மெய்யான பக்தி / TRUE PIETY

ஆதவன் 🔥 911🌻 ஜூலை 27, 2023 வியாழக்கிழமை

"திக்கற்ற பிள்ளைகளும் விதவைகளும் படுகிற உபத்திரவத்திலே அவர்களை விசாரிக்கிறதும், உலகத்தால் கறைபடாதபடிக்குத் தன்னைக் காத்துக்கொள்ளுகிறதுமே பிதாவாகிய தேவனுக்குமுன்பாக மாசில்லாத சுத்தமான பக்தியாயிருக்கிறது." ( யாக்கோபு 1 : 27 )

இந்த உலகத்தில் தங்களது தேவ பக்தியைக் காட்டிட மக்கள் பல்வேறு முயற்சிகளைச் செய்கின்றனர்.  இத்தகைய முயற்சிகளைச் செய்யும் பலரிடம்  தங்களது பக்திச் செயல்களை மற்றவர்கள் பார்க்கவேண்டும்; பாராட்டவேண்டும் எனும் எண்ணமும் இருக்கின்றது. ஆனால் நமது கர்த்தராகிய இயேசு கிறிஸ்து இத்தகைய பக்திச் செயல்கள் அந்தரங்கமாக இருக்கவேண்டுமென்று கற்பித்தார். 

ஜெபம் செய்யவேண்டுமானால் நமது ஜெபம் பிதாவுக்கு மட்டும் தெரியத்தக்கதாக அந்தரங்கத்தில் அறைவீட்டில் கதவுகளை மூடி ஜெபம் பண்ணவேண்டும். உபவாசம் செய்வது பிறருக்குத் தெரியக்கூடாதபடி தலைக்கு எண்ணெய்பூசி முக உற்சாகத்துடன், நாம் உபவாசிப்பது பிறருக்குத் தெரியாதபடி உபவாசம் இருக்கவேண்டும். காணிக்கை அளிப்பது மற்றவர்களுக்குத் தெரியாமல் அளிக்கவேண்டும்  என்பதுபோன்ற பல காரியங்களைக் கூறினார். ஆனால் இன்று கிறிஸ்தவர்கள் பலரும் இவற்றில் எதையுமே கடைபிடிப்பதில்லை. 

தெருவில் நின்று ஜெபிப்பது, தான் ஜெபிப்பதையும் தர்மம் செய்வதையும்   வீடியோ எடுத்து முகநூலிலும் வாட்ஸ் அப்பிலும் இதர சமூக ஊடகங்களிலும் வெளியிடுவது, உபவாச ஜெபம் என போஸ்டர் அடித்து விளம்பரம் செய்வது என்பவைதான்  கிறிஸ்தவ பக்திச் செயல்கள் என மாறிவிட்டன. இதற்குக் காரணம் பெருமை. வசன எண்களை  மனப்பாடம் செய்து ஒப்பிட்டுவிக்கும் இவர்களுக்கு "பெருமையுள்ளவர்களுக்குத் தேவன் எதிர்த்து நிற்கிறார்" (1 பேதுரு 5:5) எனும் வசன அறிவு இல்லாமல்போனது ஆச்சரியமான அவலமான உண்மை.  

மேலும் சிலர் கிறிஸ்துவின் படங்கள் சொரூபங்களுக்கு மாலை அணிவித்து மெழுகுவர்த்தி ஏற்றி, நறுமண தூபங்கள், அகர்பத்திகள் கொளுத்தி பக்தியை வெளிப்படுத்துகின்றனர்.  

ஆனால், இன்றைய வசனம்,  திக்கற்ற பிள்ளைகளுக்கும் விதவைகளுக்கும்   உதவுவதும் உலகத்தால் கறைபடாதபடிக்குத் தன்னைக் காத்துக்கொள்ளுகிறதுமே பிதாவாகிய தேவனுக்குமுன்பாக மாசில்லாத சுத்தமான பக்தியாயிருக்கிறது என்று கூறுகின்றது. அதாவது ஏழைகளுக்கு உதவுவதும் நமது உடலை பாவத்துக்கு உட்படுத்தாமல் பரிசுத்தமாய்க் காத்துக்கொள்வதுமே மெய்யான தேவ பக்தி என்று கூறுகின்றது. 

ஏழைகளுக்கு உதவுமுன்  முதலில் நாம் உலகத்தால் கறைபடாதபடி  பரிசுத்தமாய் வாழவேண்டியது அவசியம். அதாவது, ஏமாற்று, கைக்கூலி, அடுத்தவர் சொத்தை வஞ்சித்தல் போன்ற காரியங்களில் ஈடுபட்டு அந்தப் பணத்தில் ஒரு பகுதியை ஏழைகளுக்குக் கொடுப்பது தேவன் விரும்பும் செயலல்ல.  ஆனால் இன்றைய  விளம்பர உலகில் இப்படிச் செய்பவர்களையே உலகம் மதிக்கின்றது. எனவே உலக பெருமையை விரும்புகின்றவர்கள் இப்படிப்பட்டச் செயல்பாடுகளில் ஈடுபடுகின்றனர். 

அன்பானவர்களே, வெளியரகமானச்  சில பக்திச் செயல்பாடுகளையோ  தேவையற்ற விளம்பர முயற்சிகளையோ தேவன் அங்கீகரிப்பதில்லை. உண்மையாக நேர்மையாக சம்பாதித்தப் பணத்தில்  ஏழைகளுக்கு உதவிகள் செய்வதும் பாவமில்லாமல் நமது உடலைப்  பரிசுத்தமாய்க் காத்துக்கொள்வதுமே தேவன் விரும்பும் பக்தி. இதுவே  பிதாவாகிய தேவனுக்கு ஏற்புடைய பக்தியாயிருக்கிறது.

தேவ செய்தி:- ✍️ சகோ. எம். ஜியோ பிரகாஷ்                                                  தொடர்புக்கு:- 9688933712                  

                                       TRUE PIETY 

AATHAVAN 🔥 911🌻 Thursday, July 27, 2023

“Pure religion and undefiled before God and the Father is this, To visit the fatherless and widows in their affliction, and to keep himself unspotted from the world.” ( James 1 : 27 )

People make various efforts to show their godliness in this world. Many who make such acts want to show their piety to others. There is also a desire to get appreciation and acknowledgement from others. But our Lord Jesus Christ taught that such acts of devotion should be private.

We should pray in privacy, with the doors closed so that only the Father can know our prayer. Fasting should be done in such a way that others do not know that we are fasting. Similarly, offerings should be done without others knowing. But many Christians today practice none of these things.

Many stand on roadside and praying, taking videos of their prayer and charity works and publishing them on Facebook, WhatsApp and other social media, paste advertising posters as fasting prayers etc. These are becoming acts of Christian devotion. This is because of their pride. It is a surprising sad fact that these people who memorize Bible verses with their numbers have lost the knowledge of the verse that "God opposes the proud" (1 Peter 5:5).

And some express their devotion by garlanding images of Christ, lighting candles, burning incense sticks etc.

But today's verse says that to visit the fatherless and widows in their affliction, and to keep himself unspotted from the world is pure piety before God the Father. That is, helping the poor and keeping our body pure without subjecting it to sin is said to be true devotion to God.

Before helping the poor, we must first live holy so that we are not defiled by the world. In other words, engaging in cheating, bribery, embezzling someone's property and giving a portion of that money to the poor is not an act that God wants. But in today's advertising world, the world respects those who do so. Hence, those who want worldly glory engage in such activities.

Beloved, God does not approve of some extraneous devotional activities or unnecessary publicity efforts. Helping the poor with honestly earned money and keeping our body clean without sin is the kind of devotion that God wants. This is the devotion acceptable to God the Father.

God’s Message:- ✍️ Bro. M. Geo Prakash