யேகோவாயீரே / JEHOVAH -JIREH

 'ஆதவன்' வேதாகமத் தியானம் - எண்:- 1,025,             நவம்பர் 18, 2023 சனிக்கிழமை

"ஆபிரகாம் அந்த இடத்துக்கு யேகோவாயீரே என்று பேரிட்டான்; அதினாலே கர்த்தருடைய பர்வதத்திலே பார்த்துக்கொள்ளப்படும் என்று இந்நாள்வரைக்கும் சொல்லப்பட்டு வருகிறது." ( ஆதியாகமம் 22 : 14 )

ஆபிரகாம் ஈசாக்கைப் பலியிடத் துணிந்து மோரியா நாட்டிற்குச் சென்று தனக்குக் கர்த்தர் குறித்த  மலைமீது ஏறி ஈசாக்கைப் பலியிடத் தயாரானபோது கர்த்தரது தூதன் இறுதியில் அவரைத் தடுத்து நிறுத்தினார். ஆபிரகாம் தேவனுக்குக் கீழ்ப்படிபவர் என்றும் அவருக்காக எதனையும் செய்யத்துணிந்தவர் என்பதும் உறுதியானது. தேவன் ஏதாவது அதிசயம் செய்து தனது மகனைக் காப்பாற்றுவார் என்பது ஏற்கனவே ஆபிரகாமுக்குத் தெரிந்திருந்தது.  எனவேதான் ஈசாக்கு அவரிடம், "அப்பா, பலியிட விறகுகளும் நெருப்பும் இருக்கின்றன. பலியிட ஆட்டுக்குட்டி எங்கே?" என்று கேட்டபோது ஆபிரகாம், "என் மகனே, தேவன் தமக்குத் தகனபலிக்கான ஆட்டுக்குட்டியைப் பார்த்துக்கொள்வார்." ( ஆதியாகமம் 22 : 8 ) என உறுதியாகக் கூறுகின்றார். 

காரணம், ஈசாக்கு தேவனால் வாக்களிக்கப்பட்ட மகன். தான் அவனைப் பலியிட்டாலும் தேவன் மீண்டும் அவனை உயிரோடு எழுப்புவார் என்று ஆபிராகாம் நம்பினார். இதனை, "ஈசாக்கினிடத்தில் உன் சந்ததி விளங்கும் என்று அவனோடே சொல்லப்பட்டிருந்ததே; இப்படிப்பட்ட வாகுத்தத்தங்களைப் பெற்றவன், மரித்தோரிலிருந்துமெழுப்ப தேவன் வல்லவராயிருக்கிறாரென்றெண்ணி, தனக்கு ஒரேபேறானவனையே பலியாக ஒப்புக்கொடுத்தான்; மரித்தோரிலிருந்து அவனை பாவனையாகத் திரும்பவும் பெற்றுக்கொண்டான்." ( எபிரெயர் 11 : 19 ) என்று வாசிக்கின்றோம்.

எனவே, அவர் விசுவாசத்தால் கூறிய வார்த்தைகளை தேவன் அங்கீகரித்தார். "ஆபிரகாம் தன் கண்களை ஏறெடுத்துப் பார்க்கும்போது, இதோ, பின்னாகப் புதரிலே தன் கொம்புகள் சிக்கிக்கொண்டிருந்த ஒரு ஆட்டுக்கடாவைக் கண்டான்; அப்பொழுது ஆபிரகாம் போய், கடாவைப் பிடித்து, அதைத் தன் குமாரனுக்குப் பதிலாகத் தகனபலியிட்டான்." ( ஆதியாகமம் 22 : 13 ) ஆபிரகாம் அந்த இடத்துக்கு யேகோவாயீரே என்று பேரிட்டார்; அதினாலே கர்த்தருடைய பர்வதத்திலே பார்த்துக்கொள்ளப்படும் என்று பெயர் உண்டானது. 

அன்பானவர்களே, புதிய ஏற்பாட்டுக்கால மக்களாகிய நமக்கு கொல்கொதா மலை ஒரு யேகோவாயீரே. ஈசாக்குக்காக பலியான ஆடுபோல நமக்காக பலியான ஆடுதான் கர்த்தராகிய இயேசு கிறிஸ்து. ஆம்,  இதனையே யோவான் ஸ்நானன் மக்களுக்குச் சுட்டிக்காட்டினார். "இதோ, உலகத்தின் பாவத்தைச் சுமந்துதீர்க்கிற தேவ ஆட்டுக்குட்டி.' ( யோவான் 1 : 29 ) என்று வாசிக்கின்றோம்.

 

அன்று ஆபிரகாமிடம் பிதாவாகிய தேவன் அமைதியாக இருந்திருந்தால் ஈசாக்கு பலியாகியிருப்பான். அதுபோல,  கிறிஸ்துவாகிய தேவ ஆட்டுக்குட்டியை  பிதாவாகிய தேவ கொடுக்காமல் அமைதியாக இருந்திருந்தால் நாமெல்லோரும் அழிந்துபோயிருப்போம். நமக்காக கர்த்தருடைய பர்வதத்தில் பார்த்துக்கொள்ளப்பட்டதால் நாம் உன்னதங்களில் அவரோடுகூட அமரக்கூடிய வாய்ப்பினைப் பெற்றுள்ளோம்

இந்த உறுதியில்தான் அப்போஸ்தலரான பவுல், "தம்முடைய சொந்தக்குமாரனென்றும் பாராமல் நம்மெல்லாருக்காகவும் அவரை ஒப்புக்கொடுத்தவர், அவரோடேகூட மற்ற எல்லாவற்றையும் நமக்கு அருளாதிருப்பதெப்படி?" ( ரோமர் 8 : 32 ) என்று கூறுகின்றார். தனது சொந்த மகனையே நமக்காகத் தந்தவர் அவரோடுகூட மற்ற எல்லாவற்றையும் எப்படி நமக்குத் தராமல் இருப்பார்?

தேவன் மேலுள்ள நமது விசுவாசம் உறுதியாகும்போது அவரே நமது யேகோவாயீரே யாக இருப்பார். அன்று மோரியா மலையில் ஆபிரகாமுக்குப் பார்த்துக்கொண்டதுபோல நாம் கல்வாரியை நோக்கிப் பார்க்கும்போது நமக்கும் எல்லாம் பார்த்துக்கொள்ளப்படும். கிறிஸ்துவைவிட்டு விலகாத விசுவாசத்தோடு அவரையே பற்றிக்கொள்வோம். 

தேவ செய்தி:- ✍️ சகோ. எம். ஜியோ பிரகாஷ்          

                  JEHOVAH-JIREH

‘AATHAVAN' BIBLE MEDITAION - No: - 1,025,                         Saturday, November 18, 2023

"And Abraham called the name of that place Jehovah-jireh: as it is said to this day, In the mount of the LORD it shall be seen." (Genesis 22: 14)

When Abraham dared to sacrifice Isaac, went to the land of Moriah and climbed the mountain the Lord had told him to sacrifice Isaac. But, the angel of the Lord stopped him at the end. It is certain that Abraham obeyed God and was willing to do anything for Him. Abraham already knew that God would do something miraculous to save his son. So, when Isaac said to him, "Father, here is wood and fire, where is the lamb for the sacrifice?" Abraham said, "God will provide himself a lamb for a burnt offering:" (Genesis 22: 8) says with certainty.

The reason is that Isaac was the promised son of God. Abraham believed that even if he sacrificed him, God would raise him back to life. This we read, Of whom it was said, "That in Isaac shall thy seed be called: Accounting that God was able to raise him up, even from the dead; from whence also he received him in a figure.” (Hebrews 11: 18,19)

Therefore, God approved the words he spoke by faith. "And Abraham lifted up his eyes, and looked, and behold behind him a ram caught in a thicket by his horns: and Abraham went and took the ram, and offered him up for a burnt offering in the stead of his son." (Genesis 22: 13) Abraham called the name of the place Jehovahjireh: as it is said to this day, In the mount of the LORD it shall be seen.

Beloved, for us New Testament people, Golgotha is Jehovah-jireh. The Lord Jesus Christ is the sacrificial goat for us like the sacrificial goat for Isaac. Yes, this is what John the Baptist pointed out to the people. "Behold the Lamb of God, which taketh away the sin of the world." (John 1: 29)

If God the Father had been silent to Abraham that day, Isaac would have been sacrificed. Similarly, if God the Father had not given Christ the Lamb of God, we would all have perished. Having been taken care of for us on the mountain of the Lord, we have the opportunity to sit with Him on high.

It is in this assurance that the apostle Paul said, 'He that spared not his own Son, but delivered him up for us all, how shall he not with him also freely give us all things?' (Romans 8: 32) How can he who gave his own Son for us not also give us everything else?

When our faith in God is firm, He will be our Lord. All things will be taken care of for us when we look toward Calvary, just as Abraham was taken care of on Mount Moriah. Let's cling to Christ with unwavering faith.

God’s Message:- ✍️ Bro. M. Geo Prakash                    

உலக ஆசீர்வாதங்களுக்காக மட்டும் / ONLY FOR WORLDLY BLESSINGS

 'ஆதவன்' வேதாகமத் தியானம் - எண்:- 1,024,              நவம்பர் 17, 2023 வெள்ளிக்கிழமை

"அவர்கள் தங்கள் படுக்கைகளில் அலறுகிறபோது, தங்கள் இருதயத்தில் என்னை நோக்கிக் கூப்பிடுகிறதில்லை; அவர்கள் தானியத்துக்காகவும் திராட்சைரசத்துக்காகவும் கூடுகிறார்கள்; என்னை வெறுத்து விலகிப்போகிறார்கள்." ( ஓசியா 7 : 14 )

மெய்யான மனம் திரும்புதலின்றி தங்களுக்கு ஏதாவது துன்பமோ பிரச்சனைகளோ ஏற்படும்போது மட்டும் தேவனை நோக்கி ஜெபிக்கும் மக்களைக் குறித்து  இன்றைய தியான வசனம்  கூறுகின்றது. 

இத்தகைய மனிதர்கள் துன்பங்களோ  வியாதிகளோ நெருக்கும்போது தேவனுக்கு ஏற்புடையதுபோன்ற காரியங்களில் அதிகமாக ஈடுபடுவார்கள். ஜெபம், தவம், காணிக்கைகள், ஆலயங்களுக்குச் செல்லுதல் எனத் தங்கள் வாழ்க்கை முறைகளில் சில மாறுதல்களைச்  செய்வார்கள். ஆனால், பொதுவாக இத்தகைய மனிதர்கள் தன்னைத் தேடவில்லை என்று வருத்தத்துடன் கூறுகின்றார் தேவன். 

இதனையே, "தங்கள் இருதயத்தில் என்னை நோக்கிக் கூப்பிடுகிறதில்லை; அவர்கள் தானியத்துக்காகவும் திராட்சைரசத்துக்காகவும் கூடுகிறார்கள்; என்னை வெறுத்து விலகிப்போகிறார்கள்." என்று இன்றைய வசனம் கூறுகின்றது. அதாவது, தேவனை வாழ்வில் அறியவேண்டும் எனும் எண்ணத்தில் தேவனிடம் வராமல் தங்கள் உலகத் தேவைகள் சந்திக்கப்படவேண்டும் என்பதற்காக இப்படி பக்திகாரியங்களில் ஈடுபடுகின்றார்கள் என்கின்றார் தேவன்.  

இதனையே தொடர்ந்து ஓசேயா மூலம் தேவன் கூறுகின்றார், "திரும்புகிறார்கள், ஆனாலும் உன்னதமானவரிடத்திற்கு அல்ல; மோசம்போக்குகிற வில்லைப்போலிருக்கிறார்கள்; " ( ஓசியா 7 : 16 ) அதாவது இத்தனைக் காலமும் வாழ்ந்த வாழ்க்கை முறைகளை மாற்றி தேவனிடம் திரும்பியதுபோல ஒரு தோற்றம் இருக்கின்றதே தவிர உன்னத தேவனிடம் உண்மையாகத் திரும்பவில்லை என்கின்றார். இதனையே, "திரும்புகிறார்கள், ஆனாலும் உன்னதமானவரிடத்திற்கு  அல்ல" என்று கூறப்பட்டுள்ளது. 

அன்பானவர்களே, பலவேளைகளில் தேவன் நமக்குப்  பதிலளிக்காமல் இருக்கக் காரணம் இதுதான். அதாவது அந்த நேரத்திற்கான ஒரு விடுதலையினை மனிதர்கள் எதிர்பார்க்கின்றார்களேத்  தவிர நிரந்தரமான ஒரு விடுதலையினை அடையவேண்டும் என்று விரும்பவில்லை. தேவனை வாழ்வில் அறியவேண்டும் எனும் எண்ணமும் அவர்களுக்கு இல்லை.

ஆனாலும், தேவன் மனிதர்கள்மீது தான் கொண்டுள்ள அன்பினால் பலவேளைகளில் தனது ஊழியர்கள் ஜெபிக்கும்போது இத்தகைய மனிதர்களுக்குத் தற்காலிக விடுதலையினைக் கொடுக்கின்றார்.  ஆனால் அது போதாது. ஒவ்வொரு நேரத்துக்கும் ஊழியர்களைத்தேடி சுகம் பெற முடியாது. தொடர்ந்து மனம்திரும்பாத நிலையில் ஒரு மனிதன் இருப்பானேயானால் தேவன் விடுதலையளிக்காமல் அப்படியே விட்டுவிடலாம். மேலும் சரீர சுகம் பெறுவது நமது இலக்கல்ல; மாறாக நாம் தேவனை அறிந்து நித்திய ஜீவனுக்குத்  தகுதியுள்ளவர்கள் ஆகவேண்டும். 

தானியத்துக்காகவும் திராட்சைரசத்துக்காகவும் கூடி தேவனைவிட்டு விலகிப்போகும் மனிதர்களைப்போல நாம் இருக்கக் கூடாது. அவரை வாழ்வில் அறியவேண்டும் எனும் ஆர்வமுடன் அவரைத் தேடி தேவ அனுபவத்தைப் பெற்றுக்கொள்ளவேண்டும். நம்மைக்குறித்த தேவனது எதிர்பார்ப்பு இதுதான். அவரது மன விருப்பத்துக்கு ஏற்ற ஒரு வாழ்க்கை வாழ நம்மை ஒப்புக்கொடுப்போம்.   

தேவ செய்தி:- ✍️ சகோ. எம். ஜியோ பிரகாஷ்             

     ONLY FOR WORLDLY BLESSINGS 

'AATHAVAN' BIBLE MEDITATION No:- 1,024,                            Friday, November 17, 2023

"And they have not cried unto me with their heart, when they howled upon their beds: they assemble themselves for corn and wine, and they rebel against me." (Hosea 7: 14)

Today's meditation verse talks about people who pray to God only when they have some suffering or problems without true repentance.

Such people seems to be more involved in things that are acceptable to God when suffering or illness is close. They will make some changes in their lifestyle like prayer, penance, offerings, visiting temples. But God says with sadness that usually such people do not seek Him.

That is, "they have not cried unto me with their heart, when they howled upon their beds: they assemble themselves for corn and wine." In other words, God says that they engage in such pious activities to meet their worldly needs without coming to God with the intention of knowing God in life.

Following this, God says through Hosea, "They return, but not to the most High: they are like a deceitful bow:" (Hosea 7: 16). Which means that they have changed their lifestyles and returned to God, but they have not truly returned to the Most High God. This is what is said, "They return, but not to the Most High."

Beloved, this is the reason why God often does not answer us. That is, people expect a liberation for that time but do not want to achieve a permanent liberation. They have no idea to know God in their life.

However, God, out of His love for people, sometimes gives temporary relief to such people when His servants pray. But that is not enough. It is not always possible to find pastors to pray for us. If a person is persistently unrepentant, God may leave him without deliverance. Further, physical deliverance is not our goal; Rather, we must know God and become worthy of eternal life.

We must not be like men who gather for grain and wine and turn away from God. We should seek Him with the desire to know Him in life and gain the experience of God. This is God's expectation of us. Let us commit ourselves to living a life according to His will.

God’s Message:- ✍️ Bro. M. Geo Prakash                     

என் வசனத்துக்கு நடுங்குகின்றவன் / HE WHO TRUMBLE MY WORDS

 'ஆதவன்' வேதாகமத் தியானம் - எண்:- 1,023,              நவம்பர் 16, 2023 வியாழக்கிழமை

"என்னுடைய கரம் இவைகளையெல்லாம் சிருஷ்டித்ததினால் இவைகளெல்லாம் உண்டாயின என்று கர்த்தர் சொல்லுகிறார்; ஆனாலும் சிறுமைப்பட்டு, ஆவியில் நொறுங்குண்டு, என் வசனத்துக்கு நடுங்குகிறவனையே நோக்கிப்பார்ப்பேன்." ( ஏசாயா 66 : 2 )

இன்றைய வசனம் தேவன் மனிதர்கள்மேல் எவ்வளவு ஈடுபாடு கொண்டுள்ளார் என்பதையும் அவர்களை மீட்டெடுக்க அவர் எவ்வளவு ஆர்வமுள்ளவராக இருக்கின்றார் என்பதனையும்  விளக்குகின்றது. இன்றைய தியான வசனத்தின் முந்தின வசனமானது இதனோடு தொடர்புடையது. அதில் தேவன் கூறுகின்றார், "வானம் எனக்குச் சிங்காசனம், பூமி எனக்குப் பாதபடி; நீங்கள் எனக்குக் கட்டும் ஆலயம் எப்படிப்பட்டது? நான் தங்கியிருக்கும் ஸ்தலம் எப்படிப்பட்டது?"( ஏசாயா 66 : 1 )

அன்பானவர்களே, வானத்திலுள்ள சூரியன், சந்திரன், விண்மீன்கள், பால்வெளிவீதி, சூரிய குடும்பத்தைப்போல பல்வேறு சூரிய குடும்பங்கள் இவையெல்லாமே தேவன் படைத்தவைதான். இவைகளுக்குமேல் அதிகாரம் செலுத்தும் சிங்காசனம் அவருடையது. இவைகளோடு  ஒப்பிடும்போது பூமி அவர் கால் வைக்கும் சிறு படி போன்றதுதான்.  ஆனால் இன்று மனிதர்கள் இந்தக் கால்படிபோன்ற பூமியில் அவருக்கென்று ஆலயம் கட்டுவதையும் ஆலயப்பணிசெய்வதையும் பெருமையாக எண்ணிக்கொள்கின்றனர். 

அத்தகைய மனிதர்களைப்பார்த்துத்  தேவன் கூறுகின்றார், வானம் எனக்குச் சிங்காசனம், பூமி எனக்குப் பாதபடி; நீங்கள் எனக்குக் கட்டும் ஆலயம் எப்படிப்பட்டது? நான் தங்கியிருக்கும் ஸ்தலம் எப்படிப்பட்டது? என்னுடைய கரம் இவைகளையெல்லாம் சிருஷ்டித்ததினால் இவைகளெல்லாம் உண்டாயின என்று கர்த்தர் சொல்லுகிறார்; ஆனாலும் சிறுமைப்பட்டு, ஆவியில் நொறுங்குண்டு, என் வசனத்துக்கு நடுங்குகிறவனையே நோக்கிப்பார்ப்பேன்." அதாவது மனிதனே, நான் இவ்வளவு பெரிய ஆகாய விரிவை உண்டாகியிருக்கிறேன். இதற்குமுன் நீ எனக்குக் கட்டும் ஆலயம் எம்மாத்திரம்? 

நான் இவைகளை நோக்கிப்பார்ப்பதில்லை. சிறுமைப்பட்டு, ஆவியில் நொறுங்குண்டு, என் வசனத்துக்கு நடுங்குகிறவனையே நோக்கிப்பார்ப்பேன். எனது வசனத்தைக்கைக் கொண்டு, எனக்கு அஞ்சி, எனக்கு ஏற்ற வாழ்க்கை வாழ்பவனை நான் நோக்கிப்பார்ப்பேனேத் தவிர  வேறு எவரையும் நான் நோக்கிப்பார்ப்பதில்லை. நான் உண்டாக்கின பெரிய ஆகாய விரிவையோ அவற்றில் நான் உருவாக்கிய பல்வேறு கிரகங்களையோ நோக்கிப்பார்ப்பதைவிட எனக்குப் பயப்பட்டு எனக்கு ஏற்ற வாழ்க்கை வாழ விரும்பும் மனிதனையே நான் நோக்கிப்பார்ப்பேன் என்கின்றார் பரிசுத்தரான கர்த்தர். 

இதற்குக் காரணம் தேவன் மனிதனைத் தனது சாயலாகவும் ரூபமாகவும் உண்டாக்கியதுதான். (ஆதியாகமம் - 1;26) தேவன் தனது சாயலையும் ரூபத்தையும் வேறு எந்த உயிரினங்களுக்கும் கொடுக்கவில்லை. மனிதனை மட்டுமே அப்படிப் படைத்தார். அப்படிப் படைக்கப்பட்ட மனிதன் அந்தச் சாயலை காப்பாற்றிக்கொள்ளவேண்டும் என்று அவர் விரும்புகின்றார். எனவே, தான் எவ்வளவோ பெரிய படைப்புகளைப் படைத்திருந்தாலும் அவற்றைவிட தனது கட்டளைகளுக்கு நடுங்கிக் கீழ்ப்படியும் மனிதனை நோக்கிப் பார்க்கின்றார்.

இப்படி அவர் மனிதனை நோக்கிப்பார்ப்பதால்தான் நமது ஜெபங்களுக்குப் பதில் தருகின்றார். அன்பானவர்களே, எனவே நாம் அவரது வசனங்களுக்குக் கீழ்ப்படிவதற்கு  அதிக முக்கியத்துவம் கொடுக்கவேண்டுமேத் தவிர இதர சடங்கு சம்பிரதாயங்களுக்கல்ல. ஆம், அவருக்காகச் செய்யும் எந்த மேலான செயல்பாடுகளையும்விட அவருக்குக் கீழ்படிவத்தையே தேவன் விரும்புகின்றார் எனும் எண்ணம் நமக்குள் எப்போதும் இருக்குமானால் ஆன்மிகம் எனும் பெயரில் செய்யப்படும் தேவையில்லாத காரியங்களுக்கு நாம் முக்கியத்துவம் கொடுக்கமாட்டோம். 

தேவ செய்தி:- ✍️ சகோ. எம். ஜியோ பிரகாஷ்                              

             HE WHO TRUMBLE MY WORDS

‘AATHAVAN' BIBLE MEDITATION - No:- 1,023,                             Thursday, November 16, 2023

"For all those things hath mine hand made, and all those things have been, saith the LORD: but to this man will I look, even to him that is poor and of a contrite spirit, and trembleth at my word." ( Isaiah 66 : 2 )

Today's verse explains how much God is involved with people and how eager he is to redeem them. The previous verse of today's meditation is related to this. In it God says, "Thus saith the LORD, The heaven is my throne, and the earth is my footstool: where is the house that ye build unto me? and where is the place of my rest?" (Isaiah 66: 1)

Beloved, the sun, moon, constellations, milky way, solar system in the sky are all created by God. His is the throne of authority over these. Compared to these, the earth is like a small step on which he steps. But today people take pride in building a temple and doing temple work on this footstep like earth.

God says to such people, Heaven is my throne and earth is my footstool; How is the temple you are building for me? How was my accommodation? For my hand hath made all these things, saith the Lord; but to this man will I look, even to him that is poor and of a contrite spirit, and trembleth at my word. That is, man, I have been created such a vast space. What temple could you build for me before this?

I do not look at these. I will look upon him who is humbled and crushed in spirit and trembles at my word. I look to none other than the one who lives according to my verse, fears me, and lives according to me. Rather than looking at the great expanse of sky that I have created or the various planets that I have created in them, I will look at the man who fears me and wants to live a life that suits me, says the Holy Lord.

This is because God made man in His own image and likeness. (Genesis – 1:26) God did not give His likeness to any other creature. He only created man that way. He wants man so created to preserve that image. Therefore, no matter how great works He has created, He looks to man who trembles and obeys His commands.

He answers our prayers because He looks at man like this. Beloved, therefore we should give more importance to obedience to His verses and not to other ritualistic practices. Yes, if we always have the idea that God prefers obedience to Him more than any higher activities done for Him, we will not give importance to unnecessary things done in the name of spirituality.

God’s Message:- ✍️ Bro. M. Geo Prakash

பழையதாகாத செருப்புக்கள் / NON WAXEN SANDALS

 'ஆதவன்' வேதாகமத் தியானம் - எண்:- 1,022,             நவம்பர் 15, 2023 புதன்கிழமை

"கர்த்தராகிய நான் உங்கள் தேவன் என்று நீங்கள் அறிந்துகொள்ளும்படிக்கு, நான் நாற்பது வருஷம் உங்களை வனாந்தரத்தில் நடத்தினேன்; உங்கள் மேலிருந்த வஸ்திரம் பழையதாய்ப் போகவும் இல்லை, உங்கள் காலிலிருந்த பாதரட்சைகள் பழையதாய்ப் போகவும் இல்லை." ( உபாகமம் 29 : 5 )

இஸ்ரவேல் மக்களை தேவன் எகிப்திலிருந்து விடுவித்து கானானை நோக்கி நடத்தியபோது பல அற்புத அதிசயங்களைச்  செய்தார். அவற்றில் நாம், செங்கடலை தேவன் பிரித்தது, கரைபுரண்டு ஓடிய யோர்தானைத் திருப்பியது, எரிகோ கோட்டையினை இடிந்துவிழச் செய்தது, மன்னா பொழிந்தது, அதிசயமாகப்  பாலை நிலத்தில் இறைச்சியும், தண்ணீரும்  மக்களுக்குக் கொடுத்தது இவற்றையே பெரிதாகப் பேசுகின்றோம். ஆனால் அவற்றிற்கு இணையான அதிசயத்தைத்தான்  இன்றைய வசனம் கூறுகின்றது. 

நாம் ஓர்  ஆண்டுக்குள் எத்தனைச் செருப்புக்கள் மாற்றுகின்றோம் என்று எண்ணிப்பாருங்கள். இத்தனைக்கும் நாம் இஸ்ரவேல் மக்கள் நடந்ததுபோல் பல கிலோமீட்டர்தூரம் வனாந்தரத்தில் நடப்பதில்லை.  ஆனால் அந்த மக்கள் 40 ஆண்டுகள் ஒரே செருப்பை அணிந்தபடி நடந்தனர். அந்தச் செருப்புகள் அறுந்துபோகவோ  பழையவைகளாகவோ இல்லை.  இந்த அதிசயத்தையே மோசே, "உங்கள் காலிலிருந்த பாதரட்சைகள் பழையதாய்ப் போகவும் இல்லை." என்று கூறுகின்றார். ஆம் அவை 40 ஆண்டுகள் அவை புதிதாகவே இருந்தன. 

பாலை நிலத்தில் புதிய செருப்புக்களை வாங்கி உபயோகிக்க முடியாது, மக்கள் உடனேயே தயாரித்து அணியவும்  முடியாது. எனவே தேவன் இந்த அதிசயத்தைச் செய்தார்.  இதுபோலவே அவர்கள் அணிந்திருந்த ஆடைகள் பழையதாகிப்போகவும் இல்லை என்று கூறப்பட்டுள்ளது. இது எவ்வளவு பெரிய அதிசயம்!!! ஆனால் நாம் இவற்றை அதிகமாக எண்ணிப்பார்ப்பதில்லை. 

அன்பானவர்களே, இதே சிந்தனையோடு நாம் பரம கானானை நோக்கிப்  பயணிக்கும் புதிய ஏற்பாட்டுச் சிந்தனைக்கு வருவோம். புதிய ஏற்பாட்டில் நமது பாவங்கள் மன்னிக்கப்பட்டு இரட்சிப்படையும்போது இரட்சிப்பின் ஆடை அணிவிக்கப்படுகின்றோம். இந்த ஆடை இல்லாமல் நாம் பரலோக ராஜ்யத்தில் நுழைய முடியாது.  இந்த ஆடை என்பது பரிசுத்தவான்களுக்கு அடையாளம். "சுத்தமும் பிரகாசமுமான மெல்லிய வஸ்திரம் தரித்துக்கொள்ளும்படி அவளுக்கு அளிக்கப்பட்டது; அந்த மெல்லிய வஸ்திரம் பரிசுத்தவான்களுடைய நீதிகளே." ( வெளிப்படுத்தின விசேஷம் 19 : 8 ) என்று கூறப்பட்டுள்ளது. இதனை நாம் பழையதாகிக்  கந்தையாகாமல் காத்துக்கொள்ளவேண்டும்.

இயேசு கிறிஸ்துவும் இதனைத் திருமண ஆடைக்கு ஒப்பிட்டுத்  தனது உவமையில் கூறினார். "சிநேகிதனே, நீ கலியாண வஸ்திரமில்லாதவனாய் இங்கே எப்படி வந்தாய் என்று கேட்டான்; அதற்கு அவன் பேசாமலிருந்தான். அப்பொழுது, ராஜா பணிவிடைக்காரரை நோக்கி: இவனைக் கையுங்காலும் கட்டிக் கொண்டுபோய், அழுகையும் பற்கடிப்பும் உண்டாயிருக்கிற புறம்பான இருளிலே போடுங்கள் என்றான்." ( மத்தேயு 22 : 13 )

இதுபோலவே செருப்புகளைப்பற்றியும் நாம் அறியலாம். சமாதானத்தின் சுவிசேஷம் எனும் கிறிஸ்துவின் நற்செய்தியே  அந்த செருப்புகள். இதனை அப்போஸ்தலரான பவுல்,  "சமாதானத்தின் சுவிசேஷத்திற்குரிய ஆயத்தம் என்னும் பாதரட்சையைக் கால்களிலே தொடுத்தவர்களாயும்;" ( எபேசியர் 6 : 15 ) என்று கூறுகின்றார். ஆம், நமது வேத வசனங்களின் அறிவும் எப்போதும் அவற்றைச் சரியாகப் பயன்படுத்த ஆயுதமாகவும் அதற்கேற்ற வாழ்க்கையும் உள்ளவர்களாய் அவை பழையதாகிவிடாமல் எப்போதும் புதிதாகக் காக்கப்படவேண்டும். 

"கர்த்தர் செய்த பெரிய சோதனைகளையும், பெரிய அடையாளங்களையும், அற்புதங்களையும் கண்ணாரக் கண்டீர்களே." ( உபாகமம் 29 : 3 ) என்று மோசே கூறுகின்றார். ஆம் அன்பானவர்களே, அவருக்கு நம்மை ஒப்புக்கொடுத்து வாழும்போது, அன்று இஸ்ரவேல் மக்களுக்குச் செய்ததுபோல ஆவிக்குரிய இஸ்ரவேலரான நமது வாழ்க்கையிலும் நமது இரட்சிப்பின் ஆடையும்   நமது வேத அறிவும், அவற்றைப் பயன்படுத்தும் ஆயத்தமும்  சுவிசேஷ வாழ்க்கையும்  பழையதாகாமல் காத்துக்கொள்ள தேவன் வழிசெய்து அதிசயமாக நம்மையும்  நடத்துவார். 

தேவ செய்தி:- ✍️ சகோ. எம். ஜியோ பிரகாஷ்          

            NON WAXEN SANDALS

'AATHAVAN' BIBLE MEDITATION - No: - 1,022,                Wednesday, November 15, 2023

"And I have led you forty years in the wilderness: your clothes are not waxen old upon you, and thy shoe is not waxen old upon thy foot." (Deuteronomy 29: 5)

When God led the people of Israel out of Egypt and into Canaan, he did many miracles. Among them, we are talking about God's parting of the Red Sea, turning back the overflowing Jordan, destroying the Jericho fortress, raining manna, miraculously giving people meat and water in the wilderness. But today's verse tells a miracle like them.

Think how many sandals we change in a year. However, we do not walk many kilo meters in the wilderness like the people of Israel did. But those people walked wearing the same sandal for 40 years. It was this miracle that Moses said, “thy shoe is not waxen old upon thy foot." Yes, they were 40 years new.

New sandals cannot be bought and used in the wilderness, and people cannot also make them and wear them immediately. Similarly, it is said that the clothes they wore never get old. What a miracle this is!!! But we don't think too much of these.

Beloved, it is with this same thought that we come to the New Testament thought of journeying toward the eternal Canaan. In the New Testament we are clothed with salvation when our sins are forgiven and we are saved. Without this garment we cannot enter the kingdom of heaven. This garment is the sign of the saints. "And to her was granted that she should be arrayed in fine linen, clean and white: for the fine linen is the righteousness of saints." (Revelation 19: 8) We have to keep it carefully not becoming old.

Jesus Christ also said this in his parable. "And he saith unto him, Friend, how camest thou in hither not having a wedding garment? And he was speechless. Then said the king to the servants, Bind him hand and foot, and take him away, and cast him into outer darkness, there shall be weeping and gnashing of teeth." ( Matthew 22 : 13 )

Similarly, we can know about sandals. Those sandals are Christ's preparation of gospel of peace. This is what the apostle Paul said, "And your feet shod with the preparation of the gospel of peace;" (Ephesians 6: 15) Yes, the knowledge of our scriptures is always a weapon to use them properly and we have to live according to them so they don't become old and they should always be kept fresh.

"The great temptations which thine eyes have seen, the signs, and those great miracles:" (Deuteronomy 29: 3) says Moses. Yes, dear ones, as spiritual Israelites, when we give ourselves to Him and live, as He did to the people of Israel that day, God will miraculously treat us to keep our salvation clothing and our knowledge of scriptures, our preparation to use them and our evangelical life from not becoming old in our lives.

God’s Message:- ✍️ Bro. M. Geo Prakash

குழந்தைகள் / CHILDREN

 'ஆதவன்' வேதாகமத் தியானம் - எண்:- 1,021,            நவம்பர் 14, 2023 செவ்வாய்க்கிழமை

"நீங்கள் வளரும்படி, புதிதாய்ப் பிறந்த குழந்தைகளைப்போல, திருவசனமாகிய களங்கமில்லாத ஞானப்பாலின்மேல் வாஞ்சையாயிருங்கள்." ( 1 பேதுரு 2 : 3 )

அப்போஸ்தலரான பேதுரு ஆவிக்குரிய மக்களுக்குக்  கூறும் ஆலோசனைதான் இன்றைய தியான வசனம். நாம் கிறிஸ்துவை வாழ்வில் அறிந்தால் மட்டும் போதாது, அந்த அனுபவத்தில் தினமும் வளர்ச்சியடையவேண்டும். அது எப்படி வளருவது? வெறும் சடங்குகளையும் மத சம்பிரதாயங்களையும் கடைபிடிப்பதால் அல்ல; மாறாக, திருவசனமாகிய ஞானப்பாலை உட்கொள்வதால்தான். அதனால்தான் பேதுரு, "நீங்கள் வளரும்படி, புதிதாய்ப் பிறந்த குழந்தைகளைப்போல, திருவசனமாகிய களங்கமில்லாத ஞானப்பாலின்மேல் வாஞ்சையாயிருங்கள்" என்று கூறுகின்றார். 

இந்த உலகத்தில் மனிதர்கள் தங்கள் குழந்தைகளிடம் பெரிய அரசியல் தலைவர்களையும், விஞ்ஞானிகளையும், அறிவு மேதைகளையும் சுட்டிக்காட்டி அவர்களைப்போல மாறவேண்டும் என்று அறிவுரை கூறுவதுண்டு. ஆனால் நமது கர்த்தராகிய இயேசு கிறிஸ்து குழந்தைகளுக்கு பெரியவர்கள் மாதிரியல்ல; மாறாக பெரியவர்களுக்குத்தான் குழந்தைகள் மாதிரி என்று கூறினார். ஆம், "நீங்கள் மனந்திரும்பிப் பிள்ளைகளைப்போல் ஆகாவிட்டால், பரலோகராஜ்யத்தில் பிரவேசிக்கமாட்டீர்கள் என்று, மெய்யாகவே உங்களுக்குச் சொல்லுகிறேன்." ( மத்தேயு 18 : 3 ) என்றார் இயேசு கிறிஸ்து. 

இந்த உலகத்தில் நாம் பல பெரியவர்களைப் பார்த்து அவர்களைப்போல மாறிட முயற்சி செய்யலாம். ஆனால் அவை இந்த உலக வாழ்க்கைக்கு மட்டுமே உதவும். மட்டுமல்ல நாம் பெரியவர்கள் என எண்ணியிருக்கும் மனிதர்களது ஒரு பக்கம்தான் நமக்குத் தெரியும். பல பிரபலமான பெரிய மனிதர்களது வாழ்க்கை பாவ இருள் நிறைந்ததாகவே இருக்கின்றது. எனவே, அவர்களை நாம் முன்மாதிரியாகக் கொள்ள முடியாது. 

நாம் பெரியவர்களைப்போல அல்ல; மாறாக, குழந்தைகள்போல மாற வேண்டும். நாம் உள்ளத்தில் குழந்தைகள்போல ஆகாவிட்டால் பரலோக ராஜ்யத்தில் நுழைய முடியாது. மனம்திரும்பிய வாழ்க்கையே குழந்தைக்குரிய வாழ்வு. பின்பு, இன்றைய தியானத்தில் பேதுரு கூறுவதுபோல வசனமாகிய ஞானப்பாலை உட்கொள்ளும் ஆர்வம் ஏற்பட்டு அதனைப் பருகி வளரவேண்டும். 

மேதைகளையும், அறிஞர்களையும், செல்வந்தர்களையும்  இராஜாக்களையும், முதல்வர்களையும் பிரதமர்களையும் என்னிடம் வருவதற்கு இடம்கொடுங்கள் ஏற்று இயேசு கிறிஸ்து கூறவில்லை, மாறாக,    "சிறு பிள்ளைகள் என்னிடத்தில் வருகிறதற்கு இடங்கொடுங்கள்; அவர்களைத் தடை பண்ணாதிருங்கள்; பரலோகராஜ்யம் அப்படிப்பட்டவர்களுடையது" ( மத்தேயு 19 : 14 ) என்று கூறினார். 

அன்பானவர்களே, தேவ வசனங்கள் வல்லமையானவை, அதிகாரமுள்ளவை. அவற்றை நாம் முதலில் வாசித்து அறியவேண்டும். அப்படி அறிய அறிய நமது உள்ளம் குழந்தைகளுக்குரிய கபடமில்லாத உள்ளம்  போல  மாறும். அப்போது அந்த வசனங்கள் கூறுவதன்படி வாழ முயல்வோம்.  அதுவே பலம் கொள்ளுதல். அப்படி நாம் பலம்கொள்ளும்போது நாம் வாசித்த தேவ வார்த்தைகள் நமது வாழ்க்கையில் வல்லமையாய்ச் செயல்படுவதை நாம் கண்டுணரலாம். 

களங்கமில்லாத ஞானப்பாலாகிய  திருவசனங்களை அன்றாடம் உட்கொண்டு ஆவிக்குரிய வாழ்வில் பலம் கொள்வோம். குழந்தைகளைப்போலாகி பரலோக ராஜ்யத்துக்கு உரிமையுள்ளவர்களாக மாறுவோம். 

தேவ செய்தி:- ✍️ சகோ. எம். ஜியோ பிரகாஷ்          

                     CHILDREN

'AATHAVAN' BIBLE MEDITATION - No:- 1,021,      Tuesday, November 14, 2023

"As newborn babes, desire the sincere milk of the word, that ye may grow thereby:" (1 Peter 2: 2)

Today's meditation verse is the advice of the apostle Peter to spiritual people. It is not enough for us to know Christ in life, we must grow in that experience daily. How can we grow? Not just by observing rituals and religious ceremonies; On the contrary, it by consuming the word of God. That's why Peter says, As newborn babies, desire milk we have to desire in the word of God to grow up.

In this world, people point to great political leaders, scientists and intellectuals and advise their children to become like them. But our Lord Jesus Christ said children are model to adults. Yes, "And said, Verily I say unto you, except ye be converted, and become as little children, ye shall not enter into the kingdom of heaven." ( Matthew 18 : 3 ) said Jesus Christ.

We can look at many great people in this world and try to become like them. But they only serve this worldly life. Not only that, we know only one side of the people we consider great. The lives of many famous great men are full of sinful darkness. Therefore, we cannot take them as role models.

We are not to become like adults; Instead, become like children. Unless we become like children in spirit, we cannot enter the kingdom of heaven. A repentant life is a childish life. Then, as Peter says in today's meditation, there should be a desire to consume the milk of wisdom and grow by drinking it.

Jesus Christ did not say, "Give place to the wise, the learned, the rich, the kings, the chief ministers, and the prime ministers to come to me, "But Jesus said, suffer little children, and forbid them not, to come unto me: for of such is the kingdom of heaven." (Matthew 19: 14)

Beloved, God's words are mighty and powerful. We should read them first. Knowing that, our soul becomes like a childlike soul without hypocrisy. Then we will try to live according to those verses. That is empowerment. When we are strengthened like that, we can see that the words of God that we have read work powerfully in our lives.

Let us daily consume the unblemished milk of wisdom and gain strength in spiritual life. Let us become like children and be entitled to the kingdom of heaven.

God’s Message:- ✍️ Bro. M. Geo Prakash                    

உலகத் துக்கம் / WORLDLY SORROW

 'ஆதவன்' வேதாகமத் தியானம் - எண்:- 1,020,               நவம்பர் 13, 2023 திங்கள்கிழமை

"தேவனுக்கேற்ற துக்கம் பின்பு மனஸ்தாபப்படுகிறதற்கு இடமில்லாமல் இரட்சிப்புக்கேதுவான மனந்திரும்புதலை உண்டாக்குகிறது; லெளகிக துக்கமோ மரணத்தை உண்டாக்குகிறது." ( 2 கொரிந்தியர் 7 : 10 )

தேவனுக்கேற்ற துக்கம், உலகத் துக்கம் இரண்டுக்கும் வித்தியாசம் உண்டு.  உலகத் துக்கம் கொள்வோமானால் நமக்கு நிம்மதி இருக்காது. நம்மை மற்றவர்களோடு ஒப்பிட்டு அவர்களுக்குள்ளதுபோல எதுவும் நமக்கு இல்லை எனும் எண்ணம் நம்மை வாட்டிக்கொண்டிருக்கும். இன்று மருத்துவர்கள் கூறுவது, மனிதர்களது பல்வேறு நோய்களுக்குக்  காரணம் மனக்கவலை எனும் உலகத் துக்கம். தீராத கவலை பல நோய்களை நமது உடலில் கொண்டு வருகின்றது. ஆம், மருத்துவ உலகம் இன்று கண்டறிந்து  கூறியுள்ள உண்மையினைத்தான் அப்போஸ்தலரான பவுல்,    "லெளகிக துக்கமோ மரணத்தை உண்டாக்குகிறது." என்று கூறியுள்ளார். 

இதற்கு மாறாக நாம் ஆவிக்குரிய துக்கம் எனும் தேவனுக்கேற்ற துக்கம் கொள்வோமானால் நாம் இரட்சிக்கப்படுவோம்.  ஆம் அன்பானவர்களே, இரட்சிப்படைய முதல்படி நம்மைக்குறித்து, நமது பாவ வாழ்கையினைக்குறித்தத்  துக்கம். ஒரு தவறான செயல் செய்துவிடும்போது ஐயோ, நான்  இப்படிச் செய்துவிட்டேனே என வருந்துவது; அல்லது நான் இப்படிச் செய்திருக்கக் கூடாது எனும் எண்ணம் நமது மனதினில் எழுவது. ஆம், இது ஆவிக்குரிய துக்கம். இத்தகைய துக்கமடைவதை தேவன் விரும்புகின்றார். காரணம், இத்தகைய "தேவனுக்கேற்ற துக்கம் பின்பு தொடர்ந்து நாம் அதனைக்குறித்து மனஸ்தாபப்படுகிறதற்கு இடமில்லாமல் இரட்சிப்புக்கேதுவான மனந்திரும்புதலை உண்டாக்குகிறது" என்கின்றார் பவுல் அப்போஸ்த்தலர். 

இயேசு கிறிஸ்துவும் தனது மலைப் பிரசங்கத்தில்,  "துயரப்படுகிறவர்கள் பாக்கியவான்கள்; அவர்கள் ஆறுதலடைவார்கள்." ( மத்தேயு 5 : 4 ) என்று கூறினார். இயேசு கிறிஸ்துக்  கூறியதை நாம் பெரும்பாலும் சரியாகப் புரிந்துகொள்வதில்லை. அது எப்படித் துயரப்படுபவர்கள் பாக்கியவான்களாக இருக்க முடியும்? என்று எண்ணுவோம். ஆனால் இயேசு தொடர்ந்து  கூறுகின்றார், "அவர்கள் ஆறுதல் அடைவார்கள்" என்று. 

தேவன் கொடுக்கும் சமாதானமே ஆறுதல் தரும்.  நாம் ஆவிக்குரிய தேவனுக்கேற்ற துக்கம் கொள்ளும்போது தேவன் நம்மைத் தனது  இரட்சிப்பினால் நிரப்புவார். அப்போது உலகம் கொடுக்க இயலாத சமாதானம் நம்மை நிரப்பும். எனவேதான் அத்தகைய துயரப்படுபவர்கள் பாக்கியவான்கள் என்கின்றார் இயேசு கிறிஸ்து. 

பெரும்பாலும் மனிதர்கள் தங்கள் மனதில் ஆவிக்குரிய துக்கம் கொள்வது அரிதாகவே இருக்கின்றது. "அவன் / அவள் அப்படிப் பேசியது தப்புதானே? பின் நான் பதிலுக்குப் பேசியது மட்டும் எப்படித் தப்பாக இருக்க முடியும்?" என்று எண்ணுவது; அல்லது  லஞ்சம் வாங்கிவிட்டு, "இதெல்லாம் பெரிய தப்பு கிடையாது, இப்போ யார் லஞ்சம் வாங்காமல் இருக்கிறாங்க?.. நான் சும்மாவா வாங்கினேன் பதிலுக்கு நானும் பணம் தந்தவருக்கு நன்மை செய்திருக்கிறேனே?" என எண்ணுவது அல்லது, "எனது மாதச் சம்பளம் குறைவுதான். அதனை வைத்து எப்படிக் குடும்பத் தேவையைச் சமாளிக்கமுடியும்?" எனத் தவறை நியாயப்படுத்துவது என்றே பலர் பலவேளையில் இருக்கின்றனர். 

எனக்குத் தெரிந்த ஒருவர் ஒரு அரசு அலுவலகத்தில் வேலைபார்த்துவந்தார். அவரது குணம் தனது உயர் அதிகாரிகளையும் உடன் பணியாளர்களையும் குறித்து தொடர்ந்து மேலிடத்துக்கு மொட்டைக்கடிதம் அனுப்புவது. பலமுறை இவரது மொட்டைக்கடிதங்கள் பரிசீலிக்கப்பட்டு இவர் கூறுவது தவறு என்று நிரூபிக்கப்பட்டது. இவரிடம் பலரும் அதிகம் பேசுவதில்லை. மதுவுக்கு அடிமையாகி  மனச் சமாதானமில்லாமல் இறுதியில் தற்கொலை செய்து வாழ்வை முடித்துக்கொண்டார். 

ஆம் அன்பானவர்களே, இப்படி இருப்போமானால் நாம் தேவனுக்கும் அவரது இரட்சிப்புக்கும் தூரமானவர்களாகவே இருப்போம். பவுல் அப்போஸ்தலரது வார்த்தைகள் எப்போது நமது இருதயத்தில் ஒரு பயத்தையும்  எச்சரிப்பையும்  உண்டாக்கவேண்டும்.  தேவனுக்கேற்ற துக்கம் பின்பு நமக்கு இரட்சிப்புக்கேதுவான மனந்திரும்புதலை உண்டாக்குகிறது; உலகத் துக்கமோ மரணத்தை உண்டாக்குகிறது. நமது தவறான செயல்பாடுகளை எண்ணித் துக்கம்கொள்வோம்; தேவனிடம் மன்னிப்பை வேண்டுவோம், ஆறுதல் பெறுவோம்.

 

தேவ செய்தி:- ✍️ சகோ. எம். ஜியோ பிரகாஷ்                              

                     WORLDLY SORROW 

'AATHAVAN' BIBLE MEDITATION - No:- 1,020,                Monday, November 13, 2023

"For godly sorrow worketh repentance to salvation not to be repented of: but the sorrow of the world worketh death." (2 Corinthians 7: 10)

There is a difference between godly sorrow and worldly sorrow. If we grieve for the worldly things, we will have no peace. Comparing ourselves with others and thinking that, we have nothing like what they have will wither us. Doctors today say that the cause for various human diseases is worldly sorrow called anxiety. Unresolved anxiety brings many diseases in our body. Yes, the medical world has discovered the truth today that the Apostle Paul said, “sorrow of the world worketh death.”

On the contrary, we will be saved if we grieve according to God, which is spiritual grief. Yes, beloved, the first step to salvation is sorrow for ourselves, for our sinful life. When one commits a wrong act, one regrets, “Oh, I have done this;'' Or the thought arises in our mind that, “I should not have done this”. Yes, it is spiritual grief. God likes such sorrow. The reason is that such godly sorrow worketh repentance to salvation not to be repented of."

Jesus Christ also said in his Sermon on the Mount, "Blessed are they that mourn: for they shall be comforted." (Matthew 5: 4) We often misunderstand what Jesus Christ said. How can those who mourn be blessed? Let's assume that. But Jesus goes on to say, "They shall be comforted."

God's peace is comforting. God will fill us with His salvation when we grieve spiritually. Then the peace that the world cannot give will fill us. That is why Jesus Christ says that those who suffer are blessed.

Most people rarely have spiritual sorrow in their minds. "Is it wrong for him/her to speak like that? Then how can it be wrong for me to speak back?" Thinking that; Or after taking a bribe, says, "This is not a big mistake, who doesn't take a bribe now? I bought it for nothing, have I also helped the person who gave the money?" Thinking like this or, "My monthly salary is low. How can I meet the family needs with that?" Many times, there are many people who want to justify their mistakes like that.

Someone I know worked in a government office. His nature is to constantly send complaint letters to higher officials about his superiors and co-workers. Many times, his complaint letters have been examined and was proved wrong. His colleagues do not talk to him much. He became addicted to alcohol and eventually committed suicide without peace of mind.

Yes beloved, if we remain like this, we will be far from God and His salvation. The words of the Apostle Paul should strike a fear and a warning in our hearts. Godly sorrow then produces a repentance in us; Worldly sorrow causes death. Let us mourn over our misdeeds; Let us seek God's forgiveness and comfort.

God’s Message:- ✍️ Bro. M. Geo Prakash

உலக ஞானம் / WORLDLY WISDOM

 'ஆதவன்' வேதாகமத் தியானம் - எண்:- 1,019,             நவம்பர் 12, 2023 ஞாயிற்றுக்கிழமை

"நம்முடைய கர்த்தராகிய இயேசுகிறிஸ்துவின் தேவனும் மகிமையின் பிதாவுமானவர் தம்மை நீங்கள் அறிந்துகொள்வதற்கான ஞானத்தையும் தெளிவையும் அளிக்கிற ஆவியை உங்களுக்குத் தந்தருளவேண்டுமென்றும்....." ( எபேசியர் 1 : 17 )

ஆவிக்குரிய வாழ்விலும் உலக வாழ்விலும் நாம் சிறப்புற விளங்கவேண்டுமென்றால் நமக்கு தேவனை அறியக்கூடிய ஞானம் அவசியம். இந்த ஞானம் இல்லாமல் நாம் வெறுமனே உலக ஞானத்தையே முன்னுரிமை கொடுத்துத் தேடிக்கொண்டிருப்போமானால் நமது வாழ்க்கை பரிதபிக்கக்கூடிய ஒன்றாகவே மாறிவிடும். இதனாலேயே அப்போஸ்தலரான பவுல், "இயேசுகிறிஸ்துவின் தேவனும் மகிமையின் பிதாவுமானவர் தம்மை நீங்கள் அறிந்துகொள்வதற்கான ஞானத்தையும் தெளிவையும் அளிக்கிற ஆவியை உங்களுக்குத் தந்தருளவேண்டுமென்று" வேண்டுகின்றார். 

உலக ஞானத்தையே விரும்பி அதனால் தேவனையும் தனது நாட்டையும் கெடுத்த ஒரு மனிதன்தான் சாலமோன். தேவன் அவனுக்குத் தரிசனமாகி உனக்கு என்னவேண்டும் என்று கேள் என்று கூறியபோது சாலமோன், "உமது ஜனங்களை நியாயம் விசாரிக்கவும், நன்மை தீமை இன்னதென்று வகையறுக்கவும், அடியேனுக்கு ஞானமுள்ள இருதயத்தைத் தந்தருளும்; ஏராளமாயிருக்கிற இந்த உமது ஜனங்களை நியாயம் விசாரிக்க யாராலே ஆகும் என்றான்.'( 1 இராஜாக்கள் 3 : 9 )

சாலமோன் தேவனிடம் கேட்டது முழுக்க முழுக்க உலக ஆசீர்வாதத்தை முன்னிறுத்தி வேண்டிய உலக ஞானம். ஆனால் தேவன் அதனை விரும்பினார் என்று கூறப்பட்டுள்ளது. தேவன் இப்படிக் கேட்டதை தேவன் பாராட்டினார். தேவன் சாலமோனுக்கு இரண்டுமுறை தரிசனமானார். அவன் 3000 நீதிமொழிகளைச் சொன்னான். ஆனாலும் அன்பானவர்களே, அவன் தேவ ஞானத்தைப் பெறாமலேயே போனான். 

காரணம், அவனது பெண்ணாசை. அவனுக்கு 300 மனைவிகளும் 700 மறு மனைவிகளும் இருந்தனர். ( 1 இராஜாக்கள் 11 : 3 ). அனைவரும் தேவன் விலகிய பிற இனத்துப் பெண்கள்.  அவர்கள் அவனது மனதை மாற்றிப் பிற தெய்வங்களை வணங்கச்செய்தனர். "சாலொமோன் தன் தகப்பனாகிய தாவீதைப்போல கர்த்தரைப் பூரணமாய்ப் பின்பற்றாமல், கர்த்தரின் பார்வைக்குப் பொல்லாப்பானதைச் செய்தான்." ( 1 இராஜாக்கள் 11 : 6 )

ஆம் அன்பானவர்களே, தேவனைப் பற்றி  அறியும்போது மட்டுமே ஒருவன் பாவத்துக்கு விலகி வாழ முடியும். இரண்டுமுறை தேவன் அவனுக்குத் தரிசனமானபின்னரும் சாலமோன் தேவனைப் பற்றி அறிந்திருந்தானேத்   தவிர தேவனைச் சரியாக  அறியவில்லை. தேவனை அறிந்திருப்பானேயானால்  அவன் பிற தெய்வங்களை நாடிப்போயிருக்கமாட்டான். ஆம், அவனுக்குத் தேவனை அறியும் ஞானம் இல்லை; அதனை அவன் கேட்கவுமில்லை.

"ஆகையால் இஸ்ரவேலின் தேவனாகிய கர்த்தர் சாலொமோனுக்கு இரண்டு விசை தரிசனமாகி, அந்நிய தேவர்களைப் பின்பற்ற வேண்டாம் என்று கட்டளையிட்டிருந்தும், அவன் கர்த்தரை விட்டுத் தன் இருதயத்தைத் திருப்பி, அவர் கற்பித்ததைக் கைக்கொள்ளாமற்போனதினால் கர்த்தர் அவன்மேல் கோபமானார்."( 1 இராஜாக்கள் 11 : 9,10 ) என்று வாசிக்கின்றோம். முதலில் சாலமோன் ஞானத்தைக் கேட்டபோது மகிழ்ச்சியடைந்த கர்த்தர் இப்போது அவன்மேல் கோபமானார் என்று கூப்பட்டுள்ளது. மட்டுமல்ல, இஸ்ரவேல் நாட்டையே இரண்டு கூறாக்கிப்போட்டார் தேவன்.  

அன்பானவர்களே, எனவே நாம் கவனமாக இருக்கவேண்டியது அவசியம். தேவனை அறியும்  ஞானத்தையும்  தெளிவை அளிக்கின்ற ஆவியையும் நாம் தேவனிடம் கேட்கவேண்டியது அவசியம். இதனாலேயே இன்றைய தியான வசனத்தில் அப்போஸ்தலரான பவுல் நமக்கு இந்த அறிவுரையினைக் கூறுகின்றார். தேவ ஞானம் வரும்போது நாம் உலக காரிங்களிலும் ஞானத்துடன் நடக்க முடியும். இல்லையானால் உலக ஞானத்தையே தேடிய சாலமோனின் நிலைமையே  நமக்கும்  ஏற்படும். 

தேவ செய்தி:- ✍️ சகோ. எம். ஜியோ பிரகாஷ்               

                                    WORLDLY WISDOM

'AATHAVAN' BIBLE MEDITATION No: - 1,019,                          Sunday, November 12, 2023

"That the God of our Lord Jesus Christ, the Father of glory, may give unto you the spirit of wisdom and revelation in the knowledge of him:" (Ephesians 1: 17)

If we want to excel in spiritual life and worldly life, we need wisdom to know God. Without this wisdom, if we are simply seeking worldly wisdom as a priority, our lives will turn out to be miserable. This is why the Apostle Paul prays that, “God of our Lord Jesus Christ, the Father of glory, may give unto you the spirit of wisdom and revelation in the knowledge of him”

Solomon was an example man who wanted worldly wisdom and thus spoiled his life and his country. When God appeared to him and told him to ask what you want, Solomon said, "Give therefore thy servant an understanding heart to judge thy people, that I may discern between good and bad: for who is able to judge this thy so great a people?" (1 Kings 3: 9)

What Solomon asked of God was worldly wisdom that should presuppose worldly blessing. But it is said that God willed it. God appreciated him when God heard this. God appeared to Solomon twice. With his wisdom he spoke 3000 proverbs. But dear ones, he left without attaining divine wisdom.

The reason is his womanizing. He had 300 wives and 700 concubines. (1 Kings 11:3). All are strange women forbidden by God, who made him turn away from God. They changed his mind and made him worship other gods. "And Solomon did evil in the sight of the LORD, and went not fully after the LORD, as did David his father.' (1 Kings 11: 6)

Yes, dear ones, one can live away from sin only when he knows  God. Even after God appeared to him twice, Solomon knew about God but did not know God. If he had known God, he would not have sought other gods. Yes, he has no wisdom to know God; He did not also sought it.

"And the LORD was angry with Solomon, because his heart was turned from the LORD God of Israel, which had appeared unto him twice, and had commanded him concerning this thing, that he should not go after other gods: but he kept not that which the LORD commanded." (1 Kings 11: 9,10) It was said that God, who was pleased when Solomon heard wisdom at first, is now angry with him. Not only that, God divided the nation of Israel into two nations.

Beloved, therefore we must be careful. We need to ask God for the wisdom to know God and the Spirit that gives clarity. This is why the apostle Paul gives us this advice in today's meditation verse. When divine wisdom comes, we can walk with wisdom in worldly affairs also. If not, we will be in the same situation as Solomon who sought worldly wisdom alone.

God’s Message:- ✍️ Bro. M. Geo Prakash