ஆபிரகாம் & சாராள் / ABRAHAM & SARAH

ஆதவன் 🔥 965🌻 செப்டம்பர் 19, 2023 செவ்வாய்க்கிழமை

"உங்கள் தகப்பனாகிய ஆபிரகாமையும், உங்களைப் பெற்ற சாராளையும் நோக்கிப்பாருங்கள்; அவன் ஒருவனாயிருக்கையில் நான் அவனை அழைத்து, அவனை ஆசீர்வதித்து, அவனைப் பெருகப்பண்ணினேன்." ( ஏசாயா 51 : 2 )

முதுபெரும் தந்தையாகிய ஆபிரகாமையும் அவரது மனைவியாகிய சாராளையும் முன்மாதிரியாகக் கொண்டு வாழ  இன்றைய வசனம் நமக்கு அறிவுறுத்துகின்றது.

ஆபிரகாமின் தகப்பனாகிய தேராகு மற்றும் அவரது முன்னோர்கள் கர்த்தரை அறிந்தவர்கள்  அல்ல; அவர்கள் வேறு தெய்வத்தினை வழிபாட்டு வந்தனர். "ஆபிரகாமுக்கும் நாகோருக்கும் தகப்பனான தேராகு என்பவன், நதிக்கு அப்புறத்திலே குடியிருந்தபோது அவர்கள் வேறே தேவர்களைச் சேவித்தார்கள்" ( யோசுவா 24 : 2 ) என்று யோசுவா நூலில் வாசிக்கின்றோம். ஆனால் தேராகு இறந்தபின் கர்த்தர் ஆபிரகாமை அழைத்தார்.

"கர்த்தர் ஆபிராமை நோக்கி: நீ உன் தேசத்தையும், உன் இனத்தையும், உன் தகப்பனுடைய வீட்டையும் விட்டுப் புறப்பட்டு, நான் உனக்குக் காண்பிக்கும் தேசத்துக்குப் போ. நான் உன்னைப் பெரிய ஜாதியாக்கி, உன்னை ஆசீர்வதித்து, உன் பேரைப் பெருமைப்படுத்துவேன்; நீ ஆசீர்வாதமாய் இருப்பாய்."( ஆதியாகமம் 12 : 1, 2 ) என்றார். 

இப்படி, "நான் நதிக்கு அப்புறத்தில் இருந்த உங்கள் தகப்பனாகிய ஆபிரகாமை அழைத்துக்கொண்டுவந்து, அவனைக் கானான்தேசமெங்கும் சஞ்சரிக்கச்செய்து, அவன் சந்ததியைத் திரட்சியாக்கி, அவனுக்கு ஈசாக்கைக் கொடுத்தேன்." ( யோசுவா 24 : 3 ) என்கின்றார் கர்த்தர். 

இன்றைய வசனத்தில் இந்த ஆபிரகாமையும் அவன் மனைவியாகிய சாராளையும் நோக்கிப்பாருங்கள் என்று கூறப்பட்டுள்ளது. கர்த்தரை அறியாமல் வேறு தெய்வ வழிபாட்டில் வளர்க்கப்பட்ட ஆபிரகாம் கர்த்தர்மேல் விசுவாசத்தில் வல்லவரானார். எனவே, "அவன் ஒருவனாயிருக்கையில் நான் அவனை அழைத்து, அவனை ஆசீர்வதித்து, அவனைப் பெருகப்பண்ணினேன்." என்று இன்றைய வசனம் கூறுகின்றது. 

நமது தேவன் உள்ளங்களை ஊடுருவிப் பார்கின்றவர். ஆபிரகாமின் உள்ளான மனது அவருக்குத் தெரிந்திருந்ததால் அவரை அழைத்து ஆசீர்வதிக்கின்றார் தேவன். ஆபிரகாம் தன்னை தேவன் பெருகச் செய்யவேண்டுமென்று மன்றாடவில்லை. ஆனால் அவரது உண்மையினையும் உத்தமத்தையும், விசுவாசத்தையும் தேவன் கனம் பண்ணி ஒருவனாகிய அவரை ஒரு தனித் தேசமாகவே மாற்றிவிட்டார். ஆம்,  இஸ்ரவேல் தேசம் எனும் மொத்த நாடே   ஆபிரகாமின் சந்ததிகளால்  உண்டானது.  

எனவேதான், "உங்கள் தகப்பனாகிய ஆபிரகாமையும், உங்களைப் பெற்ற சாராளையும் நோக்கிப்பாருங்கள்" என்று இன்றைய தியானத்துக்குரிய வசனம் கூறுகின்றது. தேவனை விசுவாசிக்கும்போது அவர் ஒருவரை எப்படி கனம் பண்ணுகிறார் என்பதற்கு ஆபிரகாம் நமக்கு ஒரு உதாரணம். என்வேதான் விசுவாசத்தைப்பற்றி கூறும்போது எபிரெய நிருப ஆசிரியர், "ஆனபடியால், சரீரஞ்செத்தவனென்று எண்ணத்தகும் ஒருவனாலே, வானத்திலுள்ள பெருக்கமான நட்சத்திரங்களைப்போலவும் கடற்கரையிலுள்ள எண்ணிறந்த மணலைப்போலவும், மிகுந்த ஜனங்கள் பிறந்தார்கள்." ( எபிரெயர் 11 : 12 ) என்று கூறுகின்றார். 

அன்பானவர்களே, இன்றைய வசனம் இதையே நோக்கிப்பாருங்கள் என்று நமக்கு அறிவுறுத்துகின்றது. ஆபிரகாம், சாராள் இவர்களது விசுவாசத்தை நாம் நோக்கிப்பார்ப்போம். அதனை நாமும் நமது வாழ்வில் கடைப்பிடிக்க முயலுவோம்; கர்த்தர் நம்மையும்  ஆசீர்வதிப்பார்.  

தேவ செய்தி:- ✍️ சகோ. எம். ஜியோ பிரகாஷ்   

                               ABRAHAM & SARAH 

AATHAVAN 🔥 965🌻 Tuesday, September 19, 2023

"Look unto Abraham your father, and unto Sarah that bare you: for I called him alone, and blessed him, and increased him." (Isaiah 51: 2)

Today's verse advises us to follow the example of the great father Abraham and his wife Sarah.

Abraham's father Terah and his ancestors did not know the Lord; They worshipped a different deity. We read in the book of Joshua that "Your fathers dwelt on the other side of the flood in old time, even Terah, the father of Abraham, and the father of Nachor: and they served other gods." (Joshua 24: 2) But after Terah's death, God called Abraham.

"Now the LORD had said unto Abram, get thee out of thy country, and from thy kindred, and from thy father's house, unto a land that I will shew thee: And I will make of thee a great nation, and I will bless thee, and make thy name great; and thou shalt be a blessing:" (Genesis 12: 1, 2)

Thus, "I took your father Abraham from the other side of the flood, and led him throughout all the land of Canaan, and multiplied his seed, and gave him Isaac.” (Joshua 24: 3) says the Lord.

Today's verse asks us to look at this Abraham and his wife Sarah. Abraham, who was brought up in the worship of other gods without knowing true God, became strong in faith in God. Therefore, “I called him alone, and blessed him, and increased him” today’s verse says.

Our God is a seer of hearts. God called and blessed Abraham because he knew his innermost heart. Abraham did not plead for God to multiply him. But God honoured his truth, integrity and faith and made him a separate nation. Yes, the entire nation of Israel is from Abraham's descendants.

That is why today's verse for meditation says, "Look to your father Abraham and to Sarah who bare you." Abraham is an example to us of how God honours a person when he believes. The author of the book of Hebrews, when speaking about faith, says, "Therefore sprang there even of one, and him as good as dead, so many as the stars of the sky in multitude, and as the sand which is by the sea shore innumerable." (Hebrews 11: 12)

Beloved, today's verse instructs us to aim at this. Let us look at the faith of Abraham and Sarah. We will also try to follow it in our lives; May the Lord bless us too.

God’s Message: - ✍️ Bro. M. Geo Prakash 

கர்த்தர் என்னைத் தாங்குகிறார் / THE LORD SUSTAINS ME

ஆதவன் 🔥 964🌻 செப்டம்பர் 18, 2023 திங்கள்கிழமை

"நான் படுத்து நித்திரை செய்தேன்; விழித்துக்கொண்டேன்; கர்த்தர் என்னைத் தாங்குகிறார்." ( சங்கீதம் 3 : 5 )

இன்றைய  சங்கீத தியான வசனம் எழுதப்பட்ட பின்னணியைப் பார்த்தால்தான் இதன் அருமை தெரியும்.  நாம் சுகமாக மெத்தையில் படுத்துத் தூங்கி எழுந்துகொண்டு,  நான் படுத்து நித்திரை செய்தேன்; விழித்துக்கொண்டேன்; கர்த்தர் என்னைத் தாங்குகிறார் என்று கூறுவதுபோல தாவீது இதனைக் கூறவில்லை. மாறாக, தாவீதின் மகன் அப்சலோம் தாவீதைக் கொல்லுவதற்குத் தேடி அலைந்துகொண்டிருக்கும்போது அவனுக்குத் தப்பியோட முயன்ற தாவீது குகைகளிலும் மலை இடுக்குகளிலும் மறைந்து வாழும்போது கூறிய வார்த்தைகள் இவை. 

சரியான உணவும்,  தூக்கமும்,  ஓய்வுமின்றி  அலைந்து களைப்படைந்து கிடைத்த இடத்தில் படுத்து உறங்கியெழுந்து தாவீது இன்றைய வார்த்தைகளை அறிக்கையிடுகின்றார். தூங்கி விழிப்பேனா இல்லை தூங்கும்போதே எதிரி என்னைக் கொன்றுவிடுவானோ எனும் அச்சப்படத்தக்க சூழ்நிலையில் தாவீது உறங்கி எழுந்து மகிழ்ச்சியுடன் கூறுகின்றார், "படுத்து நித்திரை செய்தேன்; விழித்துக்கொண்டேன்; கர்த்தர் என்னைத் தாங்குகிறார்" என்று. 

இதற்கு முந்தின இரண்டு வசனக்குமுன் அவர் கூறுகின்றார், "ஆனாலும் கர்த்தாவே, நீர் என்னைச் சூழ்ந்துள்ள கேடகமும், என் மகிமையும், என் தலையை உயர்த்துகிறவருமாயிருக்கிறீர்." ( சங்கீதம் 3 : 3 ) ஆம், கர்த்தர் தன்னைக் கேடகத்தால் தாங்குகின்றார் என்பதைத் தாவீது அறிந்திருந்ததால்தான் அவரால் நிம்மதியாகத் தூங்கமுடிந்தது. எனவே, "எனக்கு விரோதமாகச் சுற்றிலும் படையெடுத்துவருகிற பதினாயிரம்பேருக்கும் நான் பயப்படேன்." ( சங்கீதம் 3 : 6 ) என்கின்றார் தாவீது. 

புதிய ஏற்பாட்டிலும் அப்போஸ்தலரான பேதுருவை ஏரோது கொலைசெய்யும் நோக்கத்துடன் பிடித்து சிறையிலடைத்து வைத்திருந்தான். அதற்கு முன்னர்தான் அவன் யோவானின் சகோதரனாகிய யாக்கோபைக் கொலைசெய்திருந்தான். அது யூதர்களுக்குப் பிடித்திருந்ததால் பேதுருவையும் கொலைசெய்ய எண்ணிச் சிறையில் அடைத்து வைத்திருந்தான். 

பொதுவாக கொலைசெய்யப்படப்போகும் கைதிகளுக்கு தண்டனை நிறைவேறப்போகும் நாளுக்கு முந்தின நாள் இரவில் தூக்கம் வராது என்கின்றனர் சிறை அதிகாரிகள். ஆனால் நாம் வாசிக்கின்றோம் அப்போஸ்தலரான பேதுரு எந்தக் கவலையுமின்றி சுகமாகச் சிறையில் தூங்கிக்கொண்டிருக்கின்றார். இதை, "ஏரோது அவரை  வெளியே கொண்டுவரும்படி குறித்திருந்த நாளுக்கு முந்தின நாள் இராத்திரியிலே, பேதுரு இரண்டு சங்கிலிகளினாலே கட்டப்பட்டு, இரண்டு சேவகர் நடுவே நித்திரை பண்ணிக்கொண்டிருந்தார்; காவற்காரரும் கதவுக்கு முன்னிருந்து சிறைச்சாலையைக் காத்துக் கொண்டிருந்தார்கள்." ( அப்போஸ்தலருடைய நடபடிகள் 12 : 6 ) என நாம் வாசிக்கின்றோம். 

தாவீது கூறுவதுபோல இங்கு பேதுருவையும் தேவன் தனது தூதர்களை அனுப்பிச் சிறையிலிருந்து விடுவித்தார். 

அன்பானவர்களே, எந்தக் கவலை, துன்பம், நோய் வந்தாலும் கவலைப்படாமல் தாவீது கூறுவதுபோல "கர்த்தாவே, நீர் என்னைச் சூழ்ந்துள்ள கேடகமும், என் மகிமையும், என் தலையை உயர்த்துகிறவருமாயிருக்கிறீர்." என அறிக்கையிடுவோம்.  தேவன் மனிதர்களிடம் வேற்றுமை பாராட்டுபவரல்ல, தாவீதை விடுவித்தனர், பேதுருவோடு இருந்து அவரை அதிகாரத்தின் கைகளுக்குத் தப்ப வைத்தவர் நம்மையும் விடுவிப்பார். 

தேவ செய்தி:- ✍️ சகோ. எம். ஜியோ பிரகாஷ்   

           THE LORD SUSTAINS ME 

AATHAVAN 🔥 964🌻 Monday, September 18, 2023

"I laid me down and slept; I awaked; for the LORD sustained me." (Psalms 3: 5)

The real beauty of today’s verse can be seen only by looking at the background in which these hymns are written. David does not say these verses as we slept comfortably on the mattress and woke up, and say I laid me down and slept; I awaked; for the LORD sustained me. On the contrary, these are the words spoken by David as he hides in caves and mountain crevices as he tries to escape his son Absalom as he wanders around seeking to kill him.

David reports today's words when he was wandering without proper food, sleep and rest and tired from wandering. David wakes up from sleep and says with joy and says, " I awaked; for the LORD sustained me"

Two verses before this he says, "But thou, O LORD, art a shield for me; my glory, and the lifter up of mine head." ( Psalms 3 : 3 ) Yes, David was able to sleep peacefully because he knew that the Lord supported him with a shield. Therefore, "I will not be afraid of ten thousand of people, that have set themselves against me round about.” (Psalms 3: 6) says David.

In the New Testament, the apostle Peter was captured and imprisoned by Herod with intent to kill him. Before that he had killed James, John's brother. Because it pleased the Jews, he kept Peter in prison, intending to kill him also.

Now  a days prison officials say that prisoners who are going to be executed usually do not sleep well the night before their execution. But we read that the apostle Peter was sleeping soundly in prison without any worries. It says, "And when Herod would have brought him forth, the same night Peter was sleeping between two soldiers, bound with two chains: and the keepers before the door kept the prison." (Acts 12: 6) we read.

As David says, here God also sent his messengers and freed Peter from prison.

Beloved, do not worry about anything, suffering or sickness. Let we also say as David, "Lord, you are my shield, my glory and the one who lifts up my head." God has no partiality. God who delivered David, and Peter from the hands of the enemies, will deliver us also.

God’s Message:- ✍️ Bro. M. Geo Prakash

இரத்தத்தினாலே தைரியம் / COURAGE BY THE BLOOD

ஆதவன் 🔥 963🌻 செப்டம்பர் 17, 2023 ஞாயிற்றுக்கிழமை 

"புது உடன்படிக்கையின் மத்தியஸ்தராகிய இயேசுவினிடத்திற்கும், ஆபேலினுடைய இரத்தம் பேசினதைப்பார்க்கிலும் நன்மையானவைகளைப் பேசுகிற இரத்தமாகிய தெளிக்கப்படும் இரத்தத்தினிடத்திற்கும் வந்துசேர்ந்தீர்கள்." ( எபிரெயர் 12 : 24 )

இன்றைய வசனம் சில செய்திகளை நமக்குத் தருகின்றது. ஒன்று இரத்தத்தில் உயிர் இருப்பதால் (லேவியராகமம் 17: 11, 14) அது பேசும் தன்மை உள்ளதாக இருக்கின்றது.  அப்படிப் பேசக்கூடியதாக இருப்பதால் ஆபேலுடைய இரத்தமும் பேசியது. இதனை நாம் ஆதியாகமத்தில் வாசிக்கின்றோம். தேவன் காயினைப் பார்த்துக் கூறுகின்றார், "என்ன செய்தாய்? உன் சகோதரனுடைய இரத்தத்தின் சத்தம் பூமியிலிருந்து என்னை நோக்கிக் கூப்பிடுகிறது." ( ஆதியாகமம் 4 : 10 )

ஆம், ஆபேலுடைய இரத்தம் மனித இரத்தமானதால் அது தன்னைக் கொலைசெய்த காயினுடைய பாதகத்தை தேவனுக்கு எடுத்துச் சொல்லி முறையிட்டது. ஆனால் கர்த்தராகிய இயேசு கிறிஸ்து தனது இரத்தத்தால் நமது பாவங்களைக் கழுவுகின்றார். மட்டுமல்ல நாம் பாவம்செய்யும்போது தேவனிடம் பரிந்து பேசுகிறார். 

ஆபேலுடைய இரத்தம் தனக்காக நியாயம் கேட்டது. இயேசு கிறிஸ்துவின் இரத்தமோ சாகல உலக மக்களை பரிசுத்தமாக்கிட அவர்களுக்காக பரிந்து பேசுகின்றது. எனவே, "(குமாரனாகிய) அவருக்குள், அவருடைய இரத்தத்தினாலே, பாவமன்னிப்பாகிய மீட்பு நமக்கு உண்டாயிருக்கிறது."( கொலோசெயர் 1 : 14 )

மேலும், "அவர் சிலுவையில் சிந்தின இரத்தத்தினாலே சமாதானத்தை உண்டாக்கி, பூலோகத்திலுள்ளவைகள் பரலோகத்திலுள்ளவைகள் யாவையும் அவர் மூலமாய்த் தமக்கு ஒப்புரவாக்கிக்கொள்ளவும் அவருக்குப் பிரியமாயிற்று." ( கொலோசெயர் 1 : 20 )

இதனையே இன்றைய வசனம் ஆபேலினுடைய இரத்தம் பேசினதைப்பார்க்கிலும் நன்மையானவைகளைப் பேசுகிற இரத்தமாகிய தெளிக்கப்படும் இரத்தத்தினிடத்திற்கும் வந்துசேர்ந்தீர்கள் என்று கூறுகின்றது. ஆம், "நியாயப்பிரமாணத்தின்படி கொஞ்சங்குறைய எல்லாம் இரத்தத்தினாலே சுத்திகரிக்கப்படும்; இரத்தஞ்சிந்துதலில்லாமல் மன்னிப்பு உண்டாகாது." ( எபிரெயர் 9 : 22 )

மேலும் பரிசுத்த மார்க்கத்தில் நாம் நுழைவதற்கு இயேசு கிறிஸ்து தனது இரத்தத்தால் பாதையை உண்டாக்கியுள்ளதாலும்  அவருடைய இரத்தத்தினாலே நமக்குத் தைரியம் உண்டாயிருக்கிறபடியினாலும் உண்மையுள்ள இருதயத்தோடும் விசுவாசத்தின் பூரண நிச்சயதோடும் அதில் சேரக்கடவோம் என்று கூறப்பட்டுள்ளது. (எபிரெயர் 10 : 20 ) 

இப்படி ஆபேலினுடைய இரத்தம் பேசினதைப்பார்க்கிலும் நன்மையானவைகளைப் பேசுகிற இரத்தமாகிய தெளிக்கப்படும் இரத்தத்தினிடத்திற்கும் வந்துசேர்ந்தீர்கள் என்று இன்றைய வசனம் கூறுகின்றது. 

அன்பானவர்களே, இயேசு கிறிஸ்துவின் இரத்தத்தின் மேன்மையினை அறிந்தவர்களாக அவரது இரத்தத்தால் கழுவப்பட நம்மை முழுவதுமாக அவருக்கு ஒப்புக்கொடுப்போம். அப்போது  அவருடைய இரத்தத்தினாலே நமக்குத் தைரியம் உண்டாகும் மட்டுமல்ல நமது விசுவாசம் பூரணப்படும். அந்த நிச்சயத்தோடு பரிசுத்த ஸ்தலத்தில் அவரோடு சேரமுடியும்.   

தேவ செய்தி:- ✍️ சகோ. எம். ஜியோ பிரகாஷ்    

          COURAGE BY THE BLOOD 

AATHAVAN🔥 963🌻 Sunday, September 17, 2023

"And to Jesus the mediator of the new covenant, and to the blood of sprinkling, that speaketh better things than that of Abel." (Hebrews 12: 24)

Today's verse gives us some important messages. One is that, because blood has life (Leviticus 17:11, 14) it has the ability to speak. Abel's blood also spoke because of this. We read this in Genesis. God looks at Cain and says, "And he said, what hast thou done? the voice of thy brother's blood crieth unto me from the ground." ( Genesis 4 : 10 )

Yes, because Abel's blood was human blood, he complained to God about Cain's murder. But the Lord Jesus Christ washes away our sins with His blood. Not only that, he intercedes with God when we sin.

Abel's blood sought justice for itself. The blood of Jesus Christ intercedes for all the people of the world to sanctify them. Therefore, it is said, "In whom we have redemption through his blood, even the forgiveness of sins:" (Colossians 1: 14)

And, "And, having made peace through the blood of his cross, by him to reconcile all things unto himself; by him, I say, whether they be things in earth, or things in heaven.”(Colossians 1 : 20 )

This is what today's verse says, you have come to the sprinkling blood, the blood that speaks good things rather than the blood of Abel. Yes, "And almost all things are by the law purged with blood; and without shedding of blood is no remission.” (Hebrews 9: 22)

And it is said that since Jesus Christ has made a way for us to enter the holy place with his blood, we have courage with his blood, and let us join it with a true heart and full certainty of faith. (Hebrews 10:20)

Today's verse says that you have come to the sprinkling blood, the blood that speaks good things, rather than the blood of Abel.

Beloved, knowing the greatness of the blood of Jesus Christ, let us give ourselves wholly to Him to be washed by His blood. Then through his blood we will not only have courage but our faith will be perfected. With that certainty we can join him in the holy place.

God’s Message:- ✍️ Bro. M. Geo Prakash

கட்டாயச் சிலுவை / COMPULSORY CROSS

ஆதவன் 🔥 962🌻 செப்டம்பர் 16, 2023 சனிக்கிழமை 

"சிரேனே ஊரானும், அலெக்சந்தருக்கும் ரூப்புக்கும் தகப்பனுமாகிய சீமோன் என்னப்பட்ட ஒருவன் நாட்டிலிருந்து அவ்வழியே வருகையில், அவருடைய சிலுவையைச் சுமக்கும்படி அவனைப் பலவந்தம் பண்ணினார்கள்." ( மாற்கு 15 : 21 )

அன்பானவர்களே, தேவனுக்காக என்று நாம் செய்யும் எந்தக் காரியமாக இருந்தாலும் அது அன்பினால் செய்யப்பட்டதாக இருக்கவேண்டும் எனும் செய்தியை இன்றைய வசனம் நமக்கு அறிவுறுத்துகின்றது. 

இன்றைய தியான வசனத்தில் கூறப்பட்டுள்ள சிரேனே ஊரானும், அலெக்சந்தருக்கும் ரூப்புக்கும் தகப்பனுமாகிய சீமோன் என்பவன் அன்பினால் கிறிஸ்துவுக்கு உதவவில்லை. மாறாக, கட்டாயத்தின்பேரில் கிறிஸ்துவுக்காகச் சிலுவையைச் சுமந்தான் என்று கூறப்பட்டுள்ளது. அவன் யூதர்களுக்குப் பயந்து சிலுவையைச் சுமக்க உதவினான். 

இதுபோலவே பல மனிதர்களை நாம் பார்க்கலாம்.  சிலர் தேவனுக்கென்றும் ஆலயப் பணிகளுக்கென்றும் தேவ அன்பினால் ஏவப்பட்டுச் செய்யாமல் கட்டாயத்தின்பேரில் சில காரியங்களைச் செய்கின்றனர். கட்டாயத்தின்பேரில் சில பக்தி காரியங்களில் ஈடுபடுகின்றனர். எந்தவிதக்  கட்டாயமுமின்றி அன்பினால் ஏவப்பட்டு நாம் செய்யும் செயல்களே தேவனால் அங்கீகரிக்கப்படும். 

ஒரு சிறு நகரத்தில்  அந்தப் பகுதியிலுள்ள ஆலய பிரதிஷ்டைகாக ஊர் இளைஞர்கள் நன்கொடை வசூலித்தனர். அந்த ஊரில் கடைவைத்திருந்த கடை முதலாளியையும் வற்புறுத்தி ஒரு பெரிய தொகையை எழுதவைத்தனர். ஊராரைப் பகைக்கவேண்டாம் என்று கருதி அவரும் பெரிய தொகையினை நன்கொடையாகக் கொடுக்க முன்வந்தார். பின்னர் அவர் ஒருவரிடம் கூறியதை நான்  கேட்டேன். " வருஷம்தோறும் இது பெரிய தொந்தரவாய் இருக்கிறது....என்ன செய்ய அவர்கள் கேட்பதை அழுது தொலைக்கவேண்டியிருக்கிறது ..." என்று சலித்துக்கொண்டார். 

பிரதிஷ்டை பண்டிகையன்று அதிகம் நன்கொடைகொடுத்த இந்த முதலாளியை அழைத்து பொன்னாடைபோர்த்தி கவுரவித்தார்கள். மனிதர்கள் மத்தியில் அவர் பெருமைப்படுத்தப்பட்டார். இதுவும் அடுத்த ஆண்டிலும் அவர் இப்படி உதவிடவேண்டும் எனும் எண்ணத்தில்தான்.    அன்பானவர்களே,  இப்படிக் கட்டாயத்தின்பேரில் பல காரியங்களை நாமும் செய்யலாம். இவைகள் கட்டாயத்தின்பேரில் சீமோன் சிலுவை சுமந்த காரியம் போன்றவைகள்தான். 

ஆனால் உலக மக்களுக்கு அன்பினால் செய்யும் செயலையும் கட்டாயத்தின்பேரில் செய்யும் செயலையும் பகுத்தறிய முடிவதில்லை. இயேசு கிறிஸ்து பரிசேயன் ஒருவனது வீட்டில் பந்தியிருக்கும்போது பாவியாகிய பெண் ஒருவர் வந்து அவரது பாதங்களைக் கண்ணீரால் நனைத்து தனது கூந்தலால் துடைத்தாள். அவரை விருந்துக்கு அழைத்த சீமோன் இதுகுறித்து மனதுக்குள், "இவர் தீர்க்கதரிசியாக இருந்தால் தன்னைத் தொடும் பெண் பாவி என்று அறிந்திருப்பாரே" என எண்ணினான். 

அவனது எண்ணத்தைப் புரிந்துகொண்ட இயேசு அவனுக்குச் சில விளக்கங்களைக் கூறிவிட்டு இறுதியில் கூறினார்,  "ஆதலால் நான் உனக்குச் சொல்லுகிறேன்: இவள் செய்த அநேக பாவங்கள் மன்னிக்கப்பட்டது; இவள் மிகவும் அன்புகூர்ந்தாளே;  எவனுக்குக் கொஞ்சம் மன்னிக்கப்படுகிறதோ, அவன் கொஞ்சமாய் அன்புகூருவான்" ( லுூக்கா 7 : 47 )  

ஆம் அன்பானவர்களே, அன்பினால் செய்யும் சிறிய செயலையும் தேவன் அங்கீகரிப்பார். கட்டாயத்தின்பேரில் செய்யப்படும் எத்தனைப் பெரிய செயலையும் அவர் கணக்கில் கொள்வதில்லை. எனவே சிரேனே ஊர் சீமோனைப்போல வலுக்கட்டாயத்தின்பேரில் எதனையும் செய்யாதபடி எச்சரிக்கையாய் இருப்போம். நாம் எதனையும் தேவனுக்கென்று செய்யும்போது இதனையும் எண்ணிக்கொள்ளவேண்டும். ஊராரின் கட்டாயத்தின்பேரில் நாம் சில காரியங்களை இப்படிச் செய்யவேண்டியிருக்கலாம். ஆனால் அதனை நாம் உணர்ந்திருக்கவேண்டும் அப்படிச் செய்யும் செயலை நாம் உடன்தானே மறந்துவிடுவது நல்லது 

ஆனால் கிறிஸ்துவின்மேல் மெய்யான அன்புகொண்டு நாம் செய்யும் சிறிய செயலையும் அவர் கணக்கில்கொள்வார். நமது பாவங்களையும் மன்னிப்பார். 

தேவ செய்தி:- ✍️ சகோ. எம். ஜியோ பிரகாஷ்        

            COMPULSORY CROSS 

AATHAVAN 🔥 962🌻 Saturday, September 16, 2023

"And they compel one Simon a Cyrenian, who passed by, coming out of the country, the father of Alexander and Rufus, to bear his cross." ( Mark 15 : 21 )

Beloved, today's verse advises us that whatever we do for God, it should be done with love.

Simon the Cyrene, the father of Alexander and Rupus, mentioned in today's meditation verse, did not help Christ out of love. Rather, it is said that he carried the cross for Christ out of compulsion. He was afraid of the Jews and helped carry the cross.

Similarly, we can see many people. Some people do things out of compulsion rather than being inspired by God's love for God and church work. They engage in some devotional activities out of compulsion. God approves of the actions we do out of love without any compulsion.

In a small town, the youth of the village collected donations for the consecration of a church in that area. They also forced the owner of the shop in that town to write down a huge amount. He also offered to donate a large amount of money, thinking that he should not antagonize the villagers. Then I heard him tell someone, “every year it is a big trouble for me....I have to cry and lose what they ask me to do..." he said boredly.

On the consecration festival, this shop owner who donated a lot was invited and honored with golden shawl. He was glorified among men. It was also with the intention that he should help in this way in the next year as well. Beloved, we too can do many things out of compulsion. These are things like Simon's forced cross-carrying.

But the people of the world cannot distinguish between an act of love and an act of compulsion. When Jesus Christ was staying in a Pharisee's house, a sinful woman came and wet his feet with her tears and wiped them with her hair. Simon, who invited him to the feast, thought to himself, "If this man were a prophet, he would know that the woman who touches him is a sinner."

Jesus, who understood his thoughts, gave him some explanations, and finally said, "Wherefore I say unto thee, her sins, which are many, are forgiven; for she loved much: but to whom little is forgiven, the same loveth little." (Luke 7: 47)

Yes beloved, God will recognize even the smallest act of love. He does not consider any great deed done out of compulsion. So let us be careful, like Simon of Cyrene, to do nothing under compulsion. We should also consider this when we do anything for God. We may have to do some things like this due to the compulsion of the villagers. But we should realize that it is better to forget the act of doing that.

But He will count even the smallest act that we do with true love for Christ. He will also forgive our sins.

God’s Message:- ✍️ Bro. M. Geo Prakash

ஆவிக்குரிய குருட்டுத்தன்மை / SPIRITUAL BLINDNESS

ஆதவன் 🔥 961🌻 செப்டம்பர் 15, 2023 வெள்ளிக்கிழமை 

"குருடரை அவர்கள் அறியாத வழியிலே நடத்தி, அவர்களுக்குத் தெரியாத பாதைகளில் அவர்களை அழைத்துக்கொண்டுவந்து, அவர்களுக்கு முன்பாக இருளை வெளிச்சமும், கோணலைச் செவ்வையுமாக்குவேன்; இந்தக் காரியங்களை நான் அவர்களுக்குச் செய்து, அவர்களைக் கைவிடாதிருப்பேன்." ( ஏசாயா 42 : 16 )

தேவனை அறியும் அறிவில் நாமெல்லோரும் குறையுள்ளவர்கள். ஆவிக்குரிய சரியான பாதையினைச் சரியாக அறியாதக் குருடர்கள். ஆனால் நாம் அவரை அறியவேண்டும், ஆவிக்குரிய வாழ்வில் வளரவேண்டும் என்று விரும்பினால் இன்றைய வசனம் கூறுவதுபோல நம்மை அவர் நாம் அறியாத வழியிலே நடத்தி, நமக்குத் தெரியாத பாதைகளில் அழைத்துக்கொண்டுவந்து, நமக்கு முன்பாக இருளை வெளிச்சமும், கோணலைச் செவ்வையுமாக்குவார். இப்படிச்  செய்து, நம்மைக்  கைவிடாதிருப்பார். 

இதனையே அடுத்த மூன்று வசனங்களுக்குப் பின்னர் நாம் வாசிக்கின்றோம், "என் தாசனையல்லாமல் குருடன் யார்? நான் அனுப்பிய தூதனையல்லாமல் செவிடன் யார்? உத்தமனையல்லாமல் குருடன் யார்? கர்த்தருடைய ஊழியக்காரனையல்லாமல் அந்தகன் யார்?" ( ஏசாயா 42 : 19 )

அவருக்குத் தாசனாக வாழ முயலுவோர்தான் குருடர்கள், அவரது தூதராக பணி  செய்ய விரும்புவோர் குருடர்கள் , உத்தமமான வாழ்க்கை வாழ்வோர் குருடர்கள், கர்த்தருக்கு ஊழியம் செய்வோர் எல்லோருமே சரியான பாதை தெரியாத குருடர்கள்தான். ஆனால் அவர்களது ஆர்வத்தையும் முயற்சிகளையும்  தேவன் பார்க்கின்றார். எனவேதான் அவர்களுக்கு  இருளான பாதையில் ஒளியாகவும், கோணலான பாதையினை நேராகவும் மாற்றி உதவுவேன் என்கின்றார் கர்த்தர். 

சரியான பாதை தெரியாத குருடர்களான நாம் அவரை நோக்கி ஓரடி எடுத்து வைத்தால் போதும், அவர் நம்மை நோக்கி ஓடிவர ஆர்வமாக இருக்கின்றார். ஆனால் இன்று பொதுவாகப் பலரும் அவரை நோக்கிப் பார்ப்பதுபோலத் தெரிந்தாலும் அது தங்களது உலகத் தேவைக்கேத்தவிர அவருக்காக அல்ல. எனவே அவர் அமைதியாக இருக்கின்றார். 

ஒரு பெண்ணை உண்மையாகக் காதலிப்பவன் அந்தப் பெண் என்னென்ன வரதட்சணையாகக் கொண்டு வருவாள் என்று எதிர்பார்க்க மாட்டான். அதுபோல பெண்ணும் உயர்ந்த பதவி, பணம் தான் காதலிக்கும் மணமகனிடம் இருக்கின்றதா என்று கணக்குப் பார்க்க மாட்டாள். அதாவது, காதலர்களுக்கு தங்கள் காதலிக்கும் நபரோடு சேர்ந்து வாழவேண்டும் எனும் ஒரே எண்ணம்தான் இருக்கும். இதே எண்ணமும் ஆர்வமும் தேவனை அடைவதில் நம்மிடம் இருக்குமானால் இன்றைய வசனம் கூறுவதுபோல தேவன் நம்மை நடத்துவார். 

ஐயோ, என் பிள்ளை என்னிடம் வர முயலுகின்றானே / முயலுகின்றாளே என்று அவர் எண்ணுவார். தடையாக இருக்கும் பொருட்களைக் கடந்து சிறு குழந்தை தன்னிடம் வர முயலுவதைத்  தாய் காணும்போது அக்குழந்தையின் குறுக்கே இருக்கும் தடைகளை அகற்றி உதவுவதுபோல தேவன் நமக்கு உதவுவார்.  நமது பாதைக்கு ஒளியாகவும் தடையாக இருக்கும் கோணலான வழியை நேராகவும் மாற்றி உதவிடுவார்.

அவருக்குத் தாசனாக, தூதனாக, உத்தமனாக,   ஊழியக்காரனாக வாழ்வோமானால் நாம் நடக்கவேண்டிய சரியான பாதையில் அவர் நம்மை நடத்துவார். 

தேவ செய்தி:- ✍️ சகோ. எம். ஜியோ பிரகாஷ்      

                          SPIRITUAL BLINDNESS 

AATHAVAN 🔥 961🌻 Friday, September 15, 2023

"And I will bring the blind by a way that they knew not; I will lead them in paths that they have not known: I will make darkness light before them, and crooked things straight. These things will I do unto them, and not forsake them." (Isaiah 42: 16)

We are all deficient in the knowledge of God; blind people who do not know the correct spiritual path. But if we have the inner desire to know Him and grow up in spiritual life, as today's verse says, He will lead us in a way that we do not know, bring us along paths that we do not know, and He will turn the darkness into light before us. By doing this, he will not abandon us.

And after the next three verses we read, "Who is blind, but my servant? or deaf, as my messenger that I sent? who is blind as he that is perfect, and blind as the LORD's servant?" (Isaiah 42: 19)

Those who seek to live as his servants are blind, those who want to work as his messengers are blind, those who lead a righteous life are blind, and those who serve God are all blind who do not know the right path. But God sees their passion and efforts. That is why the Lord says that He will help them to turn the dark path into light and the crooked path into a straight one.

As blind people who do not know the right path, it is enough for us to take a step towards Him, and He is eager to run towards us. But today it seems that many people look towards him, but not for their worldly needs. So, he is silent.

A man who truly loves a woman does not expect what dowry she will bring. Likewise, a woman does not consider whether the groom she loves has a high position or money. That is, lovers have only one intention to live together with their loved one. If we have the same intention and interest in reaching God, God will help us just as a mother sees a little child trying to overcome obstacles and reach her. He lightens our path and turns the crooked path into a straight one.

If we live as His servants, messengers, perfect and upright and God’s servants, He will guide us in the right path that we should walk.

God’s Message:- ✍️ Bro. M. Geo Prakash

கர்த்தருடைய கை குறுகியிருக்கிறதோ?/ IS THE LORD'S HAND WAXED SHORT?

ஆதவன் 🔥 960🌻 செப்டம்பர் 14, 2023 வியாழக்கிழமை 

"இங்கே ஒரு பையன் இருக்கிறான், அவன் கையில் ஐந்து வாற்கோதுமை அப்பங்களும் இரண்டு மீன்களும் உண்டு, ஆனாலும் அவைகள் இத்தனை ஜனங்களுக்கு எம்மாத்திரம்?"  ( யோவான் 6 : 9 )

ஒருமுறை இயேசு கிறிஸ்து மக்களுக்கு போதித்தபோது திரளான மக்கள் கூட்டம் அவரது போதனையைக் கேட்கக் கூடியது. அவர்களது ஆன்மீக பசிக்கு உணவளித்த இயேசு, அவர்களது வயிற்றுப் பசிக்கும் உணவிட எண்ணினார். எனவே தனது சீடனாகிய பிலிப்புவிடம், "இந்த மக்களுக்கு சாப்பிட அப்பங்களை நாம் எங்கே வாங்கலாம்? என்று கேட்கின்றார். தான் செய்யப்போகும் அற்புதத்தை அறிந்தே இயேசு இப்படிக் கேட்டார். அப்போது பிலிப்பு, "இருநூறு பணத்துக்கு அப்பம் வாங்கினாலும் இவர்களுக்குப் போதாதே என்றார். 

இதனைக் கேட்டுக்கொண்டிருந்த இன்னொரு சீடனான அந்திரேயா, "இங்கே ஒரு பையன் இருக்கிறான், அவன் கையில் ஐந்து வாற்கோதுமை அப்பங்களும் இரண்டு மீன்களும் உண்டு, ஆனாலும் அவைகள் இத்தனை ஜனங்களுக்கு எம்மாத்திரம்?" என்றார். 

அன்பானவர்களே, "இத்தனை ஜனங்களுக்கு எம்மாத்திரம்?" "இருநூறு பணத்துக்கு வாங்கினாலும் போதாதே" என்று தேவனது வல்லமையினை அறியாமல் சீடர்கள் அன்று கூறியதுபோல, நாமும் சிலவேளைகளில்  கூறிக்கொண்டிருக்கின்றோம். அதாவது நாம் தேவனையும் அவரது வல்லமையினையும் பெரிதாக பார்க்காமல் பிரச்சினையையே பெரிதாக எண்ணிக்கொள்கின்றோம்.  எனவே நம்மால் தேவனால் இதனைச் செய்து முடிக்க முடியுமென்று நம்ப முடிவதில்லை. அனால் இயேசு கிறிஸ்து அந்த இரண்டு மீனையும் ஐந்து அப்பத்தையும் கொண்டு ஐயாயிரம் பேருக்கு உணவளித்ததுமின்றி பன்னிரண்டு கூடை நிறைய அப்பங்களும் மிஞ்சியிருக்கும்படி அற்புதம் செய்தார். 

இதுபோலவே அன்று இஸ்ரவேல் மக்களும், எகிப்தில் நாங்கள் அடிமைகளாய் இருந்தாலும் இறைச்சியைச் சாப்பிட்டுத் திருப்தியாக இருந்து  வந்தோம். இந்த வனாந்தரத்தில் எங்களுக்கு இறைச்சியைக் கொடுப்பவர் யார் என்று அழுதார்கள். ( எண்ணாகமம் 11) மோசே கர்த்தரை நோக்கி முறையிட்டார். அதற்குக் கர்த்தர், "நீங்கள் ஒரு நாள் இரண்டு நாளல்ல, ஒரு மாதமளவும் இறைச்சியைச் சாப்பிடுவீர்கள் என்றார்.  

இதனை மோசேயாலேயே நம்ப முடியவில்லை. இன்றைய தியான வசனத்தில் இயேசு கிறிஸ்துவின் சீடர்கள் கூறியதுபோலவே மோசேயும் கூறினார்.  "என்னோடிருக்கிற காலாட்கள் ஆறுலட்சம்பேர்; ஒரு மாதம் முழுவதும் புசிக்கும்படி அவர்களுக்கு இறைச்சி கொடுப்பேன் என்று சொன்னீரே. ஆடுமாடுகளை அவர்களுக்காக அடித்தாலும் அவர்களுக்குப் போதுமா? சமுத்திரத்து மச்சங்களையெல்லாம் அவர்களுக்காகச் சேர்த்தாலும் அவர்களுக்குப் போதுமா என்றான்."( எண்ணாகமம் 11 : 21, 22 )

"அதற்குக் கர்த்தர் மோசேயை நோக்கி: கர்த்தருடைய கை குறுகியிருக்கிறதோ? என் வார்த்தையின்படி நடக்குமோ நடவாதோ என்று. நீ இப்பொழுது காண்பாய் என்றார்." ( எண்ணாகமம் 11 : 23 ) அதுபோல அந்த மக்கள் சாப்பிட தேவையான இறைச்சியைக் கொடுத்தார். 

அன்பானவர்களே, கர்த்தரது கை குறுகிய கையல்ல. அதனை நாம் விசுவாசிக்கவேண்டும். "போதாதே". "எம்மாத்திரம்", "போதுமா?", "முடியுமா?"  என்று நாம் அவிசுவாசமாகக்  கூறிக்கொண்டிருக்கவேண்டியதில்லை. 

நமது மாத வருமானம் குறைவாக இருக்கலாம், உடல்நிலை பலவீனமாக இருக்கலாம், தீராத வியாதி அல்லது மருத்துவர்களால் இனி பிழைக்கவைக்க முடியாது என்று கைவிடப்பட்ட நிலையிலிருக்கலாம். எந்த நிலையிலும் விசுவாசத்தை விடாமல் கர்த்தரையே நோக்கிப் பார்ப்போம். அப்போது, "கர்த்தருடைய கை குறுகியிருக்கிறதோ? என் வார்த்தையின்படி நடக்குமோ நடவாதோ என்று. நீ இப்பொழுது காண்பாய்." என்று கூறி நமக்கு அற்புதம் செய்யும் இயேசுவின் கரத்தை நாம் காண முடியும். 

தேவ செய்தி:- ✍️ சகோ. எம். ஜியோ பிரகாஷ்      

IS THE LORD'S HAND WAXED SHORT?

AATHAVAN 🔥 960🌻 September 14, 2023 Thursday

"There is a lad here, which hath five barley loaves, and two small fishes: but what are they among so many?" (John 6: 9)

Once when Jesus Christ was preaching to the people, a large crowd gathered to listen to his teaching. Having fed their spiritual hunger, Jesus intended to feed their stomach hunger as well. So, he asked his disciple Philip, "Where can we buy bread for these people to eat?" Jesus asked this knowing the miracle he was about to perform. Then Philip said, "Even if we buy two hundred pennyworths of bread, it will not be enough for these people”.

Another disciple, Andrew, who was listening to this, said, “here is a lad here, which hath five barley loaves, and two small fishes: but what are they among so many?”

Beloved, many times we are saying like these disciples without knowing the power of God.  “It will not be enough for these people”, “what are they among so many?”.   That is, we do not consider God and His power seriously, but consider our problem seriously. So, we cannot believe that God can accomplish this. But Jesus Christ not only fed five thousand people with those two fish and five loaves, but also miraculously left over twelve baskets of loaves.

In the same way, the people of Israel said we were satisfied with eating meat even though we were slaves in Egypt. We want to meat, "Who will give us meat in this wilderness?" (Numbers 11) Moses appealed to the Lord. And the Lord said, "You will not eat meat for a day or two, but for a month."

Even Moses could not believe this. Moses also said the same as the disciples of Jesus Christ said in today's meditation verse. He said, "The people, among whom I am, are six hundred thousand footmen; and thou hast said, I will give them flesh, that they may eat a whole month. Shall the flocks and the herds be slain for them, to suffice them? or shall all the fish of the sea be gathered together for them, to suffice them?" (Numbers 11: 21, 22)

"And the LORD said unto Moses, Is the LORD'S hand waxed short? thou shalt see now whether my word shall come to pass unto thee or not.” (Numbers 11: 23) He also gave the people the meat they needed to eat as He said.

Beloved, God's hand is not short. We must believe it. "Not enough". "How is it?", "Enough?", "Can we?" We do not have to say that in disbelief.

Our monthly income may be low, our health may be weak, we may have an incurable disease or we may be abandoned by doctors who cannot help us anymore. Let us look to the Lord without giving up faith in any situation. We can see the hand of Jesus working miracles for us. “Is the LORD'S hand waxed short? thou shalt see now whether my word shall come to pass unto thee or not” says Jesus.

God’s Message:- ✍️ Bro. M. Geo Prakash

என்னிடத்தில் திரும்புங்கள்/ TURN TO ME

ஆதவன் 🔥 959🌻 செப்டம்பர் 13, 2023 புதன்கிழமை 

"என்னிடத்தில் திரும்புங்கள் என்று சேனைகளின் கர்த்தர் சொல்லுகிறார்; அப்பொழுது நான் உங்களிடத்துக்குத் திரும்புவேன் என்று சேனைகளின் கர்த்தர் சொல்லுகிறார்." ( சகரியா 1 : 3 )

நமது தேவன் உலக மனிதர்களைப்போல மன வைராக்கியம் கொண்டவரல்ல; மனிதர்களது பலவீனம் அவருக்குத் தெரியும். எவ்வளவுநாள் நாம் அவரை மறந்து அவரைப் புறக்கணித்து வாழ்ந்திருந்தாலும் அவரிடம் இரகங்களும் மன்னிப்புகளும்  உண்டு என்பதால் நம்மை மன்னித்து ஏற்றுக்கொள்கின்றார்.  எனவேதான் கூறுகின்றார், "என்னிடத்தில் திரும்புங்கள் ; அப்பொழுது நான் உங்களிடத்துக்குத் திரும்புவேன்" என்று. 

தானியேல் புத்தகத்தில் நாம் வாசிக்கலாம், "......அவர் தீர்க்கதரிசிகளாகிய தம்முடைய ஊழியக்காரரைக்கொண்டு எங்களுக்கு முன்பாகவைத்த அவருடைய நியாயப்பிரமாணங்களின்படி நடவாமல் நாங்கள் அவருடைய சத்தத்துக்குச் செவிகொடாமற்போனோம். ஆனாலும் எங்கள் தேவனாகிய ஆண்டவரிடத்தில் இரக்கங்களும் மன்னிப்புகளும் உண்டு." ( தானியேல் 9 : 9, 10 )

அன்பானவர்களே,  எண்ணிமுடியாத நாட்களாய் அவரை நாம் மறந்து வாழ்ந்திருக்கலாம். நமது வயதும் மிக அதிகமாகியிருக்கலாம். ஆனால் அவரிடத்தில் இரக்கங்களும் மன்னிப்புகளும் உண்டு என்பதால், அவரிடம் நாம் முழு உள்ளத்தோடு திரும்பும்போது நம்மை அவர் ஏற்றுக்கொள்கின்றார். 

ஆனால் இன்று பெரும்பாலான மக்கள் முன்பு நான் வாழ்ந்ததுபோல  தங்களது முகத்தை தேவனை நோக்கித் திருப்பாமல் தங்களது முதுகை தேவனுக்குக் காட்டித்  தான்தோன்றித்தனமாக வாழ்கின்றார்கள். தங்கள் வாழ்வில் துன்பங்கள் வரும்போது மட்டும் தேவனை நோக்கி முறையிடுகின்றார்கள். இதனை எரேமியா மூலம் தேவன் கூறுகின்றார், "அவர்கள் தங்கள் முகத்தையல்ல, தங்கள் முதுகை எனக்குக் காட்டினார்கள்; தங்கள் ஆபத்துக்காலத்திலோ எழுந்து எங்களை இரட்சியும் என்கிறார்கள்." ( எரேமியா 2 : 27 ) இதனைத் தேவன் எனக்கு உணர்த்தினார். இந்த மக்களுக்கு இதனைத் தெளிவுபடுத்தவேண்டும்.

எரேமியா கூறுவதுபோல,  எனது முகத்தையல்ல,  முதுகையே  அவருக்குக் காட்டியவனாக  வாழ்ந்துவந்தேன். கம்யூனிச மாதப் பத்திரிகையில் துணை ஆசிரியராக இருந்து மக்களை துன்மார்க்க நெறிக்கு நேராகத் திருப்பும் கட்டுரைகளையும் கவிதைகளையும் எழுதிக்கொண்டிருந்தேன். ஆனால் எனது 36 வது வயதில் என்னைவிட 10 வயது குறைவான ஒரு சகோதரன் மூலம் கிறிஸ்துவை அறிந்து அவருக்கு நேராக எனது முகத்தைத் திருப்பினேன். என்னிடத்தில் திரும்புங்கள்,  அப்பொழுது நான் உங்களிடத்துக்குத் திரும்புவேன் என்று சேனைகளின் கர்த்தர் சொல்லியபடி என்னிடம் அவரும் திரும்பினார்.  ஆம், தேவன் வாக்கு மாறாதவர். முழு மனதுடன் அவரை நோக்கிப் பாருங்கள்; கர்த்தர் உங்களிடம் திரும்புவார். 

இப்படி தங்களது தேவைக்கு மட்டும் தேவனைப் பயன்படுத்த விரும்புபவர்களை தேவன் கவனிப்பதில்லை. முழு மனதோடு தங்கள் பழைய தவறுகளை அறிக்கையிட்டு அவரிடம் திரும்பும்போது மட்டுமே அவர்களது குரலுக்குத் தேவன் செவிகொடுப்பார். 

தான் உருவாக்கிய மக்கள் தன்னை மறந்து வாழ்வதையும், தெய்வபயமின்றி அநியாயமான காரியங்களில் ஈடுபட்டு வருவதையும் கண்டு மனம் வெதும்பி  தேவன் கூறுகின்றார், "ஒரு பெண் தன் ஆபரணத்தையும், ஒரு மணவாட்டி தன் ஆடைகளையும் மறப்பாளோ? என் ஜனங்களோ எண்ணிமுடியாத நாட்களாய் என்னை மறந்துவிட்டார்கள்." ( எரேமியா 2 : 32 )

எந்த மணப்பெண்ணும் தனது மண ஆடையையும் திருமண நகைகளையும் அணிய மறக்கமாட்டாள். ஆனால் தனது மணவாட்டியாக தான் தெரிந்துகொண்ட மக்கள் தன்னை அப்படி  மறந்துவிட்டார்கள் என்கின்றார் கர்த்தர். 

அன்பானவர்களே, நாம்தினமும் ஜெபித்து, ஆலய வழிபாடுகளில் பக்தியுடன் கலந்துகொள்வது மட்டும் போதாது, அவரிடம் முழு மனதுடன் திரும்பவேண்டும். அப்பொழுது நான் உங்களிடத்துக்குத் திரும்புவேன் என்று சேனைகளின் கர்த்தர் சொல்லுகிறார்.

தேவ செய்தி:- ✍️ சகோ. எம். ஜியோ பிரகாஷ்      

                                        TURN TO ME 

AATHAVAN 🔥 959🌻 Wednesday, September 13, 2023

"Thus saith the LORD of hosts; Turn ye unto me, saith the LORD of hosts, and I will turn unto you, saith the LORD of hosts." (Zechariah 1: 3)

Our God is not zealous like worldly men; He knows human weakness. No matter how long we have forgotten and ignored Him, He forgives and accepts us because He has mercy and forgiveness. That is why He says, “Turn ye unto me, saith the LORD of hosts, and I will turn unto you."

In the book of Daniel we read, "To the Lord our God belong mercies and forgivenesses, though we have rebelled against him; Neither have we obeyed the voice of the LORD our God, to walk in his laws, which he set before us by his servants the prophets." (Daniel 9: 9, 10)

Beloved, we may have forgotten him for countless days. Our age may also be very high. But because He has mercy and forgiveness, He accepts us when we return to Him wholeheartedly.

But today most of the people do not turn their face towards God like I was in the past showing their back to God. They appeal to God only when suffering comes in their lives. God says this through Jeremiah, "Thou hast brought me forth: for they have turned their back unto me, and not their face: but in the time of their trouble they will say, Arise, and save us." ( Jeremiah 2 : 27 ) God made me realize this. This should be made clear to these people.

Yes. as Jeremiah says, I lived as one who showed him not my face but my back. I was a sub-editor of a communist monthly and was writing articles and poems that would turn people straight to immorality. But at the age of 36 I came to know Christ through a brother who was 10 years younger than me and turned my face towards Him. He also returned to me, as the LORD of hosts had said, "turn to me, and I will turn to you." Yes, God is unchanging. Look to Him with all your heart; The Lord will return to you.

God does not care about those who want to use God only for their own needs. God will hear their voice only when they return to Him wholeheartedly confessing their old mistakes.

Seeing that the people He created forget Him and live without the fear of God, God is heartbroken and says, "Can a maid forget her ornaments, or a bride her attire? yet my people have forgotten me days without number." (Jeremiah 2: 32)

No bride forgets to wear her wedding dress and wedding jewellery. But the people whom He chose as his bride have forgotten Him like that, says the Lord.

Beloved, it is not enough for us to pray daily and devoutly attend church services, we must return to Him wholeheartedly. Then “I will turn un to you” says the Lord of hosts.

God’s Message:- ✍️ Bro. M. Geo Prakash

கர்த்தருடைய இரகசியம் / MYSTERY OF THE LORD

ஆதவன் 🔥 958🌻 செப்டம்பர் 12, 2023 செவ்வாய்க்கிழமை 

"கர்த்தருடைய இரகசியம் அவருக்குப் பயந்தவர்களிடத்தில் இருக்கிறது; அவர்களுக்குத் தம்முடைய உடன்படிக்கையைத் தெரியப்படுத்துவார்." ( சங்கீதம் 25 : 14 )

கிறிஸ்தவர்கள் என்று தங்களைக் கூறிக்கொள்ளும் பலர் ஆராதனை வேளைகளில் பக்திப்பரவசமாய் இருந்தாலும் அதன்பின்னர் உலக வாழ்க்கை என்று வரும்போது கெட்டவார்த்தைகள் பேசுவதும் கெட்டச் செயல்பாடுகளில் ஈடுபடுவதும், உலக துன்மார்க்கர்களைப்போல பல்வேறு முறைகேடான வாழ்க்கை வாழ்வதும் நாம் உலகினில் பார்க்கக்கூடிய ஒன்றுதான். 

இதற்குக் காரணம், அவர்கள் பக்தியுள்ளவர்களாக இருக்கின்றார்களேத் தவிர பரிசுத்தமுள்ளவர்களாக வாழவில்லை. காரணம் அவர்களிடம் தெய்வபயம் இல்லை. எனவே அவர்கள் வெறும் ஆராதனைக் கிறிஸ்தவர்களாக இருக்கின்றனர். ஆனால் இன்றைய வசனம் கூறுகின்றது, "கர்த்தருடைய இரகசியம் அவருக்குப் பயந்தவர்களிடத்தில் இருக்கிறது" என்று. அப்படி அவருக்குப் பயந்த வாழ்க்கை வாழும் மக்களுக்குத்தான் அவர் தம்முடைய உடன்படிக்கையைத் தெரியப்படுத்துவார் என்கின்றது இன்றைய வசனம். 

அது என்ன ரகசியம்? அப்போஸ்தலரான பவுல் கூறுகின்றார், "புறஜாதிகளுக்குள்ளே விளங்கிய இந்த இரகசியத்திலுள்ள மகிமையின் ஐசுவரியம் இன்னதென்று, தேவன் தம்முடைய பரிசுத்தவான்களுக்குத் தெரியப்படுத்தச் சித்தமானார்; கிறிஸ்துவானவர் மகிமையின் நம்பிக்கையாக உங்களுக்குள் இருப்பதே அந்த இரகசியம்." ( கொலோசெயர் 1 : 27 )

ஆம், கர்த்தரை அறியாத பிற இன மக்களிடம் கர்த்தரது  மகிமை வெளிப்பட்டு தனது மக்களை வேறுபடுத்திக் காட்டியது. அந்த மகிமை எப்படிப்பட்டது என்பதை  தேவன் தம்முடைய பரிசுத்தவான்களுக்குத் தெரியப்படுத்தச் சித்தமானார்; "கிறிஸ்துவானவர் மகிமையின் நம்பிக்கையாக நமக்குள் இருப்பதே அந்த இரகசியம்." மகிமையான மறுவுலக வாழ்க்கையின் நம்பிக்கை நமக்கு ஏற்படும்படி இந்த உலக வாழ்க்கையிலேயே கிறிஸ்து நமக்குள் இருந்து செயல்புரிவார். அப்படி அவர் செயல்புரியும்போது நாம் மாறுபட்ட மனிதர்களாக வாழ்வோம். 

இதனை மக்களுக்கு நற்செய்தியாக அறிவிக்கவே தன்னை தேவன் தெரிந்துகொண்டார் என்கின்றார் அப்போஸ்தலரான பவுல். "ஆதிகாலங்களுக்கும் தலைமுறை தலைமுறைகளுக்கும் மறைவாயிருந்து, இப்பொழுது அவருடைய பரிசுத்தவான்களுக்கு வெளியாக்கப்பட்ட இரகசியமாகிய தேவவசனத்தைப் பூரணமாய்த் தெரியப்படுத்துகிறதற்கு," ( கொலோசெயர் 1 : 25 ) என்கின்றார். 

கர்த்தருக்குப் பயந்த வாழ்க்கை வாழும்போது, அல்லது அதற்கான முயற்சிகள் எடுக்கும்போது இந்த ரகசியத்தின்படி கிறிஸ்து நமக்குள் வந்து செயல்புரிவார். "இதோ, வாசற்படியிலே நின்று தட்டுகிறேன்; ஒருவன் என் சத்தத்தைக்கேட்டு, கதவைத் திறந்தால், அவனிடத்தில் நான் பிரவேசித்து, அவனோடே போஜனம்பண்ணுவேன், அவனும் என்னோடே போஜனம்பண்ணுவான்." ( வெளிப்படுத்தின விசேஷம் 3 : 20 ) என்கிறார் கர்த்தராகிய இயேசு கிறிஸ்து. இப்படி இயேசு கிறிஸ்து நமக்குள் வந்து விருந்துண்பதே அந்த ரகசியம். 

விண்ணையும் மண்ணையும் சர்வ லோகத்தையும் படைத்து ஆளும் தேவன் நமக்குள் வந்து தங்கி நம்மோடு உணவருந்துவேன் என்கின்றார். அப்படி அவர் நமக்குள் வந்து தங்கும்போது அவர் அவர்களுக்குத் தம்முடைய உடன்படிக்கையைத் தெரியப்படுத்துவார். அந்த உடன்படிக்கை கற்களினால் எழுதப்பட்ட பழைய உடன்படிக்கையைப்  போன்றதல்ல. எபிரெய நிருப ஆசிரியர் கூறுகின்றார், "அந்த நாட்களுக்குப்பின்பு நான் அவர்களோடே பண்ணும் உடன்படிக்கையாவது: நான் என்னுடைய பிரமாணங்களை அவர்களுடைய இருதயங்களில் வைத்து, அவைகளை அவர்களுடைய மனதில் எழுதுவேன் என்று கர்த்தர் சொல்லுகிறார் " ( எபிரெயர் 10 : 16 ) 

கர்த்தருக்குப் பயந்து பரிசுத்தமான வாழ்க்கை வாழ நம்மை ஒப்புக்கொடுப்போம். ஆம், "கர்த்தருடைய இரகசியம் அவருக்குப் பயந்தவர்களிடத்தில் இருக்கிறது; அவர்களுக்குத் தம்முடைய உடன்படிக்கையைத் தெரியப்படுத்துவார்".

தேவ செய்தி:- ✍️ சகோ. எம். ஜியோ பிரகாஷ்  

            MYSTERY OF THE LORD 

AATHAVAN 🔥 958🌻 Tuesday, September 12, 2023

"The secret of the LORD is with them that fear him; and he will shew them his covenant." (Psalms 25: 14)

It is something we can see in the world that many people who claim to be Christians are pious during worship times but then when it comes to worldly life, they speak bad words and engage in bad activities and live various immoral lives like the wicked of the world.

This is because they are pious but, do not live a holy life. Because they have no fear of God. So, they are just worshiping Christians. But today's verse says, "The secret of the Lord is with those who fear him." Today's verse says that, He will make His secret covenant known to those who fear Him.

What is the secret? The apostle Paul says this as mystery. "To whom God would make known what is the riches of the glory of this mystery among the Gentiles; which is Christ in you, the hope of glory" (Colossians 1: 27) Yes, the glory of the Lord was revealed in the past to other gentiles who did not know the Lord and set his own people apart by various wonders. God willed to make known to His saints what that glory was like; "The secret is that Christ is in us as the hope of glory."  Christ will work within us in this worldly life so that we have the hope of a glorious life in the afterlife. When he works like that, we will live as different people.

Apostle Paul says that God chose him to announce this as good news to the people. "Whereof I am made a minister, according to the dispensation of God which is given to me for you, to fulfil the word of God" (Colossians 1: 25)

Christ will come and work in us according to this secret when we live a godly life, or make efforts to do so. "Behold, I stand at the door, and knock: if any man hear my voice, and open the door, I will come in to him, and will sup with him, and he with me." (Revelation 3: 20) says the Lord Jesus Christ. The secret is that Jesus Christ comes into us and dine with us.

The God who created the heavens and the earth and rules the whole world says that he will come and stay and dine with us. So, when He comes and dwells among us, He will make His covenant known to them. That covenant is not like the old covenant written in stone. The author of Hebrews says, "This is the covenant that I will make with them after those days, saith the Lord, I will put my laws into their hearts, and in their minds will I write them"( Hebrews 10 : 16 )

Let us commit ourselves to living a holy life in the fear of the Lord. Yes, "The secret of the Lord is with those who fear Him; to them He will make known His covenant".

God’s Message:- ✍️ Bro. M. Geo Prakash