வேறு மனிதனாதல் / BECOMING ANOTHER MAN

ஆதவன் 🔥 957🌻 செப்டம்பர் 11, 2023 திங்கள்கிழமை 

"அப்பொழுது கர்த்தருடைய ஆவி உன்மேல் இறங்குவார்; நீ அவர்களோடேகூடத் தீர்க்கதரிசனம் சொல்லி, வேறு மனுஷனாவாய்." ( 1 சாமுவேல் 10 : 6 )

சாமுவேல் தீர்க்கத்தரிசி சவுலை நோக்கிக் கூறிய வார்த்தைகள் நமக்கு இன்றைய தியானமாக இருக்கின்றது. 

இங்கு சாமுவேல் கூறும் முக்கிய செய்தி "கர்த்தருடைய ஆவி உன்மேல் இறங்குவார்; அப்போது நீ  வேறு மனுஷனாவாய்." ஆம், கர்த்தருடைய ஆவி நம்மை வேறுபடுத்தும் ஆவி; நம்மைப் புதிதாக்கும் ஆவி. ஆவிக்குரிய ஆராதனை செய்கின்றோம், நாங்கள் ஆவிக்குரிய சபைக்குச் செல்கின்றோம், பரிசுத்த ஆவியின் அபிஷேகத்தைப் பெற்றுள்ளோம்  என்று கூறுபவர்கள் முதலில்  வசனம் கூறுவதன்படி உண்மையாகவே தங்கள் வேறு மனிதராகியுள்ளோமா என்று தங்களை நிதானித்துப் பார்க்கவேண்டியது அவசியம். 

அப்போஸ்தலரான பவுல், "அன்றியும் இயேசுவை மரித்தோரிலிருந்து எழுப்பினவருடைய ஆவி உங்களில் வாசமாயிருந்தால், கிறிஸ்துவை மரித்தோரிலிருந்து எழுப்பினவர் உங்களில் வாசமாயிருக்கிற தம்முடைய ஆவியினாலே சாவுக்கேதுவான உங்கள் சரீரங்களையும் உயிர்ப்பிப்பார்." ( ரோமர் 8 : 11 ) என்று கூறுகின்றார். அதாவது பாவத்துக்கு அடிமையாகியுள்ள நமது உடலும் உள்ளமும் பாவத்துக்கு மரித்து நீதிக்குப்பிழைத்திருக்கும். 

அப்போது உடலாலும், உள்ளத்தினாலும் நாம் பாவத்துக்கு விடுதலையாகியிருப்போம். தேவனுக்குரிய ஆவிக்குரிய ரகசியங்களை அறிகின்றவர்களாக இருப்போம். "மனுஷனிலுள்ள ஆவியேயன்றி மனுஷரில் எவன் மனுஷனுக்குரியவைகளை அறிவான்? அப்படிப்போல, தேவனுடைய ஆவியேயன்றி, ஒருவனும் தேவனுக்குரியவைகளை அறியமாட்டான்." ( 1 கொரிந்தியர் 2 : 11 ) என்கின்றார் பவுல். இப்படி இருக்கும்போது நாம் வேறு மனிதராக இருப்போம். 

பரிசுத்த ஆவியானவரின் உதவியின்றி நாம் நமது சுய பலத்தினால் பாவத்தை மேற்கொள்ள முடியாது. பரிசுத்தமான வாழ்க்கை வாழ முடியாது. சாட்சியுள்ள வாழ்க்கை வாழ முடியாது. இப்படி ஆவியின் பலத்தால் வாழும்போதுதான் நாம் வேறு மனிதனாக முடியம். உலக மனிதர்களால் ஆவிக்குரிய மனிதர்களின் செயல்பாடுகளை முற்றிலும் அறிந்திட முடியாது. காரணம், அவர்கள் இன்றைய வசனம் கூறுவதைப்போல "வேறு மனிதர்கள்."

இதனையே இயேசு கிறிஸ்து, "காற்றானது தனக்கு இஷ்டமான இடத்திலே வீசுகிறது, அதின் சத்தத்தைக் கேட்கிறாய், ஆகிலும் அது இன்ன இடத்திலிருந்து வருகிறதென்றும், இன்ன இடத்துக்குப் போகிறதென்றும் உனக்குத் தெரியாது; ஆவியினால் பிறந்தவனெவனோ அவனும் அப்படியே இருக்கிறான் என்றார்." ( யோவான் 3 : 8 )

உலகத்து மனிதர்களைப்போல வாழ நாம் அழைக்கப்படவில்லை. மேலான ஒரு வேறுபிரிக்கப்பட்ட வாழ்க்கை வாழவே அழைக்கப்பட்டுள்ளோம். அப்படி வாழும்போது மட்டுமே நாம் நமது வீட்டிலும், ஊரிலும், நமது சமூகத்திலும், உலகம் முழுமைக்கும் சாட்சியுள்ளவர்களாக மாற முடியும். 

"பரிசுத்த ஆவி உங்களிடத்தில் வரும்போது நீங்கள் பெலனடைந்து, எருசலேமிலும், யூதேயா முழுவதிலும், சமாரியாவிலும், பூமியின் கடைசிப்பரியந்தமும், எனக்குச் சாட்சிகளாயிருப்பீர்கள்" ( அப்போஸ்தலருடைய நடபடிகள் 1 : 8 )

பரிசுத்த ஆவியானவரை, அவரது அபிஷேகத்தை  வேண்டிக் கேட்போம். அப்போது மட்டுமே நாம் வேறு மனிதராகி சாட்சியுள்ள வாழ்க்கை வாழ முடியும். 

தேவ செய்தி:- ✍️ சகோ. எம். ஜியோ பிரகாஷ்      

         BECOMING ANOTHER MAN

AATHAVAN 🔥 957🌻 Monday, September 11, 2023

"And the Spirit of the LORD will come upon thee, and thou shalt prophesy with them, and shalt be turned into another man." ( 1 Samuel 10 : 6 )

The words of Samuel the prophet to Saul is our meditation today.

Samuel's main message here is "The Spirit of the Lord will come upon you, and you will become a different man." Yes, the Spirit of the Lord is the Spirit that sets us apart; Spirit that renews us. Those who say that we do spiritual worship, that we go to spiritual worshipping church, and that we have received the anointment of the Holy Spirit, have to check themselves whether they are truly a different person as they say.

The apostle Paul said, "But if the Spirit of him that raised up Jesus from the dead dwell in you, he that raised up Christ from the dead shall also quicken your mortal bodies by his Spirit that dwelleth in you." (Romans 8: 11) That is, our body and soul, which are addicted to sin, have died to sin, and come alive to righteousness.

Then we will be freed from sin both physically and mentally. We will know the spiritual secrets of God. "For what man knoweth the things of a man, save the spirit of man which is in him? even so the things of God knoweth no man, but the Spirit of God." ( 1 Corinthians 2 : 11 ) says Paul. When we are like this, we are a different person.

We cannot overcome sin with our own strength without the help of the Holy Spirit. A holy life cannot be lived. We cannot live a life of witness to Christ. Only when we live with the strength of the spirit can we become a different person. Worldly men cannot fully know the activities of spiritual men. Because they are, as today's verse says, "another person."

This is what Jesus Christ also said, "The wind bloweth where it listeth, and thou hearest the sound thereof, but canst not tell whence it cometh, and whither it goeth: so is every one that is born of the Spirit." ( John 3 : 8 )

We are not called to live like the people of the world. We are called to live a higher separated life. Only when we live like that can we become witnesses in our home, town, community, and the entire world.

"But ye shall receive power, after that the Holy Ghost is come upon you: and ye shall be witnesses unto me both in Jerusalem, and in all Judaea, and in Samaria, and unto the uttermost part of the earth." (Acts 1: 8)

Let us pray for the Holy Spirit and for His anointing. Only then can we become a different person and live a life of witness.

God’s Message:- ✍️ Bro. M. Geo Prakash

நண்பர்களைச் சம்பாதித்தல் / EARNING FRIENDS

ஆதவன் 🔥 956🌻 செப்டம்பர் 10, 2023 ஞாயிற்றுக்கிழமை 

"நான் உங்களுக்குச் சொல்லுகிறேன், நீங்கள் மாளும்போது உங்களை நித்தியமான வீடுகளிலே ஏற்றுக்கொள்ளுவாருண்டாகும்படி, அநீதியான உலகப்பொருளால் உங்களுக்குச் சிநேகிதரைச் சம்பாதியுங்கள்." ( லுூக்கா 16 : 9 )

இந்த உலகத்தில் நாம் பயன்படுத்தும் பல கருவிகள் நன்மையான காரியங்களுக்காக உண்டாக்கப்பட்டவை. ஆனால் அவைகளை பயன்படுத்துபவர்களது நிலைமை அல்லது பயன்படுத்தும் தன்மைக்கேற்ப அவை நல்ல காரியங்களையோ தீமையான காரியங்களையோ செய்கின்றன. உதாரணமாக கத்தியை எடுத்துக்கொள்வோம். கத்தியைக்கொண்டு காய்கறி நறுக்கலாம், கறி, மீன் இவைகளை வெட்டலாம். அதே கத்தியைக்கொண்டு ஒரு மனிதனைக் கொல்லவும் செய்யலாம். 

இதுபோலவே பணம் மற்றும்  உலக செல்வங்கள். உலக செல்வங்கள் நாம் நல்ல காரியங்களுக்கு பயன்படுத்த உண்டாக்கப்பட்டவை. ஆனால் அவையும் கத்தியைப்போன்றவையே. எனவே அதனை  "அநீதியான உலகப்பொருள்" என்று இன்றைய வசனம் கூறுகின்றது. கத்தியை எப்படி நல்ல காரியங்களுக்குப் பயன்படுத்துகின்றோமோ அதுபோல உலகப் பொருட்களை நாம் பயன்படுத்தவேண்டும். 

உதாரணமாக, பணத்தை நாம் நல்ல பல காரியங்களுக்குப் பயன்படுத்தலாம். அதே வேளையில் குடி, பரத்தமை அல்லது வேசித்தனம், ஊழல், லஞ்சம் போன்ற காரியங்களுக்கும் பயன்படுத்தலாம். நல்ல காரியங்களுக்குப் பயன்படுத்தும்போது நாம்  உலகப்பொருளால் சிநேகிதரைச் சம்பாதிக்கின்றோம் என்று பொருள். தேவனுடைய ஊழிய காரியங்களுக்கு மட்டுமல்ல,  தர்மகாரியங்கள்  நல்ல சமூக காரியங்களுக்கும் நமது செல்வத்தைப் பயன்படுத்தலாம்.  

இப்படி நாம் செய்யும்போதுஅநீதியான உலகப் பொருட்களால் நண்பர்களைச் சம்பாதிக்கின்றோம் என்று பொருள்.  இப்படி உலகப் பொருட்களால் நாம் செய்யும் தர்மம்  "பரிசுத்தவான்களுடைய குறைவுகளை நீக்குகிறதுமல்லாமல், அநேகர் தேவனை ஸ்தோத்திரிப்பதினாலே சம்பூரணபலனுள்ளதாயும் இருக்கும்." ( 2 கொரிந்தியர் 9 : 12 ) என்கின்றார் பவுல் அப்போஸ்தலர். ஆம், பலர் நமது நிமித்தம் தேவனை ஸ்தோத்திரம் செய்வது நமக்கு நண்பர்களைச் சம்பாதிப்பதுதான். 

அன்பானவர்களே, நாம் நல்ல முறையில் பொருள் சம்பாதிப்பது மட்டுமல்ல; சம்பாதித்த பொருளை நல்ல முறையில் செலவிடவேண்டியதும் அவசியம். அப்படி நல்லவிதமாக செலவிடும்போது நாம் மரிக்கும்போது நம்மை நித்தியமான வீடுகளிலே ஏற்றுக்கொள்ளும் பரிசுத்தவான்கள் இருப்பார்கள்.  எனவேதான் அநீதியான உலகப்பொருளால் உங்களுக்குச் சிநேகிதரைச் சம்பாதியுங்கள் என்கின்றார் இயேசு கிறிஸ்து. 

அநீதியுள்ள ஒரு கணக்காபிள்ளையைப் பற்றி (உக்கிராணக்காரன்) இயேசு ஒரு உவமையைக் கூறிவிட்டு இன்றைய வசனத்தைக் கூறுகின்றார். அவன் உலகத்தில் தனக்கு நண்பர்கள் வேண்டும் என்பதற்காக தனது எஜமானனுக்கு உலக பொருளில் நஷ்டத்தை ஏற்படுத்தி    நண்பர்களைச் சம்பாதிக்க முயலுகின்றான். நாமோ பரலோக வீட்டில் நமக்கு நண்பர்கள் உண்டாகும்படி உண்மையாக பொருட்களை நல்ல வழியில் செலவுசெய்து நண்பர்களைச் சம்பாதிப்போம்.

தேவ செய்தி:- ✍️ சகோ. எம். ஜியோ பிரகாஷ்        

                EARNING FRIENDS 

AATHAVAN 🔥 956🌻 Sunday, September 10, 2023

"And I say unto you, Make to yourselves friends of the mammon of unrighteousness; that, when ye fail, they may receive you into everlasting habitations." ( Luke 16 : 9 )

Many of the tools we use in this world are made for good things. But they do good or bad things according to the situation or character of those who use them. Let us take a knife for example. A knife can be used to chop vegetables, meat and fish. Also one can be killed with the same knife.

Likewise with money and worldly wealth. Worldly wealth is meant for us to use for good. But they are also like knives. So, today's verse calls it "unrighteous worldly thing". We should use the things of the world as we use the knife for good things.

For example, we can use money for many good things and at the same time it can be used for things like drinking, adultery or prostitution, corruption, and bribery. It means that we earn friends with worldly goods when used for good things. We can use our wealth not only for God's work, but also for charity and good social works.

When we do this, it means that we are making friends with unrighteous worldly goods. Thus, the charity we do with worldly goods "for the administration of this service not only supplieth the want of the saints, but is abundant also by many thanksgivings unto God" ( 2 Corinthians 9 : 12 ) Paul the apostle said. Yes, many people praise God and give thanksgiving for our sake and thus earn us friends.

Beloved, we are not only have to earn material things properly; it is also necessary to spend the earned money in a good manner. When we spend it well, there will be saints who will welcome us into their eternal homes when we die. That is why Jesus Christ says “make to yourselves friends of the mammon of unrighteousness”.

Jesus gives today's verse after telling a parable about an unrighteous accountant. He tries to earn friends by causing loss to his master in worldly goods because he wants friends in the world. We earn friends by spending things in a good way so that we can have friends in the heavenly home.

God’s Message:- ✍️ Bro. M. Geo Prakash

அநீதியுள்ளவரல்ல / NOT UNRIGHTEOUS

ஆதவன் 🔥 955🌻 செப்டம்பர் 09, 2023 சனிக்கிழமை 

"கர்த்தர் தேசத்தின்மேல் மழையைக் கட்டளையிடும் நாள்மட்டும் பானையின் மா செலவழிந்துபோவதும் இல்லை; கலசத்தின் எண்ணெய் குறைந்துபோவதும் இல்லை என்று இஸ்ரவேலின் தேவனாகிய கர்த்தர் சொல்லுகிறார்". ( 1 இராஜாக்கள் 17 : 14 )

பரிசுத்தவான்களான ஊழியர்களுக்கு உதவுவது குறித்து இன்றைய வசனம் நமக்குக் கூறுகின்றது. 

இன்றைய வசனம் எலியா தீர்க்கதரிசி சாறிபாத் விதவையைப் பார்த்துக் கூறிய வார்த்தைகள். நாட்டில் மிகக் கொடிய பஞ்சம் நிலவியபோது தேவ வழிநடத்துதலின்படி எலியா சாறிபாத் ஊருக்கு வருகின்றார். தேவன் ஏற்கெனவே எலியாவிடம் அங்குள்ள ஒரு விதவையை அவருக்கு உதவிட ஏற்பாடுசெய்திருந்தார். அந்த விதவை பஞ்சத்தால் பாதிக்கப்பட்டு ஒருநேர உணவுக்குக்கூட போதாத மாவும் எண்ணையும் இருந்தும் எலியாவுக்கு உதவ முன்வருகின்றாள். 

அவள் கூறுவதைப்  பாருங்கள்:- "பானையில் ஒரு பிடி மாவும் கலயத்தில் கொஞ்சம் எண்ணெயுமே அல்லாமல், என்னிடத்தில் ஒரு அடையும் இல்லையென்று உம்முடைய தேவனாகிய கர்த்தருடைய ஜீவனைக்கொண்டு சொல்லுகிறேன்; இதோ, நானும் என் குமாரனும் சாப்பிட்டுச் செத்துப்போக, அதை எனக்கும் அவனுக்கும் ஆயத்தப்படுத்துகிறதற்கு இரண்டு விறகு பொறுக்குகிறேன்." ( 1 இராஜாக்கள் 17 : 12 ) என்கின்றாள். 

அன்பானவர்களே, அந்தப் பஞ்சகாலத்தை எண்ணிப்பாருங்கள். மிகக் கடுமையான பஞ்சம் அது. அந்தப் பஞ்சத்தால் நல்ல வசதியோடு வாழ்ந்தவர்கள்கூட  உணவில்லாமல் தவித்திருப்பார்கள். இப்போது அவளுக்கும் அவளது மகனுக்கும் ஒருநேரத்துக்கு வயிறார உண்பதற்குக் கூட  மாவில்லை. அதுவும் தீர்ந்தபின்னர் சாகத்தான் வேண்டும் என்கின்றாள்.   ஆனால் அந்த இக்கட்டான வறிய நிலையிலும் எலியாவுக்கு முதல் அப்பத்தைச் சுட்டுக் கொடுக்கின்றாள். 

இதற்கு இரண்டு காரணங்கள். முதலாவது, கர்த்தர் கூறுகின்றார் என்று எலியா கூறியதை அவள் உறுதியாக நம்பினாள். இரண்டாவது, அவளது இரக்க குணமும் தேவ மனிதனுக்கு உதவ வேண்டுமெனும் எண்ணமும். 

ஆம், எலியா கூறியபடி பானையின் மாவும் கலசத்தின் எண்ணெய்யும் குறையவில்லை. குறையாத அந்த மாவு மற்றும் எண்ணையைக்கொண்டு அந்தப் பஞ்சகாலத்தில் அவள் பலருக்கு உதவியிருப்பாள். இவை அனைத்துக்கும் காரணம் அவள் தேவ மனிதனது வார்த்தைகளை விசுவாசித்ததும் அவருக்கு உதவியதும்தான். அன்பானவர்களே, இன்று உண்மையான ஊழியர்கள் குறைந்துபோனாலும் நாம் உதவுவதை தேவன் கணக்கில் வைத்துள்ளார். உண்மையான ஊழியரா  போலியானவரா என்பதனை நாம் சோதித்துப் பார்க்க வேண்டாம். அதனை அறிவது  தேவனுக்குரியது.  ஊழியர்களுக்கு உதவும்போது தேவன் நமக்கும் உதவுவார்; நம்மைக்கொண்டு பலருக்கும் உதவுவார். 

"ஏனென்றால், உங்கள் கிரியையையும், நீங்கள் பரிசுத்தவான்களுக்கு ஊழியஞ்செய்ததினாலும் செய்து வருகிறதினாலும் தமது நாமத்திற்காகக் காண்பித்த அன்புள்ள பிரயாசத்தையும் மறந்துவிடுகிறதற்கு தேவன் அநீதியுள்ளவரல்லவே." ( எபிரெயர் 6 : 10 )

ஆம், பரிசுத்தவான்களுக்கு நமது பொருட்களால் ஊழியம் செய்யும் நமது பிரயாசத்தை மறந்துவிடுகிறதற்கு தேவன் அநீதியுள்ளவரல்ல.

தேவ செய்தி:- ✍️ சகோ. எம். ஜியோ பிரகாஷ்     

                          NOT UNRIGHTEOUS 

AATHAVAN 🔥 955🌻 September 09, 2023 Saturday

"For thus saith the LORD God of Israel, the barrel of meal shall not waste, neither shall the cruse of oil fail, until the day that the LORD sendeth rain upon the earth.” (1 Kings 17 : 14 )

Today's verse tells us about helping God’s servants in their ministries.

Today's verse is the words spoken by the prophet Elijah to the widow of Zarephath. When there was a severe famine in the country, Elijah came to the village of Zarephath as directed by God. God had already arranged a widow there for Elijah to help him. The widow was also suffering from the famine and offers to help Elijah even though she has not enough flour and oil for one meal.

See what she says: - "I have not a cake, but a handful of meal in a barrel, and a little oil in a cruse: and, behold, I am gathering two sticks, that I may go in and dress it for me and my son, that we may eat it, and die." ( 1 Kings 17 : 12 )

Beloved, consider that famine. It was a severe famine. Because of that famine, even those who lived in good comfort would have suffered without food. Now also she and her son are not even able to eat for a while. She knows that afterwards she and her son will die afterwards. But she bakes the first bread for Elijah even in that desperate state of poverty.

There are two reasons for this. First, she firmly believed what Elijah said as Lord had said. The second is her compassionate nature and desire to help God's man.

Yes, the flour in the pot and the oil did not run out as Elijah said. She would have helped many people during that famine with that flour and oil that never failed. All this was because she believed in the words of the God-man and helped him. Beloved, God consider our help even though the so-called God’s servants are true or falls. Let us not check whether the servants are genuine or fake. To know it belongs to God. God will help us when we help his servants; He will also help us to help many people.

"For God is not unrighteous to forget your work and labour of love, which ye have shewed toward his name, in that ye have ministered to the saints, and do minister." (Hebrews 6: 10)

Yes, God is not unrighteous to forget our minister to the saints with our money.

God’s Message:- ✍️ Bro. M. Geo Prakash 

கிறிஸ்துவை அறிக்கையிடுதல் / CONFESSING CHRIST

ஆதவன் 🔥 954🌻 செப்டம்பர் 08, 2023 வெள்ளிக்கிழமை 

"மாம்சத்தில் வந்த இயேசுகிறிஸ்துவை அறிக்கைபண்ணாத எந்த ஆவியும் தேவனால் உண்டானதல்ல; வருமென்று நீங்கள் கேள்விப்பட்ட அந்திக்கிறிஸ்துவினுடைய ஆவி அதுவே, அது இப்பொழுதும் உலகத்தில் இருக்கிறது." ( 1 யோவான்  4 : 3 )

இயேசு கிறிஸ்துவின் உருவப்படத்தை கிறிஸ்தவரல்லாத பலரும் தங்கள் வியாபார நிறுவனங்களில் வைத்திருப்பதை நாம் பார்த்திருக்கலாம். அவர்களைப் பொறுத்தவரை மற்ற தெய்வங்களைப்போல இயேசுவும் ஒரு தெய்வம். அவ்வளவே. இயேசு சாமி, கடவுள், இறைவன் என்று பலரும் கூறிக்கொள்ளலாம். இப்படிக் கூறுவது இயேசுவை அறிக்கையிடுவதல்ல; மாறாக,  மனிதனாக உலகினில் வந்த இயேசு கிறிஸ்துவை பிதாவின் ஒரே குமாரனென்றும், அவரே கர்த்தரென்றும் அவராலேயே மீட்பு உண்டு என்று உறுதியாக கூறுவதே அவரை அறிக்கையிடுதல்.    

இன்றைய வசனத்தை உறுதிப்படுத்த யோவான்  தனது இரண்டாவது நிரூபத்தில் இப்படிப்பட்ட வஞ்சக அந்திகிறிஸ்துவின் ஆவியுடைய மனிதர்கள் இப்போதும் இருக்கிறார்கள் என்று கூறுகின்றார். "மாம்சத்தில் வந்த இயேசுகிறிஸ்துவை அறிக்கைபண்ணாத அநேக வஞ்சகர் உலகத்திலே தோன்றியிருக்கிறார்கள்; இப்படிப்பட்டவனே வஞ்சகனும் அந்திக்கிறிஸ்துவுமாயிருக்கிறான்." ( 2 யோவான்  1 : 7 )

இப்படி இயேசுகிறிஸ்துவை அறிக்கைபண்ணாத எந்த ஆவியும் தேவனால் உண்டானதல்ல என்று இன்றைய வசனம் கூறுகின்றது. மட்டுமல்ல, "வருமென்று நீங்கள் கேள்விப்பட்ட அந்திக்கிறிஸ்துவினுடைய ஆவி அதுவே, அது இப்பொழுதும் உலகத்தில் இருக்கிறது." என்று கூறுகின்றது. இறுதி நாட்களில் அந்திகிறிஸ்துவின் கொடுமையான நாட்கள் வருமென்று வேதம் கூறுகின்றது. ஆனால் அந்த அந்திகிறிஸ்துவின் ஆவி இப்போதும் உலகினில் செயல்பட்டுக்கொண்டிருக்கின்றது என்று இந்த வசனம் கூறுகின்றது. 

\

இயேசு கிறிஸ்துவைக் குறித்து, "பிதாவாகிய தேவனுக்கு மகிமையாக இயேசுகிறிஸ்து கர்த்தரென்று நாவுகள் யாவும் அறிக்கைபண்ணும்படிக்கும், எல்லா நாமத்திற்கும் மேலான நாமத்தை அவருக்குத் தந்தருளினார்." ( பிலிப்பியர் 2 : 11 ) என்று நாம் வாசிக்கின்றோம். இயேசு கிறிஸ்துவே கர்த்தர் என்று நாம் அறிக்கையிடும்போதுதான் நாம் பிதாவாகிய தேவனுக்கு மகிமையைச் செலுத்துகின்றோம். எல்லா தெய்வங்களைப்போல இயேசு கிறிஸ்துவும் ஒருவர் என நாம் கூறிக்கொண்டிருந்தால் நம்மில் அந்திகிறிஸ்துவின் ஆவி இருக்கின்றது என்று பொருள். 

எனவே, "இயேசுவானவர் தேவனுடைய குமாரனென்று அறிக்கைபண்ணுகிறவன் எவனோ அவனில் தேவன் நிலைத்திருக்கிறார், அவனும் தேவனில் நிலைத்திருக்கிறான்." ( 1 யோவான்  4 : 15 )

அன்பானவர்களே,  பலரும் பல வேளைகளில், "எல்லா ஆறுகளும் ஒரே கடலில் சென்று சேர்வதுபோல எல்லா மதங்களும் ஒரே இறைவனையே சென்று சேர பல வழிகளைக் கூறுகின்றன" என்று கூறுவதுண்டு. புரட்சிகரமான கருத்து என்றும், இதுவே உண்மையாக இருக்கமுடியுமென்றும் மனித அறிவுக்குத் தெரியலாம். அப்படியானால் இயேசு கிறிஸ்து "நானே வழி" என்று கூறியிருக்கமாட்டாரே. ஆம், அவரே கர்த்தர்; அவரே வழி. இதனை அறிக்கையிடுவதே இயேசு கிறிஸ்துவை அறிக்கைபண்ணுவது. 

இப்படி "கர்த்தராகிய இயேசுவை நீ உன் வாயினாலே அறிக்கையிட்டு, தேவன் அவரை மரித்தோரிலிருந்து எழுப்பினாரென்று உன் இருதயத்திலே விசுவாசித்தால் இரட்சிக்கப்படுவாய்." ( ரோமர் 10 : 9 ) என்று வேதம் குறிப்பிடுகின்றது. 

இதனாலேயே இன்றைய வசனத்தில் இயேசு கிறிஸ்துவின் அன்புச் சீடர் யோவான் "மாம்சத்தில் வந்த இயேசுகிறிஸ்துவை அறிக்கைபண்ணாத எந்த ஆவியும் தேவனால் உண்டானதல்ல; வருமென்று நீங்கள் கேள்விப்பட்ட அந்திக்கிறிஸ்துவினுடைய ஆவி அதுவே, அது இப்பொழுதும் உலகத்தில் இருக்கிறது." என்று கூறுகின்றார். 

இயேசு கிறிஸ்துவை வேதம் கூறும் முறையில் அறிக்கையிட்டு அவரது இரட்சிப்பை அடைந்திடவே நாம் அழைக்கப்பட்டுள்ளோம். மற்ற தெய்வங்களைப்போலவே இயேசுவும் ஒரு  சாமி, கடவுள், இறைவன் என்று கூறிக்கொண்டிருப்போமானால் நாம் கேள்விப்பட்ட அந்திக்கிறிஸ்துவினுடைய ஆவி நம்மில் இருக்கின்றது என்றே பொருள். 

தேவ செய்தி:- ✍️ சகோ. எம். ஜியோ பிரகாஷ்      

                         CONFESSING CHRIST 

AATHAVAN 🔥 954🌻 September 08, 2023 Friday

"And every spirit that confesseth not that Jesus Christ come in the flesh is not of God: and this is that spirit of antichrist, whereof ye have heard that it should come; and even now already is it in the world." (1 John 4: 3)

We may have seen many non-Christians have the image of Jesus Christ in their business establishments. For them, Jesus is a deity like any other deity. That is all. Many may claim that Jesus is God, Lord. Saying like this is not a pleasing confession; On the contrary, it is to declare that Jesus Christ, who came into the world as a man, is the only Son of the Father and that He is the Lord, and that there is salvation through Him only.

To confirm today's verse, John says in his second epistle that such deceitful antichrist-spirited men still exist. “For many deceivers are entered into the world, who confess not that Jesus Christ is come in the flesh. This is a deceiver and an antichrist.” (2 John 1: 7)

Today's verse says that any spirit that does not confess Jesus Christ is not from God. Not only that, “this is that spirit of antichrist, whereof ye have heard that it should come; and even now already is it in the world." The scriptures tell us that in the last days Antichrist will come and persecute the believers. But this verse says that the spirit of the Antichrist is still now active in the world.

Regarding Jesus Christ we read, "And that every tongue should confess that Jesus Christ is Lord, to the glory of God the Father." (Philippians 2: 11) Only when we confess that Jesus Christ is Lord do we give glory to God the Father. If we claim that Jesus Christ is one like all the other gods, it means that we have the spirit of Antichrist in us.

Therefore, "Whosoever shall confess that Jesus is the Son of God, God dwelleth in him, and he in God." ( 1 John  4 : 15 )

Beloved, many people often say, "Just as all rivers flow into the same ocean, all religions tell us many ways to reach the same God." Human intelligence may think that this is a revolutionary idea and that it can be true. But if so, then Jesus Christ would not have said "I am the way". Yes, he is the Lord; He is the way. Confessing this is confessing Jesus Christ.

Thus "That if thou shalt confess with thy mouth the Lord Jesus, and shalt believe in thine heart that God hath raised him from the dead, thou shalt be saved." ( Romans 10 : 9 ) says the scriptures.

This is why in today's verse, Jesus Christ's beloved disciple John said, every spirit that confesseth not that Jesus Christ come in the flesh is not of God: and this is that spirit of antichrist, whereof ye have heard that it should come; and even now already is it in the world."

We are called to confess Jesus Christ in the way the scriptures say and attain his salvation. If we say that Jesus is a preacher, god, and lord like other gods, it means that we have the spirit of Antichrist in us that we heard about.

God’s Message:- ✍️ Bro. M. Geo Prakash

தேவ சித்தம் / WILL OF GOD

ஆதவன் 🔥 953🌻 செப்டம்பர் 07, 2023 வியாழக்கிழமை 

"எனக்குப் பின்னாகப்போ, சாத்தானே, நீ எனக்கு இடறலாயிருக்கிறாய்; தேவனுக்கு ஏற்றவைகளைச் சிந்தியாமல் மனுஷருக்கு ஏற்றவைகளைச் சிந்திக்கிறாய்." ( மத்தேயு 16 : 23 )

இயேசு கிறிஸ்து கூறும் இன்றைய தியான வசனத்தின்படி பார்ப்போமானால் நம்மில் பலரும் பலவேளைகளில் சாத்தானாகவே இருக்கின்றோம். ஆம், நாம் அனைவருமே பல வேளைகளில் தேவனுக்கு ஏற்றவைகளைச் சிந்தியாமல் மனிதருக்கேற்றவைகளையே சிந்தித்துச் செயல்படுகின்றவர்களாக இருக்கின்றோம். 

இன்றைய வசனத்தில் பேதுருவை நோக்கி இயேசு கிறிஸ்து சாத்தானே என்று கூறுகின்றார். இதே பேதுருவை சற்று நேரத்துக்குமுன்னர்தான் அவர் பாராட்டினார். "மக்கள் என்னை யார் என்று கூறுகின்றார்கள்" என்று ஒரு கேள்வியை இயேசு சீடர்களைப் பார்த்து எழுப்பினார். அப்போது அவர்கள்,   "சிலர் உம்மை யோவான்ஸ்நானன் என்றும், சிலர் எலியா என்றும்; வேறு சிலர் எரேமியா அல்லது தீர்க்கதரிசிகளில் ஒருவர் என்றும் சொல்லுகிறார்கள் என்றார்கள்." ( மத்தேயு 16 : 14 )

அப்போது  சீடர்களிடம் அவர், "நீங்கள் என்னை யார் என்று கருதுகிறீர்கள்?" என்று கேட்டபோது பேதுரு, "நீர் ஜீவனுள்ள தேவனுடைய குமாரனாகிய கிறிஸ்து என்றார்." ( மத்தேயு 16 : 16 ) அப்போது இயேசு பேதுருவைப் பார்த்து, "யோனாவின் குமாரனாகிய சீமோனே, நீ பாக்கியவான்; மாம்சமும் இரத்தமும் இதை உனக்கு வெளிப்படுத்தவில்லை, பரலோகத்திலிருக்கிற என் பிதா இதை உனக்கு வெளிப்படுத்தினார்." ( மத்தேயு 16 : 17 ) என்றார். 

ஆனால், இப்போது  அதே பேதுருவைச் சாத்தான் என்று கூறுகின்றார். காரணம், அவர் பிதாவின் சித்தத்துக்கு மாறாக பேசியதுதான். பிதாவின் சித்தத்துக்கு மாறுபட்டு பேசிய இயேசுவின் அன்புச் சீடன் - தலைமைச் சீடன் பேதுருவையே அவர் சாத்தான் என்று கூறினால் நாம் எம்மாத்திரம்? பிதாவின் சித்தத்துக்கு மாறுபட்டு பேதுரு பேசியதற்கு ஒரே காரணம் அவர் இயேசு கிறிஸ்துவின்மேல் கொண்டிருந்த அன்புதான். இயேசு கிறிஸ்து சிலுவைச் சாவு அடைவதை பேதுருவால் ஏற்றுக்கொள்ளமுடியவில்லை. ஆனால் இயேசு கிறிஸ்து சொல்கின்றார், எந்த துன்பம் வந்தாலும் அல்லது எந்த எதிர்மறையான சூழ்நிலை நமக்கு ஏற்பட்டாலும் பிதாவின் சித்தத்துக்கு மாறுபட்டு நாம் செயல்படக் கூடாது என்பதுதான். அதனையே சிலுவை சுமக்கும் அனுபவம் என்கின்றார். 

அதனால்தான் இன்றைய தியான வசனத்துக்கு அடுத்த வசனமாக இயேசு கூறுகின்றார், "ஒருவன் என்னைப் பின்பற்றி வர விரும்பினால், அவன் தன்னைத் தான் வெறுத்து, தன் சிலுவையை எடுத்துக்கொண்டு என்னைப் பின்பற்றக்கடவன்." ( மத்தேயு 16 : 24 ) அதாவது பேதுரு இயேசுவை அன்பு செய்ததுபோல நாம் அன்புச்செய்தாலும் நமக்குத் துன்பங்கள் உண்டு. அதனைச் சுமந்துதான் அவருக்குப் பின்செல்லவேண்டும்.

துன்பங்களிலிருந்து விடுபட குறுக்குவழியில் முயல்வது தேவ சித்தமல்ல; அப்படி நாம் முயலும்போது இயேசு கூறுவதுபோல நாம் சாத்தானாக மாறிவிடுகின்றோம். அப்போது இயேசு நம்மையும் பார்த்து பேதுருவிடம் கூறியதுபோலக் கூறுவார், "நீ தேவனுக்கு ஏற்றவைகளைச் சிந்தியாமல் மனுஷருக்கு ஏற்றவைகளைச் சிந்திக்கிறாய்" என்று. எனவே நாம் என்ன செய்தாலும் அது தேவனுக்கு ஏற்றதுதானா என சிந்தித்துச் செயல்படவேண்டியது அவசியம். 

கிறிஸ்துவிடம் அன்புகூர்ந்து பல்வேறு பக்திச் செயல்பாடுகளையும் அன்புச் செயல்களையும் நாம் செய்தாலும் பிதாவின் சித்தத்துக்குக் கீழ்படிவது எல்லாவற்றுக்கும் மேலானது என்கிறார் கிறிஸ்து. தேவ சித்தம் அல்லது பிதாவின் சித்தம் அறிந்து செயல்படும் வழியை பரிசுத்த ஆவியானவர் நமக்கு காண்பித்து வழிநடத்திட வேண்டுவோம். அப்போதுதான் நாம் தேவனுக்கு ஏற்றவர்களாக முடியும்.

தேவ செய்தி:- ✍️ சகோ. எம். ஜியோ பிரகாஷ்   

                                       WILL OF GOD

AATHAVAN 🔥 953🌻 September 07, 2023 Thursday

"Get thee behind me, Satan: thou art an offence unto me: for thou savourest not the things that be of God, but those that be of men." (Matthew 16: 23)

According to today's meditation verse by Jesus Christ, many of us are Satan at times. Yes, all of us many times think of things that are not the will of God, but think and act on things that are pleasing us.

Jesus is mentioning Peter as Satan. He had praised this same Peter a little while ago. "Whom do men say that I the son of man am?" Jesus asked the disciples a question. Then they said, "Some say that thou art John the Baptist: some, Elias; and others, Jeremias, or one of the prophets." (Matthew 16: 14)

Then he said to the disciples, "Whom say ye that I am?" To this Peter said, "Thou art the Christ, the Son of the living God."( Matthew 16 : 16 ) Then Jesus looked at Peter and said, "Blessed art thou, Simon Barjona: for flesh and blood hath not revealed it unto thee, but my Father which is in heaven." ( Matthew 16 : 17 )

But in today's verse, he refers to the same Peter as Satan. If the beloved disciple - the chief disciple, Peter, who spoke contrary to the Father's will, is Satan, whom we shall be we if we act according to our own will? The only reason Peter spoke contrary to the Father's will was due to his love for Jesus Christ. Peter could not accept Jesus Christ dying on the cross. But Jesus Christ says that no matter what suffering comes or what negative situation we face, we must not act contrary to the Father's will. That is what he calls the experience of carrying the cross.

That's why Jesus says in the next verse of today's meditation, " If any man will come after me, let him deny himself, and take up his cross, and follow me." ( Matthew 16 : 24 ) That is, even if we love as Peter loved Jesus, we will suffer. Let us carry the cross and follow him.

It is not God's will to take shortcuts to get rid of suffering; When we try to do that, we become Satan, as Jesus said. Then Jesus will look at us and say as he said to Peter, “thou art an offence unto me: for thou savourest not the things that be of God, but those that be of men." Therefore, whatever we do, it is necessary to think whether it is suitable for God.

Christ says that although we do various devotional activities and acts of love out of love for Christ, obedience to the will of the Father is above all. Let the Holy Spirit guide us by showing us the way to know and do the will of God or the will of the Father. Only then can we be worthy of God.

God’s Message:- ✍️ Bro. M. Geo Prakash      

பெற்றோர் என்னைக் கைவிட்டாலும்.../ THOUGH PARENTS FORSAKE ME .....

 ஆதவன் 🔥 952🌻 செப்டம்பர் 06, 2023 புதன்கிழமை 

"என் தகப்பனும் என் தாயும் என்னைக் கைவிட்டாலும், கர்த்தர் என்னைச் சேர்த்துக்கொள்ளுவார்." ( சங்கீதம் 27 : 10 )

தாயும் தகப்பனும் நம்மைக் கைவிடுவார்களா? இது நடக்கக்கூடிய ஒன்றா எனப் பலரும் எண்ணலாம். ஆனால் இது நடக்கக்கூடியதே என்பது இந்த உலகத்தில் நடக்கும் பல்வேறு சம்பவங்களால் உறுதிப்படுகின்றது. 

சிறு குழந்தையாக இருக்கும்போது குழந்தைகளை அன்போடு வளர்த்தாலும் சில பெற்றோர் தங்கள் பிள்ளைகள் வளரும்போது குழந்தைகளிடையே வேற்றுமை உணர்வைக் காட்டுகின்றனர். பணத்துக்காக, சொகுசு வாழ்க்கைக்காக ஒரு மகனை கைவிட்டு இன்னொரு மகனைச் சார்ந்துகொள்ளும் பெற்றோர் உலகினில் இருக்கின்றார்.  

எனக்குத் தெரிந்த ஒருவர் தனது இரண்டு மகன்களில் நல்ல பதவியில் வசதியோடு வாழும் இளைய மகனோடு சேர்ந்துகொண்டு மூத்த மகனைப் புறக்கணிப்பதைக் கண்டுள்ளேன். இத்தனைக்கும் கொத்தனாராக வேலைசெய்து தான் சம்பாதித்த பணத்தில் தம்பியைப் படிக்கவைத்தவர் அந்த மூத்தமகன். ஆனால் இப்போது தம்பி படித்து நல்ல உயர்பதவியை அடைந்துவிட்டார். ஏழையான அண்ணனை தன்னோடு பிறந்தவர் என்று வெளியில் சொல்லவே இப்போது அவன் தயங்குகின்றான்.

தம்பியின் மனைவி ஆசிரியை. பிள்ளைகள் கான்வென்ட் பள்ளியில் படிக்கின்றனர். இப்போது குழந்தைகளைப் பராமரிக்கவும் உதவிகள் செய்யவும் ஆள் தேவைப்படுவதால் தாயையும் தகப்பனையும் தன்னோடு சேர்த்துக்கொண்டான் அவன். தாயும் தகப்பனும் தங்களுக்கு நல்ல வாழ்க்கைக் கிடைத்துவிட்டதால் தங்கள் சொத்துக்களையும் இளைய மகனுக்கே  எழுதிவைத்துவிட்டனர். மூத்தமகனும் அவனது மனைவி பிள்ளைகளும் வறுமையில் வாடுகின்றனர். 

அன்பானவர்களே, இத்தகைய சம்பவங்கள்  தாவீது ராஜா காலத்திலும் நடந்திருக்கலாம். அவரையே அவரது வீட்டில் இரண்டாம் தரமாக நடத்தியிருக்கலாம். இத்தகைய அனுபவங்களைக் கண்டதால் அவர் கூறுகின்றார்,  "என் தகப்பனும் என் தாயும் என்னைக் கைவிட்டாலும், கர்த்தர் என்னைச் சேர்த்துக்கொள்ளுவார்." 

இஸ்ரவேலின் அடுத்த ராஜாவாக யாரைத் தேர்ந்தெடுப்பது என்பதற்காக, கர்த்தரின் அறிவிப்பின்பேரில் சாமுவேல் தீர்க்கதரிசி தாவீதின் தகப்பன் ஈசாயின் வீட்டிற்கு வருகின்றார். அவர் ஈசாயிடம் அவனது பிள்ளைகளைக்குறித்து  விசாரித்தபோது அவன் தனது ஏழு பிள்ளைகளை சாமுவேலுக்கு அறிமுகம் செய்தான். ஆனால் அந்த ஏழுபேரில் ஒருவனையும் கர்த்தர் தெரிந்துகொள்ளவில்லை. 

அப்போது சாமுவேல் ஈசாயிடம், "உன் பிள்ளைகள் இவ்வளவுதானா?" என்று கேட்ட பிறகுதான் "இன்னும் எல்லோருக்கும் இளையவன் ஒருவன் இருக்கிறான், அவன் ஆடுகளை மேய்த்துக்கொண்டிருக்கின்றான்"     என்று பதில் கூறுகின்றான்.   ஆம், ஈசாய் தாவீதை அற்பமாக எண்ணியதால்தான் அவனை முதலில் சாமுவேலுக்கு அறிமுகம் செய்யவில்லை (1 சாமுவேல் 16: 4 - 11). ஆனால் அற்பமாக எண்ணப்பட்டத் தாவீதுதான் தேவனால் பயன்படுத்தப்பட்டார்.

தாயும் தகப்பனும் மட்டுமல்ல, சொந்தங்களும் சில வேளைகளில் நம்மைப் புறக்கணிக்கலாம். பகட்டு, பதவி, பணம், அந்தஸ்து இவைகளுக்கு மட்டுமே மதிப்புக் கொடுக்கும் உலகம் இது. ஆனால் கர்த்தர் மட்டுமே நமது உள்ளத்தையும் சிறுமையையும் நோக்கிப் பார்கின்றவர். ஆம், "சிறுமைப்பட்டவனுக்குக் கர்த்தர் அடைக்கலமானவர்; நெருக்கப்படுகிற காலங்களில் அவரே தஞ்சமானவர்." ( சங்கீதம் 9 : 9 ) எனத் தாவீது கூறுவதும் அனுபவத்தால்தான். அவரது சகோதரர்கள் அவரை அற்பமாகத்தான் எண்ணிக்கொண்டனர். 

அன்பானவர்களே, இன்று இதுபோல ஒருவேளை நீங்கள் குடும்பத்தால், உற்றாரால், சமூகத்தால் புறக்கணிக்கப்பட்டவர்களாக, அற்பமாய் எண்ணப்பட்டவர்களாக இருக்கலாம். மனம் கலங்கிடவேண்டாம். "என் தகப்பனும் என் தாயும் என்னைக் கைவிட்டாலும், கர்த்தர் என்னைச் சேர்த்துக்கொள்ளுவார்." என்று விசுவாசத்தோடு அறிக்கையிடுங்கள். கர்த்தர் அதிசயமாக மற்றவர்கள் மத்தியில் உங்களை உயர்த்திக் காட்டுவார்.  அற்பமாக எண்ணியவர்களுக்கு அது ஆச்சரியமான காரியமாகத் தெரியும். 

தேவ செய்தி:- ✍️ சகோ. எம். ஜியோ பிரகாஷ்   

    THOUGH PARENTS FORSAKE ME ....

AATHAVAN 🔥 952🌻 Wednesday, September 06, 2023

"When my father and my mother forsake me, then the LORD will take me up." (Psalms 27: 10)

Will mother and father abandon us? Many people wonder if this is possible. But the fact that, this can happen is confirmed by various events happening in this world.

Some parents, despite raising their children lovingly when they are young, show a sense of difference between their children as they grow up. There are parents in the world who abandon one son and depend on another for money and luxury.

I have seen a person having two sons, join the younger son who lives comfortably in a good position and ignores the elder son. It was the elder son who helped for the education of his younger brother with the money he earned from working as a mason. But now the younger brother has achieved a good position. Now he hesitates even to tell the poor brother that he was born with him.

Younger brother's wife is a teacher. The children study in a convent school. Now he takes his mother and father with him as he needs someone to take care of the children and help. As the mother and father have got a good life, they have also written down their assets to the younger son. The eldest son and his wife and children live in poverty.

Beloved, such incidents may have happened during the reign of King David. He might have been treated as second class in his home. Having seen such experiences, he says, "When my father and my mother forsake me, then the LORD will take me up." 

Prophet Samuel comes to David's father Jesse's house to choose whom to choose as the next king of Israel. When he asked Jesse about his children, he introduced his seven children to Samuel. But the Lord did not choose any one of those seven.

Then Samuel said to Jesse, "Are here all your children?" After asking that, he replies, "there remains yet the youngest, and behold, he keep the sheep." Yes, Isaiah did not introduce David to Samuel in the first place because he thought little of him (1 Samuel 16: 4 - 11). But it was David, who was counted as little, who was used by God.

Not only mother and father but also relatives can ignore us at times. This is a world that values only pomp, position, money and status. But the Lord is the only one who looks at our heart and smallness. Yes, "The LORD also will be a refuge for the oppressed, a refuge in times of trouble." (Psalms 9: 9) David also says this from experience. His brothers thought little of him.

Beloved, today you may be neglected and underestimated by family, friends, and society. Do not be disturbed. "When my father and my mother forsake me, then the LORD will take me up." Report that with faith. The Lord will miraculously exalt you among others. Those who think lightly will know it as a wonderful thing.

God’s Message:- ✍️ Bro. M. Geo Prakash

பயப்படாதிருங்கள் / FEAR NOT

ஆதவன் 🔥 951🌻 செப்டம்பர் 05, 2023 செவ்வாய்க்கிழமை 

 

"இந்த ஜனங்கள் கட்டுப்பாடு என்று சொல்லுகிறதையெல்லாம் நீங்கள் கட்டுப்பாடு என்று சொல்லாமலும், அவர்கள் பயப்படுகிற பயத்தின்படி நீங்கள் பயப்படாமலும், கலங்காமலும், சேனைகளின் கர்த்தரையே பரிசுத்தம்பண்ணுங்கள்; அவரே உங்கள் பயமும், அவரே உங்கள் அச்சமுமாயிருப்பாராக." ( ஏசாயா 8 : 12, 13 )

உலகத்தில் நமக்குத் துன்பங்கள், நோய்கள் பிரச்சனைகள் ஏற்படும்போது நம்மைச் சுற்றி இருக்கும்  மக்கள் நமது நன்மைக்காக பேசுவதுபோல பல்வேறு உபாயங்களைக் கூறுவார்கள். "உங்களது இன்றைய பிரச்சனைகளுக்குக் காரணம் சாபங்கள்" என்பார்கள்; அல்லது, "ஒரே ஒரு முறை ஜோசியம் பார்த்துப் பாருங்கள்" என்று அறிவுரைக் கூறுவார்கள்.  கடவுளைத் திருப்திப்படுத்த பல்வேறு கட்டுப்பாடுகள், உபாயங்களை நாம் கடைபிடிக்கவேண்டுமென்று நமக்கு அறிவுரைக் கூறுவார்கள். 

இப்படி பிரச்சனைகள் துன்பங்களில் உழலும் மக்களுக்கு இன்றைய வசனம் தெளிவை ஏற்படுத்துகின்றது. இந்த ஜனங்கள் கட்டுப்பாடு என்று சொல்லுகிறதையெல்லாம் நீங்கள் கட்டுப்பாடு என்று சொல்லாமலும், அவர்கள் பயப்படுகிற பயத்தின்படி நீங்கள் பயப்படாமலும், கலங்காமலும் இருங்கள் என்று கூறுகின்றது. மட்டுமல்ல, கர்த்தரையே நம்பி அவருக்கேற்ற பரிசுத்த வாழ்க்கை வாழ உங்களை ஒப்புக்கொடுங்கள் என்று கூறுகின்றது. 

இன்றைய தியான வசனத்தை நாம் தொடர்ந்து வாசிக்கும்போது  ஏசாயா கூறுகின்றார், "அவர்கள் உங்களை நோக்கி: அஞ்சனம்பார்க்கிறவர்களிடத்திலும், முணுமுணென்று ஓதுகிற குறிகாரரிடத்திலும் விசாரியுங்கள் என்று சொல்லும்போது, ஜனங்கள் தன் தேவனிடத்தில் விசாரிக்க வேண்டியதல்லவோ? உயிருள்ளவர்களுக்காகச் செத்தவர்களிடத்தில் விசாரிக்கலாமோ?" ( ஏசாயா 8 : 19 )

அஞ்சனம் பார்க்கிறவர்களையும் குறி சொல்பவர்களையும் நம்புவது நமது பிரச்னைகளுக்குத் தீர்வல்ல. அப்படி அஞ்சனம் பார்க்கிறவர்களும் குறிசொல்பவர்களும்  ஆத்துமாவில் செத்தவர்கள்; நாமோ உயிருள்ளவர்கள். "உயிருள்ளவர்களுக்காகச் செத்தவர்களிடத்தில் விசாரிக்கலாமோ?" என்கின்றார் ஏசாயா.

நாம் பயப்படவேண்டியது ஜீவனுள்ள தேவனுக்கு மட்டுமே. அவருக்குப் பயப்படும்போது நாம் பரிசுத்தமான வாழ்க்கை வாழ முற்படுவோம். ஆம்,  "சேனைகளின் கர்த்தரையே பரிசுத்தம்பண்ணுங்கள்; அவரே உங்கள் பயமும், அவரே உங்கள் அச்சமுமாயிருப்பாராக." 

அன்பானவர்களே, நம்மைச் சுற்றிலும் இருக்கும் மக்கள் பல்வேறு நம்பிக்கை உடையவர்களாக இருக்கலாம். அவர்கள் தங்கள் நம்பிக்கைக்கேற்ப நமக்கு அறிவுரை கூறுவார்கள். ஆனால் நாமோ ஜீவனுள்ள தேவனை நம்புகின்றவர்கள். எனவே, அவர்கள் பயப்படுகிற பயத்தின்படி பயப்படாமலும், கலங்காமலும், சேனைகளின் கர்த்தரையே பரிசுத்தம்பண்ணுங்கள் என்று இன்றைய வசனம் நமக்கு அறிவுரை கூறுகின்றது. 

மேலும், "தீமையை விட்டு விலகுவதே செம்மையானவர்களுக்குச் சமனான பாதை; தன் நடையைக் கவனித்திருக்கிறவன் தன் ஆத்துமாவைக் காக்கிறான்." ( நீதிமொழிகள் 16 : 17 ) எனும் வசனத்தின்படி தீமையான காரியங்களை நம்மைவிட்டு விலக்கி சமமான பாதையில் நடப்போம். அப்போது நமது ஆத்துமாவைக் காத்துக்கொள்வோம்.

ஆம், "சேனைகளின் கர்த்தரையே பரிசுத்தம்பண்ணுங்கள்; அவரே உங்கள் பயமும், அவரே உங்கள் அச்சமுமாயிருப்பாராக"  என்று கூறியபடி வாழும்போது இந்த உலக ஜனங்கள் கட்டுப்பாடு என்று சொல்லுகிறதையெல்லாம் நாம் கட்டுப்பாடு என்று கருதாமலும்  அவர்கள் பயப்படுகிற பயத்தின்படி நாம் பயப்படாமலும், கலங்காமலும் இருப்போம். 

தேவ செய்தி:- ✍️ சகோ. எம். ஜியோ பிரகாஷ்     

                            FEAR NOT 

AATHAVAN 🔥 951🌻 Tuesday, September 05, 2023

"Say ye not, A confederacy, to all them to whom this people shall say, A confederacy; neither fear ye their fear, nor be afraid. Sanctify the LORD of hosts himself; and let him be your fear, and let him be your dread." (Isaiah 8: 12, 13)

When we have sufferings, diseases and problems in the world, people around us will tell us various tricks as if they are speaking for our good. "Curses are the cause of your troubles today" they say; Or, they advise, "Try fortune-telling people just once." Further, they advise us to follow various restrictions and tricks to please God.

Today's verse brings clarity to people who are struggling with such problems and sufferings. It says that whatever these people call restraint, you do not call restraint, and do not fear and be alarmed according to the fear they fear. Not only that, it says that you should commit yourselves to living a holy life according to the Lord by trusting Him.

As we continue reading today's meditation verse, Isaiah says, "And when they shall say unto you, seek unto them that have familiar spirits, and unto wizards that peep, and that mutter: should not a people seek unto their God? for the living to the dead?" (Isaiah 8: 19)

Believing in soothsayers is not the solution to our problems. Those soothsayers are dead in spirit; We are alive. Should not a people seek unto their God? for the living to the dead?" 

We have to fear only the living God. When we fear Him, we seek to live holy lives. Yea, "Sanctify the Lord of hosts; let him be your fear, and he your dread."

Beloved, the people around us may be of different beliefs. They will advise us according to their faith. But we believe in the living God. Therefore, today's verse advises us to sanctify the Lord of hosts, without fear or dismay, according to the fear they fear.

And, "The highway of the upright is to depart from evil: he that keepeth his way preserveth his soul." (Proverbs 16: 17) Let us turn away evil things from ourselves and walk on a straight path. Then we will save our souls.

Yes, when we live as it is said, "hallow the Lord of hosts; let him be your fear" we will not consider all the unwanted restrictions and we will not be afraid and disturbed according to the fear they fear.

God’s Message:- ✍️ Bro. M. Geo Prakash

அக்கிரமசிந்தை / WICKEDNESS

ஆதவன் 🔥 950🌻 செப்டம்பர் 04, 2023 திங்கள்கிழமை 

"என் இருதயத்தில் அக்கிரமசிந்தை கொண்டிருந்தேனானால், ஆண்டவர் எனக்குச் செவிகொடார்." ( சங்கீதம் 66 : 18 )

கடவுள் நம்பிக்கை உள்ள அனைவருமே ஜெபிக்கின்றனர். எல்லோருமே கடவுள் தங்கள் ஜெபத்தைக் கேட்டு பதிலளிக்கவேண்டுமென்று ஆசைப்படுகின்றனர். கடவுள் நம்பிக்கை இல்லாத, ஜெபிக்காத மக்களும் உலகினில் பல நன்மைகளைப்பெற்று வாழ்கின்றனர். பொதுவாக நாம் அனைவரும் உலக ஆசீர்வாதங்களை தேவனிடம் கேட்பதுதான் ஜெபம் என்றும் அதனைப் பெற்றுக்கொள்வதுதான் ஜெபத்தின் வெற்றி எனவும்  எண்ணிக்கொள்கின்றோம். 

ஆனால், ஜெபம் என்பது உண்மையில் வாழ்வின் ஊற்றாகிய தேவனை வாழ்வில் பெற்று அனுபவிப்பது; அவரோடு நம்மை இணைத்துக்கொள்வது. அப்படி நம்மை அவரோடு இணைத்துக் கொள்ளும்போது நமது  விண்ணப்பங்கள் வித்தியாசமானதாக இருக்கும். அப்போது நாம் ஆவிக்குரிய காரியங்களுக்கு முன்னுரிமைகொடுத்து ஜெபிப்பவர்களாக இருப்போம். நமது ஜெபவேளைகளில் தேவ பிரசன்னத்தை உணர்பவர்களாக இருப்போம்.  

இன்று உலகினில் அக்கிரமக்காரர்கள், துன்மார்க்கர்கள் பலரும் செழித்து வளருவதைப் பார்க்கின்றோம். எனவே, உலக செழுமைக்கும் ஜெபத்துக்கும்  தேவ ஆசீர்வாதத்துக்கும் தொடர்பில்லை என்பது புரியும். ஆம் அன்பானவர்களே, உலகச் செழிப்பைக் கண்டு நாம் ஏமாந்துவிடக்கூடாது. காரணம் துன்மார்க்கன் செழிப்பான்  என்றுதான் வேதம் கூறுகின்றது. "துன்மார்க்கரின் வாழ்வை நான் காண்கையில், வீம்புக்காரராகிய அவர்கள்மேல் பொறாமை கொண்டேன். மரணபரியந்தம் அவர்களுக்கு இடுக்கண்களில்லை; அவர்களுடைய பெலன் உறுதியாயிருக்கிறது. நரர் படும் வருத்தத்தில் அகப்படார்கள்; மனுஷர் அடையும் உபாதியை அடையார்கள்." ( சங்கீதம் 73 : 3-5 ). ஆனால் அவர்கள் முடிவு புல்லைப்போன்றது 

மாறாக, நீதிமான் தேவனையே தேடுவான். அவனது ஆசீர்வாதமும் வித்தியாசமானதாக இருக்கும். ஆம், "நீதிமான் பனையைப்போல் செழித்து, லீபனோனிலுள்ள கேதுருவைப்போல் வளருவான்." ( சங்கீதம் 92 : 12 ) என்கின்றது வேதம். பனைமரம் செழிப்பு என்று கூறமுடியாது. ஆனால் அது வறண்ட பகுதிகளில்தான் செழித்து வளரும். அதன் மொத்த உடலும் மனிதர்களுக்குப் பயன்படும். அதுபோலவே நீதிமான் இருப்பான். இது முழுமையான ஆசீர்வாதத்தை அடையாளம். 

வேதாகமம் உலக செழிப்புக்காக எழுதப்படவில்லை. இன்றைய தியான வசனத்தில் சங்கீத ஆசிரியர் கூறுவது ஆவிக்குரிய கண்ணோட்டத்தில்தான். ஆம், நமது இருதயத்தில் அக்கிரமசிந்தை கொண்டிருந்தோமானால் ஆண்டவர் நமக்குச்  செவிகொடார். இதனையே ஏசாயா தீர்க்கதரிசி மூலம் தேவன், "உங்கள் அக்கிரமங்களே உங்களுக்கும் உங்கள் தேவனுக்கும் நடுவாகப்பிரிவினை உண்டாக்குகிறது; உங்கள் பாவங்களே அவர் உங்களுக்குச் செவிகொடாதபடிக்கு அவருடைய முகத்தை உங்களுக்கு மறைக்கிறது." ( ஏசாயா 59 : 2 ) என்று கூறுகின்றார். ஆம், நமது அக்கிரமங்கள் தேவனைவிட்டு நம்மைப் பிரிகின்றது. 

ஆனால் இன்று உலக ஆசீர்வாதங்களைப் பெறுவதால் பலரும் தேவன் தங்களைவிட்டு தனது முகத்தை மறைப்பதை அறியாமல் இருக்கின்றனர். தங்களை தேவன் அன்புசெய்வதாக எண்ணிக்கொள்கின்றார். துன்மார்க்க ஊழல்வாதிகள் செழிப்பது தேவ ஆசீர்வாதமென்றால் நாம் தேவனை வழிபடுவது வீண். நாம் நல்ல ஒரு பரிசுத்த வாழ்க்கை வாழ்வதும் வீண். நாமும் அவர்களைப்போல வாழ்ந்து மடியலாமே?

இன்றைய வசனத்தின் அடுத்த வசனத்தில், "மெய்யாய் தேவன் எனக்குச் செவிகொடுத்தார், என் ஜெபத்தின் சத்தத்தைக் கேட்டார்" ( சங்கீதம் 66 : 19 ) என்கின்றார் சங்கீத ஆசிரியர் உறுதியாக. ஆம், இது உலக மனிதர்கள் கூறுவதுபோல அல்ல. நிச்சயமாக தேவன் எனது ஜெபத்துக்கு பதில் கொடுத்துள்ளார் எனும் உறுதி.  

ஆம் அன்பானவர்களே, நமது இருதயத்தில் அக்கிரமசிந்தை கொண்டிருந்தோமானால் ஆண்டவர் நமக்குச் செவிகொடார். ஆனால் நாம் தேவனுக்கேற்ற வாழ்க்கை வாழும்போது நம் ஜெபத்தில் கேட்கும் உலக காரியங்கள் நமக்குக் கிடைக்கவில்லையானாலும் அப்போதும், "தேவன் எனக்குச் செவிகொடுத்தார், என் ஜெபத்தின் சத்தத்தைக் கேட்டார். ஆனால் ஏதோ நோக்கத்துக்காக நான் கேட்டதைத் தராமல் தாமதிக்கின்றார் எனும் உறுதி நமக்கு ஏற்படும். அக்கிரம சிந்தையை நம்மைவிட்டு அகற்றுவோம்; தேவன் நமக்குச் செவிகொடுப்பதை அனுபவத்தில் உணர்வோம். 

தேவ செய்தி:- ✍️ சகோ. எம். ஜியோ பிரகாஷ்      

                    WICKEDNESS 

AATHAVAN 🔥 950🌻 September 04, 2023 Monday

"If I regard iniquity in my heart, the Lord will not hear me” (Psalms 66: 18)

All those who believe in God pray. Everyone longs for God to hear and answer their prayers. People who do not believe in God and do not pray live with many benefits in the world. Generally, we all think that prayer is to ask God for worldly blessings and to receive them is the success of prayer.

But prayer is receiving and experiencing God, the source of life; Associating ourselves with Him. Our applications will be different when we so align ourselves with Him. Then we will prioritize spiritual things and pray. We will experience God's presence in our prayer times.

Today in the world we see many wicked and evil people flourishing. Therefore, worldly prosperity has nothing to do with prayer and God's blessings. Yes beloved, we must not be deceived by worldly prosperity. This is because the scriptures say that the wicked will prosper. "For I was envious at the foolish, when I saw the prosperity of the wicked. For there are no bands in their death: but their strength is firm. They are not in trouble as other men; neither are they plagued like other men." (Psalms 73: 3- 5) But their end is like grass

Instead, the righteous will seek God. His blessing will be different. Yea, "The righteous shall flourish like the palm tree: he shall grow like a cedar in Lebanon." (Psalms 92: 12) says the Vedas. The palm tree cannot be said to be prosperous. But it thrives in dry areas. Its entire body is useful for humans. And so is the righteous. It is a sign of complete blessing.

The Bible was not written for worldly prosperity. In today's meditation verse, the psalmist is speaking from a spiritual perspective. Yes, if we regard iniquity in our heart, the Lord will not hear us. This is what God said through the prophet Isaiah, "But your iniquities have separated between you and your God, and your sins have hid his face from you, that he will not hear." ( Isaiah 59 : 2 ) Yes, our iniquities separate us from God.

But today many are unaware that God has hidden His face from them because, they are receiving worldly blessings. They consider themselves loved by God. If the prosperity of the wicked and corrupt is a blessing from God, then we worship God in vain. It is also in vain that we live a good and holy life. Can we live and die like them?

In the next verse of today's verse, the psalmist affirms, "But verily God hath heard me; he hath attended to the voice of my prayer." (Psalms 66: 19) Yes, it is not as worldly people say. It is of surety that God has answered my prayer.

Yes, beloved, if we regard iniquity in our heart, the Lord will not hear us. But when we live a life according to God, even if we do not get the worldly things that we ask for in our prayers, even then we could say, "God has heard me and heard the sound of my prayer. But for some purpose, He is delaying to give me what I asked for. Let us remove the wicked thought from ourselves; we will experience the presence of God and have the assurance that God hears us.

God’s Message:- ✍️ Bro. M. Geo Prakash