❤️Meditation verse - மத்தேயு 6 : 6 / Matthew 6:6

 வேதாகமத் தியானம் - எண்:- 1,506   

'ஆதவன்' 💚மார்ச் 22, 2025. 💚சனிக்கிழமை

"நீயோ ஜெபம்பண்ணும்போது, உன் அறைவீட்டுக்குள் பிரவேசித்து, உன் கதவைப் பூட்டி, அந்தரங்கத்திலிருக்கிற உன் பிதாவை நோக்கி ஜெபம்பண்ணு; அப்பொழுது அந்தரங்கத்தில்பார்க்கிற உன் பிதா வெளியரங்கமாய் உனக்குப் பலனளிப்பார்." ( மத்தேயு 6 : 6 )

ஜெபம் என்பது விளையாட்டுப் பொருளல்ல;  அது மற்றவர்கள் கண்டு களிக்கவேண்டிய காட்சிப்பொருளுமல்ல. அது ஒரு குழந்தை தனது தாய் தகப்பனிடம் பேசுவதுபோல மெய்யான விசுவாசி தேவனோடு பேசும் ஒரு தெய்வீக அனுபவம். அதனையே இன்றைய தியான வசனத்தில் இயேசு கிறிஸ்து வலியுறுத்துகின்றார். 

இன்றைய தியான வசனம் விசுவாசிகள் சேர்ந்து ஜெபிக்கும் ஜெபத்தைக் குறிப்பிடவில்லை. நாம் ஆலயங்களில் ஜெபிக்கும்போது எல்லோரும் சேர்ந்துதான் ஜெபிக்கின்றோம். ஒன்றுகூடி தேவனை ஆராதிக்கின்றோம். மாறாக, இன்றைய தியான வசனம் நமது தனி ஜெபத்தைக்குறித்து இயேசு கூறுவதாகும்.  நமது தனி ஜெபம் நமக்கும் தேவனுக்கும் தெரியவேண்டிய ஒன்றே தவிர நாம் ஜெபிப்பதை ஊரே பார்க்கவேண்டுமென்று அவசியமில்லை என்கிறார் இயேசு கிறிஸ்து. 

இன்றைய தியான வசனத்தில் இயேசு குறிப்பிடுவது பெருமையுள்ளவர்களது ஜெபத்தைக்குறித்துதான். அதாவது தங்களை நல்லவர்கள், பக்திமான்கள் என்பதை மற்றவர்கள் அறியவேண்டும் எனும் கெட்ட உள்நோக்கத்துடன் அனைவரும் பார்க்க ஜெபிப்பதை இயேசு கண்டிக்கின்றார். உண்மையான தேவ அன்புள்ளவன் தேவனோடு தனியே ஜெபிப்பவனாக இருப்பான்; மட்டுமல்ல,  தான் ஜெபிப்பதை மற்றவர்கள் அறியவேண்டுமென்று  அவன் எண்ணவுமாட்டான். 

ஜெபம் என்பது நமக்கும் தேவனுக்குமான ஐக்கியத்தை உறுதிப்படுத்தும் செயலாக இருக்கின்றது. நாம் எவ்வளவுதான் ஆலயங்களுக்குச் சென்று ஜெபித்தாலும் அதனைவிட தனிஜெபம் மிக அவசியமாகும். தனி ஜெபத்தில் நாமும் தேவனும் ஒருவருக்கொருவர் பேசிக்கொள்கின்றோம். தனி ஜெபமில்லாத வாழ்க்கை ஆவியில்லாத வாழ்க்கையாகும்.  அப்படி நாம் தேவனோடு தனி ஜெபத்தில் உறுதியுடன் வாழும்போது அதனை அந்தரங்கத்தில் பார்க்கிற பிதா வெளியரங்கமாய் பலனளிப்பார் என்கிறார் இயேசு கிறிஸ்து. 

இதற்கு மாறாக பலரும் பார்க்கும்படி ஜெபிப்பவர்களை மாயக்காரர்கள் என்று இயேசு கிறிஸ்து குறிப்பிடுகின்றார். "அன்றியும் நீ ஜெபம்பண்ணும்போது மாயக்காரரைப்போலிருக்கவேண்டாம்; மனுஷர் காணும்படியாக அவர்கள் ஜெப ஆலயங்களிலும் வீதிகளின் சந்திகளிலும் நின்று ஜெபம்பண்ண விரும்புகிறார்கள்; அவர்கள் தங்கள் பலனை அடைந்து தீர்ந்ததென்று மெய்யாகவே உங்களுக்குச் சொல்லுகிறேன்." ( மத்தேயு 6 : 5 )

இப்படி பலரும் பார்க்கவேண்டுமென்று எண்ணி அவர்கள் ஜெபித்ததை பலரும் பார்த்தார்களே, அதுதான் அவர்களது ஜெபத்தால் அவர்கள் பெற்ற பலன்.  இதனையே இயேசு கிறிஸ்து, "அவர்கள் தங்கள் பலனை அடைந்து தீர்ந்ததென்று மெய்யாகவே உங்களுக்குச் சொல்லுகிறேன்." என்று குறிப்பிடுகின்றார். ஆனால் இன்று பல ஊழியர்கள் தாங்கள் தனியாக ஜெபிப்பதை வீடியோ எடுத்து முகநூலில் (Facebook) வெளியிடும் அவலங்கள் நடைபெறுவதை நாம் காணலாம். அவர்கள் இப்படிச் செய்யக் காரணம், "நாங்கள் ஜெபம் செய்யாமல் ஊழியம் செய்யவில்லை, நீங்களே பார்த்துக்கொள்ளுங்கள்" என்று மக்களுக்கு அறிவிக்கவே. 

அன்பானவர்களே, நமது தனிப்பட்ட ஜெபங்கள் தேவனுக்கும் நமக்குமான தனிப்பட்ட உறவை வளர்க்கவே. அதனை நாம் பகிரங்கப் படுத்தவேண்டிய அவசியமில்லை. மேலும், இயேசு கிறிஸ்து கூறியபடி நாம் அந்தரங்கத்தில் ஜெபிக்கும்போது பிதாவாகிய தேவன்  வெளியரங்கமாய் நமக்குப் பலனளிப்பார். எனவே தனி ஜெபத்தில் உறுதியாக இருப்போம்; அதனை மற்றவர்கள் காணாமல் இருக்கவும் கவனமாக இருப்போம். 

தேவ செய்தி :- சகோ. எம். ஜியோ பிரகாஷ்                          

Scripture Meditation - No: 1,506

AATHAVAN 💚 March 22, 2025 💚 Saturday

"But thou, when thou prayest, enter into thy closet, and when thou hast shut thy door, pray to thy Father which is in secret; and thy Father which seeth in secret shall reward thee openly." (Matthew 6:6)

Prayer is not a toy, nor is it a spectacle for others to watch and admire. It is a divine experience where a true believer speaks with God, just as a child speaks to their parents. This is what Jesus Christ emphasizes in today’s meditation verse.

Today's verse does not refer to corporate prayer, where believers gather to pray together. When we pray in churches, we do so as a congregation, worshipping God collectively. However, in this passage, Jesus speaks about personal prayer. He teaches that our private prayers are between us and God alone, and there is no need for others to see us praying.

Jesus is specifically addressing the prayers of the proud. He rebukes those who pray publicly with the hidden motive of being seen as righteous and pious by others. A true lover of God prays in solitude and does not seek recognition for their prayers.

Prayer is an act that strengthens our union with God. No matter how often we pray in church, personal prayer remains essential. In private prayer, we converse with God one-on-one. A life without personal prayer is a life without the Spirit. Jesus Christ assures us that when we sincerely engage in private prayer, our Father who sees in secret will reward us openly.

In contrast, Jesus calls those who pray for public recognition hypocrites. "And when thou prayest, thou shalt not be as the hypocrites are: for they love to pray standing in the synagogues and in the corners of the streets, that they may be seen of men. Verily I say unto you, they have their reward." (Matthew 6:5)

If people pray merely to be seen, and others do see them, that itself is the only reward they receive for their prayers. Jesus confirms this by saying, "They have their reward." Today, we witness an unfortunate trend where some ministers record their personal prayers and upload them on social media, such as Facebook, to show others that they are committed to prayer. Their intention is to prove to people, "Look, we are not ministering without prayer—see for yourself!"

Beloved, our private prayers are meant to nurture our personal relationship with God. There is no need to publicize them. As Jesus said, when we pray in secret, our Father will reward us openly. Therefore, let us remain steadfast in personal prayer and take care that it remains private.

Gospel Message by: Bro. M. Geo Prakash                           

❤️Meditation verse - சங்கீதம் 20 : 7 / Psalm 20:7

 வேதாகமத் தியானம் - எண்:- 1,505   

'ஆதவன்' 💚மார்ச் 21, 2025. 💚வெள்ளிக்கிழமை

"சிலர் இரதங்களைக்குறித்தும், சிலர் குதிரைகளைக்குறித்தும் மேன்மை பாராட்டுகிறார்கள்; நாங்களோ எங்கள் தேவனாகிய கர்த்தருடைய நாமத்தைக்குறித்தே மேன்மைபாராட்டுவோம்." ( சங்கீதம் 20 : 7 )

மேன்மைபாராட்டல் எனும் வார்த்தை பெருமைகொள்வதைக் குறிக்கின்றது. பெரும்பாலான மனிதர்களுக்கும் பொதுவாகவே தங்களிடமுள்ள செல்வம், பதவி, அந்தஸ்து, அழகு இவைகளைக் குறித்து பெருமை உண்டு. மற்றவர்களிடம் இல்லாத பொருளோ, பதவியோ, அதிகாரமோ அழகோ தங்களிடம் இருக்குமானால் அது அவர்களுக்குப் பெருமையாக இருக்கின்றது. 

இன்று மக்களிடையே பொதுவாக, நான்கு சக்கர வாகனங்கள், வீடுகள், நிலங்கள், அதிக அளவில் நகைகள் வைத்திருப்பது மிகப்பெரிய மதிப்புக்குரியதாகக் கருதப்படுவதைப்போல  சுவிசேஷம் எழுதபட்டக் காலங்களில்  குதிரைகள், ஆடுமாடுகள், ஒட்டகங்கள், ரதங்கள்  வைத்திருப்பது செல்வத்தின் அடையாளமாகக் கருதப்பட்டது. எனவே, இவைகள் தங்களிடம் அதிகம் இருப்பதால் பெருமைகொண்டு வாழ்ந்தவர்களை உதாரணம் காட்டி  இன்றைய தியான வசனம் கூறப்பட்டுள்ளது. 

ஆனால், நமது வாழ்வில் தேவனை அறிய முயலாமல் இப்படி  உலகச்  செல்வங்களை மட்டுமே நாம் நம்பி வாழ்வோமானால் நமக்கு ஐயோ என்று வேதம் கூறுகின்றது. "சகாயமடையும்படி இஸ்ரவேலுடைய பரிசுத்தரை நோக்காமலும், கர்த்தரைத் தேடாமலும், எகிப்துக்குப்போய், குதிரைகள்மேல் நம்பிக்கைவைத்து, இரதங்கள் அநேகமாயிருப்பதினால் அவைகளை நாடி, குதிரைவீரர் மகா பெலசாலிகளாயிருப்பதினால் அவர்களை நம்பிக் கொண்டிருக்கிறவர்களுக்கு ஐயோ!" ( ஏசாயா 31 : 1 )

தாவீது, ராஜாவாக இருந்தாலும் இவைகள் தன்னிடம் இருப்பதை அவர் பெருமைக்குரியதாகக் கருதாமல்  தேவனாகிய கர்த்தருடைய நாமத்தை அறிந்துள்ளதைக் குறித்தே மேன்மைபாராட்டுவோம் என்கின்றார். ஆம் அன்பானவர்களே, இன்று ஒருவேளை நமக்கு மற்றவர்களைப்போல செல்வங்கள் இல்லாமலிருக்கலாம். ஆனால், தேவனை நாம் அறிந்துள்ளது அவைகளைவிட மேலான செல்வமாகும். கர்த்தரை அறிந்துள்ளதே நமக்குப் பெருமை. 

அப்போஸ்தலரான பவுலும் "மேன்மைபாராட்டுகிறவன் கர்த்தரைக் குறித்தே மேன்மைபாராட்டக்கடவன்." ( 2 கொரிந்தியர் 10 : 17 ) என்று கூறுகின்றார். காரணம், உலகச் செல்வத்தை மட்டுமே நம்பி, அவற்றை அடைந்துள்ளதையே பெருமையாக எண்ணி வாழ்வோமானால் அது நமக்குக் கைகொடுக்கப்போவதில்லை. மேலும், அதிக பொருள் சேர்ந்தவர்களும், அதிக கல்வி கற்றவர்களும் தேவனை தனிப்பட்ட முறையில் அறியாமலும் அந்த மேன்மையான அனுபவங்களை வாழ்வில் பெறாமலும் இருக்கின்றனர். 

இந்த சர்வ லோகத்தையும் படைத்து ஆளும் தேவாதிதேவன் நம்மோடு தனிப்பட்ட உறவோடு நம்மோடு பேசி நம்மை வழிநடத்துவது எவ்வளவு மேலான காரியம்? இந்த அனுபவத்தில்தான் தாவீது கூறுகின்றார், "கர்த்தர் நல்லவர் என்பதை ருசித்துப்பாருங்கள்; அவர்மேல் நம்பிக்கையாயிருக்கிற மனுஷன் பாக்கியவான்." ( சங்கீதம் 34 : 8 ) என்று. 

மேலான உலக செல்வங்கள் தரமுடியாத மகிழ்வான அனுபவத்தை நாம் கர்த்தரை அறியும் அறிவினால் பெறமுடியும். எனவே எப்படியாவது இந்த அனுபவத்தை பெற்று அனுபவிக்க முயற்சி செய்வோம். அதன் முதல்படியாக தேவனிடம் நமது பாவங்களை அறிக்கையிட்டு வேண்டுவோம். அந்த அனுபவத்தைப் பெற்றுவிட்டோமானால் நாமும் உண்மையான இருதயத்தோடு, "நாங்கள்  எங்கள் தேவனாகிய கர்த்தருடைய நாமத்தைக்குறித்தே மேன்மைபாராட்டுவோம்." என்று கூற முடியும். 

தேவ செய்தி :- சகோ. எம். ஜியோ பிரகாஷ்                         

Scripture Meditation - No: 1,505

AATHAVAN 💚 March 21, 2025 – Friday 💚

"Some trust in chariots, and some in horses: but we will remember the name of the LORD our God." (Psalm 20:7, KJV)

The word "trust" in this verse refers to placing confidence or boasting in something. Most people naturally take pride in their wealth, position, status, or beauty. When they possess something that others do not—be it property, power, or appearance—it becomes a source of pride for them.

In today’s world, people often consider owning four-wheeled vehicles, houses, land, and large amounts of gold as signs of great status. Similarly, in the times when the Gospel was written, horses, cattle, camels, and chariots were seen as symbols of wealth. The meditation verse refers to such people who took pride in their possessions.

However, the Bible warns us that if we live trusting only in material wealth without seeking to know God, we are to be pitied. "Woe to them that go down to Egypt for help; and stay on horses, and trust in chariots, because they are many; and in horsemen, because they are very strong; but they look not unto the Holy One of Israel, neither seek the LORD!" (Isaiah 31:1, KJV)

Although King David was a ruler with great possessions, he did not consider these things as his source of pride. Instead, he declared that he would boast in knowing the name of the LORD. Beloved, we may not possess as much wealth as others, but knowing God is the greatest treasure. True pride and joy come from having a relationship with Him.

The apostle Paul also affirms this: "But he that glorieth, let him glory in the Lord." (2 Corinthians 10:17, KJV). If we put our confidence only in worldly wealth and take pride in what we have achieved, it will not help us in the long run. Even those with great riches and high education may not have the privilege of knowing God personally and experiencing His divine presence in their lives.

How glorious is it that the Almighty, the Creator of the universe, desires a personal relationship with us, speaks to us, and guides us! King David testifies to this wonderful experience, saying, "O taste and see that the LORD is good: blessed is the man that trusteth in him." (Psalm 34:8, KJV).

The joy that comes from knowing God is greater than any worldly riches. Let us strive to experience this divine relationship. The first step is to confess our sins and seek Him with a sincere heart. Once we experience His presence, we too can boldly declare: "We will remember the name of the LORD our God."

Gospel Message: Bro. M. Geo Prakash

❤️Meditation verse - 1 சாமுவேல் 15 : 29 / 1 Samuel 15:29

 வேதாகமத் தியானம் - எண்:- 1,504    

'ஆதவன்' 💚மார்ச் 20, 2025. 💚வியாழக்கிழமை

"இஸ்ரவேலின் ஜெயபலமானவர் பொய் சொல்லுகிறதும் இல்லை; தாம் சொன்னதைப்பற்றி மனஸ்தாபப்படுகிறதும் இல்லை; மனம் மாற அவர் மனுஷன் அல்ல." ( 1 சாமுவேல் 15 : 29 )

இன்று நாம் மனிதர்களிடையே பரவலாக காணக்கூடிய ஒரு பழக்கம் மாற்றிப்பேசுவது. அதாவது ஒரு காரியத்தைச் சொல்லிவிட்டுப் பின்னர் அதனை மாற்றி,  "நான் இதனை அந்த அர்த்தத்தில் சொல்லவில்லை" என்றோ, "நான் சொன்னதை நீங்கள் சரியாகப் புரிந்துகொள்ளவில்லை" என்றோ,  அல்லது "நான் அப்படிச் சொல்லவே இல்லை" என்றோ கூறுவது. ஒருசிலர் மட்டும் ஏதாவது ஒரு சூழ்நிலையில், "நான் சொன்னது தவறுதான், மன்னித்துக்கொள்ளுங்கள்" என்று கூறுவதுண்டு. 

பொதுவாக அரசியல்வாதிகள் எல்லோருமே இப்படித்தான் இருக்கின்றார்கள். அவர்கள் பேசுவதை நேரடி ஒளிபரப்பில் நாட்டுமக்கள் அனைவரும் கண்டு, கேட்டு அறிந்தபின்னரும்கூடத் துணிகரமாக இப்படிப் பொய்பேசுகின்றனர்.  இதுபோலவே நம்மிடையேயும் நமது குடும்பங்களிலும் சிலர் இருக்கலாம்.  இவர்களால் தான் குடும்பங்களில் பிரச்சனைகளும் சன்டைகளும் அதிகம் ஏற்படுகின்றன. 

ஆனால், நமது தேவன் இப்படி மாற்றிப்பேசுபவரோ, பேசியதற்காக மன்னிப்புக் கேட்பவரோ அல்ல. இதனையே இன்றைய தியான வசனத்தில் நாம், "இஸ்ரவேலின் ஜெயபலமானவர் பொய் சொல்லுகிறதும் இல்லை; தாம் சொன்னதைப்பற்றி மனஸ்தாபப்படுகிறதும் இல்லை" என்று வாசிக்கின்றோம். மட்டுமல்ல, அவர் சொன்னது சொன்னதுதான். அவர் சொல்லும் வார்த்தைகள் அதன் பலனை விளைவிக்காமல் அவரிடம் திரும்பிச் செல்வதில்லை. 

"மாரியும் உறைந்த மழையும் வானத்திலிருந்து இறங்கி, அவ்விடத்துக்குத் திரும்பாமல் பூமியை நனைத்து, அதில் முளை கிளம்பி விளையும்படிச்செய்து, விதைக்கிறவனுக்கு விதையையும் புசிக்கிறவனுக்கு ஆகாரத்தையும் கொடுக்கிறது எப்படியோ, அப்படியே என் வாயிலிருந்து புறப்படும் வசனமும் இருக்கும்; அது வெறுமையாய் என்னிடத்திற்குத் திரும்பாமல், அது நான் விரும்புகிறதைச்செய்து, நான் அதை அனுப்பின காரியமாகும்படி வாய்க்கும்." ( ஏசாயா 55 : 10, 11 )

ஆம்  அன்பானவர்களே, தேவன் உண்மையுள்ளவராக இருப்பதால் மனிதர்களைப்போல  தாம் சொன்னதைக் குறித்து மனஸ்தாபப்படுகிறதும் இல்லை; மாற்றிப் பேசுவதுமில்லை.  மனம் மாற அவர் மனுஷன் அல்ல. இதனையே அப்போஸ்தலரான பவுல், "என்னாலும், சில்வானுவினாலும், தீமோத்தேயுவினாலும், உங்களுக்குள்ளே பிரசங்கிக்கப்பட்ட தேவகுமாரனாகிய இயேசுகிறிஸ்துவும் ஆம் என்றும் அல்ல என்றும் இராமல், ஆம் என்றே இருக்கிறார்." ( 2 கொரிந்தியர் 1 : 19 ) அவர் ஆம் என்றால் அது ஆம்தான். 

இதனால், "எங்களால் தேவனுக்கு மகிமையுண்டாகும்படி, தேவனுடைய வாக்குத்தத்தங்களெல்லாம் இயேசுகிறிஸ்துவுக்குள் ஆம் என்றும், அவருக்குள் ஆமென் என்றும் இருக்கிறதே." ( 2 கொரிந்தியர் 1 : 20 ) என்கிறார் பவுல். தேவனது வாக்குத்தத்தங்கள் அனைத்தும் உண்மையானவை. நமது வாழ்வில் அவை பலிக்கவில்லையானால் நாம் தேவனைக் குறைகூறுவதோ, அவர் வாக்குத்தத்தங்கள் பொய்யானவை என்றோ கூறிடமுடியாது. தவறு மனிதர்களாகிய நம்மிடம்தான் இருக்கும்.  

எனவே நாம் வேதத்திலுள்ள தேவனுடைய வாக்குத்தத்தங்களை உரிமைகோரி ஜெபிக்கும்போது அந்த வாக்குத்தத்தங்களுக்கு முன்போ, பின்னரோ கூறப்பட்டுள்ள நிபந்தனைகளையும் கவனிக்கவேண்டியது அவசியம். அவரது வாக்குத்தத்தங்கள் குறித்து அவர் கூறியுள்ள நிபந்தனைகளுக்கு ஏற்ப  நாம் நமது வாழ்க்கையினை வாழ்கின்றோமா என்று கவனித்து நம்மிடம் தவறு இருக்குமானால் நம்மைத் திருத்திக்கொள்ள வேண்டியது அவசியம். காரணம், இஸ்ரவேலின் ஜெயபலமானவர் பொய் சொல்வதில்லை, மனம் மாறுவதுமில்லை; மனம் மாற அவர் மனுஷன் அல்ல.

தேவ செய்தி :- சகோ. எம். ஜியோ பிரகாஷ்                           

Scripture Meditation - No. 1,504

AATHAVAN 💚 March 20, 2025 - Thursday 💚

"And also the Strength of Israel will not lie nor repent: for he is not a man, that he should repent." (1 Samuel 15:29, KJV)

One of the common habits we see among people today is changing their words. That is, after making a statement, they later change it, saying, "I did not mean it that way," or "You misunderstood me," or even, "I never said that at all." However, a few honest individuals might admit, "I was wrong; please forgive me."

Generally, politicians are known for this behaviour. Even when their words are broadcasted live for the whole nation to see and hear, they still boldly deny what they said. Similarly, there might be people like this in our families and among our acquaintances. Such individuals often cause conflicts and disputes within families.

However, our God is not one who changes His words or apologizes for what He has spoken. In today’s meditation verse, we read, "The Strength of Israel will not lie nor repent" (1 Samuel 15:29). Not only that, but whatever He has spoken remains firm. His words will never return to Him void without fulfilling their purpose.

"For as the rain cometh down, and the snow from heaven, and returneth not thither, but watereth the earth, and maketh it bring forth and bud, that it may give seed to the sower, and bread to the eater: So shall my word be that goeth forth out of my mouth: it shall not return unto me void, but it shall accomplish that which I please, and it shall prosper in the thing whereto I sent it." (Isaiah 55:10-11, KJV)

Yes, dear ones, because God is true, He does not repent like man or change His words. He is not a man to change His mind. The apostle Paul also confirms this by saying:

"For the Son of God, Jesus Christ, who was preached among you by us, even by me and Silvanus and Timotheus, was not yea and nay, but in him was yea." (2 Corinthians 1:19, KJV) If He says Yes, then it is Yes.

That is why Paul further states: "For all the promises of God in him are yea, and in him Amen, unto the glory of God by us." (2 Corinthians 1:20, KJV)

All of God's promises are true. If they do not come to pass in our lives, we cannot blame God or say that His promises are false. The fault always lies with us.

Therefore, when we pray claiming God’s promises from the Bible, we must also pay close attention to the conditions mentioned before or after those promises. It is essential to examine whether we are living according to those conditions. If there is any fault in us, we must correct ourselves.

Because the Strength of Israel does not lie nor repent; He is not a man to change His mind!

God’s Message: Bro. M. Geo Prakash                          

❤️Meditation verse - யோவான் 18 : 37 / John 18:37

 வேதாகமத் தியானம் - எண்:- 1,503    

'ஆதவன்' 💚மார்ச் 19, 2025. 💚புதன்கிழமை

"அப்பொழுது பிலாத்து அவரை நோக்கி: அப்படியானால் நீ ராஜாவோ என்றான். இயேசு பிரதியுத்தரமாக: நீர் சொல்லுகிறபடி நான் ராஜாதான்; சத்தியத்தைக்குறித்துச் சாட்சிகொடுக்க நான் பிறந்தேன், இதற்காகவே இந்த உலகத்தில் வந்தேன்; சத்தியவான் எவனும் என் சத்தம் கேட்கிறான் என்றார்." ( யோவான் 18 : 37 )

இயேசு கிறிஸ்து ராஜாதி ராஜாவாக இருக்கின்றார். ஆனால் உலகினில் அவர் வாழ்ந்தபோது அவரைப் பார்த்தவர்கள் ராஜாவாக அவரைக் கண்டுகொள்ள முடியவில்லை. காரணம்,  அவர் பிறக்கக்கூட சொந்த நல்ல  இடமில்லாமல் மாட்டுத் தொழுவதில்தான் பிறந்தார்.  உலகத்தில் அவர் வாழ்ந்தபோது தலை சாய்க்க இடமில்லாதவராகவே வாழ்ந்தார்.  அவர் இறந்தபோதும் சொந்த கல்லறை இல்லாமல் அடுத்தவரது கல்லறையில்தான் அடக்கம் செய்யப்பட்டார். 

ஆனால் தன்னிடம் விசாரணை செய்த பிலாத்துவுக்கு அவர் "நான் ராஜாதான்" என்று பதில் கூறுகின்றார். இந்த உலகினில் ஒரு ராஜா என்றால் அவருக்கென்று மிகப்பெரிய அரண்மனை, பொன், வெள்ளி எனும் பொக்கிஷங்கள், ஊழியம்செய்ய வேலைக்காரர்கள், பாதுகாப்புப் பணியாளர்கள்,  எதிரிகளோடு போர்புரிய ராணுவவீரர்கள், ராஜமேன்மையை வெளிப்படுத்தும் கிரீடம் போன்ற பல காரியங்கள் உண்டு. ஆனால் இவை எதுவும் இயேசு கிறிஸ்துவுக்கு இல்லை. 

"இவன் தன்னை யூதருடைய ராஜா என்று கூறிக்கொள்கிறான்" எனும் குற்றச்சாட்டு அவர்மேல் சுமத்தப்படுகின்றது.    பிலாத்து அவரது நிலைமையைப் பார்த்துத் தனக்குள் கேலியாக எண்ணியிருக்கவேண்டும். ஒன்றுமில்லாத ஒருவன் தன்னை ராஜா என்று கூறிக்கொள்கிறானே என்று அவன் எண்ணினான். ஆனால் பிலாத்து எண்ணியதுபோல அவர் உலகதுக்குரிய ராஜா அல்ல. அவனால் அதனைப் புரிந்துகொள்ள முடியவில்லை. எனவே தொடர்ந்து அவரிடம் அவன் கேள்வி எழுப்பியபோது இயேசு கிறிஸ்துக் கூறினார்:- 

"என் ராஜ்யம் இவ்வுலகத்திற்குரியதல்ல, என் ராஜ்யம் இவ்வுலகத்திற்குரியதானால் நான் யூதரிடத்தில் ஒப்புக்கொடுக்கப்படாதபடிக்கு என் ஊழியக்காரர் போராடியிருப்பார்களே; இப்படியிருக்க என் ராஜ்யம் இவ்விடத்திற்குரியதல்ல என்றார்." ( யோவான் 18 : 36 )

இதன்பின்னர் தான் இயேசு கிறிஸ்து பிலாத்துவுக்கு முக்கியமான ஒரு சத்தியத்தைக் கூறுகின்றார். அதாவது,  "சத்தியவான் எவனும் என் சத்தம் கேட்கிறான்." என்றார் அவர். அதாவது, உண்மையுள்ளவர்கள் எவரும் என் குரலைக் கேட்கமுடியும் என்கின்றார். ஆம், உண்மையுள்ள வாழ்க்கை வாழும்போதுதான் தேவனது குரலைக் கேட்கமுடியும்; அவரை வாழ்வில் அறிய முடியும். வாழ்க்கையில் உண்மையில்லாமல் ஏமாற்றும், பித்தலாட்டமும் செய்துகொண்டு அலைபவர்கள் தேவ சத்தத்தைக் கேட்கமுடியாது. வாழ்வில் உண்மையில்லாத பிலாத்து எனவேதான் இயேசு கிறிஸ்து கூறிய பதிலுக்குச், "சத்தியமாவது என்ன?" ( யோவான் 18 : 38 ) என்றான். உண்மை என்றால் என்ன என்பதே தெரியாத பரிதாபகரமான வாழ்க்கை அவனது வாழ்க்கை!

ஆம் அன்பானவர்களே, இதுவே நமக்கு இன்றைய செய்தி. "நானே வழியும் சத்தியமும் ஜீவனுமாயிருக்கிறேன்; என்னாலேயல்லாமல் ஒருவனும் பிதாவினிடத்தில் வரான்." ( யோவான் 14 : 6 ) என்று கூறிய இயேசுவை அறிய நாம் உண்மையுள்ளவர்களாக வாழவேண்டியது அவசியம். காரணம், அவரது வார்த்தையே சத்தியம். சத்தியமான அவரது வார்தைக்குக் கீழ்ப்படியும்போது மட்டுமே அவரை நாம் வாழ்வில் அறியமுடியும். இல்லையானால் பிலாத்து கேட்டதுபோல, "சத்தியமாவது என்ன?" என்று கேட்டுக்கொண்டு தேவனை அறியாதவர்களாகவே இருப்போம். 

ஆதியிலிருந்த வார்த்தையான (யோவான் 1;1) கிறிஸ்துவை அறிய சத்தியமான அவரது வார்த்தையை நாம் வாழ்வில் கடைபிடிக்கவேண்டியது அவசியம். அப்படிக் கடைபிடிப்போமானால் அவரை ராஜாவாக நாம் கண்டுகொள்வோம். மட்டுமல்ல, அந்த ராஜாவின் பிள்ளைகளாகவும் நாம் மாறுவோம். 

தேவ செய்தி :- சகோ. எம். ஜியோ பிரகாஷ்                                                    

Scripture Meditation - No. 1,503

AATHAVAN💚 March 19, 2025 💚 Wednesday

"Pilate therefore said unto him, Art thou a king then? Jesus answered, Thou sayest that I am a king. To this end was I born, and for this cause came I into the world, that I should bear witness unto the truth. Every one that is of the truth heareth my voice." (John 18:37, KJV)

Jesus Christ is the King of kings. However, when He lived in this world, people could not recognize Him as a King. The reason was that He was born in a lowly manger, without even a proper place of His own. While on earth, He had no place to lay His head. Even in His death, He was laid in another man’s tomb, for He had none of His own.

Yet, when questioned by Pilate, He boldly declared, "I am a King." In this world, a king is usually identified by a magnificent palace, gold and silver treasures, numerous servants, a strong army to fight enemies, and a crown symbolizing authority. But Jesus had none of these.

He was accused of claiming to be "The King of the Jews." Pilate, seeing His humble condition, might have mockingly thought, "How can this man, who owns nothing, call Himself a king?" But Pilate failed to understand that Jesus was not an earthly king.

When Pilate continued questioning Him, Jesus clarified,

"My kingdom is not of this world: if my kingdom were of this world, then would my servants fight, that I should not be delivered to the Jews: but now is my kingdom not from hence." (John 18:36, KJV)

Following this, Jesus made a profound statement to Pilate: "Every one that is of the truth heareth my voice." This means that those who are truthful can hear His voice. Yes, only those who lead a truthful life can recognize God's voice and know Him. Those who live in deception and falsehood cannot hear the divine voice.

Since Pilate was not truthful in his heart, he responded to Jesus’ words by asking, "What is truth?" (John 18:38, KJV). What a tragic life—one that does not even recognize what truth is!

Dearly beloved, this is today’s message for us. Jesus said, "I am the way, the truth, and the life: no man cometh unto the Father, but by me." (John 14:6, KJV)

To know Jesus, we must live in truth. His Word is the absolute truth. Only when we obey His truthful Word can we truly know Him. Otherwise, like Pilate, we will continue to ask, "What is truth?" without ever knowing God.

To know Christ, the Word that was in the beginning (John 1:1, KJV), we must uphold His truthful Word in our lives. If we do so, we will recognize Him as our King. Not only that, but we will also become the children of the King!

Gospel Message by: Bro. M. Geo Prakash

❤️Meditation verse - எபிரெயர் 12 : 1 / Hebrews 12:1

 வேதாகமத் தியானம் - எண்:- 1,502    

'ஆதவன்' 💚மார்ச் 18, 2025. 💚செவ்வாய்க்கிழமை  

"ஆகையால், மேகம்போன்ற இத்தனை திரளான சாட்சிகள் நம்மைச் சூழ்ந்துகொண்டிருக்க, பாரமான யாவற்றையும், நம்மைச் சுற்றி நெருங்கிநிற்கிற பாவத்தையும் தள்ளிவிட்டு, விசுவாசத்தைத் துவக்குகிறவரும் முடிக்கிறவருமாயிருக்கிற இயேசுவை நோக்கி, நமக்கு நியமித்திருக்கிற ஓட்டத்தில் பொறுமையோடே ஓடக்கடவோம்." ( எபிரெயர் 12 : 1 )

நாம் பாவத்திலிருந்து மன்னிப்பைப்பெற்று மீட்பின் அனுபவத்தைப் பெறும்போது ஆவியானவரின் வழிநடத்துதலுக்குள் வருகின்றோம். இந்த அனுபவத்துக்குப்பின்னர் தேவன்மேலுள்ள நமது விசுவாசம் படிப்படியாக வளரத் துவங்குகின்றது. இப்படி நமது விசுவாசத்தைத் துவங்குகின்றவர் கர்த்தராகிய இயேசு கிறிஸ்துதான். மீட்பு அனுபவம் நமக்கு இல்லாமல் இருக்குமானால் நாம் உறுதியான விசுவாசத்தில் வளரமுடியாது. 

எபிரெயர் நிருபத்தில் நீண்ட விசுவாசிகளின் பட்டியல் கொடுக்கப்பட்டுள்ளது. இதனைத் தொடர்நது எழுதும்போது நிருப ஆசிரியர், "ஆகையால், மேகம்போன்ற இத்தனை திரளான சாட்சிகள் நம்மைச் சூழ்ந்துகொண்டிருக்க" என்று தொடர்கின்றார். அதாவது இத்தனை விசுவாச சாட்சிகள் நமக்கு எடுத்துக்காட்டாக இருக்கும்போது  நாம் ஏன் தயங்கவேண்டும்? ஏன் விசுவாசத்தில் குறைவுபடவேண்டும்? 

எனவே, நம்மைச் சுற்றி நெருங்கிநிற்கிற பாரமான யாவற்றையும், பாவத்தையும் தள்ளிவிட்டு, விசுவாசத்தைத் துவக்குகிறவரும் முடிக்கிறவருமாயிருக்கிற இயேசுவை நோக்கி, நமக்கு நியமித்திருக்கிற ஓட்டத்தில் பொறுமையோடே ஓடக்கடவோம் என்கின்றார். பாரமான காரியங்கள் என குறிப்பிடப்பட்டுள்ளது உலகத்தில் நம்மை நெருக்கும் துன்பங்களைக் குறிக்கின்றது. இந்தத் துன்பங்களையும்  நமது  விசுவாச வாழ்வைக் கெடுக்கும் பாவங்களையும் கண்டு துவண்டுவிடாமல்,  பாவ சூழ்நிலைகளை உதறித்  தள்ளிவிட்டு கிறிஸ்துவை மட்டுமே நோக்கி நமது பயணத்தைக் தொடரவேண்டும். 

ஓட்டப்பந்தயங்களில் இறுதி இலக்கைக்  குறிக்க அங்கு ஒரு சிகப்புக்  கயிறு கட்டியிருப்பார்கள். அதுதான் இலக்கு. அந்த இலக்கை முதலில் அடைபவன் வெற்றிபெறுவான். ஆவிக்குரிய ஓட்டத்தில் இறுதி இலக்காக நிற்பவர் நமது கர்த்தராகிய இயேசு கிறிஸ்துதான். அவரை நோக்கியே நாம் ஓடவேண்டும். ஆனால், ஆவிக்குரிய ஓட்டத்தில் முதல், கடைசி என்று கிடையாது. யாரெல்லாம் அந்த இறுதி இலக்கை அடைகின்றார்களோ அனைவருமே வெற்றிபெறுவர். எனவேதான் அவசரம் வேண்டாம், "பொறுமையோடே ஓடக்கடவோம்" என்று குறிப்பிடப்பட்டுள்ளது. 

இன்றைய தியான வசனம், "நமக்கு நியமிக்கப்பட்ட ஓட்டத்தில்" ஓடக்கடவோம் என்று கூறுகின்றது. தேவன் ஒவ்வொருவரையும் ஒவ்வொரு பாதையில் வழிநடத்துவார். எனவே, மற்றவர்கள் என்ன செய்கிறார்கள், அவர்கள் என்ன ஆவிக்குரிய நிலையில் இருக்கிறார்கள், ஆவிக்குரிய வாழ்வில் மற்றவர்கள் என்ன தவறு செய்கிறார்கள் என்று அக்கம்பக்கம் பார்க்காமலும், மற்றவர்கள் செல்லும் வழியில் செல்லாமலும் ஆவியானவர் நமக்குக் காட்டும்பாதையில் பொறுமையோடு நமது ஆவிக்குரிய வாழ்வைத் தொடரவேண்டும் என்று கூறப்பட்டுள்ளது.

ஆம் அன்பானவர்களே, வேதத்தில் காட்டியுள்ள உதாரண விசுவாச வீரர்களை மனதில்கொண்டு, நம்மை நெருக்கும் உலக பிரச்சனைகள், துன்பங்களையும்,  பாவங்களையும் உதறித்ததள்ளி   விசுவாசத்தைத் துவக்குகிறவரும் முடிக்கிறவருமாயிருக்கிற இயேசுவை நோக்கி, நமக்கு நியமித்திருக்கிற ஓட்டத்தில் பொறுமையோடே ஓடக்கடவோம். நமது ஆவிக்குரிய ஓட்டம் வெற்றிகரமானதாக அமைந்திட ஆவியானவர்தாமே அதற்கான பெலனை நமக்குத் தருவாராக. 

தேவ செய்தி :- சகோ. எம். ஜியோ பிரகாஷ்                      

Scripture Meditation - No. 1,502
AATHAVAN💚 March 18, 2025 💚 Tuesday

"Wherefore seeing we also are compassed about with so great a cloud of witnesses, let us lay aside every weight, and the sin which doth so easily beset us, and let us run with patience the race that is set before us, looking unto Jesus the author and finisher of our faith." (Hebrews 12:1, KJV)

When we receive forgiveness from sin and experience salvation, we come under the guidance of the Holy Spirit. After this experience, our faith in God begins to grow gradually. It is the Lord Jesus Christ who initiates and completes our faith. Without the experience of salvation, we cannot grow in steadfast faith.

In the Epistle to the Hebrews, a long list of faithful witnesses is provided. Following this, the author writes, "Wherefore seeing we also are compassed about with so great a cloud of witnesses." This means that with so many faithful examples surrounding us, why should we hesitate? Why should we lack in faith?

Therefore, we are urged to lay aside every weight and the sin that so easily ensnares us, and to run with patience the race set before us, looking unto Jesus, the author and finisher of our faith. The "weights" mentioned here refer to the troubles of the world that press upon us. We must not be discouraged by these troubles or by the sins that hinder our spiritual life. Instead, we must shake off these sinful circumstances and continue our journey, fixing our eyes solely on Christ.

In races, a red ribbon is often tied at the finish line to mark the goal. The one who reaches it first wins the prize. In the spiritual race, our ultimate goal is the Lord Jesus Christ. We must run toward Him. However, in the spiritual race, there is no first or last. All who reach the goal will receive the prize. This is why there is no need for haste, and we are reminded to "run with patience."

Today’s meditation verse says, "Let us run with patience the race that is set before us." God leads each of us on a unique path. Therefore, we should not look around at what others are doing, their spiritual state, or their mistakes. Instead, we must follow the path shown to us by the Holy Spirit and continue our spiritual journey with patience.

Yes, dear friends, let us keep in mind the examples of faithful heroes shown in the Scriptures. Let us shake off the worldly problems, troubles, and sins that press upon us, and let us run with patience the race set before us, looking unto Jesus, the author and finisher of our faith. May the Holy Spirit grant us the strength to make our spiritual race victorious.

God's Message: Bro. M. Geo Prakash                            

❤️Meditation verse - ஏசாயா 55 : 8 / Isaiah 55:8

 வேதாகமத் தியானம் - எண்:- 1,501    

'ஆதவன்' 💚மார்ச் 17, 2025. 💚திங்கள்கிழமை  

"என் நினைவுகள் உங்கள் நினைவுகள் அல்ல; உங்கள் வழிகள் என் வழிகளும் அல்லவென்று கர்த்தர் சொல்லுகிறார்." ( ஏசாயா 55 : 8 )

மனித நினைவுகள், மனித வழிகள் இவைகள் தேவ நினைவுகளையும் வழியையும் விட தாழ்ந்தவைகள். மனித அறிவு குறைவுள்ளது. இந்தக் குறைந்த அறிவைக்கொண்டுதான் நாம் சிந்திக்கின்றோம், செயல்படுகின்றோம். குறைந்த அறிவு குறைவாகவே சிந்திக்கும். மேலும், நாம் எல்லாவற்றையும் உலக நோக்கோடும் உலக ஆதாயத்தோடும் மட்டுமே பார்க்கப் பழகியுள்ளோம். அனால் தேவன் அப்படிப்பட்டவரல்ல. எனவேதான் இன்றைய தியான வசனத்தில் அவர், என் நினைவுகள் உங்கள் நினைவுகள் அல்ல; உங்கள் வழிகள் என் வழிகளும் அல்லவென்று சொல்லுகிறார்.

தேவனது அறிவு ஆராய்ச்சிக்கு அப்பாற்பட்டது. வானத்துக்கு எப்படி நாம் எல்லையைக் குறிக்கமுடியாதோ அப்படியே தேவனது அறிவும் அவரது நினைவுகளும் உள்ளன. இதனையே இன்றைய தியான வசனத்தின் அடுத்த வசனமாக நாம் வாசிக்கின்றோம், "பூமியைப்பார்க்கிலும் வானங்கள் எப்படி உயர்ந்திருக்கிறதோ, அப்படியே உங்கள் வழிகளைப்பார்க்கிலும் என் வழிகளும், உங்கள் நினைவுகளைப்பார்க்கிலும் என் நினைவுகளும் உயர்ந்திருக்கின்றன." ( ஏசாயா 55 : 9 ) என்று.

இயேசு கிறிஸ்து உலகத்தில் வாழ்ந்தபோதும் இதனையே யூதர்களுக்குக் கூறினார். "அவர் அவர்களை நோக்கி: நீங்கள் தாழ்விலிருந்துண்டானவர்கள், நான் உயர்விலிருந்துண்டானவன்; நீங்கள் இந்த உலகத்திலிருந்துண்டானவர்கள், நான் இந்த உலகத்திலிருந்துண்டானவனல்ல." ( யோவான் 8 : 23 ) என்று வாசிக்கின்றோம். 

ஆவிக்குரிய மனிதர்கள் இந்தச் சத்தியத்தை உணர்ந்துகொண்டாலும் சாதாரண உலகு சார்ந்து வாழும் மக்கள் இதனை உணர்ந்துகொள்வதில்லை. எனவே, இந்த உலகத்தில்  அசம்பாவிதச் செயல்கள் நடக்கும்போது அவர்கள், "தேவன் என ஒருவர் உண்டு என்றால் ஏன் இவ்வாறு நடக்க அனுமதிக்கின்றார்?" எனக் கேள்வி கேட்கின்றனர். கடவுள் நம்பிக்கையற்றவர்கள் பலரும் இதனாலேயே மேலும் தங்கள் மனது கடினப்பட்டு தேவனை அறியாமல் இருக்கின்றனர். காரணம் அவர்கள் தங்களது குறைந்த மனித அறிவால் அனைத்தையும் பார்த்து எடைபோடுகின்றனர். 

ஆம் அன்பானவர்களே, நமக்கும் வாழ்வில் நடக்கும் சில எதிர்மறையான காரியங்களைப் பார்த்து சிலவேளைகளில்  தேவனைக்குறித்த சந்தேகங்கள் எழலாம்; நமது விசுவாசத்தைக் குறைக்கக்கூடிய சிந்தனைகள் நம்மில் எழலாம். ஆனால் "நம்முடைய அறிவு குறைவுள்ளது" ( 1 கொரிந்தியர் 13 : 9 ) என்ற இந்தச் சிந்தனை எப்போதும் நமக்கு இருக்குமானால் நாம் தேவனை சந்தேகிக்கமாட்டோம்.  பூமியைவிட, வானங்களைவிட மேலான தேவ சிந்தனையையும் வழிகளையும் நாம் அறியமுடியாது. எனவே அவரது சித்தத்துக்கும் வழிகளுக்கும் நம்மை ஒப்புக்கொடுத்து வாழ்வோம். 

"மண்ணானவன் எப்படிப்பட்டவனோ மண்ணானவர்களும் அப்படிப்பட்டவர்களே; வானத்துக்குரியவர் எப்படிப்பட்டவரோ, வானத்துக்குரியவர்களும் அப்படிப்பட்டவர்களே." ( 1 கொரிந்தியர் 15 : 48 ) வானத்துக்குரியவர்களாக நாம் மாறும்போது மட்டுமே வானத்துக்குரியவரின் சிந்தனைகளையும் வழிகளையும் நாம் முழுவதுமாக புரிந்துகொள்ள முடியும். மண்ணான நாம் அவரது சித்தத்துக்கு நம்மை ஒப்புக்கொடுத்து வாழ்வதையே தேவன் விரும்புகின்றார்.

தேவ செய்தி :- சகோ. எம். ஜியோ பிரகாஷ்            

Scripture Meditation - No. 1,501

AATHAVAN 💚 March 17, 2025 💚 Monday

"For my thoughts are not your thoughts, neither are your ways my ways, saith the LORD." (Isaiah 55:8)

Human thoughts and human ways are inferior to God's thoughts and ways. Human knowledge is limited. It is with this limited understanding that we think and act. Limited knowledge leads to limited thinking. Moreover, we have become accustomed to viewing everything from a worldly perspective and for worldly gain. But God is not like that. This is why, in today's meditation verse, He says, "For my thoughts are not your thoughts, neither are your ways my ways."

God's knowledge is beyond human comprehension. Just as we cannot measure the boundaries of the heavens, so too are God's knowledge and thoughts. This is further emphasized in the next verse of today's meditation: "For as the heavens are higher than the earth, so are my ways higher than your ways, and my thoughts than your thoughts." (Isaiah 55:9)

When Jesus Christ lived on earth, He also spoke similarly to the Jews. We read, "And he said unto them, Ye are from beneath; I am from above: ye are of this world; I am not of this world." (John 8:23)

While spiritual people understand this truth, ordinary people who are worldly-minded fail to grasp it. Therefore, when unexpected events occur in this world, they ask, "If there is a God, why does He allow such things to happen?" Many who lack faith in God harden their hearts and remain ignorant of Him because of this. The reason is that they weigh everything with their limited human understanding.

Yes, dear ones, there may be times in our lives when we too may doubt God or have thoughts that weaken our faith when we see negative events. But if we always remember that "we know in part" (1 Corinthians 13:9), we will not doubt God. We cannot fully comprehend God's thoughts and ways, which are higher than the heavens and the earth. Therefore, let us surrender ourselves to His will and His ways.

"As is the earthy, such are they also that are earthy: and as is the heavenly, such are they also that are heavenly." (1 Corinthians 15:48) Only when we become heavenly-minded will we fully understand the thoughts and ways of the heavenly One. As earthly beings, God desires that we surrender ourselves to His will.

God's Message: Bro. M. Geo Prakash                                        

❤️Meditation verse - தீத்து 3 : 9 / Titus 3:9

 வேதாகமத் தியானம் - எண்:- 1,500    

'ஆதவன்' 💚மார்ச் 16, 2025. 💚ஞாயிற்றுக்கிழமை  

"புத்தியீனமான தர்க்கங்களையும், வம்சவரலாறுகளையும், சண்டைகளையும், நியாயப்பிரமாணத்தைக்குறித்து உண்டாகிற வாக்குவாதங்களையும் விட்டு விலகு; அவைகள் அப்பிரயோஜனமும் வீணுமாயிருக்கும்." ( தீத்து 3 : 9 )

தர்க்கங்கள், வம்ச வரலாறுகள் குறித்தச்  சண்டைகள், வாக்குவாதங்கள் இவைகளை தேவன் விரும்புவதில்லை. இன்று பல  கிறிஸ்தவர்களிடையே இத்தகைய தர்க்கங்களும் வாக்குவாதங்களும் நிலவுவதை நாம் பலவேளைகளில் காணலாம். தாங்கள் விசுவாசிக்கும் திருச்சபைப்பிரிவின்  கோட்பாடுகள்தான் சரியானவை, வேதபூர்வமானவை என்பதனை உறுதிப்படுத்தவே இந்தச் சண்டைகளும் வாக்குவாதங்களும். ஆனால் "அவைகள் அப்பிரயோஜனமும் வீணுமாயிருக்கும்." என்று இன்றைய தியான வசனம் கூறுகின்றது. 

கிறிஸ்து இயேசு அளிக்கும் மீட்பு அனுபவம்தான் மெய்யேத்தவிர தேவையற்ற வாக்குவாதங்கள் உபயோகமற்றவை. அத்தகைய வாக்குவாதங்கள் நமது ஆவிக்குரிய வாழ்வுக்கு எந்த நன்மையையும் கொண்டுவரப்போவதில்லை. எனவேதான் அப்போஸ்தலரான பவுல், "இயேசுகிறிஸ்துவை, சிலுவையில் அறையப்பட்ட அவரையேயன்றி, வேறொன்றையும் உங்களுக்குள்ளே அறியாதிருக்கத் தீர்மானித்திருந்தேன்." ( 1 கொரிந்தியர் 2 : 2 ) என்று கூறுகின்றார்.

கிறிஸ்து தனது இரத்தத்தால் சம்பாதித்த மீட்பினை ஒருவரும் கெட்டுப்போகாமல் அனைவரும் பெறவேண்டும் என்பதே தேவனுடைய சித்தம். இயேசு கிறிஸ்துவின் இரண்டாம் வருகை தாமதமாவதற்கு இதுவும் ஒரு காரணம். இதனை அப்போஸ்தலரான பேதுரு, "தாமதிக்கிறார் என்று சிலர் எண்ணுகிறபடி, கர்த்தர் தமது வாக்குத்தத்தத்தைக்குறித்துத் தாமதமாயிராமல்; ஒருவரும் கெட்டுப்போகாமல் எல்லாரும் மனந்திரும்பவேண்டுமென்று விரும்பி, நம்மேல் நீடிய பொறுமையுள்ளவராயிருக்கிறார்." ( 2 பேதுரு 3 : 9 ) என்று கூறுகின்றார்.

பெரிய பாரம்பரிய கிறிஸ்தவ சபைகளைத்தவிர உலகினில் இரண்டாயிரத்துக்கும்  மேற்பட்டக் கிறிஸ்தவப் பிரிவுகள் உள்ளன. இதுதவிர தனிநபர் ஊழியங்களுக்குக் கணக்கே இல்லை. எல்லோரும் தங்களது கோட்பாடுகளை உறுதிப்படுத்த முயன்று கொண்டிருந்தால் கிறிஸ்துவை யார்தான் அறிவிப்பது? எனவே,  புத்தியீனமான தர்க்கங்களையும், சண்டைகளையும்,   வாக்குவாதங்களையும் விட்டு விலகவேண்டியது அவசியமாய் இருக்கிறது. 

கிறிஸ்து நமக்குள் வரும்போது நமக்குள் மிகப்பெரிய மாற்றம் ஏற்படும். கிறிஸ்துவின்மேல் ஒரு தீவிர அன்பு ஏற்படும். அப்படி ஏற்படும்போது மற்ற காரியங்களை நாம் கவனிக்கமாட்டோம். அப்படி கிறிஸ்து ஒருவனுக்குள் வரவில்லையானால் அவன் தர்க்கம் செய்பவனாகவே இருப்பான். பாரம்பரிய சபையிலுள்ள சில குருக்கள் பிற சபைகளுக்குச் செல்லும் மக்களை "வழி தப்பிய ஆடுகள்" என்றும் பிற சபை ஊழியர்களை "ஆடுதிருடர்கள்" என்றும் பிரசங்கிப்பதைக் கேட்டிருக்கிறேன். இதற்குக் காரணம் இவர்கள் இன்னும் கிறிஸ்துவை அறியவில்லை என்பதே. 

இதுபோலவே சில பெந்தேகோஸ்தே சபைகளில் பாரம்பரிய சபைகளுக்குச் செல்லும் மக்களை, "நரகத்துக்குச் செல்லும் கூட்டம்" என்று கூறுகின்றனர்.  அதாவது ஆவிக்குரிய சபை என்று தங்களைக் கூறிக்கொள்ளும் இத்தகைய பெந்தேகோஸ்தே சபைகள் ஆவியில்லாத சபைகளே. 

எனவே அன்பானவர்களே, நாம் இத்தகைய தவறான வாக்குவாதங்களில் ஈடுபடாமல், இத்தகைய பேச்சுகளுக்குச் செவிகொடாமல் ஆண்டவராகிய இயேசு கிறிஸ்துவையும் அவரது அன்பையும் மட்டும்  வாழ்வில் ருசிக்கக் கற்றுக்கொள்வோம். "அன்றியும் நான் உங்களுக்குச் சொல்லுகிறேன்: மனுஷர் முன்பாக என்னை அறிக்கைப்பண்ணுகிறவன் எவனோ, அவனை மனுஷகுமாரனும் தேவதூதர் முன்பாக அறிக்கைபண்ணுவார்." ( லுூக்கா 12 : 8 ) என்கிறார் ஆண்டவராகிய இயேசு கிறிஸ்து. வீண் வாக்குவாதங்களிலும்  சண்டைகளிலும் ஈடுபடாமல் கிறிஸ்துவை அறிக்கைபண்ணும் சாட்சியுள்ள வாழ்க்கை வாழ முயலுவோம். 

தேவ செய்தி :- சகோ. எம். ஜியோ பிரகாஷ்                        

Scripture Meditation - Number: 1,500

AATHAVAN💚 March 16, 2025 💚 Sunday

"But avoid foolish questions, and genealogies, and contentions, and strivings about the law; for they are unprofitable and vain." (Titus 3:9, KJV)

God does not desire arguments, disputes over genealogies, or contentious debates about the law. Today, we often see such disputes and arguments among many Christians. These conflicts arise as people try to prove that the doctrines of their particular church denomination are correct and biblical. However, today’s meditation verse reminds us, "They are unprofitable and vain."

The salvation experience offered by Christ Jesus is the only truth, and unnecessary arguments are of no use. Such disputes will not bring any benefit to our spiritual lives. This is why the Apostle Paul said, "For I determined not to know anything among you, save Jesus Christ, and him crucified." (1 Corinthians 2:2, KJV)

It is God’s will that no one should perish but that everyone should receive the salvation Christ obtained through His blood. This is also one of the reasons for the delay in the second coming of Jesus Christ. The Apostle Peter explains this: "The Lord is not slack concerning his promise, as some men count slackness; but is longsuffering to us-ward, not willing that any should perish, but that all should come to repentance." (2 Peter 3:9, KJV)

Apart from the major traditional Christian denominations, there are over 2,000 Christian sects in the world. Beyond this, there are countless individual ministries. If everyone is busy trying to prove their doctrines, who will preach Christ? Therefore, it is essential to avoid foolish arguments, disputes, and contentious debates.

When Christ comes into our lives, a great transformation occurs within us. A deep love for Christ will arise, and when that happens, we will not focus on other things. If Christ has not truly entered a person’s heart, they will remain argumentative. I have heard some priests from traditional churches refer to people who join other churches as "lost sheep" and ministers of other churches as "sheep stealers." The reason for this is that they have not yet truly known Christ.

Similarly, in some Pentecostal churches, they label those who attend traditional churches as "a crowd heading to hell." This means that these so-called "Spirit-filled" Pentecostal churches are, in reality, devoid of the Spirit.

Therefore, dear friends, let us not engage in such erroneous debates or lend an ear to such talk. Instead, let us learn to savor the love of the Lord Jesus Christ in our lives. "Also I say unto you, Whosoever shall confess me before men, him shall the Son of man also confess before the angels of God." (Luke 12:8, KJV) Let us strive to live a life of testimony, proclaiming Christ, rather than engaging in vain arguments and disputes.

Gospel Message: Bro. M. Geo Prakash                          

❤️Meditation verse - மீகா 6 : 8 / Micah 6:8

 வேதாகமத் தியானம் - எண்:- 1,499    

'ஆதவன்' 💚மார்ச் 15, 2025. 💚சனிக்கிழமை  

"மனுஷனே, நன்மை இன்னதென்று அவர் உனக்கு அறிவித்திருக்கிறார்; நியாயஞ்செய்து, இரக்கத்தைச் சிநேகித்து, உன் தேவனுக்கு முன்பாக மனத்தாழ்மையாய் நடப்பதை அல்லாமல் வேறே என்னத்தைக் கர்த்தர் உன்னிடத்தில் கேட்கிறார்?" ( மீகா 6 : 8 )

இன்று மனிதர்கள் செய்யும் பக்திச்  செயல்பாடுகளுக்குக் குறைவில்லை. தெருவுக்குத் தெரு கோவில்களும், அந்தக் கோவில்களில் நடைபெறும் ஆராதனைகளும், ஆலயக் காரியங்களுக்கு என மக்கள் ஓடிஓடிச் செய்யும் பல்வேறு பக்திச் செயல்பாடுகளுக்கும் குறைவில்லை. ஆனால் நாட்டில் நடைபெறும் குற்றச் செயல்பாடுகளுக்கும் குறைவில்லை. ஆன்மிகம் மெய்யாக அதிகரித்துள்ளது மெய்யென்றால் நாட்டில் பாவக்காரியங்கள் குறைந்திருக்கவேண்டும்.

இதன்மூலம் நாம் அறிவது, மக்கள் ஆன்மிகம் என்று எண்ணிக்கொள்ளும் காரியங்கள் மெய்யான ஆன்மீகக் காரியங்களல்ல;  அவர்கள் தேவ நோக்கத்தைச் செய்யாமல் தங்களது மனது எண்ணியபடி சில செயல்பாடுகளைச்  செய்து தங்களை ஆன்மீகவாதிகள் என்று காட்டிக்கொள்கின்றனர். அதாவது ஆன்மிகம் எனும் பெயரில் சில சரீர ஒடுக்கச் செயல்பாடுகளைச்  செய்து அதனால் தேவனைத் திருப்திப்படுத்தலாம் என்று எண்ணிக்கொள்கின்றனர். இன்று மனிதர்கள் செய்யும் பல காரியங்கள் இத்தகையதே.

எனவேதான் அப்போஸ்தலரான பவுல், "மனுஷருடைய கற்பனைகளின்படியும் போதனைகளின்படியும் நடந்து: தொடாதே, ருசிபாராதே, தீண்டாதே என்கிற கட்டளைகளுக்கு உட்படுகிறதென்ன? இவையெல்லாம் அநுபவிக்கிறதினால் அழிந்துபோகுமே. இப்படிப்பட்ட போதனைகள் சுய இஷ்டமான ஆராதனையையும், மாயமான தாழ்மையையும், சரீர ஒடுக்கத்தையும் பற்றி ஞானமென்கிற பேர்கொண்டிருந்தாலும், இவைகள் மாம்சத்தைப் பேணுகிறதற்கே ஒழிய மற்றொன்றிற்கும் பிரயோஜனப்படாது." ( கொலோசெயர் 2 : 21 - 23 ) என்று கூறுகின்றார். 

ஆம் அன்பானவர்களே, குறிப்பிட்டக் காலங்களில் ஒரு சில உணவுகளைத் தவிர்ப்பது, உள்ளத்தில் மெய்யான பக்தியில்லாமல், எல்லோரும் செய்கிறார்களே என்று  பணிந்து குனிந்து வணங்குவது, தாடி வளர்ப்பது,  இவைபோன்ற செயல்களை ஞானம் என்று எண்ணிக்கொள்கின்றனர். ஆனால் இவைபோன்ற செயல்கள் ஞானமென்கிற பேர்கொண்டிருந்தாலும், இவைகள்  நமது உடலைப் பேணலாமேத்தவிர இவைகளால் வேறு பயனில்லை. 

அப்படியானால் எதுதான் தேவன் விரும்புவது? அதனையே இன்றைய தியான வசனம் நமக்குக் கூறுகின்றது, "மனுஷனே, நன்மை இன்னதென்று அவர் உனக்கு அறிவித்திருக்கிறார்; நியாயஞ்செய்து, இரக்கத்தைச் சிநேகித்து, உன் தேவனுக்கு முன்பாக மனத்தாழ்மையாய் நடப்பதை அல்லாமல் வேறே என்னத்தைக் கர்த்தர் உன்னிடத்தில் கேட்கிறார்." என்று. அதாவது நாம் செய்யவேண்டிய காரியங்களைத்  தேவன் நமக்குக் கட்டளைகளாகத் தந்துள்ளார். அவற்றைக் கடைபிடித்து, நீதி, நியாயம், இரக்கம் கொண்டு தேவனுக்குமுன் மனத்தாழ்மையாக நடப்பதையே தேவன் விரும்புகின்றார். 

"இனி வீண் காணிக்கைகளைக் கொண்டுவரவேண்டாம்; தூபங்காட்டுதல் எனக்கு அருவருப்பாயிருக்கிறது; நீங்கள் அக்கிரமத்தோடே ஆசரிக்கிற மாதப்பிறப்பையும், ஓய்வு நாளையும், சபைக்கூட்டத்தையும் நான் இனிச்சகிக்கமாட்டேன். உங்கள் மாதப்பிறப்புகளையும், உங்கள் பண்டிகைகளையும் என் ஆத்துமா வெறுக்கிறது; அவைகள் எனக்கு வருத்தமாயிருக்கிறது; அவைகளைச் சுமந்து இளைத்துப்போனேன். நீங்கள் உங்கள் கைகளை விரித்தாலும், என் கண்களை உங்களைவிட்டு மறைக்கிறேன்; நீங்கள் மிகுதியாய் ஜெபம்பண்ணினாலும் கேளேன்; உங்கள் கைகள் இரத்தத்தினால் நிறைந்திருக்கிறது. உங்களைக் கழுவிச் சுத்திகரியுங்கள்; உங்கள் கிரியைகளின் பொல்லாப்பை என் கண்களுக்கு மறைவாக அகற்றிவிட்டு, தீமைசெய்தலை விட்டு ஓயுங்கள்" ( ஏசாயா 1 : 13 - 16 ) என்கிறார் தேவனாகிய கர்த்தர். 

ஆம் அன்பானவர்களே, பக்திச்  செயல்பாடுகள் என்று பலமணிநேரங்கள் தேவையற்ற செயல்பாடுகளில் மூழ்கி அப்படிச் செய்வதால் தேவன் நம்மேல் பிரியமாய் இருப்பார் என்று நம்மை நாமே ஏமாற்றிக்கொள்ளாமல் தேவனுக்கேற்ற ஆவிக்குரிய மனிதர்களாக வாழ முயலுவோம்.  அரசியல் தலைவர்கள் ஒருவேளை இவைகளை விரும்பலாம், நமது தேவன் அரசியல் தலைவரல்ல, அவர் ஆத்தும மீட்பர்.

தேவ செய்தி :- சகோ. எம். ஜியோ பிரகாஷ்                        

Scripture Meditation - No. 1,499
AATHAVAN 💚 March 15, 2025 💚 Saturday

"He hath shewed thee, O man, what is good; and what doth the LORD require of thee, but to do justly, and to love mercy, and to walk humbly with thy God?" (Micah 6:8, KJV)

Today, there is no shortage of religious activities among people. There are temples on every street, and the worship services and rituals conducted in these temples are abundant. People run around tirelessly, engaging in various acts of devotion and religious activities. Yet, there is no decrease in the crimes committed in the land. If spirituality were truly increasing, the sins in the nation should have decreased.

This shows us that what people consider as spirituality is not true spiritual work. They are not fulfilling God's purpose but are instead performing certain actions according to their own thoughts, presenting themselves as spiritual individuals. In the name of spirituality, they engage in some forms of physical austerity, thinking that by doing so, they can please God. Many of the actions people perform today fall into this category.

This is why the Apostle Paul says, "Touch not; taste not; handle not; which all are to perish with the using; after the commandments and doctrines of men? Which things have indeed a shew of wisdom in will worship, and humility, and neglecting of the body; not in any honour to the satisfying of the flesh." (Colossians 2:21-23, KJV).

Yes, dear friends, abstaining from certain foods during specific times, bowing and worshipping without genuine devotion in the heart, growing beards, and similar actions are often mistaken as wisdom. While these actions may appear wise, they only serve to discipline the body and have no other benefit.

So, what does God truly desire? Today's meditation verse tells us, "He hath shewed thee, O man, what is good; and what doth the LORD require of thee, but to do justly, and to love mercy, and to walk humbly with thy God?" (Micah 6:8, KJV). In other words, God has given us commandments to follow: to act justly, to love mercy, and to walk humbly before Him. This is what God desires from us.

"Bring no more vain oblations; incense is an abomination unto me; the new moons and sabbaths, the calling of assemblies, I cannot away with; it is iniquity, even the solemn meeting. Your new moons and your appointed feasts my soul hateth: they are a trouble unto me; I am weary to bear them. And when ye spread forth your hands, I will hide mine eyes from you: yea, when ye make many prayers, I will not hear: your hands are full of blood. Wash you, make you clean; put away the evil of your doings from before mine eyes; cease to do evil." (Isaiah 1:13-16, KJV).

Yes, dear friends, let us not deceive ourselves by thinking that God will be pleased with us if we spend hours in meaningless religious activities. Instead, let us strive to live as spiritual people who are pleasing to God. Political leaders might desire such actions, but our God is not a political leader; He is the Savior of souls.

Gospel Message: Bro. M. Geo Prakash