🦋 Meditation verse - ஏசாயா 57 : 20-21 / Isaiah 57:20–21

 "விதைகளின் உள்ளே" 🌳 

📖 வேதாகமத் தியானம் எண் - 1743                                   🔆 ஆதவன் 15.11.2025 சனி  

"துன்மார்க்கரோ கொந்தளிக்கும் கடலைப்போலிருக்கிறார்கள்; அது அமர்ந்திருக்கக் கூடாமல், அதன் ஜலங்கள் சேற்றையும் அழுக்கையும் கரையில் ஒதுக்குகிறது. துன்மார்க்கருக்குச் சமாதானம் இல்லையென்று என் தேவன் சொல்லுகிறார்." ( ஏசாயா 57 : 20-21 )

குளத்துக்கும் கடலுக்கும் உள்ள ஒரு முக்கிய வித்தியாசம் அந்தத் தண்ணீரின் குணம். குளமானது அமைதலாக இருக்கும். ஆனால் கடலோ அமைத்தலின்றி, இரவும் பகலும் எப்போதும் குமுறிக்கொண்டே இருக்கும்.   இதுபோலவே துன்மார்க்கரின் உள்ளமும் எப்போதும் குமுறிக்கொண்டே இருக்கும். துன்மார்க்க உள்ளத்துக்கு அமைதி என்பது கிடையாது. 

குளத்துக்குள் போடப்படும் பொருட்களை குளம் அமைதியாக உள்வாங்கிக்கொண்டு அமைதலாக இருக்கும். ஆனால் கடலோ, அமர்ந்திருக்கக் கூடாமல், அதன் ஜலங்கள் சேற்றையும் அழுக்கையும் கரையில் ஒதுக்குகிறது. இதுவும் துன்மார்க்கனுக்கும் மற்றவர்களுக்குமுள்ள ஒரு வித்தியாசமாகும்.

துன்மார்க்கர்கள் பணத்துக்காகவும் பொருள் சேர்க்கவேண்டும் எனும் ஆசையினாலும் எந்த பாதகச் செயலையும் செய்வதற்கும் தயாராகவே இருப்பார்கள். இப்படிப் பணத்தைச் சேர்த்துத் துன்மார்க்கன் பெருமைகொண்டு அலைகின்றான். ஆம், "துன்மார்க்கன் தன் உள்ளம் இச்சித்ததைப் பெற்றதினால் பெருமைபாராட்டி, பொருளை அபகரித்துத் தன்னைத்தான் போற்றி,  கர்த்தரை   அசட்டைபண்ணுகிறான்.  (சங்கீதம் 10:3)

அன்பானவர்களே, இன்று அன்றாடம் செய்திகளை நாம் வாசிப்போமானால் நாட்டில் எத்தகைய அளவுக்குத் துன்மார்க்கர்களது பெருக்கம் உள்ளது என்பதனை நாம் அறிந்துகொள்ளலாம். ஆண்கள் மட்டுமல்ல, பெண்களும் இன்று ஆண்களுக்கு ஈடாக துன்மார்க்கச் செயல்படுகளில் ஈடுபட்டுக்கொண்டிருப்பதை நாம் காண்கின்றோம்.  துன்மார்க்கர்கள் பெருகுவது கடைசி காலத்தின் அறிகுறிகளில் ஒன்று. இதனை, "கடைசிக்காலத்திலே தங்கள் துன்மார்க்கமான இச்சைகளின்படி நடக்கிற பரியாசக்காரர் தோன்றுவார்கள் என்று உங்களுக்குச் சொன்னார்களே." (யூதா 1:18) என்று அப்போஸ்தலரான யூதா நமக்கு நினைவூட்டுகின்றார்.  

இன்று தற்கொலைகள் பெருகுவதற்கு மனிதர்களது துன்மார்க்க குணமே முக்கிய காரணமாக இருக்கின்றது.  சேற்றையும் அழுக்கையும் கரையில் ஒதுக்கும்  கொந்தளிக்கும் கடலைப்போல தங்கள் வாழ்க்கையில் அசுத்தத்தையே வெளிப்படுத்தும் துன்மார்க்கன் தற்கொலை செய்து சாகின்றான்; ஆம் அவர்களுக்குச் சமாதானம் இல்லை. ஆனால் தேவன் துன்மார்க்கனது துன்மார்க்க குணத்தை வெறுக்கின்றாரேத்தவிர துன்மார்க்கனை நேசிக்கின்றார். எனவேதான், "துன்மார்க்கன் சாகிறது எனக்கு எவ்வளவேனும் பிரியமோ? அவன் தன் வழிகளை விட்டுத் திரும்பிப் பிழைப்பது அல்லவோ எனக்குப் பிரியம் என்று கர்த்தராகிய ஆண்டவர் சொல்லுகிறார்." (எசேக்கியேல் 18:23) என்கிறார் தேவன். 

சேற்றையும் அழுக்கையும் கரையில் ஒதுக்கும் கடல்போல துன்மார்க்கனது வாழ்க்கை இருந்தாலும்; அதனால் அவனுக்குச் சமாதானம் இல்லாமலிருந்தாலும் தேவன் அவனை மன்னித்து அணைத்துக்கொள்ளத் தயாராக இருக்கின்றார்; அவனுக்குச் சமாதானம் அளிக்க விரும்புகின்றார்.  "துன்மார்க்கன் தன் வழியையும், அக்கிரமக்காரன் தன் நினைவுகளையும் விட்டு, கர்த்தரிடத்தில் திரும்பக்கடவன்; அவர் அவன்மேல் மனதுருகுவார்; நம்முடைய தேவனிடத்திற்கே திரும்பக்கடவன்; அவர் மன்னிக்கிறதற்குத் தயை பெருத்திருக்கிறார்." (ஏசாயா 55:7)

ஆம் அன்பானவர்களே, மிகப்பெரிய துன்மார்க்க வாழ்க்கை வாழ்பவனையே தேவன் மன்னிக்கத் தயாராக இருக்கின்றார். நம்மில் யாரும் இத்தகைய பெரிய துன்மார்க்கர்கள் அல்ல. எனவே, நாம் அஞ்சிடாமல் தேவனது சமூகத்தில் நமது பாவங்களை அறிக்கையிட்டு மன்னிப்பை வேண்டுவோம். அவர் மன்னிக்கிறதற்குத் தயை பெருத்திருக்கிறார்; நம்மைச் சமாதானதால் நிரப்புவார். 

தேவ செய்தி :- சகோ. எம். ஜியோ பிரகாஷ்                          

“Inside the Seeds” 🌳

📖 Bible Meditation No. 1743
🔆 AATHAVAN – Saturday, 15.11.2025

“But the wicked are like the tossing sea,
For it cannot be quiet,
And its waters toss up refuse and mud.
‘There is no peace,’ says my God, ‘for the wicked.’” (Isaiah 57:20–21, NASB)

One of the key differences between a pond and the sea lies in the nature of their waters. A pond remains calm and still. But the sea is never quiet—day and night it keeps roaring restlessly. In the same way, the heart of the wicked is always in turmoil. There is no peace in the heart of the wicked.

Whatever is thrown into the pond, it silently receives and remains still. But the sea, unable to rest, constantly throws refuse and dirt onto the shore. This is yet another distinction between the wicked and others.

The wicked are ever ready to engage in sinful acts for money or material gain. After accumulating wealth through unrighteous means, the wicked man walks proudly. Indeed, “For the wicked boasts of his soul’s desire, and the greedy person curses and shows disrespect to the LORD.” (Psalm 10:3, NASB)

Beloved, if we read the daily news today, we can clearly understand how greatly wickedness has increased in our nation. Not only men, but women too have begun to match men in acts of wickedness. The increase of wicked people is one of the signs of the last days. The Apostle Jude reminds us of this: “They were saying to you, ‘In the last time there will be mockers, following after their own ungodly lusts.” (Jude 1:18, NASB)

Today, one major reason for the rise in suicides is the wicked nature of people. Like the restless sea that casts mud and dirt on the shore, the wicked man, whose life reveals only impurity, ultimately ends his life. Yes, there is no peace for them. Yet God does not hate the wicked person—He hates the wickedness in him. That is why God says, “Do I take any pleasure in the death of the wicked,” declares the Lord GOD, “rather than that he would turn from his ways and live?” (Ezekiel 18:23, NASB)

Though the life of the wicked may be like the sea that casts refuse upon the shore… though he has no peace… God is still ready to forgive and embrace him. God desires to give him peace. “Let the wicked abandon his way, and the unrighteous person his thoughts; and let him return to the LORD, and He will have compassion on him, and to our God, for He will abundantly pardon.” (Isaiah 55:7, NASB)

Yes, beloved, God is willing to forgive even the one who has lived the most wicked life. None of us are such great offenders. Therefore, without fear, let us confess our sins before God and seek His forgiveness. His compassion to forgive is abundant, and He will fill us with His peace.

Message by: Bro. M. Geo Prakash