கடவுள் உண்டுமா கிடையாதா எனும் சர்ச்சை/ CONTROVERSY OVER WHETHER GOD EXISTS

 'ஆதவன்' 📖✝ வேதாகமத் தியானம் - எண்:- 1,112       💚 பிப்ரவரி 25, 2024 💚 ஞாயிற்றுக்கிழமை 💚  

"............... காணப்படாதவைகளாகிய அவருடைய நித்திய வல்லமை தேவத்துவம் என்பவைகள், உண்டாக்கப்பட்டிருக்கிறவைகளினாலே, உலகமுண்டானது முதற்கொண்டு, தெளிவாய்க் காணப்படும்; ஆதலால் அவர்கள் போக்குச்சொல்ல இடமில்லை. (  ரோமர் 1 : 20 )

கடவுள் உண்டுமா கிடையாதா எனும் சர்ச்சை ஆதிமுதல் தொடர்ந்து இருந்து  கொண்டுதான் இருக்கிறது.  இல்லை என்பவர்களும் உண்டு என்பவர்களும் பல்வேறு ஆதாரங்களைக் கூறிக்கொண்டிருக்கின்றனர். பவுல் அப்போஸ்தலர் இங்கு அதனைத் தெளிவுபடுத்துகின்றார். அதாவது உலகினில் நாம் காணும் படைப்புகளே கடவுள் உண்டு என்பதற்கும் அவரது வல்லமை,  தேவத்துவம் இவற்றிற்கும்  சான்று என்கின்றார்.  உண்டாக்கப்பட்ட பொருட்களில் அவை தெளிவாய்க் காணப்படும் என்கின்றார்.

மனிதனது உடலே ஒரு அதிசயம். மனித உடல் உறுப்புகள் ஒவ்வொன்றும் எவ்வளவு நேர்த்தியாய் அமைக்கப்பட்டுள்ளன என்று பாருங்கள். மனித மூளைக்கு இணையான கம்ப்யூட்டர் இதுவரைக் கண்டுபிடிக்கப்படவில்லை. மனித கண்களுக்கு இணையான காமெரா இதுவரைக் கண்டுபிடிக்கப்படவில்லை. மனித உடலை ஆய்வு செய்த கடவுள் நம்பிக்கை இல்லாத ஒரு விஞ்ஞானி மனிதனது நரம்பு மண்டலம் அமைக்கப்பட்டுள்ள வித்தைக் கண்டு ஆச்சரியப்பட்டார். மனிதனது நரம்பு மண்டலத்தைப் பார்த்துவிட்டு அவர் பின்வருமாறு கூறுகின்றார்:- 

"மனித உடலில் இரத்த நாளங்களும் நரம்புகளும் அமைக்கப்பட்டுள்ள விதம் என்னை ஆச்சரியப்படச் செய்தது. இரண்டு இரத்த நாளங்கள் இணையும் இடம், பிரியும் இடம் இவை உலகில் உள்ள ஒரு பிளம்பர் குடிநீர் குழாயில் இணைப்புக்கு கொடுப்பதுபோலவும் ஒரு எலெக்ட்ரிஷியன் மின்சார உபகரணங்களுக்கு இணைப்புக்கு கொடுப்பதுபோலவும் மிக நேர்த்தியாக திட்டமிட்டு செய்யப்பட்டுள்ளன. நிச்சயமாக இவைகள் தானாக உருவாகச்  சாத்தியமே இல்லை. இதனைத் தாவீது ராஜாவும் ஆவியில் கண்டு களிகூர்ந்து பின்வருமாறு கூறுகின்றார், "நான் பிரமிக்கத்தக்க அதிசயமாய் உண்டாக்கப்பட்டபடியால் உம்மைத் துதிப்பேன்; உமது கிரியைகள் அதிசயமானவைகள். அது என் ஆத்துமாவுக்கு நன்றாய்த் தெரியும்." (  சங்கீதம் 139 : 14 )

மேலும், விண்வெளிக் கோள்களின் அமைப்பைப்  பல விஞ்ஞானிகள் கண்டு பிரமித்துள்ளனர். நிலவுக்கு ஆம்ஸ்ட்ராங்குடன் சென்று திரும்பிய ஆல்ட்ரின் விண்ணிலிருந்து பூமியைப் பார்க்கும்போது வேதம் தெளிவாகக்  குறிப்பிட்டுள்ள பல வேத வசனங்கள் தனக்கு விளங்கியதாகக் குறிப்பிட்டுள்ளார். ஒருவர் விண்வெளிக்குச் சென்று திரும்பி வந்தாலே தேவனைப் பற்றியும் அவரது மகத்துவங்களைப் பற்றியும்  வியந்து அறிக்கையிடுவார்  என்று அவர் குறிப்பிடுகின்றார். இவர் தனது வாழ்வின் பிற்பகுதியில் கர்த்தரது ஊழியக்காரனாக மாறிவிட்டார் என்பது குறிப்பிடத்தக்கது . 

இதுவரை உலகம் கண்ட விஞ்ஞானிகளில் மிகப்பெரியவர் ஆல்பர்ட் ஐன்ஸ்டின்.  இவரது கோட்பாடுகளின் அடிப்படையிலேயே விண்வெளிக்கு ராக்கெட்களை  அனுப்புகின்றனர். அவர் கடவுளை ஏற்றுக்கொள்ளவில்லையெனினும் விண்வெளியின் கோள்கள் அனைத்தையும்  ஒரு மிகப்பெரிய மூளை சிந்தித்து ஞானமாய் வடிவமைத்துள்ளது என்கின்றார். ஆனால் அந்த மிகப்பெரிய மூளைதான் தேவன் என்பதை இந்த மேதை இறுதிவரைக் கண்டுகொள்ளவில்லை. 

சங்கீத புத்தகத்திலும்  "வானங்கள் தேவனுடைய மகிமையை வெளிப்படுத்துகின்றன, ஆகாயவிரிவு அவருடைய கரங்களின் கிரியையை அறிவிக்கிறது. பகலுக்குப் பகல் வார்த்தைகளைப் பொழிகிறது, இரவுக்கு இரவு அறிவைத் தெரிவிக்கிறது. அவைகளுக்குப் பேச்சுமில்லை, வார்த்தையுமில்லை, அவைகளின் சத்தம் கேட்கப்படுவதுமில்லை. ஆகிலும் அவைகளின் சத்தம் பூமியெங்கும், அவைகளின் வசனங்கள் பூச்சக்கரத்துக் கடைசிவரைக்கும் செல்லுகிறது; ......" (  சங்கீதம் 19 : 1- 4 ) என்று படிக்கின்றோம்.

எனவேதான் அப்போஸ்தலரான பவுல், தேவனது வல்லமையும் மகத்துவமும் உலகப் படைப்புகளில் தெளிவாகத்  தெரிவதால் "அவர்கள் (கடவுள் இல்லை என்று வாதிடுபவர்கள்) சாக்குபோக்குச் சொல்ல இடமில்லை" என்று குறிப்பிடுகின்றார். அதாவது அவர்கள் நியாயத் தீர்ப்புநாளில் இதனைக் காரணமாகச் சொல்லித்  தப்பித்துக்கொள்ளமுடியாது என்கின்றார். 

தேவனை விசுவாசிக்கிறேன் என்று கூறிக்கொண்டு அவருக்கு ஏற்பில்லாத பாவ வாழ்க்கை வாழ்வதும் கடவுள் இல்லை என்று கூறுவதற்கு ஒப்பானதுதான். ஆம் அன்பானவர்களே, தேவனுக்குப் பயந்த ஒரு வாழ்க்கை வாழ்வோம்.  "தேவன் இல்லை என்று மதிகேடன் தன் இருதயத்தில் சொல்லிக் கொள்ளுகிறான்; .." (  சங்கீதம் 53 : 1 )

தேவ செய்தி :- சகோ. எம். ஜியோ பிரகாஷ் 

       CONTROVERSY OVER WHETHER 

                        GOD EXISTS 

'AATHAVAN' 📖✝ BIBLE MEDITATION No:- 1,112 💚 February 24, 2024 💚 Sunday💚

“For the invisible things of him from the creation of the world are clearly seen, being understood by the things that are made, even his eternal power and Godhead, so that they are without excuse." (Romans 1:20)

The controversy over whether God exists or not has been going on since the beginning of time. Those who say no and those who say yes are citing different sources. The apostle Paul makes it clear here. That is, the creations that we see in the world are proof that God exists and His power and divinity. He says that they are clearly seen in the things that were created.

The human body is a miracle. Look at how finely arranged each part of the human body is. A computer equivalent to the human brain has yet to be invented. A camera equivalent to the human eye has not yet been invented. An atheist scientist who studied the human body was surprised by the way the human nervous system is structured. After looking at the human nervous system, he says:

"The way the blood vessels and nerves are arranged in the human body made me wonder. The place where two blood vessels join and divide is as finely planned as a plumber in the world connecting a water pipe and an electrician connecting an electrical appliance. Yes, these cannot be formed naturally. David understood these things in spirit and rejoiced in spirit, and says, “I will praise thee; for I am fearfully and wonderfully made; marvellous are thy works; and that my soul knoweth right well.” (Psalms 139:14)

Also, many scientists are amazed by the structure of space planets. Aldrin, who accompanied Armstrong to the moon and returned, stated that he understood many truths clearly mentioned in the scriptures when looking at the earth from space. He mentions that if one goes to space and comes back, he will be in awe of God and His greatness. It is noteworthy that he became a servant of God in the later part of his life.

Albert Einstein is the greatest scientist the world has ever seen. Rockets are sent into space based on his theories. Though he does not accept God, he says, “All the planets in space are thought out and wisely designed by a great brain.” But this genius didn't realize till the end that God is that big brain.

And in the book of Psalms, we read, “The heavens declare the glory of God, and the firmament sheweth his handywork. Day unto day uttereth speech, and night unto night sheweth knowledge. There is neither speech nor language, and their voice is not heard. Their line has gone out through all the earth, and their words have gone to the end of the world.” (Psalms 19:1–4)

This is why the apostle Paul states that "they (the agnostic) have no excuse" because God's power and majesty are clearly seen in the creation of the world. In other words, they cannot get away with this on the Day of Judgement.

Claiming to believe in God and living a sinful life that is not acceptable to Him is equal to saying that God does not exist. Yes, beloved, let's live a God-fearing life. “The fool hath said in his heart, There is no God”( Psalms 53:1).

God’s Message :- Bro. M. Geo Prakash

ஆவியோடும் உண்மையோடும் / SPIRIT AND IN TRUTH

 'ஆதவன்' 📖✝ வேதாகமத் தியானம் - எண்:- 1,111      💚 பிப்ரவரி 24, 2024 💚 சனிக்கிழமை 💚  

"கர்த்தருடைய பெட்டி தாவீதின் நகரத்திற்குள் பிரவேசிக்கிறபோது, சவுலின் குமாரத்தியாகிய மீகாள் பலகணிவழியாய்ப் பார்த்து, தாவீதுராஜா கர்த்தருக்கு முன்பாகக் குதித்து, நடனம்பண்ணுகிறதைக் கண்டு, தன் இருதயத்திலே அவனை அவமதித்தாள்". (2 சாமுவேல் 6:16)

கர்த்தருடைய பெட்டியைத் தாவீது தனது நகரத்துக்குக் கொண்டுவர முயன்றார். கிபியாவிலுள்ள அபினதாபின் வீட்டிலிருந்து கொண்டுவரப்பட்டப்  பெட்டி மூன்று மாதங்கள் கித்தியனாகிய ஓபேத் ஏதோமின் வீட்டில் இருந்தது. பின்பு அங்கிருந்து அதனைத் தாவீதின் நகரத்துக்குள் கொண்டுவந்தான். (2 சாமுவேல் 6 ஆம் அதிகாரம்) அப்போது தாவீது ராஜா மகிழ்ச்சியாக ஆவியில் நிறைந்து பெட்டியின் முன்னே ஆடிப்பாடினார்.  தாவீதுராஜா கர்த்தருக்கு முன்பாகக் குதித்து, நடனம்பண்ணுகிறதைக் கண்டு, சவுலின் மகள் மீகாள் தன் இருதயத்திலே அவனை அவமதித்தாள்.

இன்றும் இத்தகைய அவமதிப்பு நடைபெறுவதை நாம் காணலாம். ஆவிக்குரிய ஆராதனை என்பது ஆடலும் பாடலுமல்ல என்பது உண்மையாயினும் உண்மையான உள்ளத்தோடு ஆவியில் நிறைந்து ஆராதனை செய்யும் மக்கள் உண்டு. அவர்களைச் சில பாரம்பரியச்  சபையினர் கேலியும்கிண்டலும்  செய்வதுண்டு. அன்பானவர்களே, அத்தகைய மனிதர்கள் எச்சரிக்கையாக இருக்கவே இந்த வசனம் இன்றைய தியானமாகக் கொடுக்கப்பட்டுள்ளது.  

தேவன் நம் ஒவ்வொருவருக்கும் வெவ்வேறு விதமான ஆவிக்குரிய அனுபவங்களைக் கொடுத்திருக்கலாம். சிலர் தேவனது உடனிருப்பையும் கிருபையையும்  அவர் தங்களுக்குச் செய்த நன்மைகளையும் உணர்ந்து ஆவியில் நிறைந்து துதிக்கலாம். இதனையே தாவீது தன்னைப் பார்த்து நகைத்த மீகாளுக்குப் பதிலாகக் கூறுகின்றார். 

"உன் தகப்பனைப்பார்க்கிலும், அவருடைய எல்லா வீட்டாரைப்பார்க்கிலும், என்னை இஸ்ரவேலாகிய  கர்த்தருடைய ஜனத்தின்மேல் தலைவனாகக் கட்டளையிடும்படிக்குத்தெரிந்துகொண்ட கர்த்தருடைய    சமூகத்தின் முன்பாக ஆடிப்பாடினேன்.  இதைப்பார்க்கிலும் இன்னும் நான் நீசனும் என் பார்வைக்கு அற்பனுமாவேன்". (2 சாமுவேல் 6: 21,22) என்கின்றார் தாவீது. அதாவது, நான் ராஜாதான்; ஆனால் , கர்த்தர் எனக்குச் செய்த நன்மைகளுக்காக நான் ஆடிப் பாடுவதுமட்டுமல்ல கர்த்தருக்காக இன்னும் என்னை எவ்வளவுத் தாழ்த்த முடியுமோ அவ்வளவு என்னைத் தாழ்த்தி அற்பனும் நீசனுமாக இருக்கவும் நான் தயார்தான் என்கிறார் தாவீது. 

மெய்யான ஆவிக்குரிய வாழ்வு பெருமை கொள்வது கிடையாது. பல்வேறு விதமான நகைகளால் தங்களை அலங்கரித்துக்கொண்டு விதவிதமாக பட்டாடைகள் அணிந்து ஆலயங்களுக்குச் செல்பவர்களுக்கு ஆவிக்குரிய இத்தகைய தாழ்ச்சி புரியாது; ஆவிக்குரிய மேலான அனுபவங்கள் தெரியாது. அவர்கள் மீகாளைபோல மற்றவர்களை அற்பமாக மதிப்பிட்டுக்கொன்டுதான் இருப்பார்கள். 

தாவீதின் உண்மையான இருதயத்தையும் அவர்  நடனமாடித் தன்னைத் துதிப்பதையும் கர்த்தர் அங்கீகரித்து ஏற்றுக்கொண்டார். அதற்கு மாறாகத் தாவீதை அற்பமாக எண்ணிக் கேலிசெய்த மீகாளைத் தேவன் தண்டித்தார். ஆம், "அதனால் சவுலின் குமாரத்தியாகிய மீகாளுக்கு மரணமடையும் நாள்மட்டும் பிள்ளை இல்லாதிருந்தது." (2 சாமுவேல் 6: 23)

எனவே அன்பானவர்களே, நாம் தேவனைத் துதிப்பதைப்போலவும் ஆராதிப்பதைப்போலவும் தான் எல்லோரும் செய்யவேண்டும் என்று நாம் எதிர்பார்த்து மற்றவர்களைக்  கேலி செய்வது சாபத்தையே கொண்டுவரும்.  தேவனை எப்படி ஆராதிக்கவேண்டும் என்பதற்கு ஒவ்வொரு சபைப் பிரிவும் வெல்வேறு முறைகளை வைத்திருக்கலாம். ஆனால் குறிப்பிட்ட ஒரு முறைதான் சரி என்று நாம் கூற முடியாது. "தேவன் ஆவியாயிருக்கிறார், அவரைத் தொழுதுகொள்ளுகிறவர்கள் ஆவியோடும் உண்மையோடும் அவரைத் தொழுதுகொள்ள வேண்டும்." ( யோவான் 4 : 24 ) என்பதே இயேசு கிறிஸ்து கூறியது. 

தேவ செய்தி :- சகோ. எம். ஜியோ பிரகாஷ் 

                SPIRIT AND IN TRUTH 

'AATHAVAN' 📖✝ BIBLE MEDITATION No:- 1,111 💚 February 24, 2024 💚 Saturday 💚

“And as the ark of the LORD came into the city of David, Michal Saul's daughter looked through a window, and saw king David leaping and dancing before the LORD; and she despised him in her heart.” (2 Samuel 6: 16)

David tried to bring the ark of the Lord to his city. The ark brought from Abinadab's house in Gibeah remained in the house of Obed-edom the Gittite for three months. Then he brought it from there into the city of David. (2 Samuel Chapter 6) Then King David with full of joy and sang and danced in front of the ark. When Saul's daughter Michal saw King David leaping and dancing before the Lord, she despised him in her heart.

We can still see such mocking taking place today. It is true that spiritual worship is not dancing and singing alone, but there are people who worship such a way in spirit with a true heart. They are mocked by some traditionalists. Beloved, this verse is given as today's meditation so that such people may be warned.

God may have given each of us different spiritual experiences. Some may feel the presence and grace of God and the good things He has done for them and be filled with praise in the spirit. This is what David says to Michal who laughed at him.

“It was before the LORD, which chose me before thy father, and before all his house, to appoint me ruler over the people of the LORD, over Israel: therefore, will I play before the LORD. And I will yet be viler than thus, and will be base in mine own sight” (2 Samuel 6: 21, 22) says David. That is, I am the king; But, David says, I am ready to humble myself as much as I can for the sake of the Lord, not only do I sing for the good things the Lord has done for me.

True spiritual life is not boasting. Those who adorn themselves with costly dresses, jewels and wear various kinds of golden bangles and go to the temples do not understand such lowliness of spirit; No higher spiritual experiences are known to them. They tend to underestimate others like Michal.

The Lord recognized and accepted David's true heart and his dancing and praising Him. On the contrary, God punished Michal for mocking David. Yes, “Therefore Michal the daughter of Saul had no child unto the day of her death.” (2 Samuel 6: 23)

So beloved, if we expect everyone else to do the same as we praise and worship God, and mocking others will bring curses. Each denomination may have different ways of worshiping God. But we cannot say that only one method is correct. “God is a Spirit: and they that worship him must worship him in spirit and in truth.” (John 4: 24)

God’s Message :- Bro. M. Geo Prakash

மரித்தவர்களுக்கு அதிசயம் / WONDERS TO THE DEAD

 'ஆதவன்' 📖✝ வேதாகமத் தியானம் - எண்:- 1,110       💚 பிப்ரவரி 23, 2024 💚 வெள்ளிக்கிழமை 💚  

"மரித்தவர்களுக்கு அதிசயங்களைச் செய்வீரோ? செத்துப்போன வீரர் எழுந்து உம்மைத் துதிப்பார்களோ? பிரேதக்குழியில் உமது கிருபையும், அழிவில் உமது உண்மையும் விவரிக்கப்படுமோ?" ( சங்கீதம் 88 : 10, 11 )

இன்றைய நமது தியான வசனமானது எடுக்கப்பட்ட சங்கீதம் எஸ்ராகியனாகிய  ஏமானின் போதக சங்கீதம் என்று குறிப்பிடப்பட்டுள்ளது.  மரித்தவர்களுக்கு அதிசயங்களைச் செய்வீரோ? செத்துப்போன வீரர் எழுந்து உம்மைத் துதிப்பார்களோ? என இன்றைய வசனம் கேட்கும் கேள்விகள் பொதுவாக "இல்லை" எனும் பதிலைத் தருவனவே. 

பல்வேறு விதமான துக்கத்தால் நிறைந்திருந்த ஏமான் வாழ்வில் விரக்தியடைந்து இந்த வசனங்களைக் கூறுகின்றார். இன்றைய தியான வசனம் கூறப்பட்டுள்ள சங்கீதத்தின் துவக்கத்தில் இதனை  நாம் வாசிக்கின்றோம். அவர் கூறுகின்றார், "என் ஆத்துமா துக்கத்தால் நிறைந்திருக்கிறது; என் ஜீவன் பாதாளத்திற்குச் சமீபமாய் வந்திருக்கிறது. நான் குழியில் இறங்குகிறவர்களோடு எண்ணப்பட்டு, பெலனற்ற மனுஷனைப்போலானேன்." ( சங்கீதம் 88 : 3, 4 )

அன்பானவர்களே, இவைபோன்ற சூழ்நிலைகள் நமது வாழ்விலும் சிலவேளைகளில் ஏற்படலாம். வாழ்வில் எல்லா வழிகளும் அடைபட்டு இனி நம்பிக்கையே இல்லை எனும் நிலை வரும்போது நாமும் இப்படி எண்ணலாம். "இனி நமக்கு தப்பிக்க வழியே இல்லை; எல்லாம் முடிந்துபோயிற்று " என எண்ணலாம். ஆனால் நமது தேவன் மரித்தவர்களுக்கும் அதிசயம் செய்கின்றவர் என்பதற்கு வேதாகமத்தில் பல சம்பவங்களை நாம் வாசிக்கலாம். 

அதுபோலவே, "பிரேதக்குழியில் உமது கிருபையும், அழிவில் உமது உண்மையும் விவரிக்கப்படுமோ?" என்று கேள்வி எழுப்புகின்றது இன்றைய வசனம். ஆம், இதற்கு இயேசு கிறிஸ்து மரித்து நான்கு நாட்களான லாசருவை பிரேதக்குழியிலிருந்து எழுப்பியது பதிலாக இருக்கின்றது.  இன்று வாழ்வே முடிந்துபோயிற்று என்று பலர் தற்கொலை முடிவை எடுக்கின்றனர். அன்பானவர்களே, கிறிஸ்துவை விசுவாசத்தோடு ஏற்றுக்கொள்வோமானால் மரித்து புதைக்கப்பட்டு பல நாட்களானதுபோன்ற நமது மரித்த வாழ்வை அவர் உயிரோடு எழுப்புவார். 

தேவனது வல்ல செயல்கள் அனைத்தும் மனிதனால் முடியாது எனும் சூழ்நிலையில்தான் வெளிப்படும். ஈரோத்  பள்ளத்தாக்கின் இருபுறமும் மலைகள், எதிரே செங்கடல், பின்னால் துரத்திவரும் எகிப்தியர். (யாத்திராகமம் 14 ஆம் அதிகாரம்) இஸ்ரவேல் மக்கள் தப்பிக்க எந்த வழியுமே இல்லை. எகிப்தியர் அவர்களை நெருங்கி அழித்துவிட விரைந்து வந்துகொண்டிருக்கும்போது தான் தேவனது வல்லமை வெளிப்பட்டு செங்கடலை இரண்டாகப் பிரித்து அவர்களைக்  கால்நனையாமல் கடலைக் கடந்து தப்பிக்கச்செய்தது.    

"மரித்தேன், ஆனாலும், இதோ, சதாகாலங்களிலும் உயிரோடிருக்கிறேன், ஆமென்; நான் மரணத்திற்கும் பாதாளத்திற்குமுரிய திறவுகோல்களை உடையவராயிருக்கிறேன்." ( வெளிப்படுத்தின விசேஷம் 1 : 18 ) என்கின்றார் கர்த்தராகிய இயேசு கிறிஸ்து. ஆம் அன்பானவர்களே, மேற்படி வசனம் கூறுவதுபோல நமது கர்த்தராகிய இயேசு கிறிஸ்து மரணத்துக்கும் பாதாளத்துக்கு உரிய திறவுகோலைக் கையில் வைத்துள்ளார். எனவே எத்தகைய மரண சூழ்நிலை வந்தாலும் நாம் அச்சப்படத் தேவையில்லை. 

அவர் மரித்தவர்களுக்கு அதிசயங்களைச் செய்கிறவர்; செத்துப்போனவர்களை உயிரோடு எழுப்பித் தம்மைத்  துதிக்கச் செய்கிறவர். பிரேதக்குழியில் அவரது கிருபையும், அழிவில் அவரது  உண்மையும் விபரிக்கப்படும்.

தேவ செய்தி :- சகோ. எம். ஜியோ பிரகாஷ் 

                 WONDERS TO THE DEAD

'AATHAVAN' 📖✝ BIBLE MEDITATION No:- 1,110 💚 February 23, 2024 💚 Friday 💚

"Will thou shew wonders to the dead? Shall the dead arise and praise you? Shall thy lovingkindness be declared in the grave? or thy faithfulness in destruction?" (Psalms 88:10, 11)

The psalm from which our meditation verse for today is taken is the psalm of Haman the Ezraite. Do you perform miracles for the dead? Will the dead arise and praise you? As the questions asked in today's verse usually give the answer "no,".

Haman, who was full of various kinds of grief, was frustrated with his life and uttered these verses. We read this at the beginning of the psalm in which today's meditation verse is said. He says, "For my soul is full of troubles, and my life draweth nigh to the grave. I am counted with them that go down into the pit; I am as a man that hath no strength." (Psalms 88:3, 4)

Beloved, such situations can happen sometimes in our lives. We can also think like this when all the paths in life are blocked and there is no more hope. "There is no way for us to escape; it is all over." But we can read in many incidents in the Bible that our God works miracles even for the dead.

Likewise, “Shall thy lovingkindness be declared in the grave?” today's verse asks. Yes, Jesus Christ raised Lazarus from the grave four days after his death. Today, many people make the decision to commit suicide, thinking that life is over. Beloved, if we accept Christ with faith, He will raise up our dead life, even if it has been buried for many days.

All the powerful works of God are manifested in situations that man cannot handle. Mountains on either side of the Pihahiroth valley, the Red Sea in front, and the pursuing Egyptians behind. (Exodus, chapter 14) There was no way for the Israelites to escape. Just as the Egyptians were closing in and rushing to destroy them, God's power appeared and parted the Red Sea, allowing them to cross the sea without getting wet.

"I am he that liveth and was dead; and, behold, I am alive for evermore, Amen; and I have the keys of hell and of death." (Revelation 1:18) Yes, dear ones, as the above verse says, our Lord Jesus Christ holds the key to death and the underworld. So, we need not be afraid of any death situation.

He works miracles for the dead; He raises the dead to life and makes them praise Him. His grace will be revealed in the grave, and his truth in destruction.

God’s Message :- Bro. M. Geo Prakash

தேவன் நம்மோடும் பேசுவார் / GOD WILL SPEAK TO US ALSO

 'ஆதவன்' 📖✝ வேதாகமத் தியானம் - எண்:- 1,109       💚 பிப்ரவரி 22, 2024 💚 வியாழக்கிழமை 💚  

"ஆயினும் எல்லா ஜனங்களுக்கும் பிரத்தியட்சமாகும்படி செய்யாமல், அவர் மரித்தோரிலிருந்து எழுந்தபின்பு அவரோடே புசித்துக் குடித்தவர்களும் தேவனால் முன்பு நியமிக்கப்பட்ட சாட்சிகளுமாகிய எங்களுக்கே பிரத்தியட்சமாகும்படி செய்தார்." ( அப்போஸ்தலருடைய நடபடிகள் 10 : 41 )

ஆண்டவராகிய இயேசு கிறிஸ்து மரித்து உயிர்த்தபின்பு தான் உயிரோடு உள்ளதை தன்னோடு உணவருந்தி அவருக்குச் சாட்சிகளாக வாழ்ந்தவர்களுக்கே நேரடியாக வெளிப்படுத்தி தரிசனமானார். தான் உயிரோடிருப்பதை அவர்களுக்கே காண்பித்தார். 

சாதாரண உலக மனிதர்களாக இருந்தால் என்ன செய்வார்கள்? முதல் முதலில் பிலாத்துவுக்கு முன்போய், "நீ என்னைக் கொலை செய்ய ஒப்புக்கொடுத்தாயே, இதோபார் நான் உயிரோடு வந்துவிட்டேன்" என்று மார்தட்டிக்கொண்டிருப்பார்கள். ஆனால் இயேசு கிறிஸ்து அப்படி மற்றவர்களுக்குத் தரிசனமாகவில்லை. காரணம், பரிசுத்தமில்லாமல் எவரும் தேவனைத் தரிசிக்கமுடியாது என்று வேதம் கூறுகின்றது.

அவர் மனிதனாக உலகினில் வாழ்ந்தபோது அவரை எல்லோரும் கண்டார்கள். ஆனால் அவர் இப்போது வெறும் மனிதனல்ல; மாறாக மனிதத் தன்மையைத் துறந்து தேவனாக காட்சிதருகின்றார்.  எனவே அவர் தன்னோடு இருந்து உண்டவர்கள், தேவனால் நியமிக்கப்பட்டச் சாட்சி வாழ்வு வாழ்ந்தவர்கள் போன்றவர்களுக்கே வெளிப்பட்டார். துன்மார்க்கரும், பதவி வெறியர்களும், பணவெறியரும், குடிவெறியர்களும் தேவனைத் தரிசிக்கமுடியாது. 

அன்பானவர்களே, இன்றும் இதுவே நடந்துகொண்டிருக்கின்றது. கிறிஸ்தவர்கள் என்று தங்களைக் கூறிக்கொண்டாலும் பலரும் கிறிஸ்துவின் வல்லமையையும் வேதத்தில் கூறப்பட்டுள்ள சத்தியங்களையும் முழுவதுமாக அறியவில்லை; ஏற்றுக்கொள்வதுமில்லை. நேற்றும் இன்றும் என்றும் மாறாத கிறிஸ்து  இன்றும் ஜீவனுள்ளவராக இருப்பதையும் தன்னை உண்மையாய் ஏற்றுக்கொண்டு மீட்பு அனுபவம் பெற்றவர்களிடம் அவர் இப்போதும் பேசுவதையும், வழிநடத்துவதையும் பலரும்  ஏற்றுக்கொள்வதில்லை. 

வேதாகமம் புராண கதையல்ல; அவற்றில் கூறப்பட்டுள்ள சம்பவங்கள் என்றோ நடைபெற்ற காரியங்களல்ல. "நீ விசுவாசித்தால் தேவனுடைய மகிமையைக் காண்பாய் என்று நான் உனக்குச் சொல்லவில்லையா?" ( யோவான் 11 : 40 ) என்று இயேசு கிறிஸ்து கூறியதுபோல விசுவாசித்தால் அவரது மகிமையினை நாம் காண முடியும். 

அப்போஸ்தலரான பவுலோடு கிறிஸ்து பேசுவதைக்கூட அந்தக்காலத்தில் பலர் விசுவாசிக்கவில்லை. எனவேதான் அவர் கூறுகின்றார், "கிறிஸ்து எனக்குள்ளே பேசுகிறாரென்பதற்கு அத்தாட்சி தேடுகிறீர்களே; அவர் உங்களிடமாய்ப் பலவீனரல்ல, உங்களிடத்தில் வல்லவராயிருக்கிறார்." ( 2 கொரிந்தியர் 13 : 3 ) 

"எல்லா ஜனங்களுக்கும் பிரத்தியட்சமாகும்படி செய்யாமல், அவரோடே புசித்துக் குடித்தவர்களும் தேவனால் முன்பு நியமிக்கப்பட்ட சாட்சிகளுமாகிய எங்களுக்கே பிரத்தியட்சமாகும்படி செய்தார்." என்று கூறியுள்ளபடி நாம் அவரோடு நமது உறவினை வளர்த்துக்கொள்வோமானால் நம்மோடும் அவர் பேசுவார். எனவேதான் நாம் ஜீவனுள்ள தேவனை வழிபடுபவர்கள் என்று கூறுகின்றோம். வெறுமனே நாம் சுவரைப்பார்த்து ஜெபிப்பதுபோல அல்லது கண்ணுக்குத் தெரியாத காற்றிலே ஜெபிப்பவர்களல்ல; நமது ஜெபத்தைக் கேட்கவும் பதிலளிக்கவும் அன்பான ஒரு தகப்பன் உண்டு. அவரது குரலைக் கேட்கவும் அதற்குக் கீழ்படியவும் முயலவேண்டும்.   

தேவனோடு நமது தனிப்பட்ட உறவினை வளர்த்துக்கொண்டு அவரோடு இணைந்த வாழ்வினை வாழ்வோமானால் அவரது உடனிருப்பையும்  அவர் நம்மோடு பேசி வழிநடத்துவதையும் வாழ்வில் உணரலாம்.  

தேவ செய்தி :- சகோ. எம். ஜியோ பிரகாஷ் 

             GOD WILL SPEAK TO US ALSO

'AATHAVAN' 📖✝ BIBLE MEDITATION No:- 1,109 💚 February 22, 2024 💚 Thursday 💚

"Not to all the people, but to witnesses chosen before God, even to us, who did eat and drink with him after he rose from the dead." (Acts 10:41)

The Lord Jesus Christ, after his death and resurrection, appeared directly to those who dined with him and lived as his witnesses. He showed them that he was alive.

What would ordinary people in the world do? At first, they would go before Pilate and shout, "Hi, you have killed me; here I am alive." But Jesus Christ did not appear to others like that. Because the scriptures say that no one can see God without holiness.

Everyone saw him when he lived in the world as a man. But he was no longer just a man; instead, he gave up his human nature and presented himself as God. So, he appeared to those who were with him and those who lived the life of witnesses ordained by God. The wicked, the greedy for office, the greedy for money, and the drunkard cannot see God.

Beloved, this is still happening today. Even many professing Christians do not fully know the power of Christ and the truths of the Scriptures; they do not accept them. Many people do not accept that Christ, who was the same yesterday, today, and forever, is still alive today and that he is still speaking and leading those who have experienced redemption.

The Bible is not a myth; the incidents mentioned in it are actual events. Is not Jesus saying, "If thou wouldest believe, thou shouldest see the glory of God?" (John 11:40) If we believe, as Jesus Christ said, we can see his glory.

At that time, many did not even believe that Christ spoke to the apostle Paul. That is why he says, "Since ye seek a proof of Christ speaking in me, which to you-ward is not weak, but is mighty in you.' (2 Corinthians 13:3)

"Not to all the people, but unto witnesses chosen before God, even to us, who did eat and drink with him after he rose from the dead,” as said, if we develop our relationship with him, he will also talk to us. That is why we claim to be worshippers of the living God. We are not simply praying to the wall or praying into the invisible air. There is a loving Father who hears and answers our prayers. Try to listen to His voice and obey it.

If we develop our personal relationship with God and live a life connected with Him, we can feel His presence and His guidance in our lives.

God’s Message :- Bro. M. Geo Prakash

கிறிஸ்துவின்மேல் கண்களைப் பதியவைப்போம் / FIX OUR EYES ON JESUS

 'ஆதவன்' 📖✝ வேதாகமத் தியானம் - எண்:- 1,108      💚 பிப்ரவரி 21, 2024 💚 புதன்கிழமை 💚  

"ஆகிலும், ஆவியானவர் வெளிப்படையாய்ச் சொல்லுகிறபடி, பிற்காலங்களிலே மனச்சாட்சியில் சூடுண்ட பொய்யருடைய மாயத்தினாலே சிலர் வஞ்சிக்கிற ஆவிகளுக்கும் பிசாசுகளின் உபதேசங்களுக்கும் செவிகொடுத்து, விசுவாசத்தை விட்டு விலகிப்போவார்கள்." ( 1 தீமோத்தேயு 4 : 1 )

பரிசுத்த ஆவியானவர் அப்போஸ்தலராகிய பவுலுக்கு வெளிப்படுத்திய ஒரு தீர்க்கத்தரிசன வசனமே இன்றைய தியானம்.

இரண்டாயிரம் ஆண்டுகளுக்குமுன் அப்போஸ்தலரான பவுலுக்கு வெளிப்படுத்தப்பட்டத் தீர்க்கத்தரிசன  வெளிப்பாடு இன்று நடைபெற்றுக்கொண்டிருக்கின்றது. இந்த தீர்க்கத்தரிசன வெளிப்பாடு நிறைவேறும் விதமாக இன்று விசுவாசிகள் என்று தங்களைக் கூறிக்கொள்ளும் பலர் கிறிஸ்துவைவிட குறிப்பிட்ட சில ஊழியர்களுக்கு அடிமைகளாகிவிட்டனர். எனவே அந்த ஊழியர்கள் கூறுவது வேத அடிப்படையிலானதா இல்லையா என்பதை அவர்கள் நிதானித்துப் பார்ப்பதில்லை. 

மேலும் தங்களை விசுவாசிகள் என்று கூறிக்கொண்டதாலும் பலருக்கு ஆவியானவரின் உதவியோடு வேதாகமத்தை வாசிக்கத் தெரிவதில்லை. ஆவிக்குரிய சபைகளுக்குச் செல்வதாகக் கூறிக்கொள்ளும் விசுவாசிகள் பலரும், "எங்க பாஸ்டர் இப்படிச்  சொன்னார்" என்று வேதாகம வசனங்களுக்குத் தங்கள் சபை  பாஸ்டர்கள் கூறிய விளக்கத்தையே கூறிக்கொண்டிருக்கின்றனர். ஆவியானவரின் வெளிப்படுத்தல் பெரும்பாலான இந்த மக்களுக்கு இருப்பதில்லை. இதுவே இன்றைய தாறுமாறான கிறிஸ்தவ  ஊழியங்கள் நடைபெறக் காரணம். ஆம், மக்களில் பலரும் தாங்கள்   விசுவாசிக்கும் ஊழியர்கள் சொல்வதையே உண்மை என நம்பிக்கொண்டிருக்கின்றனர். 

வஞ்சிக்கிற ஆவிகளுக்கும் பிசாசுகளின் உபதேசங்களுக்கும் நாம் தப்பவேண்டுமானால் முதலில் இயேசு கிறிஸ்து தரும் மீட்பு அனுபவத்தை நாம் பெறவேண்டியது அவசியம். கர்த்தராகிய இயேசு கிறிஸ்து நமது பாவங்களுக்காகப்  பாடுபட்டு மரித்து உயிர்த்தார் என்பதே கிறிஸ்தவ விசுவாசம். இதனை ஏற்றுக்கொண்டு நமது பாவங்களை நாம் அவரிடம் அறிக்கையிட்டு நம்மை அவருக்கு ஒப்புவித்தால் நம்மை இரட்சித்துத் தன்னை அவர்களுக்கு வெளிப்படுத்துவார்; தொடர்ந்து தனது ஆவியானவரால் வழிநடத்துவார். 

"பிற்காலங்களிலே மனச்சாட்சியில் சூடுண்ட பொய்யருடைய மாயத்தினாலே சிலர் வஞ்சிக்கிற ஆவிகளுக்கும் பிசாசுகளின் உபதேசங்களுக்கும் செவிகொடுத்து, விசுவாசத்தை விட்டு விலகிப்போவார்கள்" என்பதே பவுல் அப்போஸ்தலர் கூறிய அந்தத் தீர்க்கத்தரிசனம். அதற்கேற்பக்   கர்த்தராகிய இயேசு கிறிஸ்துவின் பாடுகள் மரணம் இவை நமக்கு ஏற்படுத்தித் தந்த மேலான இரட்சிப்பை மக்களுக்கு வெளிப்படுத்தி மக்களை அந்த வழியில் நடத்தாமல் இருப்பதே மனச்சாட்சியில் சூடுண்ட பொய்யருடைய மாயம். 

இன்று நாம் பல்வேறு அரசியல்வாதிகள் பணம் சேர்பதற்காகத் துணிந்து மனச்சாட்சியற்ற செயல்பாடுகளில் ஈடுபடுவதைப்  பார்க்கின்றோம். அதுபோலவே தேவனுடைய சுவிசேஷ சத்தியங்களை அறிந்திருந்தும் பணம் சம்பாதிக்கவேண்டும் எனும் நோக்கத்தில் தங்களது மனச்சாட்சிக்கு விரோதமாக சில கிறிஸ்தவ ஊழியர்கள் செயல்படுகின்றனர். அத்தகைய கிறிஸ்தவ ஊழியர்களே மனச்சாட்சியில் சூடுண்ட பொய்யர்கள். அதாவது மனச்சாட்சியைக் கொன்றவர்கள். 

அப்போஸ்தலரான பவுல் மூலம் ஆவியானவர் மேலும் வெளிப்படுத்திக் கூறுகின்றார், அத்தகைய "பொய்யருடைய மாயத்தினாலே சிலர் வஞ்சிக்கிற ஆவிகளுக்கும் பிசாசுகளின் உபதேசங்களுக்கும் செவிகொடுத்து, விசுவாசத்தை விட்டு விலகிப்போவார்கள்." ஆம் அன்பானவர்களே, இன்று இதுவே கிறிஸ்தவர்களிடையே நடைபெறும் போதக வஞ்சனையின் விளைவு.  அதாவது மனச் சாட்சியில் சூடுண்ட பொய்யர்களின் உபதேசத்தினால் வஞ்சிக்கிற ஆவிகளுக்கும் பிசாசின் உபதேசத்துக்கும் மக்கள் அடிமையாகி மேலான கிறிஸ்தவ விசுவாசத்தைவிட்டு விலகிப் போகின்றனர். 

எனவே அன்பானவர்களே, மனச்சாட்சியில் சூடுண்ட பொய்யருடைய மாயத்தினாலே வஞ்சிக்கப்படாமல், வஞ்சிக்கிற  ஆவிகளுக்கும் பிசாசுகளின் உபதேசங்களுக்கும் தப்பி விசுவாசத்தைக் காத்துக்கொள்ளவேண்டியதே இற்றைய கிறிஸ்தவர்கள் செய்யவேண்டியது. அதற்கு, ஊழியர்களையல்ல; கிறிஸ்துவை விசுவாசிக்கவேண்டும்.  ஊழியர்களுக்கு நம்மை ஒப்புக்கொடுக்காமல் கர்த்தராகிய இயேசு கிறிஸ்துவுக்கு நம்மை முற்றிலும் ஒப்புக்கொடுக்கவேண்டும். 

அதிகமான மக்கள் ஒருவரை நம்பி ஓடுவதால் அவர் சத்தியத்தைப் போதிக்கின்றார் என்று பொருளல்ல; அவர் மக்களைத் திருப்திப்படுத்தப் போதிக்கின்றார் என்பதே உண்மை. வஞ்சிக்கிற ஆவிகளுக்கும் பிசாசுகளின் உபதேசங்களுக்கும் செவிகொடுக்காமல் நமது விசுவாசத்தைக் காத்துக்கொள்வோம்.  

தேவ செய்தி :- சகோ. எம். ஜியோ பிரகாஷ் 

        FIX OUR EYES ON THE LORD GOD

'AATHAVAN' 📖✝ BIBLE MEDITATION No:- 1,108 💚 February 21, 2024 💚 Wednesday 💚

"Now the Spirit speaketh expressly that in the latter times some shall depart from the faith, giving heed to seducing spirits and doctrines of devils." (1 Timothy 4:1).

Today's meditation is a prophetic verse revealed by the Holy Spirit to the Apostle Paul.

The prophetic revelation revealed to the apostle Paul two thousand years ago is taking place today. In fulfilment of this prophetic revelation, many who claim to be believers today have become slaves to certain ministers rather than Christ. So, they do not judge whether what the preachers are saying is scriptural or not.

And many professed believers do not know how to read the Bible with the help of the Spirit. Many so-called Christian believers who attend spiritual churches often say, "Our pastor said this." Most of these people do not have the revelation of the Spirit. This is the reason for today's paradoxical Christian ministries. Yes, many people believe what their trusted ministers tell them to be true.

If we want to escape from deceiving spirits and the teachings of devils, we must first experience the salvation that Jesus Christ gives. The Christian faith holds that the Lord Jesus Christ suffered, died, and rose again for our sins. If we accept this, confess our sins to Him, and entrust ourselves to Him, He will save us and reveal Himself to us; He will continue to lead us by his Spirit.

“In the latter times some shall depart from the faith, giving heed to seducing spirits and doctrines of devils," says the apostle Paul's prophecy. Accordingly, the trick of the conscience-stricken liar is to ignore the salvation that the death of the Lord Jesus Christ has brought to us and not to treat people in that way.

Today, we see various politicians daring to engage in unscrupulous activities to collect money. Likewise, some Christian workers work against their consciences in order to earn money despite preaching the gospel truths of God. Such Christian ministers are conscientious-stricken liars. That is, conscience killers.

The Spirit further reveals through the apostle Paul that "through the deception of liars, some will fall away from the faith, giving heed to seducing spirits and doctrines of devils." Yes, beloved, this is the result of the doctrinal deception that is taking place among Christians today. That is, people fall away from the higher Christian faith by becoming addicted to the deceiving spirits and the devil's teaching through the preaching of liars who have seducing spirits.

Therefore, dear ones, what Christians should do is not be deceived by the illusion of a liar who has no conscience, but to flee from such deceiving spirits and the teachings of devils and keep their faith. For that, we should not fix our faith on the ministers but on Christ. We must surrender ourselves completely to the Lord Jesus Christ without surrendering ourselves to the so-called servants.

Just because a lot of people run after someone doesn't mean he's teaching the truth; it reveals that he teaches to please people. Let us guard our faith by not listening to deceiving spirits and the doctrines of devils.

God’s Message :- Bro. M. Geo Prakash

கொஞ்சம் பெலன் / LITTLE STRENGTH

 'ஆதவன்' 📖✝ வேதாகமத் தியானம் - எண்:- 1,107    💚 பிப்ரவரி 20, 2024 💚 செவ்வாய்க்கிழமை 💚  

"உன் கிரியைகளை அறிந்திருக்கிறேன்; உனக்குக் கொஞ்சம் பெலன் இருந்தும், நீ என் நாமத்தை மறுதலியாமல், என் வசனத்தைக் கைக்கொண்டபடியினாலே, இதோ, திறந்தவாசலை உனக்கு முன்பாக வைத்திருக்கிறேன், அதை ஒருவனும் பூட்டமாட்டான்." ( வெளிப்படுத்தின விசேஷம் 3 : 8 )

இன்றைய வசனத்தை பிலதெல்பியா சபையின் தூதனுக்கு எழுதுமாறு அப்போஸ்தலனாகிய யோவானுக்குக் கூறப்படுகின்றது. பிலதெல்பியா சபையின் மேலான காரியம் இங்குக் குறிப்பிடப்படுகின்றது. அதாவது, ஆவிக்குரிய பெலன் சிறிதளவே இருந்தாலும் கர்த்தருடைய நாமத்தை அவர்கள் மறுதலியாமல் கர்த்தருடைய வசனத்தைக் கைக்கொண்டு வாழ்கின்றவர்களாக இருந்தார்கள்.

அதாவது,  அவர்களுக்கு பல்வேறு துன்பங்கள் வந்தபோதிலும் அவர்கள் கர்த்தரை மறுதலிக்கவில்லை. எனவே அவர்களது வாழ்வில்  திறந்தவாசலை முன்பாக வைத்திருக்கிறேன், அதை ஒருவனும் பூட்டமாட்டான் என்று கூறப்பட்டுள்ளது. அவர்கள் கர்த்தரை மறுதலியாமல் இருந்ததற்குக் காரணம் அவர்கள் கர்த்தரது பொறுமையினை அறிந்திருந்தார்கள். எனவே கர்த்தர் தங்களது துன்பங்களிலிருந்து விடுவிப்பார் என்று முழு நிச்சயமாக நம்பியிருந்தார்கள். 

அப்படி, "என் பொறுமையைக்குறித்துச் சொல்லிய வசனத்தை நீ காத்துக்கொண்டபடியினால், பூமியில் குடியிருக்கிறவர்களைச் சோதிக்கும்படியாகப் பூச்சக்கரத்தின்மேலெங்கும் வரப்போகிற சோதனைகாலத்திற்குத் தப்பும்படி நானும் உன்னைக் காப்பேன்." ( வெளிப்படுத்தின விசேஷம் 3 : 10 ) என்கின்றார் கர்த்தர். 

அன்பானவர்களே, இன்று நமக்குத் தேவன் கூறும் செய்தி இதுதான். நமக்குள் இருக்கும்  ஆவிக்குரிய பலத்தை நாம் அற்பமாக எண்ணிவிடக்கூடாது. ஐயோ எனக்கு பலமில்லை; மீண்டும் மீண்டும் ஒரே பாவத்தில் விழுகிறேன் என்று சிலர் அங்கலாய்ப்பார்கள். ஆனால் தேவன் கூறுகின்றார், உனக்குக் கொஞ்சம் பலமிருந்தாலும் கர்த்தரது  நாமத்தை மறுதலியாமல் அவரது பொறுமையை எண்ணி அமைதியாக இருந்தால் வெற்றிபெறுவாய். 

அன்று மீதியானியரை எதிர்த்து போராட தன்னிடம் பலமில்லை என்று கூறிய கிதியோனிடம் தேவன், "உனக்கு இருக்கிற இந்தப் பலத்தோடே போ; நீ இஸ்ரவேலை மீதியானியரின் கைக்கு நீங்கலாக்கி இரட்சிப்பாய்; உன்னை அனுப்புகிறவர் நான் அல்லவா என்றார்." ( நியாயாதிபதிகள் 6 : 14 ) இன்று நம்மிடமும் கூறுகின்றார், "உனக்குக் கொஞ்சம் பெலன் இருந்தும், நீ என் நாமத்தை மறுதலியாமல், என் வசனத்தைக் கைக்கொண்டபடியினாலே நான்  உன்னோடு இருக்கின்றேன். "

எனவே நம்மிடம் கொஞ்சம் பலமிருந்தாலும் அதனைக் காத்துக்கொள்வோம். கர்த்தரை மறுதலியாமல் விசுவாசத்தோடு அவர் செயலாற்றும்படி பொறுமையாகக் காத்திருப்போம். "நீ என் வசனத்தைக் கைக்கொண்டபடியினாலே, இதோ, திறந்தவாசலை உனக்கு முன்பாக வைத்திருக்கிறேன், அதை ஒருவனும் பூட்டமாட்டான்" என்கின்றார் கர்த்தர்.  அதாவது உனக்கு நான் தரும் எனது ஆசீர்வாதத்தினை யாரும் தடுக்கமுடியாது என்கின்றார். 

தேவ செய்தி :- சகோ. எம். ஜியோ பிரகாஷ் 

                                        LITTLE STRENGTH 

'AATHAVAN' 📖✝ BIBLE MEDITATION No: - 1,107 💚 February 20, 2024 💚 Tuesday 💚

"I know thy works; behold, I have set before thee an open door, and no man can shut it, for thou hast a little strength, and hast kept my word, and hast not denied my name." (Revelation 3:8)

The apostle John was told to write today's verse to the apostle of the church in Philadelphia. The commitment of the Philadelphia congregation is mentioned here. In other words, even if the spiritual power was small, they did not deny the Lord's name and lived by the word of the Lord.

That is, they did not reject the Lord, even though they suffered various hardships. So, it is said that “I have set before you an open door, and no man can shut it." The reason they did not reject God was because they knew God's patience. So, they were fully confident that the Lord would deliver them from their sufferings.

Thus, "Because thou hast kept the word of my patience, I also will keep thee from the hour of temptation, which shall come upon all the world, to try them that dwell upon the earth." (Revelation 3:10), says the Lord.

Beloved, this is God's message to us today also. We must not underestimate the spiritual strength within us. Alas, I have no strength. Some people feel it when they fall into the same sin again and again. But God says that even if you have little strength, if you do not deny the Lord's name and count on His patience, you will succeed.

Gideon said to God that he did not have the strength to fight the Midianites that day. God said, "Go in this thy might, and thou shalt save Israel from the hand of the Midianites; have not I sent thee?" (Judges 6:14) He also tells us today, "Though you have little strength, I am with you because you have not denied my name and kept my word."

So even if we have some strength, let's protect it. Let us patiently wait for the Lord to act with faith without denying him. “Because thou hast kept my word, behold, I have set before thee an open door, and no man can shut it," says the Lord. It means that no one can stop the blessing that I am giving you.

God’s Message:- Bro. M. Geo Prakash

இயேசுவும் பரபாசும் / JESUS AND BARABBAS

 'ஆதவன்' 📖✝ வேதாகமத் தியானம் - எண்:- 1,106    💚 பிப்ரவரி 19, 2024 💚 திங்கள்கிழமை 💚  

"அப்பொழுது பிலாத்து ஜனங்களைப் பிரியப்படுத்த மனதுள்ளவனாய், பரபாசை அவர்களுக்கு விடுதலையாக்கி, இயேசுவையோ வாரினால் அடிப்பித்து, சிலுவையில் அறையும்படிக்கு ஒப்புக்கொடுத்தான்." ( மாற்கு 15 : 15 )

பொதுவாக அன்று முதல் இன்றுவரை அதிகாரத்தில் இருப்பவர்கள் தங்களது பதவியை எப்படியாவது தக்கவைத்துக்கொள்ளவேண்டும் என்ற எண்ணமுள்ளவர்களாக இருக்கின்றார்களேத்  தவிர நீதி, நேர்மை எதனையும் பார்ப்பதில்லை. எப்படி நடந்துகொண்டால் மக்கள் பிரியப்படுவார்களோ அதன்படியே நடக்கின்றனர்.  

இயேசு கிறிஸ்து குற்றமற்றவர் என்பதைப் பிலாத்து உணர்ந்திருந்தான். அவரை விடுதலை செய்யவேண்டும் என்றுதான் விரும்பினான். ஆனால் அவனது பதவி ஆசை அவனைத் துணிந்து செயல்பட அனுமதிக்கவில்லை.  எனவே, "ஜனங்களைப் பிரியப்படுத்த மனதுள்ளவனாய், பரபாசை அவர்களுக்கு விடுதலையாக்கி, இயேசுவையோ வாரினால் அடிப்பித்து, சிலுவையில் அறையும்படிக்கு ஒப்புக்கொடுத்தான்." என்று வாசிக்கின்றோம். 

இன்று கிறிஸ்தவர்களாகிய நாமும்கூட பலவேளைகளில் இப்படியே இருக்கின்றோம். மனைவியைத் திருப்திப்படுத்த, குழந்தைகளைத் திருப்திப்படுத்த, மேலதிகாரிகளைத் திருப்திப்படுத்த என்று பல்வேறு எண்ணங்களால் கிறிஸ்துவை புறம்பே தள்ளிவிடுகின்றோம். 

இந்த வசனம் இன்னுமொரு காரியத்தையும் நமக்கு விளக்குகின்றது. பிலாத்து விடுதலை செய்தது யாரை? பரபாஸ் எனும் அநீதிக்காரனை. "கலகம்பண்ணி அந்தக் கலகத்தில் கொலைசெய்து, அதற்காகக் காவல்பண்ணப்பட்டவர்களில் பரபாஸ் என்னப்பட்ட ஒருவன் இருந்தான்." ( மாற்கு 15 : 7 ) அதாவது அவன் கலவரம், கொலை, போன்ற அநீதி செயல்களில் ஈடுபட்டவன். கிறிஸ்துவுக்காக அவனை விடுதலை செய்கின்றான் பிலாத்து. நீதிமானுக்காக ஒரு அநீதிக்காரனை அவன் தேர்வுசெய்கின்றான்.

இன்றைய அரசியல்வாதிகளைப் பார்த்தாலும் இதுதான் நிலை. அவர்களுக்கு அமைதியான நீதிமான்கள் தேவையில்லை. அவர்களைக்கொண்டு அரசியல் செய்யமுடியாது; உலக அதிகாரத்தைத் தக்கவைக்க முடியாது.  அரசியல்வாதிகளுக்குத் தேவை அடிதடியில் ஈடுபடும்  துன்மார்க்கர்கள்தான். தேர்தல் நேரங்களில் அவர்கள்தான் அரசியல்வாதிகளுக்கு உதவுவார்கள். 

ஆம் அன்பானவர்களே, இந்த உலகத்தின் ஆட்சிக்கு இத்தகைய மனிதர்கள்தான் தேவை. ஆனால் கிறிஸ்துவின் ஆட்சியில் நாம் பங்குபெறவேண்டுமானால் அவரைப்போன்ற தாழ்மை குணமுள்ளவர்களாக வாழவேண்டியது அவசியம். அன்று விடுதலையான பரபாஸ் என்ன ஆனான் என்று தெரியாது. ஆனால் அன்று அநியாயமாய் குற்றம்ச்சாட்டப்பட்டு மரித்த கிறிஸ்துதான் ஜெய கிறிஸ்துவாக இன்றும் மக்களை வழிநடத்திக்கொண்டிருக்கின்றார். 

மக்களைப் பிரியப்படுபவர்களாக நாம் வாழவேண்டியதில்லை. என்ன வந்தாலும் நாம் கர்த்தராகிய இயேசு கிறிஸ்துவை மட்டுமே பிரியப்படுத்துபவர்களாக வாழ முயலவேண்டும். ஆம் அன்பானவர்களே அதுதான் கிறிஸ்துவுக்குள் நம்மை வெற்றி சிறந்தவர்களாக வாழச்செய்யும். 

தேவ செய்தி :- சகோ. எம். ஜியோ பிரகாஷ் 

                                   JESUS AND BARABBAS 

'AATHAVAN' 📖✝ BIBLE MEDITATION No:- 1,106 💚 February 19, 2024 💚 Monday 💚

"And so Pilate, willing to content the people, released Barabbas unto them, and delivered Jesus, when he had scourged him, to be crucified." (Mark 15:15)

Generally, people who have been in power from that day to this day are the ones who want to somehow retain their position but do not see anything about justice and fairness. They act according to the wishes of the people, even if it is an injustice, only desiring to keep up their position.

Pilate knew that Jesus Christ was innocent. He just wanted to free him. But his desire for office did not allow him to act boldly. Therefore, desiring to please the people, he let Barabbas go and handed Jesus to be crucified.

Even we Christians today are like this many times. To please the wife, to please the children, and to please the superiors, we push Christ away.

This verse also explains another thing to us. Who made Pilate free? The unrighteous Barabbas. "And there was one named Barabbas, which lay bound with them that had made insurrection with him, who had committed murder in the insurrection." (Mark 15:7) That is, he was involved in riots, murders, etc. Pilate releases him for Christ. He chooses the unrighteous over the righteous.

This is the case with today's politicians. They don't need peaceful, righteous people. They cannot do politics with them; world power cannot be sustained if they select the righteous. Politicians want grassroots villains. They are the ones who help politicians during election times.

Yes, dear ones, such men are needed for the rule of this world. But if we want to participate in the reign of Christ, it is necessary to live as humble people like him. It is not known what happened to Barabas, who was freed that day. But Christ, who was unjustly accused and died on that day, is still leading the people as the victorious Christ.

We don't have to live as people-pleasers. No matter what happens, we should try to live as those who please only the Lord Jesus Christ. Yes, beloved, that is what makes us victorious in Christ.

God's Message :- Bro. M. Geo Prakash