🦋 Meditation verse - யாக்கோபு 1: 14, 15 / James 1:14-15

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1866

🔆 2026 மார்ச் 18, புதன்         

"அவனவன் தன்தன் சுய இச்சையினாலே இழுக்கப்பட்டு, சிக்குண்டு, சோதிக்கப்படுகிறான். பின்பு இச்சையானது கர்ப்பந்தரித்து, பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும்." ( யாக்கோபு 1: 14, 15)

பத்துக்கட்டளைகளின் இறுதிக் கட்டளை இச்சியாதிருப்பாயாக என்பது. அடுத்தவர்களது பொருட்கள்மேல்; மனிதர்கள்மேல்  அளவுக்கதிகமாக ஆசைப்படுவதே இச்சை. அல்லது, தனக்கு உடமை இல்லாத பொருள்மேல் ஆசைகொண்டு மனதளவில் அதனை விரும்புவது இச்சை என்று கூறலாம். பொதுவாக அனைத்துப் பாவங்களுக்கும் அடிப்படையானது இச்சையே. உலகின் முதல் பாவமும் இச்சையினால்தான் உலகினில் வந்தது.

"அப்பொழுது ஸ்திரீயானவள், அந்த விருட்சம் புசிப்புக்கு நல்லதும், பார்வைக்கு இன்பமும், புத்தியைத் தெளிவிக்கிறதற்கு இச்சிக்கப்படத்தக்க விருட்சமுமாய் இருக்கிறது என்று கண்டு, அதின் கனியைப் பறித்து, புசித்து, தன் புருஷனுக்கும் கொடுத்தாள்; அவனும் புசித்தான்." ( ஆதியாகமம் 3: 6) என்று வாசிக்கின்றோம். இன்றைய தியான வசனம் இதனையேத் தெளிவுபடுத்துகின்றது. 

நமக்கு உரிமையில்லாத ஒன்றின்மேல் நாம் ஆசைக்கொள்வது கூடப் பாவம்தான். பலர் அப்படி ஆசைகொண்டு அதனை நிறைவேற்றிட மனம்முழுவதும் எண்ணம்கொண்டிருந்தாலும் சமூகத்துக்குப் பயந்தும், அதனை நிறைவேற்றிட வாய்ப்பு இல்லாததாலும் உலகத்துக்கு நல்லவர்களாக இருக்கின்றனர். எனவேதான், ஆண்டவர் இயேசு, "நான் உங்களுக்குச் சொல்லுகிறேன்; ஒரு ஸ்திரீயை இச்சையோடுபார்க்கிற எவனும் தன் இருதயத்தில் அவளோடே விபசாரஞ்செய்தாயிற்று." ( மத்தேயு 5: 28) என்று கூறுகின்றார். 

இப்படி இச்சையானது நம்மைப் பாவத்துக்கு நேராக இழுத்துச் செல்கின்றது. பெண்ணாசை எனும் இச்சையில் விழுந்த தாவீது உரியாவின் மனைவியை அடைவதற்காக அவனைக் கொலைசெய்தார்; பாவத்தில் விழுந்தார்.  நாபோத்துக்குச் சொந்தமான திராட்சைத் தோட்டத்தின்மேல் ஆகாப் இராஜா இச்சைகொண்டதால் மனைவி யேசபேலின் ஆலோசனையின்படி நாபோத்தைக் கொன்றான் (1 இராஜாக்கள் 21).  அதுபோல, முப்பது வெள்ளிக்காசின்மேல் ஆசைப்பட்ட யூதாஸ் நமது ஆண்டவராகிய இயேசு கிறிஸ்துவைக் காட்டிக்கொடுத்தான்; தற்கொலைசெய்து மாண்டான். 

இதனால்தான் இன்றைய தியான வசனத்தில் அப்போஸ்தலரான யாக்கோபு, "இச்சையானது கர்ப்பந்தரித்து, பாவத்தைப் பிறப்பிக்கும், பாவம் பூரணமாகும்போது, மரணத்தைப் பிறப்பிக்கும்" என்று கூறுகின்றார். 

ஆம் அன்பானவர்களே, இச்சை எனும் பாவத்தில் இருந்து மனித முயற்சியால் யாரும் எளிதில் விடுபடமுடியாது. ஆவியானவர் நமக்குள் இருந்து இயக்கும்போது மட்டுமே நாம் ஆவிக்கேற்ற மனிதர்களாக மாறமுடியும்; இத்தகைய இச்சையைகளிலிருந்து விடுபடமுடியும். பத்துக் கட்டளை உட்பட எந்தக் கட்டளையும் எது பாவம் என்று மட்டும் நமக்குக் கற்பிக்கும் ஆனால் அவைகளிலிருந்த்து விடுவிக்காது. எனவேதான் "......பாவம் இன்னதென்று நியாயப்பிரமாணத்தினால் நான் அறிந்தேனேயன்றி மற்றப்படி அறியவில்லை; இச்சியாதிருப்பாயாக என்று நியாயப்பிரமாணம் சொல்லாதிருந்தால், இச்சை பாவம் என்று நான் அறியாமலிருப்பேனே." ( ரோமர் 7: 7) என்கின்றார் பவுல். 

ஆனால், அந்த நியாயப்பிரமாண கட்டளையல்ல, கிறிஸ்து இயேசுவின் மூலம் உண்டாகியுள்ள கிருபையே நம்மை இந்தப் பாவங்களிலிருந்து விடுவிக்க முடியும் என்கின்றார் அவர்.  எனவேதான்,  "பின்னும் நான் சொல்லுகிறதென்னவென்றால், ஆவிக்கேற்றபடி நடந்துகொள்ளுங்கள், அப்பொழுது மாம்ச இச்சையை நிறைவேற்றாதிருப்பீர்கள்" ( கலாத்தியர் 5: 16) என்கின்றார். மேலும், "கிறிஸ்து இயேசுவினாலே ஜீவனுடைய ஆவியின் பிரமாணம் என்னைப் பாவம் மரணம் என்பவைகளின் பிரமாணத்தினின்று விடுதலையாக்கிற்றே." ( ரோமர் 8: 2) என்றும் கூறுகின்றார். 

தேவ கட்டளைகளுக்கு மதிப்பளிப்போம்; அவைகளை வாழ்வில் கடைபிடிக்க நமது முயற்சியினை முற்றிலும் நம்பாமல் கிறிஸ்துவை விசுவாசிப்போம். அப்படி அவரை விசுவாசிப்பதன்மூலம்  உண்டாகியுள்ள கிருபையினைச் சார்ந்துகொள்வோம். அப்போதுதான் நாம் இச்சை உண்டாக்கும் பாவத்திலிருந்து விடுதலை அடையமுடியும். 

தேவ செய்தி :- சகோ. எம். ஜியோ பிரகாஷ்

"Inside the Seeds" 🌳

📖 AATHAVAN Bible Meditation – No. 1866

🔆 Wednesday, March 18, 2026

"But each one is tempted when he is carried away and enticed by his own lust. Then when lust has conceived, it gives birth to sin; and when sin is accomplished, it brings forth death." (James 1:14-15)

The final commandment of the Ten Commandments is, "You shall not covet." Lust (or covetousness) is an excessive desire for the possessions or people belonging to others. It can be defined as harbouring a mental longing for something that one does not rightfully own. Generally, lust is the root of all sins. In fact, the very first sin entered the world through lust.

We read in Genesis 3:6: "When the woman saw that the tree was good for food, and that it was a delight to the eyes, and that the tree was desirable to make one wise, she took from its fruit and ate; and she gave also to her husband with her, and he ate." Today’s meditation verse clarifies this very progression.

Even desiring something that does not belong to us is sin. Many people appear "good" in the eyes of the world simply because they fear social consequences or lack the opportunity to act on their desires, even though their minds are consumed with thoughts of fulfilling them. This is why the Lord Jesus said: "But I say to you that everyone who looks at a woman with lust for her has already committed adultery with her in his heart" (Matthew 5:28).

In this way, lust drags us toward sin. David fell into the lust of the flesh and murdered Uriah to take his wife, falling deep into sin. King Ahab coveted Naboth’s vineyard and, following his wife Jezebel’s advice, had Naboth killed (1 Kings 21). Similarly, Judas—driven by a lust for thirty pieces of silver—betrayed our Lord Jesus Christ and ended his life in suicide.

This is why the Apostle James says in today’s verse, "Then when lust has conceived, it gives birth to sin; and when sin is accomplished, it brings forth death."

Yes, dear friends, no one can easily escape the sin of lust through human effort alone. Only when the Holy Spirit works within us can we be transformed into spiritual people and be set free from such desires. The Law, including the Ten Commandments, can only teach us what sin is; it cannot deliver us from it. As Paul says: "...I would not have come to know sin except through the Law; for I would not have known about coveting if the Law had not said, 'You shall not covet'" (Romans 7:7).

However, Paul explains that it is not the legalistic commandment, but the Grace available through Jesus Christ that delivers us from these sins. He instructs us: "But I say, walk by the Spirit, and you will not carry out the desire of the flesh" (Galatians 5:16). He further testifies: "For the law of the Spirit of life in Christ Jesus has set you free from the law of sin and of death" (Romans 8:2).

Let us value God's commandments. To follow them in our lives, let us not rely entirely on our own efforts but put our faith in Christ. Let us lean on the Grace that comes through believing in Him. Only then can we find true liberation from the sin that lust produces.

Message by: Bro. M. Geo Prakash                                                                   

🦋 Meditation verse- 2 தீமோத்தேயு 1: 7 / 2 Timothy 1:7

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1865

🔆 2026 மார்ச் 17, செவ்வாய்        

"தேவன் நமக்குப் பயமுள்ள ஆவியைக் கொடாமல், பலமும் அன்பும் தெளிந்த புத்தியுமுள்ள ஆவியையே கொடுத்திருக்கிறார்." (2 தீமோத்தேயு 1: 7)

ஆவிகளைக்குறித்த பயம் ஆதிகாலம் முதல் மனிதர்களுக்குள் இருக்கின்றது. அசுத்த  ஆவியான சாத்தானைக்குறித்த பயம், இறந்தவர்கள் ஆவியாக அலைந்து திரிவார்கள் எனும் எண்ணம் இவை மனிதர்களுக்குள் இருக்கின்றது. பொதுவாக ஆவிகளை மனிதர்கள் இருளோடு கற்பனை செய்துகொள்கின்றனர். எனவே பலர் இருளான இடங்களுக்குச் செல்லப்  பயப்படுவதுண்டு. 

ஆனால் தேவன் நமக்கு இப்படிப் பயப்படுவதற்கான ஆவியைத் தரவில்லை என்கின்றார் அப்போஸ்தலரான பவுல். பரிசுத்த ஆவியானவரைக்குறித்து கிறிஸ்தவர்களில் சிலர்கூட பயப்படுவதுண்டு. காரணம், சில ஜெபக்கூட்டங்களில் பரிசுத்த ஆவி இறங்கியதாகக் கூறிச்  சிலர் தரையில் உருண்டு புரளுவது, விசித்திரமாக கூக்குரலிடுவது போன்ற செயல்பாடுகளில் ஈடுபடுவதுதான். ஆனால் வேதாகமம் இப்படிக் கூறவில்லை. பிசாசுபிடித்தவர்கள்தான் இப்படி உருண்டு புரள்வது, செத்தவர்கள்போல விழுந்து கிடப்பது என நாம் வேதாகமத்தில் வாசிக்கின்றோம். பிசாசு பிடித்தவர்கள் இயேசு கிறிஸ்துவைக் கண்டபோது இப்படி விழுந்து புரண்டனர். 

ஆனால், பரிசுத்த ஆவியானவர் அமைதியின் ஆவியானவர். ஆவியானவர் இருக்குமிடத்தில் சமாதானம் இருக்கும், மகிழ்ச்சி இருக்கும். ஆவியானவர் வெளியரங்கமான பயமூட்டும் காரியங்களைச் செய்யமாட்டார். அவர் நமக்குள் இருந்து செயல்படுபவர். நமக்குப் போதிப்பவர், நாம் நடக்கவேண்டிய பாதையைக் காட்டுபவர். நமது இருதயத்தை சமாதானத்தால் நிறைப்பவர். நாம் ஆவிக்குரிய கனியுள்ள வாழ்க்கை வாழ உதவுபவர். ஆம், "ஆவியின் கனியோ, அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம்; இப்படிப்பட்டவைகளுக்கு விரோதமான பிரமாணம் ஒன்றுமில்லை." ( கலாத்தியர் 5: 22, 23)

மேலும், "ஆவியின் கனி, சகல நற்குணத்திலும் நீதியிலும் உண்மையிலும் விளங்கும்." ( எபேசியர் 5: 9) என்று கூறப்பட்டுள்ளது. ஆம்  அன்பானவர்களே, எனவே நாம் தேவனுக்கேற்ற வாழ்க்கை வாழவேண்டுமானால் இந்தப் பரிசுத்த ஆவியானவர் நமக்குத் தேவையாக இருக்கின்றார். இந்த ஆவியானவர் பயமுறுத்தும் ஆவியல்ல; மாறாக, நமக்கு ஆவிக்குரிய வாழ்க்கை வாழ்வதற்கான  பலமும் கிறிஸ்துவில் இருந்ததுபோன்ற அன்புநம்மில் உருவாகவும்,   நமக்குத் தெளிந்த புத்தியும் தரக்கூடியவர். 

நாம் கடவுளுடைய பிள்ளைகள் என்பதற்குப் பரிசுத்த ஆவியானவர் நமக்குள் இருப்பதுதான் அடையாளம். இதனால்தான் அப்போஸ்தலரான பவுல், "மேலும் எவர்கள் தேவனுடைய ஆவியினாலே நடத்தப்படுகிறார்களோ, அவர்கள் தேவனுடைய புத்திரராயிருக்கிறார்கள்." ( ரோமர் 8: 14) என்று கூறுகின்றார். இந்த ஆவியானவரை நாம் பெறவில்லையானால் நாம் அவருடையவர்கள் அல்ல. "கிறிஸ்துவின் ஆவியில்லாதவன் அவருடையவனல்ல." ( ரோமர் 8: 9)

ஆவியானவர் நமக்குள் இருக்கின்றார் என்றால் நமது அப்பா நம்மோடு இருக்கின்றார் என்று பொருள். எனவே அவர் நமக்குள் வரும்போது நாம் பயப்படத் தேவையே இருக்காது. "அந்தப்படி, திரும்பவும் பயப்படுகிறதற்கு நீங்கள் அடிமைத்தனத்தின் ஆவியைப் பெறாமல், அப்பா பிதாவே, என்று கூப்பிடப்பண்ணுகிற புத்திரசுவிகாரத்தின் ஆவியைப் பெற்றீர்கள்." ( ரோமர் 8: 15) என்று பவுல் அப்போஸ்தலர் கூறவில்லையா? 

இந்த ஆவியானவரைப்  பெற்றுக்கொள்ள ஆர்வமுடன் வாஞ்சிப்போம்.  அப்படிப் பெறும்போது நமது ஆவிக்குரிய வாழ்க்கையே மாறுதல் அடையும். "கேட்கிற எவனும் பெற்றுக்கொள்கிறான்" என்கிறார் ஆண்டவராகிய இயேசு  கிறிஸ்து. 

தேவ செய்தி :- சகோ. எம். ஜியோ பிரகாஷ்

“Within the Seeds” 🌳

📖 AATHAVAN Bible Meditation – No. 1865

🔆 Tuesday, March 17, 2026

“For God has not given us a spirit of timidity, but of power and love and discipline.” — 2 Timothy 1:7

The fear of spirits has existed among people since ancient times. Many fear the unclean spirit—Satan—and some believe that the spirits of the dead wander about. Generally, people imagine spirits in connection with darkness. Because of this, many are afraid to go to dark places.

However, the apostle Paul says that God has not given us a spirit that causes such fear. Even among Christians, some are afraid when they think about the Holy Spirit. This fear often arises because in certain prayer gatherings people claim that the Holy Spirit has descended, and some individuals roll on the ground, shout strangely, or display unusual behaviour.

But the Bible does not teach this. In Scripture, such actions are associated with those who were possessed by demons. We read that when demon-possessed people encountered Jesus Christ, they fell down and convulsed before Him.

The Holy Spirit, however, is the Spirit of peace. Where the Spirit of God is present, there will be peace and joy. The Holy Spirit does not work through outward, frightening displays. Rather, He works within us. He teaches us and guides us in the path we should walk. He fills our hearts with peace and helps us live a fruitful spiritual life.

Yes, the Scripture says:

“But the fruit of the Spirit is love, joy, peace, patience, kindness, goodness, faithfulness, gentleness, self-control; against such things there is no law.” — Galatians 5:22–23.

It is also written:

“For the fruit of the Light consists in all goodness and righteousness and truth.” — Ephesians 5:9

Dear beloved, if we want to live a life that pleases God, we need the Holy Spirit. This Spirit is not one that frightens us. Instead, He gives us power to live a spiritual life, forms in us the love that was in Christ, and grants us a sound and disciplined mind.

The presence of the Holy Spirit within us is the sign that we are God’s children. That is why the apostle Paul says:

“For all who are being led by the Spirit of God, these are sons of God.” — Romans 8:14

If we do not have the Spirit of God, we do not belong to Him: “But if anyone does not have the Spirit of Christ, he does not belong to Him.” — Romans 8:9

If the Holy Spirit is within us, it means our Father is with us. Therefore, when He comes to dwell in us, there is no reason for fear.

As the apostle Paul writes:

“For you have not received a spirit of slavery leading to fear again, but you have received a spirit of adoption as sons by which we cry out, ‘Abba! Father!’” — Romans 8:15

Let us eagerly desire to receive this Holy Spirit. When we receive Him, our spiritual life will be transformed. Our Lord Jesus Christ said, “For everyone who asks, receives.”

Divine Message: Bro. M. Geo Prakash

🦋 Meditation verse - ஏசாயா 48: 17 / Isaiah 48:17

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1864

🔆 2026 மார்ச் 16, திங்கள்       

"இஸ்ரவேலின் பரிசுத்தராயிருக்கிற உன் மீட்பரான கர்த்தர் சொல்லுகிறதாவது: பிரயோஜனமாயிருக்கிறதை உனக்குப் போதித்து, நீ நடக்கவேண்டிய வழியிலே உன்னை நடத்துகிற உன் தேவனாகிய கர்த்தர் நானே." ( ஏசாயா 48: 17)

நமது தேவனாகிய கர்த்தர் உலக செல்வ ஆசீர்வாதங்களைத் தந்து நம்மை நடத்துபவரல்ல; மாறாக, நம்மை அவர் விரும்பும் பரிசுத்தமான வழியில் நாம் நடக்க விரும்புபவர், வழி நடத்துபவர். நான் பரிசுத்தர் எனவே நீங்களும் பரிசுத்தராய் இருங்கள் என்று கூறியவர் அப்படி நாம் பரிசுத்த வாழ்க்கை வாழ விரும்புபவராகவும்  அப்படி வாழ உதவி செய்பவராகவும் இருக்கின்றார்.  

இது எப்படியென்றால் ஒரு சிறந்த மருத்துவர் தன்னைப்போல தனது மகனும் மகளும் எதிர்காலத்தில் ஒரு மருத்துவராக வரவேண்டும் என்று ஆசைப்படுவதைப்போலவும், அவர்கள் அப்படி எதிர்காலத்தில் விளங்க அவர்களுக்கு அனைத்து உதவிகளையும் செய்வதுபோலவும் ஆகும்.

ஆம், இதுபோலவே கர்த்தரின் பரிசுத்தமான வழியில் நாம் நடப்பதற்கு வழிகாட்டவும் நமக்கு முன்மாதிரியாக அந்தப் பரிசுத்த வழியில் நடந்து மாதிரி காண்பிக்கவும் இயேசு கிறிஸ்து உலகத்தில் வந்தார். எனவேதான் அவர் கூறினார், " நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்." (யோவான் 14: 6) ஆம், பரிசுத்தரான பிதாவை அடைந்திட கிறிஸ்து ஒருவரே வழியும் உண்மையாய் இருக்கின்றார். 

இயேசு கிறிஸ்து உலகத்தில் இருந்த நாட்களில் தனது சீடர்களோடு இருந்து நடத்தினார். அவர் தனது மீட்புப் பணியினை நிறைவு செய்து மீண்டும் தந்தையிடம் செல்லுமுன்பாக தந்து சீடர்களை வழிநடத்தவும், தன்னை விசுவாசிப்பவர்களை பரிசுத்த வழியில் நடத்திடவும்  பரிசுத்த ஆவியனவரை வாக்களித்தார். பரிசுத்த ஆவியான "அவர் வந்து, பாவத்தைக்குறித்தும், நீதியைக்குறித்தும், நியாயத்தீர்ப்பைக்குறித்தும், உலகத்தைக் கண்டித்து உணர்த்துவார்."( யோவான் 16 : 8 ) என்றார் இயேசு கிறிஸ்து. 

"பிரயோஜனமாயிருக்கிறதை உனக்குப் போதித்து, நீ நடக்கவேண்டிய வழியிலே உன்னை நடத்துகிற உன் தேவனாகிய கர்த்தர் நானே" என்று வாக்களித்த கர்த்தராகிய இயேசு கிறிஸ்து இன்று பரிசுத்த ஆவியாக நம்முடனிருத்து நடத்துகின்றார். 

ஆனால், இன்றைய பெரும்பாலான மக்களுக்கு இயேசு கிறிஸ்து உலக ஆசீர்வாதங்களை கொடுக்கும் ஒரு தெய்வமாகவே காண்பிக்கப்படுகின்றார். அன்பானவர்களே, இந்த உலகத்தில் நடக்கக்கூடிய காரியங்களைக்கொண்டே இது தவறான எண்ணம் என்பதை நாம் உணர்ந்துகொள்ளலாம். இன்று உலக அளவில் ஆசீர்வாதங்களை பெற்றுள்ளவர்கள் கிறிஸ்துவை அறிந்தவர்களல்ல. கிறிஸ்துவை அறியாத, அவரது போதனைகளைக் கடைபிடிக்காதவர்களே இன்று பெரும் உலக பணக்காரர்களாகவுள்ளனர். இதிலிருந்தே கிறிஸ்து உலக ஆசீர்வாதங்களுக்காக வரவில்லை என்பது தெளிவு.

கிறிஸ்து இல்லாத வாழ்க்கையில் எவ்வளவு பணமோ பதவியோ இருந்தாலும் அங்கு பரிசுத்தம் இருக்காது; தேவனுக்கு  ஏற்புடைய ஒரு வாழ்க்கை இருக்காது. சமுதாயத்தில் மதிப்போடு பார்க்கப்படும் பலர் சில வேளைகளில் தவறு செய்து சட்டத்தின் பிடியில் சிக்கிக்கொள்ளும்போது அவர்களைப்பற்றி வெளிவரும் செய்திகள், "ஐயோ, இவரா இப்படியெல்லாம் செய்தார்?' என உலகம் ஆச்சரியப்படுகின்றது. ஆனால் நாம் கிறித்துவுக்குள் இருந்தால் இந்த ஆச்சரியம் நமக்கு வராது. காரணம், கிறிஸ்து இல்லாத வாழ்க்கை இப்படித்தான் இருக்குமென்று நமக்குத் தெரியும்.

"நானே திராட்சைச்செடி, நீங்கள் கொடிகள். ஒருவன் என்னிலும் நான் அவனிலும் நிலைத்திருந்தால், அவன் மிகுந்த கனிகளைக் கொடுப்பான்; என்னையல்லாமல் உங்களால் ஒன்றும் செய்யக்கூடாது." ( யோவான் 15: 5) என்று இயேசு கிறிஸ்து கூறவில்லையா? திராட்சைக் கொடியாகிய அவரோடு நாம்  இணைக்கப்பட்டால் மட்டுமே கனியுள்ள வாழ்க்கை வாழ முடியும். 

எனவே அன்பானவர்களே, பிரயோஜனமாயிருக்கிறதை நமக்குப் போதித்து, நாம் நடக்கவேண்டிய வழியிலே நம்மை நடத்துகிற நம் தேவனாகிய கர்த்தரிடம் நாம் நம்மை இணைத்துக்கொள்வோம். அப்போது, அவரே பிரயோஜனமாயிருக்கிறதை நமக்குப்  போதித்து நாம் நடக்கவேண்டிய பாதையில் நம்மை நடத்தி நித்திய ஜீவனை நாம் பெற்றிட உதவி செய்வார். 

தேவ செய்தி :- சகோ. எம். ஜியோ பிரகாஷ்

“Within the Seeds” 🌳
📖 AATHAVAN Bible Meditation – No. 1864

🔆 Monday, March 16, 2026

“This is what the LORD says, your Redeemer, the Holy One of Israel: ‘I am the LORD your God, who teaches you to benefit,
who leads you in the way you should go.’” — Isaiah 48:17

The Lord our God does not guide us merely by giving worldly riches and blessings. Rather, He desires that we walk in the holy path that He has prepared for us, and He Himself leads us in that way. The One who said, “You shall be holy, for I am holy,” also desires that we live a holy life and helps us to live in such holiness.

This is similar to how an excellent doctor desires that his son or daughter also become a doctor in the future and does everything possible to help them achieve that goal.

In the same way, Jesus Christ came into the world to guide us to walk in the holy way of the Lord and to set an example by walking in that holy path Himself. That is why He said:

“I am the way, and the truth, and the life; no one comes to the Father except through Me.” — John 14:6

Yes, Christ alone is the way and the truth through whom we can reach the holy Father.

During the days when Jesus Christ lived on earth, He personally stayed with His disciples and guided them. Before completing His redemptive work and returning to the Father, He promised to send the Holy Spirit to guide His disciples and lead all those who believe in Him in the path of holiness. Jesus said:

“And He, when He comes, will convict the world regarding sin, and righteousness, and judgment.” — John 16:8 (NASB)

The Lord Jesus Christ, who promised, “I am the LORD your God who teaches you to benefit and leads you in the way you should go,” is today guiding us through the Holy Spirit who dwells with us.

However, for many people today, Jesus Christ is often presented merely as a deity who grants worldly blessings. Dear friends, by observing what happens in this world, we can understand that this is a mistaken idea. Many who enjoy great worldly prosperity today do not even know Christ. In fact, some of the wealthiest people in the world neither know Christ nor follow His teachings. From this we can clearly understand that Christ did not come to grant worldly prosperity.

No matter how much wealth or position a person may have, if Christ is absent in that life, there will be no holiness and no life pleasing to God. Sometimes people who are respected in society commit serious wrongs and become caught in legal troubles. When such news appears, the world reacts with surprise, saying, “Oh! Did this person really do such things?” But if we understand life without Christ, this should not surprise us, because we know that a life without Christ can easily fall into such situations.

Did not Jesus say:

“I am the vine, you are the branches; the one who remains in Me, and I in him bears much fruit, for apart from Me you can do nothing.” — John 15:5

Only when we remain connected to Him, the true Vine, can we live a fruitful life.

Therefore, dear friends, let us unite ourselves with the Lord our God who teaches us what is beneficial and leads us in the way we should walk. Then He Himself will teach us what is good for us, guide us in the right path, and help us receive eternal life.

God’s Message: Bro. M. Geo Prakash

🦋 Meditation verse - எண்ணாகமம் 11: 23 / Numbers 11:23

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1863

🔆 2026 மார்ச் 15, ஞாயிறு      

"கர்த்தருடைய கை குறுகியிருக்கிறதோ? என் வார்த்தையின்படி நடக்குமோ நடவாதோ என்று. நீ இப்பொழுது காண்பாய்." ( எண்ணாகமம் 11: 23)

நாம் எதனையும் பல்வேறு விதங்களில் சிந்தித்துப் பார்த்து, இது நம்மால் முடியும் அல்லது  முடியாது என்று தீர்மானிக்கின்றோம். ஆனால் தேவன் இத்தகைய சிந்தனைகளுக்கு அப்பாற்பட்டவர் என்பதனையும் அவரால் கூடாத காரியம் எதுவும் இல்லை என்பதனையும் பலவேளைகளில் எண்ணிப்பார்க்க மறந்துவிடுகின்றோம். காரணம், நாம் பொதுவாக எப்போதும் மனித  மனநிலையிலிருந்தே தேவனையும் பார்க்கின்றோம்.  

இஸ்ரவேல் மக்களை மோசே வனாந்தரத்தில் வழிநடத்தியபோது தேவன் அதிசயமாக அவர்களுக்குத் தூதர்கள் உண்ணும்  மன்னாவைப் பொழிந்து பசியாற்றினார். ஆனாலும் அந்த மக்களுக்கு மன்னாவின்மேல் வெறுப்பு ஏற்பட்டுவிட்டது. "இப்பொழுது நம்முடைய உள்ளம் வாடிப்போகிறது; இந்த மன்னாவைத் தவிர, நம்முடைய கண்களுக்கு முன்பாக வேறொன்றும் இல்லையே என்று சொன்னார்கள்." ( எண்ணாகமம் 11: 6) என்று வாசிக்கின்றோம். அதாவது அவர்கள் நாவு இறைச்சி உணவுக்கு ஏங்கத்துவங்கியது. 

அவர்கள் இருந்த இடமோ வனாந்தரம். அங்கு வேறு எந்த உணவுக்கும் வாய்ப்பு இல்லை. ஆனால் இஸ்ரவேல் மக்களது ஏக்கத்தை மோசே தேவனிடம் தெரிவித்தபோது தேவன், "நீங்கள் ஒருநாள், இரண்டுநாள், ஐந்துநாள், பத்துநாள், இருபதுநாள் மாத்திரமல்ல, ஒரு மாதம்வரைக்கும் புசிப்பீர்கள்; அது உங்கள் மூக்காலே புறப்பட்டு, உங்களுக்குத் தெவிட்டிப்போகுமட்டும் புசிப்பீர்கள்; உங்களுக்குள்ளே இருக்கிற கர்த்தரை அசட்டைபண்ணி, நாங்கள் ஏன் எகிப்திலிருந்து புறப்பட்டோம் என்று அவருக்கு முன்பாக அழுதீர்களே என்று சொல் என்றார்". ( எண்ணாகமம் 11: 19, 20)

தேவன் கூறியது மனித கற்பனைக்கு எட்டாத ஒரு காரியம். எனவே, "அதற்கு மோசே: என்னோடிருக்கிற காலாட்கள் ஆறுலட்சம்பேர்; ஒரு மாதம் முழுவதும் புசிக்கும்படி அவர்களுக்கு இறைச்சி கொடுப்பேன் என்று சொன்னீரே. ஆடுமாடுகளை அவர்களுக்காக அடித்தாலும் அவர்களுக்குப் போதுமா? சமுத்திரத்து மச்சங்களையெல்லாம் அவர்களுக்காகச் சேர்த்தாலும் அவர்களுக்குப் போதுமா என்றான்." ( எண்ணாகமம் 11: 21, 22)

ஆறுலட்சம் மக்களுக்கு ஒரு மாதம் முழுவதும் உண்ணும்படி  இறைச்சி கொடுப்பேன் என்று தேவன் கூறியதை மோசேயாலேயே நம்ப முடியவில்லை. ஆம்,  தேவனோடு பேசி, நடந்து, தேவனது  நண்பனாக முகமுகமாய் தேவனோடு பேசக்கூடிய நிலையிலிருந்த மோசேயால்கூட தேவனது வார்த்தையினை நம்பமுடியவில்லை. எனவேதான் மோசேயிடம் தேவன், "கர்த்தருடைய கை குறுகியிருக்கிறதோ? என் வார்த்தையின்படி நடக்குமோ நடவாதோ என்று. நீ இப்பொழுது காண்பாய்" என்று இன்றைய தியான வார்த்தைகளைக் கூறுகின்றார். கூறியது மட்டுமல்ல, அவ்வாறே அவர்களுக்கு இறைச்சியை உண்ணக்கொடுத்தார். 

ஆம் அன்பானவர்களே, இன்று நமது சில பிரச்சனைகளுக்காக நாம் ஜெபித்தாலும் நம்மால் பலவேளைகளில் முழு விசுவாசம் ஏற்படுவதில்லை. மோசேயைப்போலவே இருக்கின்றோம். நமது விசுவாசம் அற்பமான விசுவாசமாகவே இருக்கின்றது. ஒருமுறை இயேசு கடல்மேல் நடப்பதைப்பார்த்துப்  பேதுருவும் தானும் அவ்வாறு நடக்க ஆசைப்பட்டார். கிறிஸ்துவும் அவரிடம் படகிலிருந்து இறங்கி  வருமாறு கூறினார். அவ்வாறே அவரும் கிறிஸ்துவை நோக்கி  கடல்மேல் நடந்தார். ஆனால், காற்று பலமாக வீசியதால் கிறிஸ்துவைவிட்டு சூழ்நிலையைப் பார்த்து அவிசுவாசம் கொண்டார். உடனேயே நீரில் மூழ்க ஆரம்பித்தார். பயந்து,  "ஆண்டவரே, என்னை இரட்சியும்" என்று கூவினார். "உடனே இயேசு கையை நீட்டி அவனைப் பிடித்து: அற்பவிசுவாசியே, ஏன் சந்தேகப்பட்டாய் என்றார்." ( மத்தேயு 14: 31)

நாமும் பலவேளைகளில் மோசேயைப்போலவும் பேதுருவைப்போலவும் அற்ப விசுவாசிகளாக நடந்துகொள்கின்றோம். மருத்துவர்களின் அச்சம்தரும் வார்த்தைகள், பயமுறுத்தும் காரியங்கள், கடன் சுமைகள் இவைகள் ஏற்படுத்தும் பயங்கரமான சூழ்நிலைகளைப் பார்த்து அவிசுவாசம் கொள்கின்றோம். தேவனால் நமது வாழ்வில் நாம் நம்பமுடியாத அளவுக்கு மாற்றங்களைக் கொண்டுவரமுடியும் என்று விசுவாசிப்போம்; கர்த்தருடைய கைகள்  குறுகிப்போனவையல்ல என்பதற்கு  வேதாகமத்தில் பல நூறு சாட்சிகள் இருக்கின்றன. 

தேவ செய்தி :- சகோ. எம். ஜியோ பிரகாஷ்

“Within the Seeds” 🌳

📖 AATHAVAN Scripture Meditation – No. 1863

🔆 Sunday, March 15, 2026

“Is the LORD’S power limited? Now you shall see whether My word will come true for you or not.” — Numbers 11:23

We often think about many things in different ways and decide whether something is possible or impossible for us. However, many times we forget that God is far beyond such human reasoning and that nothing is impossible for Him. The reason is that we usually view God from a human perspective.

When Moses was leading the people of Israel through the wilderness, God miraculously provided them with manna—the bread of heaven—to satisfy their hunger. Yet the people began to grow weary of the manna. We read:

“But now our appetite is gone. There is nothing at all to look at except this manna.” — Numbers 11:6

In other words, they began to crave meat.

The place where they were living was a wilderness, where there was no possibility of obtaining other kinds of food. When Moses reported the longing of the Israelites to God, the Lord said:

“You shall eat, not one day, nor two days, nor five days, nor ten days, nor twenty days, but a whole month, until it comes out of your nostrils and becomes loathsome to you; because you have rejected the LORD who is among you and have wept before Him, saying, ‘Why did we ever leave Egypt?’” — Numbers 11:19–20

What God said was beyond human imagination. Therefore, Moses responded:

“The people among whom I am are 600,000 on foot; yet You have said, ‘I will give them meat so that they may eat for a whole month.’ Should flocks and herds be slaughtered for them, to be sufficient for them? Or should all the fish of the sea be gathered together for them, to be sufficient for them?” — Numbers 11:21–22

Even Moses found it difficult to believe what God had said—that He would give meat for six hundred thousand people to eat for an entire month. Yes, even Moses, who spoke with God and walked with Him, who spoke with God face to face as a friend, struggled to believe God’s word.

That is why the Lord said to Moses the words of today’s meditation:

“Is the LORD’S power limited? Now you shall see whether My word will come true for you or not.” — Numbers 11:23

God did not only say it—He fulfilled it and gave them meat to eat.

Yes, dear friends, even today when we pray about certain problems in our lives, many times we do not have complete faith. We are often like Moses. Our faith remains small.

Once, when Peter saw Jesus walking on the sea, he also desired to walk in the same way. Jesus told him to come out of the boat. Peter stepped out and walked on the water toward Christ. But when he saw the strong wind, he looked at the circumstances instead of Christ and became afraid. Immediately he began to sink. In fear he cried out, “Lord, save me!”

“Immediately Jesus stretched out His hand and took hold of him, and said to him, ‘You of little faith, why did you doubt?’” — Matthew 14:31

Many times, we too behave like Moses and Peter, becoming people of little faith. The frightening words of doctors, troubling situations, and the burdens of debt can create fearful circumstances that lead us into unbelief.

But let us believe that God can bring unimaginable changes in our lives. The Bible contains hundreds of testimonies proving that the Lord’s hand is not too short.

Divine Message: Bro. M. Geo Prakash

🦋 Meditation verse - 2 கொரிந்தியர் 3: 5 / 2 Corinthians 3:5

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1862

🔆 2026 மார்ச் 14, சனி       

"எங்களால் ஏதாகிலும் ஆகும் என்பதுபோல ஒன்றை யோசிக்கிறதற்கு நாங்கள் எங்களாலே தகுதியானவர்கள் அல்ல; எங்களுடைய தகுதி தேவனால் உண்டாயிருக்கிறது." (2 கொரிந்தியர் 3: 5)

மனிதர்கள் நாம் பலவீனமானவர்கள். மட்டுமல்ல, நமது வாழ்நாளைக்குறித்துக் கூட நாம் எதுவும் கூறமுடியாது. ஆனால் பலரும் இவற்றை எண்ணிப்பார்ப்பதில்லை. எதிர்காலத்தைக்குறித்து பல்வேறு கற்பனைகளையும் முயற்சிகளையும் செய்துகொண்டிருக்கின்றனர். இன்றைய தியான வசனம், நம்மால் இது முடியும் என்று ஒன்றையும் யோசிப்பதற்குக்கூட நாம் தகுதியற்றவர்கள் என்று கூறுகின்றது. உலக மனிதர்கள் இது முட்டாள்தனமான எண்ணம், இப்படி எண்ணிக்கொண்டிருந்தால் நாம் வாழ்வில் முன்னேறமுடியாது என்று கூறிக்கொள்கின்றனர். 

அன்பானவர்களே, நாம் எதிர்காலத்தைக்குறித்துத் திட்டமிடுவதில் தப்பில்லை, ஆனால் அந்தத் திட்டமிடுதல் தேவனுக்கு உகந்ததாக இருக்கவேண்டியது அவசியம். மட்டுமல்ல, நாம் நமது எதிர்காலத்தை; நமது குழந்தைகளது எதிர்காலத்தை, தேவ கரத்தினுள் ஒப்புவித்து ஜெபிக்கவேண்டியது அவசியம். காரணம், நம்மால் ஏதாகிலும் ஆகும் என்பதுபோல ஒன்றை யோசிக்கிறதற்கு நாம் தகுதியானவர்கள் அல்ல. நமது திட்டங்களும் கற்பனைகளும் தேவன் நினைத்தால் ஒன்றுமில்லாமல் ஆகிவிடும். 

ஒரு மிகப்பெரிய செல்வந்தனாகிய மனிதன் ஒருவன் இருந்தான். அவனுக்கு மூன்று ஆண்பிள்ளைகள். அதுவே அவனுக்கு ஒரு பெரிய பெருமையாக இருந்தது. மூன்று மகன்களையும் நன்றாகக் படிக்கவைத்தான் மூன்று மகன்களும் மருத்துவக் கல்லூரியில் படித்தனர். அவர்கள் படிப்பு முடிக்கும் காலத்தில் அவன் அவர்களுக்காக மருத்துவமனை ஒன்றையும் கட்டினான். ஆனால், மூத்த மகன் ஒரு பெண்ணைக் காதலித்து அவளோடு சென்று மாமனார் வீட்டில் தங்கிவிட்டான். இரண்டாவது மகன் கஞ்சா, மற்றும் போதைக்கு அடிமையாகி மருத்துவ படிப்பை முடிக்காமல்  போனான். மூன்றாவது மகனோ ஒரு விபத்தில் இறந்துபோனான்.  

எனவேதான் அப்போஸ்தலரான யாக்கோபு நமக்கு ஒரு தகுந்த அறிவுரைக் கூறுகின்றார்:-  "நாங்கள் இன்றைக்கு அல்லது நாளைக்கு இன்ன பட்டணத்திற்குப் போய், அங்கே ஒரு வருஷம் தங்கி, வியாபாரஞ்செய்து, சம்பாத்தியம் பண்ணுவோமென்கிறவர்களே, கேளுங்கள். நாளைக்கு நடப்பது உங்களுக்குத் தெரியாதே. உங்கள் ஜீவன் எப்படிப்பட்டது? கொஞ்சக்காலந்தோன்றிப் பின்பு தோன்றாமற்போகிற புகையைப்போலிருக்கிறதே." ( யாக்கோபு 4: 13, 14) ஆம் அன்பானவர்களே, நமது தகுதி தேவனால் நிச்சயிக்கப்படுகின்றது. 

எனவே, நாம் தேவனது கிருபைக்கு வேண்டுதல்செய்து அடங்கியிருக்கவேண்டியது அவசியமாய் இருக்கின்றது. யாக்கோபு கூறுகின்றார், "ஆதலால்: ஆண்டவருக்குச் சித்தமானால், நாங்களும் உயிரோடிருந்தால், இன்னின்னதைச் செய்வோம் என்று சொல்லவேண்டும்." ( யாக்கோபு 4: 15)

ஆனால், நாம் தேவனுக்கு ஏற்ற வாழ்க்கை வாழ்வோமானால் தேவன் நம்மை நிச்சயமாக ஆசீர்வதிப்பார். நமக்கு எதிராகச்செயல்படும் செயல்பாடுகளையும் நமக்கு ஆதரவாக மாற்றுவார் அவர். நாம் யோசிப்பதற்கும் மேலான உயர்வு தேவனால் நமக்கு உண்டாகும்.  யோசேப்பின் வாழ்வில் அவருக்கு வந்தத் துன்பங்களை தேவன் ஆசீர்வாதமாக மாற்றவில்லையா? "நீங்கள் எனக்குத் தீமைசெய்ய நினைத்தீர்கள்; தேவனோ, இப்பொழுது நடந்துவருகிறபடியே, வெகு ஜனங்களை உயிரோடே காக்கும்படிக்கு, அதை நன்மையாக முடியப்பண்ணினார்." ( ஆதியாகமம் 50: 20) என்று மகிழ்ச்சியோடு அவனைக் கூறவைத்தார். 

யோசேப்பு தான் எகிப்துக்கு பிரதமராக வரவேண்டும்; பார்வோனுக்கு இணையானவனாக வரவேண்டும் என்று எண்ணவில்லை. ஆனால் தேவன் அப்படி எண்ணினார். ஆம், நமது தகுதி நம்மால் அல்ல, தேவனால் மட்டுமே உண்டாகியிருக்கின்றது. இதனை நாம் உணர்த்துக்கொண்டோமானால் தேவனே  நமக்கு எல்லாமானவர் என்று எண்ணி அவரது கிருபைக்குக் காத்திருப்போம். நமது சுய பலத்தின்மேல் நம்பிக்கைகொள்ளாமல் கர்த்தரது கிருபைக்குக் காத்திருப்பதை சங்கீத ஆசிரியர் உணர்ந்திருந்ததால் கூறுகின்றார்:- 

"அவர் குதிரையின் பலத்தில் விருப்பமாயிரார்; வீரனுடைய கால்களில் பிரியப்படார். தமக்குப் பயந்து, தமது கிருபைக்குக் காத்திருக்கிறவர்கள்மேல் கர்த்தர் பிரியமாயிருக்கிறார்." ( சங்கீதம் 147: 10, 11)

தேவ செய்தி :- சகோ. எம். ஜியோ பிரகாஷ்

“Within the Seeds” 🌳

📖 AATHAVAN Scripture Meditation – No. 1862
🔆 Saturday, March 14, 2026

“Not that we are adequate in ourselves so as to consider anything as having come from ourselves, but our adequacy is from God.” — 2 Corinthians 3:5

As human beings, we are weak. Not only that, but we also cannot even say anything with certainty about our own lifespan. Yet many people do not stop to think about these realities. Instead, they continue making many imaginations and efforts concerning the future. Today’s meditation verse says that we are not even competent to consider anything as if it comes from ourselves. People of the world often say that this is foolish thinking and claim that if we think like this, we will never progress in life.

Dear beloved, there is nothing wrong with planning for the future. However, such planning must be pleasing to God. Not only that, it is essential that we commit our future—and the future of our children—into the hands of God and pray. The reason is that we are not qualified even to think that anything can come from ourselves. If God wills, our plans and imaginations can become nothing in a moment.

There once lived a very wealthy man who had three sons. Having three sons was a great pride for him. He educated them well, and all three studied in medical college. As they were about to complete their studies, he even built a hospital for them. However, the eldest son fell in love with a woman and went away to live in his father-in-law’s house. The second son became addicted to drugs and intoxication and did not complete his medical studies. The third son died in an accident.

That is why the apostle James gives us this fitting counsel:

“Come now, you who say, ‘Today or tomorrow we will go to such and such a city, and spend a year there and engage in business and make a profit.’ Yet you do not know what your life will be like tomorrow. You are just a vapor that appears for a little while and then vanishes away.” — James 4:13–14

Yes, beloved, our adequacy is determined by God.

Therefore, it is necessary for us to humble ourselves and seek the grace of God. James further says:

“Instead, you ought to say, ‘If the Lord wills, we will live and also do this or that.’” — James 4:15

However, if we live a life pleasing to God, He will surely bless us. He can even turn the actions that work against us into something that supports us. God can give us an elevation far beyond what we think.

Did not God turn the sufferings that came into the life of Joseph into blessings? Joseph joyfully testified:

“As for you, you meant evil against me, but God meant it for good in order to bring about this present result, to keep many people alive.” — Genesis 50:20

Joseph did not plan to become the prime minister of Egypt or to stand equal to Pharaoh. But God planned it that way. Yes, our adequacy does not come from ourselves but from God alone.

If we understand this truth, we will realize that God is everything to us and wait for His grace. Instead of trusting in our own strength, we will depend on the grace of the Lord. The Psalmist understood this and declared:

“He does not delight in the strength of the horse; He does not take pleasure in the legs of a man. The Lord Favors those who fear Him, those who wait for His lovingkindness.” — Psalm 147:10–11

Divine Message: Bro. M. Geo Prakash

🦋 Meditation verse - யோவான் 4: 34 / John 4:34

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1861

🔆 2026 மார்ச் 13, வெள்ளி      

"நான் என்னை அனுப்பினவருடைய சித்தத்தின்படி செய்து அவருடைய கிரியையை முடிப்பதே என்னுடைய போஜனமாயிருக்கிறது." ( யோவான் 4: 34)

இந்த உலகத்தில் உயிர்வாழ்வதற்காக உணவு உண்பவர்களும் உண்டு உண்பதற்காகவே உயிர்வாழும் போஜனப்பிரியர்களும் உண்டு. இதுபோலவே, தேவனை அறியவேண்டும் என ஆர்வமுடன் தேவனைத் தேடுபவர்களும் உண்டு, தேவனிடமிருந்து எப்போதும் எதையாவது கேட்டுப் பெற்றுக்கொள்ளவேண்டும் எனும் உலக ஆசைகளால் நிறைந்து ஜெபிப்பவர்களும் உண்டு. 

ஆண்டவராகிய இயேசு கிறிஸ்துத் தனது சுய சித்தத்தைத் தேடாமல் தன்னைக்குறித்த பிதாவின் சித்தம் அறிந்து செயல்படுத்துபவராக இருந்தார்.  உலகத்தின் மீட்புக்காக தனது உயிர் பலியாகவேண்டும் என்பதே பிதாவின் சித்தம் என்பதனை அவர் அறிந்திருந்தார். அந்தப் பிதாவின் சித்தத்தின்படி செய்து அவருடைய கிரியையை முடிப்பதே என்னுடைய போஜனமாயிருக்கிறது என்று கூறுகின்றார். 

ஆம் அன்பானவர்களே, நாம் ஒவ்வொருவரைக் குறித்தும் தேவனுக்கு ஒரு சித்தமுண்டு. முதலில் நாம் நம்மைக்குறித்தத் தேவ சித்தத்தை அறியவேண்டியது அவசியம். அப்படி அறிந்துகொண்டோமானால் நமது வாழ்வில் நடக்கும் காரியங்களுக்காக நாம் அளவுக்கு அதிகமாக மகிழ்ச்சியோ துக்கமோ அடையமாட்டோம்.  அப்போஸ்தலரான பவுல் கிறிஸ்து தன்னை அவருக்கு வெளிப்படுத்தினவுடன், "நடுங்கித் திகைத்து: ஆண்டவரே, நான் என்ன செய்யச் சித்தமாயிருக்கிறீர் என்றான். அதற்குக் கர்த்தர்: நீ எழுந்து, பட்டணத்துக்குள்ளே போ, நீ செய்யவேண்டியது அங்கே உனக்குச் சொல்லப்படும் என்றார்." (அப்போஸ்தலர் நடபடிகள் 9:6) என்று வாசிக்கின்றோம்.

இதனால்தான் அவர் நமக்கும், "நீங்கள் இந்தப் பிரபஞ்சத்திற்கு ஒத்த வேஷந்தரியாமல்,  தேவனுடைய நன்மையும் பிரியமும் பரிபூரணமுமான  சித்தம்  இன்னதென்று பகுத்தறியத்தக்கதாக, உங்கள் மனம் புதிதாகிறதினாலே மறுரூபமாகுங்கள்." (ரோமர் 12:2) என்று அறிவுறுத்துகின்றார். அதாவது, உலகம் செல்லும் வழியில் அதற்கேற்றபடி நடவாமல் நமது மனம் புதிதாகி நாம் தேவனுக்கேற்றவர்களாக மறுரூபமாகவேண்டும் என்கிறார். அப்போது தேவ சித்தம் இன்னதென்று நமக்குத் தெரியவரும். சுருக்கமாகக் கூறுவதானால் நாம் முதலில் மறுபடி பிறக்கவேண்டியது அவசியம். 

இன்று பெரும்பாலான மக்கள் தங்களது சுய சித்தத்தையே செய்து முடிக்க எண்ணுகின்றனர்; அதற்காகவே உழைக்கின்றனர்.  மருத்துவராக, பொறியியல் வல்லுனராக, வங்கி அதிகாரியாக, அல்லது IAS, IPS பணி அதிகாரியாக மாறவேண்டும் என்று சித்தமுள்ளவர்களாக இருக்கின்றனர். வேறு சிலர், அரசியலில் உயர்ந்த பதவி அடையவேண்டும் அல்லது மிகப்பெரிய தொழிலதிபராக வேண்டுமென்று எண்ணுகின்றனர். இவர்களில்  ஒருசிலர் தங்களது இலக்கை அடைந்தும் விடுகின்றனர். 

ஆனால் அன்பானர்களே, தங்களைக்குறித்த தேவ சித்தத்தைப் பெரும்பாலானவர்கள் அறிய விரும்புவதுமில்லை, அதனை அடைய முயற்சிப்பதுமில்லை. "என்னை அனுப்பினவருடைய சித்தத்தின்படி செய்து அவருடைய கிரியையை முடிப்பதே என்னுடைய போஜனமாயிருக்கிறது" என்று கூறிய இயேசு கிறிஸ்து அதனை அடைந்து மேன்மையடைந்தார். உலக ஆசைகளை நிறைவேற்ற அவரைத் தேடாமல் அவர்மேல் மெய்யான அன்புடன் அவரைத் தேடுவோமானால் நம்மைக் குறித்த அவரது சித்தத்தைக் கண்டுகொள்ளமுடியும். இயேசு கூறுவதுபோல அதனைச் செய்து  முடிப்பதே நம்முடைய மெய்யான போஜனமாயிருக்கிறது.

மட்டுமல்ல, பிதாவின் சித்தமறிந்து நாம் வாழும்போது நாமே கிறிஸ்துவுக்குச் சகோதரனும் சகோதரியாக இருக்கின்றோம். இதனையே இயேசு கிறிஸ்து, "பரலோகத்திலிருக்கிற என் பிதாவின் சித்தத்தின்படி செய்கிறவன் எவனோ அவனே எனக்குச் சகோதரனும் சகோதரியும் தாயுமாய் இருக்கிறான் என்றார்." (மத்தேயு 12: 50) தேவ சித்தம் அறிந்து வாழ முயற்சி செய்வோம். 

தேவ செய்தி :- சகோ. எம். ஜியோ பிரகாஷ்

“Within the Seeds” 🌳

📖 AATHAVAN Bible Meditation – No. 1861
🔆 Friday, March 13, 2026

“My food is to do the will of Him who sent Me and to accomplish His work.” — John 4:34

In this world, there are people who eat food in order to live, and there are also those who seem to live mainly for the pleasure of eating. Likewise, there are people who earnestly seek God because they desire to know Him, and there are others who pray only with worldly desires, continually asking God to give them something.

Our Lord Jesus Christ did not seek His own will but lived to know and fulfil the will of the Father concerning Him. He clearly understood that it was the Father’s will for Him to offer His life as a sacrifice for the redemption of the world. Therefore, He declared that doing the will of the One who sent Him and completing His work was His true food.

Yes, dear ones, God has a specific will concerning each one of us. First, it is essential for us to know God’s will for our lives. When we come to understand that will, we will not become excessively joyful or deeply sorrowful about the events that happen in our lives.

When Paul the Apostle encountered Christ and received His revelation, we read that he asked:

“Trembling and astonished, he said, ‘Lord, what do You want me to do?’ And the Lord said to him, ‘Get up and enter the city, and it will be told you what you must do.’” — Acts 9:6

That is why he later exhorts us:

“And do not be conformed to this world, but be transformed by the renewing of your mind, so that you may prove what the will of God is, that which is good and acceptable and perfect.” — Romans 12:2

In other words, instead of following the ways of the world and behaving according to its patterns, our minds must be renewed and we must be transformed to become people who please God. When this happens, we will begin to understand what God’s will truly is. Simply put, we must first experience the new birth.

Today, most people are determined to fulfil their own will and work hard to achieve it. Many desire to become doctors, engineers, bank officers, or civil servants such as IAS or IPS officers. Others aim to attain high political positions or become great industrialists. Some among them do succeed in reaching their goals.

However, dear friends, most people neither desire to know God’s will for their lives nor make an effort to fulfil it. But Jesus Christ, who said, “My food is to do the will of Him who sent Me and to accomplish His work,” fulfilled that will and was exalted.

If we seek Him not merely to satisfy worldly desires but with sincere love for Him, we will discover His will for our lives. And as Jesus said, accomplishing that will becomes our true nourishment.

Moreover, when we live according to the will of the Father, we become brothers and sisters of Christ. As Jesus Christ said:

“For whoever does the will of My Father who is in heaven, he is My brother and sister and mother.” — Matthew 12:50

Therefore, let us strive to know and live according to the will of God.

Divine Message: Bro. M. Geo Prakash