🦋 Meditation verse - எரேமியா 2: 21 / Jeremiah 2:21

 "விதைகளின் உள்ளே" 🌳 

📖 வேதாகமத் தியானம் எண் - 1798                                  🔆 ஆதவன் 09.01.2026 வெள்ளி     

"நான் உன்னை முற்றிலும் நற்கனிதரும் உயர்குலத் திராட்சைச்செடியாக நாட்டினேன்; நீ எனக்குக் காட்டுத்திராட்சைச் செடியின் ஆகாத கொடிகளாய் மாறிப்போனது என்ன?" ( எரேமியா 2: 21)

நாம் நல்ல பலன் தரவேண்டும் எனும் ஆர்வத்தில் சிலவேளைகளில் வீடுகளில் உயர்குல மரக்கன்றுகளை (high breed tree plants)  வாங்கி நடுவதுண்டு. ஆனால், சிலவேளைகளில் அவை அனைத்தும் உண்மையில் அப்படி  உயர்குல மரங்களாய் இருப்பதில்லை. நாம் எதிர்பார்க்கும் பலனைத் தருவதுமில்லை. அப்போது  நாம் ஏமாற்றமடைகின்றோம். இதுபோல, பூச்செடிகளிலும் சிலவேளைகளில் நாம் மணமற்ற காட்டுப் பிச்சிச் செடிகளை வாங்கி ஏமாறுகின்றோம். 

நமது தேவனும் தான் இப்படி இஸ்ரவேலரை நம்பி ஏமாற்றமடைந்ததை "நீ எனக்குக் காட்டுத்திராட்சைச் செடியின் ஆகாத கொடிகளாய் மாறிப்போனது என்ன?" வருத்தத்தோடு குறிப்பிட்டுக் கேட்கின்றார்.

ஆம் அன்பானவர்களே, இன்றைய புதிய ஏற்பாட்டுக் காலத்தில் நாமே ஆவிக்குரிய இஸ்ரவேலராக இருக்கின்றோம். நம்மை தேவன் தனக்கு ஏற்றவர்களாக வாழ அழைத்துள்ளார். நம்மேல் அவர் முழு நம்பிக்கைக் கொண்டுள்ளார். ஆனால், பெரும்பாலான வேளைகளில் நாம் அவரது எதிர்பார்ப்பின்படி வாழ்வதில்லை; கனிகொடுக்கும் வாழ்க்கை வாழ்வதில்லை. காரணம், நாம் முற்றிலும் அவரில் நிலைத்திருப்பதில்லை. 

நாம் நற்கனிகொடுக்கும் திராட்சைச் செடியாக மாறவேண்டுமானால் கிறிஸ்துவோடு இணைக்கப்பட்ட வாழ்க்கை வாழவேண்டியது அவசியம். எனவேதான் நம் ஆண்டவராகிய இயேசு கிறிஸ்து, "என்னில் நிலைத்திருங்கள், நானும் உங்களில் நிலைத்திருப்பேன்; கொடியானது திராட்சச்செடியில் நிலைத்திராவிட்டால் அது தானாய்க் கனிகொடுக்கமாட்டாததுபோல, நீங்களும் என்னில் நிலைத்திராவிட்டால், கனிகொடுக்கமாட்டீர்கள்." (யோவான் 15:4) என்று கூறினார். 

கிறிஸ்துவை அறியாத சாதாரண மக்களும் பலர் நல்ல வாழ்க்கை வாழ்கின்றனர். அவர்களிலும் சில கனிகள் காணப்படுகின்றன. ஆனால் கிறிஸ்துவை அறிந்த நாம் இன்றைய தியான வசனம் கூறுவதுபோல உயர்குல  திராட்சைச் செடிகள். எனவே சாதாரண செடியைப்போல அல்லாமல் நாம் மிகுந்த கனிகளைக் கொடுக்கவேண்டியது அவசியம். எனவேதான், "நானே திராட்சச்செடி, நீங்கள் கொடிகள். ஒருவன் என்னிலும் நான் அவனிலும் நிலைத்திருந்தால், அவன் மிகுந்த கனிகளைக் கொடுப்பான்; என்னையல்லாமல் உங்களால் ஒன்றும் செய்யக்கூடாது." (யோவான் 15:5) என்றார் இயேசு கிறிஸ்து. 

மேலும், அதிகக் கனிகொடுப்பதன்மூலம் நாம் நம்மைத் தெரிந்துகொண்ட பிதாவாகிய தேவனையும் மகிமைப்படுத்துகின்றோம்; கிறிஸ்துவுக்கு மெய்யான சீடர்களாக மாறுகின்றோம். "நீங்கள் மிகுந்த கனிகளைக் கொடுப்பதினால் என் பிதா மகிமைப்படுவார், எனக்கும் சீஷராயிருப்பீர்கள்". (யோவான் 15:8)

ஆம், தேவன் நம்மை முற்றிலும் நற்கனிதரும் உயர்குலத் திராட்சைச்செடியாக நாட்டியுள்ளார். எனவே நாம் அவருக்கு ஆகாத காட்டுத்திராட்சைச் செடிகளைப்போல மாறிப்போகாமல் உயர்குல திராட்சைச் செடிகளைப்போல, நற்கனி கொடுப்பவர்களாக மாறிட முயலுவோம். நம்மால் இதைச் செய்ய இயலாது என்பதால் அவர் நமக்குத் துணையாளரான பரிசுத்த ஆவியானவரைத் தந்துள்ளார். கனிதரும் வாழ்க்கை வாழ்ந்திட ஆவியானவரின் துணையை வாழ்வில் அன்றாடம் நாடுவோம். 

தேவ செய்தி :- சகோ. எம். ஜியோ பிரகாஷ்                                    

“Within the Seeds” 🌳

📖Bible Meditation No. 1798                         🔆 AATHAVAN – Friday, 09.01.2026

“Yet I planted you a choice vine, a completely faithful seed. How then have you turned yourself before Me Into the degenerate shoots of a foreign vine?” — Jeremiah 2:21

With a desire to receive good fruit, we sometimes buy and plant high-breed saplings in our homes. But on certain occasions, those plants turn out not to be truly superior varieties. They fail to produce the fruit we expected, and we feel disappointed. Likewise, even with flowering plants, we are sometimes deceived into buying wild, fragrance-less plants instead of genuine ones.

In a similar way, our God expresses His grief over Israel, whom He trusted, saying sorrowfully: “How then have you turned yourself before Me into the degenerate shoots of a foreign vine?”

Yes, beloved, in today’s New Testament era, we ourselves are the spiritual Israel. God has called us to live as people pleasing to Him. He has placed His complete trust in us. Yet, many times we do not live according to His expectations; we do not live fruit-bearing lives. The reason is simple—we do not remain fully abiding in Him.

If we are to become vines that bear good fruit, it is essential that we live a life united with Christ. That is why our Lord Jesus Christ said:

“Abide in Me, and I in you. As the branch cannot bear fruit of itself unless it abides in the vine, so neither can you unless you abide in Me.” — John 15:4

Even many ordinary people who do not know Christ live morally good lives, and some fruits can be seen in them. But we who know Christ are, according to today’s meditation verse, choice vines. Therefore, unlike ordinary plants, it is essential that we bear much fruit. That is why Jesus Christ declared:

“I am the vine, you are the branches; he who abides in Me and I in him, he bears much fruit, for apart from Me you can do nothing.” — John 15:5

Moreover, by bearing much fruit, we glorify God the Father who has chosen us, and we become true disciples of Christ:

“My Father is glorified by this, that you bear much fruit, and so prove to be My disciples.” — John 15:8

Yes, God has planted us as a choice vine, one meant to bear abundant good fruit. Therefore, let us strive not to become like useless wild vines, but rather like noble vines that produce good fruit. Since we cannot do this by our own strength, God has given us the Holy Spirit as our Helper. Let us seek the help of the Holy Spirit daily in our lives, so that we may live truly fruit-bearing lives.

God’s Message: - Bro. M. Geo Prakash