🦋 Meditation verse - 1 நாளாகமம் 16 : 11 / 1 Chronicles 16:11

"விதைகளின் உள்ளே" 🌳 

வேதாகமத் தியானம் எண் - 1693                                           ஆதவன் 26.09.2025 வெள்ளி         

"கர்த்தரையும் அவர் வல்லமையையும் நாடுங்கள்; அவர் சமுகத்தை நித்தமும் தேடுங்கள்." ( 1 நாளாகமம் 16 : 11 )

நமது அன்றாட வாழ்வில் உலகப் பொருட்களையல்ல; மாறாக, கர்த்தரைத் தேடுபவர்களாக நாம் வாழவேண்டியது அவசியம் என்று இன்றையத்  தியான வசனம் நமக்கு அறிவுறுத்துகின்றது. 

கர்த்தரைத் தங்களது உலக ஆசை இச்சைகளை நிறைவேற்றிடத் தேடுவோருக்கும் உண்மையயான ஆத்தும சிந்தையோடு  தேடுவோருக்கும்   மிகுந்த வேறுபாடு உண்டு. வழிபாட்டு முறைமைகளும் தாங்கள் சார்ந்திருக்கும் சபைப் பிரிவிற்கும் அடிமையாகியிருப்பவர்கள் கர்த்தரைத் தேடுபவர்கள் என்று சொல்லமுடியாது. அவர்கள் தங்களது சுய விருப்பத்தையும் எண்ணங்களையும் நிறைவேற்றிட ஆலய வழிபாடுகளில் கலந்துகொள்பவர்கள். 

மேலும், உலக ஆசைகளை நிறைவேற்ற விரும்பி தேவனை தேடுபவன் மேம்போக்கான எண்ணம் கொண்டவனாகவே இருப்பான். தேவனது வல்லமை மகத்துவங்களோ, தேவனிடம்  அன்புறவோ அத்தகைய மனிதனிடம் இருக்காது. ஆத்தும தாகம் என்பதை தேவனை தேடுபவனிடம் மட்டுமே காண முடியும். வெயிலில் நடந்து களைப்படைந்த   மனிதன் ஒரு குவளைத்  தண்ணீர் கிடைத்திடாதா என ஏங்குவதுபோல ஆத்தும  தாகங்கொண்டவன் தேவனைத் தாகங்கொண்டுத் தேடுவான்.

வேதத்தில் குறிப்பிடப்பட்டுள்ள பரிசுதவான்களிடம் இத்தகைய தாகம் இருந்தது. ஜீவ ஊற்றாகிய தேவனிடமிருந்து ஜீவ தண்ணீர் இருதயத்தில் பாய்ந்து நிரப்பிட வேண்டும் என்பதே அவர்களது நெஞ்சத்தின் பெரு விருப்பமாக இருந்தது. தேவன் இத்தகைய மன விருப்பத்துடன் மனிதர்கள் தன்னைத் தேடவேண்டுமேன்றே விரும்புகிறார். 

தாவீது ராஜா இத்தகைய இறை அனுபவத்தைக் கொண்டிருந்தார். அவர் ஒரு பெரிய ராஜாவாக இருந்தபோதும் அந்த ராஜ பதவியோ செல்வமோ அவருக்கு ஆத்தும திருப்தியைத் தரவில்லை. தேவ ஐக்கியமே அவரது தாகமாக இருந்தது. எனவேதான் அவர் ஆத்மார்த்த அன்புடன் கூறுகிறார்: "மானானது நீரோடையை வாஞ்சித்துக் கதறுவதுபோல, தேவனே என் ஆத்துமா உம்மை வாஞ்சித்துக் கதறுகிறது" (சங்கீதம் - 42:1)

தேவனது அன்பை நாம் வாழ்வில் ருசித்திருப்போமானால் அவரை நாம் உண்மையாக அன்புசெய்து அவரைத் தேடுகிறவர்களாக இருப்போம்.  உலகப் பொருட்கள்மேல் நாம் அன்புகொண்டு வாழ்வோமானால் அவற்றைத் தேடுபவர்களாகவும் அவற்றுக்காக ஜெபிப்பவர்களாகவுமே இருப்போம். "தேவனைத் தேடுகிற உணர்வுள்ளவன் உண்டோ என்று பார்க்க, கர்த்தர் பரலோகத்திலிருந்து மனுபுத்திரரைக் கண்ணோக்கினார்" ( சங்கீதம் 14 : 2 ) என்று வாசிக்கின்றோம். ஆம் அன்பானவர்களே, இந்த உலகத்தில் வாழும் கோடிக்கணக்கான மக்களிடையே தன்னைத் தேடுபவர்கள் உண்டுமா என்று அவர் பார்த்துக்கொண்டிருக்கிறார். 

அவரைத் தேடும் மனமுள்ள மனிதர்களைக் காணும்போது அவரும் மகிழ்ச்சியடைகின்றார். "முள்ளுகளுக்குள்ளே லீலிபுஷ்பம் எப்படியிருக்கிறதோ, அப்படியே குமாரத்திகளுக்குள்ளே எனக்குப் பிரியமானவளும் இருக்கிறாள்"( உன்னதப்பாட்டு 2 : 2 ) என்று அவர் கூறத்தக்கதாக  உண்மையாய் அவரைத்தேடும்  மனிதர்களை அவர் பார்க்கின்றார். உலக முட்களுக்கிடையே பூத்திருக்கும் அழகிய லீலிமலர்போல அவருக்கு அவர்கள் இருக்கின்றனர்.  

தேவனிடமிருந்து எதனையும் பெற்றுக்கொள்ளவேண்டும் எனும் எண்ணத்தில் அவரைத் தேடாமல் அவரே நமது வாழ்வில் எல்லாமாக இருக்கவேண்டும் எனும் ஆவலில் நாம் அவரைத் தேடும்போது தேவன் நம்மேல் அன்புகூருகின்றார். நாம் தேவனைத் தேடுகிறோமா தேவனிடமிருந்து வரும் பொருள் ஆசீர்வாதங்களைத் தேடுகிறோமா? தேவனையேத் தேடுவோமெனில் அவர் இருதயத்தில் சுரக்கும்  ஜீவத்தண்ணீரால் நம்மைத் திருப்தியாக்குவார். அது என்றும் வற்றாத நீரூற்றாக நமது இருதயத்தில் சுரந்துகொண்டிருக்கும். 

"வேதவாக்கியம் சொல்லுகிறபடி என்னிடத்தில் விசுவாசமாயிருக்கிறவன் எவனோ, அவன் உள்ளத்திலிருந்து ஜீவத்தண்ணீருள்ள நதிகள் ஓடும்" ( யோவான் 7 : 38 ) என்று இயேசு கிறிஸ்துக் கூறவில்லையா? கிறிஸ்துவிடம் விசுவாசம் கொள்வது என்பது அவர் தரும் உலக ஆசீர்வாதங்களுக்காக என நாம் எண்ணிக்கொள்வோமானால் நம்மை நாமே ஏமாற்றிக்கொள்பவர்களாக இருப்போம். அப்படி வாழ்வது தண்ணீர் நிற்காத வெடிப்புள்ள தொட்டிகளைக் கட்டுவது போன்றதாகும். 

அத்தகைய மனிதர்களைப்பார்த்து தேவன் வேதனையுடன் கூறுகின்றார், "என் ஜனங்கள் இரண்டு தீமைகளைச் செய்தார்கள்; ஜீவத்தண்ணீர் ஊற்றாகிய என்னை விட்டுவிட்டார்கள்; தண்ணீர் நிற்காத தொட்டிகளாகிய வெடிப்புள்ள தொட்டிகளைத் தங்களுக்கு வெட்டிக்கொண்டார்கள்" ( எரேமியா 2 : 13 ) என்று. எனவே, இந்த இரண்டு தீமைகளையும் செய்பவர்களாக அல்லாமல் கர்த்தரையும் அவர் வல்லமையையும் நாடுவோம்; அவர் சமுகத்தை நித்தமும் தேடுவோம்.

தேவ செய்தி :- சகோ. எம். ஜியோ பிரகாஷ்              

“Inside the Seeds” 🌳

Scripture Meditation No. 1693
AATHAVAN – Friday, 26.09.2025

"Seek the Lord and His strength; Seek His face continually." (1 Chronicles 16:11)

Today’s meditation verse teaches us that in our daily life, we should not be seekers of worldly possessions, but rather seekers of the Lord.

There is a vast difference between those who seek God to fulfil their worldly desires and those who seek Him with true spiritual longing. Those who are bound to denominational rituals or merely follow worship patterns cannot be called true seekers of the Lord. Such people attend worship to satisfy their own wishes and ideas rather than to truly pursue Him.

Moreover, the one who seeks God only to satisfy worldly desires has a superficial motive. They do not experience the majesty of God’s power or a loving relationship with Him. True spiritual thirst can only be found in those who earnestly seek the Lord. Just as a weary traveller under the hot sun longs for a cup of water, so too does the soul-thirsty person long after God.

Such thirst was evident in the saints mentioned in the Scriptures. Their hearts’ deepest longing was to be filled with the living water flowing from the fountain of life, who is God Himself. God desires that people seek Him with this kind of longing.

King David had such a divine experience. Though he was a great king, neither his throne nor his riches satisfied his soul. His true thirst was for communion with God. That is why he cried out in loving devotion: "As the deer pants for the water brooks, So my soul pants for You, God." (Psalm 42:1)

If we have truly tasted the love of God, then we will love Him sincerely and seek Him earnestly. But if our affection is upon worldly things, then we will pray and pursue those things. As it is written: "The Lord has looked down from heaven upon the sons of mankind To see if there is anyone who understands, Who seeks after God." (Psalm 14:2). Yes, beloved, among the multitudes living in this world, the Lord is still watching to see if there are those who seek Him.

When He finds those who truly seek Him, His heart rejoices. Of such people He can say: "Like a lily among the thorns, So is my darling among the young women." (Song of Solomon 2:2). In the midst of the world’s thorns, such seekers are like beautiful lilies blossoming before His eyes.

If we seek God not to gain something from Him, but because He Himself is everything to us, then He delights in us. Let us ask ourselves: Do we seek the Lord Himself, or do we only seek the blessings that come from Him? If we truly seek Him, He will satisfy us with the living water that flows from His heart—an unfailing fountain within us.

Did not Jesus Christ say: "The one who believes in Me, as the Scripture said, ‘From his innermost being will flow rivers of living water.’" (John 7:38)? If we believe in Christ only for the sake of worldly blessings, then we deceive ourselves. Such a life is like building cracked cisterns that cannot hold water.

Concerning such people, God laments: "For My people have committed two evils: They have abandoned Me, The fountain of living waters, To carve out for themselves cisterns, Broken cisterns That do not hold water." (Jeremiah 2:13). Therefore, let us not be among those who commit these two evils, but rather let us seek the Lord and His strength; let us seek His face continually.

Message by: Bro. M. Geo Prakash