ஆவிக்குரிய யுத்தம் / SPIRITUAL WAR

ஆதவன் 🔥 973🌻 செப்டம்பர் 27, 2023 புதன்கிழமை

"நீ உன் சத்துருக்களுக்கு எதிராக யுத்தஞ்செய்யப் புறப்பட்டுப்போகையில், குதிரைகளையும், இரதங்களையும், உன்னிலும் பெரிய கூட்டமாகிய ஜனங்களையும் கண்டால், அவர்களுக்குப் பயப்படாயாக; உன்னை எகிப்து தேசத்திலிருந்து புறப்படப்பண்ணின உன் தேவனாகிய கர்த்தர் உன்னோடே இருக்கிறார்." ( உபாகமம் 20 : 1 )

பழைய ஏற்பாட்டுச் சம்பவங்கள் இஸ்ரவேல் மக்களது சரித்திரமாக அவர்களது வாழ்க்கையில் தேவன் நடப்பித்தக் காரியங்களாக இருந்தாலும் அவைகளை நாம் இக்காலத்துக்கேற்ப நமது ஆவிக்குரிய வாழ்வில்  பொருத்திப்  பார்க்கவேண்டும்.  அவைகள் நமது ஆவிக்குரிய வாழ்கைக்காகவே வேதத்தில் பதிவுசெய்யப்பட்டுள்ளன. எகிப்தியரிடமிருந்து மீட்கப்பட்டு கானானை நோக்கிப் பயணமான இஸ்ரவேலரின் வாழ்க்கையில் நடந்த சம்பவங்களை விபரித்துவிட்டு அப்போஸ்தலரான பவுல் கூறுகின்றார்,  "இவைகளெல்லாம் திருஷ்டாந்தங்களாக அவர்களுக்குச் சம்பவித்தது; உலகத்தின் முடிவுகாலத்திலுள்ள நமக்கு எச்சரிப்புண்டாக்கும்படி எழுதப்பட்டும் இருக்கிறது." ( 1 கொரிந்தியர் - 10 : 11 )

எல்லாச் சம்பவங்களும் இப்படியே. அதுபோலவே இன்றைய வசனத்தையும் நாம் எடுத்துக்கொள்ளவேண்டும். நமக்கு எதிராக யுத்தம் செய்ய புறப்பட்டு வரும் குதிரை, இரதங்கள், பெரிய ஜனக்கூட்டம் என்பவைகள்  ஆவிக்குரிய வாழ்வில் நம்மை கவிழ்த்துப்போட வரும் துன்பங்களும், பாவச் சூழ்நிலைகளும் சாத்தானின் வல்லமைகளும்தான்.  அவைகளுக்குப் கண்டு பயப்படாமல் ஆவிக்குரிய வாழ்வை நாம் தொடரவேண்டும். நமது கர்த்தராகிய இயேசு கிறிஸ்து நம்மோடு இருக்கிறார். 

ஆவிக்குரிய வாழ்வில் நமது போராட்டங்களைக் குறித்து அப்போஸ்தலரான பவுல், "ஏனெனில், மாம்சத்தோடும் இரதத்தோடுமல்ல, துரைத்தனங்களோடும், அதிகாரங்களோடும், இப்பிரபஞ்சத்தின் அந்தகார லோகாதிபதிகளோடும், வானமண்டலங்களிலுள்ள பொல்லாத ஆவிகளின் சேனைகளோடும் நமக்குப் போராட்டம் உண்டு." ( எபேசியர் 6 : 12 ) என்று கூறுகின்றார். 

எனவே ஆவிக்குரிய வாழ்வில் நம்மைத் தொடரும் இத்தகைய சத்துருக்களை மேற்கொள்ள நாம் தயாராக இருக்கவேண்டும்.  "ஆகையால், தீங்குநாளிலே அவைகளை நீங்கள் எதிர்க்கவும், சகலத்தையும் செய்துமுடித்தவர்களாய் நிற்கவும் திராணியுள்ளவர்களாகும்படிக்கு, தேவனுடைய சர்வாயுதவர்க்கத்தையும் எடுத்துக்கொள்ளுங்கள்." ( எபேசியர் 6 : 13 ) என்கின்றார் பவுல். அந்தச் சர்வாயுதங்களை நாம் எபேசியர் 6 : 14 - 18  வசனங்களில் வாசித்து அறியலாம். (இவைகளை பல தியானங்களில் விரிவாக குறிப்பிட்டுள்ளேன்)

கிறிஸ்துவுக்கேற்ற வாழ்க்கை வாழும்போது அவர் நம்மோடு இருக்கின்றார் எனும் தைரியமும் உறுதியும் நமக்கு ஏற்படும். அந்த உறுதி நமக்கு ஏற்படும்போது நமது ஆவிக்குரிய வாழ்வின் சத்துருக்களுக்கு எதிராக நாம்  யுத்தஞ்செய்யப் புறப்பட்டுப்போகையில், அவைகள் குதிரை போன்ற வீரியமுள்ளவையாக இருந்தாலும், இரதங்கள் போல மகா பெரியவையாக இருந்தாலும், நம்மிலும் பெரிய கூட்டமாகிய ஜனக்கூட்டம் போல அடுக்கடுக்கான துன்பங்களாக இருந்தாலும் நாம் அவைகளுக்குப் பயப்படாமல் இருக்க முடியும். 

அப்போது, நம்மை  எகிப்து எனும் பழைய பாவ வாழ்க்கை  தேசத்திலிருந்து புறப்படப்பண்ணி பரம கானானை நோக்கி வழிநடத்தும் நம் தேவனாகிய கர்த்தர் நம்மோடே இருக்கிறார் எனும் உறுதி ஏற்படும்.

தேவ செய்தி:- ✍️ சகோ. எம். ஜியோ பிரகாஷ்  

                    SPIRITUAL WAR

AATHAVAN 🔥 973🌻 Wednesday, September 27, 2023

"When thou goest out to battle against thine enemies, and seest horses, and chariots, and a people more than thou, be not afraid of them: for the LORD thy God is with thee, which brought thee up out of the land of Egypt." (Deuteronomy 20: 1)

Even though the Old Testament events are the things that God did in the lives of the people of Israel as a history, we need to see them relevant to our spiritual life according to this time. They are recorded in the scriptures for our spiritual life. After describing the incidents in the life of the Israelites who were rescued from the Egyptians and journeyed to Canaan, the apostle Paul says, "all these things happened unto them for examples: and they are written for our admonition, upon whom the ends of the world are come." (1 Corinthians 10: 11)

All events are like this. Similarly, we should take today's verse as well. The horse, the chariots, and the great crowd that come out to make war against us are the afflictions, the sinful circumstances, and the powers of Satan that will overthrow us in the spiritual life. We should not be afraid of them and continue our spiritual life. Our Lord Jesus Christ is with us.

Regarding our struggles in the spiritual life, the apostle Paul said, "For we wrestle not against flesh and blood, but against principalities, against powers, against the rulers of the darkness of this world, against spiritual wickedness in high places." (Ephesians 6: 12)

So, we must be ready to take on such enemies who pursue us in spiritual life. "Wherefore take unto you the whole armour of God, that ye may be able to withstand in the evil day, and having done all, to stand." (Ephesians 6: 13) says Paul. We can read about those armours in Ephesians 6:14-18. (I have mentioned these in detail in many meditations)

When we live a Christ-like life, we will have the courage and assurance that He is with us. When we have that conviction, when can go out to war against the enemies of our spiritual life, we cannot fear them, even if they are as strong as horses, as big as chariots, or as many sufferings as a great crowd.

Then, we will be assured that the Lord our God is with us, who led us out of the old land of sinful life called Egypt and leads us to the great Canaan.

God’s Message:- ✍️ Bro. M. Geo Prakash

கள்ளத்தராசு / WICKED BALANCE

ஆதவன் 🔥 972🌻 செப்டம்பர் 26, 2023 செவ்வாய்க்கிழமை

"கள்ளத்தராசும் கள்ளப் படிக்கற்களுள்ள பையும் இருக்கும்போது, அவர்களைச் சுத்தமுள்ளவர்களென்று எண்ணுவேனோ?" ( மீகா 6 : 11 )

நாம் எந்தத் தொழில் செய்தாலும் அதனை தேவனுக்கு ஏற்ப உண்மையோடும் உத்தமத்தோடும் செய்யவேண்டியது அவசியம். பிறரை ஏமாற்றி, தொழிலில் மோசடி செய்து சம்பாதித்தப் பணத்தில் காணிக்கை கொடுப்பதையோ ஆலயப் பணிகளுக்குக் கொடுப்பதையோ தேவன் ஏற்பதில்லை. அதனையே இன்றைய வசனம் எடுத்துக் கூறுகின்றது. 

அந்த காலத்து சூழ்நிலைக்கேற்ப கள்ளத் தராசு, கள்ளப் படிக்கற்கள் என்று கூறப்பட்டாலும் இன்றைய கம்ப்யூட்டர் காலத்தில் தொழில் ஏமாற்று பல்வேறு விதங்களில் மாறியுள்ளது. எனவே நாம் என்னிடம்  கள்ளத்தராசும் கள்ளப் படிக்கற்களுள்ள பையும் இல்லை என்றுகூறி தப்பித்துக்கொள்ள முடியாது. இந்த வசனம் உண்மையோடு தொழில் செய் என்று நமக்கு அறிவுறுத்துகின்றது. 

இதற்கு ஒத்தாற்போல எரேமியா மூலம் தேவன் கூறுகின்றார், "நீங்கள் திருடி, கொலைசெய்து, விபசாரம்பண்ணி, பொய்யாணையிட்டு, பாகாலுக்குத் தூபங்காட்டி, நீங்கள் அறியாத அந்நிய தேவர்களைப் பின்பற்றி, பிற்பாடு வந்து, என் நாமம் தரிக்கப்பட்ட இந்த ஆலயத்திலே எனக்கு முன்பாக நின்று: இந்த அருவருப்புகளையெல்லாம் செய்வதற்காக விடுதலை பெற்றிருக்கிறோமென்று சொல்வீர்களோ?" ( எரேமியா 7 : 9, 10 ) 

திருட்டு, தொழில் போட்டியில் செய்யும் கொலைகள், பணம் அதிகரித்ததால் அதனைத் தொடர்ந்த விபச்சார பாவங்கள், பொய் சத்தியம் செய்தல், தொழில் செழிப்புக்காக பிற தெய்வ வழிபாடுகளில் ஈடுபடுதல்  போன்ற மேற்கூறிய வசனத்தில் கூறப்பட்டுள்ள  பாவச் செயல்கள் அனைத்தும் பெரும்பாலும் தொழில் செய்யும் மனிதர்களை எளிதில் மேற்கொள்ளக்கூடியவை. 

அன்பானவர்களே, எனவே எந்தத்தொழில் செய்தாலும் நேர்மையாகச் செய்யவேண்டும். தேவனுக்கு எதிரான பாவ காரியங்களை விட்டு விலகவேண்டும். துமார்க்க வழியில் சம்பாதித்த பணத்தை எவ்வளவு பெரிய ஊழியருக்குக்  காணிக்கையாகக்  கொடுத்தாலும் அது பலனற்றதே. காணிக்கைகளையே நம்பி ஊழியம் செய்யும் ஊழியர்கள் இந்தச் சத்தியத்தை விளக்கிச் சொல்ல மாட்டார்கள். எனவே எச்சரிக்கையாக இருப்போம். பல கிறிஸ்தவ தொழிலதிபர்கள் சாதாரண உலக மனிதர்களுக்கும் தங்களுக்கும் எந்த வித்தியாசமுமில்லாமல் வாழ்கின்றனர். ஆனால் இத்தகைய பல தொழில் நிறுவனங்களில் கிறிஸ்தவ ஊழியர்களை வரவழைத்து ஜெபங்களும் நடைபெறுகின்றன. 

ஆனால் தேவன் கூறுகின்றார், "நீ இந்த ஜனத்துக்காக விண்ணப்பம் செய்யவேண்டாம்; அவர்களுக்காக மன்றாடவும் கெஞ்சவும் வேண்டாம், என்னிடத்தில் அவர்களுக்காகப் பரிந்துபேசவும் வேண்டாம், நான் உனக்குச் செவிகொடுப்பதில்லை." ( எரேமியா 7 : 16 ) ஆம், இத்தகைய துன்மார்க்க செயல்களில் ஈடுபடுவோருக்காக ஜெபிப்பதையே தேவன் கேட்க மாட்டேன் என்கிறார் தேவன். 

தவறு செய்பவர்கள் தங்கள் பாவச் செயல்களுக்காக மனம் வருந்தி, மனம் திருந்தி ஜெபிக்கும்போது மட்டுமே தேவன் அந்த ஜெபத்துக்குப் பதிலளித்து அவர்களை மன்னிப்பார். 

தொழில் செய்பவர்களாக இருந்தால் மனதினில் நமது செயல்கள் நீதியுள்ளவைகள்தானா என்று நிதானித்து அறிந்து தவறு இருந்தால் மன்னிப்புக் கேட்டு புதிய மனிதனாக மாறவேண்டியது அவசியம். இல்லையானால் நமது ஜெபங்களும், காணிக்கைகளும், பக்தி முயற்சிகளும் வீணானவைகளே. ஆம், கள்ளத்தராசும் கள்ளப் படிக்கற்களுள்ள பையும் இருக்கும்போது, அவர்களைச் சுத்தமுள்ளவர்களென்று எண்ணுவேனோ? என்கிறார் கர்த்தர். 

தேவ செய்தி:- ✍️ சகோ. எம். ஜியோ பிரகாஷ்   

                WICKED BALANCE

AATHAVAN 🔥 972🌻 Tuesday, September 26, 2023

"Shall I count them pure with the wicked balances, and with the bag of deceitful weights?" (Micah 6: 11)

Whatever business we do, it is necessary to do it with truth and integrity according to God. God does not accept giving offerings or giving to temple works with the money earned by deceiving others and cheating in business. That is what today's verse is saying.

According to the situation of that time, it was mentioned here as wicked balance and deceitful weights, but in today's computer era, business fraud has changed in various ways. So, we can't get away with saying I don't have wicked balance and deceitful weights. This verse instructs us to do business with truth.

Similarly, God says through Jeremiah, "Will ye steal, murder, and commit adultery, and swear falsely, and burn incense unto Baal, and walk after other gods whom ye know not; And come and stand before me in this house, which is called by my name, and say, we are delivered to do all these abominations?" (Jeremiah 7: 9, 10)

All the sinful acts mentioned in the above verse such as theft, murders due to business competition, adultery sins that followed because of increased money, swearing falsely, worshiping other deities for the sake of business prosperity are all easily done by some business people.

Beloved, therefore whatever business you do, do it honestly. You should leave the sinful things against God. No matter how much the money earned is given as a offering to church, it is fruitless. Christian ministers who rely on offerings will not explain this truth. So, let's be cautious. Many Christian businessmen live like ordinary people of the world. But in many such industrial establishments, they invite pastors and conduct prayers.

But God says, "Therefore pray not thou for this people, neither lift up cry nor prayer for them, neither make intercession to me: for I will not hear thee." (Jeremiah 7: 16) Yes, God says that God will not listen to prayer for those who engage in such wicked acts.

Only when wrongdoers repent and pray for their sins will God answer that prayer and forgive them.

If we are business people, we should think about whether our actions are righteous and if we are wrong, we should ask for forgiveness and become a new person. Otherwise, our prayers, offerings and devotional efforts are in vain. Shall I count them pure with the wicked balances, and with the bag of deceitful weights?  asks the Holy Lord.

God’s Message:- ✍️ Bro. M. Geo Prakash

மரித்தவர்களுக்கு அதிசயங்கள் / WONDERS TO THE DEAD

ஆதவன் 🔥 971🌻 செப்டம்பர் 25, 2023 திங்கள்கிழமை

"மரித்தவர்களுக்கு அதிசயங்களைச் செய்வீரோ? செத்துப்போன வீரர் எழுந்து உம்மைத் துதிப்பார்களோ?   பிரேதக்குழியில் உமது கிருபையும், அழிவில் உமது உண்மையும் விவரிக்கப்படுமோ?"( சங்கீதம் 88 : 10, 11 )

இன்றைய தியான வசனம் வேதனையால் வாடிய சங்கீத ஆசிரியர் மனம் கசந்து கூறுவதாகும். இத்தகைய வேதனையும் வருத்தங்களும் நமக்கும் பல்வேறு சமயங்களில் ஏற்படுவதுண்டு. வேதனையோடு இந்தச் சங்கீத ஆரம்பத்தில் சங்கீத ஆசிரியர் கூறுகின்றார், "என் ஆத்துமா துக்கத்தால் நிறைந்திருக்கிறது; என் ஜீவன் பாதாளத்திற்குச் சமீபமாய் வந்திருக்கிறது." ( சங்கீதம் 88 : 3 ) என்று. 

அதாவது, துக்கத்தால் நான் செத்துப்போனேன்; எனக்கு இனியும் நீர் அதிசயங்களைச் செய்வீரோ என்கின்றார். கைவிடப்பட்ட இந்த நிலையில் அவர் இன்றைய சங்கீதத்தை எழுதியுள்ளார். 

ஆனால் கர்த்தரது ஆவி ஒருவரை எந்த நிலையிலும் உயிர்ப்பித்து எழுந்து நிற்க  உதவிட முடியும். எல்லாம் முடிந்துபோயிற்று என்ற நிலையிலிருந்த இஸ்ரவேலருக்கு  எசேக்கியேல் தீர்க்கதரிசி மூலம் தேவன் திடனளித்தார். தரிசனத்தில் உலர்ந்த எலும்புகள் நிறைந்த பள்ளத்தாக்கில்  அவரைக்கொண்டுபோய் அவரைத் தீர்க்கதரிசனம் கூற வைத்தார். "கர்த்தராகிய ஆண்டவர் இந்த எலும்புகளை நோக்கி: இதோ, நான் உங்களுக்குள் ஆவியைப் பிரவேசிக்கப்பண்ணுவேன், அப்பொழுது உயிரடைவீர்கள்." ( எசேக்கியேல் 37 : 5 ) என்று கூறினார். அதுபோல அந்த எலும்புகள் உயிரடைந்தன. 

"என் ஜனங்களே, நான் உங்கள் பிரேதக்குழிகளைத் திறந்து, உங்களை உங்கள் பிரேதக்குழிகளிலிருந்து வெளிப்படப்பண்ணும்போது, நான் கர்த்தர் என்று அறிந்துகொள்வீர்கள்." ( எசேக்கியேல் 37 : 13 ) ஆம் அன்பானவர்களே, எந்தவித துக்கத்தால் நாம் மரித்தவர்கள்போல ஆகியிருந்தாலும் நான் உங்கள் பிரேதக்குழிகளைத் திறந்து, உங்களை உங்கள் பிரேதக்குழிகளிலிருந்து வெளிப்படப்பண்ணுவேன் என்கின்றார் கர்த்தராகிய இயேசு கிறிஸ்து. அப்போது நீங்கள் நான் கர்த்தர் என்று அறிந்துகொள்வீர்கள் என்கின்றார்.

மரணமடையும்வரை ஒருவர் கர்த்தரை நம்பலாம் ; அது இயற்கை. ஆனால் இயற்கைக்கு மாறாக மரித்தபின்பும் நமக்கு உயிரளித்து விடுவிக்கும் வல்லமை தேவனுக்கு உண்டு என்பதை விசுவாசிக்கும்போதுதான் நமது மனக் கவலைகள் முற்றிலும் மறைந்து தைரியம் பிறக்கும். 

மரித்து நான்கு நாட்கள் கடந்தபின் இயேசு கிறிஸ்து லாசரை உயிர்ப்பிக்கவில்லையா? லாசருவின் சகோதரிகளுக்கு இந்தச் சூழ்நிலையில் நம்பிக்கையே இருக்க வாய்ப்பில்லாதிருந்தது.  நாமும் அப்படி ஒரு சூழ்நிலையில் இருந்தால் அப்படித்தான் இருந்திருப்போம். "இயேசு:- கல்லை எடுத்துப்போடுங்கள் என்றார். மரித்தவனுடைய சகோதரியாகிய மார்த்தாள் அவரை நோக்கி: ஆண்டவரே, இப்பொழுது நாறுமே, நாலுநாளாயிற்றே என்றாள்." ( யோவான் 11 : 39 ) ஆனால் இயேசு கிறிஸ்து அந்த நாறியப்  பிணத்தை உயிர்தெழச் செய்தார். 

ஆம் அன்பானவர்களே, நமது வாழ்க்கையும் துன்பங்களின் தொடர்ச்சியால் மரித்த வாழ்க்கையாக இப்போது இருக்கலாம்; ஆனால் தேவன் நினைத்தால் ஒரே நொடியில் அதனை மாற்றி நம்மை உயிர்ப்பிக்கமுடியும். 

"என் ஜனங்களே, நான் உங்கள் பிரேதக்குழிகளைத் திறந்து, உங்களை உங்கள் பிரேதக்குழிகளிலிருந்து வெளிப்படப்பண்ணும்போது, நான் கர்த்தர் என்று அறிந்துகொள்வீர்கள்." ( எசேக்கியேல் 37 : 13 ) என்கிறார் கர்த்தர்.  விசுவாசத்தோடு அவரைப் பற்றிக்கொள்வோம்.

தேவ செய்தி:- ✍️ சகோ. எம். ஜியோ பிரகாஷ்

           WONDERS TO THE DEAD

AATHAVAN 🔥 971🌻 Monday, September 25, 2023

"Wilt thou shew wonders to the dead? shall the dead arise and praise thee? Shall thy lovingkindness be declared in the grave? or thy faithfulness in destruction?" ( Psalms 88 : 10, 11 )   

Today's meditation verse is the anguished psalm teacher's words. Such pains and sorrows also happen to us at various times. At the beginning of this psalm with anguish the psalmist says, "For my soul is full of troubles: and my life draweth nigh unto the grave." ( Psalms 88 : 3 )

That is, I was dead out of grief; He says do you still do miracles for me again. In this state of abandonment, he wrote today's psalm.

But the Spirit of the Lord can revive a person in any situation and help him stand up. God comforted the Israelites through the prophet Ezekiel who were in a state where everything was over. He took Ezekiel in a vision to a valley full of dry bones and made him say prophesy. "Thus saith the Lord GOD unto these bones; Behold, I will cause breath to enter into you, and ye shall live:" ( Ezekiel 37 : 5 ) And so the bones came alive.

"And ye shall know that I am the LORD, when I have opened your graves, O my people, and brought you up out of your graves,” (Ezekiel 37: 13) Yes, dear ones, I will open your graves and bring you out of your graves, says the Lord Jesus Christ. Then you will know that I am the Lord.

One can trust in God till death; It is natural. But only when we believe that God has the power to give us life and deliver us even after death, contrary to nature, our mental worries disappear completely and courage is born.

Didn't Jesus Christ raise Lazarus after four days of death? Lazarus' sisters had no chance of hope in this situation. We would have been like that if we were in a similar situation. "Jesus said, Take ye away the stone. Martha, the sister of him that was dead, saith unto him, Lord, by this time he stinketh: for he hath been dead four days." (John 11: 39) But Jesus Christ resurrected that stinking corpse.

Yes, dear ones, our life may now be a dead life due to the succession of sufferings; But if God wills, He can change it in a moment and revive us.

"And ye shall know that I am the LORD, when I have opened your graves, O my people, and brought you up out of your graves," (Ezekiel 37: 13) says the Lord. Let us cling to him by faith.

God’s Message:- ✍️ Bro. M. Geo Prakash

அன்புடன் கொடுத்தல் / GIVING WITH LOVE

ஆதவன் 🔥 970🌻 செப்டம்பர் 24, 2023 ஞாயிற்றுக்கிழமை

"தரித்திரர் எப்பொழுதும் உங்களிடத்தில் இருக்கிறார்கள்; நான் எப்பொழுதும் உங்களிடத்தில் இரேன்." ( யோவான் 12 : 8 )

ஏழைகளுக்குக் கொடுப்பது கடவுளுக்குக் கொடுப்பதுதான். வேதாகமத்திலும்,  "ஏழைக்கு இரங்குகிறவன் கர்த்தருக்குக் கடன்கொடுக்கிறான்; அவன் கொடுத்ததை அவர் திரும்பக் கொடுப்பார்." ( நீதிமொழிகள் 19 : 17 ) என்றுதான் கூறப்பட்டுள்ளது. 

ஆனால் பெரிய பணக்காரர்கள் ஆலயங்களுக்குக்  கோடிக்கணக்கான பணத்தைக் காணிக்கைக் கொடுப்பதைப் பார்க்கும்போது நம்மில் பலரும், "இந்தப் பணத்தை எத்தனையோ ஏழைகளுக்குக் கொடுத்திருக்கலாம், இப்படி வீணாக கடவுளுக்கென்று கொடுக்கின்றாரே" என எண்ணுவதுண்டு.  ஆனால் ஒருவர் உள்ளன்போடு கடவுளுக்குக் கொடுக்கின்றாரா அல்லது வீண் பெருமைக்காகக் கொடுக்கின்றாரா என்பது நமக்குத் தெரியாது. 

இன்றைய வசனத்தின் பின்னணியை நாம் பார்ப்போமானால் இது தெளிவாகும். மார்த்தாளும் மரியாளும் இயேசு கிறிஸ்துவுக்கு விருந்து ஏற்பாடு செய்தனர். அப்போது மரியாள் விலை உயர்ந்த நறுமணத் தைலத்தை  இயேசுவின் பாதங்களில் பூசி அதனைத் தனது கூந்தலால் துடைத்தாள். "அப்பொழுது அவருடைய சீஷரில் ஒருவனும் அவரைக் காட்டிகொடுக்கப்போகிறவனுமாகிய சீமோனுடைய குமாரனான யூதாஸ்காரியோத்து: இந்தத் தைலத்தை முந்நூறு பணத்துக்கு விற்று, தரித்திரருக்குக் கொடாமல் போனதென்ன என்றான்."( யோவான் 12 : 5 )

அன்பானவர்களே, பண ஆசையால் நிறைந்தவர்களது எண்ணம் எதனையும் பணத்தால்தான் கணக்கிடும்.  யூதாஸ் இயேசு கிறிஸ்துவின் பணத்துக்கு கணக்கு வைத்திருந்தவன். பணப்பை அவனிடம்தான் இருந்தது. அவன் அவ்வப்போது தனது செலவுக்கு அதிலிருந்து எடுத்துக்கொள்வதுமுண்டு என்று நாம் ஒருங்கிணைந்த வேதாகமத்தில் வாசிக்கின்றோம். ஆம், "அவன் தரித்திரரைக்குறித்துக் கவலைப்பட்டு இப்படிச் சொல்லாமல், அவன் திருடனானபடியினாலும், பணப்பையை வைத்துக்கொண்டு அதிலே போடப்பட்டதைச் சுமக்கிறவனானபடியினாலும் இப்படிச் சொன்னான்." ( யோவான் 12 : 6 )

அவனுக்கு மறுமொழியாக "தரித்திரர் எப்பொழுதும் உங்களிடத்தில் இருக்கிறார்கள்; நான் எப்பொழுதும் உங்களிடத்தில் இரேன்" என்று இயேசு கிறிஸ்து கூறுகின்றார். இயேசு கிறிஸ்துவுக்கு மரியாளின் உள்ளான அன்பு தெரிந்திருந்தது. ஆனால் யூதாசுக்கு அந்த தைலத்தின் விலை மட்டும் தெரிந்திருந்தது. 

ஒருவர் ஆலயத்துக்குச் செய்வதையும் கடவுள் பணிகளுக்குக் கொடுப்பதையும் எளிதாக நாம் கணக்கிட்டுவிடக்கூடாது. ஏனெனில் கொடுப்பவரது உள்ளான மனநிலை அவர் தேவனிடம் கொண்டுள்ள அன்பு இவைகளைக்குறித்து நமக்குத் தெரியாது. நாமும்,  "இதனை ஏழைகளுக்குக் கொடுத்திருக்கலாமே" என்று கூறுவோமானால்  ஒருவேளை யூதாசுக்குக் கூறியதுபோல அவர் நமக்கும் கூறுவார்.   

மற்றவர்கள் கொடுக்கும் காணிக்கைகளையும் இதர ஊழிய பணிகளுக்குக் கொடுப்பதையும் நாம் கணக்கிட்டு விமரிசனம் செய்து பாவம் செய்திட வேண்டாம். ஏழைகளுக்கு கொடுக்க நமது உள்ளத்தில் உணர்த்தப்பட்டால் ஏழைகளுக்குக் கொடுப்போம்; ஆலயப் பணிகளுக்குக் கொடுக்க விருப்பப்பட்டால் ஆலய காரியங்களுக்குக் கொடுப்போம். தரித்திரர் எப்பொழுதும் நம்மிடம் இருக்கிறார்கள்; விரும்பும்போதெல்லாம் கொடுக்கலாம்.  

தேவ செய்தி:- ✍️ சகோ. எம். ஜியோ பிரகாஷ்   

                        GIVING WITH LOVE

AATHAVAN 🔥 970🌻 Sunday, September 24, 2023

“For the poor always ye have with you; but me ye have not always.” ( John 12 : 8 )

Giving to the poor is giving to God. Also, in the Bible it is said, "He that hath pity upon the poor lendeth unto the LORD; and that which he hath given will he pay him again." (Proverbs 19: 17)  

But when we see rich people donating crores of money to temples, many of us think, "This money could have been given to so many poor people, but they are giving it to God in vain." But we do not know whether one is giving from the heart to God or for vain glory.

This becomes clear if we look at the background of today's verse. Martha and Mary prepared a feast for Jesus Christ. Then Mary rubbed expensive perfume on Jesus' feet and wiped it with her hair. "Then saith one of his disciples, Judas Iscariot, Simon's son, which should betray him, why was not this ointment sold for three hundred pence, and given to the poor?" (John 12: 5)

Beloved, the mind of a moneyed person calculates everything in terms of money. Judas was the accountant of Jesus Christ's money. He had the wallet. We read in the Catholic Bible translation that he takes from it at times for his expenses. Yes, "This he said, not that he cared for the poor; but because he was a thief, and had the bag, and bare what was put therein." (John 12: 6)

In response to him, Jesus Christ says, “the poor always ye have with you; but me ye have not always.” Jesus Christ knew Mary's inner love. But Judas only knew the price of the perfume.

We should not easily calculate what one does to the temple and what one gives to God's works. Because we don't know about the giver's heart and his love for God. If we too say, "This money could have been given to so many poor people, but they are giving it to God in vain” perhaps He will say to us as He said to Judas.

Let us not commit the sin of counting and criticizing the offerings given by others and giving to other ministries. If our heart prompts us to give to the poor, give to the poor; If we want to give to church work, give to church work. The poor are always with us; we can give whenever we want.

God’s Message: - ✍️ Bro. M. Geo Prakash

பழைய பாவிகள் / OLD SINNERS

ஆதவன் 🔥 969🌻 செப்டம்பர் 23, 2023 சனிக்கிழமை

"என் மீறுதல்களை நான் அறிந்திருக்கிறேன்; என் பாவம் எப்பொழுதும் எனக்கு முன்பாக நிற்கிறது." ( சங்கீதம் 51 : 3 )

கிறிஸ்து இயேசுவினால்  நம் பாவங்கள் மன்னிக்கப்பட்டவர்களாக இருந்தாலும் நமது பழைய பாவ வாழ்க்கை நமக்கு எப்போதும் நினைவில் இருக்கவேண்டியது அவசியம்.  மட்டுமல்ல, பாவங்கள் கழுவப்பட்டு மீட்பு அனுபவத்தைப் பெற்றபின்னரும் பரிசுத்த ஆவியின் அபிஷேகத்தைப் பெற்றபின்னரும் சிலவேளைகளில் நாம் பாவம் செய்ய நேரிடலாம். பரிசுத்த ஆவியினால் அபிஷேகம் செய்யப்பட்டத்  தாவீதுதான் பத்சேபாளிடம் பாவத்தில் விழுந்தார். 

நமது பாவங்களை தேவன் மறந்து விடுகின்றார். தனது முதுகுக்குப்பின் தூக்கிப் போட்டுவிடுகின்றார் என்பது மெய்யாக இருந்தாலும் நாம் நமது பாவங்களை; பாவவாழ்க்கையை மறந்துவிடக்கூடாது. 

அந்த நினைவு நமக்குள் இருக்கும்போதுதான் கிறிஸ்துவின்மேல் நமக்குள்ள அன்பு அதிகரிக்கும். ஐயோ, நான் இப்படிப்பட்ட பாவத்தைச் செய்திருந்தும் தேவன் என்னை இரட்சித்து நடத்துகின்றாரே எனும் எண்ணம் ஏற்படும். பழைய பாவங்களை நினைக்கும்போது நமக்கு வெட்கம் ஏற்படும். முன்பு நாம் அத்தகைய பாவங்கள் செய்து என்ன பயனைத்தான் கண்டோம்? அவைகளினால் மரணத்துக்கு நேரக்கத்தானே சென்றுகொண்டிருந்தோம்? இதனையே, "இப்பொழுது உங்களுக்கு வெட்கமாகத் தோன்றுகிற காரியங்களினாலே அக்காலத்தில் உங்களுக்கு என்ன பலன் கிடைத்தது? அவைகளின் முடிவு மரணமே." ( ரோமர் 6 : 21 ) என்கின்றார் பவுல்.

மேலும் பழைய நினைவுகள் இருந்தால்தான் நாம் இப்போது தூய்மையாக வாழ முடியம். இயேசு கிறிஸ்து கூறிய இரக்கமில்லாத ஊழியன் பற்றிய உவமை இதனை நமக்கு உணர்த்தும். (மத்தேயு 18:23 - 35) ராஜாவிடம்  பதினாயிரம் தாலந்து கடனைபட்டு அவரிடம் இரக்கம் வேண்டி கெஞ்சியபோது ராஜா அனைத்துக் கடனையும் அவனுக்கு மன்னித்துவிட்டான். ஆனால் அந்த மனிதன் அதனை நினைவில் கொள்ளவில்லை. அப்படி அவன் நினைவில் வைத்திருப்பானேயானால் தன்னிடம் நூறு வெளிப்பணம்  கடன்பட்ட மனிதனுக்கு இரங்கியிருப்பான்.  

தாவீது ராஜா பத்சேபாளிடம் பாவத்தில் விழுந்தபின்பு நாத்தான் தீர்க்கத்தரிசியால் பாவத்தை உணர்த்தப்பட்டு மன்னிப்பு வேண்டி பாடிய சங்கீதம்தான் இந்த ஐம்பத்தி ஒன்றாம் சங்கீதம். அவர் கூறுவதுபோல இந்தப் பாவம் எப்போதும் அவர் கண்களுக்குமுன் நின்றுகொண்டிருந்தது. 

நமக்கும் நமது பழைய வாழ்க்கை நினைவில் இருக்குமானால் நாம் மீண்டும் அவற்றைச் செய்யமாட்டோம். மட்டுமல்ல, அத்தகைய பாவங்களை செய்துகொண்டிருக்கும் மக்களைப் பார்க்கும்போது அவர்கள்மேல் இரக்கம் ஏற்படும். 

இன்று ஆவிக்குரிய சபைகளுக்குச் செல்லும் பலரிடம் இந்த எண்ணம் இருப்பதில்லை. எனவே அவர்கள் தாங்கள் மட்டும் பரிசுத்தவான்கள் என்றும் மற்றவர்கள் அனைவரையும் பாவிகள் என்றும் கூறிக்கொள்கின்றனர். இதனாலேயே ஒரு இறையியலார் கூறினார், "பரலோகத்தில் இருக்கும் அனைவரும் எப்போதும் பரிசுத்தவான்களாய் வாழ்ந்தவர்களல்ல; அவர்கள் மனம்திரும்பிய பழைய பாவிகள்". கிறிஸ்துவின் இரத்தத்தால் கழுவப்பட்டு நீதிமானாக மாறியவர்கள். இதுவே உண்மை. "என் மீறுதல்களை நான் அறிந்திருக்கிறேன்; என் பாவம் எப்பொழுதும் எனக்கு முன்பாக நிற்கிறது" என்று தாவீதைப்போலக் கூறி வாழ்வோமானால் நாம் தொடரும் பாவத்துக்குத் தப்பி வாழ முடியும். 

தேவ செய்தி:- ✍️ சகோ. எம். ஜியோ பிரகாஷ்  

                                            OLD SINNERS 

AATHAVAN 🔥 969🌻 Saturday, September 23, 2023

"For I acknowledge my transgressions: and my sin is ever before me.” (Psalms 51: 3)

Although our sins are forgiven by Christ Jesus, we must always remember our old sinful life. Not only that, sometimes we may commit sins after our sins have been washed away by the blood of Jesus and we have experienced redemption and received the anointing of the Holy Spirit. David who was anointed by the Holy Spirit committed sin with Bathsheba.

God forgets our sins. Although it is true that He throws away our sins; Don't forget the sinful life.

Only when that memory is in us will our love for Christ increase. Alas, even though I have committed such a sin, God has saved me. When we think of old sins, we feel ashamed. What benefit did we get from committing such sins before? We were heading for death because of them? That is why Paul says, "What fruit had ye then in those things whereof ye are now ashamed? for the end of those things is death." (Romans 6: 21)

And only with old memories can we live cleanly now. The parable of the merciless servant told by Jesus Christ will make us realize this. (Matthew 18:23 - 35) When he owed ten thousand talents to the king and begged for mercy, the king forgave him all the debt. But the same man did not remember that. If he remembers that, he would have forgiven the debt of the man who owes him only hundred silvers.

The fifty-first psalm is the psalm sung by David when Nathan the prophet reminded David’s sin with Bathsheba. It is a psalm for forgiveness. Here he says, “my sin is ever before me”.

If we also remember our old lives, we will not do them again. Not only that, when you see people committing such sins, we will feel compassion for them.

Many who attend spiritual churches today do not have this idea. So they claim that they alone are saints and all others are sinners. One theologian said, "All those in heaven are ever lived as a saint; they are old sinners who have repented". Those who have been washed and made righteous by the blood of Christ. This is the truth. If we live like David, saying, “I acknowledge my transgressions: and my sin is ever before me" we can escape from continuing sin.

God’s Message:- ✍️ Bro. M. Geo Prakash

எப்படிப் பின்பற்றுகின்றோம்? / HOW WE FOLLOW?

ஆதவன் 🔥 968🌻 செப்டம்பர் 22, 2023 வெள்ளிக்கிழமை

"ஒரு வாலிபன் ஒரு துப்பட்டியை மாத்திரம் தன்மேல் போர்த்துக்கொண்டு அவர் பின்னே போனான்; அவனைப் பிடித்தார்கள். அவன் தன் துப்பட்டியைப் போட்டுவிட்டு, நிர்வாணமாய் அவர்களை விட்டு ஓடிப்போனான்." ( மாற்கு 14 : 51, 52 )

வேதாகமத்திலுள்ள எந்த ஒரு சிறு குறிப்பும் காரணமின்றி எழுதப்பட்டதாயிராது.  இன்றைய தியானத்துக்குரிய வசனத்தில் துப்பட்டியைப் போர்த்திக்கொண்டு இயேசு கிறிஸ்து கைதுசெய்யப்படும்போது அவர் பின்னே சென்ற ஒரு வாலிபனைக் குறித்துக் கூறப்பட்டுள்ளது. (துப்பட்டி என்பதற்கு மெல்லிய லினன் துணி என்று ஆங்கில வேதாகமத்தில் விளக்கம் உள்ளது)  

இந்தச் சம்பவம்  மாற்கு சுவிசேஷத்தில் மட்டும் கூறப்பட்டுள்ளது. "இந்தச் சம்பவத்தைக் குறிப்பிடக் காரணம் என்ன? இது அவ்வளவு முக்கியத்துவம் வாய்ந்த ஒரு சம்பவம் இல்லையே?" என நானும் எனது நண்பர் பாஸ்டர் சொர்ணகுமார் அவர்களும் பத்துப் பதினைந்து நாட்களுக்கு முன்னர் பேசிக்கொண்டோம். இருவருக்குமே இதன் பொருள் புரியாமலிருந்தாலும் இது எழுதப்பட்டதற்கு ஏதாவது காரணம் இருக்கும் என்று கூறிக்கொண்டோம். 

கடந்த வாரம் ஒரு நண்பருக்கு பாஸ்டர் சொர்ணகுமார் அவர்கள் சுவிசேஷம் சொல்லும்போது ஆவியானவர் அவருக்கு இதனை வெளிப்படுத்தினார். அன்று மாலையில் அவர் மகிழ்ச்சியுடன், "ஜியோ,  நமது சந்தேகத்துக்குத் தேவன் விளக்கம் தந்துவிட்டார்" என்று கூறி இதனை விளக்கினார்.

அன்பானவர்களே, இந்த வாலிபன் இயேசுவின் சீடனல்ல; மாறாக வேடிக்கைப் பார்க்க வந்தவன்.  தூய்மையான வாழ்க்கை வாழாதவன். ஒரு ஆடையுமின்றி வெறும் மெல்லிய துணியைப் போர்த்திக்கொண்டு அங்கு வந்திருந்தான். ஆவிக்குரிய அர்த்தத்தில் இவன் இரட்சிப்பு எனும் ஆடை இல்லாதவன்.  இன்று கிறிஸ்துவைப் பின்பற்றுகின்றோம் என்று கூறிக்கொண்டு வாழ்வில் பரிசுத்தமின்றி வாழ்வோருக்கு இவன் உதாரணம். 

கிறிஸ்துவின் மேலுள்ள அன்பினால் இவன் கிறிஸ்துவைப் பின்பற்றவில்லை; மாறாக வேடிக்கைப்பார்க்க அவரைப் பின் சென்றான். இன்றும் இதுபோல வேடிக்கைப் பார்க்கும் கிறிஸ்தவர்கள் உண்டு. கிறிஸ்தவ வாழ்க்கை முறைகளை விட்டுவிட்டு தாறுமாறாக வாழ்ந்துகொண்டு திருவிழா, கோவில் பிரதிஷ்டை, அசனம், கலைவிழா என்று நடத்துவதில் மட்டும் ஆர்வம் காட்டுபவர்கள் இவனைப்போன்றவர்களே. 

ஆனால் தேவன் இத்தகைய வேடிக்கை கிறிஸ்தவர்களை அனுமதிப்பதில்லை. அவர்கள் அவமானமடைவார்கள். அப்போஸ்தலரான பவுல் எபேசு நகரில் செய்த அற்புதங்களைக்கண்டு தாங்களும் அவ்வாறு செய்து மக்களிடம் நன்மதிப்பைப் பெறுவதற்கு ஒரு பிரதான ஆசாரியனின் மக்கள் சிலர் முயன்றார். அவர்களிடம் பவுலிடமிருந்த  பரிசுத்தம் இல்லை; பவுளிடமிருந்த பரிசுத்த ஆவியின் வல்லமை இல்லை.  கிறிஸ்துவுக்குப் பின் நிர்வாணத்தை மறைக்க மெல்லிய துணியைப் போர்த்திக்கொண்டு சென்ற வாலிபனைபோல இவர்களும் பவுலை பின்பற்றி அதிசயம் செய்ய எண்ணினர்.

அப்போது "பொல்லாத ஆவி அவர்களை நோக்கி: இயேசுவை அறிவேன், பவுலையும் அறிவேன், நீங்கள் யார் என்று சொல்லி, பொல்லாத ஆவியையுடைய மனுஷன் அவர்கள்மேல் பாய்ந்து, பலாத்காரம்பண்ணி, அவர்களை மேற்கொள்ள, அவர்கள் நிருவாணிகளும் காயப்பட்டவர்களுமாகி அந்த வீட்டை விட்டு ஓடிப்போனார்கள்." ( அப்போஸ்தலருடைய நடபடிகள் 19 : 15, 16 )

அன்பானவர்களே, நாம் கிறிஸ்துவை எப்படிப் பின்பற்றுகின்றோம் என்பதனை எண்ணிப்பார்ப்போம்.  பரிசுத்தத்தோடு அவரைப் பின்பற்றுகின்றோமா இல்லை வேடிக்கைக் கிறிஸ்தவர்களாக இருக்கின்றோமா? இல்லாவிட்டால் கிறிஸ்தவர்கள் என்று கூறிக்கொள்வதில் வீண் பெருமைகொண்டு சாட்சியற்ற வாழ்க்கை வாழ்ந்துகொண்டிருக்கின்றோமா? நம்மை நாமே நிதானித்துப் பார்ப்போம். பிரச்சனைகள் துன்பங்கள் நெருக்கும்போது துப்பட்டியைப் போட்டுவிட்டு, நிர்வாணமாய் ஓடிப்போன வாலிபனைபோல நமது வாழ்க்கை மாறிவிடக்கூடாது.

தேவ செய்தி:- ✍️ சகோ. எம். ஜியோ பிரகாஷ்  

                              HOW WE FOLLOW?

AATHAVAN🔥 968🌻 Friday, September 22, 2023

"And there followed him a certain young man, having a linen cloth cast about his naked body; and the young men laid hold on him: And he left the linen cloth, and fled from them naked." (Mark 14: 51, 52)

Not a single note in the Bible was written without a reason. Today's meditation verse talks about a young man wrapped in a lien cloth who followed Jesus Christ when he was arrested.

This incident is only found in the Gospel of Mark. "What is the reason for mentioning this incident? Is it an incident of such importance?" Myself and my friend Pastor Sworna Kumar talked ten to fifteen days ago. Neither of us knew what it meant, but we assumed there must be a reason why it was written.

The Holy Spirit revealed this to Pastor Sworna Kumar when he was evangelizing a friend last week. Later that evening he happily explained this by saying, "Geo, God has given us an explanation for our doubt."

Beloved, this young man was not a disciple of Jesus; Instead, he came to have fun. He who does not live a pure life. He had come there without a garment, just wrapped in a thin cloth. In the spiritual sense he was without the garment of salvation. He is an example of those who claim to follow Christ and live unholy lives.

He did not follow Christ out of love for Christ; Instead, he followed him for fun. Even today there are Christians who have this kind of fun. People like this are the ones who are only interested in conducting festivals, temple consecrations, distributing food in church, conducting Christian art festivals etc., leaving the Christian way of life.

But God does not allow such fun Christians. They will be humiliated. We read in the Bible, some of the sons of a high priest tried to gain reputation among the people by seeing the miracles that the apostle Paul had done in Ephesus. They did not have the holiness that Paul had; did not have the power of the Holy Spirit as Paul had. Like the young man who wrapped himself in a thin cloth to hide his nakedness who followed Christ, they also wanted to follow Paul and perform a miracle.

"And the evil spirit answered and said, Jesus I know, and Paul I know; but who are ye? And the man in whom the evil spirit was leaped on them, and overcame them, and prevailed against them, so that they fled out of that house naked and wounded." (Acts 19: 15, 16)

Beloved, let us consider how we follow Christ. Are we following Him in holiness or are we being fun Christians? If not, are we vainly proud to claim to be Christians and live a witness less life? Let's take a look at ourselves. Our life should not become like the youth who left the linen cloth, and fled from them naked when problems and sufferings are pressing.

God’s Message:- ✍️ Bro. M. Geo Prakash

என் கிருபை உனக்குப்போதும் / MY GRACE IS SUFFICIENT FOR YOU

ஆதவன் 🔥 967🌻 செப்டம்பர் 21, 2023 வியாழக்கிழமை

"அப்பொழுது கர்த்தர் அவனை நோக்கிப் பார்த்து: உனக்கு இருக்கிற இந்தப் பலத்தோடே போ; நீ இஸ்ரவேலை மீதியானியரின் கைக்கு நீங்கலாக்கி இரட்சிப்பாய்; உன்னை அனுப்புகிறவர் நான் அல்லவா என்றார்." ( நியாயாதிபதிகள் 6 : 14 )

நாம் பெரும்பாலும் மனச்சோர்வடையக் காரணம் மற்றவர்களோடு நம்மை ஒப்பிட்டுபார்ப்பதும், நம்மிடம் இல்லாததை எண்ணிக் கலங்குவதும் நம்மை மற்றவர்களைவிட குறைவாக மதிப்பிடுவதும்தான். இன்றைய வசனத்தின் பின்னணி அப்படிப்பட்டதுதான். ஆனால் தேவன் தனது நேசமானவர்களுக்கு பலத்தைக்கொடுத்து இத்தகைய சூழ்நிலைகளில் உதவுகின்றார். 

மீதியானியருக்கு அடிமைகளாக இருந்த இஸ்ரவேல் மக்கள் பெரும் அவதிக்குள்ளாயினர். இஸ்ரவேலரின் பயிர்கள் விளைத்து அறுவடையாகும் சமயத்தில் மீதியானியர் வந்து அவைகளைக் கைப்பற்றிக் கொண்டுச்சென்று விடுவர். இத்தகைய சூழலில்  கிதியோன் தனது வயலில் கோதுமை அறுவடைசெய்து மீதியானியருக்குப் பயந்து தனது ஆலையின் அருகிலேயே அதனைப் போரடித்துகொண்டடிருந்தார். ஆனால் கர்த்தரோ இந்தக் கிதியோனைக்கொண்டு இஸ்ரவேலை மீட்கச் சித்தமானார். 

"கர்த்தருடைய தூதனானவர் அவனுக்குத் தரிசனமாகி: பராக்கிரமசாலியே கர்த்தர் உன்னோடே இருக்கிறார் என்றார்." ( நியாயாதிபதிகள் 6 : 12 ) பின்னர் மீதியானியருக்கு எதிர்க்க கிதியோனைத் தான் தேர்ந்துகொண்டதை அறிவிக்கின்றார். ஆனால் கிதியோன் முதலில் தனது இயலாமையினையும் வலுவின்மையையும் தெரிவித்து இந்தப் பொறுப்பை ஏற்றுகொள்ளத் தயங்கினார். காரணம் மீதியானியர் போரில் வல்லவர்கள், பராக்கிரமசாலிகள்; அவர்களோடு நாம் எப்படி எதிர்த்துப்  போரிடமுடியும் என கிதியோன் தயங்கினார். அப்போது கர்த்தர், "உனக்கு இருக்கிற இந்தப் பலத்தோடே போ; நீ இஸ்ரவேலை மீதியானியரின் கைக்கு நீங்கலாக்கி இரட்சிப்பாய்; உன்னை அனுப்புகிறவர் நான் அல்லவா என்றார்."

ஆம் அன்பானவர்களே,  நாமும் பலவேளைகளில் இதுபோல நமது பலவீனங்களை எண்ணித்  தயங்கிக்கொண்டிருக்கின்றோம். ஆவிக்குரிய வாழ்வில் தொடர்ந்து நடக்க முடியாத பலக்குறைவு, நோய்கள், பிரச்சனைகள், குடும்பச்  சூழ்நிலைகள் என்ன இருந்தாலும் கர்த்தர் நம்மோடு இருக்கின்றார் எனும் உறுதி நமக்கு இருக்குமானால் மீதியானியரைப்போன்ற  எந்தப் பிரச்சனைகளையும் எதிர்கொள்ள முடியும். நமக்கு இருக்கின்ற பலமே போதும். 

தயங்கிய கிதியோரிடம் கர்த்தர்,  "நான் உன்னோடேகூட இருப்பேன்; ஒரே மனுஷனை முறிய அடிப்பதுபோல நீ மீதியானியரை முறிய அடிப்பாய் " ( நியாயாதிபதிகள் 6 : 16 ) என்று தைரியமூட்டினார். 

கிதியோனைப்போல நமது வலுவற்றத் தன்மையை தேவனிடம் அறிக்கையிட்டு அவரது கிருபையினை நாம் சார்ந்துகொள்ளும்போது "என் கிருபை உனக்குப்போதும்; பலவீனத்திலே என் பலம் பூரணமாய் விளங்கும்"  ( 2 கொரிந்தியர் 12 : 9 ) என்று அப்போஸ்தலரான பவுலிடம் கூறியதுபோல நமக்கும் கூறுவார்.  

கர்த்தர் நம்மோடு இருக்கும்போது நாம்  பலவீனமாய் இருக்கும்போது அதிக பலமுள்ளவர்களாக மாறிவிடுகின்றோம். "அந்தப்படி நான் பலவீனமாயிருக்கும்போதே பலமுள்ளவனாயிருக்கிறேன்; ஆகையால் கிறிஸ்துவினிமித்தம் எனக்கு வரும் பலவீனங்களிலும், நிந்தைகளிலும், நெருக்கங்களிலும், துன்பங்களிலும், இடுக்கண்களிலும் நான் பிரியப்படுகிறேன்." ( 2 கொரிந்தியர் 12 : 10 ) என்கின்றார் பவுல்.

நம்மிடம் இல்லாததை எண்ணிக் கலக்கிடவேண்டாம்; இருக்கின்ற பலத்தோடு விசுவாசத்தோடு தேவனைப் பற்றிக்கொள்வோம். கிதியோனிடம் "உனக்கு இருக்கிற இந்தப் பலத்தோடே போ; நீ இஸ்ரவேலை மீதியானியரின் கைக்கு நீங்கலாக்கி இரட்சிப்பாய்; உன்னை அனுப்புகிறவர் நான் அல்லவா" என்று கூறிய கர்த்தர் அதே வார்த்தைகளை நமக்கும் கூறுகின்றார். இருக்கின்ற பலத்தோடு தொடர்ந்து போராடு; நான் உன்னோடு இருப்பதால் அனைத்துப் பிரச்சனைகளையும் மேற்கொள்வாய் என்கின்றார் பரிசுத்தரான கர்த்தர். 

தேவ செய்தி:- ✍️ சகோ. எம். ஜியோ பிரகாஷ்    

  MY GRACE IS SUFFICIENT FOR YOU 

AATHAVAN 🔥 967🌻 Thursday, September 21, 2023

"And the LORD looked upon him, and said, Go in this thy might, and thou shalt save Israel from the hand of the Midianites: have not I sent thee?" ( Judges 6 : 14 )

Most of the time we get depressed because we compare ourselves to others, worry about what we don't have and value ourselves less than others. Such is the background of today's verse. But God gives strength to his loved ones and helps them in such situations.

The people of Israel, who were slaves to the Midianites, suffered greatly. When the Israelites' crops were harvested, the Midianites would come and take them away. In this situation, Gideon was harvesting wheat in his field and was threshing it near his mill for fear of the Midianites. But the Lord wanted to rescue Israel with this Gideon.

"And the angel of the LORD appeared unto him, and said unto him, The LORD is with thee, thou mighty man of valour." ( Judges 6 : 12 ) Then he announces that he has chosen Gideon to oppose the Midianites. But Gideon was at first reluctant to accept this responsibility citing his inability and weakness. Because the Midianites were skilled in war and mighty; Gideon hesitated as to how we could fight against them. Then the Lord said, “Go in this thy might, and thou shalt save Israel from the hand of the Midianites: have not I sent thee?"

Yes, dear ones, we too hesitate many times because of our weaknesses. If we have the assurance that the Lord is with us, no matter what the weakness, diseases, problems, family circumstances, inability to continue in the spiritual life, we can face the problems like Gideon met the Midianites. The strength we have is enough.

The Lord encouraged the hesitant Gideon, " Surely I will be with thee, and thou shalt smite the Midianites as one man." (Judges 6 : 16 )

Like Gideon, when we report our weakness to God and depend on His grace, He will tell us as He said to the Apostle Paul, "My grace is sufficient for thee: for my strength is made perfect in weakness." ( 2 Corinthians 12 : 9 )

When the Lord is with us, we become stronger even when we are weak. "Therefore, I take pleasure in infirmities, in reproaches, in necessities, in persecutions, in distresses for Christ's sake: for when I am weak, then am I strong." (2 Corinthians 12: 10) says Paul.

Don't be confused by what we don't have; Let's cling to God with faith and strength. The Lord said to Gideon, “Go in this thy might, and thou shalt save Israel from the hand of the Midianites: have not I sent thee?" The Lord says the same words to us. Continue to fight with the strength that we have; Because “I am with you, you will overcome all problems” says the Holy Lord.

God’s Message:- ✍️ Bro. M. Geo Prakash

நியாயத்தீர்ப்பு / JUDGEMENT

ஆதவன் 🔥 966🌻 செப்டம்பர் 20, 2023 புதன்கிழமை

"எவர்கள் நியாயப்பிரமாணமில்லாமல் பாவஞ்செய்கிறார்களோ, அவர்கள் நியாயப்பிரமாணமில்லாமல் கெட்டுப்போவார்கள்; எவர்கள் நியாயப்பிரமாணத்துக்குட்பட்டவர்களாய்ப் பாவஞ்செய்கிறார்களோ, அவர்கள் நியாயப்பிரமாணத்தினாலே ஆக்கினைத்தீர்ப்படைவார்கள்." ( ரோமர் 2 : 12 )

கிறிஸ்துவின் நியாயத் தீர்ப்பினைக்குறித்து இன்றைய வசனம் கூறுகின்றது. மோசே வழியாக தேவன் இஸ்ரவேல் மக்களுக்குக் கொடுத்த கட்டளைகளே நியாயப்பிரமாணக் கட்டளைகள். 

ஒருமுறை ஒரு நண்பர் என்னிடம் நியாயத் தீர்ப்பைக்குறித்து சொல்கிறீர்களே, கிறிஸ்துவை அறியாத மக்களும் இந்த உலகத்தில் இருக்கிறார்களே அவர்களை தேவன் எப்படி நியாயம்தீர்க்க முடியுமென்று கேட்டார். நான் அவருக்கு இன்றைய வசனத்தைத்தான் கூறி விளக்கினேன். எவர்கள் கட்டளைகள் எதுவும் இல்லாமல் பாவஞ்செய்கிறார்களோ அவர்கள் கட்டளைகள் இல்லாமலே கெட்டுப்போவார்கள்; அதுபோல கட்டளைகளுக்கு உட்பட்டவர்களாக வாழும் நாமோ அந்தக் கட்டளைகளின் அடிப்படையில் தீர்ப்படைவோம். 

"தேவன் அவனவனுடைய கிரியைகளுக்குத்தக்கதாய் அவனவனுக்குப் பலனளிப்பார்." ( ரோமர் 2 : 6 ) என்று கூறப்பட்டுள்ளது. மனிதர்களில் இருதயத்தில் தேவன் தனது பிரமானங்களை எழுதி வைத்துள்ளார். இதனையே, "அவர்களுடைய மனச்சாட்சியும்கூடச் சாட்சியிடுகிறதினாலும், குற்றமுண்டு குற்றமில்லையென்று அவர்களுடைய சிந்தனைகள் ஒன்றையொன்று தீர்க்கிறதினாலும், நியாயப்பிரமாணத்திற்கேற்ற கிரியை தங்கள் இருதயங்களில் எழுதியிருக்கிறதென்று காண்பிக்கிறார்கள்." ( ரோமர் 2 : 15 ) என்று கூறப்பட்டுள்ளது.

மேலும் அப்போஸ்தலரான பவுல் கூறுகின்றார், "நியாயப்பிரமாணத்தைக் கேட்கிறவர்கள் தேவனுக்கு முன்பாக நீதிமான்களல்ல, நியாயப்பிரமாணத்தின்படி செய்கிறவர்களே நீதிமான்களாக்கப்படுவார்கள்." ( ரோமர் 2 : 13 ) ஆம், நாம் கிறிஸ்தவர்களாக வாழ்வதால் தேவனது கட்டளைகளை அறிந்தவர்களாக இருக்கலாம். ஆனால் கேட்டால் மட்டும் போதாது, அவற்றின்படி வாழவேண்டியது அவசியம். அப்படி வாழும்போதே நாம் தேவனுக்கு ஏற்புடையவர்கள் ஆகின்றோம். 

நியாயப்பிரமாண கட்டளைகளை வாழ்வில் கேட்டறியாத பிற மக்கள் தங்களது மனச்சாட்சியின்படி வாழும்போது தங்களை அறியாமலேயே தேவ கட்டளைக்குக் கீழ்ப்படிந்தவர்கள் ஆகின்றனர். எனவேதான் பவுல் அப்போஸ்தலர், அவர்கள் அப்படி நீதியான வாழ்க்கை வாழும்போது  நியாயப்பிரமாணத்திற்கேற்ற கிரியை தங்கள் இருதயங்களில் எழுதியிருக்கிறதென்று காண்பிக்கிறார்கள் என்கின்றார். 

அன்பானவர்களே, பிற மக்களைவிட நியாயப்பிரமாண கட்டளைகளைப் பெற்று அவற்றின்படி வாழ உதவக்கூடிய பரிசுத்த ஆவியையும் பெற்றுள்ள நாம் எவ்வளவு பேறுபெற்றவர்கள்!! எனவே அவரது கட்டளைகளை மீறும்போது தேவனது நியாயத்தீர்ப்பு கட்டளைகளை அறிந்த நமக்கு மிக அதிகமாகவே இருக்கும் எனும் அச்சத்தோடு நாம் வாழ வேண்டியது அவசியம்.  ஆம், மிகுதியாக கொடுக்கப்பட்டவனிடம் மிகுதியாகக் கேட்கப்படும்.

"என் சுவிசேஷத்தின்படியே, தேவன் இயேசுகிறிஸ்துவைக் கொண்டு மனுஷருடைய அந்தரங்கங்களைக்குறித்து நியாயத்தீர்ப்புக்கொடுக்கும் நாளிலே இது விளங்கும்." ( ரோமர் 2 : 16 ) என்று நமக்கு எச்சரிப்போடு கூட அறிவுரையாகக் கூறுகின்றார் அப்போஸ்தலரான பவுல். 

தேவனுடைய பரிசுத்த ஆவியானவர் நம்மை தேவனுக்கேற்ற பாதையில் நடத்திடவும் நியாயத்தீர்ப்பு நாளில் நாம் தண்டனைக்குத் தப்பிடவும்  வேண்டுதல் செய்வோம்.

தேவ செய்தி:- ✍️ சகோ. எம். ஜியோ பிரகாஷ்       

                                                JUDGEMENT 

AATHAVAN 🔥 966🌻 Wednesday, September 20, 2023

"For as many as have sinned without law shall also perish without law: and as many as have sinned in the law shall be judged by the law;" (Romans 2: 12) 

Today's verse talks about Christ's righteous judgment. The commandments given by God to the people of Israel through Moses are the commandments of the Law.

A friend once asked me about judgment, how can God judge people who do not know Christ in this world? I told him today's verse and explained it. Those who sin without commandments will perish without commandments; Likewise, we who live under commandments will judge based on those commandments.

“Who will render to every man according to his deeds” (Romans 2 : 6 ) God has written His vows in the hearts of men. Of this, it is written, "Which shew the work of the law written in their hearts, their conscience also bearing witness, and their thoughts the mean while accusing or else excusing one another;" (Romans 2: 15)

And the apostle Paul says, "For not the hearers of the law are just before God, but the doers of the law shall be justified." ( Romans 2 : 13 ) Yes, we can know God's commandments because we live as Christians. But it is not enough to just listen, it is necessary to live by them. When we live like that, we become acceptable to God.

Other people who do not heard about the commandments of the law in their lives, when they live according to their conscience, they unknowingly become obedient to God's commandments. That is why the apostle Paul says that when they live righteous lives, they show that the work of the law is written in their hearts.

Beloved, how blessed are we to receive the commandments of the law and the Holy Spirit to help us live by them than other people!! Therefore, it is necessary for us to live with the fear that God's judgment will be too much for us who know His commandments when we violate His commandments. Yes, to whom more is given, more will be sought.

Apostle Paul even warns us and advises us, "in the day when God shall judge the secrets of men by Jesus Christ according to my gospel" (Romans 2: 16) it will be known.

Let us pray that the Holy Spirit of God to guide us in the path of God and that we may escape punishment on the day of judgment.

God’s Message: - ✍️ Bro. M. Geo Prakash