🦋 Meditation verse - 2 பேதுரு 1: 16 / 2 Peter 1:16

 "விதைகளின் உள்ளே" 🌳 

📖 வேதாகமத் தியானம் எண் - 1785                                     🔆 ஆதவன் 27.12.2025 சனி        

"நாங்கள் தந்திரமான கட்டுக்கதைகளைப் பின்பற்றினவர்களாக அல்ல, அவருடைய மகத்துவத்தைக் கண்ணாரக் கண்டவர்களாகவே நம்முடைய கர்த்தராகிய இயேசுகிறிஸ்துவின் வல்லமையையும் வருகையையும் உங்களுக்கு அறிவித்தோம்." (2 பேதுரு 1: 16)

"உண்மை தனது காலணிகளை அணியுமுன் பொய்யானது உலகத்தைச் சுற்றிவந்துவிடும்" என்று ஒரு கூற்று உண்டு. காரணம், மனிதர்கள் பெரும்பாலும் உண்மையைவிட பொய்யை அதிகமாக நம்புகின்றனர் என்பதே.  எனவேதான் பொய்யான வாக்குறுதிகளைக் கொடுத்து அரசியல்வாதிகளால் ஆட்சியைப் பிடிக்கமுடிகின்றது.  பல ஏமாற்றுப்பேர்வழிகள்  பல்வேறு கவர்ச்சிகரமானத் திட்டங்களை அறிவித்துப் பொதுமக்களின் பணத்தைச் சுருட்டிக்கொண்டு ஓடுகின்றனர்; ஆனாலும் மக்கள் பொய்யையே நம்புகின்றனர்.

பல மதங்கள் கூறும் செய்திகளும் இப்படிக் கடவுளைக்குறித்துக் கூறும்  கற்பனையாகவே உள்ளன. எந்த ஆதாரமும் இல்லாவிட்டாலும் பெரும்பாலான மக்கள் அவற்றை நம்புகின்றனர். காரணம், அவை மனிதர்களுக்குப் பிடித்தக்  காரியங்களையே கதையாகக் கூறுகின்றன.  அவை மனிதர்கள் என்ன விரும்புகின்றார்களோ அதற்கேற்ற அழகிய கற்பனைகளைக் கொண்டுள்ளன. அவற்றால் யாரும் பாதிக்கப்படுவதில்லை. அவை மனிதர்களது இருதயத்தை ஊடுருவிக் குத்துவதில்லை; மனிதர்களது தவறை உணர்த்துவதில்லை. பலவேளைகளில் அவை கூறும் கடவுளின் செயல்கள் சாதாரண மனிதர்கள் செய்யும் செயலைவிட மோசமானவையாக உள்ளன. ஆனால் மக்கள் அவற்றையே விரும்பி நம்புகின்றனர்.

ஆனால், கிறிஸ்தவ கோட்பாடுகள் மனிதர்களது இருதயத்தை நேரடியாகத் தாக்குகின்றன. மனிதர்களது இருதய மாற்றத்தை வலியுறுத்துகின்றன. உடம்பில் ஏற்படும் புண்ணுக்கு மற்ற மதங்கள் ஒத்தடம்கொடுக்கின்றன. தற்காலிக நிவாரணம் அளிக்க முயலுகின்றன. எளிதான பரிகாரங்களைக் கூறுகின்றன. எனவே, மக்களும் அதனை ஏற்றுக்கொள்கின்றனர். ஆனால் கிறிஸ்தவம் அறுவை சிகிர்ச்சை செய்வதுபோல மனித இருதயத்தை அறுத்துச் சீர்படுத்த முயலுகின்றது. தேவ வசனங்கள் இந்த அறுவைச் சிகிர்ச்சையைச் செய்கின்றன. 

நமக்காக கிறிஸ்து அனைத்துப் பரிகாரத்தையும் சிலுவையில் செய்து முடித்துவிட்டார். எனவே, அவருக்கு நமது இருதயத்தை ஒப்புக்கொடுக்கும்போது நாம் எந்தப் பரிகாரமும் செய்யவேண்டியதில்லை. 

ஆம் அன்பானவர்களே, தேவ வசனங்கள் மனிதனில் அறுவை சிகிர்ச்சை செய்கின்றன. இதனையே நாம், "தேவனுடைய வார்த்தையானது ஜீவனும் வல்லமையும் உள்ளதாயும், இருபுறமும் கருக்குள்ள எந்தப் பட்டயத்திலும் கருக்கானதாயும், ஆத்துமாவையும், ஆவியையும், கணுக்களையும் ஊனையும் பிரிக்கத்தக்கதாக உருவக் குத்துகிறதாயும், இருதயத்தின் நினைவுகளையும் யோசனைகளையும் வகையறுக்கிறதாயும் இருக்கிறது." ( எபிரெயர் 4: 12) என்று வாசிக்கின்றோம். ஆம், தேவ வசனங்கள் மனிதனது ஆவி, ஆத்துமா, உடல் இவற்றை ஊடுருவி எடைபோடுகின்றன. இவற்றை பரிசுத்தப்படுத்த வலியுறுத்துகின்றன. இதனைப் பலரும் விரும்புவதில்லை. எனவே கிறிஸ்தவத்தை ஏற்றுக்கொள்ளத் தயங்குகின்றனர். 

ஆனால், அப்போஸ்தலரான பேதுரு இந்த வார்த்தையாம் தேவனோடு இருந்து அவரை அனுபவித்தவர். எனவேதான் அவர், "ஆண்டவரே, யாரிடத்தில் போவோம், நித்தியஜீவ வசனங்கள் உம்மிடத்தில் உண்டே." ( யோவான் 6: 68) என்று அறிக்கையிட்டார். அப்போஸ்தலரான யோவான், "ஆதிமுதல் இருந்ததும், நாங்கள் கேட்டதும், எங்கள் கண்களினாலே கண்டதும், நாங்கள் நோக்கிப்பார்த்ததும், எங்கள் கைகளினாலே தொட்டதுமாயிருக்கிற ஜீவவார்த்தையைக்குறித்து உங்களுக்கு அறிவிக்கிறோம்." (1 யோவான்  1 : 1) என்றார். 

ஆம் அன்பானவர்களே, மற்ற மார்க்கங்களைப்போல கட்டுக்கதைகளின் தொகுப்பல்ல கிறிஸ்தவம். நேரடியான சாட்சிகளால் உறுதிப்படுத்தப்பட்டச் சரித்திர சான்றுடன் கூடியது.  அவருடைய மகத்துவத்தைக் கண்ணாரக் கண்டவர்களால் உறுதியுடன் நமக்கு சான்றளிக்கப்பட்டது. நாமும் உறுதியாக இந்த வேதம் கூறும் உண்மைகளை ஏற்றுக்கொண்டு வாழ்வாக்குவோமென்றால், அந்த வார்த்தைகள் இன்றும் உயிருள்ளவையாக நம்மில் செயல்படுவதை உணர்ந்துகொள்ளலாம். இந்த வார்த்தைகளை ஏற்றுக்கொள்ளும்போது மட்டுமே கிறிஸ்தவம் கூறுவது கட்டுக்கதையல்ல என்பதனை உணர்ந்துகொள்ளமுடியும்.  

தேவ செய்தி :- சகோ. எம். ஜியோ பிரகாஷ்                                        

“Within the Seeds” 🌳

📖 Bible Meditation No. 1785
🔆 AATHAVAN – Saturday, 27.12.2025

“For we did not follow cleverly devised tales when we made known to you the power and coming of our Lord Jesus Christ, but we were eyewitnesses of His majesty.” (2 Peter 1:16, NASB)

There is a saying, “A lie can travel around the world before truth has put on its shoes.” The reason is simple: human beings often believe lies more readily than the truth. That is why politicians are able to seize power by making false promises. Many fraudsters announce attractive schemes, swindle the public of their money, and flee—yet people continue to believe the lies.

In the same way, the messages proclaimed by many religions about God are largely imaginative stories. Even without any evidence, most people believe them, because such stories tell only what people like to hear. They are beautifully crafted fantasies that suit human desires. They do not wound anyone; they do not pierce the human heart; they do not expose human sin. At times, the actions attributed to God in these stories are even worse than the deeds of ordinary humans—yet people still prefer and believe them.

Christian doctrine, however, strikes directly at the human heart. It insists on an inner transformation. Other religions are like applying a poultice to a wound in the body—offering temporary relief and easy remedies. Hence, people readily accept them. Christianity, on the other hand, is like performing surgery on the human heart. It cuts in order to heal. The Word of God performs this spiritual surgery.

Christ has already completed every atoning work for us on the cross. Therefore, when we surrender our hearts to Him, we are not required to perform any further acts of atonement ourselves.

Yes, beloved, the Word of God performs surgery within a person. This is exactly what we read:

“For the word of God is living and active and sharper than any two-edged sword, and piercing as far as the division of soul and spirit, of both joints and marrow, and able to judge the thoughts and intentions of the heart.” (Hebrews 4:12)

Indeed, the Word of God penetrates the spirit, soul, and body of a person. It weighs them, confronts them, and calls for sanctification. Many people do not like this. Therefore, they hesitate to accept Christianity.

But the apostle Peter was one who lived with the Word made flesh and experienced Him personally. That is why he confessed:

“Lord, to whom shall we go? You have words of eternal life.” (John 6:68)

Likewise, the apostle John declared:

“What was from the beginning, what we have heard, what we have seen with our eyes, what we have looked at and touched with our hands, concerning the Word of Life—” (1 John 1:1)

Yes, beloved, Christianity is not a collection of myths like other belief systems. It is grounded in history and confirmed by firsthand witnesses. It has been testified to us with certainty by those who saw His majesty with their own eyes. If we firmly accept and live by the truths proclaimed in this Holy Scripture, we will experience even today that these words are living and active within us. Only when we receive these words can we truly understand that what Christianity proclaims is not a cleverly devised tale, but eternal truth.

God’s Message: Bro. M. Geo Prakash