🦋 Meditation verse - சகரியா 2 : 7-8 / Zechariah 2:7–8

"விதைகளின் உள்ளே" 🌳 

வேதாகமத் தியானம் எண் - 1695                                           ஆதவன் 28.09.2025 ஞாயிறு           

"பாபிலோன் குமாரத்தியினிடத்தில் குடியிருக்கிற சீயோனே, உன்னை விடுவித்துக்கொள். பிற்பாடு மகிமையுண்டாகும் என்று சேனைகளின் கர்த்தர் சொல்லுகிறார்; உங்களைக் கொள்ளையிட்ட ஜாதிகளிடத்துக்கு என்னை அனுப்பினார்; உங்களைத் தொடுகிறவன் அவருடைய கண்மணியைத் தொடுகிறான்." ( சகரியா 2 : 7-8 )

உலக இன்பம்,  பாவம் இவற்றுக்கு உட்பட்ட பாபிலோனின் அடிமை வாழ்க்கை - கர்த்தருக்கு ஏற்புடைய ஆவிக்குரிய சீயோன் வாழ்க்கை -  இவற்றில் கிறிஸ்துவுக்குரியவர்களாகிய நாம் பாபிலோன் வாழ்க்கையிலிருந்து விடுபட்டுவரவேண்டும் என்றும் அப்படி விடுபடும்போது தேவனது ஆசீர்வாதமும் பாதுகாப்பும் நமக்கு உண்டு என்றும்  இன்றைய தியான வசனம் விபரிப்பதாக உள்ளது.   

யூதா  மக்கள் பாபிலோனியருக்கு அடிமைப்பட்டு சுமார் எழுபது ஆண்டுகள் ஆகிவிட்டபோது அவர்கள் தங்களது பூர்விகமான நாட்டையும் எருசலேமையும்  மறந்தவர்களாக பாபிலோனின் செழிப்பிலேயே மனத்திருப்தி கொண்டவர்களாக வாழத்துவங்கிவிட்டனர். அப்படித் தேவனால் தெரிந்துகொள்ளப்பட்ட மக்களையே இன்றைய வசனத்தில் சீயோன் என்று குறிப்பிடப்படுகின்றது. பிற பெண்கள்மீது ஆசைகொண்டு தங்கள் குடும்பத்தை மறந்து அவர்களோடு சேர்ந்து வாழும் சில ஆண்களைப்போல யூதா மக்களது இந்த வாழ்க்கை அமைந்துவிட்டது.  அவர்கள் பாபிலோன் குமாரத்தியினிடத்தில் குடியிருக்க முடிவுசெய்துவிட்டார்கள். 

எனவே சகரியா தீர்க்கதரிசி மூலம் தேவன் அவர்களுக்குக் கூறுகின்றார், "பாபிலோன் குமாரத்தியினிடத்தில் குடியிருக்கிற சீயோனே, உன்னை விடுவித்துக்கொள். பிற்பாடு மகிமையுண்டாகும்.  நீ கர்த்தரால் தெரிந்துகொள்ளப்பட்டவன். இதனை மறந்து வாழாதே. இதனை உங்களுக்கு அறிவிக்க உங்களைக்  கொள்ளையிட்ட ஜாதிகளிடத்துக்கு (பாபிலோனுக்கு) என்னை அனுப்பினார்" என்கின்றார் சகரியா. நாம் ஏற்கெனவே பல 'ஆதவன்' தியானங்களில் கூறியுள்ளபடி பழைய ஏற்பாடு புதிய ஏற்பாட்டின் நிழலாட்டமாக இருக்கின்றது. எனவே, இன்றைய தியான வசனத்தையும் நாம் புதிய ஏற்பாடு கூறும் சத்தியத்துக்கு நேராகப் பார்க்கவேண்டியது அவசியம்.  

யூதா மக்கள் பாபிலோனியருக்கு அடிமைகளாக அதன் செழிப்பில் மயங்கி  வாழ்ந்ததுபோல சீயோன் எனும் கர்த்தரது மக்களாகிய நாம் பாவத்துக்கு அடிமையாக வாழ்ந்து கொண்டிருக்கின்றோம்;  தொடர்ந்து, பாபிலோன் குமாரத்தியினிடத்தில் குடியிருக்கிற மக்களாக இருக்கின்றோம் என்று பொருள். இப்படி பாபிலோனின் அழகில் மயங்கி உன்னைத்தானே  அழித்துக்கொண்டிருக்கும் சீயோனே, உன்னை விடுவித்துக்கொள். அப்படியானால் பிற்பாடு மகிமையுண்டாகும் என்று சேனைகளின் கர்த்தர் சொல்லுகிறார். 

ஆம் அன்பானவர்களே, இன்று உலகக் கவர்ச்சியிலும், மாயத்திலும் சிக்குண்டு அவற்றுக்கு அடிமைகளாகி வாழ்ந்துகொண்டிருக்கின்ற  நமக்கு வாழ்வில் மகிமையுண்டாக வேண்டுமானால் நாம் பாபிலோன் வாழ்க்கையிலிருந்து வெளிவரவேண்டியது அவசியம். அப்போது கர்த்தர் நமக்கு முழு பாதுகாப்புக் கொடுப்பார். 

அடிமை வாழ்வு நிரந்தரமல்ல; அதன் செழிப்பும் என்றும் நிலைத்து நிற்காது. ஆனால் நாம் பாபிலோன் வாழ்விலிருந்து வெளிவரும்போது தேவனது ஆசீர்வாதமும் பாதுகாப்பும் உண்டு. அதனையே இன்றைய தியான வசனத்தின் இறுதியில் நாம் "உங்களைத் தொடுகிறவன் அவருடைய கண்மணியைத் தொடுகிறான்" என்று வாசிக்கின்றோம். ஆம், நாம் அவருக்கு நேராகத் திரும்பும்போது அவர் நம்மைத் தனது கண்மணிபோலக் கருதுகின்றார். எனவே எவரும், எதுவும் நம்மைத் தீண்டிடாமல் பாதுகாக்கின்றார்.   

பாபிலோன் வாழ்விலிருந்து தன்னிடம் திரும்பும் மக்களைப்பார்த்து, "சீயோன் குமாரத்தியே, கெம்பீரித்துப்பாடு; இதோ, நான் வந்து உன் நடுவில் வாசம்பண்ணுவேன் என்று கர்த்தர் சொல்லுகிறார்." ( சகரியா 2 : 10 ) நம்மை நாமே நிதானித்துப் பார்ப்போம். பாபிலோனின் செயல்பாடுகள் நம்மிடம் இருந்தால் திருத்திக்கொள்வோம். அப்போது தேவனது பாதுகாப்பு நமக்கு நிச்சயமாக உண்டு. 

தேவ செய்தி :- சகோ. எம். ஜியோ பிரகாஷ்                 

"Inside the Seeds" 🌳
Scripture Meditation No. 1695
AATHAVAN – 28.09.2025, Sunday

"Ho, Zion! Escape, you who are living with the daughter of Babylon.” For the Lord of armies says this: “After glory He has sent me against the nations that plunder you, for the one who touches you, touches the apple of His eye.” (Zechariah 2:7–8)

The verse for today emphasizes that as people belonging to Christ, we must escape from the Babylonian life—life enslaved by worldly pleasures and sin—and live the spiritual life of Zion, pleasing to the Lord. When we break free from Babylon, God’s blessing and protection will surely rest upon us.

When the people of Judah had been in captivity under the Babylonians for nearly seventy years, they began to forget their homeland and Jerusalem. They became content with the prosperity of Babylon. In today’s passage, God calls such chosen people of His “Zion.” Their state was like men who, forgetting their own families, run after other women and dwell with them. The people of Judah chose to settle with the daughter of Babylon.

Therefore, through the prophet Zechariah, God spoke to them: “Ho, Zion! Escape, you who are living with the daughter of Babylon. After glory you will have honour. You are the one chosen by the Lord—do not forget it. To declare this to you, He has sent me to the nations (Babylon) who plundered you.” As we have often mentioned in many Aathavan meditations, the Old Testament is a shadow of the New Testament. So, today’s verse must be read in the light of the New Testament truth.

Just as the people of Judah, who belonged to the Lord, lived as slaves in Babylon, fascinated by its prosperity, so too we, the people of Zion, fall into bondage to sin and continue to live as if dwelling with the daughter of Babylon. To such people God says: “Zion, who destroys yourself being deceived by Babylon’s beauty, escape! Then you will have glory,” says the Lord of armies.

Yes, beloved, today we who are caught in the charms and deceptions of the world, living enslaved to them, must come out of the Babylonian life if we long for glory in our lives. When we do so, the Lord Himself will give us full protection.

Slavery is never permanent; its prosperity will not last forever. But when we escape from the Babylonian life, God’s blessing and protection are assured. That is why at the end of today’s passage we read: “The one who touches you, touches the apple of His eye.” (Zechariah 2:8). Indeed, when we turn to Him wholeheartedly, He considers us as the apple of His eye. Therefore, He will not allow anyone or anything to harm us.

To those who return to Him from Babylon, the Lord declares: “Shout for joy and rejoice, daughter of Zion; for behold I am coming, and I will dwell in your midst,” declares the Lord. (Zechariah 2:10). Let us examine ourselves today. If we still find traces of Babylonian ways in us, let us correct ourselves. Then God’s protection will surely be ours.

Message of God :- Bro. M. Geo Prakash