🦋 Meditation verse - யோவான் 6 : 48 / John 6:48

 "விதைகளின் உள்ளே" 🌳 

வேதாகமத் தியானம் எண் - 1698                                          ஆதவன் 01.10.2025 புதன்     

"ஜீவ அப்பம் நானே." ( யோவான் 6 : 48 )

தேவன் இஸ்ரவேல் மக்களை  பாலைவனத்தின்வழியே மோசேமூலம் கானானை நோக்கி வழிநடத்தியபோது அவர்களுக்குத் தேவையான உணவு கிடைப்பது அரிதாக இருந்தது. மட்டுமல்ல, இஸ்ரவேல் மக்கள் மோசேக்கு எதிராக முறுமுறுத்து தாங்கள் அடிமைகளாக இருந்த எகிப்துத் தேசத்தில் கிடைத்த உணவுகூட சிறப்பானதாக இருந்ததே, எனவே எகிப்துக்குத் திரும்பிச் செல்வதே நல்லது எனும் முடிவுக்கு வந்துவிட்டனர். அப்போது மோசே தேவனை நோக்கி வேண்டிட தேவன் வானத்திலிருந்து மன்னாவைப் பொழிந்து அவர்கள் பசியாறச் செய்தார். 

நமது வாழ்க்கையிலும் ஒருவேளை நாம் கிறிஸ்துவை அறியாமல் வாழும் மக்களின் செழிப்பான உலக வாழ்கையினைக் கண்டு மனம் தடுமாறலாம். கிறிஸ்துவை அறிந்தபின்னரும் எனது வாழ்க்கையில் எந்த மாற்றமும் இல்லையே என எண்ணலாம். இதற்குக் காரணம் உலக ஆசீர்வாதங்களையே போதிக்கும் போதகர்களின் போதனைகள் நம்மைக் குழப்புவதுதான்; கிறிஸ்துவிடம் வந்துவிட்டால் ஆசீர்வாதம் பொழியும் என மக்களை அவர்கள் தவறான போதனையில் வழிநடத்துவதுதான்.   

அன்பானவர்களே, நமது வாழ்க்கை  இந்த உலகத்தோடு முடிந்துபோகும் வாழ்க்கையல்ல, இந்த உலக வாழ்க்கைக்குப்பின் முடிவில்லாத நித்திய ஜீவன் எனும் நிலைவாழ்வு உள்ளது. அதனை வாழ்வில் பெறுவதே மெய்யான ஆசீர்வாதம். பரம கானானாகிய அந்த நிலைவாழ்வை அன்று மன்னாவை உட்கொண்ட இஸ்ரவேல் மக்கள் அனுபவிக்கவில்லை.   "உங்கள் பிதாக்கள் வனாந்தரத்திலே மன்னாவைப் புசித்திருந்தும் மரித்தார்கள். இதிலே புசிக்கிறவன் மரியாமலிருக்கும்படி வானத்திலிருந்திறங்கின அப்பம் இதுவே". ( யோவான் 6 : 49-50 ) என்கின்றார் இயேசு கிறிஸ்து.  எனவே, இதுதான் இயேசு அளிக்கும் ஆசீர்வாதம். 

இயேசு கிறிஸ்துக் கூறியச் செய்திகள்  அனைத்தும் ஆவிக்குரிய பொருள்கொள்ளக்கூடிய சத்தியங்கள். ஆனால் யூதர்கள் அவர் கூறியதன் ஆவிக்குரிய பொருளைப் புரிந்துகொள்ளவில்லை. "என் மாம்சம் மெய்யான போஜனமாயிருக்கிறது, என் இரத்தம் மெய்யான பானமாயிருக்கிறது." ( யோவான் 6 : 55 ) என்று இயேசு கூறியதை அவர்களால் புரிந்துகொள்ளவும் ஏற்றுக்கொள்ளவும்  முடியவில்லை. அவர்கள், "எப்படி நாம் ஒரு மனிதனின் இரத்தத்தைக் குடித்து சதையைத் தின்பது?" என்று உலகக் கண்ணோட்டத்தில் இயேசு கூறிய வார்த்தைகளைப் பார்த்தனர். 

எனவேதான் இயேசு அவர்கள் தெளிவடையவேண்டும் என்பதற்காக, "ஆவியே உயிர்ப்பிக்கிறது, மாம்சமானது ஒன்றுக்கும் உதவாது; நான் உங்களுக்குச் சொல்லுகிற வசனங்கள் ஆவியாயும் ஜீவனாயும் இருக்கிறது." ( யோவான் 6 : 63 ) என்று கூறுகின்றார். ஆனாலும் அவரைப் பின்பற்றிய பலர் இயேசு கூறியதை ஏற்றுக்கொள்ள முடியாமல் அவரைவிட்டுப் பின்வாங்கிப் போய்விட்டார்கள். "அதுமுதல் அவருடைய சீஷரில் அநேகர் அவருடனேகூட நடவாமல் பின்வாங்கிப்போனார்கள்." ( யோவான் 6 : 66 ) என்று கூறப்பட்டுள்ளது. 

ஆம் அன்பானவர்களே, இயேசு கிறிஸ்து கூறிய சத்தியம் ஆவிக்குரிய சத்தியம். ஆண்டவராகிய இயேசு கிறிஸ்து நமது பாவங்களைப் போக்குவதற்கு உலகத்தில் மனிதனாகப் பிறந்து பாடுபட்டு மரித்து உயிர்த்தார் எனும் சத்தியத்தை ஏற்றுக்கொண்டு, அவரது இரத்தத்தால் பாவங்கள் கழுவப்படும் அனுபவத்தைப் பெறுவதுதான் அவரை உண்பதும் அவரது இரத்தத்தைக் குடிப்பதும். ஆம், இப்படி "இயேசுகிறிஸ்துவினுடைய சரீரம் ஒரேதரம் பலியிடப்பட்டதினாலே, அந்தச் சித்தத்தின்படி நாம் பரிசுத்தமாக்கப்பட்டிருக்கிறோம்." ( எபிரெயர் 10 : 10 ) 

இது பிதாவாகிய தேவனது திட்டம். "நாம் பாவங்களுக்குச் செத்து, நீதிக்குப் பிழைத்திருக்கும்படிக்கு, அவர் தாமே தமது சரீரத்திலே நம்முடைய பாவங்களைச் சிலுவையின்மேல் சுமந்தார்; அவருடைய தழும்புகளால் குணமானீர்கள்." ( 1 பேதுரு 2 : 24 ) என்கின்றார் அப்போஸ்தலரான பேதுரு. இந்த இயேசுவை நாம் வாழ்வில் பெற்றுக்கொள்ளும்போது அவரை உண்கின்றோம் என்று பொருள். அப்படி நாம் ஜீவ அப்பமாகிய அவரை உண்ணும்போது மட்டுமே நமது ஆத்தும பசியும் தாகமும் அடங்கும். "ஜீவ அப்பம் நானே, என்னிடத்தில் வருகிறவன் ஒருக்காலும் பசியடையான், என்னிடத்தில் விசுவாசமாயிருக்கிறவன் ஒருக்காலும் தாகமடையான்." ( யோவான் 6 : 35 ) என்கின்றார் கர்த்தராகிய இயேசு கிறிஸ்து.

இதனை முழுவதுமாக ஏற்றுக்கொள்ளவில்லையானால் நாமும் உலக ஆசீர்வாதத்தை மட்டுமே எதிர்பார்த்து அவரைவிட்டுப் பின்வாங்கியவர்களைப்போலவே இருப்போம். வனாந்தரத்தில் இஸ்ரவேலர் அன்று காணக்கூடிய மன்னாவை உண்டும் மரித்தார்கள்; காணாத மன்னாவாகிய கிறிஸ்துவை ஏற்றுக்கொண்டு உண்ணும்போது நாம் என்றென்றும் மரிக்காமல் நிலைவாழ்வைக் கொண்டவர்களாக இருப்போம்; மெய்யான ஆசீர்வாதமும் பெறுவோம்.

தேவ செய்தி :- சகோ. எம். ஜியோ பிரகாஷ்             

"Inside the Seeds" 🌳

Scripture Meditation No. 1698

AATHAVAN – 01.10.2025, Wednesday

“I am the bread of life.” (John 6:48)

When God led the people of Israel through the wilderness toward Canaan by the hand of Moses, it was difficult for them to find the food they needed. They even grumbled against Moses, saying that the food they had enjoyed in Egypt as slaves was better, and concluded that it would be better to return to Egypt. At that time, Moses prayed to God, and the Lord rained down manna from heaven so that they could be satisfied.

In our lives too, sometimes we may waver when we see the prosperous worldly life of those who do not know Christ. Even after coming to Christ, we may feel there is no real change in our lives. This confusion often arises because of preachers who only emphasize worldly blessings—teaching falsely that if one comes to Christ, blessings will automatically overflow.

Beloved, our life is not one that ends with this world. Beyond this earthly life, there is eternal life—an everlasting dwelling. That alone is the true blessing. The Israelites who ate manna in the wilderness did not enter that eternal Canaan. Jesus said: “Your fathers ate the manna in the wilderness, and they died. This is the bread that comes down out of heaven, so that anyone may eat from it and not die.” (John 6:49–50). This is the blessing Christ offers.

Every word spoken by Jesus carries a spiritual truth. But the Jews did not understand the spiritual meaning of His sayings. When Jesus said, “For My flesh is true food, and My blood is true drink” (John 6:55), they could not grasp or accept it. They interpreted His words from a worldly viewpoint, asking, “How can this man give us His flesh to eat and His blood to drink?”

Therefore, to make them understand, Jesus said: “It is the Spirit who gives life; the flesh provides no benefit; the words that I have spoken to you are spirit, and are life.” (John 6:63). Yet, many of His followers found it hard to accept and withdrew from Him. “As a result of this many of His disciples left, and would no longer walk with Him.” (John 6:66).

Yes, dearly beloved, the truth Jesus spoke is a spiritual truth. The Son of God became man, suffered, died, and rose again to take away our sins. To accept this truth and to experience the cleansing of our sins by His blood—that is what it means to eat His flesh and drink His blood. As it is written: “By this will, we have been sanctified through the offering of the body of Jesus Christ once for all time.” (Hebrews 10:10).

This is God the Father’s plan. The apostle Peter declares: “And He Himself brought our sins in His body up on the cross, so that we might die to sin and live for righteousness; by His wounds you were healed.” (1 Peter 2:24). To receive this Jesus into our lives is to eat Him, the Bread of Life. Only when we partake of Him will our soul’s hunger and thirst be satisfied. “I am the bread of life; the one who comes to Me will not be hungry, and the one who believes in Me will never be thirsty.” (John 6:35).

If we do not fully embrace this, we will be like those who turned back, seeking only worldly blessings. The Israelites ate the visible manna in the wilderness and still died; but when we receive and partake of the unseen Manna—Christ—we will never die but will have eternal life, the true blessing.

God’s Message by: Bro. M. Geo Prakash