🦋 Meditation verse - ஏசாயா 65 : 10 / Isaiah 65:10

 "விதைகளின் உள்ளே" 🌳 

வேதாகமத் தியானம் எண் - 1679                                          ஆதவன் 12.09.2025 வெள்ளி 

"என்னைத் தேடுகிற என் ஜனத்துக்குச் சாரோன் ஆட்டுத்தொழுவமாகவும், ஆகோரின் பள்ளத்தாக்கு மாட்டுக்கிடையாகவும் இருக்கும்." ( ஏசாயா 65 : 10 )

கர்த்தரைத் தேடுவது என்பது, தவறவிட்டப் பொருளை விளக்கினைப் பற்றவைத்து இருளில் தேடுவதுபோல தேடுவதைக் குறிப்பிடவில்லை. மாறாக, நமது வாழ்வில் நாம் கர்த்தருக்கேற்ற வாழ்க்கைவாழ முயலுவதைக் குறிக்கின்றது; கர்த்தர் அருவருக்கும் பாவக் காரியங்களுக்கு விலகி வாழ்வதைக் குறிக்கின்றது.   

இப்படிக்  கர்த்தரைத் தங்களது வாழ்வில் தேடும் மக்களுக்கு  மேலான ஆசீர்வாதம் உண்டு என்பதனை இன்றைய தியான வசனம் எடுத்துக் கூறுகின்றது. வரலாற்றுப் பின்னணியில் பார்ப்போமானால்  "சாரோன் சமவெளி" செழிப்பான ஒரு பகுதியாகும். இங்கு வளரும் ரோஜாக்கள் உலகின் மிகச்சிறந்தவையாகக் கருதப்படுகின்றன. உன்னதப்பாட்டு தேவனை சாரோனின் ரோஜாவுக்கு ஒப்பிட்டு,  "நான் சாரோனின் ரோஜாவும், பள்ளத்தாக்குகளின் லீலிபுஷ்பமுமாயிருக்கிறேன்." ( உன்னதப்பாட்டு 2 : 1 ) என்று கூறுகின்றது. நமது ஆண்டவராகிய இயேசு கிறிஸ்துவையும் நாம் சாரோனின் ரோஜாவுக்கு ஒப்பிடுகின்றோம்.

இன்றைய தியான வசனம் கூறும்  உருவகம் தேவனை உண்மையுடன் தேடும் அவருடைய மக்களுக்குச்  சமாதானம், வளம், பாதுகாப்பு ஆகியவற்றால் நிறைந்த எதிர்காலம் உண்டு என்பதனைச் சுட்டிக்காட்டுகிறது. இதுபோல இன்றைய தியான வசனத்தில் ஆகோரின் பள்ளத்தாக்கு பற்றியும் வாசிக்கின்றோம். இந்தப் பள்ளத்தாக்கு, ஆகானின்  பாவத்துடனும் (யோசுவா 7:26) அதன் விளைவாக இஸ்ரவேலருக்கு ஏற்பட்ட துன்பத்துடனும் தொடர்புடையது. ஆனால் அது மாடுகள் அமைதியாய் படுக்கும் இடமாக, அதாவது மக்களுக்கு நம்பிக்கையையும் ஓய்விடத்தையும் அளிக்கும் இடமாக மாறும் என்று குறிப்பிடப்படுகிறது.

மொத்தத்தில் இன்றைய தியான வசனம் நமக்குக் கூறும் செய்தி, நாம் தேவனைத் தேடும் மக்களாகவும் அவரது ஐக்கியத்தை விரும்புபவர்களாகவும் இருப்போமானால் நமக்கு ஆசீர்வாதம் உண்டு என்பதனை எடுத்துக் கூறுகின்றது. "ஆட்டுத்தொழுவம், மாட்டுக்கிடை" எனும் வார்த்தைகள் உருவகமாக சமாதானத்துடன் வாழும் வாழ்கையினைக் குறிப்பதாக உள்ளது. பகலில் உணவுத்தேடி அலையும் ஆடுகளும் மாடுகளும் இரவில் இளைப்பாறும் இடங்களாக இவை உள்ளதுபோல, தேவனைத் தேடும் மக்களுக்கு இளைப்பாறுதல் உண்டு என்பதனை இன்றைய தியான வசனம் உருவகமாகக் கூறுகின்றது. 

இன்று உலக மக்கள் இளைப்பாறுதலும் அமைதியுமற்று அலைகின்றனர் அவர்களுக்கு கர்த்தராகிய இயேசு கிறிஸ்து இதுபோல  ஆட்டுத் தொழுவமாகவும் (யோவான் 10) மாட்டுக்கிடையாகவும் இருக்கின்றார். மேலும், "வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன்" ( மத்தேயு 11 : 28 ) என்று அவர் நம்மை அன்புடன் அழைக்கவில்லையா?

ஆம் அன்பானவர்களே, நமக்குப் பூரணமான சமாதானமும், செழிப்பும் வேண்டுமானால் பணத்தைத் தேடுபவர்களாக அல்ல, மாறாக நாம் கர்த்தரை நமது வாழ்வில் அன்றாடம் தேடுகின்றவர்களாக வாழவேண்டியது அவசியம். அப்போது, செழிப்பான பள்ளத்தாக்குகளில் ஆடுமாடுகளை அமைதியாகத் தங்கவைப்பதுபோல தேவன் நம்மையும் அமைதியுடன் வாழ வகைசெய்வார். "கர்த்தரையும் அவர் வல்லமையையும் நாடுங்கள்; அவர் சமுகத்தை நித்தமும் தேடுங்கள்." ( சங்கீதம் 105 : 4 )

தேவ செய்தி :- சகோ. எம். ஜியோ பிரகாஷ்                                  

“Inside the Seeds” 🌳

Scripture Meditation No. 1679
AATHAVAN - Friday, 12.09.2025

"And Sharon shall be a fold of flocks, and the valley of Achor a place for the herds to lie down in, for my people that have sought me." (Isaiah 65:10, KJV)

Seeking the Lord does not mean searching like one who lights a candle to look for a lost coin in the dark. Rather, it signifies striving to live a life pleasing unto Him and turning away from the sinful deeds which the Lord hates.

Today’s verse reminds us that great blessings are reserved for those who seek the Lord in their lives. Historically, the Plain of Sharon was a fertile and prosperous region. The roses grown there were considered among the finest in the world. The Song of Solomon compares God to the beauty of Sharon’s rose: “I am the rose of Sharon, and the lily of the valleys.” (Song of Solomon 2:1, KJV). Likewise, we compare our Lord Jesus Christ to the Rose of Sharon.

The imagery of today’s verse signifies a future filled with peace, abundance, and safety for those who earnestly seek God. It also mentions the Valley of Achor. This valley was associated with the sin of Achan and the trouble that befell Israel as a result (Joshua 7:26). Yet, the prophecy transforms it into a place where herds may lie down in safety, symbolizing hope, rest, and renewal for God’s people.

In essence, the message of today’s meditation is clear: if we are a people who seek the Lord and long for His fellowship, blessings will surely follow. The imagery of “fold of flocks” and “a place for herds” reflects a peaceful life. Just as sheep and cattle, after wandering in search of food during the day, find rest in their folds at night, so also those who seek the Lord will find rest for their souls.

Today, the people of the world wander restlessly without peace. But our Lord Jesus Christ is both the fold for the sheep (John 10) and the resting place for the herds. He lovingly invites us saying, “Come unto me, all ye that labour and are heavy laden, and I will give you rest.” (Matthew 11:28, KJV).

Yes, beloved, if we truly desire perfect peace and prosperity, it is not by seeking money but by seeking the Lord daily in our lives. Then, just as He grants peaceful rest to sheep and cattle in fertile valleys, so will He cause us to dwell in peace. “Seek the Lord, and his strength: seek his face evermore.” (Psalm 105:4, KJV)

God’s Message: Bro. M. Geo Prakash