ஜெபமா வாழ்க்கையா ? / PRAYER OR LIFE ?

 'ஆதவன்' 📖✝ வேதாகமத் தியானம் - எண்:- 1,100     💚 பிப்ரவரி 13, 2024 💚செவ்வாய்க்கிழமை 💚  

"துன்மார்க்கருடைய பலி கர்த்தருக்கு அருவருப்பானது; செம்மையானவர்களின் ஜெபமோ அவருக்குப் பிரியம்." ( நீதிமொழிகள் 15 : 8 )

மனிதர்கள் பொதுவாக தேவனையும் தங்களைப்போன்ற மனமுள்ள ஒருவராகவே எண்ணிக்கொள்கின்றனர். ஒரு அரசியல் தலைவனுக்குமுன் அவனை வாழ்த்திக் கூக்குரலிடுவது, மலர் மாலைகளை அணிவது, பால் அபிஷேகம் செய்வது இவை போன்ற செயல்கள் அவனை மகிழ்ச்சிப்படுத்தும். மனிதர்கள் தேவனையும் இப்படி மகிழும் அரசியல் தலைவனாகவே எண்ணிக்கொள்கின்றனர். ஆனால் தேவனோ உள்ளத்தை ஊடுருவிப் பார்க்கின்றவர். அவர் தூய்மையான ஒரு மனநிலையினை மனிதர்களிடம் எதிர்பார்க்கின்றார் என்பதனை பெரும்பாலும் மறந்துவிடுகின்றனர்.

மிகப் பிரமாண்டமாக பலி செலுத்துவதாலோ ஆலயங்களுக்கு விழா எடுப்பதாலோ தேவன் மகிழ்ச்சியடைந்துவிடமாட்டார்.  இத்தகைய மனிதர்களைப் பார்த்து அவர் பரிதாபப்படுவார்.  இன்றல்ல, கிறிஸ்து பிறப்பதற்கு ஏறக்குறைய 750 ஆண்டுகளுக்கு முன்னரே ஏசாயா தீர்க்கதரிசி மூலம் இதனை மக்களுக்குத் தேவன் தெளிவுபடுத்தினார். "உங்கள் பலிகளின் திரள் எனக்கு என்னத்துக்கு என்று கர்த்தர் சொல்லுகிறார்; ஆட்டுக்கடாக்களின் தகனபலிகளும், கொழுத்த மிருகங்களின் நிணமும் எனக்கு அரோசிகமாயிருக்கிறது; காளைகள், ஆட்டுக்குட்டிகள், கடாக்களுடைய இரத்தத்தின்மேல் எனக்குப்பிரியமில்லை." ( ஏசாயா 1 : 11 )

துன்மார்க்கருடைய பலி தேவனுக்கு அருவருப்பானது என்று இன்றைய வசனம் சொல்கின்றது. கொலையும், கொள்ளையும், லஞ்சமும் வாங்கி பணத்தையும் இதர சொத்துக்களையும் சேர்த்துவிட்டு ஆலயங்களில் வந்து நின்று பலிசெலுத்துவது மனித கழிவை பரிமாறுவதுபோல அருவருப்பானது என்கின்றார் தேவனாகிய கர்த்தர். ஆனால் பலரும் ஆலயங்களில் சென்று காணிக்கைச் செலுத்துவதிலும் வணங்குவதிலும்தான் ஆர்வம்  செலுத்துகின்றார்.  

நாம் மணிக்கணக்காக ஜெபிக்கலாம், உபவாசித்து ஜெபிக்கலாம், பல்வேறு காணிக்கைகளை நேர்ச்சையாக தேவனுக்குக் கொடுத்து ஜெபிக்கலாம் ஆனால் நமது வாழ்க்கை தகுதியில்லாத வாழ்க்கையாக  இருக்குமானால் தேவன் நமது ஜெபத்தைக் கேட்கமாட்டார். "நீங்கள் உங்கள் கைகளை விரித்தாலும், என் கண்களை உங்களைவிட்டு மறைக்கிறேன்; நீங்கள் மிகுதியாய் ஜெபம்பண்ணினாலும் கேளேன்; உங்கள் கைகள் இரத்தத்தினால் நிறைந்திருக்கிறது." ( ஏசாயா 1 : 15 )

ஜெபக் குறைவுதான் உங்கள் ஆசீர்வாதத்துக்குக் காரணம், வேதம் வாசிக்காததுதான் உங்கள் இந்த கீழான நிலைமைக்குக் காரணம் என்று பல பிரசங்கங்களில் நீங்கள் கேட்டிருக்கலாம். ஆனால் அன்பானவர்களே, அதனைவிட முதலில் நமது வாழ்க்கைத் தூய்மையானதாக இருக்கவேண்டியது அவசியம். நமது வாழ்க்கை தேவனுக்குப் பிரியமில்லாத வாழ்க்கையாக இருப்பதுதான் நமது ஆசீர்வாதக் குறைவுக்குக் காரணம். 

யார் வேண்டுமானாலும், எந்த வாழ்க்கை வாழ்ந்துகொண்டும் ஜெபிக்கலாம். ஆனால் எல்லா ஜெபத்தையும் தேவன் கேட்பதில்லை. மனம் வருந்தும் மன்னிப்பின் ஜெபத்தைக்கே தேவன் முன்னுரிமை கொடுப்பார். எனவே, முதலில் நமது பாவங்களை உணர்ந்து மனம்திரும்பும் ஜெபத்தை நாம் ஏறெடுத்து பாவ மன்னிப்பின் நிச்சயத்தைப் பெற்றுக்கொள்ளவேண்டும். அது இல்லாத ஜெபம் வெற்றுக்   கூச்சல் போன்றதே.  

முதலில் "உங்களைக் கழுவிச் சுத்திகரியுங்கள்; உங்கள் கிரியைகளின் பொல்லாப்பை என் கண்களுக்கு மறைவாக அகற்றிவிட்டு, தீமைசெய்தலை விட்டு ஓயுங்கள்;" ( ஏசாயா 1 : 16 ) என்கின்றார் பரிசுத்தரான கர்த்தர். செம்மையானவர்களின் ஜெபமோ அவருக்குப் பிரியம் என்று இன்றைய வசனம் கூறுகின்றது. நம்மைத் தேவனுக்குமுன் செம்மையானவர்களாக மாற்றுவோம். பலிகளும் காணிக்கைகளும் இரண்டாவது பட்சமே. 

தேவ செய்தி :- சகோ. எம். ஜியோ பிரகாஷ் 

                   PRAYER OR LIFE ?

'AATHAVAN' 📖✝ BIBLE MEDITATION No:- 1,100 💚 February 13, 2024 💚Tuesday 💚

"The sacrifice of the wicked is an abomination unto the Lord: but the prayer of the righteous is his delight." (Proverbs 15:8)

Humans generally think of God as having a mind like themselves. Shouting praise greetings before a political leader, wearing flower garlands, anointing the leader’ photos with milk will make him feel happy. Humans think of God as a similar political leader. God is the seer of what is. It is often forgotten that He expects from men a pure state of mind.

God will not be pleased with the grandiose sacrifices or feasts in the temples. He would feel pity for such people. Not today, God made this clear to the people through the prophet Isaiah about 750 years before the birth of Christ. 'To what purpose is the multitude of your sacrifices unto me? saith the LORD: I am full of the burnt offerings of rams, and the fat of fed beasts; and I delight not in the blood of bullocks, or of lambs, or of the goats." (Isaiah 1: 11)

Today's verse says that the sacrifice of the wicked is an abomination to God. It is abominable, says the Lord God, to take murder, robbery, and bribery and gather money and other assets and then stand and offer sacrifices in temples. But many are interested only in visiting temples and paying offerings and worshiping.

We can pray for hours, we can fast and pray, we can offer various offerings to God and pray but if our life is unworthy God will not hear our prayer. "And when ye spread forth your hands, I will hide mine eyes from you: yea, when ye make many prayers, I will not hear: your hands are full of blood." (Isaiah 1: 15)

You may have heard in many sermons that your lack of prayer is the reason for your blessing, and that not reading the scriptures is the reason for your unblessed life. But dear ones, first of all our lives must be pure. Our lack of blessings is because our lives are not pleasing to God.

Anyone can pray, no matter what life they are living. But God does not hear all prayers. God will give priority to the prayer of repentance and forgiveness. Therefore, first of all we should realize our sins and pray for repentance and get the certainty of forgiveness. Prayer without it is like empty shouting.

First "Wash you, make you clean; put away the evil of your doings from before mine eyes; cease to do evil;" (Isaiah 1: 16) says the Holy Lord. Today's verse says that the prayer of the pure is pleasing to Him. Let us make ourselves pure before God. Sacrifices and offerings are secondary.

God’s  Message :- Bro. M. Geo Prakash

தேவ சத்தத்துக்குச் செவிகொடுப்போம் / HEED THE VOICE OF GOD

'ஆதவன்' 📖✝ வேதாகமத் தியானம் - எண்:- 1,099       💚 பிப்ரவரி 12, 2024 💚திங்கள்கிழமை 💚  

"இன்று அவருடைய சத்தத்தைக் கேட்பீர்களாகில், கோபமூட்டுதலில் நடந்ததுபோல உங்கள் இருதயங்களைக் கடினப்படுத்தாதிருங்கள் என்று சொல்லியிருக்கிறதே". (எபிரெயர் 3:15)

தேவனுடைய வார்த்தைகள் அன்று இஸ்ரவேல் மக்களுக்கு மோசே மூலம் அறிவிக்கப்பட்டது. ஆனால் அதனைக் கேட்ட எல்லோரும் அந்த வார்த்தைகளுக்குக் கீழ்ப்படியவில்லை. தேவனுக்கு எதிராக முறுமுறுத்தார்கள். காரணம் அவர்களுக்கு பழைய எகிப்து வாழ்க்கைதான் மனதுக்குப் பிடித்திருந்தது. எகிப்தில் தங்கள் உண்டதை நினைத்தும் அந்த உணவு இப்போது கிடைக்காததை  நினைத்தும் ஏங்கினார்கள்.

இதனையே நாம் தேவ வசனத்தைக் "கேட்டவர்களில் கோபமூட்டினவர்கள் யார்? மோசேயினால் எகிப்திலிருந்து புறப்பட்ட யாவரும் அப்படிச் செய்தார்களல்லவா?" (எபிரெயர் 3:16) என்றும் வாசிக்கின்றோம். 

நமக்கும் இன்று தேவ வார்த்தைகள் பத்திரிகைகள், செய்தி ஊடகங்கள், சுவர் எழுத்துக்கள், பிரசங்கங்கள்  எனப் பல்வேறு விதங்களில் அறிவிக்கப்படுகின்றன.  தேவ ஊழியர்கள் அறிவிக்கும் செய்திகள் பல வேளைகளில் நமது இருதயத்தைத் தொடுகின்றன. வேதாகமத் தியானங்கள் இருதயத்தைக் குத்துகின்றன. அன்றாட வாழ்வில் ஏதோ ஒரு முறையில் தேவ வார்த்தைகள் நாம் அனைவரையும் வந்து சேர்கின்றன. ஆனால் அவை நாம் வாழ்ந்துகொண்டிருக்கும் பழைய வாழ்வை மற்ற வேண்டும் என்று கூறுவதால் அன்றைய இஸ்ரவேல் மக்களைப்போல நாமும் இருதயத்தைக் கடினப்படுத்துகின்றோம். 

ஆம், பலவேளைகளில் நாம், "இந்தப் பிரசங்கம் நன்றாய் இருந்தது" என்று கூறிக்கொள்கின்றோம், சில வீடியோ பிரசங்கங்களை மற்றவர்களோடு பகிர்ந்துகொள்கின்றோம். ஆனால் அந்தச் செய்தி கூறும் உண்மைக்கு நேராக நடக்கவும் நமது வாழ்க்கையினை மாற்றி அமைத்துக்கொள்ளவும் தயாராக இருப்பதில்லை. இப்படித் தேவ வார்த்தைகளை புறக்கணிப்பவர்களை நோக்கி இன்றைய வசனம் கூறுகின்றது, "இன்று அவருடைய சத்தத்தைக் கேட்பீர்களாகில், கோபமூட்டுதலில் நடந்ததுபோல உங்கள் இருதயங்களைக் கடினப்படுத்தாதிருங்கள்."

சபை வேறுபாடு பார்க்காமல் பொதுவாக அனைத்து கிறிஸ்தவ  பிரிவினரின் செய்திகளையும் கேட்பது நல்ல செயல். ஒவ்வொரு சபையும் போதிப்பதில் வேதத்துக்குச் சரியான போதனைகள், முரணான போதனைகள் உண்டு. அதுபோல நம்மை உணர்வடையச் செய்யும் போதனைகளும் உண்டு.  கூடுமானவரை யார் சொன்னார்கள் என்று பார்ப்பதைவிட சொல்வது வேதத்துக்கு ஏற்புடையதுதானா என்று மட்டும் பார்ப்பதே கிறிஸ்துவை அறிந்த மனிதன் செய்யவேண்டியது.  

அன்பானவர்களே, ஒரு திறந்த மனதுடன் நாம் எல்லாவற்றையும் அணுகினால் சத்தியத்தை உணர்ந்துகொள்ளமுடியும். எனவே, நாம் முதலில் தேவ வார்த்தைகளைக் கேட்பதற்கு முன்னுரிமை கொடுக்கவேண்டும், அவற்றை விசுவாசிக்கவேண்டும், அவற்றுக்குக் கீழ்படியவேண்டும்.  அப்போதுதான் நாம் கர்த்தராகிய இயேசு கிறிஸ்து வாக்களித்த நித்திய ஜீவன் எனும் நிலை வாழ்வினை அடையமுடியும்.

இதனையே எபிரெய நிருபத்தில், "பின்னும், என்னுடைய இளைப்பாறுதலில் பிரவேசிப்பதில்லையென்று அவர் யாரைக்குறித்து ஆணையிட்டார்? கீழ்ப்படியாதவர்களைக் குறித்தல்லவா? ஆதலால், அவிசுவாசத்தினாலே அவர்கள் அதில் பிரவேசிக்கக்கூடாமற் போனார்களென்று பார்க்கிறோம்."  (எபிரெயர் 3:18, 19) என்று வாசிக்கின்றோம். 

ஆம் அன்பானவர்களே, "இன்று அவருடைய சத்தத்தைக் கேட்பீர்களாகில், கோபமூட்டுதலில் நடந்ததுபோல உங்கள் இருதயங்களைக் கடினப்படுத்தாதிருங்கள்" சபைப் பாகுபாடு எண்ணம் நமது இருதயத்தைக் கடினப்படுத்தும். அவிசுவாசம் நமது இருதயத்தைக் கடினப்படுத்தும்  "இவன் நம்ம சபை இல்லையே...ஏதோ சொல்லிக்கொண்டிருக்கிறான் ..." என்று எண்ணி எவரது மூலம் வரும் தேவ வார்த்தைகளை நாம் புறக்கணித்தால்  அந்த அவிசுவாசமே நம்மை தேவ இளைப்பாறுதலுக்குள் பிரவேசிக்கத் தடையாக இருக்கும். 

தேவ செய்தி :- சகோ. எம். ஜியோ பிரகாஷ் 

             HEED THE VOICE OF GOD 

'AATHAVAN' 📖✝ BIBLE MEDITATION No:- 1,099 💚 February 12, 2024 💚Monday 💚

“While it is said, today if ye will hear his voice, harden not your hearts, as in the provocation.” ( Hebrews 3 : 15 )

God's words were revealed to the people of Israel through Moses. But all who heard it disobeyed those words. They grumbled against God. Because they liked the old Egyptian life. They longed for what they had eaten in Egypt and that food was no longer available.

This is what we read, “For some, when they had heard, did provoke: howbeit not all that came out of Egypt by Moses.” (Hebrews 3: 16)

Even today, God's words are preached in various ways such as magazines, news media, wall writings and sermons. The messages preached by God's servants often touch our hearts. Scriptural meditations pierce the heart. The words of God come to all of us in one way or another in our daily lives. But because they say that we want to change the old life we are living, we harden our hearts like the people of Israel in those days.

Yes, many times we say, "This sermon was good" and share some video sermons with others. But we are not ready to walk straight to the truth of the message and change our lives. Today's verse says to those who ignore God's words, “if ye will hear his voice, harden not your hearts, as in the provocation.”

It is good practice to listen to the messages of all Christian denominations in general, regardless of denomination. Each church has teachings that are right and contradict the scriptures. There are teachings that make us feel like that. A person who knows Christ should only see if what is said is in accordance with the scriptures rather than who said it as much as possible.

Beloved, if we approach everything with an open mind, we can realize the truth. Therefore, we must first prioritize hearing God's words, believe them, and obey them. Only then can we attain the state of eternal life promised by the Lord Jesus Christ.

This is said in the Epistle to the Hebrews, “And to whom sware he that they should not enter into his rest, but to them that believed not? So, we see that they could not enter in because of unbelief.” (Hebrews 3: 18,19)

Yes beloved, "If you will hear His voice today, do not harden your hearts as it happened in the provocation" church discrimination will harden our hearts. Unbelief hardens our hearts If we ignore God's words thinking, "This is not our church...he is saying something...", that unbelief will prevent us from entering into God's rest.

God’s Message :- Bro. M. Geo Prakash

கோதுமைகளுக்குள் களைகள் / TARES AMONG WHEAT

 'ஆதவன்' 📖✝ வேதாகமத் தியானம் - எண்:- 1,098       💚 பிப்ரவரி 11, 2024 💚ஞாயிற்றுக்கிழமை 💚  

"மனுஷர் நித்திரைபண்ணுகையில் அவனுடைய சத்துரு வந்து, கோதுமைக்குள் களைகளை விதைத்துவிட்டுப்போனான்." ( மத்தேயு 13 : 25 )

இயேசு கிறிஸ்து கூறிய இன்றைய வசனம் அவர் கூறிய உவமையில் கூறப்பட்டதாகும். இந்த உவமையில் விதைகளை விதைத்தவன் நல்ல விதைகளை விதைத்தான் என்று கூறப்பட்டுள்ளது. இந்த விதைகளை விதைத்தது மனுஷ குமாரன் என்று இயேசு விளக்குகின்றார். (மத்தேயு 13:37) என்று கூறுகின்றார். அதாவது கர்த்தராகிய இயேசு கிறிஸ்துவினால் நாம் விதைக்கப்பட்டவர்களாக இருந்தால் நல்ல விதைகளாக இருப்போம். 

இந்த நல்ல விதைகள் வளரும்போது அவைகளோடு களைகளும் வளருகின்றன. இந்தக் களைகளை விதைப்பது பிசாசு. இங்கு களைகள் என்று இயேசு கிறிஸ்து கூறுவது பொல்லாங்கனுடைய புத்திரர். (மத்தேயு 13:38) அதாவது மனுஷ குமாரனால் விதைக்கப்பட்ட பயிர்களுடனேயே பிசாசு விதைத்த பொல்லாங்கான தீய மனிதர்களும் வாழுகின்றார்கள்.

இன்றைய வசனம் கூறுகின்றது,  "மனுஷர் நித்திரைபண்ணுகையில் அவனுடைய சத்துரு வந்து, கோதுமைக்குள் களைகளை விதைத்துவிட்டுப்போனான்" என்று. இங்கு பிசாசு களைகளை விதைப்பது நல்ல விதைகளை விதைத்த மனிதனுக்குத் தெரிந்தே இருந்தது. "சத்துரு அதைச் செய்தான் "(மத்தேயு 13:28) என்று அவன் வேலைக்காரருக்குச் சொல்வதிலிருந்து இது தெரிகின்றது. அதாவது நல்ல பயிரான கிறிஸ்துவுக்குள் வாழும் மக்களை கெடுக்க அவர்கள் அறியாமலேயே சத்துரு அவர்கள் மத்தியில் தீயோரை எழுப்புகின்றான். 

ஆனால் தேவன் கிருபை உள்ளவராக இருப்பதால் களைகளை உடனேயே அழித்துவிடுவதில்லை. மாறாக, நல்ல பயிர்களோடு அவைகளையும் அறுப்புக்காலம் எனும் இறுதிநாட்களுக்காக அவர்களையும் வளரவிடுகின்றார். "அறுப்புக்காலத்தில் நான் அறுக்கிறவர்களை நோக்கி: முதலாவது, களைகளைப் பிடுங்கி, அவைகளைச் சுட்டெரிக்கிறதற்குக் கட்டுகளாகக் கட்டுங்கள்; கோதுமையையோ என் களஞ்சியத்தில் சேர்த்துவையுங்கள் என்பேன் என்று சொன்னான் என்றார்." ( மத்தேயு 13 : 30 ) என்று வாசிக்கின்றோம். ஆம், "துன்மார்க்கன் ஆபத்து நாளுக்கென்று வைக்கப்படுகிறான்; அவன் கோபாக்கினையின் நாளுக்கென்று கொண்டுவரப்படுகிறான்." ( யோபு 21 : 30 )

பிசாசு விதைத்த துன்மார்க்க விதையிலிருந்து எழும்பும் களைகள் எப்போதுமே நல்லவைகளாக மாறமுடியாது என்பது தெரிந்தும் அவைகளை வளர விடுகின்றார். காரணம் அவைகளைப் பிடுங்கினால் நல்ல பயிரும் ஒருவேளை அழிந்துபோகலாம். இப்படி அவர் தீமைகளையும் நன்மையாக மாற்றுகின்றார்.  காரணம் களைகள் வளர்வது கிறிஸ்துவுக்குளான விசுவாசிகளுக்குத் தேவையாக இருக்கின்றது. அதன்மூலம் அவர் தனது மக்களைப்  புடமிடுகின்றார். தனது சித்தத்தை நிறைவேற்றுகின்றார். 

யோசேப்பின் வாழ்கையினைப் பாருங்கள், அவனுடைய உடன்பிறந்தவர்கள் களைகள் போல இருந்தனர். அவனுக்கு அவர்கள் தீமையினையே செய்தார்கள்.  அவர்கள்மூலம் தேவன் யோசேப்பைப் புடமிட்டார். இறுதியில் அது நன்மையாக மாறியது.   "நீங்கள் எனக்குத் தீமைசெய்ய நினைத்தீர்கள்; தேவனோ, இப்பொழுது நடந்துவருகிறபடியே, வெகு ஜனங்களை உயிரோடே காக்கும்படிக்கு, அதை நன்மையாக முடியப்பண்ணினார்." ( ஆதியாகமம் 50 : 20 ) என்று வாசிக்கின்றோம்.

இந்த உலகிலும் அவர் சிலவேளைகளில் நல்ல பயிராகிய மனுஷகுமாரனின் பிள்ளைகளை துன்மார்க்கரைக்கொண்டு காப்பாற்றுகின்றார். ஒருவேளை நாம் பணிபுரியும் இடத்திலுள்ள நிர்வாகி, முதலாளி போன்றவர்கள் துன்மார்க்கர்களாக இருக்கலாம். ஆனால் தேவன் அவர்களை உடனேயே அழிக்காமல் அவர்கள் மூலம் நம்மைக் காப்பாற்றுகின்றார். அவர்களை உடனேயே அழித்து ஒழித்துவிட்டால் நல்ல பயிராகிய மக்களும் பாதிக்கப்படுவார்கள்.  

இறுதியாக, "மனுஷர் நித்திரைபண்ணுகையில் அவனுடைய சத்துரு வந்து, கோதுமைக்குள் களைகளை விதைத்துவிட்டுப்போனான்" என்று நாம் வாசிக்கின்றோம். ஆம் அன்பானவர்களே, நாம் ஆவிக்குரிய தூக்கம் கொண்டவர்களாக இருந்தால் பிசாசு களைகளை விதைத்துக்கொண்டுதான் இருப்பான். எனவே நாம் நமது ஜெபங்களில் விழிப்பாய் இருக்கவேண்டியது அவசியம். ஜெபக்குறைவு எனும் ஆவிக்குரிய நித்திரை மயக்கத்திலேயே இருப்போமானால் களைகள் நம்மை மேற்கொண்டுவிடும். சாத்தான் களைகளை விதைத்துக்கொண்டுதான் இருப்பான். விழிப்பாயிருந்து அவற்றை மேற்கொள்வோம். 

தேவ செய்தி :- சகோ. எம். ஜியோ பிரகாஷ் 

            TARES AMONG WHEAT

'AATHAVAN' 📖✝ BIBLE MEDITATION No:- 1,098 💚 February 11, 2024 💚Sunday 💚

"But while men slept, his enemy came and sowed tares among the wheat, and went his way." (Matthew 13: 25)

Today's verse spoken by Jesus Christ is said in the parable he told. In this parable it is said that he who sows seeds has sown good seeds. Jesus explains that it was the Son of Man who sowed these seeds. (Matthew 13:37) That is, if we are sown by the Lord Jesus Christ, we will be good seeds.

As these good seeds grow, so do the weeds. It is the devil who sows these weeds. Jesus Christ here refers to the weeds as the sons of the wicked. (Matthew 13:38) That is to say, the same crops sown by the Son of Man are also growing among the wicked and evil men sown by the devil.

Today's verse says, "While a men slept, his enemy comes and sowed tares among the wheat." The man who sowed the good seeds knew that the devil sowed weeds there. This is evident from the master telling the servant, "The enemy has done it" (Matthew 13:28). That is, the enemy raises wicked men among the good without their knowledge to destroy the people who live in Christ, the good crop.

But God, being gracious, does not destroy the weeds immediately. Instead, he makes them grow with good crops and for the last days of harvest. He said, "Let both grow together until the harvest: and in the time of harvest I will say to the reapers, Gather ye together first the tares, and bind them in bundles to burn them: but gather the wheat into my barn." (Matthew 13: 30) Yea, "That the wicked is reserved to the day of destruction? they shall be brought forth to the day of wrath." (Job 21: 30)

He lets the weeds planted by devil grow, knowing that they will never turn into good. Because if they are uprooted, the good crop may be destroyed. Thus, he transforms evil into good. Because weeds are necessary for believers in Christ. By it he purifies his people.

Look at the life of Joseph, his siblings were like weeds. They did evil to him. God tested Joseph through them. In the end it turned out to be good. "But as for you, ye thought evil against me; but God meant it unto good, to bring to pass, as it is this day, to save much people alive." (Genesis 50: 20)

In this world also he sometimes saves the children of the good harvest by the wicked. Perhaps the manager, boss, etc. in our workplace are wicked. But God does not destroy them immediately but saves us through them. If He destroy them immediately, the good crops will also be affected.

Finally, we read, “while men slept, his enemy came and sowed tares among the wheat, and went his way." Yes beloved, if we are spiritually asleep the devil will be sowing weeds. So, we need to be vigilant in our prayers. If we remain in the spiritual slumber of prayerlessness, the weeds will overtake us. Satan will be sowing weeds. Let's do them with vigilance.

God’s Message :- Bro. M. Geo Prakash

சாலமோன் - நமக்கு ஒரு எச்சரிக்கை / SOLOMON - A WARNING TO US

 'ஆதவன்' 📖✝ வேதாகமத் தியானம் - எண்:- 1,097     💚 பிப்ரவரி 10, 2024 💚சனிக்கிழமை 💚  

"தேவனாகிய கர்த்தர் சாலொமோனுக்கு இரண்டு விசை தரிசனமாகி, அந்நிய தேவர்களைப் பின்பற்ற வேண்டாம் என்று கட்டளையிட்டிருந்தும், அவன் கர்த்தரை விட்டுத் தன் இருதயத்தைத் திருப்பி, அவர் கற்பித்ததைக் கைக்கொள்ளாமற்போனதினால் கர்த்தர் அவன்மேல் கோபமானார்." ( 1 இராஜாக்கள் 11 : 9, 10 )

அன்று ஏதேன் தோட்டத்தில் ஆதாம் செய்த அதே பாவத்தை சாலமோனும் செய்தான். ஆதாமோடு தேவன் தோட்டத்தில் சஞ்சரித்து வந்தார். ஆதாம் அவரை முகமுகமாய்ப் பார்த்தான். அப்படி இருந்தும் அவன் சாத்தானால் வஞ்சிக்கப்பட்டான். காரணம் இச்சை. அவனுக்குத் தேவனுடைய வார்த்தைகளைவிட விலக்கப்பட்டக் கனியை உண்பதில்தான் ஆர்வம் அதிகமாக இருந்தது. மேலும், அவன் ஏவாள்  கொண்டுவந்தக்  கனியைத் தான்  உண்ணாவிட்டால் ஏவாள் மனம் வருந்திவிடுவாள் எனும் காரணத்துக்காகவும் அதனை உண்டான். 

அதேபோலவே சாலமோனும் இருந்தான். தேவன் அவனுக்கு இரண்டுமுறைத் தரிசனமாகி பேசியபின்னரும் தனது மனைவியரைத்  திருப்திப்படுத்தவேண்டி அந்நிய தேவர்களைப் பின்பற்ற வேண்டாம் என்று தேவன் கட்டளையிட்டிருந்தும், அவர்கள் வணங்கிவந்த அந்நிய தெய்வங்களை வணங்கத் துவங்கினான்.  அப்படி வணங்காவிட்டால் அவர்கள் மனம் வருந்துவார்கள் என எண்ணினான். 

"அவன் கர்த்தரை விட்டுத் தன் இருதயத்தைத் திருப்பி, அவர் கற்பித்ததைக் கைக்கொள்ளாமற்போனதினால் கர்த்தர் அவன்மேல் கோபமானார்." என்று கூறப்பட்டுள்ளது. ஆம், அப்படிக் கோபமானதால் அவர் அவனது நாட்டை இருகூறாக்கி அவனது ஆட்சியின் மாட்சியைச் சிறுமைப்படுத்தினார். அவனது தந்தை தாவீது கர்த்தரை உண்மையாகப் பின்பற்றியதால் அப்படிச் செய்தார்; இல்லாதிருந்தால் அவனை முற்றிலும் அழித்திருப்பார்.

அன்பானவர்களே, இன்று நாமும் சாலமோனைப்போல இல்லாமலிருக்க முயலவேண்டும். தேவனா அல்லது உலக அதிகாரமா , பணமா , புகழா  என்ற தேர்ந்தெடுப்பு நமக்கு அவசியம். நாம் எவ்வளவுதான் தேவனோடு நெருக்கத்தில் இருந்தாலும் சிலவேளைகளில் நமது மனைவி பிள்ளைகளுக்காகச் செய்யும் சில காரியங்கள் நம்மைத் தேவனைவிட்டுப் பிரித்து விடும். பதவி, பணத்துக்காக நாம் செய்யும் சில செயல்கள் தேவனை விட்டு நம்மைப் பிரித்துவிடும். 

ஆனால் ஒன்று, தேவன் ஒரு கொடூரமான ஈட்டிக்காரனைப்போல நம்மைக் கண்காணித்துத் தண்டிப்பவரல்ல. அவர் நமது உள்ளான மனத்தினையும் பார்க்கின்றார்.  மனைவி பிள்ளைகளுக்காகச் சில வேளைகளில் நாம் சில காரியங்களைச்  செய்தாலும்  நமது உள்மனத்தினை அவர் அறிவார். தவிர்க்க முடியா சூழ்நிலையில் மனம் குத்தப்பட்டு நாம் செய்யும் சிறு தவறுகளைத் தேவன் பொறுத்துக்கொள்வார். அன்று எலிசாவிடம் வந்த நாகமானுக்கு ராஜாவுக்கு கைத்தாங்கு கொடுத்து அழைத்துச் செல்வதுதான் வேலை. ராஜா ரிம்மோன் கோவிலுக்குள் செல்லும்போது அவனும் கூடச் சென்று ராஜா வணங்குவதுபோல வணங்கவேண்டும். அவன் எலிசாவிடம் இது குறித்து ஆலோசனைக் கேட்டான். 

"என் ஆண்டவன் பணிந்துகொள்ள ரிம்மோன் கோவிலுக்குள் பிரவேசிக்கும்போது, நான் அவருக்குக் கைலாகு கொடுத்து ரிம்மோன் கோவிலிலே பணியவேண்டியதாகும்; இப்படி ரிம்மோன் கோவிலில் நான் பணியவேண்டிய இந்தக் காரியத்தைக் கர்த்தர் உமது அடியேனுக்கு மன்னிப்பாராக என்றான். அதற்கு அவன்: சமாதானத்தோடே போ என்றான்" ( 2 இராஜாக்கள் 5 : 18,19 ) எனவே நாம் இருதயத்தில்  தேவனுக்குமுன் மன உண்மையாய் இருக்கவேண்டியது அவசியம் என்பது தெளிவாகின்றது.

"அவன் கர்த்தரை விட்டுத் தன் இருதயத்தைத் திருப்பி"  என்று இன்றைய வசனத்தில் கூறப்பட்டுள்ளது நாம் நோக்கத்தக்கது. அதாவது கர்த்தராகிய இயேசுவை மறுதலித்து என்று பொருள்கொள்ளலாம். மனதளவிலும் செயலளவிலும் நாம் கர்த்தராகிய இயேசுவை விட்டு இருதயத்தைத் திருப்பாமல் எச்சரிக்கையாக இருக்கவேண்டியது அவசியம். ஆம் அன்பானவர்களே,  3000 நீதிமொழிகளைச் சொன்ன சாலமோனின் வீழ்ச்சி நமக்கு ஓர் எச்சரிக்கை. 

தேவ செய்தி :- சகோ. எம். ஜியோ பிரகாஷ் 

            SOLOMON - A WARNING TO US

'AATHAVAN' 📖✝ BIBLE MEDITATION No:- 1,097 💚 February 10, 2024 💚Saturday 💚

"And the LORD was angry with Solomon, because his heart was turned from the LORD God of Israel, which had appeared unto him twice, And had commanded him concerning this thing, that he should not go after other gods: but he kept not that which the LORD commanded." ( 1 Kings 11 : 10 )

Solomon committed the same sin as Adam in the Garden of Eden. God walked with Adam in the garden. Adam saw Him face to face. Even so, he was deceived by Satan. The reason is desire. He was more interested in eating the forbidden fruit than the words of God. Moreover, he made it because Eve would regret if he did not eat the fruit that she brought.

So was Solomon. After God appeared to him twice and God commanded him not to follow foreign gods to satisfy his wives, he started worshiping the other gods they were worshiping. He thought that if he did not worship like that, their wives would feel regret of it.

"He turned his heart away from the Lord, and did not keep his teaching, and the Lord was angry with him". Yes, so angry that he divided his country into two and belittled the majesty of his rule. God limited his punishments because of his father David who followed the Lord faithfully; Otherwise he would have completely destroyed him.

Beloved, today we must try not to be like Solomon. We need to choose between God or worldly power, money and fame. No matter how close we are to God, sometimes some things we do for our spouse and children will separate us from God. Some actions we do for position and money will separate us from God.

But for one thing, God is not a cruel man watching over us and punishing us. He also sees our innermost mind. Even if we sometimes do certain things for the sake of our wife and children, He knows our inner heart. God will tolerate the small mistakes we make when our hearts are pierced by unavoidable circumstances. For example, Naaman has to enter into the Rimmon temple with the king and bow Rimmon when the king bows it. He consulted about this to Elisha.

"....when my master goeth into the house of Rimmon to worship there, and he leaneth on my hand, and I bow myself in the house of Rimmon: when I bow down myself in the house of Rimmon, the LORD pardon thy servant in this thing. And he said unto him, Go in peace. So he departed from him a little way." ( 2 Kings 5 : 18,19 ) It is thus clear that it is necessary to be truthful in heart.

It is mentioned in today’s verse, ‘his heart was turned from the LORD" That means denying the Lord Jesus. So, it is necessary to be careful not to turn our hearts away from the Lord Jesus mentally and physically. Yes beloved, the fall of Solomon who spoke 3000 proverbs is a warning to us.

God’s Message :- Bro. M. Geo Prakash

உங்கள் இருதயத்தை ஊற்றிவிடுங்கள் / POUR OUT YOUR HEART

 'ஆதவன்' 📖✝ வேதாகமத் தியானம் - எண்:- 1,096      💚 பிப்ரவரி 09, 2024 💚வெள்ளிக்கிழமை 💚  

"ஜனங்களே, எக்காலத்திலும் அவரை நம்புங்கள்; அவர்  சமுகத்தில் உங்கள் இருதயத்தை ஊற்றிவிடுங்கள்; தேவன்   நமக்கு அடைக்கலமாயிருக்கிறார்." (  சங்கீதம் 62 : 8 )

ஜெபம் என்பது அதிகநேரம் கூப்பாடுபோட்டு கத்துவதோ ஒரு சில மந்திரங்களைத் திரும்பத் திரும்பச் சொல்லிக்கொண்டிருப்பதோ அல்ல. மாறாக, அவரை நம்பி நமது இருதயம் தேவனோடு ஊற்றப்படும் அனுபவம். எப்படி ஒரு பாத்திரத்திலுள்ள தண்ணீரையோ இதர பணத்தையோ நாம் ஊற்றுகின்றோமோ அதுபோல நமது இருதயத்தை; அதன் ஏக்கங்களை தேவ சமூகத்தில் நம்பிக்கையோடு ஊற்றுவது. அதற்கு நேரமோ காலமோ கிடையாது.  

ஜெபத்தைக்குறித்து மனிதர்களது எண்ணங்கள் பல. சிலர் அதிகாலையில் எழுந்து ஜெபிக்கும் ஜெபத்தைத்தான் கடவுள் கேட்பார் எனப் போதிக்கின்றனர்,  சிலர் உபவாசமிருந்து ஜெபிக்கவேண்டுமென்கின்றனர். சிலர் பொருத்தனை பண்ணி ஜெபிக்கவேண்டும் என்று கூறுகின்றனர். சிலர் ஒரு நாளின் பத்தில் ஒருபாகத்தை ஜெபத்துக்கு ஒதுக்கவேண்டுமென்கின்றனர். ஆனால் இவை பெரும்பாலும் மனித போதனைகளேதவிர மெய்யல்ல. 

இவை ஜெபத்தைக்குறித்து வேதாகமத்தில் பல்வேறு சந்தர்ப்பங்களில் பலர் ஜெபித்த முறைகளும் கூறப்பட்டக்  கருத்துக்களுமே தவிர இப்படித்தான் நாமும் ஜெபிக்கவேண்டும் அப்போதுதான் நமது ஜெபத்தைத் தேவன் அங்கீகரிப்பார் என்று பொருளல்ல.  

ஏனெனில், கடமைக்காக ஜெபிப்பவர்களும் அதிகாலை வேளைகளில் எழுந்து  ஜெபிக்கலாம். எனக்குத் தெரிந்த நண்பர்கள் பலர், "சிறு வயதுமுதலே எங்கள் பெற்றோர்கள் எங்களை  அதிகாலையில் ஜெபிக்க எழுப்பி விட்டுவிடுவார்கள், எனவே அதுவே பழக்கமாகிவிட்டது" என்பார்கள். ஆனால் இவர்கள் ஜெபம் என்று தங்களுக்கு சிறு வயதுமுதல் பெற்றோர்களால் கற்றுகொடுக்கப்பட்ட முறையில்  தினமும் ஜெபிக்கிறார்களேதவிர தேவனோடு நெருங்கிய ஐக்கியத்தோடு ஜெபிப்பதுபற்றி தெரியவில்லை என்கின்றனர். 

இதுபோலவே உபவாச ஜெபமும். நாம் சாப்பிடாமல் இருப்பதால் தேவன் நமது ஜெபத்தைக் கேட்டுவிடுவார் என நம்பி உபவாசம் இருப்பது ஏற்புடைய உபவாசமல்ல. மேலும் இப்படி ஜெபிக்கும் பலரும்கூட தங்களது உலக தேவைகளை நிறைவேற்றவே இப்படி உபவாசமிருக்கின்றனர். பெரும்பாலும்பொருத்தனை பண்ணி ஜெபிப்பவர்களும் தங்களது உலக ஆசீர்வாதங்களுக்காகவே அப்படி ஜெபிக்கின்றனர்.

சிலர் ஒருநாளின் பத்தில் ஒரு பகுதியாகிய இரண்டுமணி நாற்பது நிமிடங்கள் ஜெபிக்கவேண்டும் என்கின்றனர்.   இப்படிக் கறாராக கணக்குபார்த்து ஜெபிப்பவர்களிடம் தேவ அன்பு நிச்சயம் இருக்கமுடியாது. ஏனெனில் இவர்கள் ஜெபத்தை ஒரு கட்டளையாக நிறைவேற்றுகிறார்கள் என்றுதான் கூற முடியும் 

ஆனால் இருதய வேதனையோடும் நம்பிக்கையோடும்   வரும்  கண்ணீரின் ஜெபத்தை தேவன் கேட்டுப்  பதிலளிக்கின்றார்.   அத்தகைய ஜெபமானது கர்த்தரது சமூகத்தில் இருதயத்தை  ஊற்றிவிடும் ஜெபமாகும். எசேக்கியா ராஜா இப்படித்தான் ஜெபித்தார். சாமுவேலின் தாய் அன்னாள் இப்படித்தான் ஜெபித்தாள். இயேசு கிறிஸ்துவும் பலத்தச் சத்தத்தோடும் கண்ணீரோடும் ஜெபித்தார். 

அதிகாலையில் எழுந்து ஜெபிப்பது நல்லது; அது ஏற்புடையதே. ஆனால் அப்படி ஜெபிப்பதாலேயோ,    உபவாசமிருப்பதாலோ ,    மணிக்கணக்கு பார்த்து ஜெபிப்பதாலேயோ தேவன் நமது ஜெபத்தைக் கேட்பதில்லை. அவர் நமது உடைந்த உள்ளத்தைத்தான் பார்க்கின்றார்.  நமது தவறுகளை எண்ணி மனம் வருந்தி உள்ளம் உடைவது. தேவனை இன்னும் நெருங்கவேண்டும் என ஆவல்கொண்டு வருந்தி உடைவது; பிறரை அவமதித்ததை எண்ணி வருந்தி உடைவது....உள்ளான மன ஏக்கத்துடன் வேண்டிவது. ......இத்தகைய ஜெபங்களைப்   பல மணிநேரம் ஜெபிக்காவிட்டாலும் தேவன் உடனேயே கேட்டுப் பதிலளிப்பார். 

அன்பானவர்களே, மெய்யான விசுவாசத்தோடு, மன உருக்கத்துடன், ஒரு உடைந்த உள்ளதோடு நமது விண்ணப்பங்களை தேவ சந்நிதியில் ஊற்றுவோம் , தேவன் நிச்சயம் நமக்கு அடைக்கலமாய் இருப்பார்.   

தேவ செய்தி :- சகோ. எம். ஜியோ பிரகாஷ் 

                                    POUR OUT YOUR HEART

'AATHAVAN' 📖✝ BIBLE MEDITATION No:- 1,096 💚 February 09, 2024 💚 Friday 💚

“Trust in him at all times; ye people, pour out your heart before him: God is a refuge for us.” ( Psalms 62 : 8 )

Prayer is not a lot of shouting or chanting a few mantras over and over again. Rather, it is the experience of our hearts being poured out with God by trusting Him. As we pour water or any other liquid in a vessel; Pouring out heart’s longings with faith in God's society. It has no time or period.

People have many ideas about prayer. Some teach that God hears the prayer that is prayed early in the morning, some say that prayer with fasting is more effective. Some people say that we should pray by making a vow or solemn. Some say that one-tenth of a day should be set aside for prayer. But these are mostly untrue except human teachings.

These are the methods and opinions expressed by many people in various occasions in the Bible about prayer, but we cannot say that this is the exact way for payer and we should always pray like this and then only God will accept our prayers.

Because those who pray as a duty can also get up early in the morning to pray. Many friends I know say, "From my young age, my parents used to wake us up early in the morning to pray, so it became a habit." But they say that they do not know how to pray in close union with God except that they pray daily in the manner taught to them by their parents since childhood.

So is fasting prayer. Fasting in the belief that God will answer our prayers because we do not eat is not acceptable. And many who pray like this are also praying to fulfill their worldly needs. Most of the time, those who pray by vowing are also praying for their worldly blessings.

Some say to pray two hours and forty minutes which is a tenth part of a day. God's love surely cannot be found in those who pray and calculate like this. For they can only be said to fulfill the prayer as a commandment

But God hears and answers the prayer of tears that come with heartache and hope. Such a prayer is a prayer that pours out the heart into the community of God. King Hezekiah prayed like this. Samuel's mother Anna prayed like this. Jesus Christ also prayed with loud voices and tears with broken heart.

It is good to rise early in the morning and pray; It is acceptable. But God does not listen to our prayers just because we pray like that, by fasting, or because we pray for hours. He sees our broken hearts. Heartbreak over our mistakes. To break down and repent with the desire to get closer to God; Repentance for insulting others.... Praying with inner longing. ...Even if such prayers are not prayed for hours, God will hear and answer them immediately.

Beloved, let us pour out our petitions in the presence of God with true faith, with fervor, with a broken heart, and God will surely be our refuge.

God’s Message :- Bro. M. Geo Prakash