Meditation verse - ஏசாயா 40: 27- 28 / Isaiah 40:27–28

 "விதைகளின் உள்ளே" 🌳 

📖 வேதாகமத் தியானம் எண் - 1750                                   🔆 ஆதவன் 22.11.2025 சனி  

"யாக்கோபே, இஸ்ரவேலே: என் வழி கர்த்தருக்கு மறைவாயிற்று என்றும், என் நியாயம் என் தேவனிடத்தில் எட்டாமல் போகிறது என்றும் நீ சொல்வானேன்? பூமியின் கடையாந்தரங்களைச் சிருஷ்டித்த கர்த்தராகிய அநாதி தேவன் சோர்ந்துபோவதுமில்லை, இளைப்படைவதுமில்லை; இதை நீ அறியாயோ? இதை நீ கேட்டதில்லையோ? அவருடைய புத்தி ஆராய்ந்துமுடியாதது." ( ஏசாயா 40: 27- 28)

அன்பானவர்களே, இன்றைய தியான வசனம் மனம் சோர்ந்து விரக்தியில் வாழும் மக்களுக்கு ஆறுதல் அளிக்கும் வார்த்தைகளைத் தருகின்றது. 

நம்மில் பலரும் வாழ்வில் துன்பங்கள், பிரச்சனைகள், சோர்வுகள் ஏற்படும்போது சில வேளைகளில், "ஐயோ, நான் படும் கஷ்டங்களை தேவன் உணரவில்லையா? ஏன் அவர் எனக்கு நியாயம் செய்யாமல் இருக்கின்றார்? எனது ஜெபங்களை ஏன் அவர் கண்டுகொள்ளமாட்டேன் என்கின்றார்? " எனப் புலம்புவதுண்டு.  ஆனால், தேவன் அப்படிப் புலம்பும் தனது மக்களைப் பார்த்துக் கேட்கின்றார்,   "என் வழி கர்த்தருக்கு மறைவாயிற்று என்றும், என் நியாயம் என் தேவனிடத்தில் எட்டாமல் போகிறது என்றும் நீ சொல்கிறாய் ?"

மட்டுமல்ல, "அன்பான மகனே, மகளே,  இந்தப் பூமியையும் அண்டவெளியையும் படைத்து ஆளும் நான் அப்படி உனக்கு உதவ முடியாமல்  சோர்ந்து போய்விடவில்லை; இளைப்படைந்துவிடவுமில்லை, இதை நீ அறிந்துகொள். எனது  புத்தியும் வழிகளும்  ஆராய்ந்துமுடியாதது" என்று நமக்கு மேலும் திடனளிக்கிறார் தேவன்.  

சில காரியங்களுக்குப் பதில்தர  தேவன் காலதாமதம் செய்வது நமது வாழ்வில் மேலான காரியத்தை அவர் செய்ய விரும்புவதை பலவேளைகளில் குறிப்பதாக இருக்கின்றது. உதாரணமாக, லாசர் இறந்தபோது நடந்த சம்பவங்களை எண்ணிப்பாருங்கள். லாசர் நோயுற்று மரணமடையும் நிலையில்  இருந்ததை அவன் சகோதரிகள் இயேசு கிறிஸ்துவுக்குச் சொல்லியனுப்பினர்.  "இயேசு அதைக் கேட்டபொழுது: இந்த வியாதி மரணத்துக்கு ஏதுவாயிராமல் தேவனுடைய மகிமை விளங்குவதற்கு ஏதுவாயிருக்கிறது; தேவனுடைய குமாரனும் அதினால் மகிமைப்படுவார்" ( யோவான் 11: 4 ) என்று கூறினாரேத்  தவிர  உடனே லாசரை குணமாக்கச் செல்லவில்லை. 

"அவன் வியாதியாயிருக்கிறதாக அவர் கேள்விப்பட்டபொழுது, தாம் இருந்த இடத்திலே பின்னும் இரண்டுநாள் தங்கினார்." ( யோவான் 11: 6) என்று வாசிக்கின்றோம். அப்போது லாசருவின் சகோதரிகள் என்ன எண்ணியிருப்பார்கள்? எங்கள் வழி கர்த்தருக்கு மறைவாயிற்று என்றுதானே எண்ணியிருப்பார்கள்? எனவேதான் லாசர் மரித்து அடக்கம் செய்யப்பட்டு நான்கு நாட்களுக்குப்பின் இயேசு வந்ததால் அவன் சகோதரி  "மார்த்தாள் இயேசுவினிடத்தில் வந்து: ஆண்டவரே, நீர் இங்கேயிருந்தீரானால் என் சகோதரன் மரித்திருக்க மாட்டான்."  ( யோவான் 11: 21) என்றாள்.

ஆனால், இயேசுவின் இந்தக் காலதாமதம் தேவனுடைய மகிமை விளங்குவதற்கு ஒரு காரணமாக அமைந்தது. அதற்காகவே தேவன் காலதாமதம் செய்தார். ஆம், அவருடைய புத்தி ஆராய்ந்துமுடியாதது. நாம் மனித புத்தியின்படியும் காலங்களின்படியும் எண்ணுகின்றோம்; ஆனால், தேவனின் புத்தியும் காலங்களும் வேறு. 

எனவே, இன்றைய தியான வசனம் கூறுவதன்படி ஆவிக்குரிய யாக்கோபாகவும் இஸ்ரவேலாகவும் நாம் இருப்போமானால் துன்பங்கள் தொடரும்போது நமது வழிகள் கர்த்தருக்கு மறைவாயிற்று என்றும், நமது நியாயம் தேவனிடத்தில் எட்டாமல் போகிறது என்றும் கலங்கவேண்டியதில்லை.  பூமியின் கடையாந்தரங்களைச் சிருஷ்டித்த கர்த்தராகிய அநாதி தேவன் சோர்ந்து போகாமல், இளைப்படையாமல் நமக்கு ஏற்ற பதிலைத் தந்து மகிழச்செய்வார். 

தேவ செய்தி :- சகோ. எம். ஜியோ பிரகாஷ்          

"Inside the Seeds" 🌳

📖 Bible Meditation No. 1750
🔆 AATHAVAN – Saturday, 22.11.2025

“Why do you say, Jacob, and you assert, Israel,
‘My way is hidden from the LORD,
And the justice due me escapes the notice of my God’?
Do you not know? Have you not heard?
The Everlasting God, the LORD, the Creator of the ends of the earth
Does not become weary or tired.
His understanding is inscrutable.” — Isaiah 40:27–28 (NASB)

Dearly beloved, Today’s meditation verse gives comforting words to those who live with discouragement and despair.

Many of us, when faced with suffering, pain, problems, and exhaustion, sometimes lament, “Does God not see the struggles I am going through? Why is He not bringing justice for me? Why does He seem to ignore my prayers?”

But God looks at His children who speak in such sorrow and gently asks, “Why do you say, ‘My way is hidden from the LORD, and the justice due me escapes my God’?”

Not only that, He strengthens us further by saying, “My dear son, My dear daughter—
I, who created and govern the earth and the entire universe, have not grown tired, nor have I become weary. Know this: My wisdom and My ways are unfathomable.”

At times, when God delays His answer, it is often because He intends to accomplish something greater in our lives. Consider, for example, what happened when Lazarus died. His sisters sent word to Jesus, saying their brother was critically ill and nearing death.

When Jesus heard it, He said: “This sickness is not meant for death, but is for the glory of God, so that the Son of God may be glorified by it.” — John 11:4 (NASB)

Yet Jesus did not immediately go to heal Lazarus.

“So when He heard that he was sick, He then stayed two days longer in the place where He was.” — John 11:6 (NASB)

What would Lazarus’s sisters have thought at that time?
Would they not have felt, “Our way is hidden from the Lord”?
And so, when Jesus finally arrived—four days after Lazarus was buried—Martha said: “Lord, if You had been here, my brother would not have died.” — John 11:21 (NASB)

But this delay was permitted by God so that His glory would be revealed.
Yes—His understanding is inscrutable. We think according to human reasoning and human timelines, but God’s wisdom and His timings are different.

Therefore, as today’s meditation verse teaches, if we are spiritually like Jacob and Israel—God’s covenant people—then even when troubles continue, we need not fear that our way is hidden from the Lord or that our justice is ignored by Him.

The Everlasting God, the Creator of the ends of the earth, who never tires nor grows weary, will give us the answer that is right for us—bringing joy in His perfect time.

— Devotional Message by - Bro. M. Geo Prakash