🦋 Meditation verse - 1 யோவான் 4:3 / 1 John 4:3

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1854

🔆 2026 மார்ச் 06, வெள்ளி  

"மாம்சத்தில் வந்த இயேசுகிறிஸ்துவை அறிக்கைபண்ணாத எந்த ஆவியும் தேவனால் உண்டானதல்ல; வருமென்று நீங்கள் கேள்விப்பட்ட அந்திக்கிறிஸ்துவினுடைய ஆவி அதுவே, அது இப்பொழுதும் உலகத்தில் இருக்கிறது." (1 யோவான்  4 : 3)

இரண்டாயிரம் ஆண்டுகளுக்குமுன் அப்போஸ்தலரான யோவான் எழுதிய இந்த தியான வசனம் இன்றும் நிஜமாக இருக்கின்றது. உலக ஆசீர்வாதங்களை மட்டுமே போதித்து கிறிஸ்துவை விட்டு மக்களைப் பிரிக்கும் கிறிஸ்தவ போதகர்களை நாம் ஏற்கெனவே அறிவோம்.  ஆனால், இன்றைய தியானம் அதனைப்பற்றியதல்ல. 

கிறிஸ்துவை வாயினால்கூட அறிக்கைபண்ணாத அந்திக்கிறிஸ்துவின் சபை இப்போதும் இருக்கின்றது என்று நீங்கள் நம்புகிறீர்களா? யெகோவா சாட்சி சபைகளைப்பற்றி நம்மில் பலருக்கும் தெரியும். ஆனால் அதனைவிட வித்தியாசமான உபதேசங்களைக்கொண்ட,  வெளிப்பார்வைக்கு கிறிஸ்தவ சபைகள் போலவே இருக்கும் சபைகள் இருக்கின்றன.  இங்கு போதிக்கப்படும் உபதேசங்கள் சாத்தானின் உபதேசங்கள். 

மிகச் சமீபத்தில், கடந்த மார்ச் 1 ஆம் தேதி ஒரு அந்திக் கிறிஸ்து சபை ஊழியனை அவனது சபையின் முன்வைத்து சந்திக்க முடிந்தது. எனது நண்பர் ஒருவர் என்னிடம்,  "ஒரு நல்ல மனிதர்  இருக்கிறார். உனது ஊழியத்துக்கு அவரும் பயனுள்ளவராக இருப்பார் .  நான் அவரது சபைக்குச் சென்றதில்லை. ஆனால் அவர் எனக்குத் தினமும் வேத வசனங்களை அனுப்புவார்; அவற்றைப் படிக்கச் சொல்லுவார். உனக்கு விருப்பமானால் அவரைச் சென்று ஒருமுறை பார்த்துப் பேசு" என்று என்னிடம் கூறியதால் அவரைப் பார்க்கச் சென்றேன்.  

பொதுவாகவே கிறிஸ்தவ போதகர்கள் என்றால் எனக்கு அவர்களுடன் நட்புகொள்ள விருப்பமுண்டு. எனவேதான்  அவரைப் பார்க்கச் சென்றேன். "தேவர்களுக்கெல்லாம் தேவனாகிய மகா சர்வ வல்லமையுள்ள கர்த்தர்" என்று அங்குள்ள அறிவிப்புப் பலகையில் எழுதியிருந்தது. ஆனால் அங்கு சென்று அவரிடம் பேசியபோது அவர் கூறிய கருத்துக்கள் அவர் ஒரு அந்திக்கிறிஸ்து என்பதனை வெளிப்படுத்தியது. அவர் கூறி போதிக்கும் சில கருத்துக்களை  சுருக்கமாகக்  கீழே தருகின்றேன்:-

பழைய ஏற்பாடு மட்டுமே தேவ ஆவியால் எழுதப்பட்டது, எனவே அதனை மட்டுமே வாசிக்கவேண்டும். புதிய ஏற்பாடு, இயேசு எனும் ஒரு சாதாரண மனிதனை கடவுளாகக் காண்பிக்கவேண்டி புராணக் கதைகளைப்போல எழுதப்பட்டுள்ள கட்டுக்கதைகள். ஆண் துணை இல்லாமல் உலகினில் ஒருவரும் பிறக்கமுடியாது; செத்தவன் எவனும் உயிருடன் எழும்பவும் முடியாது. சர்வ வல்லவரான கர்த்தருக்கு உலகத்தை மீட்பதற்கு ஒரு மகன் தேவையில்லை. அவர் ஒரு வார்த்தைச்  சொன்னாலே நாம் இரட்சிக்கப்பட்டுவிடுவோம்." இன்னும் என்னென்னவோ பேசினார். நான் அவரிடம், "நீங்கள் பிரசங்கம் செய்வீர்களா?" என்று  கேட்டேன். "ஆம்,  இங்கு பலர் வருவார்கள்" என்றார். அதற்குமேல் அவரிடம் பேசுவது அறிவீனம் என்று வந்துவிட்டேன்.

அன்பானவர்களே, கிறிஸ்தவ வசனங்களை சுவரில் எழுதிப்போட்டு மக்களைக் கவரும் அனைவரும் மெய்யான கிறிஸ்தவ உபதேசத்தைப் போதிப்பார்கள் என்று கூறமுடியாது. எனவே நாம் எச்சரிக்கையாக இருக்கவேண்டியது அவசியம். கிறிஸ்தவர்கள் அதிகம் இருக்கும் பகுதியிலேயே அந்திக்கிறிஸ்து சபை இருக்குமென்று நான் நினைத்துகூடப் பார்த்ததில்லை. எனக்கு இது ஆச்சரியமாக இருந்தது. ஆனால் வேத வசனங்கள் உண்மை என்பதை எனக்கு இது மேலும் உறுதிப்படுத்துவதாக இருந்தது. 

"பிள்ளைகளே, இது கடைசிக் காலமாயிருக்கிறது;  அந்திக்கிறிஸ்து  வருகிறானென்று நீங்கள் கேள்விப்பட்டபடி இப்பொழுதும் அநேக அந்திக்கிறிஸ்துகள் இருக்கிறார்கள்; அதினாலே இது கடைசிக்காலமென்று அறிகிறோம்." (1 யோவான் 2:18)

"இயேசுவைக் கிறிஸ்து அல்ல என்று மறுதலிக்கிறவனேயல்லாமல் வேறே யார் பொய்யன்? பிதாவையும் குமாரனையும் மறுதலிக்கிறவனே அந்திக்கிறிஸ்து". (1 யோவான் 2:22)

"தேவர்களுக்கெல்லாம் தேவனாகிய மகா சர்வ வல்லமையுள்ள கர்த்தர்" என்று இந்தச் சபையில் எழுதப்பட்டிருந்தாலும் இங்கு கர்த்தர் இருக்கவில்லை. காரணம் அப்போஸ்தலரான யோவான் கூறுகின்றார், "குமாரனை மறுதலிக்கிறவன் பிதாவை உடையவனல்ல, குமாரனை அறிக்கையிடுகிறவன் பிதாவையும் உடையவனாயிருக்கிறான்." (1 யோவான் 2:23) என்று. 

வஞ்சக உபதேசங்களைப் போதித்து, சாத்தானைக்கொண்டு  நோய்களைத் தாற்காலிகமாகக்  குணமாக்கி அதன்மூலம் மக்களைக் கவர்ந்து நரகத்துக்கு நேராக நடத்தும் இத்தகைய ஊழியர்களிடம் சென்று சிக்கிக்கொள்ளாமல் இருப்பதுடன் இங்கு செல்லும் மக்கள் சத்திய சபைகளுக்குச் செல்லவும்,  இவர்கள் சத்தியத்தை அறிந்து கிறிஸ்துவை ஏற்றுக்கொள்ளவும்  ஜெபிக்கவேண்டியது நம் ஒவ்வொருவரின் கடமையாகும். 

"மாம்சத்தில் வந்த இயேசுகிறிஸ்துவை அறிக்கைபண்ணாத அநேக வஞ்சகர் உலகத்திலே தோன்றியிருக்கிறார்கள்; இப்படிப்பட்டவனே வஞ்சகனும் அந்திக் கிறிஸ்துவுமாய் இருக்கிறான்" (2 யோவான் 1:7)

தேவ செய்தி :- சகோ. எம். ஜியோ பிரகாஷ் 

“Within the Seeds” 🌳

📖 AATHAVAN Bible Meditation – No. 1854
🔆 March 06, 2026 – Friday

And every spirit that confesseth not that Jesus Christ is come in the flesh is not of God: and this is that spirit of antichrist, whereof ye have heard that it should come; and even now already is it in the world. (1 John 4: 3)

This meditation verse written by the apostle John nearly two thousand years ago remains true even today. We already know of so-called Christian teachers who preach only worldly blessings and separate people from Christ. However, today’s meditation is not about them.

Do you believe that there are still churches today that do not confess Christ even with their lips—churches of the spirit of the antichrist? Many of us are aware of groups such as the Jehovah’s Witnesses. But beyond them, there are assemblies that appear outwardly like Christian churches, yet hold entirely different doctrines. The teachings proclaimed there are not the doctrines of Christ, but of Satan.

Very recently, on March 1, I had the opportunity to meet a minister from such a group in front of his own church. A friend told me, “There is a good man. He may be helpful to your ministry. I have never attended his church, but he sends me Bible verses daily and asks me to read them. If you wish, go and meet him once.” So, I went to see him.

Generally, I am eager to build friendships with Christian ministers. That was why I went. On the notice board there was written: “The Lord God Almighty, the God of gods.” Yet when I spoke with him, his statements clearly revealed that he was of the spirit of the antichrist. I briefly summarize some of his teachings below:

He said that only the Old Testament was written by the Holy Spirit and therefore only it should be read. The New Testament, according to him, was written like mythological stories to present Jesus, a mere man, as God. He claimed that no one can be born without a male partner, and no dead person can rise again. The Almighty Lord, he argued, does not need a Son to redeem the world—if He simply speaks a word, we would be saved. He said many such things. When I asked him, “Do you preach?” he replied, “Yes, many people come here.” After that, I felt it was unwise to continue the conversation and left.

Beloved, not everyone who writes Christian verses on walls and attracts people can be said to preach true Christian doctrine. Therefore, we must remain alert. I never imagined that such an antichrist assembly could exist in an area where there are many Christians. It was surprising to me. Yet this experience further confirmed that the Scriptures are true.

“Children, it is the last hour; and just as you heard that antichrist is coming, even now many antichrists have appeared; from this we know that it is the last hour.” — 1 John 2:18

“Who is the liar but the one who denies that Jesus is the Christ? This is the antichrist, the one who denies the Father and the Son.” — 1 John 2:22

Though the words “The Lord God Almighty, the God of gods” were written in that church, the Lord was not there. For the apostle John declares:

“Whoever denies the Son does not have the Father; the one who confesses the Son has the Father also.” — 1 John 2:23

Such ministers teach deceptive doctrines, temporarily heal diseases through satanic influence to attract people, and lead them straight toward destruction. It is our duty not only to avoid being ensnared by them, but also to pray that those who attend such places may go to true churches, come to know the truth, and accept Christ.

“For many deceivers have gone out into the world, those who do not acknowledge Jesus Christ as coming in the flesh. This is the deceiver and the antichrist.” — 2 John 1:7

Divine Message: Bro. M. Geo Prakash

🦋 Meditation verse - எபிரெயர் 13: 6 / Hebrews 13:6

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1853

🔆 2026 மார்ச் 05, வியாழன் 

"அதனாலே நாம் தைரியங்கொண்டு: கர்த்தர் எனக்குச் சகாயர், நான் பயப்படேன், மனுஷன் எனக்கு என்ன செய்வான் என்று சொல்லலாமே." ( எபிரெயர் 13: 6)

கர்த்தராகிய ஆண்டவர் நமக்கு சகாயம் செய்பவராக இருக்கின்றார். தன்னை விசுவாசித்து தனக்கு ஏற்புடைய மக்களாக வாழ்பவர்களுக்கு அவர் சாகயம் செய்யும் கேடகமாக இருக்கின்றார். எனவே, நாம் தைரியமாக இந்த உலகத்தில் வாழமுடியும். நமக்கு எதிராக மனிதர்கள் எதுவும் செய்திடமுடியாது. 

இன்றைய இந்த வசனத்தை மேலும் தெளிவாக அறிந்துகொள்ள நாம் இதன் முந்தின வசனத்தையும் சேர்த்து வாசிக்கவேண்டியது அவசியம். அதில் நாம், "நீங்கள் பண ஆசையில்லாதவர்களாய் நடந்து, உங்களுக்கு இருக்கிறவைகள் போதுமென்று எண்ணுங்கள்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை என்று அவர் சொல்லியிருக்கிறாரே." ( எபிரெயர் 13: 5 & யோசுவா 1:5) என்று வாசிக்கின்றோம். அதாவது, நான் உன்னை விட்டு விலகமாட்டேன், உன்னைக் கைவிடமாட்டேன் என்று அவர் ஏற்கெனவே கூறியிருக்கிறாரே அதனை நாம் விசுவாசிப்போமானால் கர்த்தர் எனது சகாயர் என்று கூறி தைரியமாக இந்த உலகத்தில் வாழமுடியும். 

ஆம் அன்பானவர்களே, இன்று மனிதர்கள் பல்வேறு விதங்களில் பொருள் சேர்க்க ஆர்வமாக இருக்கின்றனர். காரணம், எதிர்காலம் குறித்த பயம். நாம் அதிகமாக செல்வம் சேர்த்து வைத்தால் மட்டுமே எதிர்காலத்தில் நிம்மதியாக வாழமுடியும் என்று மனிதர்கள் எண்ணுகின்றனர். இதுவே பண ஆசையாக உருவெடுக்கின்றது. எனவேதான், "நீங்கள் பண ஆசையில்லாதவர்களாய் நடந்து, உங்களுக்கு இருக்கிறவைகள் போதுமென்று எண்ணுங்கள்' என்று கூறப்பட்டுள்ளது. 

அதிகமாக பொருள் சேர்த்து வைத்துள்ள எல்லோரும் இறுதிவரை மகிழ்ச்சியாக இருப்பதில்லை. அதுபோல பொருள் இல்லாதவர்கள் மகிழ்ச்சி குறைந்தவர்களுமல்ல. கிறிஸ்து நமக்குள் இருந்து நம்மை நடத்தும் மகிழ்ச்சியே மேலான மகிழ்ச்சி. நாம் கிறிஸ்துவைப் புறக்கணித்துச் செல்வத்தை மட்டுமே சேர்த்து வைத்தோமானால் இந்த மகிழ்ச்சியை நாம் அனுபவிக்க முடியாது. மட்டுமல்ல, இறுதியில் வாழ்வில் சோகமே நமக்கு  வந்து சேரும். 

இப்படிக் கூறுவதால் செல்வம் சேர்த்து வைக்கவேண்டாம் என்று பொருளல்ல.  மாறாக, செல்வத்தைச் சேர்க்கும் ஆசையைவிட ஆண்டவராகிய இயேசு கிறிஸ்துவை ஆதாயப்படுத்திக்கொள்வதே மேலான செல்வம் என உணர்ந்து அவரை நாம் அடைந்துகொள்ளும் ஆசையை வளர்த்து அதற்காக முயலவேண்டியது அவசியம்.   

இந்த ஆர்வத்தில்தான் அப்போஸ்தலரான பவுல், "ஆகிலும், எனக்கு லாபமாயிருந்தவைகளெவைகளோ அவைகளைக் கிறிஸ்துவுக்காக நஷ்டமென்று எண்ணினேன். அதுமாத்திரமல்ல, என் கர்த்தராகிய கிறிஸ்து இயேசுவை அறிகிற அறிவின் மேன்மைக்காக எல்லாவற்றையும் நஷ்டமென்று எண்ணிக்கொண்டிருக்கிறேன்." (பிலிப்பியர் 3;7,8) என்கின்றார். அதாவது, கிறிஸ்துவை அறியாமல் வாழும்போது நமக்கு இருக்கின்றது என்று நாம் எண்ணும் செல்வங்கள் அனைத்தும் ஒன்றுமில்லாமையே. 

இப்படி முயன்று நாம் கிறிஸ்துவை நமது வாழ்வில் ஆதாயமாக்கிக் கொள்வோமானால் தைரியங்கொண்டு: கர்த்தர் எனக்குச் சகாயர், நான் பயப்படேன், மனுஷன் எனக்கு என்ன செய்வான் என்று சொல்லலாம். இதுவே மேலான ஆவிக்குரிய வாழ்வு. இந்த அனுபவத்துக்காக வேண்டுதல் செய்வதையே தேவன் மேலான ஜெபமாக எண்ணுகின்றார்;  அதற்கு உடனடியாக பதிலும் கொடுக்கின்றார். 

தேவ செய்தி :- சகோ. எம். ஜியோ பிரகாஷ் 

“Within the Seeds” 🌳

AATHAVAN Scripture Meditation – No. 1853
March 05, 2026 – Thursday

“So that we confidently say, ‘The Lord is my helper, I will not be afraid. What will man do to me?’” — Epistle to the Hebrews 13:6

The Lord God is the One who helps us. To those who trust in Him and live as people pleasing to Him, He becomes a shield of help and protection. Therefore, we can live boldly in this world. No human being can ultimately harm us beyond God’s sovereign will.

To understand today’s verse more clearly, we must read the preceding verse as well:

“Make sure that your character is free from the love of money, being content with what you have; for He Himself has said, ‘I will never desert you, nor will I ever abandon you.’” — Epistle to the Hebrews 13:5

This promise echoes what God declared in:

“I will not fail you or forsake you.” — Book of Joshua 1:5

When we truly believe that He will never leave us nor forsake us, then we can confidently declare, “The Lord is my helper,” and live courageously in this world.

Yes, beloved, today people eagerly pursue wealth in many ways. The root cause is fear about the future. Many think that only by accumulating great wealth can they live peacefully tomorrow. This mindset gradually turns into the love of money. That is why Scripture instructs us to live free from the love of money and to be content with what we have.

Not everyone who has accumulated great riches remains joyful until the end. Likewise, those without wealth are not necessarily lacking joy. The joy that comes from Christ dwelling within us and guiding our lives is the supreme joy. If we neglect Christ and focus only on gathering wealth, we cannot experience this true joy. In fact, sorrow may eventually overtake such a life.

This does not mean that we should not earn or save. Rather, it means that instead of desiring wealth above all, we must recognize that gaining the Lord Jesus Christ is the greatest treasure. We must cultivate a deep longing to gain Him and strive earnestly for that pursuit.

With this passion, the apostle Paul declared:

“But whatever things were gain to me, these things I have counted as loss because of Christ. More than that, I count all things to be loss in view of the surpassing value of knowing Christ Jesus my Lord.” — Epistle to the Philippians 3:7–8

Without truly knowing Christ, all the riches we assume we possess amount to nothing of eternal value.

If we strive in this way and gain Christ in our lives, then we can boldly say, “The Lord is my helper, I will not be afraid. What will man do to me?” This is the higher spiritual life. God regards prayers seeking this experience as noble prayers—and He answers them without delay.

God’s Message: Bro. M. Geo Prakash

🦋 Meditation verse - யோசுவா 1: 5 / Joshua 1:5

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1850

🔆 2026 மார்ச் 02, திங்கள்   

"நீ உயிரோடிருக்கும் நாளெல்லாம் ஒருவனும் உனக்கு முன்பாக எதிர்த்து நிற்பதில்லை; நான் மோசேயோடே இருந்ததுபோல, உன்னோடும் இருப்பேன்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை." ( யோசுவா 1: 5)

இன்று இந்த உலகத்தில் பெரிய தலைவர்களுக்கு சிறப்பான பாதுகாப்பு அளிக்கப்படுவதை நாம் பார்க்கின்றோம். அப்படிப் பாதுகாப்பு அளிக்கப்பட்டுள்ள தலைவர்களை நாம் எளிதில் சென்று பார்த்துவிட முடியாது. அப்படி இருக்கும்போது அவர்களுக்கு எதிராக நாம் ஏதாவது செய்துவிடமுடியுமா? சமீபத்தில் அமெரிக்க ஜனாதிபதி டொனால்டு ட்ரம்ப் அவர்களைக் கொலைசெய்யும் நோக்கத்துடன் அவரது இல்லத்தில் நுழைந்த மனிதனைப் பாதுகாப்புப்படை வீரர்கள் சுட்டுக்கொன்றனர் என்ற செய்தியைப் பத்திரிகைகளிலும் தொலைக்காட்சிகளிலும் நாம் பார்த்தோம். இதுபோலவே கர்த்தர் தனது பிள்ளைகளுக்குப் பாதுகாப்புக் கொடுத்து எதிரிகளை அழிக்கின்றார். 

இதனையே இன்றைய தியான வசனத்தில் அவர் யோசுவாவிடம் கூறுகின்றார், "நீ உயிரோடிருக்கும் நாளெல்லாம் ஒருவனும் உனக்கு முன்பாக எதிர்த்து நிற்பதில்லை; நான் மோசேயோடே இருந்ததுபோல, உன்னோடும் இருப்பேன்" என்று. தேவன் மனிதர்களிடையே வேற்றுமை பாராட்டுவதில்லை. எனவே, யோசுவாவிடம் இப்படிக் கூறினாரென்றால் அது நமக்கும் உரிமையான வாக்குறுதியாகவே இருக்கின்றது. ஆனால், இந்த வாக்குத்தத்தத்துக்கு ஒரு நிபந்தனையையும் தேவன் கொடுத்தார். ஆம், "என் தாசனாகிய மோசே உனக்குக் கற்பித்த நியாயப்பிரமாணத்தின்படியெல்லாம் செய்யக் கவனமாயிருக்கமாத்திரம் மிகவும் பலங்கொண்டு திடமனதாயிரு; நீ போகும் இடமெல்லாம் புத்திமானாய் நடந்துகொள்ளும்படிக்கு, அதை விட்டு வலது இடதுபுறம் விலகாதிருப்பாயாக." ( யோசுவா 1: 7)

அதாவது, மோசே மூலம் கொடுக்கப்பட்டக்  கட்டளைகளுக்கு யோசுவா கீழ்ப்படிந்து நடந்தால் மட்டுமே இந்தப் பாதுகாப்பு அவனுக்கு உண்டு. இன்றும், புதிய ஏற்பாட்டு மக்களாகிய நமக்கு கிறிஸ்து பல கட்டளைகளைக் கொடுத்துள்ளார். அவற்றின்படி நாம் நடக்கும்போது,  "நீ உயிரோடிருக்கும் நாளெல்லாம் ஒருவனும் நமக்கு முன்பாக எதிர்த்து நிற்பதில்லை; நான் மோசேயோடே இருந்ததுபோல, உன்னோடும் இருப்பேன்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை" என்று யோசுவாவிடம் கூறிய வார்த்தைகள் நமது வாழ்க்கையிலும் நிறைவேறும்படி தேவன் கிருபை செய்வார். 

இந்த வசனம், நமக்கு எதிராகச் செயல்படும் மக்களை மட்டுமல்ல, நமக்கு எதிராக எழும்பும் பிரச்சனைகள், துன்பங்கள், நோய்கள், எதுவும் நம்மை எதிர்த்து நிற்காதபடி தேவன் நம்மைக் காத்துக்கொள்வார்; நம்மை விட்டு விலகவும் மாட்டார், நம்மைக் கைவிடவும் மாட்டார் என்பதனை விளக்குகின்றது. 

மேலும், அரசியல் தலைவர்களுக்கு அளிக்கப்படும் பாதுகாப்பு அவர்கள் பதவியில் இருக்கும் வரையில்தான் உண்டு. ஆனால், இன்றைய தியான வசனத்தில் தேவன் கூறுகின்றார், "நீ உயிரோடிருக்கும் நாளெல்லாம் ஒருவனும் உனக்கு முன்பாக எதிர்த்து நிற்பதில்லை" என்று. மட்டுமல்ல அன்பானவர்களே, அரசியல் தலைவர்களுக்கு அளிக்கப்படும் பாதுகாப்பு உறுதியற்றது. காரணம், அது பெலவீன மனிதர்களை, உண்மையற்ற மனிதர்களை  அடிப்டையாகக் கொண்டு செயல்படுவது.  நமது முன்னாள் பிரதமர் இந்திரா காந்தி அவர்களை அவரது சொந்த மெய்க்காப்பாளனே சுட்டுகொன்றதை நாம் அறிவோம். 

ஆம்,  தேவனுக்கு ஏற்புடைய வாழ்க்கை வாழும்போது யோசுவாவுக்கு கூறிய வார்த்தைகள் நமது வாழ்க்கையில் நமக்கும் நிரைவேறும். எனவே, தேவனது கட்டளைகளுக்குக் கீழ்ப்படிந்து அவருக்கு ஏற்புடைய வாழ்க்கை வாழ உறுதிகொள்வோம். அப்போது நமக்குத் தேவ பாதுகாப்பு நிச்சயம் உண்டு. நாம் உயிரோடு இந்த உலகத்தில் வாழும் நாள்வரை அவர் நம்மைக் கைவிடாமலும் நம்மை விட்டு விலகாமலும் இருப்பார். 

தேவ செய்தி :- சகோ. எம். ஜியோ பிரகாஷ் 

“Within the Seeds” 🌳

📖 Aathavan Bible Meditation – No. 1850
🔆 March 02, 2026 – Monday

“No one will be able to stand against you all the days of your life. Just as I have been with Moses, I will be with you; I will not desert you nor abandon you.” — Book of Joshua 1:5

Today, we see that great leaders of this world are provided with extraordinary security. It is not easy for anyone to approach them freely. When such tight protection is in place, can anyone easily act against them? Recently, news reports showed that security personnel shot and killed a man who had entered with the intention of assassinating the American President, Donald Trump.

In a similar way, the Lord grants protection to His children and destroys their enemies.

In today’s meditation verse, God says to Joshua:

“No one will be able to stand against you all the days of your life; just as I have been with Moses, I will be with you.” — Book of Joshua 1:5

God shows no partiality among people. Therefore, if He spoke this promise to Joshua, it also rightfully belongs to us. However, this promise came with a condition. Yes, the Lord said:

“Only be strong and very courageous; be careful to do according to all the Law which Moses My servant commanded you; do not turn from it to the right or to the left, so that you may achieve success wherever you go.” — Book of Joshua 1:7

This means Joshua would enjoy this protection only if he obeyed the commandments given through Moses.

Even today, as New Testament believers, Christ has given us many commands. When we walk according to them, the words spoken to Joshua - “I will be with you; I will not desert you nor abandon you.” — will also be fulfilled in our lives by God’s grace.

This verse does not refer only to people who oppose us. It also assures us that problems, sufferings, sicknesses, and any challenges that rise against us will not prevail over us. God Himself will guard us. He will neither leave us nor forsake us.

Furthermore, the protection given to political leaders lasts only as long as they remain in office. But in today’s meditation verse, God says:

“No one will be able to stand against you all the days of your life.”

Beloved, the security given to political leaders is uncertain because it depends on weak and imperfect human beings. We know that our former Prime Minister Indira Gandhi was assassinated by her own bodyguard.

Yes, when we live a life pleasing to God, the words spoken to Joshua will surely be fulfilled in our lives as well. Therefore, let us commit ourselves to obey God’s commandments and live in a manner worthy of Him.

Then divine protection will certainly be ours. As long as we live in this world, He will not abandon us, nor will He forsake us.

Divine Message: Bro. M. Geo Prakash

🦋 Meditation verse - வெளிப்படுத்தின விசேஷம் 16: 15 / Revelation 16:15

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1852

🔆 2026 மார்ச் 04, புதன்     

"இதோ, திருடனைப்போல் வருகிறேன். தன் மானம் காணப்படத்தக்கதாக நிர்வாணமாய் நடவாதபடிக்கு விழித்துக்கொண்டு, தன் வஸ்திரங்களைக் காத்துக்கொள்ளுகிறவன் பாக்கியவான்." ( வெளிப்படுத்தின விசேஷம் 16: 15)

நமது ஆண்டவராகிய இயேசு கிறிஸ்துவின் இரண்டாம் வருகையினைக்குறித்து நம்மை எச்சரிக்கும் வசனமாக இன்றைய தியான வசனம் உள்ளது. 

இயேசு கிறிஸ்து தான் உலகத்தில் வாழ்ந்தபோதும் தனது வருகையைத் திருடனின் வருகைக்கு ஒப்பிட்டுப் பேசினார். "உங்கள் ஆண்டவர் இன்ன நாழிகையிலே வருவாரென்று நீங்கள் அறியாதிருக்கிறபடியினால் விழித்திருங்கள். திருடன் இன்ன ஜாமத்தில் வருவானென்று வீட்டெஜமான் அறிந்திருந்தால், அவன் விழித்திருந்து, தன் வீட்டைக் கன்னமிடவொட்டானென்று அறிவீர்கள். நீங்கள் நினையாத நாழிகையிலே மனுஷகுமாரன் வருவார்; ஆதலால், நீங்களும் ஆயத்தமாயிருங்கள்." ( மத்தேயு 24: 42- 44) என்றார் அவர். 

இன்றைய தியான வசனத்தில், "தன் மானம் காணப்படத்தக்கதாக நிர்வாணமாய் நடவாதபடிக்கு விழித்துக்கொண்டு, தன் வஸ்திரங்களைக் காத்துக்கொள்ளுகிறவன் பாக்கியவான்" என்று கூறப்பட்டுள்ளது. இங்கு ஆண்டவர் குறிப்பிடும் ஆடை, இரட்சிப்பின் ஆடையாகும்; அந்த ஆடை இல்லாமையே நிர்வாணமாய் காணப்படுதல்.

காலியான வஸ்திரம் இல்லாமல் திருமண விருந்தில் கலந்துகொள்ள வந்த ஒரு மனிதனைக்குறித்து இயேசு கிறிஸ்து ஒரு உவமை கூறினார். அதில் ராஜா திருமண மண்டபத்தினுள் வந்து திருமண ஆடை இல்லாமலிருந்த மனிதனை நோக்கி,  "சிநேகிதனே, நீ கலியாண வஸ்திரமில்லாதவனாய் இங்கே எப்படி வந்தாய் என்று கேட்டான்; அதற்கு அவன் பேசாமலிருந்தான். அப்பொழுது, ராஜா பணிவிடைக்காரரை நோக்கி: இவனைக் கையுங்காலும் கட்டிக் கொண்டுபோய், அழுகையும் பற்கடிப்பும் உண்டாயிருக்கிற புறம்பான இருளிலே போடுங்கள் என்றான்." ( மத்தேயு 22: 12-13) என்று கூறினார்.

ஆம் அன்பானவர்களே, கிறிஸ்தவர்களாகிய நாம் அனைவருமே தேவனால் அழைக்கப்பட்டவர்கள்தான். ஆனால் திருமண ஆடை எனும் இரட்சிப்பு அனுபவம் பெற்றவர்கள்தான் தெரிந்துகொள்ளப்பட்டவர்கள். அப்படித் தெரிந்து கொள்ளப்பட்டவர்கள்  விழித்துக்கொண்டு, தங்கள் வஸ்திரங்களைக் காத்துக்கொள்ளவேண்டியதும்  அவசியம்; அப்படி இருப்பவர்களே பாக்கியவான்கள் என்று இன்றைய தியான வசனம் கூறுகின்றது. "அந்தப்படியே, அழைக்கப்பட்டவர்கள் அநேகர், தெரிந்துகொள்ளப்பட்டவர்களோ சிலர் என்றார்." ( மத்தேயு 22: 14) இயேசு கிறிஸ்து. 

தனது வருகையைத் திருடனின் வருகைக்கு இயேசு கிறிஸ்து ஒப்பிடுகின்றார். காரணம், திருடன் எப்போது வருவான் என்று நமக்குத் தெரியாததுபோல ஆண்டவரின் வருகையும் எப்போது நிகழும் என்று நமக்குத் தெரியாது. எனவே நாம் எச்சரிக்கையாக இருக்கவேண்டியது அவசியம். எனது நண்பன் ஒருவன் என்னிடம் கேலியாக, "இரண்டாயிரம் ஆண்டுகளாக வருகிறார், வருகிறார் என்று இதனைத்தான் கூறிக்கொண்டிருக்கிறார்கள், இன்னும் அவர் வரவில்லையே? என்றான். 

இப்படிக் கேள்வி கேட்பவர்களுக்கு அப்போஸ்தலரான பேதுரு ஏற்கெனவே பதில் கூறிவிட்டார்:- "தாமதிக்கிறார் என்று சிலர் எண்ணுகிறபடி, கர்த்தர் தமது வாக்குத்தத்தத்தைக்குறித்துத் தாமதமாயிராமல்; ஒருவரும் கெட்டுப்போகாமல் எல்லாரும் மனந்திரும்பவேண்டுமென்று விரும்பி, நம்மேல் நீடிய பொறுமையுள்ளவராயிருக்கிறார்." (2 பேதுரு 3: 9)

மேலும், இரட்சிக்கப்படாமல் அவரது வருகைக்குமுன் ஒருவேளை நாம் மரணமடைந்தால் அவர்முன் நாம் நிர்வாணமாகத்தானே நிற்போம்? எனவே, அவர் பொறுமையாக நமக்காகக் காத்திருக்கின்றார்.  "நம்முடைய கர்த்தரின் நீடியபொறுமையை இரட்சிப்பென எண்ணுங்கள்" (2 பேதுரு 3: 15) ஆண்டவராகிய இயேசு கிறிஸ்துவிடம் நமது பாவங்களை அறிக்கையிட்டு அவரது மன்னிப்பை வேண்டுங்கள் என்று வேதம் நம்மை அறிவுறுத்துகின்றது.   

தேவ செய்தி :- சகோ. எம். ஜியோ பிரகாஷ் 

“Within the Seeds” 🌳

📖 AATHAVAN Bible Meditation – No. 1852
🔆 March 04, 2026 – Wednesday

“Behold, I am coming like a thief. Blessed is the one who stays awake and keeps his garments, so that he will not walk about naked and people will not see his shame.” — Revelation 16:15

Today’s meditation verse is a solemn warning to us about the Second Coming of our Lord Jesus Christ.

Even while He lived on this earth, Jesus compared His coming to the coming of a thief. He said:

“Therefore, be on the alert, for you do not know which day your Lord is coming. But be sure of this, that if the head of the house had known at what time of the night the thief was coming, he would have been on the alert and would not have allowed his house to be broken into. For this reason, you also must be ready; for the Son of Man is coming at an hour when you do not think He will.” — Gospel of Matthew 24:42–44

In today’s key verse it is written: “Blessed is the one who stays awake and keeps his garments, so that he will not walk about naked and people will not see his shame.”

The garment mentioned here by our Lord refers to the garment of salvation. To be found without that garment is to be spiritually naked.

Jesus also told a parable about a man who came to a wedding feast without wearing wedding clothes. When the king came in and saw him, he said:

“Friend, how did you come in here without wedding clothes?” And the man was speechless. Then the king said to the servants, ‘Bind him hand and foot, and throw him into the outer darkness; in that place there will be weeping and gnashing of teeth.’” — Gospel of Matthew 22:12–13

Yes, beloved, as Christians we are all called by God. But only those who have received the experience of salvation — the wedding garment — are chosen. Those who are chosen must remain watchful and guard their garments. Such people alone are called blessed.

As Jesus concluded:

“For many are called, but few are chosen.” — Gospel of Matthew 22:14

Jesus compares His coming to that of a thief because just as we do not know when a thief will come, we do not know when the Lord will return. Therefore, we must remain spiritually alert.

Once, a friend mockingly asked me, “For two thousand years people have been saying He is coming, He is coming — but He has not yet come!”

To such questions, the Apostle Peter has already given the answer:

“The Lord is not slow about His promise, as some count slowness, but is patient toward you, not willing for any to perish but for all to come to repentance.” — Second Epistle of Peter 3:9

Furthermore, what if we die before His coming without being saved? Would we not stand before Him spiritually naked? That is why He waits patiently for us.

“And regard the patience of our Lord as salvation.” — Second Epistle of Peter 3:15

The Bible instructs us to confess our sins to the Lord Jesus Christ and seek His forgiveness. Let us therefore remain watchful, guard our spiritual garments, and be ready for His glorious return.

God’s Message: Bro. M. Geo Prakash

🦋 Meditation verse - எரேமியா 7:3 / Jeremiah 7:3

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1851

🔆 2026 மார்ச் 03, செவ்வாய்    

"இஸ்ரவேலின் தேவனாகிய சேனைகளின்  கர்த்தர்  சொல்லுகிறார்:    உங்கள் வழிகளையும் உங்கள் கிரியைகளையும் சீர்ப்படுத்துங்கள், அப்பொழுது உங்களை இந்த ஸ்தலத்திலே குடியிருக்கப்பண்ணுவேன்." ( எரேமியா 7:3)

எனக்குத் தெரிந்த நபர் ஒருவர் தனது குடும்பத்தில் தொடர்ந்து பிரச்சனையும் துன்பமும் ஏற்பட்டதால் ஜோசியர்களையும் குறிசொல்பவர்களையும் நாடி ஓடினார். அவர்கள் அவருக்குப் பல்வேறு பரிகாரங்களைக் கூறினார்கள். அவைகளில் ஒன்று, "நீங்கள் குடியிருக்கும் வீட்டின் வாஸ்து சரியில்லை. எனவே, நீங்கள் வீட்டில் சில மாறுதல்களைச் செய்யவேண்டும்" என்பது. ஏற்கெனவே இருந்த கடனைவிட வீட்டை மாறுதல் செய்வதற்கு மீண்டும் அவர் கடன் வாங்கினார்.  ஆனாலும் வாழ்வில் மாறுதலும் ஆசீர்வாதமும் வரவில்லை. 

இன்னொரு பெரிய ஜோஸியரிடம் சென்று தனது பிரச்சனையைக் கூறி பரிகாரம் கேட்டார். அந்த ஜோசியர், "நீங்கள் இந்த வீட்டைவிட்டு வெளியேறி ஒரு வருடகாலம் வேறு வீட்டில் குடிஇருந்தால் உங்களது வாழ்வில் மாறுதல் வரும்" என்றார். அதனை நம்பி சொந்த வீட்டைவிட்டு வெளியேறி வாடகை வீட்டில் குடியேறினார். இந்த மாறுதல்கள் அவரது வாழ்வில் பிரச்சனைக்குமேல் பிரச்சனையையும் கடன் சுமையையும் அதிகரித்தது. ஆனால் வாழ்வில் எந்தமாறுதலும் ஏற்படவில்லை. 

ஆம் அன்பானவர்களே, இன்று இப்படி ஜோசியர்கள் செய்யும் செயல்பாடுகளைச்  சில ஏமாற்று கிறிஸ்தவ ஊழியர்களும் செய்கின்றனர். கிறிஸ்தவர்கள் என்று தங்களைக் கூறிக்கொள்ளும் பலரும் இத்தகைய ஊழியர்களிடம் செல்கின்றனர். ஜோசியர்கள் சொல்வதுபோல, "உங்கள் வீட்டில் செய்வினை வைத்துள்ளனர். செய்வினைத் தகடு உங்கள் வீட்டு வாசலில் புதைக்கப்பட்டுள்ளது,  அதனை எடுத்தால்தான் ஆசீர்வாதம் எனக்கூறி, அதனை அகற்றிட  ஜெபிப்பதாகக் கூறி, பணமும் பெற்றுக்கொண்டு    விசுவாசிகளை ஏமாற்றுகின்றனர். "யாக்கோபுக்கு விரோதமான மந்திரவாதம் இல்லை, இஸ்ரவேலுக்கு விரோதமான குறிசொல்லுதலும் இல்லை" (எண்ணாகமம் 23:23) என்றல்லவா வேதம் கூறுகின்றது?

நமது பிரச்சனைகளுக்குத் தீர்வு நம்மை மாற்றாமல் வீட்டை மாற்றுவதால் வந்துவிடாது. மந்திரத் தகடை அகற்றுவதால் வந்துவிடாது. தேவன் எந்த இடத்திலும் நம்மை ஆசீர்வதிக்கமுடியும்.  ஆம், "உங்கள் வழிகளையும் உங்கள் கிரியைகளையும் சீர்ப்படுத்துங்கள், அப்பொழுது உங்களை இந்த ஸ்தலத்திலே குடியிருக்கப்பண்ணுவேன்" என்கிறார் தேவனாகிய கர்த்தர். 

இன்று வீட்டை மாற்றுவதிலும் வீட்டில் மாறுபாடுகள்  செய்வதிலும் அதிக பணம் செலவழிந்தாலும் மக்கள் அதனைப் பெரிதுபடுத்துவதில்லை. ஆசீர்வாதம் பெறுவதற்காக அந்த மாறுதல்களைச் செய்கின்றனர். ஆனால் பணம் செலவில்லாமல் தங்களது செயல்பாடுகளை மாற்றுவதில் மக்களுக்கு ஆர்வமிருப்பதில்லை. 

"நான் என் நாமத்தைப் பிரஸ்தாபப்படுத்தும் எந்த ஸ்தானத்திலும் உன்னிடத்தில் வந்து, உன்னை ஆசீர்வதிப்பேன்." (யாத்திராகமம் 20:24) என்று தேவன் வாக்களித்துள்ளனர். தேவனது பெயரை மகிமைப்படுத்தும் செயல்பாடுகளை நாம் செய்வோமானால் தேவன் நம்மை நாம் இருக்குமிடத்திலேயே ஆசீர்வதிப்பார். 

ஆம் அன்பானவர்களே, பிரச்சனையை நம்மிடம் வைத்துக்கொண்டு அதனை வேறு இடத்தில தேடுவதால் தீர்வு கிடைக்காது. நமது வழிகளை தேவனுக்கு உகந்ததாக மாற்றும்போது மட்டுமே நமக்கு ஆசீர்வாதம் கிடைக்கும். வீட்டில் மாறுபாடு செய்வதிலும் வீட்டை மாற்றுவதிலும் கவனம் செலுத்தாமல் நம்மை மாற்றிட முயல்வோம். தேவனுக்கு நம்மை ஒப்புக்கொடுப்போம். அப்பொழுது உங்களை இந்த ஸ்தலத்திலே குடியிருக்கப்பண்ணுவேன் என்கிறார் தேவனாகிய கர்த்தர். 

"இப்போதும் உமது அடியானின் வீடு என்றைக்கும் உமக்கு முன்பாக இருக்கும்படி அதை ஆசீர்வதித்தருளும்; கர்த்தரான ஆண்டவராகிய தேவரீர் அதைச் சொன்னீர், உம்முடைய ஆசீர்வாதத்தினாலே உமது அடியானின் வீடு என்றைக்கும் ஆசீர்வதிக்கப்பட்டிருப்பதாக" (2 சாமுவேல் 7: 29)

தேவ செய்தி :- சகோ. எம். ஜியோ பிரகாஷ் 

“Within the Seeds” 🌳

📖 AATHAVAN Bible Meditation – No. 1851
🔆 March 03, 2026 – Tuesday

“Thus says the LORD of hosts, the God of Israel, ‘Amend your ways and your deeds, and I will let you dwell in this place.’” — Jeremiah 7:3

A person known to me faced continuous problems and suffering in his family. In distress, he began running to astrologers and soothsayers. They suggested various remedies. One of them said, “The vaastu of your house is not correct. You must make structural changes to your home.”

Though he was already burdened with debt, he borrowed more money to renovate his house. Yet no change or blessing came into his life.

Later, he consulted another well-known astrologer and explained his struggles. This one advised, “If you vacate this house and live in another place for a year, your life will change.” Believing this, he left his own house and moved into a rented one. These changes only increased his problems and debt. Still, there was no transformation in his life.

Yes, beloved friends, sadly, some deceitful individuals who claim to be Christian ministers are doing similar things today. Many who call themselves Christians go to such people. Like astrologers, they say, “There is sorcery placed in your house. A cursed object has been buried at your doorstep. Only if we remove it will you be blessed.” They claim to pray and remove it—collecting money and deceiving believers.

But does not the Scripture say: “For there is no omen against Jacob, Nor is there any divination against Israel.” — Book of Numbers 23:23

The solution to our problems will not come by changing our house while leaving ourselves unchanged. It will not come by removing imaginary cursed objects. God can bless us in any place. Yes, the Lord declares:

“Amend your ways and your deeds, and I will let you dwell in this place.” — Book of Jeremiah 7:3

Today, people are willing to spend large amounts of money changing houses or making alterations to receive blessings. Yet they show little interest in changing their own conduct—though it costs nothing financially.

God has promised:

“In every place where I cause My name to be remembered, I will come to you and bless you.” — Book of Exodus 20:24

If we live in ways that glorify God’s name, He will bless us right where we are.

Beloved, keeping the problem within ourselves while searching for solutions elsewhere will never bring true change. Only when we amend our ways according to God’s will, blessing will come. Instead of focusing on changing our house or surroundings, let us focus on changing ourselves. Let us surrender ourselves to God. Then He says, “I will let you dwell in this place.”

Let this be our prayer:

“Now therefore, may it please You to bless the house of Your servant, that it may continue forever before You. For You, O Lord GOD, have spoken; and with Your blessing may the house of Your servant be blessed forever.” — 2 Samuel 7:29

God’s Message: Bro. M. Geo Prakash

🦋 Meditation verse - சங்கீதம் 23: 1 / Psalms 23:1

 "விதைகளின் உள்ளே" 🌳

📖 ஆதவன் வேதாகமத் தியானம் - எண் 1849

🔆 2026 மார்ச் 01, ஞாயிறு  

"கர்த்தர் என் மேய்ப்பராயிருக்கிறார்; நான் தாழ்ச்சியடையேன்." ( சங்கீதம் 23: 1) 

மெய்யான தேவ ஆசீர்வாதம் செல்வச்செழிப்பில் அல்ல, மாறாக கர்த்தர் நம்மோடு இருந்து நம்மை அவர் மேய்ப்பனைபோல வழிநடத்தும் அனுபவத்தில் இருக்கின்றது என்பதே இன்றைய தியான வசனம் கூறும் அடிப்படை உண்மை. 

மனிதர்கள் பலரும் மிகுதியான சொத்துக்கள், நல்ல வேலை வாய்ப்புகள், செழிப்பான வாழ்க்கை, இவைதான் தேவ ஆசீர்வாதம் என்று எண்ணிக்கொள்கின்றனர். இந்த அடிப்படையிலேயே கணக்கிட்டுத்  தங்களை தேவன் ஆசீர்வதித்திருக்கிறார் என்று கூறிக்கொள்கின்றனர். ஆனால் தாவீது ராஜா அப்படி எண்ணவில்லை. ஏனெனில் அவர் மிகுதியான துன்பங்களுக்குப் பின்னர்தான் இராஜாவாக உயர்த்தப்பட்டார். இந்த அனுபவத்தில்தான் இன்றைய தியான வசனத்தை அவர் கூறுகின்றார். கர்த்தர் எனது மேய்ப்பனாக இருப்பதால் நான் தாழ்ந்து போகமாட்டேன் என்கின்றார் அவர். 

நாம் வீடுகளில் வளர்க்கும் ஆடுகளுக்கும் காட்டில் இயற்கையாக அலையும் ஆடுகளுக்கும் பெரிய வித்தியாசத்தை நாம் பார்க்க முடியும். வீட்டில் வளர்க்கப்படும் ஆடுகளைவிட காடுகளில் வளரும் ஆடுகள் அதிக உடல் வலிமையுடனும், செழிப்புடனும் காணப்படும். 

ஆடுகளை மேய்ச்சலுக்குக் கொண்டுசெல்லும் மேய்ப்பர்கள் அவைகளைக் கண்ணும் கருத்துமாகப் பாதுகாப்பார்கள். எந்தப் பகுதிகளில் கொடிய விலங்குகளின் அபாயம் இருக்கும், எந்த வகை புற்கள் ஆடுகளின் உடலுக்கு ஒத்துக்கொள்ளாது என்பவை மேய்ப்பர்களுக்குத் தெரியும். எனவே, அவர்கள் அவைகளை கட்டுப்பாடுடன் மேய்ப்பார்கள். சில இடங்களுக்கு அவை போகவிரும்பினாலும் போகவிடமாட்டார்கள். ஆனால், காட்டில் வளரும் ஆடுகளுக்கு எந்தக் கட்டுப்பாடும் இருப்பதில்லை. அவை தங்கள் விரும்பிய இடங்களுக்குச் செல்லும், விரும்பியதை உண்ணும். 

ஒரு சிறிய கற்பனை செய்து பார்ப்போம்:- மேய்ப்பன் வளர்க்கும் ஆடுகள் காட்டு ஆடுகளைப் பார்க்கும்போது மனதினில், "ஆஹா, இந்த ஆடுகள் எவ்வளவு மகிழ்ச்சியாக விடுதலையுடன் வாழ்கின்றன. நமது மேய்ப்பன் நம்மை அவைகளைப்போல சுதந்திரமாக விடமாட்டேன் என்கிறான். நாமும் இவைகளைப்போல மேய்ப்பனில்லாமல் சுதந்திரமாக இருந்தால் நலமாக இருக்கும்" என எண்ணிக்கொள்ளும். ஆனால், அன்பானவர்களே, காட்டு ஆடுகளை எப்போது கொடிய விலங்குகள் தாக்கிக் கொல்லும் என்று தெரியாது. எனவே அவைகளுக்கு உயிர்ப்  பாதுகாப்பு இல்லை.  அவை செழிப்பாக வாழ்வதுபோலத் தெரிந்தாலும் மழையிலும் வெய்யிலிலும் வாடிவருந்தும். மட்டுமல்ல, எப்போதும் ஒரேபோல உணவு அவைகளுக்குக் கிடைப்பதில்லை.  

மேய்ப்பனிடம் வளரும் ஆடுகள் கட்டுப்பாடு இருந்தாலும்; காட்டு ஆடுகளைவிட மெலிவாக இருந்தாலும், அவைகளுக்கு மேய்ப்பனின்  தக்கப் பாதுகாப்பு உண்டு. வெயிலுக்கும் மழைக்கும் மறைவான கூடாரங்கள் உண்டு; உணவுக்கு உத்தரவாதம் உண்டு. இதுபோலவே நல்லாயனாம் இயேசு தனது பிள்ளைகளைக்  கட்டுப்பாடுடன் நடத்துகின்றார். அவரை அறியாத மற்றவர்கள் செய்வதுபோலவும் அவர்கள் வாழ்வதுபோலவும் தனது பிள்ளைகள் வாழ அவர் அனுமதிப்பதில்லை. 

தாவீது சிறு வயது முதல் ஆடுமேய்ப்பவராக இருந்ததால் இந்த உண்மைகளை உணர்ந்திருந்தார். எனவே, இதனை அவர் இன்றைய தியான வசனத்தில் ஆவிக்குரிய அனுபவங்களுடன் ஒப்பிட்டுக் கூறுகின்றார். கர்த்தரைத் தாவீது தனது மேய்ப்பராகக் கருதி வாழ்ந்ததுபோல நாமும் அவரையே நமது மேய்ப்பராகக் கொண்டு கட்டுப்பாடுடன் மேய்ப்பனின் ஆடுகளாக வாழ்வோம். அவர் நமது மேய்ப்பராக இருக்கும்போது நாம்  தாழ்வடைய மாட்டோம்;  கர்த்தரை அறியாத மக்கள் செழிப்பான வாழ்க்கை வாழ்வதைக் கண்டு மனம் சோர்வடையமாட்டோம். 

தேவ செய்தி :- சகோ. எம். ஜியோ பிரகாஷ்         

“Within the Seeds” 🌳

📖 AATHAVAN Bible Meditation – No. 1849
🔆 March 01, 2026 – Sunday

“The Lord is my shepherd; I shall not want.” — Psalms 23:1

The foundational truth conveyed in today’s meditation verse is this: true divine blessing is not found in material prosperity, but in the experience of the Lord being with us and guiding us like a shepherd.

Many people assume that abundant wealth, a good job, and a prosperous lifestyle are signs of God’s blessing. Based on such measures, they conclude that God has blessed them. But King David did not think that way. He was elevated to the throne only after enduring many hardships. It was through those experiences that he declared today’s meditation verse. Because the Lord was his Shepherd, he boldly affirmed that he would not be in want.

We can clearly see the difference between sheep raised under a shepherd’s care and those that wander freely in the wild. Often, wild sheep appear physically stronger and healthier than those raised at home.

Shepherds who lead their sheep to pasture watch over them carefully. They know which areas are dangerous because of wild animals and which types of grass may be harmful to the sheep. Therefore, they guide them with discipline. Even if the sheep desire to go to certain places, the shepherd will not allow it. In contrast, sheep in the wild have no such restraint. They go wherever they please and eat whatever they desire.

Let us imagine something for a moment: when sheep under a shepherd see wild sheep, they might think, “Oh! How freely and happily those sheep live! Our shepherd does not allow us that kind of freedom. If only we could live without a shepherd like them, we would be better off.”

But, dear friends, wild sheep have no assurance of safety. At any moment, they may be attacked and killed by fierce animals. Though they may appear to live in abundance, they suffer under rain and scorching sun. They do not have consistent access to food either.

Sheep raised under a shepherd may live with discipline and may even appear less robust than wild sheep, yet they have the shepherd’s proper protection. They have shelter from sun and rain. They have assurance of food. In the same way, Jesus, the Good Shepherd, leads His children with loving discipline. He does not permit His children to live as those who do not know Him live.

David, having been a shepherd from his youth, understood these truths deeply. That is why he expressed this spiritual reality through his own experience. Just as David accepted the Lord as his Shepherd, let us also live as sheep under His guidance and discipline.

When the Lord is our Shepherd, we will not be in want. We will not grow discouraged when we see those who do not know the Lord appearing to live prosperous lives.

Divine Message: Bro. M. Geo Prakash