🦋 Meditation verse - நீதிமொழிகள் 3: 6 / Proverbs 3:6

  "விதைகளின் உள்ளே" 🌳 

📖 வேதாகமத் தியானம் எண் - 1790                                  🔆 ஆதவன் 01 .01.2026 வியாழன்             

"உன் வழிகளிலெல்லாம் அவரை நினைத்துக்கொள்; அப்பொழுது அவர் உன் பாதைகளைச் செவ்வைப்படுத்துவார்."( நீதிமொழிகள் 3: 6)

"ஆதவன்" வேதாகத் தியான வாசகர்கள் அனைவருக்கும் ஆண்டவராகிய இயேசு கிறிஸ்துவின் நாமத்தில் மகிழ்ச்சிகரமான புத்தாண்டு நல்வாழ்த்துக்கள்!!

புதிய ஆண்டு துவங்கிவிட்டால் எங்கும் பல்வேறு ஆசீர்வாத வாக்குறுதிகளைத்தான் நாம் கேட்கமுடியும். இது வாடிக்கை. ஒவ்வொரு ஆண்டும் ஆரம்பத்தில், "இந்த ஆண்டு உங்களைத்  தேவன் அளவில்லாத ஆசீர்வாதத்தால் நிரப்பப்போகிறேன் என்கிறார்" என்று ஆசீர்வாத வாக்குறுதிகளைப் பல ஊழியர்கள் கூறுவார்கள்.  ஆனால் அந்த ஆண்டு முடிந்து புதிய ஆண்டு துவங்கும்போதும், "கடந்த  ஆண்டில் நீங்கள் அனுபவித்தத் துன்பங்கள் பிரச்சனைகள் அனைத்தையும் மாற்றி, தேவன் உங்களை இந்தப் புதிய ஆண்டில்  ஆசீர்வாதத்தால் நிரப்பப்போகிறேன் என்கிறார்" என்று  புதிய வாக்குறுதியைக்  கூறுவார்கள். அப்படியானால் சென்ற ஆண்டில் இவர்கள் கூறியது பொய்யா: தேவன் கூறியது பொய்யா? 

அன்பானவர்களே, நாம் ஞானமுள்ளவர்களாக வாழவேண்டியது அவசியம். ஆண்டுகள் மாறுவதால் வாழ்க்கையில் பிரச்சனைகள்  மாறப்போவதில்லை.  ஒரு ஆண்டு துடிக்கின்றது என்றால், பூமி சூரியனை ஒருமுறை சுற்றி வந்துள்ளது என்று பொருள். ஆவிக்குரிய வாழ்க்கைக்கும் அதற்கும் சம்பந்தமில்லை. புதிய ஆண்டிலாவது நமக்கு நல்லது ஏதேனும் நடக்காதா எனும் ஏக்கம் அனைவருக்கும் இயல்பிலேயே இருக்கின்றது. இந்த ஏக்கத்தைப் பல ஊழியர்கள் தவறாகப் பயன்படுத்தி மக்களை ஏமாற்றுகின்றனர். 

ஆனால் தேவன் நமது வாழ்வில் மாற்றத்தைக் கொண்டு வருவதற்கு ஆண்டு மாறுவதல்ல; முதலில் நாம் அவரது வழிக்குத் திரும்பவேண்டியது அவசியமாய் இருக்கிறது. 

இதனையே இன்றைய தியான வசனம் நமக்கு அறிவுரையாகக் கூறுகின்றது. ஆசீர்வாத வாக்குத்தத்தங்களைத் தேடி ஓடாமல் முதலில் "உன் வழிகளிலெல்லாம் அவரை நினைத்துக்கொள்; அப்பொழுது அவர் உன் பாதைகளைச் செவ்வைப்படுத்துவார்." என்று இன்றைய தியான வசனம் கூறுகின்றது.  

நமது வாழ்வில் ஒவ்வொரு கணமும் நாம் அவரை எண்ணி, அவரை நம்பி, அவருக்கு ஏற்புடைய வாழ்க்கை  வாழவேண்டியது அவசியமாய் இருக்கின்றது. அப்படி வாழும்போது அவர் நம்மை ஒரு அரச குமாரனாக நடத்துகின்றார். ஒரு ராஜா,  அல்லது இந்தக்காலத்துக்கு ஏற்ப கூறுவோமானால் ஒரு பிரதமரோ முதலமைச்சரோ வருகிறார் என்றால் அவர் வருமுன் முதலில் அவர் பயணிக்க இருக்கும் சாலைகள் சீர்ச்செய்யப்படும். தேவன் இதுபோலவே தனது வழியில் நடக்கும் பிள்ளைகளுக்காக வழியை ஆயத்தம் செய்கின்றார். இதனையே இன்றைய தியான வசனம், "அப்பொழுது அவர் உன் பாதைகளைச் செவ்வைப்படுத்துவார்" என்று கூறுகின்றது. 

ஆம் அன்பானவர்களே, ஆண்டு ஆரம்பித்துவிட்டதால் ஆங்காங்கே நடக்கும் வாக்குத்தத்தைக் கூட்டங்களில் கலந்துகொண்டு அவர்கள் மனோதத்துவ அடிப்படையில் கூறும் ஆசீர்வாத வாக்குறுதிகளைக் கேட்டுத் திருப்தியடைந்து அதுவே போதும் என்று வாழ்வோமானால் 2027 ஆம் ஆண்டிலும்  இதுபோலவே புதிய வாக்குத்தத்தத்துக்காக ஓடவேண்டியிருக்கும். 

புதிய ஆண்டில் தேவன் எனக்கு என்னச்  செய்வார் என்று சிந்திப்பதைவிட்டு, நான் தேவனுக்காகப் புதிய ஆண்டில்  என்னச் செய்யப்போகிறேன் என்று சிந்தித்து நமது வழிகளை அவருக்கு ஏற்புடையதாக்குவோம். அப்பொழுது அவர் நமது பாதைகளைச் செவ்வைப்படுத்துவார்.

தேவ செய்தி :- சகோ. எம். ஜியோ பிரகாஷ்                                       

“Within the Seeds” 🌳

📖 Bible Meditation No. 1790
🔆 AATHAVAN – Thursday, 01.01.2026

“In all your ways acknowledge Him, And He will make your paths straight.” (Proverbs 3:6)

Warm and joyful New Year greetings in the name of our Lord Jesus Christ to all the readers of “Aathavan” Bible Meditations!

When a new year begins, we commonly hear many promises of blessing everywhere. This has become routine. At the beginning of every year, many ministers proclaim, “God says He is going to fill you with unlimited blessings this year.” Yet, when that year ends and another new year begins, they again say, “God says He will replace all the troubles and problems you faced last year and fill you with blessings in this new year.” If that is so, were the promises spoken in the previous year false? Or was what God said false?

Beloved, it is essential that we live wisely. Problems in life do not change simply because years change. When one-year passes, it only means that the earth has completed one revolution around the sun. This has no direct connection with our spiritual life. It is natural for everyone to long that something good should happen at least in the new year. Many ministers misuse this longing and deceive people.

But for God to bring change into our lives, it is not the changing of the year that matters; first, we must turn to His ways.

That is exactly what today’s meditation verse teaches us. Instead of running after promises of blessing, today’s Scripture instructs us first:

“In all your ways acknowledge Him, and He will make your paths straight.” (Proverbs 3:6)

At every moment of our lives, it is necessary that we think of Him, trust Him, and live a life that is pleasing to Him. When we live this way, He treats us like royal sons. When a king—or in today’s context, a Prime Minister, or a Chief Minister—is about to travel, the roads on which he will pass are prepared in advance. In the same way, God prepares the way for His children who walk in His ways. That is why today’s meditation verse declares, “He will make your paths straight.”

Yes, beloved, if we begin the year by attending various promise meetings, feeling satisfied by listening to psychologically framed assurances of blessing, and thinking that this alone is enough, then even in 2027 we will again be running after new promises.

Instead of asking what God will do for me in this new year, let us think about what I am going to do for God in this new year, and align our ways to please Him. Then He will make our paths straight.

God’s Message: Bro. M. Geo Prakash