும் குறிப்பிட்ட நபர்களுக்கும் தேவனுக்கும் அது தெரியும்.

ஆனால் தேவன் இந்த உலகத்திலுள்ள அனைத்து ஜாதி மத, இன மக்களையும் தனது  பிள்ளைகளாக நேசிக்கின்றார். எல்லோருக்கும் அவர் உதவுகின்றார். அவர் பேதுருவிடம் இதனை வெளிப்படுத்தினார் "எந்த மனுஷனையும் தீட்டுள்ளவனென்றும் அசுத்தனென்றும் நான் சொல்லாதபடிக்கு தேவன் எனக்குக் காண்பித்திருக்கிறார்." ( அப்போஸ்தலருடைய நடபடிகள் 10 : 28 ) என்று கூறுகின்றார் பேதுரு. 

மேலும், "தேவன் பட்சபாதமுள்ளவரல்ல என்றும், எந்த ஜனத்திலாயினும் அவருக்குப் பயந்திருந்து நீதியைச் செய்கிறவன் எவனோ அவனே அவருக்கு உகந்தவன் என்றும் நிச்சயமாய் அறிந்திருக்கிறேன்." ( அப்போஸ்தலருடைய நடபடிகள் 10: 34, 35) என்கின்றார் பேதுரு. அதாவது நீதியுள்ள வாழ்க்கை வாழ்வதை தேவன் மனிதர்களிடம் எதிர்பார்க்கின்றார். இப்படித் தேவன் பட்சபாதகம் இல்லாதவராக இருந்தாலும் சிலருக்குச் சில ஆசீர்வாதங்களை அவர் கிருபையாய் அளிக்கின்றார். 

நாம் நமது சுய முயற்சியால் பல காரியங்களை செய்யலாம். ஆனால் அவை வெற்றிகரமாக முடியவேண்டுமானால் தேவனது கிருபை தேவையாக இருக்கின்றது. எதுவும் பரலோகத்திலிருந்து நமக்குக் கொடுக்கப்படவேண்டியுள்ளது. ஆனால் மனிதர்கள் பெரும்பாலும் தங்களது சுய முயற்சிதான் தங்களது வெற்றிக்குக்  காரணம் என்று எண்ணிக்கொள்கின்றனர். அன்பானவர்களே, முயற்சி செயலாகவேண்டுமானால் நமக்கு நல்ல உடல் நலமும் மனநலமும் இருக்கவேண்டும். அதனைத் தருபவர் தேவனே. 

எனவே நாம் பரலோக தேவனுக்கு அஞ்சி அவரது கிருபையை இறைஞ்சி வாழவேண்டியது அவசியமாய் இருக்கின்றது. உலகினில் நமக்கு நல்லத் திறமை,  வேலை, பதவி உயர்வு, உடல்நலம், உறைவிடம், ஆடைகள், உணவு போன்ற எல்லாமே பரலோகத்திலிருந்து கிடைக்கும் உத்தரவுப்படியே நமக்குக் கிடைக்கின்றது. ஆம் பரலோகத்திலிருந்து ஒருவனுக்குக் கொடுக்கப்பட்டாலொழிய, ஒருவனும் ஒன்றையும் பெற்றுக்கொள்ளமாட்டான். எனவே அவருக்கு பயந்து, அவர் கிருபையினைச் சார்ந்து அவருக்கு நன்றி செலுத்தி வாழ்வோம். 

"நன்மையான எந்த ஈவும் பூரணமான எந்த வரமும் பரத்திலிருந்துண்டாகி, சோதிகளின் பிதாவினிடத்திலிருந்து இறங்கிவருகிறது; அவரிடத்தில் யாதொரு மாறுதலும் யாதொரு வேற்றுமையின் நிழலுமில்லை." ( யாக்கோபு 1: 17)

தேவ செய்தி :- சகோ. எம். ஜியோ பிரகாஷ்                      

Scripture Meditation - Number: 1,398

AATHAVAN💚 December 6, 2024 💚 Friday

"A man can receive nothing, except it be given him from heaven." (John 3:27)

Governments around the world impose conditions for granting citizenship, government aid, benefits, and employment. They require documents like Aadhar cards, voter IDs, family cards, and passports to confirm an individual's identity as a citizen.

Similarly, God expects certain "marks" from us to be regarded as His children. While these spiritual identifiers may not be outwardly visible like worldly IDs, they are known to God and the individual.

However, God loves all people regardless of race, religion, or nationality. He provides for everyone. Peter said, "God hath shewed me that I should not call any man common or unclean." (Acts 10:28)

Peter further declared, "Of a truth I perceive that God is no respecter of persons: But in every nation he that feareth him, and worketh righteousness, is accepted with him." (Acts 10:34-35)

This means God expects a life of righteousness from humanity. Even though He is impartial, He graciously bestows certain blessings on some.

We can achieve many things through personal effort, but true success requires God’s grace. Everything must be given from heaven. Yet, people often believe their efforts alone lead to success. Dear ones, for our efforts to be fruitful, we need health and a sound mind, both of which come from God.

Therefore, it is essential to live in reverence to the Heavenly Father, seeking His grace. Everything we possess—skills, jobs, promotions, health, shelter, clothes, and food—comes as decreed from heaven. Truly, "A man can receive nothing, except it be given him from heaven."

Let us live in fear of Him, rely on His grace, and continually give thanks to Him.

"Every good gift and every perfect gift is from above, and cometh down from the Father of lights, with whom is no variableness, neither shadow of turning." (James 1:17)

Devotional Message: Bro. M. Geo Prakash

Bible Verses Explained - "சீயோன் குமாரத்தி"

 வேதாகமத் தியானம் - எண்:- 1,397

'ஆதவன்' 💚டிசம்பர் 05, 2024. 💚வியாழக்கிழமை     

"சீயோன் குமாரத்தியே, கெம்பீரித்துப்பாடு; இஸ்ரவேலரே, ஆர்ப்பரியுங்கள்; எருசலேம் குமாரத்தியே, நீ முழு இருதயத்தோடும் மகிழ்ந்து களிகூரு." ( செப்பனியா 3: 14) 

இன்றைய தியான வசனம் "சீயோன் குமாரத்தி", "இஸ்ரவேலர்" என்று கூறுவதால் பலரும் இது வேறு யாருக்கோ கூறப்பட்ட வார்த்தைகள் என்று எண்ணிக்கொள்ளலாம்.   ஆனால் கிறிஸ்துவால் மீட்கப்பட்ட நாமே சீயோன் குமாரத்திகளும் இஸ்ரவேலருமாய் இருக்கின்றோம். சீயோன் என்பது தேவனது பரலோக சந்நிதானத்தைக் குறிக்கின்றது. நாம் அதன் பிள்ளைகளாகின்றோம். ஆம் அன்பானவர்களே, "ஆகையால் விசுவாசமார்க்கத்தார்கள் எவர்களோ அவர்களே ஆபிரகாமின் பிள்ளைகளென்று அறிவீர்களாக." ( கலாத்தியர் 3: 7) என்று கூறுகின்றார் அப்போஸ்தலரான பவுல். அதாவது கிறிஸ்து இயேசுவின்மேல் விசுவாசம் கொண்டு வாழும் நாமே சீயோன் குமாரத்திகளும் ஆவிக்குரிய இஸ்ரவேலருமாய் இருக்கின்றோம். 

இன்றைய தியான வசனம் நமக்கு மகிழ்ச்சியான ஒரு வாழ்க்கை வாழ அறைகூவல்விடுக்கின்றது. பாடி ஆர்ப்பரித்து மகிழ்ந்து களிகூரும்படி இந்த வசனம் சொல்கின்றது. ஏன் கெம்பீரித்துப் பாடவேண்டும்? ஏன் ஆர்ப்பரிக்கவேண்டும்? மகிழ்ந்து களிகூரவேண்டும்?  இதற்கான விடையினை அடுத்த வசனம் கூறுகின்றது, "கர்த்தர் உன் ஆக்கினைகளை அகற்றி, உன் சத்துருக்களை விலக்கினார்; இஸ்ரவேலின் ராஜாவாகிய கர்த்தர் உன் நடுவிலே இருக்கிறார்; இனித்தீங்கைக் காணாதிருப்பாய்." ( செப்பனியா 3: 15)

ஆவிக்குரியவர்களாக நாம் வாழும்போது கர்த்தர் நமது ஆக்கினைகளை  அகற்றி, நமது சத்துருக்களை நம்மைவிட்டு விலக்குவார். இஸ்ரவேலின் ராஜாவாகிய கர்த்தர் நமது நடுவிலே இருப்பார்; நாம் இனித்தீங்கைக் காணாதிருப்போம்.  சத்துருக்கள் என்று கூறுவதால் நமக்கு எதிராக இருக்கும் மனிதர்களை மட்டுமல்ல, நம்மை சாத்தானுக்கு அடிமைகளாக்கும் பாவங்களையும் குறிக்கின்றது. சீயோன் குமாரத்திகளாக நாம் வாழும்போது பாவத்துக்கு நீங்கலாகிவிடுகின்றோம். எனவே மகிழ்ந்து களிகூரவேண்டும்.

ஆம் அன்பானவர்களே, கிறிஸ்துவின் இரத்தத்தால் கழுவப்பட்டு மீட்கப்படும்போது நாம் அவரது ஆவியின் பிரமானத்துக்குள் வந்துவிடுகின்றோம். அந்த ஆவியின் பிரமாணம் நம்மைப் பாவத்துக்கும் அதன் விளைவான நித்திய மரணத்துக்கும் நம்மை விடுதலையாக்குகின்றது. "கிறிஸ்து இயேசுவினாலே ஜீவனுடைய ஆவியின் பிரமாணம் என்னைப் பாவம் மரணம் என்பவைகளின் பிரமாணத்தினின்று விடுதலையாக்கிற்றே" ( ரோமர் 8: 2) என்று வாசிக்கின்றோம். 

இப்படி நாம் விசுவாச மார்கத்துக்குள் வரும்போது நாமே சீயோன் குமாரத்திகளும் இஸ்ரவேலருமாகின்றோம். கர்த்தர் நமது ஆக்கினைகளை அகற்றி, நமது சத்துருக்களை நம்மைவிட்டு விலக்குவார் நாம் இனித்தீங்கைக் காணாதிருப்போம். எனவே கெம்பீரித்துப்பாடி ஆர்ப்பரியுங்கள் என்றும்  சீயோன் குமாரத்தியே, நீ முழு இருதயத்தோடும் மகிழ்ந்து களிகூரு என்றும் இன்றைய தியான வசனம் கூறுகின்றது. 

நாம் விசுவாசமார்க்கத்தார்கள் ஆகும்போது நமது இந்த மகிழ்ச்சி உன்னத சீயோனாகிய பரலோகத்திலும் எதிரொலிக்கும் என்று இயேசு கிறிஸ்து கூறினார். "மனந்திரும்ப அவசியமில்லாத தொண்ணூற்றொன்பது நீதிமான்களைக்குறித்துச் சந்தோஷம் உண்டாகிறதைப்பார்க்கிலும் மனந்திரும்புகிற ஒரே பாவியினிமித்தம் பரலோகத்தில் மிகுந்த சந்தோஷம் உண்டாயிருக்கும் என்று உங்களுக்குச் சொல்லுகிறேன்." ( லுூக்கா 15: 7) சீயோன் குமாரத்திகளாக, ஆவிக்குரிய இஸ்ரவேலர்களாக மாறுவோம் நம்மிலும் நமதுமூலம் பரலோகத்திலும் மகிழ்ச்சி உண்டாகட்டும். 

தேவ செய்தி :- சகோ. எம். ஜியோ பிரகாஷ்           

Scripture Meditation - No: 1,397

AATHAVAN💚 December 05, 2024. 💚 Thursday

"Sing, O daughter of Zion; shout, O Israel; be glad and rejoice with all the heart, O daughter of Jerusalem." (Zephaniah 3:14)

Today’s verse addresses the “daughter of Zion” and “Israel,” leading some to assume these words were directed at someone else. However, as those redeemed by Christ, we are the spiritual daughters of Zion and the spiritual Israel. Zion refers to God’s heavenly dwelling, and we are His children.

As the Apostle Paul declares, “Know ye therefore that they which are of faith, the same are the children of Abraham.” (Galatians 3:7). This means that we, who live by faith in Christ Jesus, are the spiritual daughters of Zion and the spiritual Israel.

Today’s meditation verse calls us to a life of joy. It invites us to sing, shout, and rejoice with all our hearts. But why should we sing? Why should we shout and rejoice? The next verse provides the answer:

"The Lord hath taken away thy judgments, he hath cast out thine enemy: the king of Israel, even the Lord, is in the midst of thee: thou shalt not see evil anymore." (Zephaniah 3:15)

When we live as spiritual people, the Lord removes our judgments and drives away our enemies. The King of Israel, the Lord, dwells in our midst, and we will not see evil anymore. Here, “enemies” does not merely refer to human adversaries but also to the sins that enslave us to Satan. As we live as daughters of Zion, we are freed from sin, which is why we should rejoice and celebrate.

Dearly beloved, when we are washed by the blood of Christ and redeemed, we come under the law of His Spirit. This law liberates us from sin and its consequence, eternal death. As Paul writes, “For the law of the Spirit of life in Christ Jesus hath made me free from the law of sin and death.” (Romans 8:2).

By walking in faith, we become the daughters of Zion and the spiritual Israel. The Lord removes our judgments and casts out our enemies so that we will not see evil anymore. Therefore, today’s verse calls us to sing boldly, shout for joy, and rejoice with all our hearts.

When we walk in faith, our joy echoes even in heavenly Zion. Jesus said, “I say unto you, that likewise joy shall be in heaven over one sinner that repenteth, more than over ninety and nine just persons, which need no repentance.” (Luke 15:7).

Let us live as daughters of Zion and the spiritual Israel, bringing joy to ourselves and to heaven.

Message by: Bro. M. Geo Prakash

நினைவுகூருகின்ற தேவன் / The God who remembers

 'ஆதவன்' 💚டிசம்பர் 04, 2024. 💚புதன்கிழமை              வேதாகமத் தியானம் - எண்:- 1,396

"உங்கள் கிரியையையும், நீங்கள் பரிசுத்தவான்களுக்கு ஊழியஞ்செய்ததினாலும் செய்து வருகிறதினாலும் தமது நாமத்திற்காகக் காண்பித்த அன்புள்ள பிரயாசத்தையும் மறந்துவிடுகிறதற்கு தேவன் அநீதியுள்ளவரல்லவே." ( எபிரெயர் 6: 10)

தேவன் நமது பாவங்கள், துன்பங்கள், கண்ணீர்கள் அனைத்தையும் பார்க்கின்றார். நமது ஜெபங்களைக் கேட்கின்றார். ஆனால் அவற்றைமட்டுமல்ல, இன்றைய தியான வசனம் சொல்கின்றது, நாம் அவரது பரிசுத்த ஊழியர்களுக்குச் செய்யும் உதவிகள், தேவனது பெயரை உயர்த்துவதற்காக நாம் செய்யும் அனைத்துச் செயல்களையும் அவர் பார்க்கின்றார்; அவற்றை மறந்துவிட அவர் அநீதியுள்ளவரல்ல.

இந்த உலகத்தில் சிலருக்கு நாம் உதவிகள் செய்யும்போது அவர்கள் சிலவேளைகளில் அவற்றை மறந்துவிடுவதுண்டு. சிலர் தங்களது வாழ்க்கைத் தகுதிநிலை  உயர்வடையும்போது தங்களுக்கு உதவியவர்களை மறந்துவிடுவதுண்டு. அப்படி உதவி பெற்றதை வெளியில் சொன்னால் தங்களுக்கு அது அவமானம் என்றும் எண்ணுகின்றனர். ஆனால் நமது உதவி தேவனுக்குத் தேவை இல்லையெனினும் நாம் அவருக்காக அன்புடன் செய்யும் செயல்களை அவர் மறந்துவிடுவதில்லை.  

தாங்கள் தேவனுக்கேற்ற செயல்கள் செய்ததை தங்கள் ஜெபத்தில் சொல்லி சிலர் ஜெபிப்பதை நாம் வேதத்தில் வாசிக்கின்றோம்.  நான் தேவனுக்காக செய்த வேலைகளில் எந்த அநியாய வருமானத்தையும் ஈட்டவில்லை என்று நெகேமியா ஜெபிப்பதைப் பார்க்கின்றோம். எனவே அவர் "என் தேவனே, நான் இந்த ஜனத்துக்காகச் செய்த எல்லாவற்றின்படியும் எனக்கு நன்மையுண்டாக என்னை நினைத்தருளும்." ( நெகேமியா 5: 19) என ஜெபிக்கின்றார்.  

எசேக்கியா ராஜாவும் இப்படி விண்ணப்பம் செய்வதை நாம் பார்க்கின்றோம். "ஆ கர்த்தாவே, நான் உமக்கு முன்பாக உண்மையும் மனஉத்தமமுமாய் நடந்து, உமது பார்வைக்கு நலமானதைச் செய்தேன் என்பதை நினைத்தருளும் என்று விண்ணப்பம்பண்ணினான்." (2 இராஜாக்கள் 20: 3) என்று கூறப்பட்டுள்ளது. 

ஆம் அன்பானவர்களே, நமது செயல்கள் தேவனுக்கு ஏற்புடையவையாக இருக்குமானால் இந்தப் பரிசுத்தவான்களைப்போல நாமும் தைரியமாகத் தேவனிடம் அது குறித்துத் தனிப்பட்ட விதத்தில் நமது ஜெபங்களில் பேசலாம். தமது நாமத்திற்காக நாம் காண்பித்த அன்புள்ள பிரயாசத்தை மறந்துவிடுகிறதற்கு தேவன் அநீதியுள்ளவரல்ல.

நமது தேவன் நினைவுகூருகின்ற தேவன். ஆபிரகாமை நினைவுகூர்ந்த தேவன் அவர் நிமித்தம் லோத்துவைக் காப்பாற்றினார் என்று கூறப்பட்டுள்ளது. நோவாவை நினைவுகூர்ந்து தண்ணீரை வற்றச்செய்தார். அன்னாளை நினைவுகூர்ந்து சாமுவேலை மகனாகக் கொடுத்தார். 

ஆனால் நாம் தேவனுக்காகச் செய்த செயல்களை எல்லா மக்களிடமும் சொல்லவேண்டியதில்லை. அப்படிச் சொல்வது  நமது  மனதின் பெருமையினையே காட்டும்.  பெருமையுள்ளவர்களுக்குத் தேவன் எதிர்த்து நிற்கின்றார் என்று வேதம் கூறவில்லையா? நமது செயல்கள் அனைத்தையும் தேவன் ஏற்கெனவே அறிந்திருக்கின்றார். அவற்றை மற்றவர்கள் அறிந்து நம்மைப் புகழ வேண்டிய அவசியமில்லை. 

தேவனுக்காக நாம் செய்த நமது நல்ல செயல்களை நாம் எடுத்துக் கூறினாலும் கூறாவிட்டாலும் தேவன் அவற்றை மறந்துவிட அநீதியுள்ளவரல்ல. நமது செயல்களுக்கேற்ற பலனை நிச்சயம் தருவார். தேவனை மகிழ்ச்சிப்படுத்தும் செயல்களில் ஈடுபடுவோம். 

தேவ செய்தி :- சகோ. எம். ஜியோ பிரகாஷ்                                                  

Biblical Meditation - No: 1,396
AATHAVAN 💚 December 04, 2024. 💚 Wednesday

"For God is not unrighteous to forget your work and labour of love, which ye have shewed toward his name, in that ye have ministered to the saints, and do minister." (Hebrews 6:10)

God sees all our sins, sorrows, and tears. He listens to our prayers. However, today’s meditation verse highlights something more: God observes the help we extend to His holy servants and the deeds we do to glorify His name. He is not unrighteous to forget these acts of love and devotion.

In this world, some people may forget the help they have received. When their social or financial status improves, they might even avoid acknowledging those who supported them, fearing it could tarnish their image. But our God, though not dependent on our help, never forgets the acts of love we perform for His sake.

The Bible records the prayers of those who reminded God of their righteous deeds. Nehemiah, for example, boldly prayed about his works, saying, “Think upon me, my God, for good, according to all that I have done for this people.” (Nehemiah 5:19).

Similarly, King Hezekiah prayed with confidence, “I beseech thee, O Lord, remember now how I have walked before thee in truth and with a perfect heart, and have done that which is good in thy sight.” (2 Kings 20:3).

Dearly beloved, If our deeds are pleasing to God, like these saints, we too can boldly mention them in our personal prayers. God is not unrighteous to forget the labour of love we show for His name.

Our God is a God who remembers. The Bible tells us He remembered Abraham and saved Lot for his sake. He remembered Noah and caused the floodwaters to recede. He remembered Hannah and blessed her with a son, Samuel.

Yet, it is not necessary for us to proclaim our good deeds to everyone. Doing so often stems from pride, and the Bible warns that “God resisteth the proud, but giveth grace unto the humble.” (James 4:6). God already knows all that we have done for Him, and it is unnecessary for others to acknowledge or praise us.

Whether we mention our good deeds or not, God, who sees everything, will not forget them. He will reward us according to our works. Let us strive to engage in actions that bring joy to God.

Message by: Bro. M. Geo Prakash 

Christian Verses for Meditation - John 7:47, 49 / யோவான் 7: 47 மற்றும் 49

 'ஆதவன்' 💚டிசம்பர் 03, 2024. செவ்வாய்க்கிழமை    வேதாகமத் தியானம் - எண்:- 1,395

"அப்பொழுது பரிசேயர்: நீங்களும் வஞ்சிக்கப்பட்டீர்களா?...................... வேதத்தை அறியாதவர்களாகிய இந்த ஜனங்கள் சபிக்கப்பட்டவர்கள் என்றார்கள்." ( யோவான் 7: 47 மற்றும்  49)

வேதாகமத்தைக் கற்று அறிவது என்பது வேறு,  தேவனைத் தனிப்பட்ட முறையில் அறிவது என்பது வேறு. வேதாகமத்தை ஒருவர் அறிந்திருப்பதால் மட்டும் நாம் அவரைத் தேவனை அறிந்தவர் என்று சொல்ல முடியாது. பலர் வேதாகமத்தை ஆய்வுசெய்து பல்வேறு தலைப்புகளில் கட்டுரைகள் சமர்ப்பித்து முனைவர் பட்டம் பெற்றுள்ளனர். ஆனால் அவர்களில் பலரும் தேவனைப்பற்றிய தனிப்பட்ட அறிவோ தேவனோடுள்ள உடனிருப்பையோ அறிந்தவர்களல்ல.

பரிசேயரும் பிரதான ஆசாரியரும் இயேசு கிறிஸ்துவைப் பிடித்துக்கொண்டு வருமாறு சேவகர்களை  அனுப்பிவைத்தனர்.  அந்தச் சேவகர்கள் கைதுசெய்ய சென்று இயேசு கிறிஸ்துவின் போதனைகளைக் கேட்டு அவரைக் கைதுசெய்யாமல் தங்களை அனுப்பிய பரிசேயரிடம் திரும்பிவந்து, "அந்த மனிதன் பேசுவதுபோல இதுவரை ஒருவனும் பேசியதில்லை" என்கின்றனர். அதாவது அவர்கள் இயேசுவின் போதனையால் மனதுக்குள் மாற்றமடைந்தனர். அப்போது பரிசேயர்கள் கோபத்துடன் அந்தச் சேவகர்களைப்பார்த்து, "நீங்களும் வஞ்சிக்கப்பட்டீர்களா?..................வேதத்தை அறியாதவர்களாகிய இந்த ஜனங்கள் சபிக்கப்பட்டவர்கள் என்றார்கள்." 

பிரதான ஆசாரியரும் பரிசேயர்களும் வேதத்தை நன்றாகக் கற்றவர்கள். அவர்களுக்குத் தங்களது வேத அறிவைக் குறித்தப்  பெருமை இருந்தது. ஆனால் அந்த வேத அறிவால் அவர்களால் கிறிஸ்துவை அறிந்துகொள்ள முடியவில்லை. ஆனால் பாமரமக்கள் இயேசுவை விசுவாசித்து ஏற்றுக்கொண்டனர். எனவே, வேதத்தைப்  படிக்காத மக்கள்தான் இயேசுவையும் அவரது போதனைகளையும் விசுவாசிப்பார்கள் என்று அவர்கள் கோபத்தில் கூறுகின்றனர். வேதத்தை அறியாதவர்களாகிய இந்த ஜனங்கள் சபிக்கப்பட்டவர்கள் என்று சபிக்கின்றனர். 

ஆம் அன்பானவர்களே, பரிசேயர்களைப்போல நாம் வேதாகமத்தை வெறுமனே வாசிப்பது மட்டும் போதாது. அவரை அறிந்துகொள்ளவேண்டும் எனும் ஆர்வத்தில் ஆவியானவரின் துணையோடு வேதாகமத்தை நாம்  வாசிக்கவேண்டும்.  சாதாரண புத்தகத்தை வாசிப்பதுபோல வாசிப்போமானால் சுவிசேஷத்தின் ஒளி நமக்குள் பிரகாசிக்கமுடியாது. காரணம் இந்த உலகத்தின் அதிபதியாகிய சாத்தான் கிறிஸ்துவின் ஒளி நம்மில் பிரகாசிக்கமுடியாதபடி நமது மனக் கண்களைக் குருடாக்கிவிடுவான். 

இதனையே "தேவனுடைய சாயலாயிருக்கிற கிறிஸ்துவின் மகிமையான சுவிசேஷத்தின் ஒளி, அவிசுவாசிகளாகிய அவர்களுக்குப் பிரகாசமாயிராதபடிக்கு, இப்பிரபஞ்சத்தின் தேவனானவன் அவர்களுடைய மனதைக் குருடாக்கினான்." (2 கொரிந்தியர் 4: 4) என்று அப்போஸ்தலரான பவுல் கூறுகின்றார். 

வேதாகமக்  கல்வியறிவு  பெற்றவர்கள் எல்லாம் தேவனை அறிந்தவர்களுமல்ல; வேத அறிவு அதிகம் இல்லாதவர்கள் தேவனை அறியாதவர்களுமல்ல. மூளை அறிவினால் தேவனை அறியமுடியாது; தாழ்மையான மனமும் தேவனை அறியும் ஆர்வமுமே ஒருவரை தேவனை அறியச்செய்யும். தாழ்மையான உள்ளத்துடன் கிறிஸ்துவின் வார்த்தைகளை ஏற்றுக்கொள்வோம்; தேவனை அறியும் அறிவில் வளருவோம். 

தேவ செய்தி :- சகோ. எம். ஜியோ பிரகாஷ்           

Scripture Meditation - No: 1,395
AATHAVAN 💚 December 03, 2024. 💚 Tuesday

"Then answered them the Pharisees, Are ye also deceived? … But this people who knoweth not the law are cursed." (John 7:47, 49)

Learning the Scriptures is one thing, but knowing God personally is another. Merely possessing knowledge of the Bible does not mean someone truly knows God. Many have studied the Scriptures extensively, written essays, and earned doctorates in theology, yet some among them lack personal knowledge of God or a close walk with Him.

The Pharisees and chief priests sent officers to arrest Jesus. However, when the officers heard His teachings, they returned without arresting Him and said, “Never man spake like this man” (John 7:46). They were deeply moved by Jesus’ words. In response, the Pharisees angrily questioned, “Are ye also deceived?” and went on to declare, “But this people who knoweth not the law are cursed.”

The chief priests and Pharisees were highly knowledgeable in the Scriptures and took pride in their understanding. However, their knowledge did not lead them to recognize Christ. On the other hand, ordinary people, though less learned, believed in and accepted Jesus. The Pharisees, in their arrogance, cursed the common people, accusing them of being ignorant and accursed because they believed in Christ.

Dearly beloved, It is not enough to merely read the Bible like the Pharisees did. We must read with a desire to know God, relying on the Holy Spirit’s guidance. If we approach the Bible as just another book, the light of the Gospel will not shine within us. The god of this world, Satan, blinds the minds of people so they cannot perceive the light of Christ’s glory.

As Paul says: "In whom the god of this world hath blinded the minds of them which believe not, lest the light of the glorious gospel of Christ, who is the image of God, should shine unto them." (2 Corinthians 4:4)

Not all who possess biblical knowledge truly know God, and not all who lack theological training are ignorant of Him. Knowing God requires humility and a heartfelt desire to seek Him, not just intellectual pursuit. With a humble heart, let us accept the words of Christ and grow in the knowledge of God.

Message by: Bro. M. Geo Prakash