"சேனைகளின் கர்த்தர் / LORD OF HOSTS

 'ஆதவன்' வேதாகமத் தியானம் - எண்:- 1,014,              நவம்பர் 07, 2023 செவ்வாய்க்கிழமை

"சேனைகளின் கர்த்தர் நம்மோடிருக்கிறார்; யாக்கோபின் தேவன் நமக்கு உயர்ந்த அடைக்கலமானவர்." ( சங்கீதம் 46 : 7 )

சேனை என்பது பெரிய இராணுவத்தைக் குறிக்கின்றது. இஸ்ரவேல் மக்கள் அதிகமான போர்களைச் சந்தித்தவர்கள். அவர்கள் சிலவேளைகளில் எதிரிகளால் சிறை பிடிக்கப்பட்டார்கள். காரணம் அவர்கள் தேவனது கட்டளைகளுக்குக் கீழ்படியத் தவறியதுதான்.  ஆனால் கர்த்தர் தங்களோடிருந்து செய்த வல்லமையான செயல்களைக் கண்டு உணர்ந்த சங்கீதக்காரர் சொல்கின்றார், "சேனைகளின் கர்த்தர் நம்மோடிருக்கிறார்"

நமது தேவன் சேனைகளின் கர்த்தர். சேனைக்கு வெற்றித்தருபவர். இதனை அறிந்திருந்ததால்தான் தாவீதுராஜா கோலியாத்தை எதிர்கொண்டபோது, "நீ பட்டயத்தோடும், ஈட்டியோடும், கேடகத்தோடும் என்னிடத்தில் வருகிறாய்; நானோ நீ நிந்தித்த இஸ்ரவேலுடைய இராணுவங்களின் தேவனாகிய சேனைகளுடைய கர்த்தரின் நாமத்திலே உன்னிடத்தில் வருகிறேன்' ( 1 சாமுவேல் 17 : 45 ) என்று அறிக்கையிட்டு அவனை வீழ்த்தினார். 

ஆம் அன்பானவர்களே, இந்த உலகத்தில் கர்த்தராகிய இயேசு கிறிஸ்து நம்மை அனாதைகளாக விட்டுச் செல்லவில்லை. சேனைகளின் கர்த்தராகிய ஜெய கிறிஸ்து உலகத்தின் முடிவுவரை நம்மோடு இருப்பேன் என்று தான் விண்ணகம் செல்லுமுன் வாக்களித்துச் சென்றார்.  ( மத்தேயு 28 : 20 ) அவர் நம்மோடு இருக்கின்றார். 

சாதாரண உலக மக்களைப்போல நாம் வாழ்ந்து கொண்டிருப்போமானால் அவரையும் அவரது உடனிருப்பையும் நாம் உணர்ந்துகொள்ள முடியாது. அப்போஸ்தலரான பவுல் கூறுகின்றார், "நீங்கள் என்னிடத்தில் கற்றும் அடைந்தும் கேட்டும் கண்டும் இருக்கிறவைகளெவைகளோ, அவைகளையே செய்யுங்கள்; அப்பொழுது சமாதானத்தின் தேவன் உங்களோடிருப்பார்." ( பிலிப்பியர் 4 : 9 )

நாம் தேவனைப்பற்றி, அவரது கட்டளைகளைப்பற்றி கற்றிருக்கின்றோம், பல்வேறு தேவ செய்திகள் மூலம் அவரைப்பற்றி கேட்டு அறிந்திருக்கின்றோம். பல்வேறு பரிசுத்தவான்களின் வாழ்க்கைச் சரித்திரத்தையும் அவர்களது வாழ்வையும் அறிந்திருக்கின்றோம்.  அவைகளையே நாம் வாழ்வில் கடைபிடிப்போமானால் அப்பொழுது சமாதானத்தின் தேவன் உங்களோடிருப்பார் என்கின்றார் பவுல் அப்போஸ்தலர். 

இன்று கிறிஸ்தவர்களில் பலர்கூட சிலவேளைகளில் வேத வசனங்களை நம்புவதில்லை. காரணம் அவர்கள் துன்பங்களில், பிரச்சனைகளில் சிக்கித் தவிக்கும்போது அவர்களால் சமாதானத்தின் தேவன் தங்களோடு இருக்கின்றார் என்பதை நம்ப முடியாதுதானே? பொதுவாக மனித மனம் அடுத்தவர்களைக் குறைகூறுவதாகவே இருக்கின்றது. தங்களிடமுள்ள குறைகளை மனிதர்கள் எண்ணிப்பார்ப்பதில்லை. ஆம், அன்பானவர்களே, தேவனுக்கேற்ற வாழ்க்கை வாழும்போது அவர் சேனைகளின் கர்த்தராக நம்மோடு இருப்பார். இல்லாவிட்டால் அவரை நாம் அப்படிக் கண்டுகொள்ள முடியாது. அவரைக் குறைசொல்வதில் அர்த்தமில்லை.

தாய் தந்தையருக்குக் கீழ்ப்படியும் குழந்தைகள் வீட்டின் நன்மையினை அனுபவிக்கும். தான்தோன்றித்தனமாக அலைந்து திரியும் குழந்தைகள் பெற்றோரின் அன்பையும் அவர்களது சொத்துச் சுகங்களையும் அனுபவித்து மகிழ முடியாது. அதுபோல தேவனுக்கேற்ற வாழ்க்கை வாழும்போது அவரை வாழ்வில் அனுபவிக்கலாம். சேனைகளின் கர்த்தர் என்னோடு இருக்கிறார்; யாக்கோபின் தேவன் எனக்கு உயர்ந்த அடைக்கலமானவர் என்று உணர்த்து அறிக்கையிடலாம்.

தேவ செய்தி:- ✍️ சகோ. எம். ஜியோ பிரகாஷ்                                  

                                  LORD OF HOSTS

'AATHAVAN' BIBLE MEDITATION No: - 1,014,                              Tuesday, November 07, 2023

"The LORD of hosts is with us; the God of Jacob is our refuge. " (Psalms 46: 7)

The word "host" in English is now used to refer to a numerous quantity or multitude; like a "host of options." However, historically, it referred to a multitude of warriors. So, it refers to all the heavenly armies under God's command. The people of Israel had many wars. They were sometimes captured by the enemy. The reason is that they failed to obey God's commandments. But the psalmist says, "The Lord of hosts is with us."

Our God is the Lord of hosts. A conqueror of armies. Knowing this, when King David confronted Goliath, he declared, "Thou comest to me with a sword, and with a spear, and with a shield: but I come to thee in the name of the LORD of hosts, the God of the armies of Israel, whom thou hast defied." ( 1 Samuel 17 : 45 ) and defeated him.

Yes beloved, Lord Jesus Christ did not leave us orphans in this world. The Lord of Hosts victorious Christ promised to be with us until the end of the world before He went to heaven. (Matthew 28:20) He is with us.

If we live like ordinary people of the world, we cannot realize Him and His presence. The apostle Paul says, "Those things, which ye have both learned, and received, and heard, and seen in me, do: and the God of peace shall be with you." (Philippians 4: 9)

We have learned about God, His commandments, heard about Him through various God messages. We know the biographies of various saints and their lives. Apostle Paul says that if we follow them in our life then the God of peace will be with you.

Even many Christians today do not believe the scriptures at times. Because when they are stuck in suffering and problems, they can't believe that the God of peace is with them.  In general, the human mind tends to criticize others. People don't care about their flaws. Yes, beloved, when we live God's pleasing life He will be with us as the Lord of hosts. Otherwise, we cannot see him as such. There is no point in blaming Him.

Children who obey their parents will enjoy the benefits of home. Naturally wandering children cannot enjoy the love of their parents and the comforts of their property. Similarly, when you live a life according to God, you can experience Him in your life. Then you can proclaim, “Lord of hosts is with me; I can feel and report that the God of Jacob is my highest refuge”.

God’s Message:- ✍️ Bro. M. Geo Prakash

இருதயத்தில் சுத்தம் / PURITY IN HEART

'ஆதவன்' வேதாகமத் தியானம் - எண்:- 1,013, நவம்பர் 06, 2023 திங்கள்கிழமை

"உம்மிலே பெலன்கொள்ளுகிற மனுஷனும், தங்கள் இருதயங்களில் செவ்வையான வழிகளைக் கொண்டிருக்கிறவர்களும் பாக்கியவான்கள்." ( சங்கீதம் 84 : 5 )

தேவனுக்கென்று நாம் செலுத்தும் பலிகளும் காணிக்கைகளும் அவருக்குப் பெரிதல்ல; மாறாக, நமது இருதயம் சுத்தமாக இருப்பதையே அவர் விரும்புகின்றார். இருதய சுத்தமில்லாமல் செய்யப்படும் விண்ணப்பங்களையும் அவர் கேட்பதில்லை. (ஏசாயா 1:15) தேவன் மனிதர்கள் தன்னை அறிந்து தனக்கு ஏற்ற ஒரு வாழ்க்கை வாழவேண்டுமென்றுதான் விரும்புகின்றார். 

ஒரு மனிதன் கிறிஸ்துவை அறிவதுடன்  நின்றுவிடாமல் நாளுக்குநாள் கிறிஸ்து அனுபவத்தில் வளரவேண்டும். பெலன் அடையவேண்டும். கொரிந்து சபை அப்போஸ்தலரான பவுலால் பல ஆண்டுகள் பல்வேறு அறிவுரைகள் கூறி நடத்தப்பட்டபின்னரும் பலம் அடையவில்லை. (1 கொரிந்தியர் 3: 2)  எனவே அவர்கள் பெலனடையவேண்டுமென்று அவர் அறிவுரை கூறுகின்றார். காரணம், கிறிஸ்துவுக்குள் ஒரு மனிதன் பெலன்கொள்ளும் போதுதான் அவன் பாக்கியவானாக இருப்பான். 

இதனையே இன்றைய தியான வசனத்தில் நாம், "உம்மிலே பெலன்கொள்ளுகிற மனுஷனும், தங்கள் இருதயங்களில் செவ்வையான வழிகளைக் கொண்டிருக்கிறவர்களும் பாக்கியவான்கள்" என வாசிக்கின்றோம். அது என்ன  ஆசீர்வாதம்? அடுத்த வசனத்தில் சங்கீத ஆசிரியர் கூறுகிறார்,  "அழுகையின் பள்ளத்தாக்கை உருவ நடந்து அதை நீரூற்றாக்கிக் கொள்ளுகிறார்கள்; மழையும் குளங்களை நிரப்பும்." ( சங்கீதம் 84 : 6 ) அதாவது வாழ்வின் துன்பங்கள் துயரங்கள் மறைந்து மகிழ்ச்சியடைவார்கள். வறண்ட நிலத்தில் மழைபொழிந்து குளங்களை நிரப்புவதுபோல அவர்கள் வாழ்க்கைச் செழிப்படையும்.

நமது கர்த்தராகிய இயேசு கிறிஸ்துவும் இருதய சுத்தத்தைப்பற்றி கூறும்போது, "இருதயத்தில் சுத்தமுள்ளவர்கள் பாக்கியவான்கள்; அவர்கள் தேவனைத் தரிசிப்பார்கள்." ( மத்தேயு 5 : 8 ) என்றார். அன்பானவர்களே எண்ணிப்பாருங்கள், காணக்கூடாத தேவனை நாம் தரிசிக்கவேண்டுமானால் நமது இருதயம் சிறு குழந்தைகளின் இருதயம்போலச்  சுத்தமாக இருக்கவேண்டும் என்கின்றார். இதனால்தான் சங்கீத ஆசிரியர் இருதயங்களில் செவ்வையான வழிகளைக் கொண்டிருக்கிறவர்கள்  பாக்கியவான்கள் என்று கூறுகின்றார். 

இன்று மனிதர்கள் கடவுளைத் தரிசிக்க ஆலயம் ஆலயமாக ஓடுகின்றார்கள். புனித ஸ்தலங்களுக்குச் செல்கின்றார்கள். பல்வேறு நோன்புகள், உடலை வருத்தும்  பல்வேறுசெயல்களைச் செய்கின்றனர். காணிக்கைகளுக்கும் நேர்ச்சைகளுக்கும குறைவில்லை. ஆனால் இப்படியெல்லாம் செய்தும்  தேவனை அவர்களால் தரிசிக்க முடியவில்லை.  காரணம் இருதய சுத்தமில்லாமை; வைராக்கிய எண்ணங்கள். 

ஆம், இருதயத்தை மாற்றாமல் நாம் செய்யும் எந்தச் செயல்பாடுகள் மூலமும் நாம் தேவனை வாழ்விலே அறிய முடியாது. ஆலயங்களில் முன்னுரிமை பெறுவதில் போட்டியும் பொறாமையும் கொண்ட மனிதர்களைத் தேவன் எப்படிச் சகிக்கமுடியும்? எப்படி அவர்களுக்குத் தன்னை வெளிப்படுத்த முடியும்? தனக்குப் பிடிக்காத ஒருவரை மகள் காதலித்துத் திருமணம் முடித்து விட்டாள் என்பதற்காக மகள் என்றும் பாராமல் படுகொலைச்செய்யும் வைராக்கிய இருதயமுள்ள இரக்கமில்லாத தகப்பன் மற்றவர்களை எப்படி நேசிக்க முடியும்? இத்தகைய மனமுள்ளவர்கள்  எப்படித் தேவனை நெருங்கவோ அவரை அறியவோ முடியும்? ஆனால் அவர்களும் ஜெபிக்கின்றார்கள்!!!

அன்பானவர்களே, தேவனில் பெலன்கொண்டு வளர ஆசைகொண்டு முயலுவோம். அப்படி முயன்று பெலன்கொள்ளுகிற மனுஷனும், தங்கள் இருதயங்களில் செவ்வையான வழிகளைக் கொண்டிருக்கிறவர்களும் உண்மையிலேயே பாக்கியவான்கள். வேத வசனம் வெறுமனே எழுதப்பட்ட கட்டுக்கதையல்ல; வாழ்வில் நிஜமாக பலிக்கும் தேவனுடைய வார்த்தைகள் அவை. 

தேவ செய்தி:- ✍️ சகோ. எம். ஜியோ பிரகாஷ்                  

                                PURITY IN HEART

'AATHAVAN’ BIBLE MEDITATION - No: - 1,013,                       Monday, November 06, 2023

"Blessed is the man whose strength is in thee; in whose heart are the ways of them." (Psalms 84: 5)

The sacrifices and offerings we make to God are not great for Him; Instead, He wants our hearts to be clean. He also does not listen to applications made without purity of heart. (Isaiah 1:15) God wants people to know Him and live a life that suits Him.

A man must not only know Christ but grow in the experience of Christ day by day. Strength should be achieved. The Corinthian church was not strong even after being led by the apostle Paul for many years with various instructions. (1 Corinthians 3:2) So he exhorts them to be strong. Because a man is blessed only when he is blessed in Christ.

This is what we read in today's meditation verse, "Blessed is the man whose strength is in thee; in whose heart are the ways of them.” What blessing is that? In the next verse the psalmist says, "Who passing through the valley of Baca make it a well; the rain also filleth the pools." (Psalms 84: 6) That means the sufferings of life will disappear and they will be happy. Their life flourishes as the rain falls on a dry land and fills the ponds.

Our Lord Jesus Christ also said about purity of heart, "Blessed are the pure in heart: for they shall see God." ( Matthew 5 : 8 ) Beloved, he says, if we want to see the invisible God, our hearts must be as pure as the hearts of little children. This is why the psalmist says that blessed are those who have upright ways in their hearts.

Today people run from temple to temple to visit God. They go to holy places. They perform various fasts and do various things that upset the body. There was no shortage of offerings and greetings. But despite doing all this, they could not see God. The cause is impurity of heart; Jealous thoughts.

Yes, we cannot know God in life by any actions we do without changing our heart. How can God tolerate men who are competitive and jealous of getting priority in temples? How can He expose Him to them? How can a jealous and heartless father love other, who kills his own daughter because she fell in love with someone he didn't like? How can such minded people approach or know God? But they pray too!!!

Beloved, let us strive to grow strong in God. Blessed indeed are the men who strive and gain, and those who have upright ways in their hearts. The scriptures are not simply written fables; They are the words of God that are real.

God’s Message:- ✍️ Bro. M. Geo Prakash

தேற்றரவாளன் / COMFORTER

'ஆதவன்' வேதாகமத் தியானம் - எண்:- 1,012, நவம்பர் 05, 2023 ஞாயிற்றுக்கிழமை

"நான் உங்களுக்கு உண்மையைச் சொல்லுகிறேன்; நான் போகிறது உங்களுக்குப் பிரயோஜனமாயிருக்கும்; நான் போகாதிருந்தால் தேற்றரவாளன் உங்களிடத்தில் வரார்; நான் போவேனேயாகில் அவரை உங்களிடத்திற்கு அனுப்புவேன்." ( யோவான் 16 : 7 )

கிறிஸ்தவர்களாகிய நம்மில் பலருக்கும் பரிசுத்த ஆவியானவரைப்பற்றி சரியான புரிதல் இல்லை என்றுதான் கூறவேண்டும். பலரும் அது ஏதோ ஆவி என்று எண்ணிக்கொள்கின்றனர். ஆவிக்குரிய கூட்டங்களில் கலந்துகொள்ளும்போதுகூட பல கிறிஸ்தவர்கள் பரிசுத்த ஆவிக்காக ஜெபிக்கும்போது வெளியேறிவிடுகின்றனர்.

இதற்குக் காரணம் பல ஆவிக்குரிய சபைகளில் சில விசுவாசிகள் பரிசுத்த ஆவியானவரின் அபிஷேகத்தைப்  பெற்றுவிட்டேன் எனக் கூறி அலறி கூப்பாடுபோட்டுத் தரையில் உருண்டு அமர்களப்படுத்துவதுதான்.  (இது என்ன ஆவி என்று தெரியவில்லை) இது ஏதோ விசித்திரமான ஆவிபோல இருக்கின்றது; நம்மேல் இந்த ஆவி இறங்கினால் நாமும் ஒருவேளை இப்படி ஆகிவிடுவோமோ என்று பலர் அச்சப்படுகின்றனர். ஆம்,  ஆவியானவரைப் பற்றிச் சரியான புரிதல் இல்லாததே இதற்குக் காரணம். 

உண்மையில் அவரை நாம் ஆவியானவர் என்றுதான் கூறவேண்டும். அவர் பிதா குமாரன் போல ஒர் ஆள்தத்துவம் உள்ளவர்.  வேதத்தில் ஆவியானவர் என்றே கூறப்பட்டுள்ளது. இன்றைய தியான வசனத்தில் இயேசு கிறிஸ்துவும், "நான் போவேனேயாகில் அவரை உங்களிடத்திற்கு அனுப்புவேன்"  என்றுதான் கூறுகின்றார்.  ஆவியானவர் ஒரு மனிதனைப்போல ஆள்தத்துவம் உள்ளவர் என்பதால் மனிதர்களைப்போன்ற அனைத்துச் செயல்களையும் அவர் செய்கின்றார். சாதாரண ஒரு ஆவி இப்படிச் செய்யமுடியாது. 

அவர் மனிதனைபோலத் துக்கப்படுகின்றார் - "அன்றியும், நீங்கள் மீட்கப்படும் நாளுக்கென்று முத்திரையாகப் பெற்ற தேவனுடைய பரிசுத்த ஆவியைத் துக்கப்படுத்தாதிருங்கள்." ( எபேசியர் 4 : 30 )

மனிதனைப்போலப்  பேசுகின்றார் - "ஆவியானவர்: நீ போய், அந்த இரதத்துடனே சேர்ந்துகொள் என்று பிலிப்புடனே சொன்னார்." ( அப்போஸ்தலருடைய நடபடிகள் 8 : 29 )

பலவீனத்தால் மனிதர்கள் நமக்கு உதவுவதுபோல உதவுகின்றார் - "அந்தப்படியே ஆவியானவரும் நமது பலவீனங்களில் நமக்கு உதவிசெய்கிறார். ( ரோமர் 8 : 26 )

நமக்காக ஜெபிக்கின்றார் - "நாம் ஏற்றபடி வேண்டிக்கொள்ள வேண்டியதின்னதென்று அறியாமலிருக்கிறபடியால், ஆவியானவர்தாமே வாக்குக்கடங்காத பெருமூச்சுகளோடு நமக்காக வேண்டுதல்செய்கிறார்." ( ரோமர் 8 : 26 )

தாய் தகப்பன் வாங்கித்தரும் தின்பண்டத்தை மூத்தச் சகோதரனோ சகோதரியோ பங்கிட்டுத் தருவதுபோல் வரங்களைப் பங்கிட்டுத் தருகின்றார் - "இவைகளையெல்லாம் அந்த ஒரே ஆவியானவர் நடப்பித்து, தமது சித்தத்தின்படியே அவனவனுக்குப் பகிர்ந்து கொடுக்கிறார்." ( 1 கொரிந்தியர் 12 : 11 )

எல்லாவற்றையும் ஆராய்ந்து அறிகின்றார் - "......அந்த ஆவியானவர் எல்லாவற்றையும், தேவனுடைய ஆழங்களையும் ஆராய்ந்திருக்கிறார்." ( 1 கொரிந்தியர் 2 : 10 )

அன்பானவர்களே, இந்த ஆவியானவரின்  துணையில்லாமல் நாம் வெற்றிகரமான ஆவிக்குரிய வாழ்வு  வாழ முடியாது. "சத்திய ஆவியாகிய அவர் வரும்போது, சகல சத்தியத்திற்குள்ளும் உங்களை நடத்துவார்; அவர் தம்முடைய சுயமாய்ப் பேசாமல், தாம் கேள்விப்பட்டவைகள் யாவையுஞ்சொல்லி, வரப்போகிற காரியங்களை உங்களுக்கு அறிவிப்பார்." ( யோவான் 16 : 13 ) என்று இயேசு கிறிஸ்து கூறியிருக்கின்றாரே ?

அன்பானவர்களே, ஆவியானவரை அறிய ஆர்வம் கொள்ளும்போதுதான் அவரை அறியமுடியும். சாதாரண உலக மனிதர்களைப்போல இருப்போமானால் அவரை அறியவும் அடையவும் முடியாது; ஆவிக்குரிய வாழ்வு வாழ்வும் முடியாது.  "உலகம் அந்தச் சத்திய ஆவியானவரைக் காணாமலும் அறியாமலும் இருக்கிறபடியால் அவரைப் பெற்றுக்கொள்ளமாட்டாது; அவர் உங்களுடனே வாசம்பண்ணி உங்களுக்குள்ளே இருப்பதால், நீங்கள் அவரை அறிவீர்கள்." ( யோவான் 14 : 17 )

இந்தச் சத்திய ஆவியானவரைப் பெற்றுக்கொள்ளத் தாகத்தோடு வேண்டுவோம். அவரை நம்மில் பெறும்போதுதான் நம்மை நாம் கிறிஸ்தவர்கள் என்று கூறிக்கொள்ள முடியும். .

தேவ செய்தி:- ✍️ சகோ. எம். ஜியோ பிரகாஷ்                    

                    COMFORTER 

‘AATHAVAN' BIBLE MEDITATION - No: - 1,012,                            Sunday, November 05, 2023

"Nevertheless, I tell you the truth; It is expedient for you that I go away: for if I go not away, the Comforter will not come unto you; but if I depart, I will send him unto you." ( John 16 : 7 )

It must be said that many of us Christians do not have a proper understanding of the Holy Spirit. Many consider it to be some kind of spirit. Even when attending spiritual meetings, many Christians leave when they pray for the Holy Spirit.

The reason for this is that in many spiritual churches, some believers roll on the floor screaming and crying that they have received the anointing of the Holy Spirit. (It is not known what spirit it is) It is like some strange spirit; Many fear that if this spirit descends upon us, we too may become like this. Yes, it is because of a lack of proper understanding of Holy Spirit.

In fact, we should call him as ‘HE’. He has a personality like the Father and the Son. In the scriptures it is said as ‘him’ to mention the Spirit. In today's meditation verse, Jesus Christ also says, “for if I go not away, the Comforter will not come unto you; but if I depart, I will send him unto you." 

Since the Spirit has a personality like a man, he does all the things that men do. An ordinary spirit cannot do like this.

He grieves lik a man – "And grieve not the holy Spirit of God, whereby ye are sealed unto the day of redemption." (Ephesians 4: 30)

Speaks like a man – "Then the Spirit said unto Philip, Go near, and join thyself to this chariot." (Acts 8: 29)

He helps us as men help us in weakness – "Likewise the Spirit also helpeth our infirmities” (Romans 8:26)

He Prays for us – “For we know not what we should pray for as we ought: but the Spirit itself maketh intercession for us with groanings which cannot be uttered." ( Romans 8 : 26 )

He distributes the gifts as the elder brother or sister distributes the bread bought by the father and the mother – "But all these worketh that one and the selfsame Spirit, dividing to every man severally as he will." (1 Corinthians 12: 11)

Searches and knows all things – "But God hath revealed them unto us by his Spirit: for the Spirit searcheth all things, yea, the deep things of God.” (1 Corinthians 2: 10)

Beloved, we cannot live a successful spiritual life without the companionship of this Spirit. "Howbeit when he, the Spirit of truth, is come, he will guide you into all truth: for he shall not speak of himself; but whatsoever he shall hear, that shall he speak: and he will shew you things to come." (John 16: 13)  (John 16:13) Did Jesus Christ say that?

Beloved, we can know the Spirit only when we are interested in knowing Him. If we are like ordinary worldly people we cannot know and reach Him; we cannot live a spiritual life. "Even the Spirit of truth; whom the world cannot receive, because it seeth him not, neither knoweth him: but ye know him; for he dwelleth with you, and shall be in you.” (John 14: 17)

Let us pray with thirst to receive this Spirit of truth. We can call ourselves Christians only when we have Him in us.

God’s Message:- ✍️ Bro. M. Geo Prakash

ஈசாக் & இஸ்மவேல் / ISAAC & ISHMAEL

'ஆதவன்' வேதாகமத் தியானம் - எண்:- 1,011, நவம்பர் 04, 2023 சனிக்கிழமை

"அதெப்படியென்றால், மாம்சத்தின்படி பிள்ளைகளானவர்கள் தேவனுடைய பிள்ளைகளல்ல, வாக்குத்தத்தத்தின்படி பிள்ளைகளானவர்களே அந்தச் சந்ததி என்றெண்ணப்படுகிறார்கள்." ( ரோமர் 9 : 8 )

ஆபிரகாமின் மகன் இஸ்மவேல் மற்றும் ஈசாக்கினைக்கொண்டு அப்போஸ்தலரான பவுல் இன்றைய தியானத்தில் முக்கியமான வேத உண்மையினை விளக்குகின்றார். 

ஆபிரகாமுக்குத் தேவன் ஒரு மகனை வாக்களித்திருந்தாலும் அவருக்குத் தேவன் வாக்களித்தபடி உடனேயே   குழந்தை பிறக்காததால் அவர் மனைவி சாராள் தனது அடிமைப்பெண் ஆகாரை அவருக்கு மறுமனைவி ஆக்குகின்றாள். அவள் மூலமாவது ஒரு குழந்தை பிறக்கட்டும் என்று எண்ணுகின்றாள். ஆபிரகாமும் அதற்குச் சம்மதிக்கின்றான். அப்படி ஆபிரகாம் ஆகார் மூலம் இஸ்மவேலைப் பெற்றபோது 86 வயதுள்ளவனாக இருந்தார். (ஆதியாகமம் 16;16)

எவ்வளவு பெரிய தீர்க்கதரிசியாக இருந்தாலும் மனிதன்தானே. ஆபிரகாம் இந்த வாரிசு விஷயத்தில் தவறி தேவ சித்தத்துக்கு முரணாகச் செயல்பட்டுவிட்டார். 75 வயதில் ஒரு மகனைத் தேவன் வாக்களித்து அவர் ஏறக்குறைய 10 ஆண்டுகள் காத்திருந்து பின்னர் இந்த முடிவுக்கு வந்தார். ஆனாலும் "ஆபிராம் தொண்ணூற்றொன்பது வயதானபோது, கர்த்தர் ஆபிராமுக்குத் தரிசனமாகி: நான் சர்வவல்லமையுள்ள தேவன்; நீ எனக்கு முன்பாக நடந்துகொண்டு உத்தமனாயிரு. நான் உனக்கும் எனக்கும் நடுவாக என் உடன்படிக்கையை ஏற்படுத்தி, உன்னை மிகவும் திரளாய்ப் பெருகப்பண்ணுவேன் என்றார்." ( ஆதியாகமம் 17 : 1, 2 )

அதன் பின்னர் அவருக்கு ஏறக்குறைய 100 வயதானபோது வாக்குத்தத்தத்தின் மகன் ஈசாக்குப் பிறக்கின்றான். முதலில் பிறந்த இஸ்மவேல் மனித விருப்பத்தின்படிப் பிறந்தவன். பின்னால் பிறந்த ஈசாக்கோ தேவனது வாக்குத்தத்தத்தின்படிப் பிறந்தவன். தேவன் அப்போதே அவர்களை வேறுபிரிக்கத் திட்டம்கொண்டார். எனவே சாராள் மனத்தைத் தூண்டி ஆகாரையும் அவள் மகன் இஸ்மவேலையும் பிரித்து விடுகின்றார்.  சாராள் "ஆபிரகாமை நோக்கி: இந்த அடிமைப்பெண்ணையும் அவள் மகனையும் புறம்பே தள்ளும்; இந்த அடிமைப்பெண்ணின் மகன் என் குமாரனாகிய ஈசாக்கோடே சுதந்திரவாளியாயிருப்பதில்லை என்றாள்." ( ஆதியாகமம் 21 : 10 ) என்று வாசிக்கின்றோம். 

ஆனால் அபிரகாமுக்குத் தன் மகனையும் மறு மனைவியையும் பிரிய வருத்தமாகத்தான் இருந்திருக்கும்.  "அப்பொழுது தேவன் ஆபிரகாமை நோக்கி: அந்தப் பிள்ளையையும், உன் அடிமைப்பெண்ணையும் குறித்துச் சொல்லப்பட்டது உனக்குத் துக்கமாயிருக்க வேண்டாம்; ஈசாக்கினிடத்தில் உன் சந்ததி விளங்கும்; ஆதலால் சாராள் உனக்குச் சொல்வதெல்லாவற்றையும் கேள்." ( ஆதியாகமம் 21 : 12 )என்றார். 

வாக்குத்தத்தத்தின்படி பிறந்தவனே தேவ தயவு பெற்றவன். அப்படியே, "ஆபிரகாம் அதிகாலையில் எழுந்து, அப்பத்தையும் ஒரு துருத்தி தண்ணீரையும் எடுத்து, ஆகாருடைய தோளின்மேல் வைத்துப் பிள்ளையையும் ஒப்புக்கொடுத்து, அவளை அனுப்பிவிட்டான்; அவள் புறப்பட்டுப்போய், பெயர்செபாவின் வனாந்தரத்திலே அலைந்து திரிந்தாள்." ( ஆதியாகமம் 21 : 14 )

அன்பானவர்களே, இந்தச் சம்பவத்தையே அப்போஸ்தலரான பவுல் இன்றைய தியான வசனத்தில் விளக்குகின்றார். அதெப்படியென்றால், மாம்சத்தின்படி பிள்ளைகளானவர்கள் தேவனுடைய பிள்ளைகளல்ல என்கின்றார். அதாவது நாம் ஒரு கிறிஸ்தவ பெற்றோருக்குப் பிள்ளைகளாகப் பிறந்துவிட்டதால் நாம் கிறிஸ்துவுக்கு உரிமையானவர்களாகி விடுவதில்லை.  வாக்குத்தத்தத்தின்படி பிள்ளைகளானவர்களே அந்தச் சந்ததி என்றெண்ணப்படுகிறார்கள். அதாவது முதலில் நாம்  கிறிஸ்துவின் வாக்குத்தத்தங்களுக்கு உரிமையானவர்களாக வேண்டும். அவரது இரத்தத்தால் கழுவப்படும் மீட்பு அனுபவத்தைப் பெறவேண்டும். 

"அவர்கள் ஆபிரகாமின் சந்ததியாரானாலும் எல்லாரும் பிள்ளைகளல்லவே; ஈசாக்கினிடத்தில் உன் சந்ததி விளங்கும் என்று சொல்லியிருக்கிறதே." ( ரோமர் 9 : 7 ) அதாவது பெயரளவில் எல்லோருமே கிறிஸ்தவர்கள் என்று கூறப்பட்டாலும் எல்லோரும் கிறிஸ்தவர்களல்ல; ஈசாக்கைபோல கிறிஸ்துவின் வாக்குத்தத்தங்களுக்கு உரிமையானவர்களே கிறிஸ்தவர்கள்.  ஆம், வாக்குத்தத்தத்தின்படி பிள்ளைகளானவர்களே அந்தச் சந்ததி என்றெண்ணப்படுகிறார்கள். என்கின்றார் பவுல்.

ஆழமான இறையியல் உண்மையான இந்தச் சத்தியம் நாம் ஆவிக்குரிய மறுபிறப்பு அடையும்போதே முற்றிலுமாகப் புரியும். அந்த அனுபவத்தை நாம் பெறுவதற்கு முயலவேண்டும். வெறுமனே ஆராதனைக் கிறிஸ்தவர்களாக வாழ்ந்துகொண்டிருப்போமானால் நாம் இன்னும் இஸ்மாயிலைப்போல மாம்சத்தின்படி பிள்ளைகளானவர்களாகவே இருப்போம்; அப்போது நாம்  தேவனுடைய பிள்ளைகளல்ல, நாம் கிறிஸ்தவர்கள் என்று கூறிக்கொண்டாலும் கிறிஸ்துவின் பார்வையில் நாம் கிறிஸ்தவர்களல்ல.  கிறிஸ்துவின் வாக்குத்தத்தங்களுக்கு உரிமையானவர்களே கிறிஸ்தவர்கள்.  ஆம் அப்படி உரிமை வாழ்வைப் பெறுவதற்கு நம் பாவங்கள் மன்னிக்கப்பட கிறிஸ்துவுக்கு நம்மை ஒப்படைக்க வேண்டியதே நாம் செய்ய வேண்டியது. 

தேவ செய்தி:- ✍️ சகோ. எம். ஜியோ பிரகாஷ்            

             ISAAC & ISHMAEL

‘AATHAVAN' BIBLE MEDITATION - No:- 1,011                                          Saturday, November 04, 2023

"That is, They which are the children of the flesh, these are not the children of God: but the children of the promise are counted for the seed." (Romans 9: 8)

Apostle Paul explains an important scriptural truth in today's meditation with Abraham's son Ishmael and Isaac.

Although God had promised Abraham a son, his wife Sarah made her slave girl Hagar his second wife because he did not have a child as promised by God. She thinks that at least one child will be born through her. Abraham also agrees to it. Abraham was 86 years old when he fathered Ishmael through Hagar. (Genesis 16:16)

No matter how great a prophet is, he is only human. Abraham failed in this matter of inheritance and acted contrary to God's will. God promised a son at the age of 75 and he waited for almost 10 years before coming to this conclusion. Yet "when Abram was ninety years old and nine, the LORD appeared to Abram, and said unto him, I am the Almighty God; walk before me, and be thou perfect. And I will make my covenant between me and thee, and will multiply thee exceedingly." (Genesis 17: 1,2)

After that, when he was about 100 years old, the son of promise, Isaac, was born. The first-born Ishmael was born according to human will. Isaac, who was born later, was born according to God's promise. God planned to separate them right then and there. So, Sarah tempts and separates Hagar and her son Ishmael. And Sarah said unto Abraham, "Cast out this bondwoman and her son: for the son of this bondwoman shall not be heir with my son, even with Isaac." (Genesis 21: 10) we read.

But it must have been sad for Abraham to part with his son and second wife. "And God said unto Abraham, Let it not be grievous in thy sight because of the lad, and because of thy bondwoman; in all that Sarah hath said unto thee, hearken unto her voice; for in Isaac shall thy seed be called." (Genesis 21: 12)

He who is born according to the promise is favored by God. Thus, "And Abraham rose up early in the morning, and took bread, and a bottle of water, and gave it unto Hagar, putting it on her shoulder, and the child, and sent her away: and she departed, and wandered in the wilderness of Beersheba." (Genesis 21: 14)

Beloved, this is what the Apostle Paul explains in today's meditation verse. That is to say, those who are children according to the flesh are not children of God. That is, just because we are born as children of Christian parents does not make us rightful to Christ. Those who are children according to the promise are counted as that seed. That is, first we must be entitled to the promises of Christ. To experience the redemption of being washed by His blood.

"Neither, because they are the seed of Abraham, are they all children: but, In Isaac shall thy seed be called." (Romans 9: 7) That is, although nominally everyone is said to be a Christian, not everyone is a Christian; Christians, like Isaac, are entitled to the promises of Christ. Yes, those who are children according to the promise are counted as that seed. Paul said.

This profound theological truth becomes fully understood only when we are spiritually reborn. We should try to get that experience. If we simply live as worshipful Christians, we will still be children of the flesh like Ishmael; Then we are not God's children, even though we claim to be Christians, we are not Christians in the eyes of Christ. Christians are entitled to the promises of Christ. Yes, all we have to do is surrender ourselves to Christ to have our sins forgiven in order to have such a righteous life.

God’s Message:- ✍️ Bro. M. Geo Prakash                

அவர் என்னைக் கொன்றுபோட்டாலும் / THOUGH HE SLAYS ME

 'ஆதவன்' வேதாகமத் தியானம் - எண்:- 1,010, நவம்பர் 03, 2023 வெள்ளிக்கிழமை

"கிறிஸ்துவின் அன்பைவிட்டு நம்மைப் பிரிப்பவன் யார்? உபத்திரவமோ, வியாகுலமோ, துன்பமோ, பசியோ, நிர்வாணமோ. நாசமோசமோ, பட்டயமோ? இவையெல்லாவற்றிலேயும் நாம் நம்மில் அன்புகூருகிறவராலே முற்றும் ஜெயங்கொள்ளுகிறவர்களாயிருக்கிறோமே." ( ரோமர் 8 : 36, 37 )

இந்த உலகத்தில் பிறந்துள்ள நாம் அனைவருமே இன்பத்தையும் துன்பத்தையும் அனுபவித்துத்தான் ஆகவேண்டும். எப்போதும் இன்பமாகவே இருப்பதில்லை. அதுபோல, துன்பம் வந்தாலும் அதுவும் கடந்துபோகும். கிறிஸ்தவ வாழ்வில் துன்பத்தைக் கடந்திட ஒரே வழி கர்த்தராகிய இயேசுவைப் பற்றிக்கொள்வதுதான்.  நாம் அவருக்கேற்ற வாழ்க்கை வாழும்போது நம்மேல் அவர் அன்பு கொள்கின்றார். அவர்மூலம் நாம் துன்பத்தை மேற்கொள்ளமுடியும். எனவேதான் பவுல் அப்போஸ்தலர், நாம் நம்மில் அன்புகூருகிறவராலே முற்றும் ஜெயங்கொள்ளுகிறவர்களாயிருக்கிறோம் என்கின்றார். 

எனவே அன்பானவர்களே, தேவனுக்கேற்ற வாழ்க்கை வாழும்போதும் துன்பங்கள் வருமானால் நாம் கலங்கவேண்டியதில்லை. நாம் முற்றிலும் ஜெயம் கொள்ள அவர் உதவுவார். காரணம் அவர் நம்மேல் அன்புகொண்டுள்ளார்.

மேலும், தேவனுக்கு உகந்த வாழ்க்கை வாழும்போது நமக்கு நேரிடும் சோதனைகளிலிருந்து தப்பித்துக்கொள்ளும் போக்கையும் அவர் உண்டாக்குவார் என்கின்றார் பவுல் அப்போஸ்தலர். "மனுஷருக்கு நேரிடுகிற சோதனையேயல்லாமல் வேறே சோதனை உங்களுக்கு நேரிடவில்லை. தேவன் உண்மையுள்ளவராயிருக்கிறார்; உங்கள் திராணிக்கு மேலாக நீங்கள் சோதிக்கப்படுகிறதற்கு அவர் இடங்கொடாமல், சோதனையைத் தாங்கத்தக்கதாக, சோதனையோடுகூட அதற்குத் தப்பிக்கொள்ளும்படியான போக்கையும் உண்டாக்குவார்." ( 1 கொரிந்தியர் 10 : 13 )

இன்று நாம் பத்திரிகைச் செய்திகளைப் படிக்கும்போது தேவையற்ற சில சிறிய காரணங்களுக்காகப்  பலர் தற்கொலை செய்து மடிவத்தைக் காண்கின்றோம். பெரியவர்கள் முதல் பள்ளியில் படிக்கும் குழந்தைகள்வரை இப்படித் தற்கொலை செய்து மடிகின்றனர்.  தேவனுக்கு வாழ்வில் இடம்கொடுக்காததே இதற்குக் காரணம். கிறிஸ்துவுக்கு நமது  வாழ்க்கையில் இடம்கொடுப்போமேயானால்,  உபத்திரவமோ, வியாகுலமோ, துன்பமோ, பசியோ, நிர்வாணமோ. நாசமோசமோ, பட்டயமோ? இவையெல்லாவற்றிலேயும் நாம் நம்மில் அன்புகூருகிற அவராலே வெற்றிபெறமுடியும்.  

தேவன் மேல் நம்பிக்கை வைக்கும்போது நாம் தேவ வசனங்களை நம்புவோம். அவர் பொய் சொல்பவரல்ல என்று அறிந்துகொள்வோம்.  இன்றைய தியான வசனத்தில் அப்போஸ்தலரான பவுல் வெறுமனே ஜெயம் கொள்கிறவர்களாயிருக்கிறோம் என்று கூறாமல், "முற்றிலும்" என்று கூறுகின்றார். தேவன் எல்லாவற்றிலும் பூரணமானவர். அவரிடம் குறைவு கிடையாது. எனவே அவர்மூலம் நாம் பெறும்  ஜெயம் முற்றிலுமான ஜெயமாக இருக்கும்.  

யோபுவின் துன்பங்களைவிட அதிகத் துன்பம் நமக்கு வந்துவிடவில்லை. தேவனைப் பழித்து உயிரைவிடும் என்று அவரது மனைவியே கூறக்கூடிய நிலையிலும், யோபு அவளுக்குப் பதிலாக, "நீ பயித்தியக்காரி பேசுகிறதுபோலப் பேசுகிறாய்; தேவன் கையிலே நன்மையைப் பெற்ற நாம் தீமையையும் பெறவேண்டாமோ என்றான்" ( யோபு 2 : 10 )

"அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்;" ( யோபு 13 : 15 ) என்பதே யோபுவின் விசுவாச அறிக்கை. அதற்கேற்ப தேவன் அவரை இரண்டு  மடங்கு ஆசீர்வாதத்தினால் நிரப்பினார். தேவனில் மெய்யான அன்பு கூருவோம்; அப்போது,  நம்மில் அன்புகூருகிற அவராலே முற்றும் ஜெயங்கொள்ளுகிறவர்களாயிருப்போம்.  

தேவ செய்தி:- ✍️ சகோ. எம். ஜியோ பிரகாஷ்        

              THOUGH HE SLAYS ME

'AATHAVAN' BIBLE MEDITATION - No:- 1,010,                              Friday, November 03, 2023

“Who shall separate us from the love of Christ? shall tribulation, or distress, or persecution, or famine, or nakedness, or peril, or sword? As it is written, For thy sake we are killed all the day long; we are accounted as sheep for the slaughter, Nay, in all these things we are more than conquerors through him that loved us.” (Romans 8: 35-37)

All of us who are born in this world must experience pleasure and pain. It is not always pleasant. Similarly, even if suffering comes, it will pass. The only way to overcome suffering in the Christian life is to cling to the Lord Jesus. He loves us when we live according to Him. Through Him we can bear suffering. That is why the apostle Paul says that we are overcomers through him who loves us.

So dear ones, we don't have to worry if suffering comes even when we are living a godly life. He will help us to overcome completely. Because He loves us.

Also, the Apostle Paul says that when we live a life that is right for God, He will make us escape from the temptations that come our way. "There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it." ( 1 Corinthians 10 : 13 )

Today, when we read the press reports, we see many suicides due to some trivial reason. From adults to children studying in school, they commit suicide. The reason for this is not giving God a place in life. If we give place to Christ in our life, tribulation, separation, suffering, hunger, nirvana. Vandalism or charter? In all these things we can overcome through Him who loves us.

When we believe in God, we believe God's words. Let us know that he is not a liar. In today's meditation, the apostle Paul does not simply say that we are overcomers, but "completely". God is perfect in everything. He has no shortage. So, the victory we get through him will be absolute victory.

No more suffering has befallen us than the sufferings of Job. Even though his wife said, “curse God and die”, Job instead of her said, "Thou speakest as one of the foolish women speaketh. What? shall we receive good at the hand of God, and shall we not receive evil?" (Job 2: 10)

"Though he slays me, yet will I trust in him: “(Job 13: 15) is Job's declaration of faith. Accordingly, God showered him with a double blessing. Let us have true love in God; Then we will be completely overcomers by him who loves us.

 God’s Message:- ✍️ Bro. M. Geo Prakash

கிருபையினால் மீட்பு / SALVATION BY GRACE

'ஆதவன்' வேதாகமத் தியானம் - எண்:- 1,009, நவம்பர் 02, 2023 வியாழக்கிழமை

"நாம் செய்த நீதியின் கிரியைகளினிமித்தம் அவர் நம்மை இரட்சியாமல், தமது இரக்கத்தின்படியே, மறுஜென்மமுழுக்கினாலும், பரிசுத்த ஆவியினுடைய புதிதாக்குதலினாலும் நம்மை இரட்சித்தார்." ( தீத்து 3 : 5 )

பரிசுத்தரான  தேவனின் முன்னிலையில் நாம் எல்லோருமே தூய்மையற்றவர்களே. மனிதர்களாகிய நாம் பல நீதிச் செயல்களைச்  செய்யலாம். ஆனால், அந்த நீதிச் செயல்களைப்பார்த்து அவர் நம்மை இரட்சிப்பதில்லை. காரணம், மனித நீதிகள் பலவும் அவர் பார்வையில் அழுக்கான கந்தையைப்போல இருகின்றது என்று ஏசாயா கூறுகின்றார். "நாங்கள் அனைவரும் தீட்டானவர்கள்போல இருக்கிறோம்; எங்களுடைய நீதிகளெல்லாம் அழுக்கான கந்தைபோல இருக்கிறது, நாங்கள் அனைவரும் இலைகளைப்போல் உதிருகிறோம்; எங்கள் அக்கிரமங்கள் காற்றைப்போல் எங்களை அடித்துக்கொண்டுபோகிறது." ( ஏசாயா 64 : 6 )

ஆம் தேவன் நம்மை இரட்சிப்பது நமது நீதிச் செயல்கலைப் பார்த்தோ நாம் வாழும் உண்மையான வாழ்வைப் பார்த்தோ அல்ல. அப்படிப் பார்த்தாரானால் பாவம் செய்து இனி நமக்கு இரட்சிப்பே இல்லை என்று வாழும் பாவ மனிதர்கள் தேவனை அறிய முடியாது. ஆம், அவர் பாவிகளை நேசிக்கின்ற தேவன். அவர் பாவத்தை வெறுக்கின்றார் ஆனால் பாவிகளையோ நேசிக்கின்றார். எனவேதான் அப்போஸ்தலரான பவுல் தனது சீடனான தீமோத்தேயுக்கு எழுதும்போது பின்வருமாறு கூறுகின்றார்:- 

"அவர் நம்முடைய கிரியைகளின்படி நம்மை இரட்சிக்காமல், தம்முடைய தீர்மானத்தின்படியும், ஆதிகாலமுதல் கிறிஸ்து இயேசுவுக்குள் நமக்கு அருளப்பட்ட கிருபையின்படியும், நம்மை இரட்சித்து, பரிசுத்த அழைப்பினாலே அழைத்தார்."( 2 தீமோத்தேயு 1 : 9 )

அதாவது அவர் நாம் நல்லதே செய்ததால் அவர் நம்மை இரட்சிக்கவில்லை, மாறாக நாம் அவர்மேல் விசுவாசம்கொள்ளும்போது  தனது இரக்கத்தால் நம்மை இரட்சிகின்றார். இதனையே அப்போஸ்தலரான பவுல், "கிருபையினாலே விசுவாசத்தைக் கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு;" ( எபேசியர் 2 : 8 ) என்று கூறுகின்றார். 

அன்பானவர்களே, ஒருவேளை நாம்  வாழ்வில் நல்லவைகளையே செய்துகொண்டிருக்கலாம். ஆனால் அந்த நல்லச் செயல்கள் நம்மை இரட்சிக்காது. இந்த உலகத்தில் கோடிக்கணக்கான பிற மத நம்பிக்கைகொண்ட மனிதர்கள் வாழ்கின்றார்கள். அவர்களில் பலர் நல்லதே செய்து தேவ பக்தியுள்ளவர்களாக வாழ்கின்றனர். ஆனால் இரட்சிப்படைய அது போதாது. ஏற்கெனவே நாம் பார்த்தபடி அவை மனித நீதிகள். அவற்றில் பலவும் அழுக்கான கந்தையைபோன்றவை. நாம் தேவ நீதியின்படி வாழவேண்டுமானால் கர்த்தராகிய இயேசு கிறிஸ்துவை விசுவாசித்து மீட்படையவேண்டியது அவசியம்.

ஒருவேளை பாவ வாழ்க்கையே இதுவரை வாழ்ந்திருப்போமானால் கவலைப் படவேண்டாம். கிறிஸ்துவின் இரக்கத்துக்கு வேண்டுவோம். எல்லா ஜெபத்தைவிடவும்  ஒரு பாவி மனம்திரும்ப ஜெபிக்கும் ஜெபத்தை தேவன் அதிகம் விரும்புகின்றார்.   ஆம், இன்றைய தியான வசனம் கூறுவதன்படி, நாம் செய்த நீதியின் கிரியைகளினிமித்தம் அவர் நம்மை இரட்சியாமல், தமது இரக்கத்தின்படியே, மறுஜென்மமுழுக்கினாலும், பரிசுத்த ஆவியினுடைய புதிதாக்குதலினாலும் நம்மை இரட்சிக்கின்றார்.

நாம் நல்ல வாழ்க்கை வாழ்ந்தாலும், பாவ வாழ்க்கையே வாழ்ந்திருந்தாலும் அவரது கிருபைக்காக வேண்டுதல் செய்வோம். இதுவரை நாம் அனுபவித்திராத மேலான இரட்சிப்பு அனுபவத்தால் நம்மை அவர் நிரப்பி நடத்துவார். ஆம், தேவ கிருபையினால்தான் மீட்பு உண்டாகின்றது.

தேவ செய்தி:- ✍️ சகோ. எம். ஜியோ பிரகாஷ்  

'AATHAVAN' BIBLE MEDITATION No:- 1,009,                     Thursday, November 02, 2023

"Not by works of righteousness which we have done, but according to his mercy he saved us, by the washing of regeneration, and renewing of the Holy Ghost;" (Titus 3: 5)

We are all impure in the presence of a holy God. As humans we can do many righteous deeds. But He does not save us by looking at those righteous deeds. Because Isaiah says that many human righteousnesses are like filthy rags in his eyes. "But we are all as an unclean thing, and all our righteousnesses are as filthy rags; and we all do fade as a leaf; and our iniquities, like the wind, have taken us away." (Isaiah 64: 6)

Yes, God saves us not by our righteous deeds or by the true life we live. If He look at it like that, sinful people who live in sin and think that there is no salvation for us, cannot know God. Yes, He is a God who loves sinners. He hates sin but loves sinners. That is why the Apostle Paul, when writing to his disciple Timothy, says the following: -

"Who hath saved us, and called us with an holy calling, not according to our works, but according to his own purpose and grace, which was given us in Christ Jesus before the world began," (2 Timothy 1: 9)

That is, He does not save us because we have done good, but He saves us out of His mercy when we believe in Him. This is what the apostle Paul said, "For by grace are ye saved through faith; and that not of yourselves: it is the gift of God:" (Ephesians 2: 8)

Beloved, perhaps we are doing good things in life. But those good works do not save us. There are millions of other religious people living in this world. Many of them do good and live pious lives. But that is not enough to be saved. As we have already seen, they are human rights. Many of them are like filthy rags. If we want to live according to God's justice, it is necessary to believe in the Lord Jesus Christ and be saved.

Don't worry if you have lived a sinful life so far. Let us pray for the mercy of Christ. God loves the prayer of a sinner's repentance above all prayer. Yes, according to today's meditation verse, He does not save us because of the works of righteousness that we have done, but according to His mercy, He saves us through regeneration and the renewal of the Holy Spirit.

Let us pray for His grace whether we have lived a good life or a sinful life. He will fill us with an experience of salvation beyond what we have ever experienced. Yes, salvation is by God's grace.

God’s Message:- ✍️ Bro. M. Geo Prakash

கிறிஸ்துவின் உடலும் இரத்தமும் / BODY AND BLOOD OF CHRIST

 'ஆதவன்' வேதாகமத் தியானம் - எண்:- 1008, நவம்பர் 01, 2023 புதன்கிழமை

"என் மாம்சத்தைப் புசித்து, என் இரத்தத்தைப் பானம்பண்ணுகிறவன் என்னிலே நிலைத்திருக்கிறான், நானும் அவனிலே நிலைத்திருக்கிறேன்." ( யோவான் 6 : 56 )

இயேசு தேவனுடைய குமாரன் என்று விசுவாசிப்பதும் அறிவதும்தான் அவரைப் புசிப்பதும் இரத்தத்தைக் குடிப்பதும். அப்படி விசுவாசித்து ஏற்றுக்கொண்டு அவரில் நிலைத்திருக்கின்றவனே அவரோடும் நிலைத்திருப்பான். அப்படி நிலைத்திருக்கும் மனிதனிடம் நானும் வந்து தங்கியிருப்பேன் என்கின்றார் இயேசு கிறிஸ்து. 

ஆனால் அவரோடு இருந்த பலச்  சீடர்கள் இயேசு கிறிஸ்து கூறிய இன்றைய தியானத்துக்குரிய வசனத்தைக் கேட்டுத் திகைப்படைந்தார்கள். அவர்களது ஆவிக்குரிய குருட்டுத் தன்மை உண்மையினை அறியவிடாதபடி அவர்களைத் தடுத்துவிட்டது. 

"என்ன, இந்த மனிதனை நம்பி பின்பற்றினால் அவரது உடலைத் தின்று இரத்தத்தைக் குடிக்கவேண்டும் என்றுகூறுகின்றாரே? நம்மை நரமாமிசம் உண்ணும் காட்டுவாசிகள் என்று இவர் நினைத்துவிட்டாரா?"  என்று ஒருவேளை அவர்கள் எண்ணியிருப்பார்கள்.  எனவே இயேசு கூறிய வார்த்தைகளைக் கேட்டுத் திகைத்து அவரைவிட்டு விலகினார்கள். "அதுமுதல் அவருடைய சீஷரில் அநேகர் அவருடனேகூட நடவாமல் பின்வாங்கிப்போனார்கள்." ( யோவான் 6 : 66 ) என்று வாசிக்கின்றோம். 

கிறிஸ்துவின் உடலைப் புசிப்பது, அவருடைய இரத்தத்தைக் குடிப்பது என்பவை ஆவிக்குரிய அர்த்தத்தில் இயேசு கிறிஸ்து கூறியவை. "ஆவியே உயிர்ப்பிக்கிறது, மாம்சமானது ஒன்றுக்கும் உதவாது; நான் உங்களுக்குச் சொல்லுகிற வசனங்கள் ஆவியாயும் ஜீவனாயும் இருக்கிறது." ( யோவான் 6 : 63 ) என்று இயேசு கிறிஸ்துத் தெளிவுபடுத்தினார். 

அவரோடிருந்த பன்னிரண்டு சீடர்களும் இதனைப் புரிந்துகொண்டார்கள். எனவே அவர்களது சார்பில் அப்போஸ்தலரான பேதுரு கூறுகின்றார், "நீர் ஜீவனுள்ள தேவனுடைய குமாரனாகிய கிறிஸ்து என்று நாங்கள் விசுவாசித்தும் அறிந்தும் இருக்கிறோம்." ( யோவான் 6 : 69 ) ஆம், இயேசு தேவனுடைய குமாரன் என்று விசுவாசிப்பதும் அறிவதும்தான் அவரைப் புசிப்பதும் இரத்தத்தைக் குடிப்பது என்று பேதுருவும் மற்றச் சீடர்களும் அறிந்துகொண்டனர். 

ஆம் அன்பானவர்களே, நாம் கிறித்துவை தேவனுடைய குமாரன் என்று அறிந்தும் விசுவாசித்தும்   இருப்பதை  நாம் நற்கருணை உண்ணும்போது அல்லது இராப்போஜனம் எனும் பரிசுத்த பந்தியில் பங்கெடுக்கும்போது அறிக்கையிடுகின்றோம். 

ஆனால் வெறுமனே கடமைக்காக இப்படிச் செய்வோமானால் நாம் அவரை அவமதிக்கின்றோம் என்று பொருள். பரிசுத்தரான அவரை நமது வாழ்வில் பரிசுத்தமில்லாமல் நாம் ஏற்றுக்கொள்ளமுடியாது; அவரும் நம்மில் குடிவரமாட்டார். மாறாகத் தகுதியில்லாமல் அவரது உடலை உண்போமானால் நமக்கு நாமே கேடு வருவித்துக்கொள்கின்றோம் என்று  பொருள். 

"எந்த மனுஷனும் தன்னைத்தானே சோதித்தறிந்து, இந்த அப்பத்தில் புசித்து, இந்தப் பாத்திரத்தில் பானம்பண்ணக்கடவன். என்னத்தினாலெனில் அபாத்திரமாய்ப் போஜனபானம்பண்ணுகிறவன், கர்த்தருடைய சரீரம் இன்னதென்று நிதானித்து அறியாததினால், தனக்கு ஆக்கினைத்தீர்ப்பு வரும்படி போஜனபானம் பண்ணுகிறான். இதினிமித்தம், உங்களில் அநேகர் பலவீனரும் வியாதியுள்ளவர்களுமாயிருக்கிறார்கள்; அநேகர் நித்திரையும் அடைந்திருக்கிறார்கள். நம்மை நாமே நிதானித்து அறிந்தால் நாம் நியாயந்தீர்க்கப்படோம். ( 1 கொரிந்தியர் 11 : 28 - 31 )

கிறிஸ்துவின் உடலையும் இரத்தத்தையும் உண்ணுமுன் நம்மை நாமே நிதானித்துப் பார்த்துக்கொள்வோம். நமது மனச்சாட்சி குற்றமில்லை என நமக்கு உணர்த்துமானால் மட்டுமே நற்கருணை விருந்தில் பங்கெடுப்போம். 

தேவ செய்தி:- ✍️ சகோ. எம். ஜியோ பிரகாஷ்       

   BODY AND BLOOD OF CHRIST

'AATHAVAN' BIBLE MEDITATION - No: - 1008,            Wednesday, November 01, 2023

"He that eateth my flesh, and drinketh my blood, dwelleth in me, and I in him." ( John 6 : 56 )

To believe and know that Jesus is the Son of God is to eat and drink His blood. He who thus believes and accepts, He will abide in Him and that man will abide with Jesus. Jesus Christ says that I will come and stay with the man who remains like that.

But many of the disciples who were with him were astonished to hear today’s meditational verse spoken by Jesus Christ. Their spiritual blindness prevented them from knowing the truth.

"What, does he say that if we believe and follow this man, we must eat his body and drink his blood? Does he think we are cannibalistic savages?" They probably thought that. So, when they heard Jesus' words, they were shocked and turned away from him. "From that time many of his disciples went back, and walked no more with him." (John 6: 66) we read.

Eating Christ's body and drinking His blood are what Jesus Christ said in a spiritual sense. "It is the spirit that quickeneth; the flesh profiteth nothing: the words that I speak unto you, they are spirit, and they are life." (John 6: 63) Jesus Christ made it clear.

The twelve disciples with him understood this. Therefore, the apostle Peter says on their behalf, "And we believe and are sure that thou art that Christ, the Son of the living God." (John 6: 69) Yes, Peter and the other disciples learned that to believe and know that Jesus is the Son of God is to eat and drink His blood.

Yes, beloved, we confess that we know and believe that Christ is the Son of God when we eat the Eucharist or partake of the Holy Supper.

But if we do this simply out of duty, it means that we are dishonouring Him. We cannot accept Him who is holy without holiness in our lives; He also will not come among us. On the contrary, if we eat his body without merit, it means that we are harming ourselves.

"But let a man examine himself, and so let him eat of that bread, and drink of that cup. For he that eateth and drinketh unworthily, eateth and drinketh damnation to himself, not discerning the Lord's body. For this cause many are weak and sickly among you, and many sleep. For if we would judge ourselves, we should not be judged." (1 Corinthians 11: 28 - 31)

Before we partake of Christ's body and blood, let's take care of ourselves. Let us partake of the Eucharistic meal only if our consciences clear us of guilt.

God’s Message:- ✍️ Bro. M. Geo Prakash