கிறிஸ்து வழியாய் பிதாவை / THROUGH CHRIST THE FATHER

 'ஆதவன்' 📖✝ வேதாகமத் தியானம் - எண்:- 1,095      💚 பிப்ரவரி 08, 2024 💚வியாழக்கிழமை 💚 

"வார்த்தையினாலாவது கிரியையினாலாவது, நீங்கள் எதைச் செய்தாலும், அதையெல்லாம் கர்த்தராகிய இயேசுவின் நாமத்தினாலே செய்து, அவர் முன்னிலையாகப் பிதாவாகிய தேவனை ஸ்தோத்திரியுங்கள்." ( கொலோசெயர் 3 : 17 )

இன்று கிறிஸ்தவர்களாகிய பலருக்கும்கூட பிதாவாகிய தேவனைப்பற்றிய ஒரு தெளிவு இல்லை. பலரும் பழைய ஏற்பாட்டுக்கு பிதா, புதிய ஏற்பாட்டுக்கு இயேசு என்று எண்ணிக்கொள்கின்றனர். இது தவிர, "இயேசு மாத்திரம்" என்று ஒரு கூட்டம் எழும்பியுள்ளது. இப்படித் தப்பறையான போதனைகள் எழக் காரணம் வேதாகமத்தை உணர்ந்து படிக்காததே. அப்போஸ்தலரான யோவான் தனது நிரூபங்களில் இது குறித்துத் தெளிவுபடுத்தியுள்ளார். 

இயேசு கிறிஸ்துவை மறுதலிக்கின்றவன் பொய்யன். பிதாவையும் குமாரனாகிய இயேசு கிறிஸ்துவையும் மறுதலிக்கின்றவன் அந்திக்கிறிஸ்து என்கின்றார் அவர். "இயேசுவைக் கிறிஸ்து அல்ல என்று மறுதலிக்கிறவனேயல்லாமல் வேறே யார் பொய்யன்? பிதாவையும் குமாரனையும் மறுதலிக்கிறவனே அந்திக்கிறிஸ்து." ( 1 யோவான்  2 : 22 ) நமது கர்த்தராகிய இயேசு கிறிஸ்து, "பரலோகத்திலிருக்கின்ற எங்கள் பிதாவே" என்றுதான் நமக்கு ஜெபிக்க கற்றுத்தந்தார். பிதாவாகிய தேவன் அனுப்பிதான் கிறிஸ்து உலகத்தில் வந்தார்.

எனவே, "கிறிஸ்துவின் உபதேசத்திலே நிலைத்திராமல் மீறி நடக்கிற எவனும் தேவனை உடையவனல்ல, கிறிஸ்துவின் உபதேசத்தில் நிலைத்திருக்கிறவனோ பிதாவையும் குமாரனையும் உடையவன்." ( 2 யோவான்  1 : 9 ) அதாவது, கிறிஸ்துவின் உபதேசத்தில் நாம் நிலைத்திருப்போமானால் நாம் பிதாவையும் குமாரனையும் உடையவர்களாயிருப்போம்.

அனைத்து மகிமையையும் நாம் இயேசு கிறிஸ்து மூலம் பிதாவாகிய தேவனுக்குத் தெரிவிக்கவேண்டும் என்று வசனம் கூறுகின்றது. "எல்லாவற்றிலேயும் இயேசுகிறிஸ்து மூலமாய் தேவன் மகிமைப்படும்படியே செய்வீர்களாக; அவருக்கே மகிமையும் வல்லமையும் சதாகாலங்களிலும் உண்டாயிருப்பதாக. ஆமென்." ( 1 பேதுரு 4 : 11 )

நாம் நித்திய ஜீவன் எனும் நிலை வாழ்வை அடையவேண்டுமென்றால் நாம் பிதாவாகிய தேவனையும் அவர் அனுப்பியவரான இயேசு கிறிஸ்துவையும் அறியவேண்டும் என்று இயேசு கிறிஸ்து கூறினார். "ஒன்றான மெய்த்தேவனாகிய உம்மையும் நீர் அனுப்பினவராகிய இயேசு கிறிஸ்துவையும் அறிவதே நித்தியஜீவன்." ( யோவான் 17 : 3 )

நமது பாவங்களை மன்னித்து தேவனோடு நம்மை ஒப்புரவாக்கினவர் கர்த்தராகிய இயேசு கிறிஸ்து. எனவேதான் அப்போஸ்தலராகிய பவுல், "அதுவுமல்லாமல், இப்பொழுது ஒப்புரவாகுதலை நமக்குக் கிடைக்கப்பண்ணின நம்முடைய கர்த்தராகிய இயேசுகிறிஸ்து மூலமாய் நாம் தேவனைப்பற்றியும் மேன்மைபாராட்டுகிறோம்." ( ரோமர் 5 : 11 ) என்று கூறுகின்றார். 

எனவேதான் நீங்கள் "ஜீவனுள்ள கற்களைப்போல ஆவிக்கேற்ற மாளிகையாகவும், இயேசுகிறிஸ்து மூலமாய் தேவனுக்குப் பிரியமான ஆவிக்கேற்ற பலிகளைச் செலுத்தும்படிக்குப் பரிசுத்த ஆசாரியக்கூட்டமாகவும் கட்டப்பட்டுவருகிறீர்கள்." ( 1 பேதுரு 2 : 5 ) என்கின்றார் பேதுரு. 

அப்போஸ்தலரான பவுல் தனது அனைத்து நிரூபங்களிலும், "பிதாவாகிய தேவனாலும் கர்த்தராகிய இயேசு கிறிஸ்துவினாலும் கிருபையும் சமாதானமும் உண்டாவதாக" என்றே துவங்குவதை நாம் பார்க்கலாம். எனவே, நமது எந்த ஜெபமும் நமது கர்த்தராகிய இயேசு கிறிஸ்துவின் மூலம் பிதாவாகிய தேவனுக்கு ஏறெடுப்பதாகவே இருக்கவேண்டும். அதுவே தேவனுக்கு ஏற்றதும் கிறிஸ்துவும் அப்போஸ்தலர்களும் நமக்கு அறிவுறுத்தியதுமாய் இருக்கின்றது.  கிறிஸ்துவுக்கு முன்னுரிமை கொடுக்கிறேன் என்று எண்ணி பிதாவாகிய தேவனை நாம் மகிமைப்படுத்தாமல் விட்டுவிடுவோமானால் நாம் அந்திக்கிறிஸ்துக்களாகவே இருப்போம். 

தேவ செய்தி :- சகோ. எம். ஜியோ பிரகாஷ் 

       THROUGH CHRIST THE FATHER 

'AATHAVAN' 📖✝ BIBLE MEDITATION No:- 1,095 💚 February 08, 2024 💚Thursday 💚

"And whatsoever ye do in word or deed, do all in the name of the Lord Jesus, giving thanks to God and the Father by him." (Colossians 3: 17)

Even many Christians today do not have a clear understanding of God the Father. Many consider the Father God is for Old Testament and the New Testament to Jesus. Besides this, a "Jesus only" crowd has arisen. The reason for such erroneous teachings is that the scriptures are not read with understanding. The apostle John made this clear in his letters.

Anyone who denies Jesus Christ is a liar. He calls the Antichrist the one who denies the Father and the Son Jesus Christ. "Who is a liar but he that denieth that Jesus is the Christ? He is antichrist, that denieth the Father and the Son." (1 John 2: 22) Our Lord Jesus Christ taught us to pray, "Our Father in heaven." God the Father sent Christ into the world.

Therefore, "Whosoever transgresseth, and abideth not in the doctrine of Christ, hath not God. He that abideth in the doctrine of Christ, he hath both the Father and the Son." (2 John 1: 9)

That is, if we remain in the teaching of Christ, we will have the Father and the Son. The verse says that we should give all the glory to God the Father through Jesus Christ. "…. in all things God may be glorified through Jesus Christ, to whom be praise and dominion for ever and ever. Amen." (1 Peter 4: 11)

Jesus Christ said that if we want to attain eternal life, we must know God the Father and Jesus Christ whom He sent. "And this is life eternal, that they might know thee the only true God, and Jesus Christ, whom thou hast sent." (John 17: 3)

It is the Lord Jesus Christ who has forgiven our sins and reconciled us to God. That is why the apostle Paul said, "And not only so, but we also joy in God through our Lord Jesus Christ, by whom we have now received the atonement." (Romans 5: 11)

That is why you are being "Ye also, as lively stones, are built up a spiritual house, a holy priesthood, to offer up spiritual sacrifices, acceptable to God by Jesus Christ." (1 Peter 2: 5) says Peter.

We can see that the apostle Paul begin all his letters with, "Grace and peace from God the Father and the Lord Jesus Christ." Therefore, any prayer of ours should be an ascension to God the Father through our Lord Jesus Christ. That is what is acceptable to God and what Christ and the apostles instructed us to do. If we do not glorify God the Father, thinking that we are giving priority to Christ, we will be antichrists.

God’s Message :- Bro. M. Geo Prakash

ஆவிக்கென்று விதைத்தல் / SOWING TO THE SPIRIT

 'ஆதவன்' 📖✝ வேதாகமத் தியானம் - எண்:- 1,094     💚 பிப்ரவரி 07, 2024 💚புதன்கிழமை 💚 

"நன்மைசெய்கிறதில் சோர்ந்துபோகாமல் இருப்போமாக; நாம் தளர்ந்துபோகாதிருந்தால் ஏற்றகாலத்தில் அறுப்போம்." ( கலாத்தியர் 6 : 9 )

நன்மை செய்வதை அப்போஸ்தலனாகிய பவுல் விதை விதைத்தலுக்கு ஒப்பிடுகின்றார். விதை விதைக்கின்றவன் விதைத்த உடனேயே அதன் பலனை அனுபவிப்பதில்லை. பயிரானது வளர்ந்து பலன்தர காலதாமதம் ஆகும். ஆனால் அதனால் விவசாயி சோர்ந்துபோவதில்லை. அதுபோல நாமும் நன்மைசெய்துவிட்டு உடனேயே அதன் பலன் கிடைக்கும் என்று எண்ணிடாமல் சோர்ந்துபோகாமல் இருக்கவேண்டும் என்கின்றார். எனவே தொடர்ந்து அவர் கூறுகின்றார்:-

"ஆகையால் நமக்குக் கிடைக்கும் சமயத்திற்குத்தக்கதாக, யாவருக்கும், குறிப்பாக விசுவாச குடும்பத்தார்களுக்கும், நன்மைசெய்யக்கடவோம்." ( கலாத்தியர் 6 : 10 )

நமக்கு கிடைக்கும் நேரத்திற்கேற்றவாறு நாம் எல்லோருக்கும் நம்மை செய்திடவேண்டும். அதிலும் குறிப்பாக, விசுவாச குடும்பத்திற்கு நன்மை செய்யவேண்டும் என்கின்றார்.  உதவி செய்யவேண்டுமென்று கூறாமல் அவர் நன்மை செய்யவேண்டும் என்ற வார்த்தைகளைப் பயன்படுத்துகின்றார்.  அதாவது, பொருளாதார உதவி தேவைப்படுகின்றவர்களுக்கு உதவியும் மற்றவர்களுக்கு நம்மால் முடிந்த நல்ல காரியங்களையும் செய்திடவேண்டும். 

நன்மை செய்வது எல்லோருக்கும் கிடைக்கக்கூடிய வாய்ப்புதான். நாம் எல்லோருமே ஏதாவது நன்மையினைப் பிறருக்குச் செய்யமுடியும். ஒரு வழிகாட்டுதலாக இருக்கலாம், அறிவுரையாக இருக்கலாம், ஒருவரால் தனியாகச் செல்ல இயலாத இடத்துக்கு அவரோடு உதவியாகச் செல்வதாக இருக்கலாம்.....இப்படி ஏதாவது ஒரு நன்மையினை நாம் செய்யலாம். மனிதன் சமூகமாக வாழப் படைக்கப்பட்டவன். உதவிசெய்யும்போது நாம் சக மனிதர்களோடுள்ள உறவினை வலுப்படுத்துகின்றோம்.  

ஒருமுறை நகராட்சி அலுவலகத்தில் நானும் இன்னுமொரு ஊழியரும் ஒரு சிறு வேலைக்காகச் சென்றிருந்தோம். அப்போது அங்கு பணியிலிருந்த அலுவலர் எங்களைக் கண்டவுடன், "பிரதர், எனக்கு உங்களைத் தெரியும், நான் உங்களுக்கு என்ன உதவி செய்ய வேண்டும்?" என்று கேட்டவாறு எங்களுக்கு அனைத்து உதவிகளையும் செய்து தந்தார். அவர் எங்களுக்கு பொருளாதார உதவி செய்யவில்லை; மாறாக எங்களுக்கு அவர் நன்மை செய்தார்.   இப்படி நாமும் பொருளாதார உதவிகள் செய்ய நம்மால் இயலாவிட்டாலும்  நம்மால் இயன்ற நன்மைகளைப் பிறருக்குச்  செய்யவேண்டும் என்கின்றார் பவுல் அப்போஸ்தலர். 

ஆனால் சிலர் எந்த நல்ல செயல் செய்தாலும் அது தங்களுக்கு ஏதாவது நன்மை தருமா என்று கணக்குப் பார்த்துச் செய்வார்கள். இப்படிச் செய்வதை அப்போஸ்தலரான பவுல் மாம்சத்துக்கு விதைத்தல் எனும் வார்த்தைகளால் விளக்குகின்றார். இப்படி சுய லாபம் கருதி நன்மைசெய்பவர்கள் அழிவையே அறுப்பார்கள் என்கின்றார். "தன் மாம்சத்திற்கென்று விதைக்கிறவன் மாம்சத்தினால் அழிவை அறுப்பான்; ஆவிக்கென்று விதைக்கிறவன் ஆவியினாலே நித்தியஜீவனை அறுப்பான்." ( கலாத்தியர் 6 : 8 )

எனவே நாம் செய்யும் செயலைவிட அந்தச் செயலைச் செய்யும் நோக்கத்தையே தேவன் பெரிதாக எண்ணுகின்றார் என்பது புரியும். நமது இருதயத்தின் உள் நினைவுகளை அவர் அறிவார். நல்ல மனதுடன் நாம் நன்மைகளைச்  செய்யும்போது நல்ல பலனைத் தேவன் நமக்குத் தருவார். ஆம், இப்படி  "நன்மைசெய்கிறதில் சோர்ந்துபோகாமல் இருப்போமாக; நாம் தளர்ந்துபோகாதிருந்தால் ஏற்றகாலத்தில் அறுப்போம்." அதாவது, ஆவிக்குரிய அன்போடு நாம் நன்மை செய்யும்போது  ஆவியினாலே நித்தியஜீவனை அடைவோம். 

தேவ செய்தி :- சகோ. எம். ஜியோ பிரகாஷ் 

            SOWING TO THE SPIRIT

'AATHAVAN' 📖✝ BIBLE MEDITATION  No:- 1,094 💚 February 07, 2024 💚Wednesday 💚

"And let us not be weary in well doing: for in due season we shall reap, if we faint not." (Galatians 6: 9)

The apostle Paul compares doing good to sowing seeds. He who sows the seeds does not enjoy its fruit immediately after sowing. Crop growth and fruiting are delayed. But the farmer does not get tired because of that. Similarly, we should not get tired after doing good without thinking that we will get its benefits immediately. So he goes on to say:-

"As we have therefore opportunity, let us do good unto all men, especially unto them who are of the household of faith." (Galatians 6: 10)

We should do good to everyone according to the time available to us. In particular, he said that the household of faith should be helped. He uses the words to do good, not to help. That is, we should help those who need financial help and do good things for others as much as we can.

Doing good is an opportunity available to everyone. We all can do something good for others. It may be a guidance, it may be an advice, it may be to help a person go where he cannot go alone...we can do something good like this. Man was created to live socially. When we help, we strengthen our relationships with our fellow human beings.

Once myself along with my pastor friend went to the municipal office for a small job. When the officer on duty saw us, he said, "Brother, I know you, what can I do for you?" He gave us all the help as asked. He did not help us financially; Instead he did us good. Apostle Paul says that even if we are not able to provide financial assistance, we should do what we can to help others.

But some do any good deed after calculating whether it will benefit them. The apostle Paul describes doing this with the words sowing to the flesh. He says that those who do good for their own benefit will only reap destruction. "For he that soweth to his flesh shall of the flesh reap corruption; but he that soweth to the Spirit shall of the Spirit reap life everlasting." (Galatians 6: 8)

Therefore, it is understood that God considers the intention of doing that action more important than the action we do. He knows the innermost thoughts of our hearts. When we do good deeds with a good heart, God will give us good results. Yes, thus "Let us not grow weary in doing good; if we do not grow weary, we will reap in due season." That is, when we do good with spiritual love, we attain eternal life through the Spirit.

God’s Message :- Bro. M. Geo Prakash

விரல் நுனியில் பாவம் / SIN AT THE FINGERTIPS

 'ஆதவன்' 📖✝ வேதாகமத் தியானம் - எண்:- 1,093     💚 பிப்ரவரி 06, 2024 💚செவ்வாய்க்கிழமை  💚 

"தன்னை நிற்கிறவனென்று எண்ணுகிறவன் விழாதபடிக்கு எச்சரிக்கையாயிருக்கக்கடவன்." ( 1 கொரிந்தியர் 10 : 12 )

ஆவிக்குரிய வாழ்வு நாம் கவனமாக வாழவேண்டிய ஒன்றாகும். எப்போதும் நாம் தேவனுக்குள் உறுதியோடு நிலைத்திருப்போம் என்று நாம் நம்பிக்கொண்டிருக்கலாம். ஆனால் இந்த உலகத்தில் நாம் வாழும்வரை துன்பங்களும், பிரச்சனைகளும் நம்மைத் தொடர்ந்துகொண்டே தான் இருக்கும். எனவே, நான் ஆவிக்குரிய வாழ்வில் நிலைநிற்கின்றேன் என்று எண்ணிக்கொள்கிறவன் விழாதபடிக்கு எச்சரிக்கையா யிருக்கக்கடவன் என்று இன்றைய வசனம் அறிவுறுத்துகின்றது. 

மட்டுமல்ல, நாம் மற்றவர்களைக்குறித்து அற்பமாக எண்ணிவிடக்கூடாது. இன்று ஆவிக்குரிய வாழ்வில் வலுவற்றவராக இருக்கும் ஒருவர் பிற்பாடு ஆவிக்குரிய வாழ்வில் தேர்ச்சிபெற்று நம்மைவிட மேலான நிலைக்கு வந்துவிடலாம். அதுபோல இன்று ஆவிக்குரிய வாழ்வில் சிறப்புற இருக்கும் ஒருவர் ஆவிக்குரிய வலுவிழந்தவராக மாறிப்போகலாம். எனவே, தன்னை நிற்கிறவன் என எண்ணிக்கொள்கிறவன்  விழாதபடிக்கு எச்சரிக்கையாயிருக்கக்கடவன்.   

ஆவிக்குரிய வாழ்வில் நமக்கு எதிராகப் போரிடும் பிசாசு எப்போது நம்மை விழத்தள்ளலாம் என்று தருணம் பார்த்துக்கொண்டிருக்கின்றான். இன்றைய உலகத்தில் ஆவிக்குரிய மனிதர்களை விழுத்தள்ளும் காரியங்கள் பல இருக்கின்றன.  இன்று பாவம் மனிதர்களின் விரல் நுனியில் இருகின்றது. ஆம், அலைபேசியில் தவறுதலாக ஒரு இணைப்பைத் தொட்டுவிட்டால்கூட குப்பையான ஆபாசங்கள் நம்மை வந்துச் சேர்ந்துவிடும். எனவே, தன்னை நிற்கிறவன் என எண்ணிக்கொள்கிறவன்  விழாதபடிக்கு எச்சரிக்கை யாயிருக்கக்கடவன்.   

எனவேதான் அப்போஸ்தலரான பேதுரு, "தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான்." ( 1 பேதுரு 5 : 8 ) என்று கூறுகின்றார். 

நாம் கர்த்தராகிய இயேசு கிறிஸ்துவில் விசுவாசத்தோடு அவரது கிருபையைச் சார்ந்துகொண்டு உறுதியாக இருந்தால் மட்டுமே இதனை மேற்கொள்ள முடியும். சாதாரண உலக மனிதர்கள் எளிதில் இப்படிப்பட்ட பாடுகளில் சிக்கிக்கொள்கின்றனர். இதனையே அப்போஸ்தலரான பேதுரு தொடர்ந்து கூறும்போது, "விசுவாசத்தில் உறுதியாயிருந்து, அவனுக்கு (பிசாசுக்கு) எதிர்த்து நில்லுங்கள்; உலகத்திலுள்ள உங்கள் சகோதரரிடத்திலே அப்படிப்பட்ட பாடுகள் நிறைவேறிவருகிறதென்று அறிந்திருக்கிறீர்களே." ( 1 பேதுரு 5 : 9 ) என்கின்றார். 

எனவே அன்பானவர்களே, நாம் இன்று எப்படிப்பட்ட ஆவிக்குரிய மேன்மையான நிலையில் இருந்தாலும் எச்சரிக்கையோடு இருக்க வேண்டியது அவசியம். தேவ கிருபையால்தான் நாம் நிற்கின்றோம் எனும் எண்ணம் வேண்டும். ஆவிக்குரிய வாழ்வில் சிலர் அவிசுவாசத்தால் விழுந்துபோயிருக்கலாம். அதற்காக,  "நான் அப்படியல்ல" என்று பெருமைகொண்டு  இருப்போமானால்  நாமும் விழுந்துபோவோம்.   

யூதர்களையும் பிற இனத்து மக்களையும்  மனதில்வைத்து அப்போஸ்தலராகிய பவுல் கூறிய பின்வரும் வார்த்தைகள் நமக்கும் பொருந்தும்:-  "நல்லது, அவிசுவாசத்தினாலே அவைகள் முறித்துப்போடப்பட்டன, நீ விசுவாசத்தினாலே நிற்கிறாய்; மேட்டிமைச் சிந்தையாயிராமல் பயந்திரு. சுபாவக்கிளைகளை தேவன் தப்பவிடாதிருக்க, உன்னையும் தப்பவிடமாட்டார் என்று எச்சரிக்கையாயிரு." ( ரோமர் 11 : 20, 21 )

தேவ செய்தி :- சகோ. எம். ஜியோ பிரகாஷ் 

                 SIN AT THE FINGERTIPS

'AATHAVAN' 📖✝ BIBLE MEDITATION No:- 1,093 💚 February 06, 2024 💚Tuesday 💚

"Wherefore let him that thinketh he standeth take heed lest he fall." (1 Corinthians 10: 12 )

The spiritual life is something we must live carefully. We may trust that we will stand firm in God. But as long as we live in this world, suffering and problems will follow us. Therefore, today's verse advises that he who thinks he is standing in the spiritual life must be careful not to fall.

Moreover, we should not think lightly of others. A person who is weak in spiritual life today may later become master in spiritual life and reach a higher level than us. Similarly, a person who excels in spiritual life today may turn out to be spiritually weak. Therefore, he who thinks himself standing must be careful not to fall.

The devil who fights against us in the spiritual life is watching to see when we will fall. There are many things in today's world that are tempting spiritual people. Sin is at the fingertips of men today. Yes, even if we accidentally touch a link on the mobile phone, we will be bombarded with dirty porn. Therefore, he who thinks himself standing must be careful not to fall.

That is why the apostle Peter said, "Be sober, be vigilant; because your adversary the devil, as a roaring lion, walketh about, seeking whom he may devour:" (1 Peter 5: 8)

This can only be done if we are firmly dependent on the grace of the Lord Jesus Christ with faith. Ordinary worldly people easily fall into such sufferings. This is what the apostle Peter continues when he says, "Whom resist stedfast in the faith, knowing that the same afflictions are accomplished in your brethren that are in the world." (1 Peter 5: 9)

Therefore, dear ones, it is necessary to be cautious, no matter how spiritually exalted we are today. We should think that we are standing only because of God's grace. In the spiritual life some may have fallen away because of unbelief. For that, if we are proud that "I am not like that" we will also fall.

The following words of the apostle Paul, having in mind the Jews and the Gentiles, are applicable to us also: - "Well; because of unbelief they were broken off, and thou standest by faith. Be not highminded, but fear: For if God spared not the natural branches, take heed lest he also spare not thee." (Romans 11: 20, 21)

God’s Message :- Bro. M. Geo Prakash

பழைய ஏற்பாட்டில் கிறிஸ்து / CHRIST IN OLD TESTAMENT

 ஆதவன்' 📖✝ வேதாகமத் தியானம் - எண்:- 1,092       💚 பிப்ரவரி 05, 2024 💚திங்கள்கிழமை  💚 

"அவர்களில் அதிகமானபேர்களிடத்தில் தேவன் பிரியமாயிருந்ததில்லை; ஆதலால் வனாந்தரத்திலே அவர்கள் அழிக்கப்பட்டார்கள்." ( 1 கொரிந்தியர் 10 : 5 )

அப்போஸ்தலனாகிய பவுல் ஒரு புதிய வெளிப்பாடு பெற்றவராக இன்றைய வசனத்தைக் கூறுகின்றார். இன்றும் பல கிறிஸ்தவர்கள் பழைய ஏற்பாட்டில் பேசியதும் செயல்பட்டதும் பிதாவாகிய தேவன்  என்றும் புதிய ஏற்பாட்டில் பேசுவது மட்டுமே கிறிஸ்து என்று  எண்ணிக்கொண்டிருக்கின்றனர். அப்படியானால் கிறிஸ்து தேவனாக இருக்க முடியாதே!!!. ஆம், கிறிஸ்து உலகத்தோற்றத்துக்கு முன்னமே பிதாவோடு இருக்கின்றவர். உலகங்களைப் படைத்தவர் அவர்தான் என்று வேதம் கூறுகின்றது. 

பழைய ஏற்பாட்டுக் காலத்தில் தீர்க்கதரிசிகள் மூலம் தனது செய்தியைச் சொன்ன தேவன் "இந்தக் கடைசி நாட்களில் குமாரன் மூலமாய் நமக்குத் திருவுளம்பற்றினார்; இவரைச் சர்வத்துக்கும் சுதந்தரவாளியாக நியமித்தார், இவரைக்கொண்டு உலகங்களையும் உண்டாக்கினார்." ( எபிரெயர் 1 : 2 ) என்று வாசிக்கின்றோம். அவர் வெறும் இரண்டாயிரம் ஆண்டுகளுக்குமுன் பிறந்து வாழ்ந்தவர் என்று நாம் எண்ணிக்கொண்டிருப்போமானால் நாம் அவரை வல்லமையுள்ள தேவனாக ஏற்றுக்கொள்ளவில்லை என்று பொருள்.

அன்று இஸ்ரவேல் மக்களை பாலை நிலத்தில் வழிநடத்தியவர் கிறிஸ்துவே. "எல்லாரும் ஒரே ஞானபோஜனத்தைப் புசித்தார்கள். எல்லாரும் ஒரே ஞானபானத்தைக் குடித்தார்கள். எப்படியெனில், அவர்களோடேகூடச் சென்ற ஞானக்கன்மலையின் தண்ணீரைக் குடித்தார்கள்; அந்தக் கன்மலை கிறிஸ்துவே." ( 1 கொரிந்தியர் 10 : 3, 4 ) என்று கூறப்பட்டுள்ளது. இஸ்ரவேல் மக்களை வனாந்தரத்தில் வழிநடத்திய அதே கிறிஸ்துதான் இன்று நம்மையும் வழி நடத்துகின்றார். 

ஆனால் ஞான உணவையும் பானத்தையும் உட்கொண்ட அந்த மக்கள் இச்சை எனும் உலக ஆசையில் விழுந்தனர். எனவே அழிக்கப்பட்டனர். இதனையே இன்றைய வசனம், "அப்படியிருந்தும், அதிகமானபேர்களிடத்தில் தேவன் பிரியமாயிருந்ததில்லை; ஆதலால் வனாந்தரத்திலே அவர்கள் அழிக்கப்பட்டார்கள்." என்று கூறுகின்றது. "அவர்களில் சிலர் கிறிஸ்துவைப் பரீட்சைப்பார்த்து, பாம்புகளால் அழிக்கப்பட்டார்கள்; அதுபோல நாமும் கிறிஸ்துவைப் பரீட்சைபாராதிருப்போமாக." ( 1 கொரிந்தியர் 10 : 9 )

அன்பானவர்களே, அவர்களில் அதிகமானபேர்களிடத்தில் தேவன் பிரியமாயிருந்ததில்லை எனும் வார்த்தைகள் இன்று நமக்கும் எச்சரிக்கையாக உள்ளன. நாம் ஞானஸ்நானம் பெற்ற கிறிஸ்தவர்கள் என்று கூறிக்கொண்டாலும், கிறிஸ்துவின் உடலையும் இரத்தத்தையும் உட்கொண்டு வந்தாலும் இச்சை எனும் உலக ஆசைக் கவர்ச்சியில் மூழ்கி இருப்போமானால் கிறிஸ்துவோடு நமக்குப் பங்கிராது.   கிறிஸ்துவைப் பரீட்சைப்பார்த்த இஸ்ரவேலரைப்போலவே இருப்போம்.

"அவர்கள் இச்சித்ததுபோல நாமும் பொல்லாங்கானவைகளை இச்சியாதபடிக்கு, இவைகள் நமக்குத் திருஷ்டாந்தங்களாயிருக்கிறது." ( 1 கொரிந்தியர் 10 : 6 )

கிறிஸ்துவை வல்லமையுள்ள தேவ குமாரனாக ஏற்றுக்கொண்டு அவரால்தான் நாம் மீட்கப்பட்டுளோம் என்பதை உறுதியாக நம்பி அவருக்கு நம்மை ஒப்புக்கொடுக்கும்போது அவர் நம்மில் செயல்புரிவார். இஸ்ரவேல் மக்களை தனது வல்லமையுள்ள கரத்தால் வழிநடத்தி கானானுக்குள் கொண்டு சேர்த்ததுபோல நம்மையும் பரம கானானுக்குள் கொண்டு சேர்ப்பார். அவர்களில் அதிகமானபேர்களிடத்தில் தேவன் பிரியமாயிருந்ததில்லை என்று கூறப்பட்டுள்ளது. அந்த அதிகமானோர்கள் கூட்டத்தில் நாம் சேர்ந்துவிடக்கூடாது. அப்போதுதான் நம்மேல் அவர் பிரியமாய் இருப்பார். 

தேவ செய்தி :- சகோ. எம். ஜியோ பிரகாஷ் 

                CHRIST IN OLD TESTAMENT 

‘AATHAVAN' 📖✝ BIBLE MEDITATAION No:- 1,092 💚 February 05, 2024 💚Monday 💚

"But with many of them God was not well pleased: for they were overthrown in the wilderness." ( 1 Corinthians 10 : 5 )

The apostle Paul speaks today's verse as a recipient of a new revelation. Many Christians today still think that it is God the Father who spoke and acted in the Old Testament and only Christ who speaks in the New Testament. If that is so, then Christ cannot be God! Yes, Christ was with the Father before the creation of the world. The Bible say that He is the creator of the worlds.

God, who spoke His message through the prophets in Old Testament times, "Hath in these last days spoken unto us by his Son, whom he hath appointed heir of all things, by whom also he made the worlds;" (Hebrews 1: 2) we read. If we think that he was born and lived only two thousand years ago, it means that we do not accept him as a powerful God.

It was Christ who led the people of Israel in the land of milk and honey. "And did all eat the same spiritual meat; And did all drink the same spiritual drink: for they drank of that spiritual Rock that followed them: and that Rock was Christ." (1 Corinthians 10: 3, 4) The same Christ who led the people of Israel in the wilderness leads us today.

But those people who consumed the meat and drink of wisdom fell into the worldly desire called lust. So, they were destroyed. This is what today's verse says, "But with many of them God was not well pleased: for they were overthrown in the wilderness." Also says that "Neither let us tempt Christ, as some of them also tempted, and were destroyed of serpents." (1 Corinthians 10: 9)

Beloved, the words, “God was not pleased with many of them” are a warning to us today. Even though we claim to be baptized Christians, we partake of Christ's body and blood, but if we are immersed in the lure of worldly lust, we will not have share with Christ; we would be like the Israelites who tested Christ.

"Now these things were our examples, to the intent we should not lust after evil things, as they also lusted." (1 Corinthians 10: 6) He will work in us when we accept Christ as the mighty Son of God and commit ourselves to Him believing that we have been redeemed by Him.

He will bring us into the great eternal Canaan just as he led the people of Israel into worldly Canaan with his mighty hand. It is said that, “God was not pleased with most of them.” We should not join that crowd. Only then will He be pleased with us.

God’s Message :- Bro. M. Geo Prakash

நாம் நினைக்கிறதற்கும் அதிகமாய் / ABUNDANTLY ABOVE WE THINK

 'ஆதவன்' 📖✝ வேதாகமத் தியானம் - எண்:- 1,091        💚 பிப்ரவரி 04, 2024 💚ஞாயிற்றுக்கிழமை  💚 

"நாம் வேண்டிக்கொள்ளுகிறதற்கும் நினைக்கிறதற்கும் மிகவும் அதிகமாய் நமக்குள்ளே கிரியைசெய்கிற வல்லமையின்படியே, நமக்குச் செய்ய வல்லவராகிய அவருக்கு.....," ( எபேசியர் 3 : 20 )

இந்த வசனத்தை வாசித்தாலே இது உலக கண்ணோட்டத்தில் கூறப்பட்டதல்ல என்பது புரியும். காரணம் அப்போஸ்தலரான பவுல் இதில் கூறுகின்றார், "வேண்டிக்கொள்ளுகிறதற்கும் நினைக்கிறதற்கும் மிகவும் அதிகமாய் நமக்குள்ளே கிரியைசெய்கிற" என்று கூறுகின்றார். அதாவது நாம் வேண்டும் உலக பொருட்களையல்ல; மாறாக, நமக்குள்ளே கிரியை செய்கின்றார் என்று கூறப்பட்டுள்ளது.

அதாவது நமது உள்ளான மனிதனில் அவர் நாம் வேண்டுவதைவிட அதிகமாகச் செயல்புரிகின்றார்.  நாம் ஆவிக்குரிய வாழ்வில் வளர்ச்சியடையவேண்டும், பாவத்தை வென்று பரிசுத்த வாழ்க்கை வாழவேண்டும் என விரும்பி அவரிடம் வேண்டினால் நாம் நினைப்பதற்கும் வேண்டிக்கொள்வதற்கும்  மிகவும் அதிகமாக அவர் நம்மில் செயல்புரிவார். 

அன்பானவர்களே, நமது தேவன் பரிசுத்தத்தை விரும்புகின்றவர். நமது பலவீனங்கள் அவருக்குத் தெரியும். எனவேதான் பவுல் அப்போஸ்தலரிடம் அவர் கூறினார்,  "என் கிருபை உனக்குப்போதும்; பலவீனத்திலே என் பலம் பூரணமாய் விளங்கும்"  2 கொரிந்தியர் 12 : 9 )

இன்று ஒருவேளை குறிப்பிட்ட ஒரு பாவத்தை நாம் விட்டுவிடமுடியாமல் தவிக்கலாம். ஆனால் உள்ளத்தில் நாம் அதனை விட்டுவிடவேண்டும் என்று உண்மையாகவே விரும்பினால் அவர் நமக்கு உதவிசெய்வார். பாவத்தை மேற்கொள்ளும் வல்லமையினைத் தருவார்.  "ஆகையால், கிறிஸ்துவின் வல்லமை என்மேல் தங்கும்படி, என் பலவீனங்களைக்குறித்து நான் மிகவும் சந்தோஷமாய் மேன்மைபாராட்டுவேன்." ( 2 கொரிந்தியர் 12 : 9 ) என்கின்றார் பவுல். 

பலர் இந்த வசனத்தை உலகக் கண்ணோட்டத்துடன் பார்த்து, நாம் வேண்டிக்கொள்ளும் ஆசீர்வாதத்தைவிட அதிகமான ஆசீர்வாதத்தைத் தேவன் நமக்குத் தருவார் என்று எண்ணிக்கொள்கின்றனர். வேதாகமம் நமது உலக வாழ்க்கையின் செழுமைக்காக எழுதப்பட்டதல்ல; மாறாக நம்மை மறுவுலக வாழ்கைக்குத் தகுதியுள்ளார்களாக்கும்படிக்கு எழுதப்பட்டுள்ளது எனும் சத்தியம் புரியும்போதுதான் நாம் ஆவிக்குரியவர்களாக மாற முடியும். 

கிறிஸ்துவை இன்னும்  அதிகமாக அறியவேண்டும், அவரது மெய்யான வல்லமையினைச் சுவைக்கவேண்டும், பாவத்தை வென்று பரிசுத்தமாக வேண்டும் எனும் எண்ணங்களோடு நாம் வேண்டினால் நாம் வேண்டிக்கொள்ளுகிறதற்கும் நினைக்கிறதற்கும் மிகவும் அதிகமாய் நமக்குள்ளே அவரது வல்லமை கிரியைசெய்யும்.

ஆம் அன்பானவர்களே, "இம்மைக்காகமாத்திரம் நாம் கிறிஸ்துவின்மேல் நம்பிக்கையுள்ளவர்களாயிருந்தால், எல்லா மனுஷரைப் பார்க்கிலும் பரிதபிக்கப்படத்தக்கவர்களாகவே இருப்போம் ."  ( 1 கொரிந்தியர் 15 : 19 )

தேவ செய்தி :- சகோ. எம். ஜியோ பிரகாஷ் 

      ABUNDANTLY ABOVE WE THINK 

'AATHAVAN' 📖✝ BIBLE MEDITATION No:- 1,091 💚February 04, 2024 💚Sunday 💚

"Now unto him that is able to do exceeding abundantly above all that we ask or think, according to the power that worketh in us," (Ephesians 3: 20)

A reading of today’s verse makes it clear that this is not being said from a worldly perspective. Because the apostle Paul says, "He is able to do exceeding abundantly above all that we ask or think according to the power that worketh in us." That means not worldly things; rather, it is said that He works within us in our inner man.

That is, He works in our inner man more than we ask. If we ask Him to grow in our spiritual life, overcome sin and live a holy life, He will do more in us than we can think and pray.

Beloved, our God desires holiness. He knows our weaknesses. That is why he said to the apostle Paul, "My grace is sufficient for thee: for my strength is made perfect in weakness." ( 2 Corinthians 12 : 9 )

Today we may struggle with a particular sin that we cannot overcome. But if we really want to let it go, He will help us. He gives the power to overcome that sin. "Most gladly therefore will I rather glory in my infirmities, that the power of Christ may rest upon me." ( 2 Corinthians 12 : 9 ) says Paul.

Many people look at this verse with a worldly view and think that God will give us more blessings than we ask for. The Bible was not written for the enrichment of our worldly life; On the contrary, it was written for our spiritual development. only when we understand the purpose it is written it will qualify us for the life hereafter.

If we pray with the thoughts of wanting to know Christ more, taste His true power, overcome sin and become holy, His power will work within us much more than we pray and think.

Yes, beloved, "If in this life only we have hope in Christ, we are of all men most miserable." ( 1 Corinthians 15 : 19 )

God’s Message :- Bro. M. Geo Prakash

தண்டனை / PUNISHMENT

 ஆதவன்' 📖✝ வேதாகமத் தியானம் - எண்:- 1,090       💚 பிப்ரவரி 03, 2024 💚 சனிக்கிழமை  💚 

"பூமியின் எல்லா வம்சங்களுக்குள்ளும் உங்களைமாத்திரம் அறிந்துகொண்டேன்; ஆகையால் உங்களுடைய எல்லா அக்கிரமங்களினிமித்தமும் உங்களைத் தண்டிப்பேன்." ( ஆமோஸ் 3 : 2 )

பொதுவாக குடும்பங்களில்  நல்ல பிள்ளைகளுக்கும் பள்ளிக்  கூடங்களிலும்  நன்றாகப் படிக்கும் குழந்தைகளுக்கும் தனி கவனிப்பு கிடைக்கும். மட்டுமல்ல, அப்படி நல்லவர்களாக இருக்கும் குழந்தைகள் சிறு தவறு செய்தாலும் அது மிகப் பெரிதாகப் பார்க்கப்படும். "உன்னை நான் எப்படியோ எண்ணியிருந்தேன் நீபோய் இப்படியொரு காரியத்தைச் செய்து விட்டாயே?" என்று பெற்றோரும் ஆசிரியர்களும் அங்கலாய்ப்பார்கள்.  ஆம் தெரிந்துகொள்ளப்பட்டவர்கள் செய்யும் சிறு தவறும் பெரிதாகப் பார்க்கப்படும். 

தேவனும் இதுபோலவே மனிதர்களைப்  பார்க்கின்றார். தனது கிருபையாலும் தெரிந்துகொள்ளுதலினாலும் இப்படி அவர் தெரிந்துகொள்கின்றவர்களிடம் பரிவு  காட்டுகின்றார். "அப்படியே, யாக்கோபைச் சிநேகித்து, ஏசாவை வெறுத்தேன் என்றும் எழுதியிருக்கிறது." ( ரோமர் 9 : 13 ) என்று வாசிக்கின்றோம். மேலும்,  "ஆதலால் எவன்மேல் இரக்கமாயிருக்கச் சித்தமாயிருக்கிறாரோ அவன்மேல் இரக்கமாயிருக்கிறார், எவனைக் கடினப்படுத்தச் சித்தமாயிருக்கிறாரோ அவனைக் கடினப்படுத்துகிறார்.' ( ரோமர் 9 : 18 ) என்று கூறப்பட்டுள்ளது.

யாக்கோபு, தாவீது இவர்களது வாழ்கையினைப்பார்த்தால் இவர்கள் பல்வேறு தவறுகள் செய்தவர்களாகவே இருந்தனர். ஆனால் அவர்களைத் தேவன் தெரிந்துகொண்டதால் அவர்களைத் தண்டித்து ஏற்றுக்கொண்டார்.  

இப்படியே தேவன் இஸ்ரவேல் மக்களையும் தெரிந்துகொண்டார். புதிய ஏற்பாட்டுக் காலத்திலும் இப்படியே அவர் மனிதர்களைத் தெரிந்துகொள்கின்றார். ஆவிக்குரிய இஸ்ரவேலராகிய நம்மையும் அவர் இப்படியே தெரிந்துகொண்டுள்ளார். எனவேதான் அப்போஸ்தலரான பேதுரு, "நீங்களோ, உங்களை அந்தகாரத்தினின்று தம்முடைய ஆச்சரியமான ஒளியினிடத்திற்கு வரவழைத்தவருடைய புண்ணியங்களை அறிவிக்கும்படிக்குத் தெரிந்துகொள்ளப்பட்ட சந்ததியாயும், ராஜரீகமான ஆசாரியக்கூட்டமாயும், பரிசுத்த ஜாதியாயும், அவருக்குச் சொந்தமான ஜனமாயும் இருக்கிறீர்கள்." ( 1 பேதுரு 2 : 9 ) என்று கூறுகின்றார். 

இப்படி அவர் தெரிந்துகொண்டுள்ளதால் நமது எல்லா அக்கிரமங்களினிமித்தமும் உங்களைத் தண்டிப்பேன் என்று கூறுகின்றார். "நீங்கள் சிட்சையைச் சகிக்கிறவர்களாயிருந்தால் தேவன் உங்களைப் புத்திரராக எண்ணி நடத்துகிறார்; தகப்பன் சிட்சியாத புத்திரனுண்டோ?" ( எபிரெயர் 12 : 7 )

இந்த உலகத்தின் பல துன்மார்க்கர்கள் எவ்வளவோ தவறுகள் செய்தாலும் செழித்து எந்த குறையுமில்லாமல் வாழ்வதை நாம் காணலாம். ஆனால் அதனைவிட சிறு தவறு செய்யும் ஆவிக்குரிய மனிதர்கள் பெரிய தண்டனையை தேவனிடமிருந்து பெறுகின்றனர். காரணம் அவர் நம்மைப் புத்திரராக எண்ணி நடத்துவதுதான். 

இப்படித் தேவன் தண்டித்தாலும் இறுதியில் அது நமக்குச் சமாதானத்தைத் தருவதாக இருக்கும்.  "எந்தச் சிட்சையும் தற்காலத்தில் சந்தோஷமாய்க் காணாமல் துக்கமாய்க் காணும்; ஆகிலும் பிற்காலத்தில் அதில் பழகினவர்களுக்கு அது நீதியாகிய சமாதான பலனைத் தரும்." ( எபிரெயர் 12 : 11 )

ஆம் அன்பானவர்களே, ஆவிக்குரிய வாழ்வில் நமக்குத் தண்டனைகளைத் தேவன் தரும்போது அதன் காரணத்தைக் கண்டறிந்து நம்மைத் திருத்திக்கொள்ளவேண்டும். நம்மை அவர் தெரிந்துகொண்டதால்தான் தண்டிக்கிறார் எனும் அறிவு நமக்கு வேண்டும். பூமியின் எல்லா வம்சங்களுக்குள்ளும் நம்மை மட்டும்  அறிந்துகொண்டதால் நம்முடைய  எல்லா அக்கிரமங்களினிமித்தமும் நம்மைத் தண்டிப்பேன் என்கிறார் தேவனாகிய கர்த்தர்.  எனவே நமது ஆவிக்குரிய வாழ்வை எச்சரிக்கையுடன் வாழ்வோம்.

தேவ செய்தி :- சகோ. எம். ஜியோ பிரகாஷ் 

                        PUNISHMENT

‘AATHAVAN' 📖✝ BIBLE MEDITATION No:- 1,090 💚 February 03, 2024 💚 Saturday 💚

"You only have I known of all the families of the earth: therefore, I will punish you for all your iniquities." (Amos 3: 2)

Generally good children in families and children who do well in schools get special attention. Not only that, children who are so good, even if they make a small mistake, it will be viewed very seriously. "I was expecting more from you…. Alas, and you have gone and done something like this?" parents and teachers will say like that. Yes, even the smallest mistakes made by those loved will be looked big.

God sees people in the same way. By his grace and knowledge, he shows compassion to those he knows. "As it is written, Jacob have I loved, but Esau have I hated." (Romans 9: 13) we read. And, "Therefore hath he mercy on whom he will have mercy, and whom he will he hardeneth." (Romans 9: 18) it is said.

If you look at the lives of Jacob and David, they made many mistakes. But because God knew them, He punished them and accepted them.

This is how God knew the people of Israel. This is how he knows people in the New Testament. This is how He has identified us as spiritual Israelites. That is why the apostle Peter said, "But ye are a chosen generation, a royal priesthood, an holy nation, a peculiar people; that ye should shew forth the praises of him who hath called you out of darkness into his marvellous light;" (1 Peter 2: 9)

As God knows us like this, he says that he will punish you for all our iniquities. "If ye endure chastening, God dealeth with you as with sons; for what son is he whom the father chasteneth not?" (Hebrews 12: 7)

We see many of the wicked people of this world prospering and living flawlessly despite their many mistakes. But spiritual men who commit minor mistakes receive greater punishment from God. The reason is that he treats us as sons.

Even if God punishes in this way, it will give us peace in the end. "Now no chastening for the present seemeth to be joyous, but grievous: nevertheless afterward it yieldeth the peaceable fruit of righteousness unto them which are exercised thereby." (Hebrews 12: 11)

Yes, dear ones, when God gives us punishments in spiritual life, we should find out the reason and correct ourselves. We need the knowledge that He punishes us only because He knows us. “Because I know only you among all the families of the earth, I will punish you for all your iniquities, says the Lord God. So let us live our spiritual lives with caution.

God’s Message :- Bro. M. Geo Prakash

உயிர்தெழுதலுக்குத் தகுதி / QUALIFY FOR RESURRECTION

 ஆதவன்' 📖✝ வேதாகமத் தியானம் - எண்:- 1,089        💚 பிப்ரவரி 02, 2024 💚 வெள்ளிக்கிழமை  💚 

"அவரையும் அவருடைய உயிர்த்தெழுதலின் வல்லமையையும், அவருடைய பாடுகளின் ஐக்கியத்தையும் அறிகிறதற்கும், அவருடைய மரணத்திற்கொப்பான மரணத்திற்குள்ளாகி, எப்படியாயினும் நான் மரித்தோரிலிருந்து உயிரோடெழுந்திருப்பதற்குத் தகுதியாகும்படிக்கு...," ( பிலிப்பியர் 3 : 10 )

அப்போஸ்தலரான பவுல் தனது ஆவிக்குரிய வாழ்வின் இலக்கு எது என்பதை இன்றைய வசனத்தில் குறிப்பிடுகின்றார். அதாவது, கிறிஸ்துவின் பாடுகள் தன்னை அவரோடு எப்படி ஐக்கியப்படுத்தியுள்ளது என்பதனையும் அவரது உயிர்தெழுதலின் வல்லமையினையும் அறிந்து அவரது மரணத்துக்குத் தானும் ஒப்பாகி எப்படியாவது உயிர்தெழுதலுக்குத் தகுதியுள்ளவர் ஆகவேண்டும் என்பதே தனது நோக்கம் என்கின்றார்.. 

கிறிஸ்துவின் மரணம் நாம் பாவத்துக்கு மரிப்பதைக் குறிக்கின்றது. உயிர்த்தெழுதல் பாவத்துக்கு விலகி வாழ்வதைக் குறிக்கின்றது.  "கிறிஸ்துவும் மரித்தோர்மேலும் ஜீவனுள்ளோர்மேலும் ஆண்டவராயிருக்கும்பொருட்டு, மரித்தும் எழுந்தும் பிழைத்துமிருக்கிறார்." ( ரோமர் 14 : 9 ) இங்கு மரித்தல் உயிர்தல் எனும் வார்த்தைகள் ஆவிக்குரிய பொருளில் கூறப்பட்டுள்ளன.  ஆவிக்குரிய வாழ்வில் மரித்திருப்பவர்களுக்கும் உயிரோடு இருப்பவர்களுக்கும் அவரே ஆண்டவர். எனவேதான் ஆவியில் மரித்திருப்பவர்கள் உயிரடைந்து அவை அறியவேண்டியது அவசியமாய் இருக்கிறது. 

இப்படிக்  கிறிஸ்துவின் வல்லமையை அடைந்திட முயலுகின்றேனேத்  தவிர அதனை இன்னும் தான் பிடித்துக்கொள்ளவில்லை என்று கூறும் பவுல் அடிகள் அதனை அடைந்திடத் தான் என்ன செய்கின்றேன் என்பதனையும் இப்படிக் கூறுகின்றார்;-  "சகோதரரே, அதைப் பிடித்துக்கொண்டேனென்று நான் எண்ணுகிறதில்லை; ஒன்று செய்கிறேன், பின்னானவைகளை மறந்து, முன்னானவைகளை நாடி, கிறிஸ்து இயேசுவுக்குள் தேவன் அழைத்த பரம அழைப்பின் பந்தயப்பொருளுக்காக இலக்கை நோக்கித் தொடருகிறேன்." ( பிலிப்பியர் 3 : 13, 14 )

ஆம், நமது ஆவிக்குரிய பயணம் ஒரு தொடர் பயணம். அந்த பயணத்தில் நாம் பவுல் அப்போஸ்தலர் கூறுவதுபோல பின்னானவைகளை மறந்து, முன்னானவைகளை நாடிச் செல்பவர்களாக இருக்கவேண்டும். 

ஆம் அன்பானவர்களே, ஆவிக்குரிய வாழ்வை நாம் ஆரம்பிக்குமுன் வாழ்ந்த பழைய பாவ வாழ்க்கையின் செயல்களை நாம் மறந்துவிடவேண்டும். அவற்றை விட்டுவிடவேண்டும். அவற்றை முற்றிலும்  மறந்து மகிமையான கிறிஸ்துவின் பந்தயப்பொருளை மட்டுமே நாடி நாம் ஆர்வமாகத் தொடரவேண்டும். தான் அப்படி கிறிஸ்து இயேசுவுக்குள் தேவன் அழைத்த பரம அழைப்பின் பந்தயப்பொருளுக்காக இலக்கை நோக்கித் தொடர்வதாகக் கூறுகின்றார். 

ஆவிக்குரிய வாழ்வில் நாம் தேறினவர்கள் என்றால் இப்படியே இருப்போம். இல்லாவிட்டால் வெறுமனே உலக ஆசைகளை நிறைவேற்றிட ஜெபித்துக்கொண்டு ஆத்துமாவை இழந்தவர்களாகவே இருப்போம். எனவேதான் அப்போஸ்தலரான பவுல் கூறுகின்றார், "ஆகையால், நம்மில் தேறினவர்கள் யாவரும் இந்தச் சிந்தையாயிருக்கக்கடவோம்; எந்தக் காரியத்திலாவது நீங்கள் வேறே சிந்தையாயிருந்தால், அதையும் தேவன் உங்களுக்கு வெளிப்படுத்துவார்." ( பிலிப்பியர் 3 : 15 )

எனவே அன்பானவர்களே, எப்படியாவது அவரையும் அவருடைய உயிர்த்தெழுதலின் வல்லமையையும், அவருடைய பாடுகளின் ஐக்கியத்தையும் அறிகிறதற்கும், அவருடைய மரணத்திற்கொப்பான மரணத்திற்குள்ளாகி, எப்படியாயினும்  மரித்தோரிலிருந்து உயிரோடெழுந்திருப்பதற்குத் தகுதியாகும்படிக்கு முயற்சி செய்வோம்.

தேவ செய்தி :- சகோ. எம். ஜியோ பிரகாஷ் 

                 QUALIFY FOR RESURRECTION 

‘AATHAVAN' 📖✝ BIBLE MDITATION No :- 1,089 💚 February 02, 2024 💚 Friday 💚

"That I may know him, and the power of his resurrection, and the fellowship of his sufferings, being made conformable unto his death;" (Philippians 3: 10)

In today's verse, the apostle Paul mentions the goal of his spiritual life. That is, he says that his purpose is to become like Christ in his death and become somehow worthy of resurrection by knowing how Christ's sufferings have united him with him and the power of his resurrection.

Here, Christ's death means our death to sin. Resurrection means turning away from sin. "For to this end Christ both died, and rose, and revived, that he might be Lord both of the dead and living." (Romans 14: 9) Here the words death and resurrection are said in a spiritual sense. He is the Lord of the dead and the living in the spiritual life. That is why it is necessary for those who are dead in spirit to come alive and know them.

Paul, who says that he is trying to attain the power of Christ, but has not yet grasped it, says what he does to reach it; - “Brethren, I count not myself to have apprehended: but this one thing I do, forgetting those things which are behind, and reaching forth unto those things which are before, I press toward the mark for the prize of the high calling of God in Christ Jesus." (Philippians 3: 13, 14)

Yes, our spiritual journey is a continuous journey. In that journey, we should be those who forget the things that are behind and seek the things that are ahead, as the Apostle Paul says.

Yes beloved, we must forget the deeds of the old sinful life that we lived before we started the spiritual life. Let them go. We must forget them altogether and pursue only the glorious prize of Christ. He says that he continues towards the goal for the goal of the supreme calling that God has called in Christ Jesus.

If we are chosen in the spiritual life, we will be like this. Otherwise, we will be soulless, simply praying to fulfill worldly desires. That is why the apostle Paul says, "Let us therefore, as many as be perfect, be thus minded: and if in anything ye be otherwise minded, God shall reveal even this unto you." (Philippians 3: 15)

Therefore, beloved, let us endeavor to somehow know Him and the power of His resurrection and the unity of His sufferings, and to become worthy of His death, and yet to be raised from the dead.

God’s Message :- Bro. M. Geo Prakash

கிறிஸ்துவின் சாயலாவோம் / BECOME THE IMAGE OF CHRIST

  ஆதவன்' 📖✝ வேதாகமத் தியானம் - எண்:- 1,088        💚 பிப்ரவரி 01, 2024 💚 வியாழக்கிழமை  💚 

"முந்தின மனுஷன் பூமியிலிருந்துண்டான மண்ணானவன்; இரண்டாம் மனுஷன் வானத்திலிருந்து வந்த கர்த்தர். மண்ணானவன் எப்படிப்பட்டவனோ மண்ணானவர்களும் அப்படிப்பட்டவர்களே; வானத்துக்குரியவர் எப்படிப்பட்டவரோ, வானத்துக்குரியவர்களும் அப்படிப்பட்டவர்களே." ( 1 கொரிந்தியர் 15 : 47, 48 )

இன்றைய தியான வசனத்தில் அப்போஸ்தலனாகிய பவுல் கர்த்தராகிய இயேசு கிறிஸ்துவையும் முதல் மனிதனாகிய ஆதாமையும் ஒப்பிட்டுச் சில காரியங்களைக் கூறுகின்றார். 

முந்தின மனுஷனாகிய ஆதாம் இந்த மண்ணினால் உருவானவன். அவனைத் தேவன் மண்ணினால் படைத்தார். அந்த ஆதாமுக்குள் மண்ணுக்குள்ள ஆசைகளே நிறைந்திருந்தன. அவனுக்கு உலக ஆசை எனும் இச்சை இருந்ததால் அவன் தேவனுக்குக் கீழ்ப்படியாமல் தனது மனதின் ஆசைக்கு இடம்கொடுத்தான். இன்று நாமும் அதுபோல இருப்போமானால் நாமும் ஆதாமைபோன்றவர்களே. அதனையே பவுல் அப்போஸ்தலர், "மண்ணானவன் எப்படிப்பட்டவனோ மண்ணானவர்களும் அப்படிப்பட்டவர்களே" என்று கூறுகின்றார். 

ஆனால் நாம் இந்த மண்ணுக்காக படைக்கப்பட்டவர்களல்ல; மாறாக தேவனோடு நித்தியகாலமாக வாழவேண்டி படைக்கப்பட்டவர்கள். வானத்துக்குரியவராக கிறிஸ்துவோடு வாழப்  படைக்கப்பட்டவர்கள். நாம் அப்படி வானத்துக்குரியவர்களாக மாறவேண்டுமானால் அவரைப்போல மாறவேண்டும். எனவேதான் "வானத்துக்குரியவர் எப்படிப்பட்டவரோ, வானத்துக்குரியவர்களும் அப்படிப்பட்டவர்களே." என்கின்றார் பவுல் அப்போஸ்தலர். 

நாம் கிறிஸ்துவை மெய்யாகவே அறிந்துகொண்டவர்கள் என்றால் அவரைப்போல அவர் இருக்குமிடத்திலுள்ளவைகளைத் தேடுபவர்களாக இருப்போம். "நீங்கள் கிறிஸ்துவுடன்கூட எழுந்ததுண்டானால், கிறிஸ்து தேவனுடைய வலதுபாரிசத்தில் வீற்றிருக்கும் இடத்திலுள்ள மேலானவைகளைத் தேடுங்கள். பூமியிலுள்ளவைகளையல்ல, மேலானவைகளையே நாடுங்கள்." ( கொலோசெயர் 3 : 1, 2 ) என்று நாம் வாசிக்கின்றோம். 

அன்பானவர்களே, நாம் எப்போதும் மேலானவைகளைத் தேடுபவர்களாக இருக்கவேண்டும். நமது கண்கள் மேல்நோக்கிப் பார்ப்பதாக இருக்கவேண்டும். பன்றியால் மேல்நோக்கிப் பார்க்க முடியாது. காரணம் அதன் உடல் அமைப்பு. அது மண்ணையே பார்த்து, மண்ணிலுள்ள அசுத்தங்களே பெரிதென எண்ணி வாழும். ஆனால் மனிதர்களாகிய நாம் பன்றிகள்போல படைக்கப்பட்டவர்கள் அல்ல; மேலான நோக்கத்துக்காகப் படைக்கப்பட்டவர்கள். நமது கண்களைத் தேவனை நோக்கி உயர்த்தும்போதே மேலான அனுபவங்களைப் பெறமுடியும். 

இந்த உலகத்தில் உடலளவில் நாம் ஆதாமைப்போல மண்ணின் சாயலை நாம் பெற்றிருந்தாலும் தேவனை நோக்கிப் பார்த்து நமது வழிகளை நாம் மாற்றி அமைத்துக்கொள்ளும்போது நாம் அவரது சாயலை அடைந்துகொள்வோம். "மேலும் மண்ணானவனுடைய சாயலை நாம் அணிந்திருக்கிறதுபோல, வானவருடைய சாயலையும் அணிந்துகொள்ளுவோம்." ( 1 கொரிந்தியர் 15 : 49 ) அப்படி நாம் மேலான சாயலை அடைந்துகொள்ள வழிகாட்டவே கிறிஸ்து வந்து நித்திய மீட்பினை ஏற்படுத்தினார்.

இப்போது ஆதாமின் சாயலை நாம் பெற்றிருந்தாலும் நம்மால் அதனைவிட மேலான மகிமையின் சாயலைப் பெறமுடியும்.  கிறிஸ்துவின் சாயலைப் பெற முடியும். நாம் வானத்துக்குரியவரை நோக்கிப்பார்த்து அவரைப்  பின்பற்றி வாழ்வோமானால் வானத்துக்குரியவர் எப்படிப்பட்டவரோ, வானத்துக்குரியவர்களும் அப்படிப்பட்டவர்களே என்ற வசனத்தின்படி வானத்துக்குரிய கிறிஸ்துவின் சாயலைப் பெறமுடியும். அதற்காகவே நாம் அழைக்கப்பட்டுள்ளோம்.  

"நிலவைக் குறிவையுங்கள்; விண்மீனைத் தொட்டுவிடுவீர்கள்" என்று ஒரு பழமொழி உண்டு. ஆம், மேலான சிந்தனை, பார்வைகள் நம்மை விண்ணவரின் சாயலை அடைந்திடச் செய்யும். 

தேவ செய்தி :- சகோ. எம். ஜியோ பிரகாஷ் 

       BECOME THE IMAGE OF CHRIST 

‘AATHAVAN' 📖✝ BIBLE MEDITATION No:- 1,088   💚 February 01, 2024 💚 Thursday 💚

"The first man is of the earth, earthy; the second man is the Lord from heaven. As is the earthy, such are they also that are earthy: and as is the heavenly, such are they also that are heavenly." ( 1 Corinthians 15 : 47, 48 )

In today's meditation verse, the apostle Paul compares the Lord Jesus Christ and the first man, Adam, and says some things.

Adam, the first man, was formed from this soil. God created him from dust. That Adam was full of earthly desires. Because he had the desire of the world, he disobeyed God and gave place to the desire of his heart. If we are like that today, we are like Adam. That is what the apostle Paul says, "As is the earthy, such they also that are earthy."

But we are not made for this earth; Instead, we were created to live with God forever. Those who are made to live with Christ as heavenly beings. If we want to become heavenly beings, we must become like him. That is why Paul Apostle said, "as is the heavenly, such are they also that are heavenly."

If we truly know Christ, we will be like him seeking those things where he is. "If ye then be risen with Christ, seek those things which are above, where Christ sitteth on the right hand of God. Set your affection on things above, not on things on the earth." (Colossians 3: 1, 2) we read.

Beloved, we must always be seekers after something higher. Our eyes should be looking upwards. A pig cannot look up. The reason is its physical structure. It looks at the soil and thinks that the impurities in the soil are big. But we humans are not made like pigs; Created for a higher purpose. When we raise our eyes to God, we can have greater experiences.

Although in this world we have acquired the likeness of the earth like Adam, when we look to God and change our ways, we will attain His likeness. "And as we have borne the image of the earthy, we shall also bear the image of the heavenly." (1 Corinthians 15: 49)

Christ came to guide us to reach a higher image and established eternal redemption.

Although we have now received the likeness of Adam, we can receive the likeness of a greater glory. Can receive the likeness of Christ. If we look towards the heavenly one and follow him, we can receive the likeness of the heavenly Christ according to the verse, "As the heavenly one is, so are the heavenly ones." That is what we are called to do.

There's a saying, "Aim for the moon; you'll hit the stars." Yes, higher thinking and visions make us attain the image of Christ.

God’s Message :- Bro. M. Geo Prakash